مــن روائع سمو الأمير خالد الفيصل...(دايـــم الســـيـــف)

صباح\مســاء الخيراااات

هــذي قصايد من روائع سمو الأمير خالد الفيصل

قصايد مررهـ أحبهــا وحبيت أنــي أنزلها إن شــاء الله تعجبكـــم...




ساري

ساري وأصوّت لك أبيك
النظرة في عيوني تبيك
والرعشة في قلبي تبيك
ساري
شعوري ذا الليلة غريب
كيف الحبيب يشكي حبيب
أنا ملكتك
وأنا فقدتك
ليتني لمّا عرفتك
ما تركتك
ساري
لمّا عيوني عانقوك
في غمضة وحده ضيّعوك
اسأل زماني و المكان
واجمع سواليف الحنان
أنا ملكتك
وأنا فقدتك
ليتني لمّا عرفتك
ما تركتك
ساري
قلبي و ليلي به سرى
واللي جرى لي ما جرى
أمشي وأدور في الوجوه
تايه عيونك توّهوه
ساري..

خالد الفيصل






اجاذبك الهوى و أطرب و أغنّّي

و أبـادلـك الـغــرام بـكــلّ فـنّــي

و اشاهد صنعة الله فـي جمالـك
و حـكـم الــذي فـيــك امتـحـنّـي

و أشوف الـودّ فعيونـك و لاكـن
يــرد الــودّ خــوفٍ فـيـك مـنّــي

ولا أدري وش يخيفك يا حبيبي
و أنـا بـك مغـرمٍ جــاك متعـنّـي

ولـو أنـك تلاحـظ شفـت عيـنـي

و هي تروي حديث الحبّ عنّـي

تنـعّـم دام تـــوّك فـــي شـبـابـك
ليالـي العمـر مــا قــطّ أمهلـنّـي

تعال أسقيك من جـدول غرامـي
شــرابٍ فـيـه للـعـاشـق تـهـنّـي

و اهيـم بكـل سمـاوات المحـبّـه
الـيـن أنــك بـعـد مثـلـي تـغـنّـي




شبيه صويحبي..

ياشبيه صويحبـي حسبـي عليـك

كـل مـا ناظـرت عينـك شفـت ذاك

شفت لونه فـي خـدودك والعيـون

في سلامك في كلامك في حلاك

كـل شـي فيـك يطـري بـه علـي

يا حلو بسمة حبيبي فـي شفـاك

مـا هقيـت ان القـمـر مثـلـه قـمـر

لين شفتك يا شبيـه احلـى مـلاك

ليتهـم سمـوك باسمـه واستريـح

كـل مـا نابيتـك اغـلـط فــي نـبـاك





جرح العيون

الله اكبر كيف يجرحـن العيـون

كيف ما يبرى صويب العين ابـد

أحسب أن الرمش لى سَلهم حنون

أثر رمش العين ما ياوي لأحـد

يوم روّح لي نظر عينـه بهـون

فزّ له قلبـي وصفّـق وارتعـد

لفّني مثل السحايـب والمـزون

في عيوني برق وبقلبـي رعـد

نقّض جروحي وجدّد بي طعـون

قلت يكفي قالـت عيونـه بعـد

وانعطف هاك الشعر فوق المتون

وانثنـى عـوده وقفّـى وابتعـد

أشغلتني نظـرة العيـن الفتـون

حيّرتنـي بالتـوعّـد والـوعـد

هي تمون العيـن والا ماتمـون

لى خذت قلبـي وقفّـت ياسعـد

يسلموو غــلــو ع الكلام الراقي..

وهذي مو غريبه من دايم السيف

مبدع دائما وأبدا إن شاء الله

دام قلمكـ يا سيدي لجمهوركـ ومحبيكـ...