... ربيع الثابت ...
...::| عباسي مشارك |::...
«•عدد المشاركات•» : 17
«•my mms•» : 
«•my sms•» : اهلاً بكم في المنتدى الرسمي
للفنان السعودي
عبآس ابراهيم
|| علم بلآدي || : 
«•نقـآطي•» : 25
|| قيمني || : 3
 | | موضوع: " مجموعة قصائد غنائية بقلمي رقم (2) " الجمعة يونيو 03, 2011 8:04 am | |
| مجموعة قصائد غنائية من تأليفي حبيت اجمعها و اهديها لكم
( وش يفيد )
وش يفيد .. ؟
إنني بالحيل صادق
عقب ماصار اللي صار
إنتهى كل الكلام
مايفيد
مايفيد
وش يفيد .. ؟
إنني بالحيل عاشق
ماقدرت أخذ قرار
انتهى معنى الغرام
مايفيد
مايفيد
.............................................
ليتها تمضي حياتي للأمـــان .. ذكرياتـك لــي ألـــــم
ليتني القى وجودي والحـنان .. عايشن بـيـن الوهـم
إنــتي أقســـــى مـارأيت
مــايـفـيـــــدك هالعنا
ياجـروحــــي اكتـــفـيــت
حابس دمـــــوعي انا
عقب ماصار اللي صار
انتهى كل الكلام
وش يفيد .. ؟
مايفيد
..............................................
إذا كان الصدق هذي نهاياته
لاخير .. لاخير
وإذا كان العشق يحلى بزلاته
لاخير .. لاخير
ليتك يادنيا المحبه تزوريني
يكفيني من هالظلام
على دروب السعادة توديني
اعطيني نور وسلام
فارقت عيني الهموم .. بعـد ما فارقتــها
عانقت روحي النجوم .. الحقيقه شفـتها
عقب ماصار اللي صار
إنتهى كل الكلام
وش يفيد .. ؟
مايفيد
.............................................................................
" انين الهمس "
ياللأسف غابت 00 حروف الكلام
كان الليل خافت 00 في سجن الظلام
ان تسابقت الهلاك يسبقني
وان تخايلت الصباح يكذبني
.. في دنيا الزحام
اسمع انين الهمس
يجمع صداه الأمس
يكتب نهارك ليل
حتى مغيب الشمس
يا ألم كلي ندم 00 ضيعني الطريق
خانني صدق الوهم 00 واحساس الغريق
استعجلتي جرحي ليه ..!!
جرعتيني طعم الويل
صدرالعالي وبطن الوادي
افحمتيني نار وليل
اسمع انين الهمس
يجمع صداه الأمس
يكتب نهارك ليل
حتى مغيب الشمس
اجمعيني في مسارات الحزن
اجعلي همي على كفي اشيلة
ابعديني عن مدارات الزمن
اجرحي قلبن تزايد في غليلة
اسقي جوفي مر كاسك
كان موتي هو خلاصك
دنيتي بعدك نهاية
والنهاية في بعادك
اسمع انين الهمس
يجمع صداه الأمس
يكتب نهارك ليل
حتى مغيب الشمس
.............................. ..........
"الجرح العتيد"
اهتديت الشوق لحظه
لوبغاني الجرح لحظات
انكسر طيف الثواني
وإلتقيت العشق ساعات
وش هو زاد الليل عتمه
غيرها جروح وشموع
حابس الأنفاس نجمه
والمطر ينزف دموع
الغرام اللي بغيته وصلته
والكلام اللي تجاهلته نسيته
لابس الثوب الجديد
إلتهى الجرح العتيد
****************************
ياغاية الحسن البديع
ابغى يديك اضمها
انتي السكون انتي الهجيع
يافرحتي وياهمها
ماتختلف نار وحريق
مابختلف نور ونهر
اكتويت بنار
وارتويت انهار
وان سكنت الدار
ماتجاوز عقرها
الغرام اللي بغيته وصلته
والكلام اللي تجاهلته نسيته
لابس الثوب الجديد
إلتهى الجرح العتيد
****************************** ************
بين الوصل والبعد اسراروكلام
مايعرف القصة سوى من عاشها
تصويرها بين البشر وسط الزحام
متنوعه بين الدروب اشكالها
الهوى جاب التواصيف البعيدة
وش يضير القلب يوم انه غدى
يوصل الغيمه على متن القصيده
مايخاف ولاتراجع ولا هدى
ماعاد يمدينا الرجوع
صرنا بمحطات النهاية
الحب علمنا الخضوع
هذي نهايات الحكاية
الغرام اللي بغيته وصلته
والكلام اللي تجاهلته نسيته
لابس الثوب الجديد
انتهى الجرح العتيد
**********************
( عذب الكلام )
عاهدتني عهد الغرام
صدقت واعمتني المشاعر
اسقيتني عذب الكلام
ابدعت وغرتني المظاهر
والنتيجة بعدها ...
اني جسد من غير روح
واني بحر كله جروح
وانك تخليني وتروح
هذي حياتي بعدها ..
.............................. ...........
حتى يومك تجرحيني كنت احبك
لو كذبتي لو غدرتي كنت احبك
حبي صادق ماهو صورة
حبي راسخ من جذورة
من هو مثلك كل همة
يروي نفسة من غرورة
كنت اظنك صادقة
في عيوني غارقة
والنتيجة بعدها ...
اني جسد من غير روح
واني بحر كله جروح
وانك تخليني وتروح
هذي حياتي بعدها ..
.............................. .............................. .............
كنت ادور لك عذر في كل شي
حتى لو قصرتي في بعض العطاء
لو خسرت الدنيا لأجلك ماهي شي
الوهم غطى عيوني بلا غطاء
كنت احسك انتي بيتي
ان ضحكتي وان بكيتي
وان رأيت الليل عتمه
هذا يعني مارضيتي
سامحيني ياعيوني
بمنعك واعطي شجوني
واطفي شمعات المحاجر
وابري جسمي من طعوني
والنتيجة بعدها ...
اني جسد من غير روح
واني بحر كله جروح
وانك تخليني وتروح
هذي حياتي بعدها ...
.............................. ....................
" خلك على جوك "
خلك على جوك كذا
قاسي المشاعر والحنين
مادام تفكيرك غدى
إنك تذوقني الأنين
قلبي يفيض من الهوى
وقلبك الم طاغي دفين
إنت الألم وإنت الدوى
كل القسى لأجلك يلين
تبعد ولا عندك سبب واحد
تنسى وانا دربي معك واحد
اه منك ياغريب
اه منك ياغريب
خلك على جوك كذا
هجرك جرحني وإلتوى
كل المسافة خطوتين
حبك وسط قلبي ارتوى
ساكن معي في كل حين
الجرح ذابحنا سوى
هذا حزين وذا حزين
إسأل زمانك ياترى
من علمك تنسى السنين
تبعد ولا عندك سبب واحد
تنسى وانا دربي معك واحد
اه منك ياغريب
اه منك ياغريب
خلك على جوك كذا
إن كان ظنك ضعف مني شكوتي
ظنك خطأ
وإن كان وهمك رمش عينك دنيتي
وهمك خطأ
انا ماابيك
افرح تراني ماابيك
بس كلمتين عندي عسى تكفيك
دامك تبيع بعتك ولا ا شريك
ودامك رخصت الحب
ماتسوى دموعي
وش لون صرت انتى كذا
تبعد ولا عندك سبب واحد
تقسى وانا دربي معك واحد
آه منك ياغريب
آه منك ياغريب
خلك على جوك كذا
.............................. ........................
" انتي الأساس "
الليل يطرب على مغنى حبيبي
القلب يتعب إذا شمسه تغيبي
ياللي تخيلتك معي نجمة على شط الحروف
يكفي تخيلتك معي لو ماتجاوزت الظروف
انتي الأساس
انتي الزمان اللي ملكني من زمان
انتي مكاني إذا تعذرني المكــــــان
انتي حدودي وخارطة درب الأمان
في سكونك حالمة
في جنونك منطقية
في حديثك ناعمة
في حنانك عبقرية
تحتويني لو بغيتي تجمعيني
وتنثريني لابغيتي تبعثريني
اغفى بحضنك
لامن تكدر مزاجي
اهنى برمشك
يملأ حياتي ابتهاجي
.............................. .............................. .........
من ينصفك في وصف حسنك
دامك تعديتي الجمال
من يرسمك لاصار رسمك
فكرة من افكار الخيال
ان كنتي جرحي انا ترى منك ولك
راضي بجموحك وانكسارات المشاعر
وان كنتي فرحي انا تراني اعشقك
راضي بطموحك وانعطافات المعابر
تحتويني لو بغيتي تجمعيني
وتنثريني لا بغيتي تبعثريني
اغفى بحضنك
لامن تكدر مزاجي
اهنى برمشك
يملأ حياتي ابتهاجي
.............................. .............................. ............
ياجميلة كيف يرضيكي عذابي
تطعنيني في كياني وتهربين
ياجميلة إنني منكي اعاني
تسرقي مني فؤادي وتضحكين
حظي معك من يشبهك في روعتك
من يوصلك من يهزمك في سطوتك
نظرة عيونك علاجي
لبيتي كل احتياجي
هذا اعترافي وياعسى يروي غضب روحك علي
هذا انكسافي وماغدى مني فلا تقسي علي
سامحيني واغفري لي وبعد حبك ماعلي
تحتويني لو بغيتي تجمعيني
وتنثريني لابغيتي تبعثريني
اغفى بحضنك
لامن تكدر مزاجي
اهنى برمشك
يملأ حياتي ابتهاجي
.............................. .............................. .....
" هلاك "
هلاك ..
جرحي اوردني الهلاك
كفاك ..
الألم جاوز كفاك
المرارة ساكنة قلبي ونبضي
فاقت ارجاء الحياه ..
خالفتني رحلتني والوقت يمضي
ضيع العاشق رجاه ..
مابقى الاهواك
اروي عيني من حلاك
ماابي للفرقى طاري
هذا يعني لي هلاك
000000000000000000000000
اجتمع في صدري الحزن الكبير
اجاهر بفرحي واضامر حيرتي
تحترق وجناتي من دمعي الغزير
اغامر بجرحي واخافي لوعتي
الزمان فيني استدار
ذقت نور وذقت نار
خطوتي تجهل مصيري
ماقدرت اخذ قرار
مابقى الا هواك
اروي عيني من حلاك
ماابي للفرقى طاري
هذا يعني لي هلاك
0000000000000000000
يااحاسيس المشاعر رجعي ليلي القديم
لوتعرفين السراير تورق الأرض الهشيم
ماتهيبت الصعايب طول عمري
مركبي واصل على رغم الهبايب
ان تحدتني اللهايب جوى صدري
انظم حروفي على وزن الحبايب
تسقي الغيمة كفوفك
عينك ورمشك سيوفك
حابسك خصرك يطوفك
فاتنة في كل لحظة ..
مابقى الا هواك
اروي عيني من حلاك
ماابي للفرقى طاري
هذا يعني لي هلاك
.............................. ..............................
" الحقيقة "
الحقيقة ان بغيتي
طالت اسباب العذاب
عانق الفرحة سراب
ليلتي الدهماء طوتني
جوفها بحور وعميقة
ماقدرت انسى حروفك
نظرتك لمسة كفوفك
مالكة فكري المعنى
دمعتي صارت رفيقة
الحقيقة ان بغيتي
خوفي محتاج لأمانك
مااعيش الا زمانك
وان حرمتيني وجودي
اشتعل جوفي حريقة
ياطموحي وحيرتي
خانقتني عبرتي
من رحلتي وقلبي جامح
إمتلأ حسرة وضيقة
الحقيقة ان بغيتي
ماعرفتك الا قاسي
وحشتك جمرالمآسي
اختفيت الليل باكر
ولاح نجمك في طريقة
بينها وبينك اشوفك
جاوزت صدقك طيوفك
قلبك القاسي ذبحني
روحي في بحرك غريقة
الحقيقة ان بغيتي
يوم غبتي عن حياتي
غيبتني ذكرياتي
صرت احس الكون ظالم
بعدك انتي مااطيقة
يمكن الحيرة تفارق
تنجلي كل الحقايق
ارمي قلبي في حنانك
وانتي اطباعك رقيقة
الحقيقة ان بغيتي
لانجوم ولاكواكب
لابحور ولا مراكب
لاقيود ولا اساور
ضيع العاشق طريقة
أصدقيني في وعودك
واسجنيني في حدودك
وامنعيني من عذابي
ارفقي بي يالعشيقة
اعرفي معنى الحقيقة
انتي ياسور المحاسن
انتي يانور الأماكن
التجي بك واحتمي بك
يابعد كل الخليقة
.............................. .............................. .......................
" ياهي خسارة "
اهديتك الحب العظيم
اسقيتني الجرح الأليم
اصدق معك تكذب معاي
من علمك تجحد هواي
اشتاق ولكن يمنع الشوق الكبر
اكتب ولكن ضيع الجرح السطر
هانت على قلبك دموعي ؟؟
تبغين اعلن لك خضوعي ؟؟
ياحسرتي هذي نهاية رحلتي
ياهي خسارة
.................
........
.....
عامين ابكي في غيابك
وانتي ماتدرين
أدري أنا فرقاك موتي
وانتي ماتدرين
لا تشعلين القلب نارك و العذاب
لا تحسبين العشق ينهيه الغياب
ادري ان الخوف قاسي
وادري انك تاج راسي
وانتي ماتدرين
اخطيت يوم اني توقعتك ملاك
اقفيت عني وهانت دموعي عليك
اعطيت من عمري ازايد في غلاك
ماجيت عندي ومابغى قلبي يجيك
انتي اخترتي العنى
جاوز الظلم المدى
ياحسرتي هذي نهاية رحلتي
ياهي خسارة
.................................................. .................................................. .....
" اخر قصيدة "
الصمت خير من الكلام
في ساعة الليلة الأخيرة
مات الفجر واحيا الظلام
يا لحظة الفرق الكبيرة
هجرت انا صدق الشعور
ماهمني سطر التجافي
كسرت انا قيد الغرور
ماهمني عجز القوافي
اسمعي صوتي ذبل
جرحي طاولني الأجل
اتركيني في مصيري
يمكن القى لي امل
اخترت انا الجرح وعذابي
طويت انا صفحة كتابي
اعلنتها .. آخر قصيدة
كل الظروف تحكم على حبي وحبك بالفشل
انتى تخون وانا ازرع في صحاريك الأمل
لك خاطر .. ولي خاطر ..
في جونا متشابهين
تشتاق لي .. واشتاق ..
وقت اللقاء متباعدين
امشي على دربك معك
اقهر جميع المستحيل
القى طموحك يمنعك
اصحى على جوي العليل
مابعد هالقسوه قسى
ماظنتي قلبي نسى
وماظنتي مثلك بشر
ماعادت الدنيا تجود
جرحي تعدته الحدود
اخترت انا الجرح وعذابي
طويت انا صفحة كتابي
اعلنتها .. آخر قصيدة
.................................................. ...............
" اخترت البعاد "
لاتجيني دامك اخترت البعاد
البعاد اللي قصم ظهر البعير
اتركيني ليتني القى الوداد
الوداد اللي جبر عظم الكسير
زاد فيني جرحك بوقت الشداد
الشداد اللي مثل ضرب الشطير
تشتكيني حاجتي وقف المداد
المداد اللي عصى جلب الكثير
ياسنيني طالت اسباب الكساد
الكساد اللي طغى وقت العسير
من ونيني ضاعت علوم الرشاد
الرشاد اللي كسى عقل الكبير
ساعديني واحملي ثقل العتاد
العتاد اللي سقى جوف المرير
ياحنيني شابهك طير الهداد
الهداد اللي على فوق الضمير
ياضنيني وش يفيدك هالعناد
العناد اللي طوى قدر العشير
.................................................. ........................
" استاحشت روحي "
اسـتـاحــشــت روحــــــي بـــعـــد غــيــبــة ســنــاهـــا
شوقي ذبحني واشتكى صوت "ن" يناديه
ان جـامـلــت حــظــي جـمــايــل مـــــن عـطــاهــا
الـقــى خـطـوبـن غــــر بــلــت حــظــي طــواريــه
يــاكــبــرهـــا عــــنـــــد الــجــمــايـــع مـــــــــن ســـفـــاهــــا
عـيـنــي سـهـيــرة والــهــوى جــــرح "ن" يـبـاريــه
مـــد الـنـظـر تـلـقـى الـوفــاء بـأقـصــى رجــاهــا
مــن طــاب علـمـه ماظـهـر لـــه مـــن يـعـاديـه
مــــــن غـيــبــتــك عــيــنـــي تـــزايــــد فـــــــي بــكــاهـــا
كــنـــي ضـــريـــر ومــالــقــى مــــــن هــــــو يــقــديــه
مـــاذقـــت زيـــنـــك و الــشــقـــى عــيــنـــي لــفــاهـــا
جـــال الـدمــوع الـلــي عـلــى شـطــك رواســيــه
ارجــــــي ســحــابــك والـــمـــزن تــســقــي جــفــاهــا
مــــن فـيـضــك الــجـــاري تـخـايـلـنـي شـواطــيــه
مــــن بــــرق نـجـمــك ضــيــع سـهـيــل وخـفـاهــا
حـتـى هجـيـر الشـمـس شــف نــورك يـواريـه
الـــــــروح ذابـــــــت والــجــســـد يــمــشـــي حــــداهــــا
جـرحــي لـهـايـب والـغـضـي بـالـرمــش يـبـريــه
عـــيـــنـــي تــــريـــــد الــــنـــــوم ولـــكـــنــــه عـــصـــاهــــا
لامـــن قـضـبـت الـنــوم جـــاء عـقـلــي يـسـريــه
ارفـــــق عــلـــى نـفــســي مــــــادام انــــــك شــفــاهــا
انـــــت الـربــيــع الـــلـــي جـــفـــاء قــلــبــي يـغـطــيــه
هــيــضــتـــنـــي يــــاســــيــــد الــــنــــفــــس وحــــمــــاهـــــا
مـــــــــن لامــــنـــــي فـــالـــحـــب يـــاعـــلـــه يـــجـــاريـــه
.................................................. .................................................. ..
" فوق الحدود "
ياغلى فوق الحدود .. اسمحي لي ياكريمه
ياسنى نور الوجود .. غلطتي كانت عظيمه
غلطتي كانت عقوق
غلطتي خنت الحقوق
ماعرفت اكتب حضور
وانتهى مني الكلام
ماقدرت اوصف شعور
ياضياء وسط الظلام
بوسة كفوفك نجاة .. دعوة حروفك صلاة
يابعد كل الحياة
عمري فداك
يا واحة المسك العريق .. راح اللي راح
للجنة مرضاتك طريق .. ابغى السماح
مامثل حضنك ملاذ .. مابعد قلبك كفن
يابحر غيرك رذاذ .. منزلك عين وجفن
ياخالدة وسط الضمير .. قلبك عطى مثل الغدير
مشتاق لك ياالغالية .. ياليتني طفلن صغير
بوسة كفوفك نجاة .. دعوة حروفك صلاة
يابعد كل الحياة
عمري فداك
.................................................. ..........
"ياشموخ المجد "
ياشموخ المجد ... يانهج السـلام
يابــلاد النـور ... ياخـير البـلاد
وحّد الأّقطار ... شهمٌ لا يُضام
صيرميٌ بارع ٌ ... ليث ٌ جسـور
حقق الإنجاز ... نـورٌ لا ظـلام
مستميتٌ صادق ٌ ... شمسٌ جهور
يا دولة الإسلام
عانقتي السماء
ياصهوة الأمجاد
والدينِ الحنيف
لا تُنكسُ الهاماتُ
يا رمز النماء
يا راية الأجدادِ
والحقِ المبين
زالتِ الأخطارُ عنا
مسلمين لربنا وموحدين
أبـشــري يا دارُ إنا
مؤمنون بنهجنا متسامحين
كلنا مجاهدون
عن الحياض منافحون
عهدنا لا ينجلي
صادقون .. صادقون
كلنا مؤمنون
وللـعقيـدةِ خاضعـون
عزنا في ديننا
مقسمون .. مقسمون
بقــــلمـــي / ربــــيــــع الثــــــــــابـــت | |
|
بنت العسيري
مشـرفة منتدى{../ في حب الله نلتقي ..
«•عدد المشاركات•» : 1893
«•الاقامه•» : In Riyadh
«•المزاج•» : ع’ــاشقــكـ سـلم أمـــره للــ غ’ـــرآآآم...!!
«•مزاجي•» : 
|| علم بلآدي || :
«•نقـآطي•» : 2243
|| قيمني || : 15
| | موضوع: رد: " مجموعة قصائد غنائية بقلمي رقم (2) " الجمعة يونيو 03, 2011 7:40 pm | |
| الله يعطيك العافيـه
قصائد عذبه
..دمت ودآم توآجدك عطرآ لصفحـآت المنتدى..
ولاعدمـنـاروعـتك وتـمـيزك
سلمت الايااااادي | |
|
ẳĻm7ḅah
...::| المرآقبة العآمه |::...
«•عدد المشاركات•» : 7170
«•الاقامه•» : عند عروسة الخليج (الكويت)
«•المزاج•» : أح’بك أموت فيك..!
«•مزاجي•» : 
«•my mms•» : 
|| علم بلآدي || : 
«•نقـآطي•» : 9238
|| قيمني || : 198
| |
... ربيع الثابت ...
...::| عباسي مشارك |::...
«•عدد المشاركات•» : 17
«•my mms•» :
«•my sms•» : اهلاً بكم في المنتدى الرسمي
للفنان السعودي
عبآس ابراهيم
|| علم بلآدي || :
«•نقـآطي•» : 25
|| قيمني || : 3
| | موضوع: رد: " مجموعة قصائد غنائية بقلمي رقم (2) " الإثنين ديسمبر 26, 2011 5:50 pm | |
| | |
|
... ربيع الثابت ...
...::| عباسي مشارك |::...
«•عدد المشاركات•» : 17
«•my mms•» :
«•my sms•» : اهلاً بكم في المنتدى الرسمي
للفنان السعودي
عبآس ابراهيم
|| علم بلآدي || :
«•نقـآطي•» : 25
|| قيمني || : 3
| | موضوع: رد: " مجموعة قصائد غنائية بقلمي رقم (2) " الإثنين ديسمبر 26, 2011 5:53 pm | |
| allm7bah
مساك اجمل
وشكرا على كلامك اللطيف
اتمنى لك الخير والتوفيق | |
|
