اللي يبينا عيت النفس تبيه واللي نبيه عيا البخت لاا يجيبه

هذا طلبك عبووووووووووود


اللي يبينا عيت النفس تبيه واللي نبيه عيا البخت لاا يجيبه
الفصل الاول

كنت مو مصدقة إني داخلة مع بوابة الجامعة....عيوني تلفتت بفرح حولي....رغم أن أبوي قام يلعن ويسب طول الطريق للجامعة بسبة الزحمة....ومن كثر ماعصب وقفني برا... وتهاوش مع السكيروتي اللي قفل البوابة رقم 4...اصغر بوابات الجامعة....بس بالاخير...دخلوني..اول ما دخلت الجامعة....شفت انواع الزززحمة....فوقفت عند كرسي..وحطيت شنطتي عليه...فصخت عبايتي..الجديدة....اللي شريتها خصوصا للجامعة...كانت اطرافها مطرزة بلون احمر...واذكر ان ابوي عصب يوم شافني طالعة من غرفتي بها..بس اقنعته امي...وقالت انها بتروح الجامعة فيها ميب رايحة أي مكان ثاني...طالعت شكلي بالشبابيك المضللة للبوابة..وانعكست صورتي عليها...كنت كاشخة على الاخير...تنورة سوداء جديدة....وقميص ابيض...شاريته من دكني....ههه....ابوي بغا يذبحني يوم شاف سعره..بس بعدين رضا بالامر الواقع..وقال وهو يدفع الحساب...ناقصات عقل....مشطت شعري بيدي...شعري الاحمر مدرج لحد نص ظهري.... تراه احمر طبيعي...من الحنه والله...حطيت من عطري جيوفاني...وطلعت من البوابة....سألت وحدة واقفة بجنب الباب مع خويتها...عن مبنى اللغات والترجمة...فدلتني عليه...طلع مرة قريب من بوابة اربعة...كان قلبي متفرقع من الفرح...حلم حياتي اكون طالبة بجامعة الملك سعود..ولا....مو أي طالبة...طالبة لغات وترجمة...طالبة ترجمة انجليزي...كنت ابي فرنسي....بس رفض ابوي....وقالي مانت بنتي ولا اعرفك إذا دخلت فرنسي...فاضطريت اني اترك لغة الادب والشعر واروح للغة العلم والسياسة...
اول ما دخلت..ارتجفت بسبب المكيفات البااااااااردة اللي تضرب على الظهر....لقيت الساحة فاضية ما فيها احد...طالعت بساعتي...وعرفت اني جيت امبكر... فرحت اديور بالكلية حقتي....ما اعجبتني مرة...صراحة كانت حيل قديمة...ومو كشخة...بس شنسوي...لقيت سيب...دخلته وشفت طاولة كبيرة عليها اوراق خضرة....قعدت اطالع بالاوراق...عرفت انها الجداول فقعدت ادور على اسمي...يوم سمعت صرخة من وراي" ملكة؟....." التفتت اشوف من قال اسمي....لقيت صديقة عمري سارا...فرحت وضميتها بقوة من الفرح وقمنا نصارخ مبسوطين....مو مصدقين...قالت سارا وهي تصفر" وش هالحلا؟؟؟"..." ضحكت وانا ارد عليها" موب احلى منك..." قالت وهي تطالع بنفسها بالقزاز اللي انعكست عليه صورتنا" يا حلوك يا ملكة...ليتني اجي نصك..." ثمن اضافت وهي تمزح" بس انا شحليلي...الجمال مو مطلوب هاليومين.." ضحكت من قلب على رد سارا...يا حليلها والله....اني اموووت عليها...ًصديقة عمري من كنا صغار.... كل احداث حياتي المهمة...شاركتني فيها...الموهيم....اخذنا جداولنا واحنا قاعدين نسولف...ومن حلاة حظنا طلعنا بنفس.... الشعبة بالضبط....رحنا ندور على الشعبة حقتنا بالدور الثالث...عرفت ان سارا...سافرت بالعطلة ل جوهانسبرغ... وقالت وهي امعصبة" وانتي؟؟...وعدتيني تجين جوهانسبرغ ولا جيتي...ليييش؟؟"...رديت عليها ابحرارة وانا احاول ابرر " والله ما قدرت اغير جدول رحلتنا....ابوي كان مخطط على مونتريال...عشان آخذ لغة هناك..." ردت سارا موب مقتنعة" اقوووووووول سكتي....هالحين ابوك....قال كذا...ليش جوهانسبرغ...مافيها معاهد انتي ووجهك..." رديت عليها وانا عارفة ان سارا امعصبة" يا سوسو...يا حبيبتي...ابوي راسه يابس...ماقدرت اقنعه...ماقدرت..اسوي شي...والله..." طالعتني وسكتت....ودخلنا الclass اللي راح ندرس فيه...جلسنا ورا بالركن عند الشبابيك....وعدا اليوم بطوله...ودخلوا علينا الاستاذات من كل الجنسيات...مصرية...سورية..فلسطينية...سعودية..سودان ية...هندية وامريكية...ودعت سارا ابحرارة قبل لا اطلع....وطلعت اراكض لأن ابوي كان يصاااااارخ علي علشان اطلع ابسرعة...دخلت الجيب الاندكروزر... وقلت لبوي وانا اعتذر" السلام عليكم...آسفة...كنت بعيدة شوي..." ما قال ابوي شي....طلع وهو يسب ويلعن... .فحاولت اطلعه من الجو اللي هو فيها... وسولفتله مبسوطة عن استاذاتي...والجداول والزحمة وكل شييي...فبدا ينسى الزحمة اللي كنا فيها قبل شوي...وابوي من الناس اللي يعشق العلم...حتى انه سافر امريكا وتحمل الغربة...عشان ياخذلهم الشهادة اللي يتمنونها...يمكن عشان كذا كان شديد علينا بالدراسه...وكان حالف انه ما يزوجني ليما اخلص ادراستي واتوظف....
رجعنا البيت...فصخت ملابسي... واخذتلي شاور....ولبستلي بيجاما سماوي...ورفعت شعري فووق راسي ذيل حصان....... ورحت بست امي فوق راسها وقعدت اسولف لها عن الجامعة والبنات وكل شييي....طبعا امي حلم حياتها تشوفني بالجامعة عشان كذا كانت مبسووطة على الاخير...ودردشت مع اخواني شوي.. .. واخذت اساعد امي وهي تقشر البطاطا عشان تسويلنا محشي...يا حبيلك يمه والله...ربي اعطاها عيال يموتون عليها...حتى ابوي على انه شديد...إلا انه يحترم امي بشكل كبيييييير.... وما اذكر شفتهم يتهاوشون إلا فيما ندر...وصح ان امي ميب متعلمة...وماعندها غير الشهادة الابتدائية....لكن عمري ما سمعت ابوي يستهتر بافكارها...عشان كذا رغم شدة ابوي...وشخصيته المهيبة كانت اعشقه بجنون واتمنى اتزوج واحد مثله...بعد ما ساعدت امي بالغدا...وتغدينا احلى محشي في الدنيا......روحت لغرفتي.. ودخلت الحمام...فرشت اسناني....ومشطت شعري زيييين...وتمددت على سريري....والافكار تاخذني وتجيبني من فرحتي بالجامعه....بس بعدها...نمممممممت نوم عميق....
كانت هاذي حياتي باختصار...مثل أي بنت سعودية...حياة عادية...هادية...يتخللها بعض المسموحااات والكثير من الممنوعااات...لكني كنت راضية وما اذكر شكيت بيوم لحد....او اعترضت علي شي....هاذي خلقتي...ارضى باي شي..وكانت امي دايم تقول ملكة طالعه لجدتها....راضيه باللي يجي...ودايم اتحمد ربها وتشكره.....ويمكن عشان كذا...كانت ناس كثير تحبني....وشكلي بعد حبوب...الناس تقول كذا موب انا..والله...كنت دايم مبتسمة...واحب الاطفال موووت...ولي عدد مهول من الصديقات..وش اقول ان عايلتي بعد...تتكون من امي وابوي...واخواني الاربعة....كلهم عيال...الاحب لقلبي...هو بندر الصغير...وبعده خالد ومحمد وسلمان...كل واحد من اخواني فيه مميزاته وعيوبه...لكنهم كانوا يحبوني بشكل كبير ويحترموني ويعزوني...وما اذكر انهم كسروا بخاطري ابد.....الموهييم.. خلوكم من الماضي البعيد وخلونا نروح للماضي القريب....عدت علي اول سنة بالجامعة...وخذيت معدل عالي...رفع راس اهلي فيني...وكانت حياتي بعدها حلوة...تتخلها الكثير من الضحكات والقليل القليل من الدموع والبكاء....لكن مافي شيء يتم على حاله بهالدنيا.. انقلبت حياتي فووووووق حدر....او راسا على عقب زي ما يقولون باللغة الفصحى....كنا طايرين من الفرح تو العطلة الصيفية بدت...وقررنا ننزل المدينة وبعدين جدة...وبعدها نروح بالعبارة لمصر....اذكر يوم كنا قاعدين نجهز الشنط....ونسوي الفطاير والقهوة والشاي....عشان الرحلة بررية....مثل ما الوالدة تححب.........لعدة اسباب..منها....ان امي تكره الطيارات...وإذا سافرنا برااا تقعد طول الوقت تقرا قرآن وتسبح...وإذا نامت تشوف كوابيس...فابوي وعدها ان رحلاتنا داخل المملكة...تكون برية.....طلعنا من الرياض...ومسكنا خط القصيم....و.كنا مشغلين المسجل حق السيارة باعلى صوووووت.....على اغنية يا طير لخالد عبدالرحمن...كانت اغنية ابوي المفضلة...وكان حالف إلا يفهم كل كلماتها....طبعا الاغنية اماراتية...وكلماتها شوي صعبة...وانا وابوي نحب الاماراتيين مووووت.. يمكن لأن عمي الكبير...عايش في الامارات من زمان...وتعودنا عليه.....وكنا نصفق انا واخواني الاربعة ونردد ورا ابوي... وامي كانت تقول بصوت عالي يطغى على صوت المسجل" الرجل واعياله استخفوا...نعنبوداركم بدل ما تسمعون لشي يطمئن القلوب...تسمعون لها ال.." كانت بتسب خالد عبدالرحمن ف فزعناله كلنا...هههه...كان شي غبي...بس عاد شنسوي...معجبين فيه الله لا يبلا المسلمين....اذكر اخواني قاموا يحبون راس امي...عشان ما تخلي ابوي يطفي المسجل...وبالاخير وافقت....انا كانت عندي عادة....احب اتامل الصحراء...واحب اقرا اسماء القرى والهجر اللي انمر فيها...بنبان...صلبوخ....اسماء عجيبة غريبة...وعلى كثر ما مرينا من هالخط إلا اني ما حفظتها...قربنا من القصيم وقمنا نناقز مبسوطين...اخيرا راح ننزل من السيارة ونرتاح ونريح...وابوي كان يحب ياخذ راحته بالسفر...عشان كذا بدل الرحلة ما تكون ساعة تصير ساعتين وهكذا.....وصلنا القصيم وريحنا فيها شوووي....وقفنا عبينا بنزين...وشرينالنا عشا من كودو...وواصلنا الرحلة.. بدوا خواني يتسدحون ينامون...واحد على رجلي اليمين والثاني على رجلي اليسار..تركتهم ونقزت ورا عشان ارتاح...ماكان فيه ورا إلا الشغالة حقتنا...صبرية....وكانت قاعدة تقرا قرآن.... كانت رحلة عادية...مثل أي رحلة..بس الخوف...ان الخط كان رايح جاي...وكانت امي تدعي ربي بخوووف...وهي تشوف الشاحنات الكبار...والتريلات....انا ماكنت خايفة ولا خواني الصغار...اللي كانوا قاعدون يتهاوشون.....لكن ابوي...ٌقفل المسجل... وحسيت انه متوتر...بزيادة...وقف على جنب...وكان الظلام يغطي المكان...صلينا...المغرب والعشا...جمع وقصر.....وقام يقرا اذكار وادعية...ونزلوا خواني يتمغطون برا ويركضون شوية...ثمن رجعنا للجيب...وراحوا كلهم في نوم عمييييييق..... وواصلنا الرحلة.... ما ادري شلون اتكلم لكم او احكي لكم عن اللي صار... كانت امي تسولف مع ابوي...وابوي يمازحها ويقولها انه إذا نزل المدينة بيروح يخطب بنت عمه...وكانت معصصبة عليه حيييل وتقوله ترى مزحك بايخ... وبعدين سكتت وبلعت ريقها وسالته بخوف" ابو خالد؟؟؟.." طالعها ابوي قبل ما يرجع ويحط عينه على الطريق" نعم؟؟..." قالت بتردد وهي تحط ايدها على بطنها المنتفخة" يقولون المرة ما تدخل الجنة إلا إذا زوجها راضي عليها؟؟..." وسكتت وكملت وهي تمد له فنجال القهوة" وانت راضي علي يا ابو خالد؟..." ما مدى ابوي يرد عليها بنعم...إلا وانا احس بشي غريب...لحظات مرت علي بسرعة...صدمة قوية....صرخات عالية اسمعها...احاسيس شتى تتصارع فيني...ما ادري ابكي...ولا افكر...كانت تفكيري..مشلوووول...لقيت نفسي خارج الجيب.....والجيب يحترق قدامي... وسمعت صوت امي وهي تصارخ واخواني.. وصبرية....صراخها وصال يرج في اذني.....صرخاتهم والنيران قاعدة تشتعل في اجسامهم...انقبض قلبي....مديت ايدي لهم ...ما قدرت اروحلهم....ما قدرت...كانت التريلا اللي صادمين فيها كبيرة...حييييييل....قعدت صارخ وانا احاول امشي لهم..الخفو شلني....شلني لاخير...حاولت احرك جسمي...لكن ما قدررررت....حاولت ..اتسحب على الارض لهم....مرت دقائق...كنها ساعات....وانا اسمع الاصوات تختفي من قدامي الصرخات...والنار بدت تخمد...والارواح...ارواحهم....ارواح ابوي وامي واخواني......اخواني الصغار وهم يموتون قدامي.. لالالالالالالالالالا......لالالالالالا لا تروحووووووون لا تخلوووووني ...لوحدي....انا احبكم والله...روحت اركض...والنار قاعدة تبلع كل شي قدامي.....يبا سامحنييي...يبا الله يخليك لا تتركني.......كانت طلباتي ي كثييرة.. يمه....يمه حبيبتي...لا تتركين ملكه للحياه الغدارة....انت سندي يمه...والله انا من بعدك ولا شي....خالد....يا خالد اطلع...انا افديك بروووحي...يا خالد....انت تستاهل تعيش اكثر...مني....انت تحب بنت جيرانا....اشواق....واهي قاعدة تنتظر تخرجك عشان تعرسون....محمد....محمد لا تروووووووووح دخيلك لا تموت.....ماكان قصدي اكون قاسية وياك يوم كنا بالرياض...يوم طلبتني الابتوب... والله لعطيك كل شي تبيه....بس لا تروووووووح....قاعد انتحب وانا مو قادرة اسوي شي...بندررر....بندررر....اطلع يا بندرر...اختك لوحدها....قعدت اصااااااااارخ.. صبرررررريه.....صبرررريه...اطلعي يا صبررريه..اهلك ينتظرونك لا تموتين......صبريه شيلي سلمان واطلعوا.....صوتي يقطع الليل ودمووووعي...كان جسمي كله الآلالام لكني ما كنت احس فيها....نار تضرب بصدري....وقلبي يعتصر بالم.....يا الله لها الدرجة الحياة غدارة....تونا كنا مبسوطين نسولف ونضحك....لييييييييييييييييه يا ربيييييييييي؟؟...ليييييييييييييه انا الحية وهم راحووو؟؟؟...هم احق مني بالحياة.....احلامهم اكبر مني....طلباتهم اكثر مني..هم اصغر مني.....ليييييييييييييييييييه.؟؟؟ وقعدت انتحب بصوت عالي....وانا لوحدي بالصحراء اطالع من حولي...الليل والظلام...عبايتي متقطعة....وماشية حافية....حاولت اوصل للجيب اللي انخمدت الاصوات اللي فيه....هالني اللي شفته...جثث منحرررقة....اصابع ابوي متمسكة بأمي... وجثث صغيرة متفحمه...سودا....آآآآآآآآآآآآآآآه.....لالالا....ال له يعافيكم لا....رحت اركض على الخط السريع...ادور مساعدة...يمكن يكونون لسه ما ماتوا....وادعي ربي من كل قلبي...انه ياخذني معهم لو هم راحوا....جت سيارة فيها اربع شباب....يوم شافوني...وقفوا بتردد...رحت لهم وانا اصيييح.....حاولي يفهمون شي ما قدروا...اشرتلهم على التريلا...فوقفوا على جنب ولحقوووني وانا ااشر لهم على السيارة...حاطه ايدي على حلقي....انتفض...انتفض بقوووة...كل مافيني يتألم...روحي ماتت....والله ماتت مع اهلي... قال واحد من الشباب بصوت عالي" لاحول ولا قوة إلا بالله...انا لله واليه راجعون..." صرخت من قلللبي....ابوووووووي...ابووووووي....يبه....انا دونك ولا شي والله....شفت الشباب يقولون كلام وانا مو فاهمة شي...شوي يوم وقفت سيارة ثانية كان فيها عايلة....وبدت السيارات تتجمع....وانا مخنووووووقة....قاعدة اشوفهم يضربون كف بكف...واللي رمى شماغه على الارض وهو يتحسب على سايق التريلا الهندي.. وجا الامن والشرطة.....وما قلت لهم شي....ما قدرت ارد على اسالتهم...وخفففت منهم ومن نظراتهم لي...صدق الدنيا مافيها امان.. حتى وانا محتاسه....وحزينة...في ناس تحاول تحرش فيك...طالعت عباتي المنحررقة...والمتقطعة....حاولت استر نفسي قد ما اقدر....كل اللي حولي رجال.....جاني رجال كبير بالسن...وجهه ابيض ومنور...وقالي يا بنتي...تعالي معي ناخذك لاهلك....رديت وانا ابعد عنه...ماعندي اهلي...هذيلا اهلي...واشرت وانا الدنيا تعصف فيني للاندكرورز اللي فححم...شفت بنت صغيرة تقرب منه وتلزق فيه...وتقوله" بابا..ليش البنت تبكي..؟؟؟"" بعد عني وتوقعته راح ...لكن بعد دقايق او ساعات او ثواني...والله ما ادري....رجع ومعه حرمته اللي اخذت تسحبني وانا اولول واصييييح.. اتركوووووني....خلووووني معاهم....امي حااامل....يمكن تحتاجني.. اخواااني يا ناس....اخواااني....خالد...لا تموت....لا تخليني اقابل الناس لوحدي....بندررر....آآآآآآآآآآآآه يبه......ركبت سيارتهم وقعدت اشاهق طول الطريق.. يمه....يممممممممه....يمه...لا....لا تروحين....مديت ايدي اناجيهم...وكانهم قدامي..قمت اهذي....ما ادري وش اخربط واقول...الحزن يعصرني بقووووة....ورافض يتركني...والله مخنوووقة.....والرجال مشغل القرآن....صوت الآيات...زادني بكا....وتحول هالبكا لنحيب عالي...والاطفال الصغار يطالعون فيني... والحرمة تحاول تهديني وتقرا علي بصوتها.. الحنون المنهار....وتضمني علشان اسكت....لكني ما كنت اقدر اسكت...حاولت افتح الباب عشان ارمي نفسي...وقعدت صارخ عليهم.....اتركوووووووووني.....ابي امووووووووت...ابي اموووت....يا ربييي خذني...خذني عند اهلي....سكروا الباب....وحاولت الحرمة.....تشربني موية...لكن رميت الموية عني..وقعدت اتنافض بقوة وانا حاطه ايدي على راسي.......وبدت الدنيا تدور فعيني..بقووووة....وشفت امي تبتسم لي وعيونها مدمعة.... فمدت ايدي لها......واختفى كل شي من قدامي...




الفصل الثاني

حسيت بهزة قووووووية....بالجيب....وصرخات امي واخواني ارتفعععت.....وصوت ابوي...والجيب قاعد يتدحرج كذا مرة على الرمل.....عرفت ان صدمنا بتريلا... شلون..ما ادري...يمكن لحظة ابوي يوم شال عينه عن الطريق علشان يرد على امي...ما ادري من سوء حظي او من حسنه...ان تدحرج الجيب وتقلبه على الرمل....خلاني اطيح لخارج الجيب من خلال القزاز المتكسر...صرررررررخت صرخة قوووووية....وانا اشوف النيران تشتعل قدامي...على بعد مسافة قصيرة مني....ما ادري وين كان عقلي؟؟....ما كنت حاسة لا بالزمان ولا المكان....ماني قادرة استوعب وش اللي يصييير....بس لمن سمعت الصرررخات....اللي ترددت في الصحراء الواسعة المظلمة....استوعبت ان هذا صوت امي.....يممممممممممممه.....آآآآآآآآآآآآآآآآآه....م مديييييت ايدي....الجروح مالية جسمي....كانت النار كبيييييييييييييرة موصلة لفوووووووق...جيبنا صار كورة كبيرة من النار.... حطيت ايدي على أذاني بقووووووة احاول اني ما اسمع هالصرررررخات اللي قاعدة تقطع قلبييييي.. وتوقف الدم في جسمي...وحسيت بشعر راسي يوقف..يا ووووووووويلي.....يااااااااااربي لا تعذبهم....لا تعذبهم خلهم يموتون بسلااااااااااام....لحظاااااااااااات...وانطفت النار...هي لحظات؟.....لا اكثررر اكثر بكثييررر...موب لحظات يمكن ساعااااااات...حطيت ايدي على فمي بقووووة اكتم صيحاتي اللي تخترق صمت الصحراء الممتدة....ياويل قلبي....كلهم ماتوووا...امي ابوي....سلمان..محمد...خالد...بندر...ً صبرية ... سواق التريلا الهندي...جيبنا صار مجرد قطعة متفححمة سودا.. والتريلا على كبرها منكسه فوق رمال الصحراء ما يصدر منها أي صوووت..شفت اشلاء متناثرة وانا اقررررب من الجيب...صرررخت بجزع.... صرخة لحقتها صرررخة ثانية مني....سمعت صياح وبكاء.....وين؟؟..وين هالصوت؟؟؟ طالعت حولي....ووووين؟؟؟... وووووين؟؟؟ .. .... ورحت اركض مجنونة على الخط...








فتحت عيوني بتععععب.... احس جسمي متشنج.. عرفت ان اللي شفته حللم...او...يمكن كابوس؟؟..ما كنت مستوعبة انا وين بالضبط؟؟...غرفة صغيرة بيضاء قذرة....وحرمتين لابسين عبايات على الراس ويصيحون....حاولت اتكلم بس حسيت بحلقي جاااف...كنت بسأل عن اهلي...وليش انا هنا؟؟؟...مرت لحظات ثقيلة على قلبي وانا اقول للنيرس المصرية اللي دخلت" مااااء..." سمعتني على طول واسقتني ماء...بعد ما شربت كثير وكأن لي سنين ما شربت....سألت بصوت واطي..." وين...انا؟..." قالت وحده من الحريم اللي متغطيات...وهي تمسك يدي بحنااان" ملكه...عظم الله اجرك.." طالعتها...باستغراب...عظم الله اجري...وش قاعدة تقول هاذي؟؟؟...هزيت راسي مستغربة للنيرس اللي طالعت بقههر للحرمه وقالت بصوت مرتفع" الست...ملكه محتاجه للراحه..." وش قاعدين يخربطون هاذولي؟؟ ليش انا متمددة هنا؟؟؟.. وين امي؟؟...ابوي؟؟...مين هاذولييي؟؟ تصارعت الاسئلة براسي...وشفت الحريم يطلعوون وهم يشاهقوون... ..لكن انتهت الاسئلة يوم دخل الدكتور علي....تعلققت عيوني فيه وكأنه شيطاان...كنت مفزوعة...انا من خلقتي اكره الابر واخافها مووووت...وكان ماسك ابرة كبيرة .. .... مسك ذراعي وانا اطالعه بهلعع... قال الدكتور بلهجة عملية باردة" ازايك يا ست ملكة؟..."








فتحت فمي بتكلم ما قدرت... فكمل بلهجة عملية..." ملكه...انت انسانة مؤمنة بقزاء الله وئدره..." شلت ايدي من ايده وارتجففت...وش صاير؟....وش صاير؟؟...ليش الناس تصيييح.. مين ذوليك الحررريم....ليش الدنيا متشحه بالسوااد....والحزن مالي القلوووب....انا فيني شي..... عكست عيوني الاسئلة اللي تدور براسي...فكمل وهو يمسح على ذراعي بالمطهر.." الحادس اللي حصل...كان جامد...واهلك ...." وسكت لحظات ثمن كمل بتردد..." مائدرناش للاسف ننقز اهلك..." وكمل وعيوني توسعت على الاخير وشفتي السفلى ترتعش بجنون" من حسن حزك...ان الحادس ما اسر عليكي...لانك كنتي خارج السيارة..." حطيت ايدي على فمي....اكتم صيحتي المفزووووعه...ياووووويلي...موب كابوس....كان واااقع..الاصواااات.... المفزووووعه... هالصرررخات المتعذبه. ...وقعدت اصااارخ...بقوووة....فمسكوووني النيرسز بقوة.... علشان الدكتور يغرس الابرة فيني...لحظااات والكل راااح عني..مديت ايدي لوجه امي.....كانت تصييييييييييييح....وشفت ابوي جنبها.....واخواااني كلهم....يطالعوووني وعيونهم ملياااااانة دمووووووووووع.....آآآآآآآآآآآآآآآآآآآآآآآآآآآآآآآآ آآآآه....






طلعت من مستوصف عقلة الصقور المركزي....( عقلة الصقور...قرية تبعد عن القصيم ....حوالي المية او الميتين كيلو)....كان الحزن يعصف فيني...وينهشني مثل ما ينهش الدود الميت....طلعت بعد اسوأ ثلاث ايام قضيتها بحياتي.. ثلاث ايام كلها كوابيس....وابر مهدئة ومغذيات...كانت مرت ولد عم ابوي نايمة عندي خلال الايام الثلاثة...تضمني.. .وتشغل القرآن بغرفتي...وتقرالي عن الصبر والايمان بالله وقضاء الله وقدره... وكانت تقولي انهم باذن الله من اهل الجنة...وانهم شهداء...ماكنت ارد عليها...قلبي وعقلي....مااااتوا.... والله ماتوا في الحادث....انحرقوا مع ميمتي وابوي...هالحين انا حيه....لكن روحي ماتت....روحي طارت...طلعت من الارض ولحقت هلي...سبحان الله. .. . كنت اسمع هالجمل كثير...لكني ماكنت افهمها...كيف تموت الروح والانسان حي...كيف القلب ينبض وانا ميتة...لكن هاذي هي حال ملكة...هاذي هي حالي...انا...ما تدرون شلون كانت الثلاث ايام الماااضية ثقييييييييلة على القلب...تسم البدن....لدرجة احس كأن احد ماااسك قلبي بقوة لا ينبض....تذكرت وانا اركب الجيب الرمااادي....ابوووي...فصرخت... ما قدرت اركبه.... خاااااااايفة.. وحاولوا الحريم يدخلوووني الجيب وانا رففضضضت....لالالالا....وقعدت ابعدهم عني....قد ما اقدرر...رجولي حسيتها مشلولة من الخوووف....جيب ابوي....جيب ابووووي...هذا الجيب اشتراه منصور ولم عم ابوي معه....ياووووويلي.....لالالا....ما ابيييي.....روحووااا عني....كانت الناس البعيدة عني تطالعني وهم يضربون كف بكف.... اكيد انجنت البنت.... واللي يقول....يا حرااام تذكرت هلها...ماحد يلومها....ركضوا علي النيرسز يحاولون يهدووني...وانا مو قادرة....عيوني بارزة قاعدة اطالع الجيب كأنه شبح....شفت ابوي داخل يبتسملي.. .جزززعت... لالالا...الله يخليكم لالا...لا تسووون فيني كذا...نزلت على رجل ولد عم ابوي...ابي ابوسها عشان ما يركبني الجيب... كان ولده واقف ومعاه مرته....تكلمممت مرته منيرة وقالت بصوت عاقل متزن..." خلوها تجي معنا في السيااارة.." طالع منصور في ولده عبدالعزيز... وقاله..." خذوووها...وانتبهوا لها...." وكمممل... وهو يشووف منيرة تاخذني وتسحبني على سيارتهم" انا بخلص اوراقها والحقكم..." رد عليه عبدالعزيز بثقل وعقل" ان شاء الله يبه..." ولحق زوجته اللي تزاحل فيني علشان ادخل السيااارة...كنت مرعووووبة على الاخير....بس اضطريت ادخل سيارتهم...وانا ارررتعش...تمسكت بمقعدها الامااامي...وانا ادعي ربي بهلللع...ابي الحق هلي...لكن ما ابي انحرررق...ما ابي انحرررق... مشى عبد العزيز... بسيارتهم ومسك خط وهو مسرع....كان صوت القرآن....سورة البقرة...حسيت نفسي المتحطمة الكسيرة...بدت تنتعش شوووي....كان صوت الشيخ علي الحذيفي وهو يقرا الآيات...يدخل الطمأنينه على القلووب..." وإذ سألك عبادي عني...فأني قريب أجيب دعوة ألداع إذا دعان...فليستجيبوا لي وليؤمنوا بي لعلهم يرشدون" صدق الله العظيم...صوت القرآن وتسبيح منيرة مرت عبدالعزيز...والابر المهدئة اللي انغرزت فيني قبل لا اطلع وانواع الحبوب اللي كنت آكلها كل الثلاث ايام اللي فاتت...خلتني انهار....وانوم نوم عميييييييييق...










حالي وانا اشوووف قبب ومنارات الحرم النبوي يوم دخلنا المدينة...كان اسوأ بكثييير من حالي يوم خرجت من المستوصف....لأني سمعت صوت ابوي وهو يردد انه مشتاق للحرم...وكان واعدنا انه اول مانوصل نصلي فيه الفجرر...صوت الآذان يخترق اذني....عشان يرجعني للواقع....قعدت ابكي من جديد...سبحان الله...وصلنا الفجر مثل ماكان ابوي يبي...قلت بصوووت متقطع" ابي الحرررم....ابي الحرررم....ابي اصصصلي..." طالع عزيز بزوجته...فهزت راسها...والتفتلي تقول..." ملكه...سمي بالرحمن...انت تعبانة...تدخلين هالحين تطيحين هناك..." قلتلها وعيوووني على الحررم" ابي اصلي...بدعيلهم يا منيره...بدعيلهم بالجنه..." وافق عزيز على طول بعد كلمتي..وراحوا الحرم...وووقف بعيد عن الحرم شوي....لأنه ما يحب يوقف بالمواقف...قطعنا الطررريق مشي...كنت اعدي الناس بسرررعة..كأن الحرم بيطير عني....دخلت داخل الحرم من جهة الحريم ومنيرة تراكض وراي بكرشتها وهي حامل بالثامن...فتشوني...الحريم اللي عند الباب....دخلت ركض داخل الحرم...وقعدت اتلفت حولي....خنقتني العبرة التفت لمنيرة...وكأني فجأة استوعبت حالي..؟....شهههههقت بقوووة.....حطت ايدها على فمها تصيح وضمتني بقوووة...قعدت اصيح...والناس حولي يهدوووني...لكني ما قدرت اهدا...ما قدررت...بدت الناس توقف صفوف عشان تصلي...فوقفت جنب منيرة...بس ما قدرت فطحت على الارض...عشان اصلي جالسة....رجولي ما شالتني...طول ما الامام قاعد يصلي وانا ابكييي....آآآآآآآآه يا دنيا تركتيني ووحيدة....بعد ما خلص صلاة...قعدت منيرة تقرا علي قرآن وهي جالسة جنبي...ما ادري كم ساعة مرت...بس بدا الجو يحتر...والناس طلعت...فووقفت بعد ما هدني التعب....والحزن...والجوع...طلعنا لقينا عزيز يطالع الناس يدورنا...عرفنا من شافنا ودلنا على السيارة اللي قربها...كان مشتري فطور...بس ما قدرت آكل...حاولت..والنتيجة كانت اني رجعععت كل اللي اكلته....صدق كانوا صبووورين ما اتوقع اني في احد بيحتملني مثل منيرة وعزيز....وصلنا لبيت منصور...في حي الهجرة....مشاء الله كان ربي منعم عليه وبيته كبييير يرد الروح....دخلت.....




رجعت فكري تايه شبه مفقود........متخدر قلبي وجسمي وبالي...
ساعة دخلت البيت بالناس محشود....والكل منهم يزعج الصوت عالي...
حتى الصغير اللي من ايام مولود....يبكي ودمعه فوق الاوجان سالي...
من هرجهم حبل الحزن صار معقود...في خافقي والموت وقته طرالي...
حاولت اجامل كل من كان موجود...لا شك حزني ترجم احوال حالي..
ياليتني في قبرهم اليوم ممدود....وهم على الخد الوسيعة بدالي...
لاشك حكم الرب ماعنه مردود..آمنت به ربي...عليه اتكالي....



ياااااااااااه...وانا اشوف الناس حولي لابسه الغامق...والرجال دمووعهم حمررة وهم يعزوووني...لها الدرجة اهلي غاليين عند الناس.... كان بيت عمي زززحمة خلال ايام العزا الثلاثة...وانا خلال ذيك الايام ما ذقت النوووم...ولا قربته... الحريم يجوون يواسيني .. ..وبعضهم يجوون عشان يتعشون بس....والبببعض...كانت الشفقة تملا عيونهم...والبعض كانت السخرية تحركهم...سبحان الله...في ناس عقلها ضعييفة لها الدرجة....يتشمتون حتى من المووت؟؟؟.. ...حتى الجوع ماكنت احس فيه....والغريبة...ايام العزا ما بكيت....كنت ساااكتة...كنت اطالع الناس حوولي...وفعيوني حززن ودموع مو راضية تنزززل...كنت لابسه جلابيه كحلي ولافة على راسي شيلة....والحززن زاد عمري كثييييييير....كنت اشوف الاطفال يبكووون...من بكا اهلهم.... صدق انا المعنية بالحزن...كنت مذهووولة...وعشان كذا ما بكيت؟؟...يمكن...انا ما ادري ليش؟...يمكن بكيت كثير خلال الايام اللي قبل...حتى حسيت ان دموووعي خللصت...يمكن...عيوووني المنتفخة...وجفوني المتجرحة...كانوا شاهدين على حزني...صوتي المبحوح ولمستي المهزوزة كانوا شاهدين علي بعد...اللي ذبحني...يوم شفت دموع رجال العايلة....يمكن انا من النوع اللي يتاثر بدمووع الرجال.... هالني الموقف...يوم شفت منصور يرمي شماغه على الارض بالحوش على التراب ويدعسسه بقوة وهو ينتفض....كان متماسك عشان الناس لكن انا اللي شفت دموووعه...حطيت ايدي على قلبي وشفتي تهتز...نزلت دمعه وحده حاااااارة على خدي..وشهقت ودخلت داخل....كنت اشوف مرت منصور موضي....قاعدة على الكنب وجنبها منيرة وثنتين من بناتها....كانوا يتهامسون....لمن وصللت وقف الهمس...انحرجت وعرفت اني مقصووودة بالحكي..ابتسمتلي منيرة واشرت لي عشان اجالسهم...فجلست يمهم...وصبتلي عزيزة قهوة ومدت لي الفنجال...شلته وقعدت اطالعه...القهووة....ريحة القهوة رميتها على الارض بسرررعة فانكسرررت...وقمت مذعوورة ورحت اركض لغرفة عزيزة اللي انوم فيها... وقبل ما اطلع.....سمعتهم يقولون" لا حول ولا قوة إلا بالله..."..



الفصل الثالث

مر على موت اهلي فترة طويلة...كل يوم ينقضي في بعدهم كانه سنة...وكل لحظة تمر...اكبر فيها اكثر وحزني يعمق اكثر...حتى شكلي كان يخرع...كنت نحيفة مرررة... والهالات تحت عيوووني....من غير عيووني الحمرا من كثر الصياح بالليل والنهار....زاد على حزني غربتي عن الرياض...ديرتي وديرة احبابي...وكل هلي....ما تصورت بيوم اعيش بعيدة عن ديار آل سعود...ما تصورت بيوم...تحذفني الدنيا فمكان عمري ما شفته ولا عشت فيه لحظة...فمكان اسمع عنه...لكن عمر رجلي ما وطته...هالمكان....صار ديرتي الجديدة....وصار لازم اعيش فيه...ولازم اتعود على هواه....ولازم اتقبله سواء رضيت او ما رضيت.....وانا لسه على حزني...بنفس قووته وبنفس المه....




بعد ما بديت اطلع من حزني...بديت انتبه للي يصير من حولي...وبديت ارجع للواقع....انا هالحين في بيت عمي الكبير...سعود...اللي جا وخذاني من المدينة لجدة وطلعنا دبي...بعدين هو راح يخلص اموري الباقية....عياله هم اخواني وبناته هم خواتي...دخلت قلب الكل إلا وحدة....يمكن خلال حزززني ما كنت انتبه لهاذي الوحدة...وماكنت حاسة انها تكرهني...لكن هالحين بعد ما بديت اصحصح واطلع من الصومعه اللي انا فيها....تنبهت لعيونها اللي كانت تآكلني...لغيرتها على كل شي ينعطا لي...على الحكي اللي ترميه وهي رايحه وجايه...






هاذي الوحده اسمها بدرية وهي بنفس عمري بالضبط.....انسانة انانية...ما يهمها بالدنيا شي إلا نفسها...وراحت نفسها...ما اعتقد ان في احد خارج عيلتها يحبها...عفراء....البنت الحبوبة...الطيبة والعاقلة....وهاذي الكل بالكل....وعمرها اربع وعشرين سنة...وصراحه دخلت قلبي على طول...لأنها عيت تفارقني من دخلتي بيتهم...كانت تهتم فيني وتشغل القرآن في غرفتي....وتجيب لي الغدا والعشا لغرفتي...وما تروح ليما تشوفني آكل....





سلطان....سلطان هذا شخص رهيب...عليه خفة دم...تخليك تضحك حتى لو انت حالف انك ما تضحك...حتى لو انت زعلان وضايق خلقك...سلطان عمره 26 سنة...لكن فيه براءة وطفولة...لا يمكن تلاقيها بشخص بنفس عمره....بعكس محمد اخوه....اللي عمره 14 سنة...واللي مكبر نفسه ويعتمد عليه عمي سعود اكثر مما يعتمد على سلطان....




واو...نسيت اقولكم عن العسل ريمووه...ريما...هاذي قمر العايلة...دلوعة العايلة...اللي لو تطلب وش ماتطلب يجيها...وهاذي لو دخلت قلبها...فانت كسبت كل شيء ولو ما دخلته فعليك السلااااااااااااام...




مرت عمي...نوره.....انسانة حبووووبة لابعد درجة وفيها من الطيبة اللي لا يمكن تلاقيها بمخلوق...لا يمكن ما تدخل قلبك...اول ما جيت شالت الدنيا علشاني...حطتلي احسن غرفة..وفرشتها باحسن اثاث...وكل يوم تنزل السوق وتقضالي... وما تنام ليما تمر على غرفتي عشان تاكد....اني نمت ومو قاعدة اصيح...حتى لمن ترتفع حرارتي...تسنتر بغرفتي...ولا تطلع منها لين ما تحس اني خلاص تحسنت ووضعي صار احسسن...واحلى ما فيها انها دايم تدعي بالخير للكل...وما اذكر خلال الشهرين اللي قضيتها بحززني وهمي اول ما جيت اني سمعت منها كلمة سب او لعن...وحتى إذا جات تلعن قالت.." يلعن ابليسك....او يلعن شيطانك او عدووك..." ذكرتني بامي حبيبتي..


عمممي سعود...وش اقول عن عمي سعود؟....شخصية غريبة... مزاجيه...إذا عصـــــــــــــــــب يخرررع وإذا كان رااايق ما في احلى منه بهالدنيا...كان يعصب على الكل...إلا انا ما كان يقولي كلمة وحدة تزعلني....وهذا الشي كان يخلي بدرية تعصب...وترمي حكي كثير لا له اول ولا له تالي...لأنها تغار على ابوها بشكل مو طبيعي...حتى انها تغار من امها على ابوها...ويتكدر صدرها ويضيق خاطرها إذا شافت عمي يعطي احد فلوس...رغم ان ربي فاتح عليهم ومعطيهم....كافي انهم ساكنين بمنطقة سكنية ممتازة....راقية...ما عليها أي كلام...


دخلت علي عفاري وانا قاعدة اكتب خواطر وصرخت يوم شافتني جالسه في مكاني قالت بعصبية ملكه؟؟؟... ورفعت عيوني لها...كانت لابسه فستان فيروزي مطرز بورود فوشيا...عشان ملكة بدرية...قلتلها وانا اقفل الدفتر اللي معي.." وشو؟؟
ضربت الارض برجلها ومشت سيده على غرفة الملابس حقتي وسمعته صوتها وهي تقول" الناس بدت تجي...وانتي ولا تحركت من مكانك.." تاففت وانا اقوم عشان اروح ل عفورة قلتلها وانا اشوفها غاطسه داخل الدولاب " عفورة عيوني..مانيب نازلة تحت..." وكملت بخفة دم" بدرية راح ترتاح اكثر كذا.."..طلعت عفراء اخيرا من الدولاب...وهي ماسكة فستان ليموني وقالت بعصبية" ملكة..مية مرة قلتلك بدرية من جواتها طيبة"... ثمن كملت" والله راح تززعل لو ما شافتك.." مديت بوزي كملت" يللللللللللله البسي...فستانك" قلتلها وانا آخذ الفستان " اففففف" قالت عفراء وهي تسوي حركات بعيونها" خلينا نروح نرفع ضغط بدريوووه..." رديت وانا ميته ضحك" هههه...يا شين النجاسه...والله تنزل من الكوشة وتكفخناااا..." ضحكت عفراء وهي تروح للتسريحة وطلعت المكياج الي اشترته لي من فترة....ولا.لمسته...التفتلي وانا قاعدة اطالع في الاشياء اللي هي قاعدة تطلعها...وصرررخت" ملكـــــــــــــــــــــــه..." قلتلها" طيب...طيب..." ورجعت غرفتي عشان البس...يا ربييي...قعدت افكر وانا البس...يعني لازم احظر ملكة بدرية...طيب هي ما تطيقني ولا تواطني...يعني راح تنبسط إذا ما شافت خشتي بين الحظور...حاولت اقفل السحاب اللي على جنب وانا افكر...والله مسكين يا مساعد...شفت صورته قبل كم يوم....هو من صوب وبدرية من صوب...هو من اليمين وهي من الشمال...ما فيه أي توافق فكري او شكلي بالمرة...ابتسمت بانتصار وانا اقفل السحاب...ودخلت على عفورة اللي قاعدة تعدل مكياج عيونها...صفررت وهي تشوفني" وش هالزين...وش هالزين..." ضحكت لها....كان فستاني بسييييييييييييط لابعد حد....ساتان ضيق ما فيه أي شي...بدون اكمام...مشطت شعري وحطيت عطر...قالت وهي تشوفني ادور على الصندل الليموني حقي" ملكه؟؟؟.." رديت عليها وانا مشغولة" ما نتيب حاطه مكياج؟؟؟.." ما رديت عليها كنت عارفه انها راح تعصب....وما راح تعطيني مجال اتكلم....لبست الصندل حقي بالقوووة...وقعدت اربطه كان كعبه عاااااااااالي...يا ساتر هو انا خلقه نخلة...ومع ذا الكعب طلعت ناطحة سحاب....





قرربت من عفاري اللي استلمت وجهي...وقامت تحط عليه من كل لون وكل شكل....احمر اصفر اخضر....وكحل اسود...وبعدين رجعت وحددت عيني مرة ثانية بالكحل السايل...بعدين حطت لمعة ذهبي...على عيوووني...ورجعت تمزج الالوان كلها الللي في العلبة....كنت ساكته عشان ما ازعلها...خصوصا اني احبها موووت...وحاسه نها ما راح تكون اغلى من اختي لو عندي اخت...انهت المكياج العجيب...بضربتين بلاشر...على خدودي اللي طلعت كان احد قارصها...ثمن حطت على شفايفي روج احمر صارخ....صرررخت بفزع يوم شفت شكلي....قلت ل عفاري اللي كانت نظرات الاعجاب تنط من عيونها" حرام عليتس....وش انا مسوية يوم تعاقبيني بهالشكل؟؟؟" قطبت عفاري حواجبها وكشرت عرفت انها ززعلت...فوقفت وبستها على راسها وقلتلها" امزززح معك يا البايخة...حتى شوفي ما راح اعدل بمكياجي ولا شي..." وطلعنا انا وياها من الغرفة.




وانا طالعة من غرفتي مع عفاري قررنا نمر على عروستنا عشان نشوفها...وليتنا ما مرينا....كانت قااااااعدة تصييييح ومخلصه كل علب الفاين اللي في البيت... قطععت قلبي...غصبا علي...يعني ليش تبكي؟؟...والله مساعد قمر...قلتلها وانا ابوسها" الف مبروك يا عروسه..." وكملت عفاري وهي تنطنط من بينا" وعقبالنا يا ملكه..." قالت بدرية وهي تبكي" شوفوا كيف شكلييييييييييي؟....اااااااااااااااه...طالعه اخرررررررع....يمممممممه والله مساعد بينتحر..." طالعتها وانا ابتسم غصبا علي وجواتي قلت والله يا بدرية ان اليوم شكلك احلى من أي يوم ثاني...قالت الكوافيره اللبنانية بعصبية" شوهيدا؟؟؟...ما بيصير هييك... لازم توئفي بكي..." قالت بدرررية وهي تمسح عيونها بقوة وتخرب الكحل" عفاااري...شوفي كيف ملكه؟؟.." التفتت عفاري لي وانا طالعتها مستغرربة....كممملت" تشمت فيني...وتضحك علي...عشانها طالعة احلى مني..." حطيت ايدي على قلبي وقلتلها وانا صادقة" والله ما قصدي تشمت يا بدررية...والله انك طالعة قمر..." عيت تسمع كلامنا....وعلا صوتها وصار مشاااهق وسمعنا صوت عمتي نورة اللي دخلت الغرفة....قالت وهي تحط يديها على راسها" يا وجه الله...وش ذا؟؟؟.." فكرت وانا اطالع بعمتي نورة وبدرية..." الله لا يلومها إذا تخرعت...بدرية خشمها احمر وعيونها تنفخت من كثر ما صاحت والكحل سااايح على الاخير..قالت اللبنانية بعصبية وهي تطلع سيجارة من جيبها" مافي اشتغل....ما بيصير هيك...والله ما بيصير..." قالت عمتي نورة وهي تطالعني وتبتسم" بسم الله عليك يا ملكه..." ورفعت يدينها للسما" يا رررب ترزق ملكه و عفاري العريس الصالح..." علا صوت بدرية...بالصياح اكثر...لحظات وسمعنا صوت عمي...اشرت للبنانية تطفي سيجارتها...لأن عمي راح يمسح فيها البلاط لو شاف السيجارة مولعة في بيته.. اما انا رحت انخشيت ورا عفاري ادور لي شرشف صلاة...عيب اقابل عمي كذا..ما تعود يشوفني وانا لابسه كذا....اخيرا لقيت شرشف الصلاة على دخلت عمي...





بدرية سمعت صوت عمي سعود...قطمت على الاخير...ولا تكلمممت...قال عمي بعصبية" وش فيك تصيحين؟؟..." كان معصب...يوم شافني ابتسم...وقالي وهو يحط يده على راسي.." طالعه على عمك مزيووونة..." ضحكت عليه" ههههه..." ردت عمتي نورا وقالت" اقول....والله انها ازين منك مية مرة....طالعه لاهل امها..." قام عمي قاطعها" والله ان خشمها وعيونها لنا..." قاطعتها عمتي " كل العيال الحلوين قلت طالعين لك..." قاطعتهم لأني عارفة انهم راح يطولون" بدررية..خايفة ومستحية يا عمي..." تذكر عمي ليش هو داخل الغرفة...ولف عليها وقال لها" هاذي ملكه يا بنيتي...يعني بس بيشوفك ويروووح..." اهتزت شفايف بدرية تبي تبكي...بس شافت عمي يوم عطاها ذيك النظرة...فاشرت للبنانية عشان تجي تشتغل ف وجهها....لف هو وطلع.....فقالت لي بدرية" لا تدخلين في الامور العائلية مرة ثانية..." سكت وما قدرت اقول شي غير لاحول ولا قوة إلا بالله جواتي...



دقايق وركضت وراي عفورة...وقالتلي واحنا ننزل الدرج" ماعليك منها...والله قلبها طيييب" قلتلها وانا اغير الموضوع..كافي ان العبرة خانقتني" جاب سلطان الاشرطة اللي طلبتها منه..." قالت عفاري" أااااااااااافا...كيف تتوقعين ان سلطان يكسرلك طلب....انتي لو تطلبين عيونه يعطيك اياها..." قلتلها وانا اقرص خصرها" خلاص عاد...بلا مصاخة...." قالتلي وهي تبتسم " تذكرين يوم طلبتي جلسات حسن بلونه...ا تصدقين انه وصى عليها واحد من اخوياه اللي بالسعودية عشان يجيبها وش تبين اكثر..." سكت وانا احاول اني ما افكر بكلام عفاري...سلطان مجرد اخ ولا اعتقد اني اعتبرته اكثر من كذا بيوم...ولا اظن مشاعري راح تتغير اتجاهه...صح انه وسيم .....ولا عليه خلاف...لكن ما اعتقد اني اقدر اتزوجه....آآآآآآآآآآآه والله خايفة يحرجووني اهله إذا خطبووني...كافي عمتي نورا لها كم يوم...وهي تلمح على موضوع الزواج....ياااااااااارب ما يكون سلطان قايل شي لها....






دق جوالي..فرديت عليه بعد ما شفت اخوي يتصل بي...رديت على سلطان اللي من سمع صوتي قال وهو بيتشقق من الفرررحه" اعجبتك الجلسات؟؟...." سمعت صوته عفاري وغمزت لي...ضربتها على راسها ورديت على سلطان واحنا ندخل على الصالة اللي فيها البنات..." مع عفاري...اسمعهم..واعطيك خبر.." قالي...بصوت واطي" لا تعلمين...احد غير عفاري انك طلبتيها مني؟؟..." استغرربت من طلبه وقلتله وانا اهز راسي..كأني اشوفه قدامي" ان شاء الله....يله...سلطون...لازم اقفل هالحين..." قالي قبل لا قفل" لالالا...لللحظة..." بعدين سكت وقلت وانا استعجله" يللللله عن الفضايح وش بيقولون الناس....مين هاللي تسولف بجوالها طول الوقت..." قال وهو منحرج" ايه...متى ندخل مساعد؟..." دقيت عفاري وقلتلها...فقالت " تو الناس....خلوه ينتظر..." عصب سلطان وقال" وين تو الناس...الرجال جاي من سفر...يعني التعب هاده..." قلت كلامه لعفورة اللي قالت وهي معصبة وتقرب من وحده من خوياتها عشان تسلم عليها" ينتظر..لو ما انتظر هالحين متى بينتظر؟؟؟..." رددت كلامها لسلطان اللي عصب وقفل الخط بدون ما يقول مع السلامة...




جاتني ريما وانا قاعدة جنب وحدة من صديقات عفورة....كانت لابسه فستان ابيض منفووووووووش...ومسوين لها شعره كيرلي..قالتلي وهي تمسك رجلي..وترفع راسها فووووق عشان تشوفني" ملكه؟؟.." قلتلها وانا اقرص خدها" عنون ملكه.." ردت ريما وهي تاشر على الباب الرئيسي.." تعالي شوفي..." طالعت فيها....اكيد واحد من عيال الجيران طاقها...خصوصا ابوحميد...ما يترك احد بحاله....لازم يطقها على الرايحه والجاية..بس المشكله ان ابو حميد يحبني موووت.... ويحترمني بزيادة...صعبة اني اهاوشه..ناديت عفاري...بس كانت مشغولة...ف شششلت نفسي...ولحقتها عند الباب...كنت مثل ناطحة السحاب المتحركة...ياله امشي...ورجوولي تعووووووووووورني..الله يسامحك يا عفاري...يعني من القصر اللي فيني عشان تجيبلي ذا الكعب اللي يوم شافه محمد بغرفتي قبل يومين صرخ مفزووع" بسم الله...وشلون تدخلينه برجلك ذا..." يا حليلك يا محمد...ما تدري عن الحريم وبلاويهن...كل هذا عشان نطلع اهل العروسة احلى من اهل العريس...بس يا حبيلهم اهل العريس...والله ناس حبابة وطيبة..وماعليهم خلاف...
فتحت الباب...وطليت شوي شوي عشان اشووف مين اللي تبيني اشووفه ريما....لحظه او اقل...إلا في واحد ناط بوجهي مسوي فيها سربرايز...قالي " هووووووووووه..." صرخت بفزع وطحت على ظهري يوم حاولت ارجع...لكن عيوني تعلقت باحلى عيون في الدنيا...هالعيون اللي اختفت على طول..ولا قدرت اتاملها ولا اعرف مين صاحبها؟؟؟؟!!!!!



الفصل الرابع
التفت حولي وحاولت اقوم بس الكعب العالي جنني...وحلفت ماعاد البس كعب بالمرة...شفت ريما انحاشت وتخبت ورا عفورة...اللي يوم شافتني جات بسرعة عشان تساعدني...قدرت عفاري تساعدني عشان اوقف..فابتسمت للناس اللي قاعدة تطالعني...بابتسامة معناها انا بخير لاتخافون...تنهدت غصبا علي...وقلت لعفاري بحماس...وانا اضرب خدودي من الفرح وبصوت واطييي" يووووووووووه يا عفورة...يووووه" ردت واهي ترتب شعريبصوت واطي" وشو؟؟..وبعدين قصري صوووتك..." قلتلها وانا اسكر باب الفله المفتوح...واهي ترتب فستاني:" يووووه...شفته...شفت احلى عيون بهالكون...وش اقول وش اقول يا عفووورة.." وكملت وانا اشوف عفاري مبحلقة فيني...وكأن فيني شي من الطيحة" فارس احلامي يا عفاري...فارس احلامي اللي انتظرته كثييييييييييييير..." ضربتني عفاري بخبطة خفيفة على كتفي..وقالت بغرور" وش تقولين؟؟...هااا...اكيد انه سلطان اخوووي.." قلتلها وانا امشي معاهاعشان ندخل المطبخ نجيب سلة حلويات غير السلال اللي بدت تخلص" لا ياحبيبتي...والله ذا موب سلطان..." فاحت ريحة القهوة والهيل..والشاي والنعناع...وشفت انواع زحمة الشغالات وقرقرتهم...بس ما اهتميت كملت وانا ارفع فستاني عشان ما اطيح على البلاط المطبخ الي يزحلق..." سلطان حافظه شكله زين...صح انه حلو..بس" كملت وانا احس خدودي محمرة على الاخير من كثر ماني مستحية من ذيك العيون" والله اكلني بعيونه يا عفاري...سلطان نظرته غييييييييييييير..." ضحكت وقالت بغرور" طبعا...الله يخلي مكياجي عشان تكون نظرته غيييييييير...ولا لو عليك كان طلعتي للمعازيم من غير مكياج...." فتحت فمي برد عليها...وانا افكر فجاة يا ويلييييييي...يمكن منفجع من الوان قوس قزح اللي فوق عيني...لكن....دخلت عمتي نورا...وقالت وهي متنرفزة ومعصبة" يا ناس ذبحتني هالبنت...بتجلطني....بتجللللطنييي..." طالعت فيني عفاري وضحكنا سوا...على كلام عمتي نورا...اللي انتبهت انو احنا موجودين وقالت وهي توقف جنبنا" ليش واقفين هنا؟؟...روحوا استعرضوا بالصالة..." وبعدين التفت لي وقالت" ملكه...ادخلي معي عشان تسلمين على الحريم.." هزيت راسي وقلت وانا اطلع مع عفاري" ما ابيييييييييييي...ما ابي اسلم على الحريم..." قالت عفاري وهي تتمخطر بفستانها على اقل من مهلها" يمكن تشوفك ام العيون الحلوين..." تنهدت غصبا علي..فضربتني عفاري بقوة على كتفي عشان تصحيني وقالت بصوت واطي انتي ناوية تفضحينا اليوم...يا سااااااتر..." قلت واحنا ندخل الصالة من جديد" غصبا علي يا عفاري...غصبا علي..انتي لو بس لمحتيه والله ما تلوميني..."









دخلت علي عمتي نورا وجاراتها وسلمت عليهم كلهم من اليمين للشمال.....وانا شايلة سلة الحلاو الكبيرة اللي هدت حيلي....كانت السلة مررررررررة فخخخمة...واشتغلنا عليها انا وعفراء.....ورصعناها بالكريستالات...والكلف الكشخة...وحطينا فيها ورود طبيعية...نفس اللي في باقة بدرية... كانوا الحريم مشاء الله ماليين المجلس كله...والمجلس كبييييير..فحسيت بظهري انكسر وانا اسلم عليهم...خصوصا ان في حريم كبار فكنت اسلم عهليهم وهم جالسات...وكل وحدة تمسكني تسولف علي كم دقيقة....بعدين اضطريت اوقف عشان اساعد عمتي نورا...في صب القهوة.....اللي بديت اتقبل وجودها غصبا علي...بعكس اول ايام العزا....كنت إذا شميت ريحتها اقعد ارجع واصيح...تقريبا ساعة وانا ادردش على خفيف مع الحريم واصبلهم القهوة...بعدين طلعت مع عفاري اللي جات تاخذني...شفت خالتهم حورية اللي هي اخت عمتي نورا...تاكل عفاري بعيونها اكل...فلمن طلعت مع عفاري علمتها...فحمرت خدودها وقالت وهي تطالع الارض" والله؟...طيب ما شفتيها تكلم امي عن شيء..؟؟؟" قلتلها وانا امط شفايفي" يعني كذا مرة...بس ما اتوقع انها خطوووبة...." اضربتني على كتفي وقالت وهي معصبة" يا ساتر...ما تعرفين تجاملين...مالت عليك....بدل ما تفرحيني..."قلت بلقافة واحنا نطلع الدرج ببطء علشان فساتينا" ليييييييييش؟؟...عندها عيال حلوين؟؟.." قالت عفاري بخججل" عندها جاسر الله يخليه لها...." قلت بلؤم" يا هووووووه...وهالجاسر داري عنكم؟؟؟... وعن علومكم؟؟؟.." قالت وهي توقف لحظة وبعدين تكمل مشي" ما ادري..." سالتها يوم وصلنا فوق " تحبينه؟؟..." طالعتني كاني قلت شي محرم...بعدين تنهدت وقالت ايه...من كنت صغيرة..." وكملت بصوت تبعان: لي حبي

....الفصل السادس....


صحيت من غفلتي بعد ماسمعت الصوت اللي على بعد خطوات مني...الصوت اللي خلاني ادوووخ مية دوخه من كثر ما خوفني... ..وارتعش جسمي كله... ارتعش قلبي مثل العصفور الجريح...وارتعش عقلي وكان بيطير لولا رحمة الله.....غمضت عيوني وشديت شرشف الصلاة على جسمممي......ياربييييه استر علي بسترك.. وشاقول وش ابررر والاصح...وشلون راح يصدقني وانا ماعندي سالفه....الله ياخذك يا ملكه...ليتني كنت ميتة هالحين....ياربيييي خذني ولا تحطني بهالموقف....والله ثم والله...ان الموت كان عندي ارحم في ذيك اللحظة ....من اني اقابل سلطان....سلطان اللي يحترمني وحاطني مكان سهيل في السما...ماحد ياصله....قررت اني اقطع هالصمت اللي سم بدني....وااتكلم بدل هالهدوء الغررريب...خصوصا مع هالمسدس اللي وراي مباشرة... واللي موتني خووف...صح ان ابوي الله يرحمه كان عنده مسدس وسكتون....بس ما اذكر...اني شفتهم في يوم بين يدينه.....قررت اتنحنح واتكلم....تراه سلطان موب رجال غريب...وسلطان مثل اخوي بالضبط...لا اكثر ولا اقل...يوم فتحت فمي عشان اتكلم ...سمعت سلطان يقول بحزم .." ارفع يدينك ولف..قابلني..." يمممممممممممه.....شهقت غصبا علي...صدق ان الرجال موقف....وانت يا سلطان وضحتلي موقفك تماما.....والله عمي بيرفع راسه فيك....يمكن تستغربون ان هالافكار كانت تدور براسي...لكن الانسان يوم يكون خايف مايفكر بطريقة صحيحة..او منطقية...سبحان الله الخوف يخلينا نفكر باشياء مال امها داعي ولا لها دخل بالموقف اللي احنا فيه....قلت وانا ارتجففف وصوتي يتقطع ويطلع مبحوح" سلطااااان...!!!" وشهقت شهقة معتبرة...ودموعي تجري على اخدودي... سمعت تنهيدة راحة من سلطان...وارتحت انا معه وما التفت له...لأني ما قدرت اتغطى بشرشف الصلاة خصوصا انه كان قصير فلو لفيته علي راح تبين سيقاني....قلت وانا احاول اضحك" معليييش...ههه...كنت..كنــــــــت.... ابي ... " سمعت صوت عميق دوخني يقول" وش...كنتي تبين يا بدرية؟؟؟..." بدرية!!...يا ويلي...هذا مو سلطان..يمممه....الله يستر....يؤيؤ... هذا وافي خالهم....اكييييييييييد...وتذكرت كلام عفاري يوم تقول ليش بيسكن معنا....يا ربيييييييييييه وين عقلك يا ملكه....والله مانتيب صاحية.. تجمعت الدموع في عيني من الموقف.. تردددت وعجزت اتكلم...ما ادري شقول....حسيت بيدين على اكتافي.. صدرت مني آها مفجوعة.... يا ويلي....لالا ياربي. ...ياررب لا تخليه يقررب اكثر.....غمضت عيوني اكثر....ودموعي تسيل....يا فشلتك يا ملكه من عمك سعود وعمتك نورا...يا فشلتك من سلطان الغالي ونظرته وش راح تكون لي بالضبط؟؟...ولا عفراء...يممممه خذيني عندك الله يعافيك.....الخوف وقف كل مافيني ماعرفت وش اقول وانا احس باليدين الكبيرة تنحط على كتوفي.. يدين ثقيلة...غريبة عني....ارجفتني....وقفت الدم في عروقي.....درت دور كاملة بحركة وحدة من يدينه....لحظات صمت طويلة...بيني وبين خالهم.. ريحته دوختني...ريحة الشاور جل..بالليمون....ريحه...خلتني اغمض عيوني اكثر... بس هو....كان واضح انه منصدم...قال بتردد وهو يبعد يدينه بعد لحظات طويـــــــــــــــــــــــــــــــــــــــله.... شكله كان فيها مصدوم" آآآ...آ...سف....كنت...احسب..." وسكر فمه محتار ما يدري وشيقول.؟.. مرت لحظات...وقررت افتح عيوني ببطء...يارب يكون راح...يارب يكون راح....يارب يكون راااااااااااااااح....فتحت عيوني بتردد...وشفت اللي ليتني ما شفته؟؟؟...شفت آخر شخص اتمنى يكون في المكان هذا.؟؟.....





آآآآآآآآآآآآه يا قلبييي.... تمنيت الارض تنشق وتبلعني... ..بلعت ريقي وعيوني تعلقت بهالشخص اللي واقف قررريب مني....وعيونه تلتهم ملامحي....وكانها تحاول تحفظني قد ما تقدر...للاسف ما كان وافي هو اللي واقف يطالع فيني ومو قادر يرفع عيونه عن عيوني...كان واحد ثاني.......يا ويلي منك يا بدريــــــــــه ... بدرية خطرت في بالي في ذيك اللحظة...تخيلتها تنجن وهي تعرف عن اللي هالحين يصير...حاولت استر نفسي قد ما اقدر...لأكن ما قدرت...شعري كان متناثر على اكتافي...والروب القصير... إذن استر جسمي افضل..على اني اغطي وجهي....ما ادري كم من اللحظات...مرت وانا عيوني معلقة ب مساعد...مساعـــــــد ....شوصف وشاقول عن هالمخلوق؟؟؟...سبحان الله....كان عليه زين.. ..ما ينوجد برجال....على كثر ما وصفته بس والله ما اقدر اعطيه حقه....نظراته قتلتني... ...كان لابس بنطلون قطني لونه ازرق مقلم بابيض بالطول... وقميص قطني بدون اكمام لونه ابيض....شعره طويل نازل لاسفل رقبته....ناعم...حرير... اسوووود .....لامع....حواجبه....عيونه...كانه رسمه...رسمه البنات ترسمها بعقولها..لكن ما تتوقع انها راح تشوفها على الطبيعه....حسيت ان اذني احمرر... من الموقف...لأكني كنت متجمده ولاني قادرة اتحررك...ولاني قادر ةاتنفس او اتكلم..كنت ابي اقول حاجه تضحك بدل هالاحراج اللي احنا فيه...بس....ما تنبهنا للموقف اللي احنا فيه.. ولا تغيرت مواقعنا....إلا يوم سمعنا صوت فتحة باب ثاني في الملحق...طالع فيني برعب... وانا بادلته النظر....مشى بسرعه ....وفتح لي باب الملحق وطالع فيني للحظات ثمن دزني برا وهو يقول بصوت واطي: روحي بسسسرعه.."....










ركضت مثل المجنونة بسسسرعة...خلال الحوش الكبير..وانا مالتفت وراي خير شر.......وصلت باب الفلة الرئيسي ..اللي كنت تاركه عنده شبشبي...شلت شبشبي بسسسرعه...من عند الباب وكنت ماسكه الثاني بيدي...قفلت باب الفلة...وقعدت اتنفس برررعب ورا الباب... .ياربي يكون حلم....لمست يديني مستغربة...تلمست اكتافي مكان لمسة مساعد اللي احرقتني...ياربيي...طحت عند الباب..ماكنت قادرة اتحررك...كنت احاول ابلع ريقي...وانسى الموقف اللي حصل لي....حلم يا ملكه حلم....انسيه ولا تجيبين طاريه لحد....إلا إذا انتي ناوية تخسرين كل اللي حولك واولهم سلطان وعفاري....تلمست شعري....وجبيني وشفايفي...تذكرت نظرات مساعد لي....مافكرت كثير خفت احد يكون قايم ويشوفني بهالشكل....فرحت اركض بسرررعه وطلعت الدرج وبعد ماوصلت لفوق...قفلت الباب....وفجأة استوعبت وش اللي صار فيني فقعدت اصيييييييح بصوت مكتوم وانا حاطه ايدي على فمي...كنت راح اروح فيها...... إلا انا رحت فيها خلاص...اكيد مساعد راح يترك بدرية...بيقول وش تربية هالبنات اللي يدخلون ملاحق الرجال في نص الليل وعلى وجه الفجر....

















ما ادري كم من الوقت مر وانا اصيييييييييح.....يمكن ساعة او اكثر....بعدها قمت عن الباب...ورميت شرشف الصلاة على سريري...قربت من المراية....طالعت في نفسي.....عيوني متنفخة من اصيااااااااح... وخشمي محمر...وشفايفي متنفخة بععععد...لملمت شعري بشباصة بنية لقيتها بالدرج ورفعته فوق راسي....دخلت الحمام....ومليت الحوض موية حاااارة.....شغلت موسيقى كلاسيكية...وانا ادموعي تجري....دايم متهورة...عمري ما راح اعقل...ياويلي منك يا عمممي....كسسرت قلبك وفرحتك ببدرية اللي واقفت تتزوج... بعكس عفاري اللي ما تدرون ليش هي رافضة الزواج؟؟؟...ولا سلطان اللي مو راضي يكبر.....لحست شفايفي المتشققه....ومسحت دموعي....باصابعي المرتجفة.. .فصخت ملابسي.. ورميت نفسي بالحوض...حاولت استرخي لكن ما قدرت...كانت حياتي تمر قدامي مثل الشريط....انا دايم متهورة....تذكرت سارا صديقتي...سارا..يا اللــــــــــــــــــــــــــــه وش كثر مشتاقة لها....هي وعدتني تزورني اول ما تعطل في رمضان....كنت انا وسارا دايم متهورات....لكن انا اللي كنت اجرجرها وراي....وكانت الدايم المصايب تطيح على راسها....لكن هالحين... انا اللي راح اتحمل مسؤولية اعمالي لوحدي....ارتجفت وانا احس بالموية الحارة بدت تبررد....قمت من الماء..نشفت جسمي زين...ولبست روب الحمام الابيض....ولبست شبشب وردي من الريش.....طلعت وانا خلاص التعب هاد حيلي...والموية الحارة مفترة جسمي....ودموعي تالمني من كثر ماهي متجرحة....قررت اني انوم....لكن....آآآآآآآآآآآآي....تذكرت اني جوعااانة...يققطع ابليسك يا الجووووع...اول مرة في حياتي اذوق طعم الجوع....وزاد صياحي....وانا اضغط على بطني بقوووة... عضيت شفايفي بقوة من القهر وحسيت بالدم يسيل منهم...قرربت من السرير الكبير ابو اربعة اعمدة....رميت نفسي عليه....وتقلبت شوي وانا فوقه...لكن شفت ان النوم مفارقني....فقمت للتسريحة...ولقيت حبوب منومة....يصرفها لي الدكتور النفسي... من بعد الحادث....لأني لا يمكن انوم تقريبا من غير كوابيس...اخذتلي حبتين....وشربت كاسة موية....ودخلت في سريري وتلحفت زين..وغمضت عيوني....ورحت في نوم عميييييييييييق بدون احلام....




















صحيت على دق قوووي على الباب.....فجعني... قمت وانا مخترعه....سمعت صوت عمتي نورا...." ملكه...نشي من الرقاد حبيبتي...." حطيت ايدي على قلبي اللي كان يرقع بقوة....يمممه....رجعت وتمددت....وش صار فيني؟؟؟..ليش انا نايمة كل اليوم....طالعت الساعه كانت 8 الليل...زفررتت احاول اتنفس...غمضت عيوني من جديد....بس ثواني ورجعت قمت من سريري مفزوعه....يا ويلي....مساعد... مساعد... قبضت محل قلبي بايدي...معقولة يكون قالهم شي...؟؟؟...لالالا لو كان كذا كان اكسروا الباب على راسي....تلمست جبيني..كنت مصدعـــــــــــــــــــه وحاسه بدوخة قوية تضرب راسي...صفقت صفقتين عشان يفتح النور....ورحت داخل الحمام...اول ماوقفت عند المرايه...قمممت ارجع غصبا علي...مع ان معدتي كانت خالية...تمددت على ارضية الحمام احاول اجمع نفسي عشان اوقف على رجولي لكن ما قدرت....فتحت ماء الدش...ووقفت تحته بكل ملابسي....كنت احاول انشط قد ما اقدر...وفعلا دقايق وحسيت النشاط بدا يرجع لجسمي....خلصت من الشاور البارد السريع اللي خذيته....دخلت غرفة الملابس....وطالعت الدولاب...طلعت لي بنطلون جينز كحلي غامق..وقميص ابيض مقلم بخطوط بيج رفيعه وفيه زي الكشكشة على نهاية الاكمام....لبستهم ومشطت شعري زين...وبعدين قعدت انشفه بالسشوار على السريع....طلع شكله مرة حلو....واستشورت الغرة زين...وتناثرت حول وجهي بطريقة رااايقة... كنت ابي اتكحل واحط لي روج... بس ترددت ما ادري ليش؟؟..بالاخير قررت احط جلوس احمر بس...ورحت لبست صندل ناااعم بدون كعب...اساسا طولي 170 وما احتاج كعب....بس عفاري غصبتني بملكه بدريوه البس كعب خلاني تحففه بجد....
طلعت من غرفتي....واول ما طلعت شفت عمتي نورا كانت تكلم عمي سعود وكان شكلها متخرعه...قلت بصوت مرح قد ما اقدر " مساء الخيير...." طالعوني...وتنفس عمي سعود بارتياح بينما عمتي نورا جات وضمتني بقوووة....وطالعتني والعبرة خانقتها... قالتلي وهي تلمس شعري" ملكه يا بنيتي...وشفيك خرعتيني؟؟..." طالعتها وابتسمت وبست راسها وقلت وانا اروح لعمي عشان ابوس راسه " لا ابد...بس كنت قاعدة افكر بملكه بدرية عشان كذا ما نمت بدري..." وبست راسي عمي...قال عمي وهو يبتسم" والله يا ملكه...اني من اشوفك يبتسم يومي..." قلتله بدلع" اكيد...مو انا ملكه...انا ملكة السعادة والفرح....يعني امشي وانشر البسمة على وجوه الناس...." سكت شوي...وعمي يدق جواله....قال عمي وهو يطالع الجوال" هاذي عفاري..." ورد..
عمي سعود: الو...
عمي سعود: هلا عفاري....وشو؟؟....
عمي سعود: ماحركتوا؟؟؟....طيب ليييييييييش؟؟؟
عمي سعود: سلط...سلطان يقول...
عمي سعود يطالعني ويكمل وهو يبتسم: فيه الخير ولدي....دقايق..دقايق وتجيكم...
قالي عمي سعود وهو يحط الجوال بمخباته...." ملكه يا بنيتي...هاذي عفاري....مع سلطان ينتظرونك...برا..."
قلت وانا ابتسم" طالعين؟؟؟..." وجريت على غرفتي...قبل لا يكمل عمي كلامه...اول ما وصلت الباب...
قلت باعتذار: عمييييييييييي!!!!!....آآآسفة حيل....
ضحكوا عمي وعمتي علي....قالت عمتي..." ماعليج....روحي...روحي البسي ولحقيهم...." ابتسمتلها بامتنان...ودخلت غرفتي...






طلعت شنطة انيقة من لوي فيتون...شرتها لي عمتي نورا قبل كم اسبوع...ولبست صندل من نفس الماركة...واحترت في العبايات كلهم مزركشات...واخترت اخف عباية فيهم....كانت عباية ساترة وواسعة شوووي.....عليها رسمة طاوؤس كبييييييير من اسفلها من ورا...ولبست شيلتي اللي مافيها الوان....وبرقعي...وسويت الملكية....وطلعت ركيض من غرفتي....حتى ماقلت شي لعمي وعمتي اللي واقفين قريبين من الغرفة...بس عمي ناداني....قلت وانا مستعجلة على الدرج" عمممي تاخرت عليهم.." قال وهو ينزل ويطلع من مخباته الفيزا كارد.." خذي هاذي...ولبغيتي شي اشتري ولايردك إلا البطاقة...." ترددت أخذ البطاقة ولا لا...قالت عمتي نورا وهي تشوف عيوني تلمع" يللله ملوكه....انتي بنتنا...خذي لك وش ماتبين...إذا ماعطينا ملكتنا مين راح نعطي" ابتسمت وخذيت البطاقة منهم وانا متاكدة اني ماراح احتاجها....






برا كان الاخ سلطان قاعد يتناقر مع عفاري....علشان شيلتها وعبايتها ومكياجها...رغم ان سلطان يعتبر متحرر...لكن عفاري ماتنعطا وجه...رغم اني اموووت عليها...
سلطان: اقول عدلي شيلتك لاخنقك بها....
عفاري: مالك شغل فيني...
سلطان: والله...لو ما تعدلين هالشيلة....ان مافيه روحه...
عفاري: نعنبو دارك...هالحين ابوي اللي هو ابوي يخليني اطلع شعري كله.....وانت واقفلي هني...واشرت على رقبتها...
سلطان:عييييييب....عيب يا عفاري...ترانا سعوديين..وبدو عييييييييب...
طنشته عفاري وابتسمت يوم شافتني وركضت لي
عفاري: ملكه...يرحم والديك فكيني من ذا النشبة...
سلطان وهو يطالع فيني: لالالالا....لا واللي يخليك يا ملكه لا تزعليني منك...
ملكه: سلطان واللي يعافيك....خلها على راحتها....
صد عني سلطان وراح ركب المرسيدس الؤلؤي حقته...وقام يعدل المراية الامامية عشان يرتب الكاب على راسه.. كان لابس ديرتي جينز....وقميص كشششخخخه لونه ازرق واكمامه بيضا...والبوت ابيض..والكاب ابيض...وطالع يجنن...وصغير....كانه 18سنة...
قلت لعفاري وانا اطالعها: عفااااااريييي...طيب ....غطي شعرك على الاقل...
عفاري وهي تمد بوزها: اوووف...والله عادي....ياناس عادي....خلكم فررري.....
طالعتها وقلت: انتي حررة بس إذا عصب علينا ولا صار لنا موقف كذا او كذا ما راح تلومين إلا نفسسك...
ورحت ركبت ورا عفاري اللي ركبت في الكرسي الامامي...حرك سلطان...وشكله كان معصصب ويطالع بنص عين في عفاري اللي كانت متمكيجة وكاشفة عن وجهها وقذلتها وحاطه سكارف اخضر زيتي على راسها....بس عفاري معطيته اشكككل....



قامت عفاري تطالع في السيديات اللي قدامها....وحطت اول واحد شافته....كانت اغنية حربي العامري يا خسارة....يا خساااااااااارة..حبنا فيكم حرااام...واتضح لي معدنك على العموم...
ماعلى شوقك ولا حبك ملام...والملامه على قلبي الوم..
لو نسيتك من حياتي والسلام...نعمة النسيان من ربنا الرحوم...

سالت وانا اقطع الموسيقى بصوت عالي" وين رايحين؟؟؟...." ردت عفاري وهي بتشقق من الفرح" ابوي وافق اشتري سيارة....باركي لي....راح نتمشى كل يوم..." قال سلطان بعصبية" ايه صح.....هذا اللي بيخليكم تهيتون على كيفكم..." قلت لسلطان" سلطاااان!!!!!!!....يعني تتوقع اني انا واختك راح نروح اماكن بطالة..." سكت وشكله خجل...من كلامي...
عفاري" اتوقعي من سلطان اي شيء..."
سلطان بعصبية" عفااري....الزمي ادبك..."
عفاري وهي تطالع برا" يووووه...الزمي ادبك الزمي ادبك...وش ذا الطفش...لو رحنا مع ابوي اصرررف..."
عصصب سلطان على الاخير...وقال وهو يحاول يتحكم بعصبيته" ملكه...!!"
قلت متدخله وانا اضرب عفاري على كتفها" خلاااااااص...."

كملنا الطريق واحنا ساكتين...كل واحد يفكر بشي يخصه خصوصا على انغام اغنية...راشد...مسموح ياللي تعذر....
مسموح ياللي تعذر...مسموح ياللي تعذر....مسموح لو ما تعذر....في غيبتك كم تاثرت...واللي يحب يتاثر...ياروحي....واللي يحب يتاثر ياروحي...



طالعت من شباك السيارة..... صادق يا راشد واللي يحب يتاثر..... هالاغنية كانت المفضلة عندي انا وسارا...يوووه سارا الشينة اشتقتلها موووت......وتذكرت الرياض وزحمتها...فيها شبه من دبي وزحمتها... بس الاصح ان دبي تشبه جده اكثر.....حن قلبي للسعودية..حن قلبي لهواها....يوووووووووه اشتقتلك يا ديرتي الحبيبه...اشتقت لناسك وهلك..اشتقت لمبانيك وزحمتك...اشقت لجامعتي....وحتى استاذاتي اللي ماكنت اطيقهم...صرت احبهم واشتاقلهم....وحتى..جيراني..حينا...اشتقت لكل مافيك.. يا السعودية....لبردك وحرك ... شتاك وصيفك...ربيعك وخريفك...لجبالك ووديانك....سهولك وصحاريك...اشتقت حتى لجيراننا اللي كنت اتافف منهم وكانوا ياذوننا.....حسيت بقلبي ينعصر على الذكرى ودمعععت عيوووني...وعضيت على شفايفي...
لفيت برجان ودورا...اسال عن اللي تاخر يا عيوني...اسال عن اللي تاخر...
مسموح ياللي تعذر...مسموح ياللي تعذر....مسموح لو ما تعذر....في غيبتك كم تاثرت...واللي يحب يتاثر...ياروحي....واللي يحب يتاثر ياروحي...


فجأة.....دارت افكاري...وتغيرت 180 درجة...تذكرت موقفي مع مساعد.... الصباح...الحمدالله حتى الآن ماصار شي....الناس مبسوطة وكل شي تمام التمام....تذكرت بدرية...فكرت اسال عنها...بس ترددت... عودت افكاري لرجل بدرية...مساعــــــــد....حطيت ايدي على قلبي...اللي اخذ يدق فجأة بسسرعه وبقوة....
تذكرت عيون مساعد...سبحان الله عيونه واسعه وناعسه....سووود...في حياتي ماشفت عيون سودا كذا...ورموشها كثيييرة....الله يحفظه من العين....شهقت فجأة وليش ادعي له؟؟...مالك شغل فيه يا ملكه...هو رجل بدرية موب رجلك...ولا يمكن يصير رجلك في يوم من الايام....



تذكرت نظراته لي...حمرت خدودي...يعني انا حلوووة؟؟؟....ما عمري دققت بملامحي...ولا عمري اغتريت بعمري...ناس كثير يشفوني...ينعجبون فيني...لكن هل انا فعلا حلوة؟؟..او يمكن جذابه؟؟...طالعت في المرايه اللي قدام لاحظت ان سلطان كان يناظر فيني شال عيونه من عيوني وركز في الطريق....طالعت في عيوني في المرايه....عيوني واااسعه...ورموشي كثيرة....ولون عيوني فاتح....لا هي سودا ولا هي خضرا...لون غريب بالوسط....كأنه عسلي مدموج باخضر...لون غريب مرررة ورثته عن جدتي من طرف امي... كثير ناس كانوا يستغربون من هاللون العجيب...وكان عيني شفافة...بس انا ما اذكر اني كنت مقتنعة بلون عيني....تعجبني العيون السوداء...الحور...مثل عيون مساعد...لقيتني افكر وارجع واعود ل مساعد...تلمست الشباك ببطء...وتنهدت تنهيدة مسموعة غصبا علي...التفتوا علي عفاري وسلطان....فعضيت على شفايفي وقلت بصوت موب صوتي" الله....شوفوا ذيك السيارة...ليتنا كنا فيها...." وبكذا رجعت الجو لعفاري وسلطان انهم يتناقرون ويتركوني بحالي...
حارت دموعي وتحيرت...حارت دموعي وتحيرت والمسالة هي تحير...مسموح لو ما تعذرت انا اجيك اتعذر يا روحـــــــــي...انا اجيك اتعـــــــــــــــــــــذر...


واللي يحب يتاثر يا روحي...واللي يحب يتاثر يا قلبي...واللي يحب يتاثـــــــــــــــــــــر...


اخيرا وصلنا معرض السيارات....كانت عفاري تبي تشتري بورش سودا...مع ان سلطان طول الطريق يقنعها ب بنتلي عودية....بس هي عيت واصرت على موقفها....واول ما دخلنا المعرض...كانت عفاري مبسووطة وهي تقعد داخل البورش كوبيه...وتقولي وسلطان يتكلم مع المشرف" تعالي اجلسي معي..شوفي كيف مريحة..." جلست جنبها وقلت وانا منبهرة" واااااااااااو....كشششششخة....مرة كششخة..بنكشخ فيها عند بنات ال....ي...."وهاذولي كانوا بنات معنا في نفس الحي...لكن كانت بينا وبينهم عداوة معتبرة...ليش؟؟..لا تسالوني...تعرفون البنات بعد...إذا حطوا احد في روسهم...قالت عفاري وهي تمسك الطارة" مو مصدقة..مو مصدقة...راح اسوق...اخيرا..." والتفت لي وانا منبهرة بالسيارة بقوووة" والله انتي وجه خير علي يا ملكه..." ابتسمت لها...لمعت عيونها...بس قلتلها فجأة" بس تراها صغيييييييييرة..." وبعدين كملت" يعني...صغيرة..ماراح نقدر نروح فيها انا وانتي وعمي وعمتي وبدرية وحمودي.." قالت وهي تاشر بيدها: الحمدالله بدرية وحمودي..مقالبينا اربع وعشرين ساعة....وعمك وعمتك يقولون انهم خافين على اعمارهم...." ضحكت بقوة: ههههه...." وضحكت عفاري معي: ههههه...
جانا سلطان وهو يقول: خلصتوا تجارب؟؟؟...ورفع حاجبه يناقر عفاري اللي قالت بغرور وهي تنزل" خلاص ....دفعت الفلوس؟؟؟؟..." طالعها وكان وده يكفخها" ايه يا سمو الاميرة....دفعت.."التفتلي بفرح ومسكت يدي وقمنا نصارخ بدون ما نحس...وكان فيه شباب طالعونا...وكانهم يقولون وش هالمهابيل؟؟...خصوصا ان سلطان كان يصارخ معنا...



في الطريق...رجعت انا وعفاري بالبورش.. وقبل ما ناخذ الخط للبيت...كنا مشترين كرسبي وحاجات خفيفة...عشان ناكلها بالطرييق...هذا بعد ماطلبت سلطان....اللي جابلي كل مقادر يجيب....سلطان كان قدامنا بسيارته...اللؤلؤي.... وعفاري مسوية فيها انها بتسبقة وانا قاعدة اصارخ عليها...بخووف" عفاااري...لا تودينا بدهية...تراك توك ماخذه الليسن حقك..." قالت وهي ترفع صوت الراديو على الاخير..وطبعا الشبابيك مقفله..." خليني...تراني مبسوووطه...لو تدرين من متى وانا اصيح عند اهلي ابي سيارة..." ربطت حزام الامان علي زيييييين...الله يستر والله عفاري سواقتها ماااش.. وقعدت آك اكثر من الرعب...ههه...ترى الشفاحة تجيني إذا انرعبت.....فجأة ارتفع صوت المذيعه في البرنامج مايطلبه المستمعون وهي تقول: هذا اهداء..من الاخ سلطان ال....إلى اخته الغالية عفاري وبنت عمه ملكه الليل..." وكان هذا الاسم اللي يناديني فيه سلطان دايم يا ملكة الليل....كانت الاغنية هي اهمه لعيضه المنهالي...فقمنا نصاااارخ انا وعفاري من الوناااسه....وااااااااااو.......

تكملة الفصل السادس

اهمه لو كذب عني ماهمه...غلاه يجول في قلبه ودمه....يبان الحب في نظرة عيونه... يقول الصدق ولا ولد عمه....
يغار وغيرته تفضح غرامه...وتكشف غيرته حتى كلامه..يغار ويقلب الدنيا عليا...يبيني دوم في قربـــــــــــه
ويمه....
يبيني دايم بجنبه يبيني...ولو انه تظاهر ما يبيني... انا ادري فيه... وادري عن طباعه...يخفي الشوق في قلبه ويضمه...
يكابر وادري انه هو يكابر...وانا ادري بس...لكن دوم صابر...ابيه يبوح عن حبه وشوقه...وانا اللي بين خلق الله اهمه...



ونصفق واحنا نحاول نسبق سلطان اللي عطانا مجال انا نجي جنبه على اليسار....وفتح شباكه...ففتحنا الشباك...قال وهو يشوف هبالنا" ترى في نقطه قدام.....هدوووا السررعه والله ترا اتركم بروحكم...." ماصدقناه....وطنشناه...لكن لاحظنا نقطة التفتيش من بعيد..فقللنا السرررعة مرة....مع ان عفاري من كثر الاثارة موب قادرة تسيطر على سواقتها....عدينا من عند الشرطة....اللي اول ماشافنا بنات مشانا....بعد ماطلب منا نخفف السررعه"...طاحت وجيههنا يوم طالعنا سلطان وهو يضحك وكانه يقول تستاهلون ماجاكم...



آآآه...اخيرا وصلنا لحينا....فخففنا السرررعه....يوم قربنا من فلة عمي...اللي كانت مفتوحة بيبانها....عرفنا ان فيه ضيوف....ف سكرنا الراديو انا وعفاري....واشر لنا سلطان ندخل من المدخل اللي ورا....لفينا حول الفلة ودخلنا من المدخل الوراني ووقفنا عند النافورة اللي في النص...بس ما قدرنا ننزل...كنا مبسوطين على الاخير والاثارة ماليتنا...ومو قادرين نسيطر على اعمارنا...طالعتني عفراء وهي تترجاني بعيونها...قلت وانا افك الحزام عني" لالالا....قسم بالله راح يجينا تكفيخ معتبر من سلطان لو سويناها وطلعنا..." فتحت الباب...وشلت البرقع عن وجهي وانا محترة....وفصخت الشيلة...فطاح شعري على عبايتي...ورقيت الدرج النص دائري الطويل...



اول ما دخلت الصالة..... حسيت بهدوء غريب....وآلمني قلبي...مشيت زيادة ونزلت الثلاث درجات اللي على بعد مسافة بسيطة من الباب...كانت الصالة مقسومة لخمس اقسام....سمعت صوت صياح وبكى عالي...التفت على اليمين.....كنت مبتسمة لكن بسمتي تجمدت وراحت....لقيت بدرية جالسه في الركن وعمتي جنبها....وبدرية تصييح وعيونها مليانه دموع....وكانت عمتي تحاول تهديها.. وقاعدة توشوش لها بصوت خفيف..وتضمها بقوة......اول ماقربت منهم وانا قلبي منقبض من الخوف.... قلت بتردد وهم ماهم منتبهين لي..." السلام عليكم..." طالعتني بدرية...وهالني الكره اللي شفته....اضعاف ما كنت اتصور...حتى شكلها كان يخوف وهي تطالع فيني...كان واضح انها قاعدة اتشد شعرها....قامت اتمسح دموعها...ردت علي عمتي بتردد بعد" وعليكم السلام بنتي..." شفت بدرية طالعها وقامت وهي تصرخ على عمتي" خلاص...كااافي"
وكملت بدرية وهي تقرب مني ...هي السبب...." واشرت علي.."انتي السبب...." رجعت على ورا...وانا احاول اتفاداها وهي تصيييح" انتي السبب....الله يآخذك...الله يآخذك...." حاولت اوخر عن يدينها اللي امتدت تضربني... ضرباتها كانت حاقدة وقوية... بس ما قدرت حاولت عمتي نورا وعفاري اللي دخلت على صراخ عمتي نورا وصراخي... يوقفونها ما قدروا...وانا حاولت قد ما اقدر ابعد ضرباتها عني لكن....بعد ما قدرت...بدرية اسمن مني بكثير...واقوى مني بكثير...ما اذكر اني ضربت عصفور...فشلون اقدر اضرب انسان....سمع صياحنا سلطان اللي كان برا...فدخل على طول وهو يشوف بدرية شادتني من شعري....حاول يفكها ما قدر... حاول وحاول...بالاخير...عطاها ذاك الكف...اللي طرحهاعلى الارض.... الصمت كان سيد الموقف....عمتي نورا طاحت تضم بدرية لصدرها....وعفاري..كانت تطالع ب سلطان وعيونها مبققة..وكانها تقوله تجرأ وتضرب اختك...طالعت في الكل.. وحسيت انهم يكرهوني....يكرهوني والله...وبدرية تحسب علي.....كانت لثتي تنزف...وشفايفي تنزف بعد وشعري حوسه ومتقطع...اول ما استوعبت ان سلطان قاعد يطالعني...هرربت منه بسرعة وانا قاعدة اشاهق

الفصل السابع....



اني انسان لي روحان...روح يعرفها كل الناس....وروح اخرى تجهلها كل الاجناس...روح مرحه لم تلقى الهم في دنياها...وروح تشقى لم تلقى سوى فيض الآلام....ماغرد فرح يسعدها...مامارست املا يبهجها....مافيها سوى دمع متدفق محترق فوق الوجنات...مافيها سوى طفل معدم مطعون عدة طعنات...مافيها سوى يأس قاتل يردد اصداء الاحلام....اني انسان....انسج احلامي بخيالي لاصل إلى كل محال...اتعدى الارض إلى زحل اتمشى في كل الاكوان...اتسامر ليلا مع قمر....اعطيه حنانا وامانا....اعطيه جروح الايام...اعطيه دموعا تتتساقط لتعبر عن ظلم الازمان....يتخافت ضوؤه بين يدي....ينطفىء القمر لآلامي....ينطفىء القمر لأحزاني....فيموت القمر باحظاني...ولكن من الجاني.؟؟؟...من الجاني؟؟؟....سواد القلب هو الجاني.....





الســـــــــــــــــاعة 4:48 صباحا....





اخيرا جفت دموعي....اخيرا وقفت عن البكا...كنت متمددة في الجاكوزي....حاسه ان جسمي متخدر....وعقلي متخدر والاكثر من هذا قلبي...قلبي وكانه فقد النبض والاحساس....ماكنت ابكي...عشان ضرب بدرية...لا لا....صح انه آلمني....بس مو الضرب اللي خلاني ابكي بشكل هستيري للفجر تقريبا...كان الاحساس بالمهانة....الاحساس بالذل...باليتــــــــــــــــــــم....آآآه من هالكلمة شلون قاسية.....توني بديت استوعب صفعات الحياه....انا يتيمة مالي والي....مالي احد يهتم فيني.....صحيح اني سمعت عمي سعود دق الباب اكثر من مرة ...وصحيح ان جوالي ماوقف عن الرنين.....لكن كرهت نظراتهم لسلطان...حسيت فيها تجني....صح ان سلطان ماكان مفروض يضرب بدرية....لكن جرحتني...عيونهم اللي تطالع فيه ثم فيني ثم في بدرية.... وكأنه تقول....ارتحتي؟؟....هذا اللي تبينه يصير؟؟؟...
تنهدت وانا اطالع بصور اهلي اللي ماسكتهم في يديني....والله فقدتكم...والله يا اعز الناس لكم وحشه... تلمست الصور احاول ادور فيها عزا لي....لكن....صورة...بالاخير هاذي صورة لا تقدم ولا تأخر....كانت الفرحة مرسومة على وجيههم...الصورة الأولى كانت لامي...في عرس وحدة من صديقاتي...كانت لابسه فستان بنفسجي...وتاركه شعرها الاسود يتطاير حول وجهها....بست الصورة..والدموع مغرقة وجهي...يممممه.... يمه والله ولهت عليك يا الغالية.... وقلت بيأس وبصوت عالي" ردي علي....الله يخليك...لا تتركيني...." وضميت الصورة وانا اهتز....يا شين المرارة اللي لاحظت انها قاعدة تكبر فيني لحظة ورا لحظة....ياشين الالم اللي اكتشفته يتجمع بصدري من موتهم....


قلبت الصورة الثانية بكفي... صورة ابوي...وهو شايل سلمان وجنبه خالد ومحمد وبندر....وكنت انا قاعدة فوق السيارة جنبهم...هالصور كانت في تورنتو بكندا....لا يمكن انسى ذيك الايام..اللي كانت اروع ايام في حياتي...قبل ثلاث سنوات تقريبا....كنت انا اللي مسوية لهم جدول الرحلة وانا اللي مخلصه كل شيء...وحتى التذاكر كانت هدية مني لهم....مديت اصابعي المس وجه سلمان الصغير بلهفة....مفروض عمره هالحين ست سنين.....واضفت بحسرة وانا ابعد الصورة عني" لو كان عااايش..." ...






غسلت وجهي بالماء...وانا ابعد الصور عني...صور تختصر الماضي والحاظر والمستقبل....صور اختصرت الازمان كلها....وكانها التقطت في وقت خارج الزمن....وقت كانت السعادة فيه نابعه من القلب...بدون تكلف وبدون رياء....سعادة حقيقية ما يخالطها زيف!!!....صور فيها براءة الاطفال....وحنان الام وكبرياء الاب....شهقت بصوت عالي من جديد...وحطيت ايدي على فمي امنع صرخة تطلع من فمي...لأني صراحه ماعدت احتمل... ماعدت احتمل....يمكن انا انسانة ضعيفة..لكن هاذي خلقتي مثل الريشة او بالاصح مثل الورقة....تحركني الريح كيف مابغت...

سمعت أذان الفجر.... الأذان.....خلاني اتعوذ من ابليس ومن وساوس الشيطان...والسخط...فرددت ورا المؤذن...وقمت من الحوض..حطيت رجلي بحذر خارج الحوض عشان ما اتزحلق....واول ما طلعت منه...اخذت روب الحمام الابيض....لبسته بعد مانشفت جسمي....رحت للحمام....وصرخت منفجعة اول ماشفت وجهي...كانت شفتي متورمة حيل....ومنشقه شق كبير...وعيوني..حمررر ومنتفخات...وخدودي مسودة ومزرقة ومخضرة من الضرب..وشعري متقطع...فرشت اسناني...وتوضيت زين.....وطلعت من الحمام...صليت الفجر ....





بعد ما صليت...جلست على سجادتي شوي....اقرا بالاذكار... واسبح واهلل واكبر واستغفر....قمت من على الارض وانا اقرا المعوذات....وكنت امشي ببطء..لأن جسمي يعورني من الضرب....طلعت على السرير بصعوووبة شديدة..وقمت اصرخ صرخات مكتومة.....انسدحت على سريري اخيرا...وصفقت عشان يقفل النور....وفتحت الاباجورة القريبة...وقعدت اقرا بالقرآن شوي....ودعيت ان ربي يرحم اهلي ويخلدهم بالجنة...وقفلت المصحف بعد ما قريت لي خمس صفحات...تقريبا...وغطيت نفسي زين وبحذر...وغمضت عيوني عشان انوم....







لحظة من لحظات ياسي والامل ضاعت دروبه ....والدمع قد خذ مقره في عيوني ثم عماهــا
حالتي كني بصحرا والنهار اعلن غروبه ......صمت قد حل ومخاوف والظلام اشعل سماها
ريح تصفر في مداها ليت هي نسمة هبوبه.....ليتها تاخذ بياسي وتوهب نفسي صفاهـــــــــــا
ليت الاقي بذرة فيها الامل بارض خصوبه....ليت الاقي واحه اروي عطش نفسي وظماهـــا
ياقمر من دون ضيك امشي الخطوة ابصعوبة....آه يا دنيا بخيلة من الضيا شحت عطاهــــــــا
وان عطت قامت تلاهب..لو نجيت انها عجوبة....مابها ظل ياوي من سنا شمسي وظياهــــــا
بين نفسي وبين حالي والقهر قد شن حروبه....كيف يرحل عقب ما استولى على نفسي وخذاها
مثل حال الزهر حالي من يبيعوا ويشتروا به....تنقطف من دون رحمه لجل ماتفقد شذاهـــــــــا...
وين مدري؟؟...وين امشي؟؟...وين المشوار دوبه...والجهات مضيعتني والا انا مضيعه خطاها؟؟؟
حال يشبه شخص تايه هم هله مادروا به....ليت عني يسالون وعن حياتي وعن شقاهــــــــــــــا
ليت بلقى شخص يسرقلي على وقتي...وشحوبه..ارتمي في جوف قلبه ونفسي اتلاقى حماهـــــا
(ليت)...كلمة ليتها اتهون على الملتاع نوبه....ليتها تخفف على نفسي ويسبح في فضاهــــــــــــــا
قمت امل نفس ظميانه بسراب به عذوبه....وينه هو؟...والارض جردا خاليه من عذب ماهــــا...
رغم حزني....خذت ياسي..وصرت متجه لصوبه....بالوهم املت عمري...والحقيقة مالقاهـــــا..
وانقطع خيط الاماني وقلت...يالله بس توبه...مابرافق كلمه ماذقت مرة من حلاهـــــــــــــــــــــــا...
عقبها رديت اسكن في حشا نفسي بعزوبه...دام افراحي ابعدت عني ولا ادري وش بلاهـــا؟؟؟...
ورجعت لاحظان ياسي والامل بانسى دروبه....واكتفي في دمع عيني ياللي اشقاها عماهـــــــا...








تقلبت كثير على فراشي....والنوم جافاني بالمرة..فما قدرت انوم لو خمس دقايق على بعضها.... كان تفكيري ببدرية...ليش بدرية سوت كذا؟؟؟....ليش كانت تبكي؟؟؟...انا متعودة على بكا بدرية....بس هالمرة كان غير...او يمكن احس انه غير...لأني...؟؟؟.....انضربت!!!...وتكسر راسي!!!...لالالا...بدرية فيها شي موب طبيعي....ياووويلي...لا يكون يا مساعد تركها علشاني...علشان انك ضنيت بنات العايلة صايعات....جلست على فراشي ببطء وانا جسمي يئن مع كل حركة....لالالا...مساعد!!...مســــــــــاعد...مو هو راعي هالحركات....مساعد لو كل البشر....يسووون كذا...هو ما يسويها....صرخت بنفسي..وانتي ليش تدافعين عنه؟؟؟...ليــــــــــــش؟؟؟..تعرفينه حظرتك؟؟؟.....لا ما عرفه....لكني اعرف اقيم الناس كويس....ومساعد رجال مرة كويس....ولا يمكن يكون ترك بدرية او قالها عني...ضربت خدودي بخوف....بس اللي انا سويته موب بسيط..قعدت اطالع بوجهه....واتامل محياه.....ياويلي....يمكن...يمكن؟؟...والله ما ادرررييي....فكرت ... ليش ما ادق على سلطان....واساله...خصوصا انه قبل لا احط راسي على المخده كان متصل لكني ما رديت عليه....
نزلت من سريري... واستوعبت شكل الغرفة....اللي ما كانها غرفة بنت...كان كل شي مرمي على الارض....جزم ...شنط... كتب ...اوراق...دفاتر....المبخرة....علب مكياجي... عطوراتي ....عبايتي....شيلتي ...برقعي....اووووف....زفرت وانا اتحرك بضيق....هاذي العادة فيني من كنت صغيرة....كل شي اقطه على الارض إذا عصبت....كل شي اكسره يكون قدامي...والله ما ادري متى راح اعقل عن حركات البزران ذي؟؟...تلمست دربي بصعوبة وانا احاول ادور عن الجوال الصغير الوردي...يعني وين يكون؟؟؟...يااارب احد يدق علي..عشان اقدر اطلعه..المشكلة اني مانيب حافظه رقمه ولا كان دقيت عليه من التيلفون حق غرفتي....




مشيت لآخر الغرفة عند الشباك الكبير اللي آخذ مساحة الجدار كله تقريبا....كان النور توه بادي يطلع ويشع....فتحت الستاير الذهبية المخملية....وطالعت المسبح الكبير...واللي كان محوط بالنخيل....حسيت براحة نفسيه وانا اتامل الجوا بره وتمنيت لو اطلع للحوش...لكني رجعت وغيرت رايي..خايفة ان احد يشوفني ويحط فيني ان..بعد..ضحكت شوي وانا اتذكر موقف لي مع عفاري قبل ثلاث شهور جنب المسبح ذا بالتحديد....




عفاري: ياربيييييييييييييه...ما اسمه حوش...اسمها حدييييقة...
ملكه: لا اسمه حوش...وانا عاجبني اني اسميه كذا....
عفاري: يا ملكه يا عيوني...لازم تواكبين الحظارة...
ملكه: ايه ان شاء الله...إذا حج البقر على قرونه....
عفاري وهي تضرب كتفي: افففف...والله انك عنيدة....
ملكه: طالعه على اهل ابوك....
عفاري: والله انج صادقة....ههههههه...كلنا من ناحية العناد لاهل ابونا....ههههههه
ملكه: هههههههه....






بعد لحظات طوويلة..واقفتها بمكاني....كنت بتحرك....لكن لفت نظري...شي...او بالاصح شخص... تعلقت عيوني....بواحد اسمر ..طويل...كان واقف عند وحدة من النخلات.... ويدخن... واضح...انه كان سرحان لابعد حد....وعيونه تتتامل المسبح....كان لابس...بنطلون جينز وقميص ابيض.... يعني واضح انه مانام..وتوه راجع من مكان...شعره الناعم كان يتحرك مع الهوا....وقفت مكاني....رغبه خفية خلتني اراقبه بدون حذر....بس ....كنت خايفة يرفع عيونه ويشوفني صح القزاز حق الشباك مضلل بس على خفيف مرررة...لكني ماقدرت اتحرك...غصبا علي انشديت له.... كان فيه شي مميز وشو ما ادري؟؟...شي يخليك تطالعه وتتامله غصبا عليك....وقمت اطالع به...حسيت انه حززين .... بس ملامح وجهه كانت متقلبة من الحزن للغضب....حسيت قلبي انقبض على حزنه....بس....ليش احزن؟؟؟ .... اكيد هذا وافي...خالهم... مافيه غيره رجال غريب...والباقيين اعرفهم....فكرت باسى وانا ابتسم بسخرية ....هذا اللي عفاري تكرهه...وهزيت اكتافي وانا اتسند على قزاز الشباك البااارد واطالعه بحقد....خوي بدرية....هزيت راسي بقهرر....اكيد انه مثلها...اجل يستاهل الحزن والالم...يستاهل هو و بدرية كل شي يصير لهم....انقبض قلبي...وتمنيت افتح الشباك واصرخ فيه....وادعي عليه..ليش ما ادري؟؟..يمكن لان بدرية تحبه...وانا...انا..انا وشو؟؟...تعتقدون اني اكره بدرية...للاسف مااقدر اكرهها....انا قاعدة اصارخ وادعي عليها...لكن بعد دقايق..راح تلاقوني استغفر ربي....هاذي طبيعة فيني....ما اقدر اكره اي احد...حتى راعي التريلا الهندي اللي صدم سيارتنا....ما قدرت ادعي عليه او اكرهه....




بعد لحظات طويلة...تحركت من مكاني....وانا اسمع نغمة الجوال... طالعت ورا احاول اشوف الجوال وينه.....


مالي عزا من دونه...لي تيمني هواه...كل الحسن في عيونه...في ويههه ومحياه...الناس مايسوونه لي عالي مستواه....قلبي فضى مضمونه...ارجوووووك لا تنساه....




كانت نغمة سلطان...رحت قفلت الستاير بسرررعه....مع اني لاحظت ان الرجال اللي كان واقف اختفى فجأة...مافكرت كثير...إذا كان شافني او لا؟؟؟... قعدت اجري ورا النغمة وانا ادعي انها ما توقف....لقيت الجوال تحت السرير... سحبته بسرعه... وتنفست براحه وانا ارد على آخر مقطع من الاغنية....



ملكه: الوووو....
سلطان: اخيرا...( وتنفس براااحه)
ملكه:.....
سلطان: قلقت عليك...
ملكه:.....
سلطان: ردي علي....
ملكه: وشو؟؟..(وتجمعت الدموع في عيني...سلطان من بد البشر كلها له غلا في قلبي..مثل غلا خالد اخوي الله يرحمه)...
سلطان: أنا آسف....
ملكه باستغراب: ليش تتأسف؟؟...
سلطان: نيابة عن النسرة بدريوووه....ونيابة عن وقفتي قدامك وانت فاتشة عن الوجه المليح...هههههههه.....
ملكه بخجل: سلطاااان..!!!...
سلطان وهو يضحك: هههههه.....( وسكت شوي)....ملكة الليل؟؟...
ملكه: هلا...هلا سلطان....
سلطان بصوت مرتعش: يا حلو ذي الهلا.... تعبانة؟؟...
ملكه( وصوتي يتهدج): ابد..انا...م...مر...مرة...زينة....الحمد...ل...لله. ..
سلطان وهو يتنفس بصعوبة: انا...انا....انط...ر..( وسكت)...
ملكه: وشو؟؟؟....وش صار؟؟....( بقلق وقلبي يعورني بسبب صوت سلطان)....
سلطان: انا تعبان....
ملكه: سلامتك...ليته...فيني ولا فيك...وينك سلطان؟؟؟....
سلطان وهو يكمل بسرعه: الله لا يقوله... قاعد اتمشى على شط البحر....
ملكه براحه: انتبه لنفسك...
سلطان: ايه اكيد...( سكت شوي ثمن كمل)....ملكة الليل؟؟؟
ملكه: ها؟؟؟....
سلطان: تبين تاكلين شي؟؟؟...
ملكه : لا...مو جوعانة....( حسيت بدوخه قوية فكملت)...سلطان؟؟؟...
سلطان: هلا....
ملكه: لازم اروح....هالحين...
سلطان: وين تروحين؟؟...
ملكه: sorrrrry...قصدي اقفل...لأني تعبانة شوي..
سلطان بقلق: انتبهي على عمرك...باي...
ملكه: مع الســــــــــــــــــــــــلامة..( وطالعت الجوال وانا اسال نفسي ليه خفت اسال سلطان عن بدرية)





بعد ماقفلت من سلطان...طالعت الجوال....واااو....لقيت فيه 119 missed calls ...ويييي....فتحتهم.... لقيت 73 من سلطان....و20 من عفاري والباقية من عمي سعود ورقم غريب وسارا.... .....(خويتي..... اشتقت لك يا سارا مرة...اشتقت لمغامراتنا سوا....وهروبنا من المحاظرات...اشتقت لطلعاتنا سوا..وتسيوقنا سوا....اشتقت يا سارا لك واالله ولهت عليك...حتى اني ولهت على شغالتكم الين...اللي كانت دايم تدعي علي وعليك يوم نحوس لها المطبخ....)

تكملة الفصل السابع

شبكت التيلفون اللي بغرفتي....لأني كنت فاصلته...دقيت على جوال سارا....رن كثير....ولا ردت...عرفت انها نايمة....وينك يا سارا؟؟؟...انا محتاجتك.....هزيت راسي...وقفلت التيلفون ورجعت فصلته...قرررت اني ارتب غرفتي دام مافيني نوم....حطيت cd بالستيريو.... فيه اغاني محمد عبده المفضلة عندي....ارتفعت موسيقى هااادية لاغنية احبس دموعي....رتبت سريري زين....وقعدت على الارض...ارتب كتبي الشعرية ومجلاتي...ورواياتي....ومذكراتي...


احبس دموعي حبيبي من غلاك...احبس دموعي حبيبي من غلاك...انت دمعه...انت دمعه...خايف ابكيك وتطيح....
احبس دموعي حبيبي من غلاك...احبس دموعي حبيبي من غلاك...انت دمعه...انت دمعه...خايف ابكيك وتطيح....



آآآآآه.....حطيت الكتب والاغراض في المكتبة اللي بغرفة الملابس.....ورجعت عشان اشيل مكياجي المكسر...



ياحبيب الجرح اتعبني عناك....في يدينك قلب...لكنه جريح...ياحبيب الجرح اتعبني عناك....في يدينك قلب...لكنه جريح...
ابنشدك قد صرت نجم في سماك....او مشيت بدرب ماهو لي صحيح... او مشيت بدرب ماهو لي صحيح...


لملمت قطع البلاشر المسكورة....والارواج المتناثرة بكل مكان...وقطيتهم بالزباله...


جابني يمك حنيني مانساك....قام ينشد عنك شوق بي يصيح...
جابني يمك حنيني مانساك....قام ينشد عنك شوق بي يصيح...
من عذاب البرد جيت ابغى دفاك...واثرك بصادق حنينك لي شحيح....
من عذاب البرد جيت ابغى دفاك...واثرك بصادق حنينك لي شحيح....


تنهدت....وانا اشوف ساحة المعركة بدت تنظف وتترتب....شلت الجزم والشنط..وفكرت....عاد الباقي بخليه على نوري.. او وحده من الشغالات..هي تنظف الغرفة وتبخرها....



طالعت الساعه...لقيتها سبعة ونص....حسيت اني ابي كوب نسكافيه....وساندويش جبن خفيف..قررت اطلع من غرفتي..رحت دخلت غرفة الملابس....طالعت في الدوالايب المفتوحه والادراج...طلعتلي فستان ناعم...قطني....لونه وردي مقلم بالعرض بخطوط ليموني... لبسته...وكان يجي فوق الركبة مباشرة واكمامه قصيرة مرة....مشطت شعري بشووويش...خصوصا ان جلدت راسي تعورني...ورفعت شعري كله ذيل حصان....وماحطيت لا مكياج ولا غيره.....لبست صندل ابيض ناعم قبل ما اطلع من غرفة الملابس....
قفلت باب الغرفة وراي...ورحت للاوفيز....دخلت لقيت وحده من الشغالات...قلتلها وانا اشوفها تطالعني مخترعة" وين نوري؟..."
عايشه: نوري سوي نوم...عشان هي تعبان...
ملكه: ليش تعبانه؟؟....
عايشه: هي طيح امس....وهي في كنس ستارة...هدا ريمووه يجي خخووف هي...
ملكه: اهاااا....طيب...روحي رتبي غرفتي عايشه....
عايشة: انشاللله عمتي...
طلعت عايشه...وفتحت انا باب الثلاجه...طلعت جبن ابيض وحبة خيار وشوية خس...وصامولي...
ركبت الغلاية على النار بعد مامليتها موية....قطعت الجبن والخيار والخس وحشيت الصامولي فيها....وجلست على الطاولة حقت الاوفيز اللي جنب الشباك....وقعدت اتامل الهدوووء اللي برا...






كنت خايفة من عمي وعمتي...الله يسهل المواجهة....وش اقولهم لو علمهم مساعد عن دخولي ملحق الرجال؟؟..يعني صدق ماعندي سالفة....ومافي اي شي حيبرر لي الموقف...وقعدت ادعي ربي بصمت انه يعدي هاليوم على خير...حتى اني داخليا كنت مستعدة اني اتاسف لبدريه...ولا يزعل مني عمي سعود او عمتي نورا....كلش إلا هاذولي الاثنين...هاذولي اللي اعتبروني وحده من بناتهم....ما ابي اعطيهم فكرة غلط عن تربيتي ببيت اهلي الله يرحمهم...حرام اخلي سمعة ابوي بالارض....وهو اللي عاش حياته كلها يلمعها ويخليها تبررق...ماعاش من يشوه سمعت العايلة....







شلت كوب النسكافيه...وكنت بطلع بس تفاجأت وانا اشوف عمي سعود عند الباب...انفجعت حتى ان الكوب اللي معي تناثر منه شوي على اصابعي....قال عمي باسف: آسف....توقعتك منتبهة لي....
ملكه: لا ابدا....اصلا..انا مليت الكوب...زيادة..
وكملت وانا اترك الكوب على الطاولة عشان اسلم على راس عمي: صباح الورد....يا احلى عم في الدنيا....
عمي سعود واللي كنت خايفه اني يدفني او يبعدني عنه: يا صباح الزهر والفل والياسمين...يا ملكة العيلة كلها....
خنقتني العبرة والله اني احبك يا عمي: ها عمي....ابخرلك ثوبك وشماغك قبل لا تروح الصلاة...
عمي وهو يسحب له كرسي...ويجلس: لالا تو الناس...انا كنت ابي اتكلم معك....
قلت بلا مبالاة: طيب...تبي فطور؟؟....
عمي وهو ياشرلي اجلس ويطالع فوجهي وكانه منصدم من الآثار: لالالا....شبعان...
طنشته وانا ابي ااجل المواجهة...: طيب..كوب نسكافيه على الاقل....
وخذيت كوب: وحطيت فيه سكر ونسكافيه وصبيت عليه موية حارة وحركته....
جلست قباله وقلت وانا امد له الكوب: ها يا احلى عم في الدنيا...وشو؟؟....قلي وش تبي وابشر باللي يسرك..
عمي وشكله خجلان مني..ليش ما ادري؟؟...: ملكه...والله...ما ادري وين اودي وجهي منك؟؟...
حطيت ايدي على ايده وقلت وانا تاكدت ان مساعد ماعطاهم خبر: لا تقول كذا...ترى والله اززعل....
عمي وهو يحرك حواجبه باصابعه بعصبية" هاذي بدرييوووه...ما ادري وش اسوي فيها؟؟؟؟....
ملكه: يا عمي....حركة بدرية موب شي جديد....وانا تعودت على الموضوع...
عمي والدمعه تلمع في عينه: لا تقولين كذا....انا ابيك تعودين على الدلال والعز....مو على مناحش بدريه...
وكمل وهو معصب: حلفت اني لاعيد تربيتها من جديد....آآآآآه...مرضتني ذي البنت...والله مرضتني...
ملكه: ماعاش يا عمي من يتعبك...( ورحت وبست راسه وجلست قريبة منه).. ماعليك....انا وبدرية نتفاهم بطريقتنا....
عمي وهو يحط ايده على كتفي: كنت متاكد انها تبالغ بكلامها عنك...
نزلت عيوني....وماعرفت وش ارد عليه...وش الكلام الي قالته عني؟؟...
ملكه ببراءه: ليش سوت كذا يا عمي؟؟...
عمي وهو يشرب شوية من الكوب اللي معه: والله اني استحي اقولك السبب...لكن...
وكمل وهو يشرب مرة ثانية: اوعدك انها ماتمد يدها عليك...وان سوتها مرة ثانية...لكسرها لها....
مسكت يد عمي بقوة وقلت بجزع: لا يا عمي....لا تقول كذا...الله يعافيك...ما توصل المواصيل انك تضرب حبيبة قلبك....
عمي وهو ياشر على قلبه: انا ربي بلاني بعيال بيجلطوني يا ملكه بيجلطوني...
وكمل وهو ينزل راسه: واحد...مو عايش بعمره....والثانيه..مضربه عن الزواج..والثالثة..ما تترك احد بحاله....وواحد اكبر من عمره مية مرة...ووحده....آآآآآآآآآآآه...ماتدري وين ربي حاطها.....
قلت لعمي وانا اوقف: يا عمي....لا تقول كذا...والله ان عيالك جنة...كافي انهم يحبونك ويعزونك ويغلونك...( وكملت وانا اشرب شوي من كوبي وعمي يطالعني باعجاب وعيونه تلمع)..عفاري راح تتزوج قريب صدقني...هي لا مضربة ولاغيره..لكن نصيبها ماجاها....وسلطان...سلطان شخصية متفردة...لكن تحتاج منك القرب منها اكثر..وبد..( قطعت كلامي وانا اشوف عمي منزل راسه)..عمي ...وشفيك؟؟؟....
عمي وهو يوقف وشكله مخنوق: طردت سلطان من البيت امس....وضربته...( شهقت بجزع...وتجمعت دموع عيوني...)....
طلع عمي من المطبخ..اما انا دارت فيني الدنيا....فرجعت غرفتي ركض عشان اكلم سلطان..اللي كان قافل جواله....




الساعه 7 بعد المغرب...





انا وعمتي نورا وعفاري ومحمد وريما بالصالات اللي تحت جالسين..حاطين ا

عبووووووووووووووود الباقي بنزله بكره

على الساعه 09:00م






قررنا انا وعفراء..انا نطلع نتمشى شوي..بسيارتها خصوصا ان كل اللي بالبيت مكتمين....بدرية ماطلعت من غرفتها...وعمي خارج البيت...وعمتي نورا...تسولف مع اختها بالتيلفون....ومحمد وريما يلعبون بلاي ستيشن ... قلت لعفاري وانا البس بنطلون جينز كحلي وهي في الغرفة حقتي وانا بغرفة الملابس: قلتي لامك؟؟؟..." قالت عفاري وهو تكحل عيونها قدام المرايه الطويلة اللي بالغرفة" لااااااااء.....امي مشغولة..وقاعده تسولف مع خالتي حوريه...." ضحكت وانا اقفل سحاب البنطلون وقلتلها" احم....احم...يسولفون عن حبيب القلب.." قالت عفراء وهي تجي تطل علي" احم...احم....على قولتج...موب داري عني..وعنج...." قلت لها وانا البس ساعتي الصفراء" يااارب....يدري عنك ويجي يخطفك....ويريحني منك..." قالت عفاري" هيييييييييييي .... مانتيب مرتاحه مني...اصلا انتي عارفة انا وش مخططة...." قلتلها وانا اطالع بشكلي في المرايه" لااااء..."وقعدت اعدل بلوزتي الصفراء الحرير...اللي بدون اكمام وتوصل لنص الفخذ ضيقة... قالت عفاري وهي تعدل الجلوس عند مرايتي" شوفي عيوني..انا مخططه.... نحن..( واشرت علي وعلى نفسها) ناخذ اخوان....عشان جذي انسسي..تفتكين مني...." رديت عليها وانا البس عبايتي السوداء اللي اكمامها مشغوله بموف..." اففففف...اول مرة ادري انك لصق ماركه اصلية..." صرخت عفاري" ماركه بعينج...احمدي ربج...اخطط على جذي..." قلدت صوتها وانا اقفل عبايتي" احمديييي ربج..." ورفعت يديني للسما" يااارب متى بتعدل هالبنت؟؟..." سفهتني واعطتني الشنطه الجينز وقالت" لازم تلبسين برقع؟؟؟؟..." قلت لها" ايه....لازم..." قالت عفاري وهي تعدل الايشارب الوردي اللي مغطيه فيه شعرها" ليش ما تصيرين مثلي؟؟..." قلتلها بصراحه" لأني ما اعتبر هذا حجاب...." وكملت وانا الف شيلتي زين على راسي..." عيوووني..هذا تبرررج..." سفهتني وزادت الكحل لين ما قالت آمين... عاد بسم الله عليها عفاري حلوة من غير...بس مع رسمة الكحل الفنانة اللي سوتها طلعت وااااااو....وقمت انا عدلت كحل عيوني ودعجت عيني مضبوط... من فوق ومن تحت ومن جوا العين بالكحل الاسود...لين ما صارت عيوني تلمع بقوة....وكثرت الماسكرا على رموشي....ولبست برقعي وطلعنا....






فرفرنا بالسيارة كثير...وبالاخير قررنا نروح نتعشى بمطعم معتبر طبعا على حسابي....لأن عفراء صرفت مصروفها كله...على اشياء تافهة قبل ملكة بدرية...قلتلها واهي رافعه صوت الراديو" لو سلطان معنا..."
عفراء وهي تاخذ نفس وتزفره: يا ليت والله....
قلت وانا اتسند على الشباك اللي جنبي: سبحان الله...احس بيتكم بعد روحته صار بحر ساكن مممل...
قالت عفاري وهي تلف يمين بعد الاشارة: باذن الله يرد ويرجع البيت افضل من اول....
قلت لها وانا اعض على شفايفي: لقيته مرسلي بطاقة...( وحكيتها سالفة البطاقة)...
عفاري وهي شوي وتصيح: المشكلة اني احبج...واحب اخوي...ولاني عارفة وش اسوي؟؟...
سكت وحاولت اغير الموضوع...فقلت وانا اشر على سيارة قدامنا: شوفي شوفي...ووووعععععععع....
عفاري: وييييييييييه...وش ذا؟؟....يا شين سيارته وليش صابغها احمر...؟؟....مسوية فيها عيد الحب...
قلت وانا اضحك: لا وحاط فيها نقط سودا...فيه احد لاعب عليه...
عفاري وهي تضحك: مسكين والله...تلاقينه من هالمراهقين اللي يحبون يلفتون النظر...
قلتلها وانا اتذكر الرياض: يووووه يا عفراء...ليك معي يوم كنت بالرياض..
عفراء بخبث: لييييييييييش؟؟؟
قلت وانا اضحك: بتشوفين انواع الاستهبال....وانواع السيارات....خصوصا التحلية...
عفراء بحماس: قبل ثلاث سنييييييييييين....صارلي موقف معتبر بالتحليه ذي....يقطعها ربييييييييييي.. صراحه انواع الفشلة....
قلت وانا اطالع الاشارة الحمراء اللي وقفنا عندها: ليش وش صار لكم؟؟؟....
عفراء وهي تتذكر: يووووه....ياختي عندكم الشباب موب صاحيين....مواكب يسوون للوحده....صح هنا فيه الخير....لكن مو مثل شباب الرياض...يخليك تاخذين مقلب بنفسج....حتى زكيه ماخلوها بحالها...
قلت وانا تخيل وجه زكيه مربيتهم المصرية: لالالالالالالا....إلا زكيه....ههههههههههه....يا قلبي...هذا وهي عجوز...
عفراء وهي تكتم ضحكتها بصعوبة: والله يا ملكه....يلاحقنا ذاك الواحد...بسيارته...البينك المكشوفة... وكنت انا وزكيه بس....طبعا انا كنت مغطيه ويهيي...عشان جاني تهديد يعجبج من سلطان...
تحركنا بالسيارة وعفراء تكمل: الموهيم يا طويلة العمر....شوي...يوم وقفنا عند المملكه من باب الفورسيزونز ... خلاص...نزلنا انا وزكيه وتشوفينا بسرعه وبسرعه.....اللي يضحك اني شايفه عمري عليه ورازه نفسي.. وما اطالع فيه....على بالي معجب متيم بالقد المياس....ههههههههه...ورانا ورانا...نلف يمين يلف يمين...ونلف شمال يلف شمال....اففففففف....جننا مرة...
وقعدت تضحك بقوة وكملت وعيونها مدمعه:هههههههههههههههه..... يووووووه....يوم عصبت زكيه والتفتت وقالت: اييييييييه؟؟؟..هو انت ما بتفهمش؟؟....ما عندكش خوات بتخاف عليهم؟؟؟....قالها وهو يمد رقمه ببطاقة كششخة...." والله انا غصبا علي.... انسحرت بالوجه الجميل.....والقد المياس..." وههههههههه....وانا ماسكه زكيه اقولها يلا الله يخليج...ماعليج منه.."ومغترة بعمري....كملت زكيه على الولد" ياخي اختشي على نفسك....دي متل اختك..." قال بثقة" مين؟؟...هاذي؟؟..." وكمل بلهجة شاعريه" لا....انا ما ابيها هي....انا ابيك انت...." شوي يوم صرخت زكيه صرخه معتبره ....ههههههههه..." يا خراااابي....انت بتعاكسني انا يا واد.....يا لهوي....دنا ئد امك يا بني...والله عيب....يا خبتك يا بني....يا خبتك يا بني....ده يومك اسووود" هههههههه...الولد حس ان الناس تطالعه وتفشل وراح سحب نفسه بسرعه يوم شاف السكيروتي يقرب منا...ههههههههههه...وهذا كل الموقف...
قلت وانا اضحك: هههههههههه.....يقطع ابليسك يا عفاري...واثقه من نفسك مرة...زين حطم غرورك....
قالت عفاري وهي توقف السيارة قريب من المطعم اللي احنا نبيه: اصصصصص.....نقطينا بسكاتج...اففف....يا ملكه....ما تعرفين تجاملين او تواسين...


نزلنا المطعم....وكنا حاجزين قبل دقايق....فعلى طول جلسنا على طاولة ركنية مختارينها... طلبنا اللي نبي..والمطعم كان بحري... واكله لذيذ مرة....انا طلبت لي لوبستر مشوي....بينما عفراء طلبت فاهيتا سمك وربيان....جلسنا ندردش شوي...وجابوا لنا المقبلات والبيبسي....فقمنا ناكل ونوسلف وخاشين جوا مع الموسيقى الرومانسيه اللي حاطينها....اغنية Helloل Lionel Richie....وهاذي اغنيتي المفضلة... وسرحت وانا افكر بكلمات الاغنية....شوي يوم دزت عفاري يدي...قلت بصوت واطي: وشو؟؟....
عفاري وهي مرتبكة: وين رحتي؟؟...هاااا؟..
قلت وانا العب بالسلطة اللي قدامي: موجودة....بس كلمات الاغنية....نقلتني لعالم ثاني...
عفاري وهي تعض شفايفها وتشرب من شوربتها شوي: شوفي...بقولج شي...بس ما تعصبين...
قلت وانا آكل: وشو؟؟؟...قولي لا تخافين....انا بمطعم راقي...فراح اتحكم باعصابي...هههههه
قالت وهي تاخذ نفس: في واحد يجننننن....رووووووووووعه...عليه جمال وسعودي بعد...
تلفت حولي، فهاوشتني: ملكــــــــــــــــــــــــــــه.....لا تلتفتين...( وكملت بعد ماهدت)....الطاولة اللي ورانا على اليسار..
قلتلها وانا لا مبالية: كيف اشوفه اجل؟؟...وبعدين...وإذا كان حلو...وش اسوي له؟؟؟...اروح اخطبه والا اكتبله خطاب يشيد بجماله...
قالت وهي تشرب من شوربتها شوي:هههههي...( بسخرية)يا مصخج....اساسا.... شكلهم معجبين فينا....( ورفعت عيونها وطولت النظر وبعدين رجعت ردتها على الشوربة)....
قلت بعصبية وانا موطية صوتي: عفاري...عييب..لا تطالعين فيهم...كذا بيتجرأون....
قالت وهي تتافف وترجع على ورا: افففففففف....ليش انت جذي..... قروية؟؟؟....عااااادي...مجرد نظرات بريئة...بعدين شكلهم عيال كبارية....وذووووق....
ما اهتميت بكلامها، فقالت بعد لحظات: ويييييييييه...ياشرلي.....ياشرلي يا ملكه....
قلت وانا التفت: انا ناس محترمه....فمفروض يلزم ادبه....
وشفت الولد اللي تقصده فأعطيته نظرة يحبها قلبكم...خلته ينزل راسه غصب عليه...
رجعت لسلطتي...وبعد دقايق...جا الطبق الرئيسي...







قعدت آكل وادردش مع عفاري....اللي كانت مرتبكه على الاخير....لكن انا اعطيتها طناش وجلست على قلبها عشان ما تروح لا كذا ولا كذا....صح ان عفاري عمرها 24 سنة.....لكن عمرها عمر وحده 16سنة....يعني مراهقة على الاخير....واكبر دليل...العفسه اللي معتفستها هالحين....عشان واحد حلو يطالعها....قلتلها وانا اشوفها مصختها: يله بنطلع هالحين؟؟؟...
عفاري: لالالالالا....واللي يعافيك لا...
قلت وانا طفشانه وقاعده اشرب البيبسي: ما يهمني...ابي اطلع...طفشت...
وكملت: والوقت متأخر...ولا تنسين بكره مدارس...ووضعنا غلط...ولو جا عمي ومالقانا ما دري وش بيصير...
عفاري وهي معصبه وبصوت واطي: لا تحطينها بابوي...ابوي يموت عليج....واكبر دليل....انه كفخ بدريه علشانج....
عصبت على الاخير وقمت...واشرت لل ويتر..عشان يجيب لنا الفاتورة...
قالت عفاري" بروح الحمام ازين شكلي وارجع.."
قعدت انتظرها ودفعت الفاتورة...وحطيت ايدي على خدي...وانا اتامل زوار المطعم....شلة بنات....زوج وزوجته....عايلة صغيرة مبسوطة.... حرمه وصديقاتها....رجال اعمال ببدلهم الرسمية وسيجارهم الكوبي...شابين لوحدهم واشكالهم متوترة ويطالعون شلة البنات... ومجموعة شباب...اشكالهم غريبة عجيبه ولابسين لبس موحده لونه اسود....طالعين السلاحف النينجا....ضحكت غصبا علي وقلت...كلن على ليله يغني...





لحظات بسيطه....وسمعنا صراااااااااخ...وقف الشعر باجسامنا....ووقف الحكي والناس قامت تطالع ببعض ...وسمعت صوت صحون تكسر...وحده من البنات انفجعت وطاح منها صحنها....ووحده من الحريم حطت ايدها على فمها وقامت تصيح من الصوت اللي سمعناه..... التفت وراي...يووووه....وينك يا عفاري؟؟؟...الله يستر يا ربييييييييي....وين راحت ذي البنت...صراحه انا اخاف موت من الصراخ الناس...قلبي يقبضني احس ان فيه شي مو طبيعي بالموضوع....شوي...يوم طاح قلبي صدق وانا اسمع صوت عفاري يتردد" آآآآآآآآآآآآآآآآآآآآآآه....ملكههههههههههه.... .اييي يييييييييي....خلني يا حيواااااااااااااااان...."...


الفصل التاسع






ههههههههه..عارفه هالحين كلكم متحمسين...تبون تعرفون وش صار للمرجوجه عفرا وهي تصارخ... انا كنت بمكاني قاعده اتامل بهالخلق مثل ما ذكرت لكم من قبل...شوي يوم سمعت صريخ زعقني بشكل مو طبيعي.... المهم....قمت فزعه من مكاني ورحت اراكض للمكان اللي عفروه فيه....ويوم جيت... لقيت عفرا ترتجف بشكل مو طبيعي وفيه واحد واقف قدامها.... وواحد ثاني طايح على الارض مو قادر يقوم... الرجال اللي كان يكلم عفرا...كان معطيني ظهره...مشاء الله عليه... كان طويل وعريض... ولابس ثوب وشماغ... شافتني عفرا وركضت لي وضمتني وقامت تصيييييييييييح: آآآآآآآآآآآآآآآآآآآآآآآآآآه....ايييييييييييي. ...اه اها اها...ملكه..." حاولت اهديها واعرف وش السالفة...بس ما قدرت لانها كانت منهارة بالكامل...بيني وبينكم انصدمت لالالا...هاذي موب عفرا اللي اعرفها...شوي يوم جا الاخ اللي راز نفسه عندنا وقال بلهجه حارة" هالحين تمسكن الباب...وتطلعن...." انا عيوني انفتحت على الاخير مو مصدقة...على ايش شايف نفسه؟؟ وليش يكلمنا بهالطريقة... لا يكون مسوي فيها معرررفة؟؟؟....وقعدت اطالع بوجهه اللي كان كله برود وغرور...صح حليو... بحواجبه السودا الغامقه...وبياضه الصافي...وخشمه اللي زي حد السيف..وشفايفه الحمرا... حسيت اني اعرفه لكن....ما اهتميت..وش هالغرورالي فيه... فضيييييييييييع( اكره الغرووووووووو وور )....ما اهتميت بخشته و رديت اببرود" لا تدخل بللي ما يخصك..." طالعني باشمئزاز... وقال وهو يرفع حواجبه" اجل...لا تقعدون تسوون فيها محترمات...وانتم من جنبها..." ولف وعطانا ظهره....طالعت ب عفرا اللي كانت ضامتني بقوة...حاولت اهديها ماقدرت...قلتلها بهمس: نطلع؟؟؟..." فهزت لي راسها...وقبل لا نطلع طالعت الرجال اللي متمدد على الارض ويحاول يقوم وهو يترنح...صدق عالم ما تستحي...







بالسيارة...وبعد نص ساعه تقريبا...هدت عفرا من الصياح وقامت تحكيلي وهي تشاهق: الحقييير مسكني من...من خصرييييي...آآآآآآآآآآآآه.... يا ويلي...يا فضيحتي....الله ياخذه الشربااااان...." انا كنت مصنمة وفاتحه فمي على الاخير....عما...محسبنا في امريكا الاخ؟....قطيعه تقطعه... وكملت وهي تمسح خشمها بالمنديل: الرجال الثاني...هو اللي طقه....اعطاه بووووكس على خشمهههه...." ورجعت تمسح عيونها بمنديل جديد...وكملت: ملكه...احس نفسي غبية....شفتي شلون كان يكلمنيييي..باحتقااااااار وكأني طفله صغيييرة... " ما عرفت وش اقولها...ليش متوترة لهاالدرجة؟؟؟...بالاخير اهو رجال غريب...لا اكثر ولا اقل...يعني مو مهم وش فكر او مافكر...واكتشفت ان عفرا حساسه رغم انها تظهر العكس وتستهبلall the time طالعت ساعتي..وقلت بعد لحظات: طيب..هدي اعصابك...خلاص سالفه وانتهت... والاخ اللي شايف عمره..قلعه تقلعه وتاخذه...مانبي شوفة وجهه.." قالت عفرا بتوتر" لااااااااااا.... قلت وانا مستغربة " وشهو اللي لا؟؟..." طالعتني..وكانها استوعبت شي...وتركتني اطالع فيها وانا وجهي عليه علامات الدنيا...والله هالبنت مو طبيعية....التفت عفرا على الطارة...وفرت المفتاح وحركت السيارة....وهي ميته صياااااااااااااح...




وصلنا البيت متاخر...وراحت كل وحده غرفتها من غير اي كلام بينا... انا اخذت لي شاور وغيرت ملابسي.. ولبست لي بيجامه...شورت احمر وتي شيرت ابيض عليه صورة قلب كبير احمر وجواته قطوتين...وشبشبي الاحمر الريش... مشطت شعري وخليته مفلول... وفرشت اسناني...وطلعت من الغرفة....بعد ما اخذت جوالي...




نزلت السلالم ....وقررت اتمشى شوي بالحوش..لأني حاسه بخنقه كبيرة...خصوصا مع صياح عفرا طول الطريق.. طلعت من البيت وتركت الباب مردود....قررت اني اروح اشوف القسم الخاص اللي ازرع فيه.... كان عمي سعود مخلي لكل واحد فينا مساحه يزرعها بكيفه...ويكافا افضل واحد فينا بالزراعه... وطبعا كنت انا ومحمد افضل اثنين..اما عفاري قطعتها خلا خالي... وبدرية زارعه طماطم....ونعناع... وريما زارعه وردة وحده...قاطفتها من عندي وغارستها...هههههه...يا حليلها ريموه...حسيت بشوية براد...وانا قاعده اتمشى في الحوش...لفيت يمين اول ما طلعت من الباب الرئيسي...لأن جهة اليسار فيها بيت الشعر والملحق والمطبخ...لكن يمين فيه ملعب تنس...وملعب كورة قدم مصغر...ومساحة كبيرة للزراعه....وطبعا خلف البيت بالضبط فيه مسبح كبييييييييير مرة اصغر من الاولمبي بشوي.. وعلى مسافة منه فيه نافورة راقصه ومواقف للسيارات...
المهم وصلت عند المساحه اللي نزرع فيها....وابتسمت وانا اشوف ورودي البلدي والجوري..والفل والياسمين اللي زرعتهم وشوية ريحان...قعدت اشمهم واكلمهم بصوت عالي..لأني لاحظت ان الحوش هااااادي مافيه اي صوت...: يا احلى ورد في هالدنيا..طبعا...شلون ما تكون حلو..دام ملكه اللي ازرعتك...هههههه...شوي شوي.. خلوني ارتاح...لا تتزاحمون كل واحد بياخذ دوره..." ولفيت بغرور عنهم وقلت بصوت اعلى: انا الملكه...يعني احلى ورده تجيني وبعدها الورود الثانية.." والتفت وقلت وانا امثل اني زعلانة" وشو؟؟... كأني سمعتكم تضحكون علي...طيب خلاص زعلت.. ما ابيكم..يلا روحوا...كنت ناوية اسقيكم شوي شوي.." سكت لحظات وانا اطالع بالسما...وقلت وانا ااشر للسما: هييييييي....يا نجممممممممه....سلميلي على صاحباتك... ههههه " وتنهدت بتعب وانا اقطف فلة من المكان اللي زرعته وقلت للفة: يا ليتني كنت نجمه فووووق.. اطالعكم بغرور...واتحداكم توصلوني...." يمكن تستغربون مني... ومن افكاري الغبية...بس انا في ذاك الوقت كان فيني جانب طفولي ما اختفا رغم الحزن اللي بقلبي على فقد اهلي....وبكذا قعدت اغني للفله بصوت رايق " اللي بيني وبينك...مش لمسة ايد..بتسلم كده...او شوء بعيونا اتكلم كده...بيحكي عليه...بيحكي عليك وعليا...اللي بيني وبينك...مش نظرة عين بتداوي كده...ولا ليلها دايما غاوي كده...يسهر لعينيك ...يسهر لعينيك ولعينا...والله دايب فيك انا...مع ان شوقي كم سنة...لو الغنا..وماليش غنى...عن اني اغنيلك انااا..."
"انا جاي ئولك اني بحبك...حب المكتوووب...والئلب عاشق..ايوه عاشق...عمري بيوم مايتوب...والله دايب فيك انا..مع ان شوئي كم سنة...لو الغنى وماليش غنى...عن اني غنيلك انا"
"ارئبني يا عمري...واملا ئلبي غرااام...عيزاك معايا لنهايا..لسه بينا كلام...والله دايب فيك انا...مع ان شوقي كم سنة...لو الغنا وماليش غنى...عن اني اغنيلك انا..."وقعدت ارقص لنفسي... واهز بحركات مدروسة ومتعودة عليها من كنت صغيرة...وامشي بخطوات متعودتها....واسوي حركات بيدني مفكرة عمري ارقص مصري...وارفع شعري واهز خصري...واتمايل على ورا... وانا قاعده ادور مع الهيام بالاغنية والرقصه...طاحت عيوني على شخص قاعد يطالعني من بعيد...وقف قلبي وانا ملقيه قفاي لهالشخص... لفيت من جديد عشان اتاكد...وطالعت...اوووووووف... كانوا... لالا.... الحمدالله.... مافيه احد...الحمدالله...حطيت ايدي على قلبي...وقلت وانا اضحك واكلم الورد" ياووويلي...اكيد واحد من السواقين...بيقول والله هذا نفر واجد مجنون...ههههههههه" ورجعت للبيت مو ناقصه فضايح بين الله وخلقه...


اليوم الاربعاء الساعه1:00م


ابتسمت لنفسي بالمراية وقلت بتفائل: بيجيك واحد احسن منه يا ملكه..لا تضيقين خلقك..." ورحت امكيج نفسي بنفس...امس كان يوم غير بحياتي...عارفين ليش؟؟....لأن سارا صديقتي كلمتني وحكيتلها على كل اللي بقلبي... وسارا صحتني من الغفلة...وهزئتني ومافيه مفرده بها الدنيا الا قالتها..منه يا انانية يا حمارة.. ياغبية...ياللي انفصخ منك الحيا..." طبعا انا وسارا ما بينا ززعل..وبعد ماهدت...اخذت تقنعني بوجهة نظرها واقتنعت بعد مامت صياح...(في حالات كثيرة احس اني لسه بعز المراهقة)...ولا مافي حب بهالطريقة.. وحب النظرة الاولى بالافلام وبس...واقتنعت بكلام سارا واني اترك مساعد واشكاله ل بدريوه واشكالها...وفي آخر المكالمه قالت بحده: خلاص راهقتي اسبوعين بكيفك....يله اعققققققلي وارجعي ملكه القديمة...وبعدين هو ماسافر؟؟؟؟...." رديت بتردد" سافر من يومين...وارسلي رسالة فيههها..." سارا وهي معصبة" نعععععم؟؟؟... مانتيب صاحيه إذا بتززوجين واحد من هالاشكال....اقول اصحي...وقطعي رسايل الغفلة حقته"...
تنهدت وانا اخلص مكياجي... وتذكرت رسالته..ووعده لي انه يترك بدرية بعد فترة عشان سمعة ابوها....وانه بيجي يتزوجني...واني انا له هو وبس...رضيت ولا انرضيت...وانه عايف بدريه لجل عيوني... امممممممم.. تعالوااا... لا يروح فكركم بعيد...ترى العلاقة بيني وبينه معدومة بعد لقاء المطبخ...إلا من نظرات خاطفه بين وقت ووقت...وابتسامة معبرة من وقت لوقت....بس...لكن قبل لا يسافر ارسلي هالرسالة وعرفت ان اللي فقلبه...لسه بقلبه...وما انكر..اني تاثرت كثير واخذت مقلب بنفسي..بس الحمدالله ان عندي سارا بعد عمري...الله لا يحرمني منها..
وارسلت بوسه لنفسي وقلت بغرور: هو بس مين يقدر هالجمال يا ملوكه...يا ملكة الحسن والزين كله..." وابتسمت بغرور..وطالعت بلبسي...بنطلون جينز مطبوق من تحت برمودا..وقميص ساتان عنابي...بدون اكمام وضيق على الصدر ومن تحت الصدر وااااااااااسع..وطبعا القميص كان قصير شوي...يعني لو رفعت يدي بانت بطني... اخذت شريطة ساتان عنابي....وربطتها على شعري زي الطوق..وطبعا خليت شعري مفلول كالعادة...اخذت صندلي العنابي وطلعت من الغرفة عشان انزل تحت للمحلق حق الرجال...لأن عمتي تبغاني اشرف على الخدامات لأن شغلهم يفششل ولازم احد يوقف فوق روسهم...







طاخ...طيخ..طخ طخ....( صوت الصندل حقي اللي لبسته على طرف الدرج)....محمد طلع راسه من غرفته" اوووووووووووووه..جعله الكسر..." ضحكت من كل قلبي...محمد بالذات احب ارفع ضغطه... وكمل وش ذا يقوم حتى بالغيبوبة..) سويت نفسي ابكي وقلت بدلع" آآآآآآآآآآه اهىء اهىء...اممممممممم...انا ززززعلت. .." سمعت محمد يصارخ ويدعي على نفسه( انا وش خلاني اتكلم...هالحين ذي وش بيسكتها....افففف.. يا ربيييييييه....حتى بدرية اقدر عليها....لكن ذي الحمرا...اففففففففف....اوكل امري لله....) ووصل عندي وهو يدعي ويسب.... ومبرطم" خلاص خلاص... كنت احسبك بدرية...." قلت بدلع وانا اتكلم زي الاطفال" ناء...زئلااااانه..." قال محمد وهو لابس شورت وتي شيرت واسع لونه ازرق" شوفي...اخليك تلعبين بالبلاي ستيشن...وباللي تبين....." هزيت راسي بدلع وقلت وانا امسح دموع وهمية بدلع زايد" لوح...لوح..." واشرتله بيدي...وضحكت على وجه محمد....اللي يكره الدلع مرة بس مني انا ينطم وما يقول كلمة زيادة...قال محمد وهو ياخذ نفس عميق" ملوووووووكه حبيبتي....اسكتي يا قلبو..عشان اجيبلك بيرة توت..." صرخت بفرح وقعدت انط بفرح ( هيييييييييييييييي....محمد ئلووو)....وبغيت انزلق بس ربي ستر عليي...مات محمد ضحك علي ورجع لغرفته...وانا كملت دربي رايحه للملحق...وانا ماسكة ساقي شوي اللي انشدت من كثر التنطيط...




الله...السما رووووعه صافيه زرقا....متخالطه مع بعض الغيوم البيضا اللي زي حبات القطن....منظر عجيب.....ودك ترسمه....عمركم تخيلتم الغيوم وجيه..ترا حالها مثل حالنا....بعضها مبتسم وبعضها عابس...بعضها يبكي...وبعضها يمرض...شوفوا شلون هالغيمه الكبيرة شكلها يجنن....امممممممم...شهتني بحلاو القطن..تذكرت خالد اخوي الله يرحمه...يوم كان يجيبه لي دايم...لأنه كان شوي قديم فما كان يتوفر إلا بالاماكن الكبيرة...آآآآآآآآآآآآآآآآه يا دنيا...ما اصعب فراقكم ايها الاحباب...قلت وانا احط يديني جنب فمي واصرخ بصوت فرحااان لأني احس اني تحررت من مسالة مساعد اللي كانت مطينة عيشتي شوي" خااااااااالد ... لا تزززعل امي....ترااااني ااراقبكم...." ودمعت عيني شوي...وتكدر خاطري شوفي كالعادة يوم يخطرون على بالي.....اخذت نفس عميق..وانتبهت للجو.....الجو يجنن مع قروب الشتا... لا هو برد ولا حر..مرررة حلو...تذكرت ابوي..ياكثر ماكان يحب هالجو...كان يقول ايه هذا الربيع..." يا بعد هالدنيا يا يبه...واشرت للغيوم مرة ثانية" يببببببببه...لا تتزوج على امي...ترى بيضيق خلقها...بس اهي تكابر..." يقولون ان موتى المؤمنين يعرفون اخبار حبايبهم....لا تزعل من يبه..يوم انشديت لمساعد.. اوعدك اني ارفع راس عمي دوم...وماخلي اسمكم...اللي حافظتوا عليه كثير ينزل بالارض....تنهدت بحزن شوي...وابعدت عن هالجو الحزين....وغمضت عيوني واتنسمت الهوا بقوة..ورجعت طلعته.... وقلت وانا ابوس الهوا" عيييييييييييب....مافيه بوسه ثانية.....صدق قليل حيا"وقعدت اضحك...( هههههه...هههههههه)سمعت صوت ضحكة فيها بحه...التفت بسرعه...وصرخت..بمكاني يوم شفت الرجال اللي واقف يطالعني وهو مبسوط... ويييييييييي....آه آه..قعدت انط بمكاني وادور حول نفسي...مو عارفة وين اتخبى..وبالاخير ريقت السلالم..ودخلت الفيلا من جديد...قفلت الباب..وانا احاول اتنفس بعمق..اففففف..خذي نفس عميق....وفكيه بشويش..هاذي نظرية نفسية لتهدأت الاعصاب...اووووووه...ملكه وش قاعده تخربطين...ضربت جبيني بقوة... ويييييييي...هذا وافيييي...يا ويلي....يا فشلتي والله...طالعت بلبسي بمرايا الصالة... يا فضيحتك يا ملكه... ولا واقفه عنده ساعه....بس صدق اهو قليل ادب...قاعد يطالع فيني ولا ضحكه يزيد على حركاتي.. يامال الماحي ان شاء الله...





قعدت ادور بالصالة مو عارفة وين اروح؟؟؟ريحة عطر وافي لسه في بالي....عيونه...عيونه...آآآآآآآآآه يا قلبي....هاذي العيون اللي انا شفتها فملكة بدرية..اففففففف ليه يا ربي الفضايح؟؟...استغفر الله...عضيت على شفايفي وقلت بصوت عالي" كان يجننننننننن" يوووه...وثوبه وشماغه...ونظراته...يا ربييي..طالعت بلبسي...يافضيحه...هالرجال كل ماشافني وانا متفصخه بيقول هالحرمه مافيها حيا...عضيت على شفايفي مرة ثانية بقوة...حتى حسيت بطعم الدم احررقني...آآآآآآآآآي...يا حلو عيونك يا وافي...والا حواجبه...بالجرح إلي قاطع حاجبه اليمين....ياناس لا يمكن تتصورونه...صح كلها ثواني...بس شكله محفور براسي...رفعت راسي بدعي ربي...إلا يوم شفت بدرية تطالعني من فوق الدرج...ما اعرف ليش وقف قلبي؟؟؟ قالها؟؟؟ ... لالالا ... وش بيقولها...اففف...اكيد بيقولها خبلة بنت عمك ذي......حسيت بعيونها نظرة......تاكدت بعدين انها... نظرة الشماته...
شفتها تتحرك من مكانها وتنزل الدرج....قالت اببرود وهي تنزل الدرج:وييييي...ملكه وشفيج طايره من الفرحه؟؟؟فرحينا معاج...
: انا؟؟؟....( ومدت بوزي وعطيتها قفاي) مافيني شي...
بدريه بصوت كررريه: مو ملاحظه ان لبسك خالع شوي؟؟؟... ترى مافي احد... في البيت..( وسكتت وهي تميل شفايفها على جنب)
: ( افف...الله ياخذك وش قصدك يا الشينة وبكل برود الدنيااا)....لا ابدا...من يوم ماسكنت هنا..ولبسي كذا..ولا عمري غيرته ولا راح اغيره علشان احد...اي احد...مايفرق عندي...وبعدين عمي سعود راضي.. انت وش دخلك...
بدرية وهي تمشي عشان تطلع وبكل شماته:ههههه.. لا ابدا..بس( وميلت شفايفها وكملت)... اللي ماخذك عقلك يتهانا به..
( قلت ببرود فضيع.. وبصوت عالي....وانا اطلع جوالي من مخباتي): يا حبييييييله...اللي ماخذ عقلي...مفارق ناس تبط الكبد...ومسافر...عسا ربي يحفظه...
وسفهتها ورجعت طلعت فوق ودقيت جوال على عمتي نورا..بينما هي عيونها طارت علي...






ررجعت للمحلق بعد ما حلفت لي عمتي نورا ايمان ان مافي احد في البيت...وحتى السواقين عندهم مشاوير... وصلت للملحق....ووقفت مترددة للحظات...هنا قابلت مساعد....تذكرت كلام سارا..وقلت وقلبي ينقبض شوي.. الله يعوضني باللي احسن منه...وسميت ودخلت داخل الملحق...وشفت الشغالات قالبات الدنيا فوق حدر..عمتي نورا اول ماشافتني قالت براحه"ملكه بنيتي...خذي دوري...ترى انهد حيلي..." قلتلها ببساطة: ولو من عيوني يا عمة..." وراحت...رحت انا و وقفت فوق راس ايمي وعايشة ونوري وبوجا...وقعدت انافخ عليهم كم ساعه.." ارفعي هذا..." " نظفي هذا زين" " لالالا..هذا مو كويس ليش؟؟" " اقلبوا الكنبة.." ورحت بعد ما اعطيتهم الاوامر مع عايشه عشان نرتب غرفة سلطان... دمعت عيني على سلطان وفرقا سلطان....وقفلت الباب...ورحت لغرفة الملابس الصغيرة التابعه لغرفته..كانت حوووسة...حن قلبي مسيكين والله سلطان... مايعرف يدبر عمره وش مسوي هالحين؟؟...ورحت اطلع ملابسه من الدولاب...واطبقهم بترتيب ...وانا دموعي اربع اربع على فرقا الاخو اللي ربي عوضني فيه عن اخواني الاربع....


خلصت نص الدوالايب اللي بغرفة الملابس...ودخلت علي عايشه وهي معصبة:هدا في ورق كتير كتير...تعال انت شوف وانا نظف هنا.." وقفت ومسحت دموعي وقلتلها: عايشة..نظفي زين...وامسحي الدولاب من جوا...وبعدين حطي الملابس اللي انا طبقتها...الشورتات لحال....والتي شيرتات لحال... والملابس الداخليه لحال...وطلعي ثوب عشان تكوينه انت وشغاله ثاني..." صرخت عايشة: oh my gooooodكلو ثوب...." قلتلها وانا اطلع ايوا كل الثياب...والغتر والشمغ..." رجعت لغرفته الواسعة....ورحت لسريره...نظفت الفراش زين وقلبت المرتبة زينتها وبعدين حطيت المفرش فوقها..واللي كان نظيف وريحته عود...وبعدين رتبت الطاولات الصغيرة اللي حول السرير...ورصفت فيها الاوراق... وبعدين رحت لمكتبه الصغير..وطالعت بكتب الشعر الكثيرة...شعر فصحى... شعر نبطي...شعر شكسبيري... .، ابتسمت واخذت ارتبها وانفظها عن الغبار وما حبيت اطلع بخصوصياته رغم اني ملقوفة ( طبعا هالشعور جاني لاقل من لحظات وماسرع ماراح)... فتحت بتردد ظرف فيه اوراق وردية وصفرا معطرة ومتناثرة...( حبيبتي...ما اروع عينيك).( لحظة وقف فيها زماااني...لحظة التقت عيني بعينين ناعستين...تسحر القلب .... عينين عسليتان..اصفى من عسل الجبال...تجعلك تتوه في دوامه لا نهاية لها...وتضيع بعوالم اخرى..عوالم لا مكان فيها للوقت او الزمن...لامكان فيها سوى الغرام...والغرام الصرف) تنهدت وانا اسحب الورقة الثالثة( شو بحبك؟؟؟؟) (انه انا....الفارس الاثيري الذي يغمر احلامك..ويملأ حياتك بعالم ملون...بالوان الحب....عالم لا تنزل دموعك فيه...عالم تتردد ضحكاتك الطفولية في ارجاءه)....تنهدت بحزن...والله مو بيدي يا سلطان .....والله مو بيدي....
واخيرا طلعت عايشة وقالت: بروح اجيب بخور..." هزيت لها راسي..وطلعت لغرفة وافي، وقفت للحظات عند الغرفة....امممممممممم...اخذت نفس عميق وبعدين تركته ودخلت...( حشا حرب موب غرفة)...اول شي ريحة الدخان والعطر القوي... جيفنشي الاحمر..ولاكسوت...وبلاك بولو...مشاء الله الغرفة انواع الحووووووسه ...باكتات دخان بكل مكان.. علب بيرة...السرير محيوس...وواضح ان الرجال عايف النوم ويتقلب بفراشه كثير... ضحكت بخبث..وقلت جوات نفسي....هنيالا اللي آخذه تفكيرك..، امممم....تي شيرت له طايح على الارضية اللي تفصل بين غرفة الملابس وغرفته.. وطبعا هناك شفت اكوام ملبس تفجع...اوراق ...انكتبت بلحظتها وبعدين انرمت.. طالعت الورق المتعفط والمتكور والمرمي على الجدار...ناديت نوري قبل...لا امسك الورق...وبديت اقرا بنهم وبفضول عن ذا الوافي...افتح الاوراق المتكورة بقسوة وبعضها متقطع قطع صغيرة.....إلى غجريتي المثيرة..عضيت على شفايفي....مين المثيرة؟؟...اكيد وحده من بنات حايل الحلوات...تنهدت ورميت الورقة بعصبية..ووقفت واخذت ورقة ثانية...بيت شعر بسيط بس معبر..وش اللي يجبر الشاعر يدور للشعر جمهور؟؟...مدام انت محبينه وعشاقه وجمهوره...تنهدت بعصبية... يا سلام...يعني اهي الكل بالكل...صدق رجال بكاشين..اساسا الرجال اكبر بكاشين...طلعت صوت..وكان ودي اقرا كل الاوراق اللي بالغرفة....وفعلا الشغلات طايحات تنظيف وتنفيض....وانا ماسكه الاوراق...اقرا فيها.... وكأني واحد جوعان وماصدق يلقى لها اكل..لاحظت ان ملاحظاته تشبه ملاحظات سلطان شوي....يعني يمكن سلطان معلمه عن ذي الطريقة...عشان يفرغ الشحنات اللي جواته اللي كابتها....اكيد تبون تعرفون وش بالورق...صراحه..ما اقدر اقولكم خصوصيات....لكن باقولكم.....كل اللي بالاوراق عباره... لمحات بسيطة عن افكاره...كلها عن البنت الحلوة الغجريه...اللي ضحكتها مثل ضحكة الطفل....وعيونها تشع فرح...اللي يعرفها بالبداية يحبها...لكن بعد مايعرفها زين يصير شوفها مثل الحيا الرقطه...انسانة خبيثة....لأبعد الحدود... حنيت على وافي....مسكين يحب وحده لئيمه...بس يتاهل...اللي يصادق بدرية....وهي اكثر الناس لؤم على وجه الارض....يستااااهل..عصبت مرة من نفسي.. خله يحب الل يبي ويكره الل يبي...وش ابي منه انا ووجهي....قررت اروح اطلع بس لفت نظري..دفتر اسود جلدي...كبير زي حق رجال الاعمال...رحت له بتردد...فتحته...وطالعتني كلمات طالعه من القلب مباشرة للورق..اخذت من وقتي سنين طويلة....جاملتني واثره على حساب روحي
املتني باحلام...ماهيب قليلة..وصدمتني في ياس حطم طموحي..
عيشتني بالوهم عيشة ذليلة....حطمتني وانا احسب انك نصوحي...
جددت قصة الف ليلة وليلة..حاولت بالتدريج تدمي جروحي..
ترضي غرورك غايتك والوسيلة..تفرح إلا ونيت واوحيت نوحي..
رسمت لك بالقلب صورة جميلة...فيها وفاء واخلاص لااسمع ولا اوحي...


تلفت حولي بعصبية وسكرت الدفتر بقوة...مين اللي جرحته بهالطريقة..لدرجة انه تعبان علشانها..وعايف النوم لعيونها....وحارق نفسه بالدخان لاجل وصالها....ولقيت نفسي ادعي عليها بنت الناس وانا ما اعرفها ولا تعرفني.....وماانتبهت إلا لضحكة نوري.. التفت لها وشفتها تاشر للشغالة الثانية على قلبها...سفهتهم وطلعت معصبة...طيب ليش معصبة؟؟...اساسا شكله صايع ويعرف مليون وحده؟؟ لحول وانتي وش عليك؟؟ ..رجال وبكيفه يحب ما يحب وش همك؟؟ بوزت وانا ارجع للصالة وقلت للشغالات بغرفة وافي: بسسسسسرررعه بلا ضحك ومصخره.." ووقفت معصبة عند الباب حق الملحق...




الساعه 3:00م




رجع عمي بدري اليوم وكلنا استغربنا..اجتمعنا على الغدا...وجلسنا فاماكنا المعتادة...عمي سعود على راس الطاولة البيضاوية..وعمتي نورا يمينه...وانا يمينها..والجهة المقابلة عفرا يمين عمي ويمينها بدريه... ويمين بدرية ريما...وجنبي محمد وراس الطاولة من الجهة الثانية فاضي...مرات يجلس فيه سلطان...طالعت الكرسي اللي فاضي وابتسمت...ناولتني عمتي نورا صحن اللحم...فحطيت لي كم قطعه فصحني رغم ان مالي نفس وعطيته محمد اللي حط وناوله ريما...وبعدها بدرية بعدين عفرا...عفرا...طالعتها وكأني اتذكرها لتوي.. من بعد ذاك اليوم وهي قافلة على عمرها الباب..لاحظت ان وجهها شاحب...وكانت ميب حاطه مكياج...رافعه شعرها كله فوق راسها...ولابسه جلابيه سكري...غريبة!!...يعني متحسسه من الموضوع...بس عفرا قوية.. ومو من النوع اللي تتحسس من اي شيء...طالعت اللي جنبها...اللي ما تتسمى...( ترى هذا اسمها من اليوم.. لا تنسونه) خلوني ساكته ازين..تجيب المرض ببلوزتها الخضرا الواسعه...ريما تاخذ العقل..بفستانها الاحمر..وضحكتني وهي تعابل اللحم بالشوك والسكين وعلى وجهها تركيز شديد....كانها قاعد تحل معادلة صعبة...ومحمد جنبي..قاعد يفكر بمباراة الكورة اللي بالعصر...( فعلا كلن على همه سرى)
عمي سعود:عندي لكم خبر بيفرحكم....
عمتي نورا بلا مبالاة:قول..يا عمري..
طالعناه كلنا...وكأنه رئيس دولة على وشك انه يشن حرب على دولة صغيرة مسكينة...
عمي سعود:بكرة الصبح...بيجون بنات صديقي ناصر...واخوهم...
عفرا بدون تفكير: نععععم؟؟..وليش ان شاء الله؟؟
بدرية بضيق: يبه...مالنا خلق لهم....
ريما: في احد يزول الصبح؟؟؟؟
محمد بغباء: هذولي امريكان....ماتفهمين انتي؟؟..( ميد ريما)
قال عمي سعود وهو يطالع بصحنه:بيسكنون عندنا فترة يمكن تطول..ويمكن تقصر...
قالت عمتي نورا بصوت هادي ثابت فيه ارتجافه صغيرة ماحد لاحظها..: بنااات...خلوكم بشوشات...ترى هاذولي يمكن يتمون عندنا على طول...
عفرا بدون تفكير: مابقى إلا ذي...
قال عمي بعصبية: مابقى ولا بقى...انا اعطيت لصديقي كلمه....( ووجه لي نظرة) تراني حاط العشم فيك يا ملكه...بتبيضين وجهي...
بدرية بعصبية: كلش ملكه...ونحن مالنا والي!!
عمي بصوت مرتفع ومعصب: جب...ولا كلمه...ملكه بنتي مثل مانتن بناتي..
قلت بتوتر: عمممي!!!....هدي اعصابك...( وكملت بتفاؤل)...راح نحطهم بعيونا...انا وعفاري وبدرية...وريما بعد..( بعد ما اعطيت ريما نظرة وانا ابتسم)
عمي وهو يقوم: خلاص اجل...انت تروحين للمطار مع السواق تستقبلينهم...
عفرا وكأن هذا كل اللي يهمها: وولدهم؟؟
قال عمي بدون اهتمام: وشفيه؟؟؟.
بدرية بعصبية: يبه...ترضا ان رجال غريب يعيش بينا...
استغفر عمي كذا مرة وبعدين قال: شوفي...ماهوب رجال غريب...اعرفه من عمره ثلاث سنين..وانت تعرفونه..زين...لا تغطون منه...وهو راح ينام بالملحق علشان الملكه....
قلت لعمي وانا اوقف بعد: عمي ترا عادي..إذا تبيه يدخل البيت..( وكملت وانا الحقه للمغاسل)..ترى كلها جلابيه وشرشف صلاة وخلصت...
ضحك عمي وقال وهو يغسل يدينه:يا حبيلك والله انك توسعين صدري...بس لا...ماراح...يدخل..خوذي راحتك يا بنيتي...مع انه....لو...( ومد بوزه ثم ابتسم)
عرفت وش بيقول وقلت: لا يا عمي..إلا ذي..... اتغطى عن سلطان ووافي...( بعدين عضيت على شفايفي وكملت بتوتربس عمي ماانتبه) وخال البنات... وما اتغطى عن الامريكاني...كلهم سوا بنظري...






الساعه8:00م
نزلت انا وعمتي نورا للسوق...عشان نشتري مفارش جديدة لضيوفنا اللي بيجون بكرة... وعيت عفاري انها تجي معنا...وماجات معنا غير ريما اللي كانت شايلة عروستها بفستانها المخملي ومبسوطة على الأخير وهي قاعده تحقق مع جورج بالسيارة...
ريما: انت في كلام ئربي؟؟؟
جورج:yes
ريما: طيب ليش...انت كلام انجليزززي واجد؟؟
جورج وهو يهز راسه: انا...مافي كلام ئربي كتير زين..
ريما بعناد: يعني...انت مافي ائرف ئربي؟؟
جورج وهو يهز راسه بصبر ويبتسم ل ريما: u can say that
هزت ريما راسها وقالت معصبة: ماماااااااااااااااااا...
قالت عمتي نورا اللي صوتها كان يرتعش: هلا؟؟؟
ريما بطفولة بريئة: انا مااحب جورج..علي احسن...
ابتسمت عمتي نورا اللي كانت كاشفه غطاها عشان السيارة مضللة:طيب..علي يرجعنا...ارتحتي...
رجعت ريما تقول باصرار ل جورج: أزا انت مافي كلام ئربي..انا ازئل..
ضحك جورج وقال: i'll try.....don't be upset
ريما: good....very good
سفهت ريما والسواق...وقعدت العب بالجوال...ولاحظت بطرف عيني ان عمتي نورا...شكلها كان مرهق... وتعبان....ياربييييي...وش اللي قاعد يصير من حولي...عفرا...وكأن ميت لها احد...ما تطلع من غرفتها... ما تاكل...لبسها يقرررف..شعرها يقرررف...عيونها محمرة طول الوقت...وبس تقلب عيونها تطالع بالتقويم والساعه....
عمتي نورا...اليوم كله من الغدا وهي ميب على بعضها..بس اطقطق اصابعها...وتمشي كثير على غير هدى في البيت..تفتح علينا غرفنا تطل علينا وتروح...ياليته فيني ولا فيك يا عمه...
فجأة قالت عمتي نورا: طلبتك يا ملكه....
طالعتها وترددت ما ادري وش اقول: آمري...
عمتي نورا: ما يامر عليك عدو...قولي تم....
رديت بتردد اكبر وعلامة استفهام كبيرة قاعدة تشق مخي: تتتم...
تنفست عمتي نورا بارتياح وقالت وهي تمسك يديني بترجي: كلمي سلطااان...
: عمه!!!!
عمتي: واللي يخليك لي...يا ويلي ولدي له فتررة مابان...
قلت بتردد: طيب...وش بايدي اسويه؟؟؟
عمتي نورا وعيونها غرقانه دموع: ملكه....انا سلطان ما اقدر على بعاده...والله قلبي متقطع عليه.. ووافي ومساعد ماقصروا...بس هالولد اختفى...كأن الارض انشقت وابلعته...
سكتت لحظات وكملت وهي ترفع عيونها للسقف: وافي...قالي...انه خلاص...بينتبه لاشغاله...لأن ماعنده وقت يضيعه...على...على...( وبكت بحرارة) على مراهقيييييين...
حسيت بكره كبييييييييييير لوافي...عمااا...وش ذي الاخلاق...بدل ما يقول لخته..مرجعه مرجعه الله لا يعوق بشر...بكل ببرود يسب سلطان ويقول عنه مراهق...
التفتت ريما علينا وقالت بجزع: ماما؟؟؟!!!!!!!
مسحت عمتي نورا دموعها بالمنديل وابتسمت ل ريما...اللي رجعت مكانه وقالت تكلم عروستها: دايم كذا..

يسسسسسسسسسسسسسسسسسسسلمو يا الغلا
روايه شكلها حلوه
لي

مسكت ايد عمتي نورا وقلت بحزن وتقدير: تبيني انا وعفاري نروح ندوره؟؟؟؟
قالت وهي تبتسم بالم: الرجال مالقوه...انتم شلون بتلاقونه...
وكملت بتردد: ابيك...ابيك..( وقلبت عيونها كثير) تكلمينه...
: نععععععععععم؟؟؟..عمتييي...
قالت عمتي بسرعه: انتي قلت تم...آآآه...الله يخليك...قوليله...انك تحبينه...وان البيت دونك ولا شي...
صديت عن عمتي...اكيد عمتي مجنونة....لالالا...لا يمكن تكون جديه بكلامها...فيه عمه تطلب من بنت اخو زوجها...انها تكلم ولدها وتغازله...لالالا...اكيد اني فاهمه غلط...
وقفنا عن الكلام لأن السواق وقف...عدلت عمتي نقابها ونزلنا..واحنا ياله نمشي..مالنا نفس بشيء...








رجعت البيت...وخفت ان عمتي نورا...تكلمني بموضوع سلطان من جديد...عشان كذا سويت حالة استنفار.. وقلت للشغالات يطلعون الفرش فوق...عشان نفرشها...واسرعت وراهم عشان عمتي ما تمسكني من جديد وتبكي عندي...في االغرفتين حقت الضيوف...وحده فيها سريرين...والثانية فيها سرير مزدوج...حطينا المفرش الابيض اللي بورود زرقاء وسماوي...في الغرفة حقت السرير الواحد...والمفارش الاورنج...على السريرين...وجت ريما..وتبرعت ببعض العابها كديكور للغرفة...قلت لعايشة وانا آخذ الورد البلدي منها....:حطي بغرفة ولد.." قالت عايشة: كلوا ولد...ولا بس ولد جديد..." فكرت للحظات وقلت وانا اصد عنها بحركة طفولية غبية: لا...بس ولد جديد.." واعطيتها المفرش الابيض عشان يحطونه...رتبت الورود والريحان بفازة كريستال كبيرة...ورميت شوية حصى باسفلها... واخذت من تولات العود والمسك اللي بحمامي وحطيتهم بسلة خزف صغيرة مع صابون ملون وبطاقة ترحيب كتبتها بنفسي بالحمامات حقت غرف الضيوف..وخليت الشغالات ياخذون الفازة الكريستال الثانية اللي زينتها بنفس الطريقة والسلة الخزف لغرفة الولد او الاصح الرجال...





الساعه10:00م


دق جوالي...شفت البدوي يتصل بك...ضحكت هذا محمد وهو اللي مسجل اسمه بجوالي كذا..
محمد: الو...
: الوووووو( بدللع عشان ارفع ضغطه)
محمد بصوت معصب: لحووووووووول....
: وشوووو؟؟؟؟ يعني حرااام ادلع على خطيبي...
محمد وهو يصارخ: خطيبك بعينك!!!
: آآآآآآآآآآآآآآآآآآآآآآه...خلاص زززئلت...اهىء اهىء
محمد: الله من البلشة....اخلصي...بسرعه...
: آ..آ...
محمد: وش اللي آآآ؟؟؟!!!
: ( قلت بدلع زااايد) يعني لاءا..
محمد: اففففف...تبين تاكلين ولا لا؟؟؟
: إلا..
محمد: طيب...انا بروح لاقرب مطعم بيتزا بالقاه...تجين معي؟؟؟
( نطيت من الفرح خصوصا ان جو البيت خنقه وكتمه وزهق): اييييييييييييييه...
محمد وهو يضحك: هههههههه...الله منكن يا الحريم....روحي اخلصي وجهزي ريما معك...
: ولو...من عيووووووووووووني...يا اغل...
طوط..طوط..طوط...طوط...
ضحكت بقوة يا حليله سكر الخط...اوريك يا محمدوه...
قمت من سريري..وسكرت الستيريو....ولبست عباتي....واخذت شنطتي وشيلتي....طلعت من غرفتي وقفلتها زززين..ورحت دقيت الباب على عفرا: عفرااااااااااااااااااء....عفرراااااااااااا
ولا اي رد...ولا كلمه...والله ماهيب طبيعية...
: عفراااااااااااااااا...عيوني....انا باطلع...تعالي معي..
ولا رد...ولا حتى نفس....
: ترا الطلعه من غيرك وعععععع...( نفس الجواب)
حاولت افتح الباب...مقفول...دقيت عليه بصوت عالي...نفس الشيء...سكوووت...قلت بتردد: اكيد نايمه ورحت لغرفة ريما...
لقيت ريما تمشط شعر الباربي حقتها الهندية....
ريما: ليتني حلوة مثلك..
انا وانا شوي واضحك على خبالتها:ريما...بتجين معي؟؟؟؟
ريما وهي تنط: وووين؟؟؟
قلت وانا ابعد عن باب غرفتها: لمطعم البيتزا...
ريما: طيييييييييب انتظررررررري...
رجعتلها: ليش؟؟
قالت وهي تدخل غرفة ملابسها: بغير ملابسي....
لحقتها على غرفة الملابس..وبعد اخذ وعطا...قررت البسها فستانها الجينز المطرز بورود حمر...وبوت احمر وربطه حمرا على شعرها...عشان تصير مثلي...ونصير كاننا خوات...( تفكير طفولي بحت)...ولا بتفل شعرها بعد وودها تلبس عدسات..بس قلتلها: طيب...احاول اقنع عمي...بس بسرعه خلصي...
طردتني من غرفتها...عشان تلبس..ونزلت تحت عشان اطلع لمحمد...عند اللكزس برا...
ماكان موقف قدام البيت عرفت انه موقف ورا...فرحت اخذت لفه طويلة بالحوش عشان اوصله..عند مدخل النافورة...طبعا...الوقت ظلام..والانوار نصها مقفلة...فأنا كنت امشي بسرعه ونظراتي وراي عشان لو احد يلحقني او شي زي كذا...
(آآآآآآآآآآآآآآآآآآآآآآآآآآآيي.....) هذا صوتي اللي لحقته.... صرخة مكتومة وبعدها( ماتشوفين قدامك يا مره؟؟..) رفعت راسي...مو قادرة اشوف مع الظلام... يا ربييييييييييييييي...صدق هذا مفسد الافراح..يعني كل مابكون مبسوطة راح اشوفه...قلت بعصبية وانا اعطيه قفاي عشان اعدل غطاي على وجهي زين( والله ما ادري مين اللي مايشوف يا الاجودي؟؟؟) طلعت منه آهة قهر...وقال بصوت مكتوم متنرفز(ماخبر...بناتنا ياخذون ويعطون مع الرجاجيل!!) تنرفزت من رده وقلت بحرارة(لا تغير الموضوع!!) قال وهو يضرب كف بكف( طيب...) وكمل وانا ارجع اعطيه وجهي(ممكن امر؟؟) حمر وجهي من العصبية وقلت بصوت مرتفع( وانا منعتك يا استاذ!!) قال وهو يضحك بسخرية وعيونه تلمع مع الليل(لا ابدا...بس واقفه معترضه الخط...لا آخذه اليمين ومريحتنا ولا آخذه اليسار وفاكتنا من شرك..) طالعت فيه من فوق لتحت...وكملت طريقي من جنبه بسرعه...وبعد يتكلم كانه يعرفني هو ووجه...صدق ما يستحي...صدق مافقلبه رجوله...وإلا ماكان قام ياخذ ويعطي معي وانا مانيب من محارمه!!!!!!!!





كانت الطلعة للمطعم تسد النفس مع محمد وريما...اللي اخذوا يتناقرون وقلبتها ريما مناحه علينا...ماقدرت آكل اي شيء..كل تفكيري بهالمجنون..وافي..يا ثقل دمه...والله انه ما يستحي...ولا ....يكلمني كان بيني وبينه عشرة عمر..مو اقل من اسبوعين وعمري ما كلمته..بس الحق ينقال..عليه رزززه معتبرة...ولا بكل الرجال... ومشاء الله العطر اللي إلا الآن لاصقي بشيلتي وعبايتي...حمرت خدودي يوم تذكرت اني ضربت بصدره..يلعن ابو الفشله..بملكه بدرية شافني متفصخه... وبالصبح.. شافني بذاك اللبس الكاشف لكل شي..ولا قبل شوي...لزقت فيه وطحت بحظنه... ضربت جبيني فجأة..وقلت بصوت مرتفع ناسية نفسي: يا فشلتك والله!!
ريما وهي تاشر علي وتضحك بعد ماراقت شوي: زي عاشه....
محمد يطالع فيني وكأنه تذكر شي يضحك ومات ضحك هو وريما...
قلت اسوي نفسي معصبة: خلاص...مافي لوحه مرة تاني....
قال محمد وهو يحاول يسكت: لو شفت وجهك وانت تكلمين بصوت عالي زي عايشه يوم تحلطم...
ابتسمت لهم...وشوي تذكرت وجه عايشه يوم تحاكي روحها...والله العشرة اثرت فيني وقعدت اضحك معهم غصبا علي...




رجعنا البيت...بعد مااخذنا وجبات من ماكدونالز لكل الخدم والعيلة..حطيت حقت الرجال بالمطبخ الخارجي.. واللي تخص عفرا وبدرية وعمتي والشغالات...بالاوفيز..، رجعت غرفتي...وتروشت..ولبست بيجاما لونها كحلي فيها قصب فضي خفيف..ومشطت شعري لين مانشف...وتركته وقعدت ادهن ارجولي بكريم...واسويلهم مساج...



لحظات ودخلت عمتي نورا علي وانا خلاص على وشك اني اخلص مساج يديني...طالعتها...وحمر وجهي.. قالت وهي شكلها مرهقه من كثر الصياح...: ملكه الله يخلييييييييييييييييك....
قمت لها على طول ورحت ضميتها بقوة: عمتي نورا...هدي عمرك الله يعافيك...
عمتي نورا وهي تبكي: ما اقدر...لازم اشوف سلطان لازم اشوفه....
وكملت وهي تصيح بقوة: قلبي قابضني...حاسه اني بموت قريب.. وما راح اقدر املي عيوني منه ومن وجهه الحبيب..
واخذتها وجلستها على السرير..وقلتلها: عمتي...ليش تقولين كذا؟؟..فال الله ولا فالك...
عمتي نورا وهي تمسح دموعها: قلبي قابضني يا ملكه...انا ام واحس بعيالي...والله احس فيهم....
وكملت بحزن منهار: انت...بالنسبة.. ل سلطان شي فوق ما تتصورينه...
دمعت عيوني وقلت وانا مابي اصيح: وسلطان غالي عليا...
عمتي نورا واهي ترجع شعرها ورا اذنها: مو مثل حبه لك!!!
سكت ما عرفت وش ارد.... وكملت:ملكه..الله يخليك...قوليله..اكذبي عليه...وخليه يرجع...
قلتلها وانا ابكي: ما اقدر...ما اقدر اكذب عليه...صعععبه...
عمتي نورا واهي تنهار وتتمدد على سريري: لالالا....لالالا..الله يخليك لا تقولين صعبه...
قلت وانا احك جبيني ووجهي مليان دموع: تخيلي موقفي..وإذا عرف اني كذبت...
عمتي نورا واهي تعصر مخدتي بين يدينها وتضمها بقوة: في ذاك الوقت فيه مية حلال...بس اهم شي يرجع ولدي...حرااااااااام عليك...ولدي يحبك...يحبك يالناكرة....!!!!!
طلعت للوفيز منهارة بعد كلمت عمتي نورا...انا ناكرة...انا...ليش؟؟؟....طيب وش سويت؟؟؟ عشان ينقال عني كذا....انا اللي بكيت على سلطان اكثر مما بكوا خواته....انا اللي دعمته كثير...ووقفت معه كثير...حتى اني ياما وقفت ضد عمي علشاا اانه.... انا اللي قلت لعمي كلام ما ينقال علشانه طرد سلطان....نزلت دمعه حارة ومرة وتحرررق على خدي...واتبعتها دموع ثانية.......وقعدت ابكي بحرارة..وانا احط ايديني على عيوني واتمسك بالطاولة اللي قدامي.. تذكرت سلطان...سلطان يوم يبتسم...سلطان يوم ينكت...سلطان يوم يتاثر...سلطان يوم طلعت معه انا وعفرا عشان السيارة..سلطان يوم استقبلني بالمطار ... سلطان يوم يتغزل فيني...سلطان يوم قرالي الشعر اللي اكتبه لي...سلطان يوم يلعب كوره صوته وفرحته وضحكته تملا الدنيا....سلطااااان...انا السبب باللي انت فيه....سامحني يا الغالي... سامحني..اخذت كاسه كانت قدامي و رميتها على الارض بعصبية....وتكسرت لالف قطعه صغيرة...طحت على الارض..وما اهتميت بجروحي .. وقعدت ابكي واشاهق بصوت مكتوم... تذكرت الكابوس...الكابوس...انا احرقته...انا احرقت قلبه... احرقته..احرقته...احررقته....يا ربيييييييييييي ارحمني.....آآآآآآآآه....آآآآآآآآآآآآآآه يا قلبيييييي..مسكت صدري بقوة...بسبب الالم اللي اخذ يزيد جواتي....لمست القزاز بايدي بتردد...وضغطت عليه بعصبية...ابي اعاقب نفسي....لازم اعاقب نفسي.. انا انسانة سيئة...سيئة....صرخت بصوت عالي: يببببببببببببببه ... يممممممممممم مممه ...ليش رحتوا وتركتووني.....انتم ماتحبوني والله...والله ماتحبوني....خاااااالد.....خذني معااااااااااااااك"وقعدت اضرب يديني على القزاز بقوة...واشوف الدم يتناثر....يتناثر بكل مكان...ليتني مت..ليتني مت...ليش؟؟؟...ليش انا اسبب الالم للناس...ليش ما اكون السعادة بحياة من حولي؟؟؟... ليش انا الناكرة؟؟...ليش؟؟... والله مو قاعده احس بالالم...اللي فيني اكبر من اني اتالم...آآآآآآآآآآآآآآآآآه.. .آآآآآآآآآآ آآآآآآآآآه... .حاسه روحي مثقلة مجروحه ... تعباااااااانه... يالله وش كثر التعب النفسي يهد الواحد...وش كثر يجرحه....وش كثر يالمه...مسكت القزاز بايدي وضغطت عليه بقوة.. ودموعي تطيح على جروحي وتحرقني بقوة...يارب يكون قزاز متسمم واموت يا رب اموووت.... حسيت بالقزاز يدخل بيدي...ابتسمت بسخرية....لكن ما طالت هالبسمة....لأني صرخت صرخة بصوت عالي اخترقت الليل والصمت والسكون اللي كان يعم البيت بعد يوم مرهق..." ابي امووووووووووووووووووت....ابي اموووووووووووووت .... خلوووني امووووووو ووووت ..." سمعت صوت ركض...وصوت صراخ...لكن الدنيا غابت عن بالي...واختفى كل شي من حولي....ودارت علي الدواير


الفصل العاشر




لو يشتكي المظلوم وش في يدينه....من يرحمه لاهلت عيونه ادموع...
من يسمعه لي باح خافي كنينه...من هو يرد القلب لاصار منزوع...
مهما شكى قلبه وعقله وعينه...شكواه ماتنفع ولاهوب مسموع...
الله على كثرة اهمومه يعينه...قلبه غدا في روضة الهم مزروع...
زرعه ذبل من قبل وقته وحينه...صارت حياته هم واحزان ووجوع...
يوم انقطع حبل الرجا في يمينه...يسحب ولكن حبل رجواه مقطوع..
ماعاد باقي كود ذكرى حنينه...في خافق برق الرجا عنه ممنوع...
هذي معاناة القلوب الحزينة...مثلي انا لو صحت مانيب مسموع...





طالعت بوجهي بالمرايه....عيون غايرة....شفايف مبيضه... مظهر شاحب..مصفر..زي وجيه الموتى!!... ارتعشت شفايفي..ثلاثة ايام... جلست في المستشفى كنت راح انجن فيها...شلون لو جلست اكثر..!!!...وكأن الطبيب الجديد..ماصدق يمسك اول مريض يجيه.. يبي يتدرب علي حظرته...!!...طالعت شعري..اللي ما انمشط من ثلاث ايام...وسحبت المشط بهدوء من على المغسله...وقعدت امشط شعري خصلة خصلة...تذكرت الطبيب المجنون...تصوروا سوا من الحبه قبه...وقال ان معي مرض نفسي خطير...وان ايذاء النفس..ممكن يكون بسبب خلل في وظائف الدماغ!!..انا..وخلل..والله موب صاحي..
رميت المشط من ايدي..مو قادرة امشط شعري يالمني مرة..فيه عقد كثيرة...مثل عقد حياتي...متشابكة ومتشابكة...مثل كومة من الخيوط..اجتمعت ولا قدرت تفرق!!...طالعت بايديني اللي ملفوفة بشاش ابيض..ارتعشت..مثل ذاك القسم...القسم النفسي!!.. هزيت راسي بقوة.. وفتحت الموية حقت الدش.. ابي انسى.. ابر..ابر...ابر...على مدى ثلاث ايام..طول الوقت نايمه مو حاسه بعمري...ولا بعد هالثلاث ايام اطلع ومعي كومة منومات وحبوب اكتئاب..
لمست الموية المتساقطة الباااارده...مثل حياتي..من بعد فرقا الحبايب...بارده..خاوية...وكأنك بقصر كبير مهجور...تسمع لضحكاتهم واصواتهم بس..للاسف مو قادر تلقاهم..عارف ليش؟؟..لأنها اصوات الجدران اللي حبتهم..وضمتهم بين حناياها...!!..
خلعت ملابسي..الروب الابيض القطني...ووقفت تحت الماء المتساقط...القوي...اللي كانه بيخترق جسمي.. معقولة يكون هذا نوع ثاني من الاذى النفسي اللي حكى عنه الطبيب؟؟..لالالا..هذا ما ياذي..هذا بس يسبب الم بسييط...بسيط..مثل فرحتي بالرجعه لهالبيت..
غمضت عيوني بقوة..ابي انسى النظرة اللي طالعوني فيها يوم رجعت البيت...نظرة خوف...هلع..ذنب؟؟!!.. يمكن هالاخيرة بس بعيون عمي سعود وعمتي نورا.. لا تخافون تراني كويسة..بس تعرفون كلام الدكاترة.. ضربت على قلبي بقوة..انا اخاف..اخاف من الوحده...اخااااف...ومع هذا...تركوني ثلاث ايام..ثلاث ايام بمستشفى كبيرة ولا...بالقسم النفسي منها...استمع لصرخات المرضى...واستمع لشكوى الممرضات في آخر الليل...
حطيت ايديني على اذني...مااااااااااابي...مابي اسمع مابي...انا بس تمنيت اموت...بس!!..اموت..يا الله صار تمني الموت..شي مؤذي..مرض نفسي...مجنون والله مجنون...(الدكتور)..
طحت على ركبي....تلمست الماء..ضميته باصابعي...لكن...لااااا..قاعد يتسرب مني..يهرب...ماراح اخليك.. ليش تروح؟؟...ليش حتى انت ماتبي تجلس معي؟؟؟..ليييييييييييش؟؟؟
آآآآآآآآآآآآآآآآآآآآآآآآه...اكرهك يا بدررية اكرهك..صدق انسانة حقيرة...رفست بلاط الحوض بقوة...فتعورت رجلي فصرخت بحقد فيه.." حتى انت تحبها وتدافع عنها.."..شوهت سمعتي...قالت للضيوف الجدد..بنات العم ناصر....اني مجنونة...واني خطيرة...وممكن آذيهم...وشفت...شفت الخوف بعيونهم..انا اخوف؟؟..ضميت روحي بقوة..وانا ائئن من الالام اللي مثقلة روحي ومضيقة خلقي...ليش يا بدرية؟؟..ليش؟؟...انت ماتخافين ربك..وينك ياعفرا عني؟؟...لكن وشاقول عن هالبنت...عفرا... عفرا...وش حالها؟؟..غادية سراب..شي ينشاف لكن ما ينقرب منه..تجي تطل على الكل وتروح لغرفتها...جسمها صاير انحف من اول بكثير..شعرها تحطه فوق راسها باي طريقة...عيونها مثقلة بالالام العالم كله..تطفر الدموع من عيونها فجأة وبدون سابق انذار..!! ليتك ياعفرا بحالتك الأولية..كان بكيت بحضنك..ما كان بكيت بروحي...بعيد عن العالم..بين اربع جدران..احسها تضيق وتضيق حتى تطبق علي..وتخنقني وتموتني!!
تلمست دربي للسجاده بتعب...اخيرا وصلتلها...بصوفها الناعم..وملمسها الدافي المريح...وريحة العود اللي ماليتها...لفيت شرشف الصلاه علي.. تمايل على جسمي بسهولة...والتصق بي...كأنه يقولي اشتقتلك يا ملكه لا تخليني...تميت اتنافض من البرد..والذكريات..والالام اللي تحوم حولي.. تالمني...تصرخ بي...وتطن براسي ... مثل اجراس الكنايس...طنين..يمتد ويمتد..وتشك إذا كان بينتهي بلحظه مثل مابدا؟؟
( الله اكبر)...بديت صلاتي وانا جالسه..صليت المغرب والعشا سوا..اصلا..طول وقت نومي..فصرت اجمع الصلوات تلقائيا...هذاني لي ثماني واربعين ساعه... من طلعتي للمستشفى...وحالتي الجسمية والنفسية تزيد سوء بسوء...
خلصت صلاتي..وجلست اسبح واكبر واستغفر...وادعي..ادعي لعفرا..وادعي لسلطان..لكن..مادعيت لنفسي!!...لا تسالون ليش؟؟..يمكن لاني متعودة افكر بالكون كله ولا افكر بنفسي..!!..في اشياء كثيرة تستاهل دعواتي اهم من نفسي...!!





اخذت حبوبي..وشربت كاسة ماء...ومسكت الجوال بايدي...كانت ايدي ترتعش..هالحبوب اتعبتني..مالي إلا يومين..واحس انها قاتلتني...جمدت ايدي بقوة على الجهاز...وفتحت الرسايل..لقيت رسالة..منه...اللي يفكر فيني دوم...سلطان!!..

لاباس انا يالغالية قلتها لك..من قلب يخلص لك يحبك ويغليك..ياليتني كنت المنوم بدالك..وليت المرض يابنت فيني ولافيك!!!

ابتسمت..سلطان...متى راح تكرهني؟؟..متى؟؟؟..ياربي...ارحمه من حبي..وخله يلاقي البنت اللي تستاهله.. ماهو من نصيبي..والله ماهو من نصيبي..غمضت عيوني..للحظات...رجعت فتحتها...لا!!..اكلمه؟؟؟..ارده للبيت..اغامر..بس..بس راح يكرهني..راح يكرهني..لا تقولين لا...راح يكرهني..لأن..لأن التلاعب بالقلوب حرااام...جريمة...جناية...يحاسبنا عليها رب العالمين..انا ابي الناس تدعيلي بالخير..مابي احد يدعي علي ..يوووه..هذا مو وقته.....مابي انوووم..لحظه...ب..س..ا...بي..



الساعه2:00م



صحيت على صوت عفرا..كانت تهزني بضعف.....فتحت عيوني ببطء...عفرا!!!" وشووووو؟؟؟" قلت بملل وانا اميل للجهة الثانية من السرير....قالت بصوت اعياه البكى" نشششي..." سفهتها....كملت واهي تسحب عني الفراش" يلاااااا....الغدا جاهز...." التفت لها بياس" بس شوووي..." قالت وهي تصد عني عشان تطلع" مالي شغل...انا بروح اتغدا...وباباتي يقول..لو ماييتي ماراح ياكل..." نفضت عني الفراش وقلت وانا اشوفها تطلع" شكرا على سدة النفس!!..." اففف منك يا عفرا...ليتني اصفقك بس...قفلت باب غرفتي وخلعت ملابسي..وطرت على الحمام..اخذت شاور سريع عشان اصحصح...من هالنوم اللي ماليني...خصوصا ان عيوني مليااانة نوم..الله يقطع هالحبوب جننتني...ايييييي...دخل الصابون بعيني..غسلت عيوني زين...وكملت حمامي...وطلعت...




مشيت للغرفة الطعام...اللي خاصه بالعيلة.. قالتلي عمتي نورا..انهم غيروها عشان يزيدون عدد الكراسي!!... دخلت الغرفة...وانعكست صورتي على المراية الكبيرة المقابلة الباب..على الجدار الثاني...انصدمت من شكلي...لها الدرجه انا نحفت...من ثلاث ايام صرت كذا..
سمعت صوت عمي يقول بحنان: ملكه حبيبتي....تعالي اجلسي!!.." ابتسمت له..وجيت جلست جنب ريما...اللي قالتلي بصوت واطي" عيونك حملا...(حمرا)..." رديت عليها بهمس: والله؟؟" قالتلي وهي تهز راسها بعدم رضى" ماحطيتي الكليم(الكريم) اللي اشتريتلي مثله...؟؟" قلتلها بنعومة وانا اضحك بصوت واطي" يوووه..نسيت!!.." علا صوت بدرية بهاللحظة" مانعتقد ان في شي يضحك.." رفعت حواجبي وقلت وانا آخذ صحن فاضي" في اشياء كثيرة في هاللحظة تضحك يا بدرية..." طالعتني بدرية بغرور...ولفت شفايفها المليانه روج احمر" ايييه...صح.." وكملت بصوت خافت ماسمعوه اللي على الطرف الثاني من الطاولة" للمجانين بس!!"رفعت عيوني لها...جرحتني كلمتها!!...فعلا جرحتني....انا مجنونة!!...انا..انا...بس تعبانة شوي...نفسيتني تعبانة...كان عندي كل شيء...فجأة صرت بلا شيء...ليش ماتعذروني ياجماعه؟؟.. ليش؟؟...، لاحظت نظرات سماح بنت العم ناصر لبدرية...كانت تطالع ب بدرية بنظرة غامضة.. او يمكن مشفقة؟؟؟..ما ادري...مو هذا المهم هالحين..ولا؟؟؟
حطيت بصحني...شويت لحم...وشوية سلطة...وصبيت كاس عصير برتقال...قعدت آكل سلطة...ولاحظت بطرف عيني ان كل واحد يسبح ببحره الخاص...عمي سعود...وجهه وكأنه كبر عشر سنين...عمتي نورا...وفيها انكسار غريب...الوجه المشرق الجميل..تغير..صار كله عبوس...وحزن...ايه حزن...حزن ضللها بضلالة سودا...غريبة...حتى انها صارت غير مرئية...بجلابيتها السودا وشعرها الملموم باهمال عن وجهها...عفرااا..آآآآه..وش اقولكم...الضحكة اللي كانت تعلى وتعلى في يوم...انخمدت...وكأنها ضاعت... ضاعت بين الزحمة وماعد لها اي وجود....صارت بلا مبالغة...مجرد شخبوطه صغيرة بدفتر الايام...مالها اي معنى..لكنها موجودة وبس...لا تئن ولا تتكلم ولا حتى تناظر باحد...محمد...يحاول ياكل السلطة غصبا عنه...لأن عمي غاصبه ياكلها....وتشفون وجهه الطفولي...وهو يحاول..يكابر..لكن ما يقدر يدخلها فمه!!... ريما...مثلي بالضبط...تطالع في الوجيه اللي حولها وبراءه رائعه مرسومة فوجهها الحلو...مرسومة بشفايفها الحمرا الصغيرة...بعيونها السود الواسعه...بخشمها الصغير..الناعم...، بنات العم ناصر...شقول؟؟...شقول عنهم؟؟...مكسورات يا قلبي....ابوهم مريض في امريكا..يصارع الخبيث...يا غالب يا مغلوب!!، وامهم معاه بالغربة...تساند زوجها..توقف بجنبه..تدعمه بحبها وحنانها واهتمامها...الاهتمام..وين سمعت هالكلمة من قبل؟؟ تصدقون اني انرميت ثلاث ايام بالمستشفى..النفسي..هذاك...وماحد جا يسال عني...كأنهم ماصدقوا افتكوا مني....وش تتوقعون الجرح اللي احسه..جرح أخذ يعزف بقلبي على كيفه..يعزف ويصنع نوتة موسيقية اعظم من موسيقى بتهوفن!!.... ساخره... القوها الممرضات وكأنها نكته...(مجنونة...ياحرام اكيد اهلها مفتشلين مايبون احد يشوفها معهم!!...)
فيه واحد...واحد بس...كان دايم معي..دايم يرسلي باقات ورد كبيرة...بالصبح وبالليل..كل ما انوم القاها..باقة حمراء كبيرة...عدد الورود فيها...عدد سنين عمري...مهتم فيني..من يكون؟؟...حاولت اعرف كثير..وسالت الممرضات كثير...لكنهم ماعرفوا يوصفونه...ماعرفوا يوصفون هالفارس اللي خلص محلات الورد وهو يرسلي يوميا على مدى ثلاث ايام بوكيه ورد عملاق الصبح وبوكيه ورد عملاق المسا...




طالعت حولي بعد فترة..اكتشفت ان الكل قام عن الطاولة إلا انا...قمت وانا اقول بصوت مسموع" الله لا يلومهم يوم يقولون مجنونة...صح مجنونة...مجنونة بصاحب الورد!!" طلعت من غرفة الطعام...وقررت اروح غرفة عفرا...وانا رايحه غرفة عفرا استوقفني..موضوع سمعته من ورا الباب المسكر( على فكره ترى التنصت عادة ذميمة تجيب العيد على راسك!!)
بدرية بسخرية: اقولك مجنووونة...
صوت ثاني( اعتقد انها ميران اختهم الكبيرة..تموت بشي اسمه بدرية...وهاذي اللي لاحظته وانا مالي إلا يوم بعد رجعة المستشفى زي ظلها تروح معها وين ماتروح):الله لايبلانا..حلوة ومريضة نفسيا...ههههه
بدرية بقهر: حلوووة؟؟..لا ياشيخة...مفارقها الحلا...وين الحلا عنها...وبعدين تعالي..ليش تحبين تغيرين الاشياء...هاذي مجنونة...مش مريضة نفسيا...فاقده الاهلية...فهمتي؟؟؟...
ميران بعدم اقتناع: بسس...شكلها..والله ما ادري...بس شكلها عاقلة...
بدرية وهي تعلي صوتها شوي: اففف..انت ليش مو مصدقة..؟؟بلاج ماكنتي هنا يوم بغت تنتحر!!...
ميران بحماس: عيدي المشهد من جديد...اضحك يوم اتخيلها...
بدرية بخوف: يمممه...كانت تخررع..تصوري ايدينها كلها دددم...وبعدين...اصابعها وععععع...الله يقرفها...قولي في انسان طبيعي يسوي كذا...
ميران بخوف هي الثانية: لالالا صح...اكيد مجنونة...شلون تضغط على القزاز بايدينها...




تحركت من عند الباب...وعيوني مليانة دموع...يعني راح يحملوني حمل هالشي طول العمر...غلطه...والله غلطه ووعدت الكل اني ما اكررها...وصلت عند باب عفرا...ادخل...بس هاذي بعد كئيبة...يله على الاقل اهي بيوم من الايام كانت تهتم فيني وبصحتي...لازم ما انسى او اتناسى هالشيء...
دخلت غرفتها...انفجعت من شكل غرفتها...كان اعصار دخل ودمر الغرفة...كانت فيه اوراق كثيرة متقطعة ومرمية بشراسه على الارض...و ظروف رسايل وباقات ورد مجفف... مسكت ورده مجففه متهشمة بقوة... بغيت ابكي...مسكينة...تهشمت.. ماعاد لها اي قيمه...مثلي انا!!...او..مثل عفرا...ورفعت راسي... سمعت صوت باب الحمام...طالعت عفرا.. يوم شافتني ركضت وضمتني بقوة...وقامت تصيييييييح...كان شكلها مرريض...وعيونها متنفخة بقوة وخشمها احمر...قالت وهي اتناشق" تعبااانة يا ملكه...تعبااااااانه" قلتلها وانا قلبي متقطع" طيب قوليلي...وشو؟؟ احكيلي..وش اللي متعبك؟؟؟" قالت وهي تبعد عني فجأة" لالالا...ما اقدر...ما اقدر.. تعبي اكبر من الكلام... اكبر من العالم.. من الكون..." صرررخت فيني وهي تاشر بحركات مجنونة" تعبي..تعدى درب التبانه ورحل لمجرات وعوالم بعيدة..بعدي عن ح..." وسكتت....وطالعت فيني واخذت تهتز بصمت...ودموعها مالية وجهها اللي كان بيوم جميل!!..قلتلها بحنان وانا اقفل الباب بالمفتاح" عفرا...انت خويتي...خلك صريحه معي..." سكتت عفرا وهي موطية راسها بين كتوفها... يالله..شوفوا الحزن شيسوي؟؟... كانت كأنها طفله صغيرة... مو حرمه بالاربع وعشرين سنة...حطت ايدها على فمها كانها بترجع...وركضت على الحمام..طالعت المكان اللي بفوضى...ورحت للاستيريو دخلت فيه cd لاغاني وائل كفوري.. وقعدت الم الورد اللي تكسر تحت خطوات عفرا...
طلعت عفرا...وصرخت فيني بهستيريا يوم شافتني الم الورد" وش تبغين؟؟؟...اتركييييييييييييييه.." فزعت من صوتها ورميت الورد كلها.. طالعتني وكأنها حست بالذنب...قالت بتوتر وهي تروح تجلس على الكنبة الحمرا
.." آسفه..اجمعيه..." طالعتها بتوتر..ورميت باقي الورد اللي تفتت بايدني ورحت جلست عندها وقلتلها بهدوء " عفرا....مو حال هاذي إللي انتي فيه..." طالعتني ببرود ورمت راسها على ورا وقالت وهي تضرب صدرها بقوة" دايم يهينا يا ملكه...داااايم..." سكت...فعلا دايم يهين..ليت ربي ماخلق فينا احاسيس...صح ان الاحاسيس تشكل شخصيتك لكنها تنهيك وتدمرك بعد...ليش تعتقدون مدمن المخدرات يلجأ للمخدرات؟؟.. ليش معظم البنات المراهقات يحبون..ويعيشون قصص حب وهمية...ولا يراهقون بعد!!..وليش معظم ضعيفي الايمان ينتحرون!!....كل هذا بسبب الاحاسيس..اكرهها هي سبب بؤسنا وآلامنا...التفت لعفرا وقلتلها بصوت مازح" ترى...احم احم.. مايتحمل يشوف حبيبته بهالشكل..." وليتني ماقلت كذا...ضمتني عفرا بقوة..وانهارت تصيح وتشاهق بقوة.." انا بدونه ولا شي يا ملكه...ولا شي..." وكملت من بين دموعها وانا مصدومة" احبه..وربي احبه...لويطلب عيوني ما فكرت مرتين إذا باعطيه اياه اولا..." وكملت وهي تدفن راسها بصدري اللي تبلل بدموعها السايله مثل شلالات نياغرا..قوية...غزيرة...قاتله..." يكرهني...اهو يكرهني... يعتقد اني.." وسكتت ميب قادرة تقول شي..قلتلها وانا مو مستوعبه" شلون...عرررفتي؟؟.." قامت بعيد عني وصرخت بغضب" شفتي؟؟؟....ماحد داررري..." وانهارت على الارض.... مسكت ورد..وتاملته ثم..رمته " هذا منه.. هدية منه...قبل فترة....شوفي شلون ماااااااات...مات...لأن.." وكملت بهمس" لاننا انتهينا.." سكت شوي..وصوت وائل كفوري وهو يردد" ياحبيبي ئرب ليا!!..." يتردد بالغرفة.. غمضت عفرا عيونها بانهزام مرير...مثل اللاعب اللي عرف ان وقت المباراة انتهى وهو مو قادر يسوي شي..وهاذي البطولة اللي كان يحلم فيها من زمان... وماراح ابدا يقدر يحقق حلمه...ما عرفت شاقول... دارت افكاري بي..إذا جاسر..جاسر هو..اللي كان بالمطعم!!...يالله ليش كذا...ليش الصدف اللي في حياتنا معظمها سيء..سيء..تنهدت وانا اتذكر كلام ابوي..." مافيه شي اسمه صدفة عند الانسان المؤمن...هذا كله مكتوب.. مكتوب في الصحف المكتوبة.." قلت بهمس" العوض بالجنة..." ووقفت..عرفت ان وجودي ما راح يداوي جروح عفاري اللي قاعده تضم الورد بانهزام وهي تشاهق باقوى ماعندها...يارب البكى يقدر يريحها شوي..يقدر يداوي جروحها...

تكملة الفصل العاشر
رجعت لغرفتي وانا تعبانة ومو عارفة وش اسوي...كل شي احسه ضدي..وش ذا البيت اللي انقلب بين يوم وليلة وصار من بيت عامر بالافراح لبيت الحزن عنوانه!!..تنهدت وتعوذت من ابليس....وجلست على طاولة الكمبيوتر... فتحت الاب توب..ودخلت على ايميلي... لقيت رسايل من سارا ومن سلطان...سلطان كالعاده كان مهديلي مجموعة اغاني..وبطاقات... وقعدت اقرا بايميل سارا:
حبيبتي ملكه،

وينك عسى ماشر؟؟..والله خفت عليك..اربع ايام لا تردين ولا تسالين عني...وكل مادخل على الماسنجر القاك اوفلاين...؟؟؟...قلبي قابضني مو قادرة انوم...قاعده انتظر اتصالك على احر من الجمر...الدنيا فقدت بريقها.. والشوارع ضاعت ملامحها...وبيتنا اكتسحه السواد....

الموووهيم...اخوي ريان بيخطب....بس يقول...انك بيوم وعدتيه انك تخطبيله...يله على يدك العروسة...ولك منه نص مهرها....هههه...لا تصدقين كثير...صديقة زين...نص المهر بينقسم بيني وبينك....

صديقتك الصدوقة...سوسو..^ _^



ابتسمت...عمر سارا ماب تنساني...مهما يصير....رجعت وكتبتلها كل الاحداث مع اغفال حقيقة دخولي المستشفى...كتبتلها على موضوع عفرا...وطلبتها النصح...ووعدتها افكر بموضوع اخوها ريان..

بالنسبة لسلطان... ارسلته صورة بيت مهجور وكتبتله " يهون عليك يصير البيت دونك كذا"



قمت من مكاني...ورحت غرفة الملابس...مشطت شعري من جديد وتركته بدون قيود... خليته متحرر...يمكن يحسسني بالحرية... زينت مكياجي...الموف...وتاملت فستاني الموف الصيفي...كان بدون اكمام...طويل واسع.. مخليني كاني بنت صغيرة فيه...ضيق بس على الصدر...ابتسمت لنفسي وقلت بتفاؤل" اليوم يوم سعيد.. وانا متأكده اني بعد شوي..بلقا حل يرجع عفرا لجاسر" وبعدت عن المراية بعد مارسلت بوسه لنفسي...



نزلت الحوش...بشوف ورودي...وحشتني...اكيد اهملوها وماحد اساقها بغيابي..اساسا اهي ماتقبل احد يسقيها غيري.....اول ماطلعت من باب الفلة..طالعت يمين ويسار ماشفت احد...قلت براحه...ماحد راح يتجرأ يطلع من الملحق...لأن وافي بنات ناصر موب محرم له ...والثاني يزيد انا وبنات عمي سعود موب محرم له...واكيد طبعا عمي سعود معطيهم العلم الصحيح... ارتحت بعد ماطمنت نفسي...ورحت امشي بهدوء وانا كل شوي التفت وراي..عشان لولا قدر الله احد نسى او شي زي كذا!!...





آآآآه...صرخت بذعر وانا اشوف القطعه اللي ازرع فيها..ورودي...ورودي... كانت متقطعه بوحشية..الريحام والفل والياسمين متناثرات بكل مكان..والورد البلدي والجوري...متقطع من جذوره....جلست على ركبي لا شعوريا ...ياربيييييييي....متى صار هالشي؟؟...وليييييش؟؟...ليش؟؟...مديت ايدي ببطء...وتلمست الجوري اللي متقطع من..من لحظات بس...لأنه لسه طري وريحته منتشرة بالجو...حسيت بشخص يراقبني...فلفيت بسرعه وشفت خيال اختفى بسرعه...صحت بقهر..وحطيت ايديني على وجهي... وقمت اشاهق...وردي.. ليش؟؟ ليش قطعوه؟؟...وش ذنبه...ماتركوا ولا جذر بمكانه...كلها انتزعت...وكأنهم كانوا ينتقمون مني بهالشيء...




حسيت بخطوات وراي بس مالتفت...اكيد هاذي عفرا شافتني من شباكها..وانا منهارة...بس جمدت بمكاني وانا قاعده احس بشيء... لزج...رطب...ريحته كريهة... على اصابعي اللي مغطية على وجهي..شلت يدي ببطء عن وجهي...وكانت الصدمه.. ( آآآآآآآآآآآآآآآآآآآآآآآآآآه) صرخت بجنون وانا ارجع وراي وانا جالسه على الارض( يمممممممممه) ارتفعت صرختي بالمكان الهادي.. العصر الكل نايم....الكل غافي موب داري عني...يمممه....كان كلب...كلب كبير...كلب رعاة الماني ضخم...طالع فيني الكلب...فصرخت وهو يقرب مني...(لالالالالالالالا)...سمعت صوت ركض...يمه هذا شلون دخل...؟؟؟ روح عني...وحاولت ابعد الكلب لكن ماقدرت... كان كبير....وإلا يبي يجي عندي....يلعب معي الاخ...وصلت لركن...ولا قدرت اتراجع. .. ضميت رجولي لصدري...وقعدت اهتز بمكاني وابكي...اكره الكلاب...اكرهها...اكره كل الحيوانات... وععععع... قرف.. قرب الكلب اللي كان يلهث ومو عارف وين الغلط؟؟؟..بس انا كنت حاطه يديني فوق راسي...وضامه نفسي بقوة.... سمعت صوت خشن آمر" Come here.....Bobby" رفعت راسي بسرعه..اول مرة اسمع هالصوت...شفت واحد طويل...ضخم.. لابس بنطلون جينز...وقميص واسع...وشعره طويل..ولابس نظرات سودا كبيرة...من هالغريب؟؟... لاحظت ان الكلب ماكان وده يتحرك بس بالاخير راح لصاحبه...نزلت راسي من جديد وقلت وانا اشاهق" روح...ارجع...وراااك" شكله ما انتبه لكلامي...فقرب مني..مرة وحسيت بايده على كتفي..ارتجفت....آآه اول مرة يلمسني شخص غريب......بس يمكن لحظات!! ...او اقل...رمشة عين...إلا وهو طاير على الارض...رفعت راسي بفزع.. كان وافي واقف... وقال للثاني الطويل" لا تقرب من محارمي!!.." ووقف قدامي..عشان يغطيني بظهره وثوبه عن الغريب!!...قام الثاني وهو يترنح من على الارض المبللة الطينية...واللي تاكدت انه يزيد...وطبعا انا اشوف هذا كله من فتحه صغيرة...بين الجدار وثوب وافي الي ريحته دكت حصوني واقتحمتني بجنون...قال وهو يحك شعره"I'm sorry...I did'nt mean s.."قاطعه وافي بعصبية" مو مهم...روح...عطنا ظهرك..." طالع فيه يزيد وكأنه موب مستوعب وبعدين قال وهو يسحب بوبي من الحبل اللي مربوط برقبته...ببرود" اخلاق يا الاخو...اخلاق..." وراح من مكان ماجا؟...لاحظت ان وافي ينتفض بعصبية...
قلت وانا مستوعبه ان وافي موب محرم لي وان وقفته غلط قدامي رغم انه لسه مالف علي" لوسمحت!!.." وكأنه انتبه جا يلف...فصرخت فيه بجنون" لا تلف!!.." وكملت يوم شفت جانب وجهه وفمه مزموم بعصبية" ياليتك تروح ..." وبصوت هامس" من غير ماتلف..." لاحظت قبضة يده السمرا وهو يشد عليها...شوي و يكسر اصابعه من كلامي...وقال بعد لحظة ببرود جمد قلبي" الحركات هاذي ما ابيها في بيت ناس طيبين زي سعود..." وكمل وانا لسه مو مستوعبه وش قاعد يخربط ويقول" حركات الاغراء هاذي وفرتيها لمساعد وسلطان...وسكتنا.. لكن..." وصرخ بغضب وهو يلف علي" إلا الغرب..فاهمه...إلا الغرب..ماعاش من يوطي راس سعود بالتراب..!!" طالعته وعيوني مفتوحه على الاخير وفمي مفتوح...شفته وهو يطالعني ببرود...وراح...راح بكل بساطه...عطاني ظهره وراح..حطمني واهاني ورااااح...شهقت ببطء.. حاسه...حاسه بغثيان..بقررف...بقبضه باردة قاعدة تعصر قلبي...





اليوم الثلاثاء....الساعه 8:00م







قمت من النوم...وانا تعبااانة...حاسه ان جسمي متكسرر...يالمني..واستغربت من هالشيء..يمكن كثرت نوم.. ايه اكيد...الدنيا ظلام...تلمست دربي للاباجورة اللي جنبي...فتحتها..بعد مالفيتها بعيد شوي..طالعت بالساعه...اففف..الوقت متأخر...قمت من على سريري والصداع قاعد يلعب براسي بشكل مو طبيعي.. يبرق ويرعد ويذبحني.. دخلت الحمام وغسلت وجهي زين... توضيت ببطء...وطالعت بايدي مفجوعه... كلها كدمات زرقاء وكبيرة...وش السبب..غريبة...ما اذكر اني طحت او تعورت...تلمست يديني ببطء.. آآآي..تعوور... هزيت راسي...صدق هالحبوب اللي آخذها تخليني ما ادري وين ربي حطني فيه...رجعت لغرفتي...وصليت...وقريت لي كم صفحة من سورة المائدة...وفكرت اطلع اشرب لي شاهي بليمون.. اخفف هالآم المجنونة براسي... بس بالاول...رحت لبست روب اكمامه طويلة...عشان لولا قدر الله احد انتبه للي بيدي...
دخلت الاوفيز...وانا حافيه...حسيت بالبلاط البارد على رجولي..ارتعشت شوي...ورحت قفلت الشباك الكبير...حطيت الغلاية على النار...وفتحت الثلاجه طلعت منها حبة ليمون...وشوية زنجبيل أخضر...وقعدت على الطاولة وانا ماسكه سكين عشان اقطعها..سمعت حركة عند الباب...شفت سماح عند الباب واقفة..ابتسمت لها" هلا سماح..تعالي شاركيني بالشاهي.." دخلت سماح وشكلها كانت مستحية وقالت بصراحه" كل اللي في البيت نايمين...ماعدا ميران وروعه وبدرية طلعوا يتمشون مع يزيد.." ارتجفت وانا اتذكر يزيد ووافي!!...آآآه يا قاسي مو وافي!!..قلت ل سماح" هاااو؟؟..طيب ليش ماطلعتي معهم..." تنهدت سماح وجلست قبالي" سواليفهم ماتعجبني...كله بس حش بخلق الله..." ضحكت من قلب على سماح..وقلت وانا اقطع الزنجبيل واقشره..." هههه...سبحان الله..فرق بينك وبين ميران..." قالت وهي ترجع شعرها الاسود ورا اذنها" اييه كل الناس يقولونه...يقولون....اننا شكليا وروحيا فرق السما عن الارض..." قلتلها وانا احط الزنجبيل بالكوبين اللي قدامي" طيب..كذا احلى..حلاوة الاخوات يوم كل وحده تكون متفردة...ومتميزة عن الثانية...مو كربونات ومنسوخه..." ضحكت سماح على كلمتي واخذت الليمون الاخضر وقطعته بالنص ورمت نص بكوبي ونص بكوبها وقالت وهي تطالع فيني" سبحان الله...شكلك مررة يختلف عنهم..." قلت وانا اقوم عشان اطفي النار عن الغلاية" صح...اصلا طالعه لأهل امي...وهم من قبيله ثانية...بعيدة عن قبيلة العم سعود..." قالت سماح" آه..." وغيرت الموضوع" احس انك ما تضايقتي من شوفتنا...بعكس عفرا وخالتي نوره.." قلت بحرارة وانا اصب الموية الحارة بالكوبين" بالعكس...عمتي نورا لا يمكن تضايق من وجود احد..وعفرا بس مريضة هاليومين..ولا صدقيني مافي احلى منهم باستقبال الضيوف.." كملت سماح وهي تطالع باصابيعها بتوتر" حتى بدرية...اوكي ارتاحت لميران..لأن الطيور على اشكالها تقع..لكن..ما ادري..احس انها ما انبسطت بجيتنا..." قلتلها وانا اعطيها السكرية" لا تصيرين حساسه يا سموحه...والله ترى التفكير هذا بيتعبك.." سكتت سماح وأخذت تحط السكر بكوبها وهي تفكر...قلت عشان اشغل تفكيرها شوي" تدرسين؟؟..." قالت وهي تعطيني السكرية" لا...درست وخلصت..اخذت دورات تصميم في ايطاليا وفرنسا..وهالحين بفتلحي مكتب بجده..واشتغل لحسابي...تصميم ديكور.." قلت وانا احرك كوبي بالملعقة" طيب..مشاء الله حاجه حلوة..." قالت وهي تبعد غرتها عن وجهها" وانت؟؟..." قلت وانا اشرب شوي من كوبي" انا...كنت ادرس ترجمه انجليزي...بس وقفت دراسه..." قالت وهي مقطبة حواجبها" طيب.. ماحتكملين...؟؟" قلت وانا اهز كتوفي" إلا...بس انشالله السمستر الجاي...خلاص فاتني هالسمستر..." قالت وهي تقطب حواجبه وتحط ايدها فوق ايدي" الله يوفقك.." ابتسمتلها...وحسيت بسعادة ان في عفرا ثانية بهالكون...


اليوم السبت...الساعه 12:00م



مشيت مترنحه من الآلام اللي احسها بجمسي..تعبان..متكسر...كله اثار ضرب..ازرق... بنفسجي... احمر.. وقفت تحت الدش البارد احاول انشط اقوم..وش هالام اللي تعابتني؟؟..وش سالفه هالحبوب؟؟..واثار الضرب اللي ماليه جسمي؟؟.. وش بيقول عمي إذا شافها؟؟..ماراح يصدقني...

تنهدت وقعدت اقرا المعوذات...وآية الكرسي...وحاولت اريح اعصابي وانا تحت الدش..واسوي مساج لراسي... بعد ماخلصت...لبست روب الحمام...وطلعت من الغرفة...رحت فتحت ستاير غرفتي... وانتشر ضو الشمس داخل الغرفة الباااردة..من المكيفات المركزية..ورحت لغرفة الملابس...طلعتلي فستان كحلي ناعم فيه نقط بيضاء....باكمام طويلة ويوصل لحد الركبة...لبسته...ونشفت شعري بالاستشوار...واستغربت ان جلدت راسي تالمني مررررررة...ربطت شعري على شكل ذيل حصان بربطة لونها ابيض..ولبست صندل كحلي عالي كعبه...وتعطرت من عطري المفضل الور من شانيل...




استغربت من ريحة العود اللي مالية البيت...صح متعودة على البخور...بس اليوم فيه شي مو طبيعي...كانت الستاير اللي بالدور العلوي كلها مفتوحه...والشمس داخله من كل مكان...والفازات اللي بالاسياب مليانة ورود طبيعية...والبيت كان يجنن...لقيت عمتي نورا بالطريق وانا على وشك انزل...وكانت لافه شعرها بمكر.....رحت لها وبستها على راسها... قلت وانا ابتسم بفضول" وش السالفه؟؟؟....مين العروس هالمرة؟؟؟.." طبعا قلت هالكلام لأني تذكرت خطوبة بدرية....ضحكت عمتي نورا وهي تضمني وقالت بفرح" وفيه كم عروس ببيتنا...بدرية ومتزوجه...وعفرا عايفة الزواج..." وكملت وهي تناظرني وانا مستغربة" انت هي العروس يا ملكه..." قلت وانا اعطيها ظهري" نعععم؟؟.." كنت مصدومة مين اللي بيخطبني..مين؟؟ ...و ليش انا؟؟؟..انا مابي اتزوج اساسا... قالت عمتي نورا وهي توقف قدامي" بيجون العصر ضيوفنا... وابيك تتشيكين وتلبسين احلى فستان عندك..." قلت بصراحه وانا احاول اخفض صوتي" بس.. انا مابي اتزوج حاليا..." وكملت وانا احط ايدي على حلقي" اهلي...ماكملوا سنة.." قالت عمتي نورا وهي تضمني" ملكه..سمي بالرحمن...يمكن ماتصير خطوبة او غيرها...كل اللي بيصير...ان هاذولي الناس اللي.. ساعدوك يوم صار الحادث..." حاولت اتذكر...وتذكرتهم...الرجال الشيبة وحرمته وبناته!!..صح.. عمي قالي عنهم قبل فترة وانه لسه يكلمه بين فترة وفترة...بس...!!!!...مابي اتزوج...مابي...قطع حبل افكاري صوت عمتي بدرية الفزع" ملكه؟؟...وش ذا؟؟؟.." قلت وانا وجهي صار طماطه" ها؟؟..طحت على ايدي وتعورت..." قالت وهي تمسك كفوفي..." احلفي..." قلت بعصبية وانا ابعد عنها" يوووه عمتي نورا...يعني بكذب عليك!!..." طالعتني بشك..وبعدين قالت وهي تشيل المبخرة بايدها" ياله روحي دوريلك لبس حلو..." وكملت وهي تنزل السلالم" وإذا بغيتني اساعدك ماعندي مانع..."





مريت بغرفة بدرية..ووقفت عندها..بتردد..وبعدين هزيت راسي وكملت الطريق للاوفيز عشان اسويلي فطور خفيف..وافكر شلون اقنع عمي اني ماابي اتزوج..خصوصا...ان عقلي وقلبي في الوقت الحالي آخذين اجازة.. بعدين إذا لازم اتزوج...سلطان اولى بي من الاغراب..رحت للشباك حق الاوفيز ووقفت اطالع بالحوش.... اسمع اصوات السواقين والقهوجيه وهم يسولفون...اسمع صوت بوبي وهو ينبح...وعععع...لا شعوريا طالع بايديني...الله يقرفه...قلبي عورني وانا ارجع اتذكر الموقف السخيف اللي انحطيت فيه..الله حسيبك يا وافي على الكلام الجارح اللي تقطه بوجهي..كل ماشفتني..يعني احد قايلك اني ناقصه جروح...لفيت عن الشباك .. ابي اروح للثلاجه لكني سمعت صوت عمي سعود..فرجعت اناظر من جديد...عمي سعود كان لابس ثوب ابيض نظيف وشماغ احمر...ومعه وافي...عمرك طويل يالشيخ..فكرت بسخرية وانا اشوف..عمي متسند على النخله اللي وراه ووافي واقف على بعد متر تقريبا..وكان لابس بنطلون جينز وقميص ابيض ضيق.. كله رجولة يا ناس...والله رجولة..يعني شي ما ينقال...يعني الوقفة اللي واقفها بهاللحظة ولا افضل عارض ازياء ممكن يتقنها...والاحلى انها طالعه منه تلقائية وهو يسحب سيجارة من العلبة الذهبية اللي بايده"طيب...سالت عن الولد؟؟.." ارتعشت لاشعوريا..وانا اسمع صوته...رد عمي وهو ياخذ سيجارة من وافي" سالت..بس ما ودي تبعد عني...تعرف بنت اخوي..و محسوبة علي..و.."قاطعه وافي بشراسه" من حقها تتزوج...زوجها.." وكمل بصوت واطي بس قدرت اسمعه" صدقني...زوجها يا سعود...بكره ماتدري عن الايام وش بيصير فيها..على الاقل هي امانه برقبتك حاليا.. لكن إذا زوجتها بتصير امانة بايد غيرك.." قال عمي وهو ينفخ هوا السيجارة بضيق" هم مكلميني من اسبوعين.. وانا كل مرة اتحجج لهم بحجة..." واضاف بعد ثواني" اعتقد ان الولد شافها يوم طاحت بالمركز الصحي اللي بعقلة الصقور..." لاحظت ان وافي زم شفايفه بعصبية وقال وهو يدير ظهره شوي لعمي عشان مايقدر يقرا وجهه بسهولة" شافها؟؟..طي..طيب.. مو مشكله.." قال عمي بحرارة" بس ملكه مفروض تكون لسلطان..ولدي احق فيها من الغرب" قاطعه وافي بعصبية" وليش؟؟.." طالع فيه عمي وكانه مستغرب" وش اللي ليش؟؟.." وكمل وهو يرمي السيجارة على الارض ويدعسها بجزمته" كل اللي هنا عارفين..ان سلطان يحب ملكه.." مرر وافي اصابعه بشعره وقال بتوتر استغربته" يحب؟؟..لالا...سلطان مراهق يا سعود..يعني..بيوم وليلة مشاعره ممكن تغير.." قال عمي وهو يبعد عن النخله اللي كان متسند عليها" يسمع منك رب العالمين...مابي اكسر نفس ولدي..وصدقني.. لو ملكه اخذت سلطان..بتعيش ملكه بحق..لأن سلطان...عنده ان الحرمه...لازم يكون لها حقوق كثيرة... والولد.. متاثر بالديموقراطيه بزيادة...ههههههه..." ماضحك وافي وقال لعمي وهو يطفي سيجارته بعد" على العموم.. يصير خير..ان كان لها نصيب بواحد من هم..فراح تاخذه غصبا علينا.." هز عمي راسه وراح... بس وافي ضرب الارض بعصبية..والنخله بايده بقوة..وشفته يكلم نفسه بس للاسف ماقدرت اسمع وش يقول..

الساعه4:47

اخيرا وصلوا ضيوفنا...سمعت صوت عمتي نورا وهي ترحب وتهلي فيهم....وانا فوق واقفه مع سماح وعفرا ومتنرفزة... ماودي اتزوج..والله ماودي..وهذاك الخسيس وافي...ايه..يبي يرتاح مني..لكن على قلبه...موب كيفه يقطني يمين وشمال.. قالت عفرا وهي تحاول تهديني" سمي بالرحمن يا ملكه...ماحد راح يغصبك على شي ماتبينه..."
سماح: صح يا ملكه...بعدين عيب...هذولي..هم اللي ساعدوك وانت وحيده..اقلها استقبليهم وانت مبتسمة...
عفرا: ايه صح..يعني تبينهم يقولون ان آل..ماعرفوا يربون بناتهم..
قلت بحرارة وانا انتفض: لالا...الله لا يقوله..بس..مابي اتزوج يا بنات افهمووني..
سماح وهو تقرص خصري: ياهوووه...لو يدري عن حبكم حبيب القلب...كان جايك راكب الهمر عشان يخطفك...
عفرا: هههههههه..يقطعك يا سماح...بدل ما تقولين حصان....تقولين همر...بنات آخر زمن..ماديات..
طالعت بوجه عفرا اللي من زمان ماضحكت: ايه صح...الهمر ازين من الحصان في الوقت الحالي...
عفرا: مانتي صاحيه...الحصان العربي الاصيل ممكن تتجاوز قيمته المليون والمليونين والثلاثة حتى.. لكن الهمر..هه..ما اقول غير...يا مقلب القلوب...اهدي ملكه وسماح لدرب الصواب..
: يا سلام...عشان كذا تقولين متى يجي راكب حصانه متى يجي راكب حصانه...
قاطعتني سماح:ياحظي...نحسبك تبغين اللي فوق الحصان اثرك تبين الحصان نفسه...هههههههه
انا وعفرا:ههههههه...
سمعنا صوت باب يتسكر...وشفنا روعه جاية لنا...طبعا روعه هي اصغر بنات العم ناصر...باول ثانوي تقريبا...مشاء الله عليها..مملوحه حيل..سمرا وشعرها بني وعيونها عسلية فاتحه..كانت لابسه فستان وردي قصير..
روعه: ها..وش عندكم؟؟
سماح: لا ابدا....نتكلم عن حصان عفرا
روعه وهي مفتحه عيونها على الاخير: حصانك!!!
ضحكت عفرا: ههههههه...حصان الاحلام لأن الحقيقي لسه ما انولد...
روعه : ها..ماعندكم سالفه..حمستوني..
بعدين التفتت علي وكملت: قمر يا ملكه...قمر...بس ليش متسترة بزيادة؟؟؟
عفرا وهي تطالعني: صح...غريبة ملكه...ليش لابسه جاكيت فوق الفستان..
سماح تدافع عني:يا ساتر..كليتوا البنت..هي حرة...( وكملت وهي تغمز لي) ماتبي اهل الزوج الحبيب... يسيئون الظن فيها...
ضربتها على راسها: صدق ماعندك سالفة..( والتفت على عفرا وروعه اللي ماتوا ضحك على شكل سماح) وانتم...يعني مستكثرين علي اتستر لو مرة وحده بحياتي...بيني وبينكم انا وجهي طايح من عمي كل ماشافني وانا متفصخه...
روعه وهي تقيم فستاني الابيض القصير اللي لبست تحته برمودا ساتان ابيض: بس الابيض طالع عليك روووعه...وشعرك مرة حلو شكله كذا...بس ليش ماتحطين مكياج اكثر..
عفرا وهي تطالعني: ماتحتاج بسم الله عليها..
قلت بغرور وانا الف عنهم: مااحتاج بسم الله علي...يله ر

الساعه1:52ص





" ملكه..ملكه...نشششي....!!" فتحت عيوني ببطء...وش السالفه؟؟..وين هالصوت؟؟..تحركت ببطء على سريري...ادور مصدر الصوت...غمضت عيوني بقوة ورجعت فتحتها...الظلام بالغرفة يخوف...وصفقت كذا مرة ولا انفتحت اللمبات...استغربت..يمكن في عطل بالكهرباء.. او يمكن ما سدد عمي الفواتير ...اتحركت بارهاق..عشان اقوم من على السرير... قلت بصوت عالي..." ميييين؟؟؟...عفرا!!!" سمعت الصوت اللي اول يتكرر" ملكه..ملكه...نشششي!!" ما ادري ليش قلبي قبضني..تحركت ببطء..ووقفت..على الارض..بس تزحلقت وطحت على الارض..وش ذا؟؟..ماء!!...مو عارفة وشو؟؟..مو باين...اووووه..جمسي يالمني...بشكل!!..افف.. فضيع متعب... افف..وش هذا؟؟...لالالا مو ماء..شي ثقيل شوي..لزج شوي...
حاولت اوقف لين ماقدرت...لاحظت ان فيه نور ضعيف بالحمام....خفت...قلت بصوت عالي" عفرا...هذا انت؟؟..." مشيت بخوف وانا كل شوي اتزحلق...واطيح واحس باشياء طايحه...وصلت الحمام...لقيت فيه شمعة....مولعة..مشيت ببطء..سمعت الصوت يتكرر..." ملكه...ملكه... نشششي!!.." رجعت على ورا مو مصدقة..وين هالصوت؟؟..اكيد هذا حلم...اكيد...حسيت ان شعر رقبتي وقف...حسيت ان فيه احد يراقبني...!!..التفت ورا..ماشفت احد...طالعت بالمراية... وصررررخت بصوت عالي..." آآآآآآآآآآآآآآآآآآآآآآآآآآآآآه...لالالاااااااااااا ا..." رجعت على ورا..انا متاكده شفت شبح...والله شفت شبح..شفت عيون تطالعني....يا عالم تطالعني...صرخت بصوت ثاني..وحاولت اطلع من الحمام..لكن ماقدرت.. اتسكر الباب بقوة......انقفل باب الحمام... صرر ررخت بقوووووووة... حاولت افتحه قد ما اقدر...طقيت على الباب بقوة....حطيت ايديني على راسي..وقعدت اشاهق بصوت عالي...وانادي" عفراااااااااااااا..يممممممممممه...." ماحد يرد علي...لحظات..وانفجر صوت ضحك..صوت ضحك مجنون...واخذ يعلى ويعلى..وانا ضميت نفسي بقوووة..وقعدت اصيح.......لالالا اكيد حلم..انا مو مجنونة..هذا حلم والله...حلم والله!!!



اسوأ احساس في الدنيا هو احساس الخوف.. محبوسة بين اربع جدران..والدنيا ظلام... دامس ماعدا نور شمعه بسيطه....تظلم في المكان اكثر من انها تنوره....نور الشمعه هذا جنني...خلاني اشوف اشياء موب موجودة...ميلانها مع هبة الهوى..خلاني اصرخ من اعماق قلبي..كل حركة اسمعها هي جني ناوي يتلبسني....وكل ظل اشوفه على الجدار...هو حرامي بيغصتبني وبيقطعني وبيرميني للكلاب...قطرات الموية هي خطوات القاتل اللي بيقتلني...ودقات الساعه... هي دقايق اعدامي وموتي ونهاية حياتي....
..شديت شعري بقوة..وانا اصيح بصوت مكتوم..انا خاااايفة... خااااااااااااااااااااااااااااااااايفه اموت بالمستشفى هناااك...عند المجانين...راح ياخوني هناك..لأني مجنونة....انا مجنونة...هذا حلم..لالالا..قصدي كابوس..لكني مو قادره اميزه عن الواقع..اكيد كلها عشر دقائق واقوم من النوم..واضحك على جنوني كأنه نكتة الموسم...ايه....اكيد عفرا بتدخل تقومني علشان نشرب شاهي بالزنجبيل ونتمشى بالحوش..اكيد احد بيسمع صوت صراااااااااااخي وينقذني من اللي انا فيه...
قرصت نفسي بقوة....ضربت وجهي كف بقوة....ليش ما اقووووووووم؟؟؟...جاوبوني ليش؟؟... صخت باعلى صوت" عفرااااااااا....عمتي نوراااااا....عمي سعووووووود.." وقعدت اشاهق بيأس البيت كله عوازل وماحد راح يسمعنيييييي.....
تلمست جسمي....جسمي اللي مليان جروح...طووويلة وداميه مثل هالليلة....ضميت نفسي بقوة....ولزقت بالجدار اكثر...انحشرت بركن..وحطيت راسي على ركبي...وقعدت ارتجف..بقوة...واقرى على نفسي اواسمي...لكن....ولا شي صار...غير ان نور الشمعه بدى يلفظ انفاسه ويموووت...ينتهي... رحت لها بسرعه...وبكيت....ما ابيها تنطفي...لا تنطفين...الله يخليك .. من كثر ماني خايفه حاولت اشيلها بايدي...فطاحت على فخذي وانطفت..




" ملكه...بنتي..بسم الله عليك" هذا كان صوت عمتي نورا وهي تدخل علي...بعد مافتحت باب الحمام علي بعد ثلاث ساعات تقريبا...طالعتها...كان شعري منتفش...وعيوني حمر... ذبلانة ...وشفايفي ترتعش بقوة...ضميت نفسي بقوة..وقلت لها بصوت خافت..يمكن حتى ماسمعته" اتاخرتي يا عمتي.. اتاخرتي..." طالعتني مفجوعه..." انت وش مجلسك بالحمام؟؟..." مارديت عليها...صرخت وهي تنتبه ليديني اللي مليانه جروح...وفزعت وهي تشوف الدم اللي مالي ركبي...قلت لها بصوت منهدم" عمتي... انا...ابي انوم!!" قربت مني وكانها خايفه...، ابتسمت بسخرية وضحكت....ضحكة عالية مرتفعه....وقلت لها"ههههههههه.... خايفه مني!!..هههههه" وكملت وانا اعض على شفايفي بتريقة" انا ما اعض!!..شوفي....ههههههههه"تناثرت دموع غبيه...من عيوني....عشان تعلن الضعف اللي ماليني من شمالي ليميني..من فوق لتحتي...من داخلي لخارجي... مسحت عمتي نورا دمعه من عيوني وقالت بصوت يرتعش" انت تعبانة؟؟!!... اكيد تعبانة..." وضمتني بقوة...ما بكيت ولا تحركت..ولا تفاعلت معها...دزيتها بعيد عني ووقفت مترنحه وطلبت منها بصوت طبيعي" اتركيني بحالي...انا مو مجنونة....انا انسانه طبيعية.. مو محتاجه شفقتك يا...يا.."...واضفت بسخرية وانا اطلع من الحمام: يا عمتي العزيزة"..





اخيرا...ناموا..اخيرا..تركووني...طالعت بالمطهر اللي بايدي وبالقطن اللي على الارض...لهم ساعات وهم يدقون على الباب...حتى سلطان جا ودق علي الباب...ارتعشت وانا اضم رجولي لصدري..ورميت المطهر من ايدي وقلت وانا ارتعش بصوت عالي شوي" ليتكم خذيتوني معكم.." كنت اكلم صورة امي وابوي بيوم زواجهم...الله...كانوا مبسوطين حيل!!... امي بفستانها الابيض النافش...ووجهها البريء....وابوي..بثوبه والمشلح حقه..مساكين...ماعرفوا بمصيرهم ولا مصير.. عيالهم... ماعرفوا ان المستقبل خبا عليهم لعبته الغادرة...!!..اهتزت شفتي..وانا اخذ المطهر من جديد واحط منه على القطن...مسحت على جروحي النازفة...آآآه..لو الاقي احد...يمسح على جروح قلبي...وياخذني بحظنه وينسيني العالم كله!!...مسحت على ركبتي المجروحه بقوة..واحرقتني دموعي اللي كانت تناثر بقوة...دموعي مسكينة تراها!!...عمرها مالقت ايد حنون تمسحها..حتى امي الله يرحمها...صدق كانت حنونة...لكنها كانت تحب اخواني اكثر!!... وكانت تنتبه لهم اكثر..كانوا دايم يقولون ملكه العاقله اللي ما ينخاف عليها...ملكه هي عن عشر رجال....ملكه لو نتركها بصحرا..ورجعنالها بعد فترة لقيناها عايشة ومعيشة من حولها..عشان كذا عمرهم ما اهتموا لي...!!...عمرهم مافكروا يسالون عن احوالي...!!.. عمرهم ما فكروا ان هالملكه...مثلها مثل غيرها...انسان طبيعي...له قلب نابض واحاسيس متدفقه.



اخيرا..خلصت..طهرت كل جروحي..ولفيت على بعضها شاش...والبعض الثاني..حطيت عليه لزقات...بلعت ريقي وانا اتحرك على اقل من مهلي..لأن كل جزء من جسمي يالمني...كل جزء يئن ويحترق بالنار اللي جواتي...كل جزء يحكي قصة عذاب طويلة..عيت تنتهي فصولها!!!


جلست على السرير..وشلت رواية كنت اقراها امس قبل لا انوم...بس لسه ما خلصتها... اسمها قطار النسيان..محظوظة جيسكا...فقدت ذاكرتها وعاشت مع واحد وسيم وطيب..ولا... يحبها بعد...بس هي غبية...مصرة تعرف حقيقتها..مصرة تعرف اسمها وشخصيتها...!!..بنات غبيات... السعاده ما تجي غير مرة وحده..ومع هذا ما نغتم الفرصه..ونسعد..نقعد نفكر ببكرة..والتفكير ببكرة متعب...مثلي انا...قررت ما افكر ببكرة...لأن بكره.. يمكن ياخذوني لمستشفى الصحة النفسية...مستشفى المجانين...اكيد راح ياخذوني هناك..رميت الرواية على الارض بقوة.. وتلحفت...راح ارجع عنده..عند الدكتور..المجنون...غمضت عيوني بقوة..امنع الدموع المالحه انها تطلع..لأنها تالمني..لأن وجهي كله جروح...مو مصدقة...انا..ملكه...آل....، مصيري مستشفى المجانين...لالالا....انا لازم اهرب من هالبيت...لازم..اوافق على الي خاطبني...هو فرصتي الوحيده للهرب....ايه..بكره راح اكلم عمي واقوله...اقوله اني موافقه على اللي خاطبني واني ابي الزواج باسرع وقت ممكن...
دورت حبوبي المنومة...واكلت لي حبتين...وشربت كاسة ماء باردة..تبرد النيران اللي تشتعل بصدري..، غمضت عيوني...ونطقت اسمه...نطقت اسم الوحيد اللي حسيت انه مهتم فيني...مساعد!!...





الساعه 11:22ص





طالعت بوجهي في المراية...كان لوحه حزينة تحكي قصه حياتي كامله...نثرت الموية على المراية بقوة...تشوه وجهي..وتغيرت ملامحه...عضيت على شفايفي وطحت على الارض اشاهق وابكي بحرارة...انا خايفه يا ناس...خايفه...خايفه اروح هناك...خايفه اموت وحيده...خايفه يحسبوني مجنونة...انا مجنونة....بس ما لازم احد يعرف...مالازم احد يعرف اني مجنونة!!..لازم اتصرف بشكل طبيعي...لازم يكون تصرفي واقعي..وثقيل ورزه..التصرفات اللي تعودوها مني...انا صرت اخلط بين الاحلام والواقع..صرت ما افرق بينهم..اللي كان بالامس...كله كابوس..ومع هذا انا اعتقدته حقيقي...حتى ان باب الحمام ماكان مقفول..كان مفتوح!!..ومع هذا انا حسبته مقفول..وماكان فيه شي على الارض..مع هذا تعثرت على الارض كثير..وماكان فيه شي لزج...البلاط نظيف لامع...مافيه اي شي...





وقفت بعد ماسمعت طق على باب غرفتي..طلعت من الحمام وتوجهت للباب...لقيت عفرا واقفه هناك...كانت تطالعني وفي عيونها الف سؤال وسؤال...كانت لابسه روب ابيض عليه دبدوب احمر..وشعرها مسيحته حول وجهها...صديت عنها ورحت لسجادتي..قالت لي وهي ترتعش" ملكه!!...انا مو مصدقتهم فيك!!..." وكملت وهي تشهق" انت...من بد كل البشر لا يمكن تكونين مجنونة!!...انت العقل كله...انت..." وحطت ايدها على فمها وقالت وهي تبكي بحرارة فجأة" حراااام ...انا ما اسمح لهم ياخذونك للمسشتفى...ما اسمحلهم يحطمون حياتك...ما راح اسمحلهم يحكمون عليك بالاعدام وانت حية ونابضة بالحيا..."مارديت عليها..لفيت شرشف الصلاة الوردي علي..وغطيت شعري زين...كملت كلامها وهي تجلس على السرير بعد ماقفلت الباب" فهميني شو اللي صار؟؟..فهميني...ليش كنت في الحمام؟؟؟..فهمينييييييييييي...ليش سويتي بنفسج جذي؟؟؟" اهتزت شفايفي..بس ما رديت...ماحد راح يصدقني..ليش يصدقوني؟؟؟..مو انا مجنونة..خلاص مالي كلمة....فاقده الاهلية..رنت الكلمة باذني..كلمة بدرية..صدقت انا فاقده الاهلية..ما اصلح لاي شي...مسكتني عفرا ولفتني بقوة عليها" ماراح اخليج تروحين هناك.. فاهمه؟؟...فاهمتني يا الغبية...ساعديني اساعدج...ساعديييني..." وامتلت عيونها دموع وارتعشت بقوة...طالعتها ببرود وبعدتها عني وقلت قبل لا اكبر عشان ابدى الصلاة" مابي مساعدتك...." وكبرت عشان اصلي...طالعت فيني وانا اصلي وصرخت بقوة فيني وقالت" انا ماراح اخليك تضيعين نفسج بنفسج...فاهمه؟؟.." وتركت الغرفة وطلعت وقفلت الباب وراها بقوة!!..





خلصت صلاة...وانسدحت على سجادتي المخمل...ضميت القرآن بقوة لصدري..مابي اطلع..مابي اواجههم..مابي اشوف الشفقة اللي تلمع بعيونهم....مابي اشوف الشماته بعيونهم..عضيت على شفايفي.. وغمضت عيوني بقوة...ماعدت اقدر استحمل.. لازم اكل من حبوب الاكتئاب اللي عندي... انا ما اكلت منها نهائيا....لأني كنت اعتقد اني مانيب محتاجتها...لكن لا....هالحين راح اروح آخذلي حبتين... لازم احاول انسى او اتناسى الحقيقة..الحقيقة...اني..مجرد مجنونة...رفع عنها القلم في الشرع...يعني حتى الصلاة..لو ماصليتها ماحيلوموني.. حتى الصيام لو ما صمته بيعذروني!!.. مادريت ان شعور المجانين مثل شعور الناس العاديين..يعني انا احس بنفسي انسانة طبيعية...لكن انا بنظر الكون مجنونة!!...مجنونة!!..مجنوووووووووووووونة....فاهمين ثقل هالكلمة؟؟...تخيلوا تودعون كل احلامكم...وكل آمالكم..وتناظرونها تكبر مع غيركم..وتترعرع في بيوت ناس ثانية..قمت من مكاني بسرعه وتركت المصحف على جنب..انا لازم ارجع ازرعهم.. ورودي .. لازم ارجع ازرعهم من جديد.. لازم اخليهم يكبرون...ويكونون شاهدين على وجود انسان مجنون بالورد في يوم من الايام..انسان عاش بهالقصر..وحب هالقطعة الصغيرة..واسقاها وصبر عليها بكل امانة واخلاص!!...



وصلت لقطعتي...اللي كانت بيوم لي انا..لقيتها خاوية..مجرد تربة...بدون اي زرع...جلست على الارض..وتلمست الارض بلهفه...ابتسمت وقلت بصوت مرتفع شوي" راح ازرعك من جديد..وراح اسقيك من عرق جبيني...وراح اراقبك تكبرين وتحلوين يوم ورا يوم..." قمت من على الارض..وقررت اروح للمطبخ..لأني كنت مخبية فيه البذور حقت الورد والنعناع... والريحان والفل والياسمين... وصلت للمطبخ..لقيت فيه الطباخ سمير الهندي..قلت لسمير وانا متلثمة بشرشف الصلاة" سمير..." التفت لي وقال وهو يحرك البصل في القدر" نئم ئمتي..."
: وين البذور حقتي؟؟...
سمير: آآه هذا بزور حق ورد..؟؟
: ايوووه...وينها؟؟..طلعها لي!!..
سمير: او...سوري ئمتي..هدا...ئمة بدرية اخد..( عمتي بدرية اخذتها)
: نعم؟؟؟..بدرية؟؟..
سمير: ايوا ئمتي...هي قول..هدا بزر خربان..
طالعت فيه وتنهدت....وقلت وانا الف عنه: خلاص سمير...شكرا...
مشيت خطوتين...إلا سمعت صوت وقف الدم في عروقي
: انا اجيبلك كل البذور اللي في الدنيا...بس لا يضيق صدرك...يالغلا..



فتحت فمي مو مصدقة...هذا حلم ولا علم..يمكن فعلا انا بديت اخبط..ولا اميز بين الواقع والحلم!! ...لالا...هذا مساعد..مساعد بلحمه ودمه.. قلت بصوت متقطع" مسااا..عد!!" قال وهو يقرب مني" ايه مساعد...مساعد اللي ماغبتي عن عينه لحظة..مساعد اللي مل هالكون بلياك..مساعد.. اللي ندم على انه فكر يتركك دقيقة..." بعدت عنه خطوتين على ورا وقلت وانا احاول اتراجع بس بحذر" مساعد...وقف عندك.." طالعني وكانه استغرب كلمتي..قلت وانا اخذ نفس عميق واتوكل على رب العالمين...لحظة المصارحه قربت..وانا مليت هالغلط..انا من اليوم راح اكون لغيره فالافضل انه يعرف هالشي مني..عشان مايفكر يتمادى...لأني عمري ماحكون ملك له!!.." مساعد.. انت خطيب بنت عمي..ما اسمحلك..ابدا ابدا..تقرب مني...فاهم؟؟" وكملت بقوة اكبر رغم اني شفت بعيونه صدمه قوية" ..ولا اسمحلك ابدا..ابدا..تجرح بنت عمي!!" اتسعت عيونه مو مصدق..اللي قاعد يسمع..كانت عيونه حمرا...وشعره طويل شوي..وذقنه مبهذلة...قالي بصوت مبحوح" لا اقرب منك؟؟..لهالدرجه وع؟؟..لها الدرجة كخة؟؟...مو من مقامك يابنت آل...؟؟"" قلت وانا اتراجع اكثر" مساعد..عيب...عليك.." صرخ فيني" عييييييب؟؟..عيب احبك...عيب؟؟؟..عيب اهواك؟؟ ..عيب اجي عشان اشوفك؟؟" تلفت حولي بسرعه..بيفضحنا هالرجال..قال وهو يقطب حواجبه" تغيرتي يا ملكه..تغيرتي..كل هذا لأنك صرت مخطوبة لغيري.." استغربت انه يعرف... استغربت ..من متى درى؟؟..ومتى قالوله الموضوع ماله يومين...كيف انتشر؟؟؟قلت وانا ارتجف" ايه..لأني صرت لغيرك..مساعد..لا تضحك على نفسك..انا عمري ماكنت لك عشان اكون لغيرك.." سفهني وتقدم مني بسرعه..حط يدينه على كتوفي..وقربني منه بقوة.. ماكان يفصلني عنه شي...جمدت بمكاني..دنيتي دارت... الخوف صرعني...حاولت اصرخ..لكن فمي انطبق..ماكنت مصدقه اللي يصير...عشان كذا انت كنت فاتحه فمي ومبققه عيوني فيه..كانت عيونه تطالع عيوني تاكلني.. تخليني احس اني بدون ملابس...ان في شي غلط!!..قال بصوت متالم حزين وهو يهزني بقوة" انا احبك..فاهمه وش يعني احبك؟؟..يعني اموت بهواك...واحب طية رجلك...واحب لمعة عيونك.... ملكه.شلون تخليني وحيد...شلون تتركيني...وانا تركت بدرية علشانك....يوم دريت انك تعبانة بالمستشفى...جيت مشي بالسيارة..لأني مالقيت حجز...واول ما وصلت...مافكرت اروح ارتاح...جيتك طيران للمستشفى...وفوق هذا كله...كنت مرابط فيه طول الوقت..كنت ادخل بالسر لغرفتك...ارشي الممرضات عشان يخلوني اشوفك.." وكمل وشفته ترتعش وماكان طبيعي بالمرة" كنت..كنت املي غرفتك بالورد!!...كنت المس شعرك الاحمر...المس وجهك الفاتن..." صرخت بذعر يوم حاول يجر اللثام عن وجهي بس ما اهتم..جره عن وجهي وأخذني لركن منعزل شوي عن شبابيك البيت...قال وهو يتنهد بحسرة" بتحرميني منك!!...بتروحين لغيري؟؟" قلت وانا ارتجف" مساعد الله يخليك اترركني...مو حلوة بحقك او بحقي...خلاص..ربي ماكتب انا نكون لبعض..ربي..كتب لك انسانه غيري..وانا كتب لي..." صرخ فيني بصوت عالي" بس انت..انتي عشمتيني فيك!!..عشمتني بحبك..بجنونك..." قلت وانا ابكي" متى؟؟..متى عشمتك فيني؟؟.." صرخ فيني وهو يهزني" بكل لحظة تلاقت عيوني بعيونك..بكل لحظة شفتك فيها...بكل ابتسامه من ابتسامتك وضحكة من ضحكاتك..." غمضت عيوني وقعدت ابكي بحرارة..بعدني عنه بقوة وابتعد عني خطوتين على ورا وقالي بصوت عالي وهو يحط يدينه على راسه" ماراح تكونين لغيري... فهمتي؟؟...حطي هالشي براسك...انت لي انا...لي انا"..

تكملة الفصل الحادي عشر


الساعه2:05م في غرفة الطعام..





" لالالا.." صرخت بصوت خافت وانا جالسه على طاولة الاكل...شفت الوجيه كلها تطالعني... رفعت وجهي لهم..قلت وانا احرك الاكل بصحني" معليش..سرحت شوي.." قالت عفرا بطريقة اندفاعية" ايه عادي...من حق كل شخص عايش في الامارت انه يسرح بافكاره..." عمي سعود قال وهو يطالع بوجهي" ملكه...ابيك بموضوع بعد الاكل.." ارتجفت بس عفرا مسكت يديني وابتسمت لي تطني...وطمأنيت شوي.. شفت عمي سعود وهو يقوم عن الطاولة... وودعته بنظراتي وانا متاكده انه بيكلمني بموضوع من اثنين يا المستشفى يا اللي خاطبني...طالعت بعمتي نورا.. كانت نحفانه..ووجهها ذبلان....وشفيك عمتي..؟؟..وش اللي يدور براسك؟؟.. قالت سماح وهي تطالعني" تبين مكرونة بالبشاميل؟؟..تراني مساعده الطباخ فيها؟؟.." ابتسمت لها واعطيتها صحني...حطت لي قطعه كبيرة...فاخذت منهاالصحن وانا شاكره..امممممم..ريحة المكرونة تجنن.. لكن...نفسي مسدودة..بس علشان سماح بحاول اكل شوي...، قالت روعه وهي تاكل شوية سلطة" جسمك يجنن ملكه..على كثر مااسوي ريجمات ما يطلع مثلك ليش؟؟.." قالت سماح وهي تضحك" قولي مشاء الله..اهي خلقه جسمها كذا..." والتفتت علي" صح ملكه؟؟.." قلت لها وانا ابتسم" يعني انا طبيعتي ما اكل كثير..عشان كذا ما اسمن..وبالنسبة لتقاسيم الجسم..وارثتها من جهة امي..." قالت روعه وهي تترك ملعقتها" يا بختك...انا تعبت من الريجيمات..ومع هذا مو عاجبني جسمي.." قلت لها وانا امسك الملعقة" ليش مو عاجبك؟؟..يجنن.." قالت وهي تفتح عيونها على الاخير"بالعكس..ماشفتيني وانا لابسه البنطلون..يخرررع..." سكت..ماعرفت وش اقولها؟..انا بيوم كنت نسخه من روعه بكل شي... قالت عفرا وهي تحط ايدها ورى ظهري" تفلي على بنت عمي...لا تحسدينها...بعدين تنتفخ وتصير مثل البعير!!.." ضحكت سماح بقوة وقالت" عفراا..فال الله ولافالك..بعير مرة وحده..لو ناقه مو اهون؟؟" قالت عفرا وهي تناظرني" والله ما ادري كلهم واحد....المهم..انها تسمي وتفل على بنية عمي الوحيده...تراها غالية عند ناس كثير.." قالت سماح وهي تطالعني بنص عين" صح..غالية عند ناس كثيييييييييييير.." وغمزت لي.. طالعتها هي وعفرا..اوكيه..عفرا تقصد سلطان...لكن سماح مين تقصد؟؟...قالت بدرية ببرود" اف.. ذبحتونا ترى..اتفلي عليها..اتفلي عليها...كأنها اول وحده بالديره جسمها نحيف!!.." قالت سماح وهي تهز كتوفها" جسم ملكه مو نحيف...جسمها جميل..." وكملت وكأنها تذكرت شي" تذكرين نيكول يا ميران؟؟...اللي يسمونها عارضة ازياء الجامعه.." قالت ميران ببرود وهي تقلب عيونها اللي ممكيجتها على الاخير..ومضللتها بالاسود والعنابي..." ايه..ذكرتها..وش فيها؟؟.." قالت روعه" وانا بعد عرفتها...قصدك تشبه ملكه مو؟؟.." صرخت ميران مفجوعه" الله يالفجر!!...هاذيك الجميلة تشبه ملكه..." وكملت وهي تطالعني" معليش ملكه..مو انتقاص لك..بس هي غير وانت غييييير!!" قالت سماح وهي تآكل المكرونة حقتها" لا والله...ان ملكه ازين منها مية مرة.." قالت روعه بصراحه" ايه..الحق ينقال.. جسم نيكول زي جسم ملكه...وشعرها نفس الشي..لكن وجه ملكه مشاء الله خيااااااال...موب مثل ذيك البرصه!!..ومشاء الله لون بشرة ملكه يجنن..انا اموت ويصير ذهبي كذا... كنا نتسدح بالشمس بالساعات ما يطلع بنفس الدرجة..." قالت بدرية وهي ترمي شوكتها بوقاحه بقوةعلى صحنها: اففففف..موضوع يسد النفس.." وتركت الطاولة...وبعد ثواني لحقتها ميران وصوت كعبها يرن على البلاط...




تسحبت بعد الغدا لغرفتي...ابي ارتاح شوي..الاحداث قاعده تتلاحق بذهني...حطيت ايدي على قفل باب غرفتي المدور...لكني سمعت صوت عمي سعود..
: ملكه...
: هلا عمي...وشو؟؟
عمي سعود: ابيك بكلمه..
بلعت ريقي: ايه عمي...حياك..بغرفتي صح؟؟
عمي سعود: لا...المكتب حقي ازين..( وحك شعر راسه شوي) لالا..خلاص بغرفتك..
:حياك..اقلط..يابو سلطان..
ودخلنا غرفتي..
على طول اتجهنا انا وعمي للكنب اللي بالغرفة وجلسنا...
عمي سعود وهو يفكر: ملكه..انا...مو..عارف شلون...اتكلم معك..
: عادي يا عمي قول اللي عندك مثل ما تقوله..راح اتقبله وش ماكان...
عمي سعود وهو يطالع فيني مباشرة: اللي خطبك..
: ايه يا عمي؟؟
عمي سعود: رجال..ماقاصره شي..قبيلي..حالتهم المادية زينة...وهو ضابط بالحرس الوطني...
..وانا صراحه كنت اتمناك لسلطان...لكن هذا مافيه شي يعيبه..
: امممممممم....
عمي سعود: مابي اضغط عليك...فكري زين..صلي استخاره..وتراه ماينرد..
( كنت ابي اقول موافقه...لكن عيا لساني ينطقها...رغم اني يوم اذكر..اللي صار مع مساعد قبل ساعات..ارتجف)
: ان شاء الله يا عمي اني اعطيك الرد بكرة..
عمي وهو يوقف: الله يكتب اللي فيه الخير...
وصلته الباب وقبل يطلع التفت: يا سلام لو ازوجك انت وعفرا بليلة وحده..
ابتسمتله وقلت مازحه: ياسلام يا عمي...علشان تقلب غرفتي وغرفة عفرا...مكان لعروسك الجديدة...هههههههههههههههه
انكتمت ضحكتي يوم شفت عمي مابادلني الضحك..وظلم وجهه..وقال بصوت متقطع..
: عروسي الجديدة لو بتجي...بتاخذلها غرفة وحده صغيرة وتخب عليها بعد....والباقي كله لام سلطان...
وراح وتركني..وقفت متنحه اطالع فيه وهو يروح يمشي بتثاقل....مسكت صدري بقوة..يا عمي وش ناوي عليه؟؟....وعضيت على شفايفي ودخلت غرفتي....




الساعه6:43م في غرفة عفراا





]عفرا وهي تدور بفستانها البنفسجي القصير اللي واصل فوق الركبة على طول...: ها....وش رايك؟؟؟...لايق علي؟؟..
قلت وانا متربعة على السرير وقاعده اظفر شعر ريما مية ظفيرة وظفيرة: حلو مرة..لكنه مبهتك..مو معطي بياضك حقه....
قالت ريما: مو حلو...الذهبي يجنن عليج....
جلست عفرا عندنا على السرير وقالت بطفش: ياربييييييييييي منكم ما تصلحون مستشارين ازياء...
قلتها وانا مشغولة بشعر ريما الناعم مرة والاسود الامع: اهم شي..انتي وش يعجبك...يعني اذا تحسينه حلو البسيه ولا همك باحد....
قالت عفرا وهي تمسك اطراف فستانها وبنبرة حالمة: ابي جاسر في يوم الشوفه يشوفني اجمل بنت بالكون...يشوفني القمر..يشوفني الحلا..يشوفني شيخة البيض....
قالت ريما وهي تبرد اظافرها: صلاااحه...مفلوض تلبسيت احمل....الاحمل عليك ملة حلو...(صراحه...مفروض تلبسين احمر...الاحمر عليك مرة حلو)
: ايه الاحمر يجنن عليك..ونسويلك مكياج نااااااااااااااااعم مرة...
عفرا وهي تمد بوزها وتقاطعني: وععععععع...مااحب المكياج الناعم...ابي اسوي زي مكياج هيفاء وهبي...اللي بآخر غلاف لزهرة الخليج وهي لابسه الفستان الاحمر....
: طيب..اجل اليوم نروح السوق..نشتري لك فستان احمر ناعم.. وندق على الغزيل عشان تسويلك مكياجك....وبالنسبة للاكسسوارات...انا عندي صندل احمر بذهبي رووووووعه..والله غالي ولا لبسته قبل...يفداك....وفيه عندي ساعه حمرا بعد مررررررررة رايقة جاتني هدية لمن تخرجت من الثانوي...البسيها والبسي حلقان ذهبي..وبالنسبة للعقد او الاسوارة اكيد هو راح يجيبها...
عفرا وهي توقف: يمكن يجيب فلوس...
: لالالا..ما اتوقع...اكيد بيجيب لك هدية..
ابتسمت لي عفرا وقالت وهي تروح لغرفة الملابس...: خلاص..بكلم جورج او علي عشان يجهز السيارة...
ريما وهي تجلس زين: بسلعه خلصي..بلوح اغيل ملابسي(بسرعه خلصي...بروح اغير ملابسي)
قلت وانا اخيرا اخلص اخر ظفيرة من شعرها: يلا روحي..تبيني اساعدك باللبس؟؟
ريما وهي تركض على الباب: يلا..تعالي بسلعه....
رحت معاها لغرفتها...واخترتلها فستان جينز فيه تطريز فراشات ذهبي من الطرف من تحت... وحزامه شريطة ساتان ذهبي.. وربطت نهاية شعرها بشريطة ساتان ذهبية..وطلعتلها جزمه( الله يكرمكم) لونها ذهبي...وطلعت لغرفتي...





طالعت بلبسي بالمراية...لبست بنطلون اسود لو ويست...برمودا مخمل... وتوب لونه احمر على عنابي......تنهدت وانا اشوف انواع الكدمات بجسمي...زين اني البس عباية ولا كان رحت فيها...لبست عبايتي الفراشة اللي فيها كلف فضية...واخذت شنطه حمرا ساتان وصندل فضي رايق...وشلت شيلتي اللي تلمع وقررت اتلثم...
دخلت علي عفرا وانا اكحل عيوني وادعجها بالقلم الاسود..وفوقها بالسايل...وبعدين امسكرها وارجع اعيد...صفقت بايدينها: ياهووووووه...والله بتموت الناس إذا شافوا اريش العين.." وكملت وهي تغمزلي: بس ترا اريش مزور...وبعلن حقيقتك إذا غرت" قلتها وانا اطقها على كتفها" اولا.. انا مو مزورة..ثانيا...انت قريبا راح تكونين متزوجه...يعني ماله داعي شغل الغيرة هذا..." قالت عفرا وهي تمسك الكحل اللي تركته" مايمنع اني اتزين...موب لجل احد لجل نفسي يا عيوني..." وحركتلي حواجبها عشان تقهرني..سويت نفسي غيرانه وطلعت من غرفة الملابس...ولقيت ريما واخذتها معي عشان ننزل ل جورج..اللي ينتظرنا بالسيارة....
ابتسمت تلقائيا وانا انزل الدرج واتذكر موقف عفرا مع عمي سعود وعمتي نورا...الله يخليك لي يا عفرا..صدق وقفت معي وقفة ولا بالعمر...تصدقون انها هي اللي تفاهمت مع عمتي نورا وعمي سعود...وخلتهم يشيلون فكرة المستشفى من بالهم وقالت لهم باعلى صوت" إذا بنتنا مجنونة...احنا راضيين فيها... ولا راح نرميها للكلاب تلاقطها هناك...نخليها تحت نظرنا وبين احظانا افضل امية مرة..و صدقوني باجر بتشكروني" اقدر لها موقفها هذا...ولا يمكن انساه لها...والحمدالله انهم مااحرجوني ولا جابوا للموضوع سيره....




في السيارة اللكزس...قعدت انا وعفرا نتهاوش ونتعافر باليدين..بس لا آله إلا الله..هي دايم اللي تغلب..اما انا حسره علي...ما اقدر لا اهش ولا انش!!...وبالاخير انهد حيلنا وقعدت كل وحده تامل الشارع من جهتها...الشوارع زحمه....والعالم كأنها ماصدقت يجي الليل عشان يطلعون ويستانسون..والجو رغم الرطوبة كان حليو وفيه شوووية براد ونسمة هوا....
ريما كانت مشغولة تحقيق مع جورج اللي متحملها بطيب خاطر...
فجأة...عفرا بصوت عالي: يووووووووه...اش اش..هالاغنية احبها....
وقامت تغني مع الراديو باعلى صوت وتمسك يديني وتحركلي عيونها وحواجبها بهيام..وانا ميتة ضحك على هبالتها..
: مائدرش ائول احساسي كان لعبه بايديك..عشان احساسي هو اللي كان حيموت عليك...مائدرتش اشوف احلامي ئصادي ومالمسهاش...وئلبي كان هيديع لو سابك سبته عادي..وئبل نمشي احب ائولك مش هنساك...ولا عمري هنسى الدنيا اللي عشتها ويااااااااااك...وان كنت مائدرتش حبي مش هجرح فيك!!





قالت عفرا واحنا بالسيارة وهي متاثره بالاغنية: شلون راح تنزلين السوق من بعدي يا ملكه؟؟..." وضمتني بقوة وكملت: انت فاشلة بالتسوق...راح تفقديني...صح؟؟.." ضميتها بقوة وقلت بحرارة" اكيييييييييد...راح افقدك يا الدبة...شلون ما افقد النبض الحنون بهالدنيا..." دمعت عيونا بس ما وضحنا...قالت وهي تحبس دموعها: راح اخلي جاسر يجيبني عندك..او يزوجك من اخوه..." قلت وانا امسح دمعه خاينة فرت من عيوني: وانا موافقه اني اتزوجه..." صرخت عفرا فيني من بين دموعها وضربتني على صدري : ...الله اكبر عليك بتزوجين زوجي يالخاينة.." وكملت وهي تمسح دموعها: مير لو شافك بيعافني الرجال بالمرة..." قلت لها بغرور وانا امسح دموعي: لالالالا..راح اكون حنونة معك ...واعطيك يوم بالاسبوع...اللي هو الجمعه...وباقي الايام عندي..." صرخت عفرا: حمااااااااااارة...بتاخذينه لج طول الاسبوع..مالت عليج من بنت عم.. يالخاينة..." واخذت تضربني بكوس ببطني وظهري وانا اصارخ واحاول ابعدها عني.. وريم تطب علينا تبي تفرقنا الاخت.." اتركي اختييييييييييييي....وانت يا عفرا..دببببببه ذبحتي ملووكه..." وجورج ميت ضحك على هبالتنا وصراخنا....





وصلنا السوق...وجيت انزل..لكن ما ادري وين صندلي الفضي..وعفرا ما تدري وين البروش حق الشال اللي لافته على راسها...نزلت انا وعفرا من السيارة وطلبنا من جورج يجي يدورلنا الصندل والبروش..
قعدت اضبط شال عفرا الذهبي عشان ما يتحرك عن شعرها...وقلت لها بصوت هامس: لو شافك جاسر كذا...بيكسرلك راسك...." قالت عفرا بنعومة وهي ترمش بعيونها: اففف...ترى يحمد ربه هالجاسر...ان عفرا...شيخة الحسن والزين كله عليه.." وكملت بغرور: وإذا قصدك على كشف الويه...ترى لا يمكن اتغشى حتى لو رحت عند ربعه بالسعودية" قلت لها وانا احط ايدي على خصري واقلدها" يحمد ربه هالجاسر..ان عفرا..شيخة الحسن والزين.." وكملت وانا بصوتي الطبيعي" الا مفروض يروح يتشهد على روحه دامك وافقت عليه..." قالت وهي تصرخ" انا...بدل ماتوقفين مع بنت عمك يا الخاينة...يالدبه..يالحمارة..." وضربتني بقوة على كتفي...قدام الله وخلقه...قالت ريما وهي تصارخ باعلى صوت: فدحتونا...بين الله وخلقو..." فاعطيت عفرا قفاي وقلت: لو سمحت لا تكلميني.." وهي سوت نفس الشي...





اخيرا طلع جورج من السيارة وعطاني الصندل حقي..واعطى عفرا البروش حقها....قالت لي" ملوووووكه..حبيبتي..والله..." طالعتها وقلت مسوية فيها عصبية" خيييير؟؟.." قالت وهي تمد لي البروش وتقلد صوت ريما" الله يخليكي...لكبيه لي... هنا.." قلت وانا اتنهد" امري لله...عشان ما تفضحينا بهالسوق..ولا مو عشان هالعيون اللي عليها كيلو طحين اسود...وكيلو حبر اسود..." ضربتني بقوة على كتفي" آآآآآآآآآآآآآآآآآآي دبه.." وتركتها واخذت ريما ودخلنا السوق...



في السوق...جننتنا عفرا....كل شي مو عاجبها..طلعنا لها انواع الفساتين...لكن هي ما يعجبها العجب ولا الصيام برجب..سبحان الله ذوقي انا وعفرا مختلف...هي تحب كل شي غامق..ومليان اكسسوارات ودناديش واشياء تتحرك...بعكسي..احب الشي ناعم طايح ماعليه ولا شي واحب الالوان الفرايحيه...الاصفر..الوردي..السماوي..
: عفراااااا....تراني تعبت من الدورة بالمحلات...
عفرا وهي تمد بوزها: وانا بعد...بس..( وسحبت فستان احمر مكسر...وقصته من فوق مرة كبيرة على الصدر...) وش رايك بهذا؟؟؟..
: بس مو كأنه دالع بزياده؟؟...
عفرا وهي تطالعه: إلا...بس نزيد عليه قطعة ثانية...ونجيب اكسسوارات..وحزام...وكريستالات ونسويه بالبيت.....
:يمدينا نخلص قبل ثلاث ايام...؟؟؟
عفرا وهي تاخذ الفستان وتروح للمحاسب: ان شاء الله بيمدينا...او تخلين صديقتج سارا ترسلنا من فساتينها...
:من جدك انت ووجهك؟؟ صدق مغسول بمرقة؟؟
عفرا وهي تبتسم وتنتظر دورها عند المحاسب: ليش؟؟...صديقتج صديقتي..وبعيدن سارا حبوبة وانا متاكده انها ما راح ترفض..
هزيت راسي: خلاص..انا اوعدك اخلص الفستان بكره بالليل...وان شاء الله يطلع كششششخه ورايق...
عفرا وهي تبتسم لي: انا عارفة ان ملوكه حبيبي..لا يمكن تتخلى عني...
: مو عشان سواد عيونك..علشان سواد عيون زوجي حبيبتي...
عفرا فتحت فمها: حماااااااارة..والله لوريج..بس خليني ادفع الحساب..
:هههههههه..إذا قدرت....
خلصت عفرا من دفع الحساب...وطلعنا انا وياه وريما اللي كانت ميتة تعب علينا..عشان نتعشى بالمطاعم ونشرب لنا قهوة ونصفي عقولنا شوي..ونفكر بالحركات اللي راح نسويها بلبس عفرا.. عشان واحنا راجعين البيت نشتري الاشياء اللي نبغاها من محلات الكلف...



واحنا جالسين على طاولة الاكل...وقاعدين ناكل وجبات من ماك..ونسولف باعلى صوت كأن محد حولنا...ومبسوطين على الاخير....وطبعا انا كنت فاتشه عن وجهي لأننا جالسين بركن وماحولنا غير حريم ورجالهم ومو كاشفين علينا مرة...
عفرا وهي تاكل وفمها مليان: المهم...شعري بخليه مرفوع..ما احبه ساااي....ح..
: بالعكس السايح عليك رووووووعه...وترى الرجال يحبون النعومة...
عفرا وهي تاكل بطاطس: لا بالعكس...يحبون البنت الكشخة....اللي مكياجها ثقيل ولبسها بارز.. مو مثلك انت....كل شي فاتح وناعم....
( قلت وانا آكل حلقات بصل): ما ادري..احس اللي معجبين فيني...حتى لمن كنت بالثانوي.. لأني ناعمه..بكل شي...يعني لو مكياجي..ثقيل وما اعرف وشو...كان...( لاحظت ان وجه عفرا بهت فجأة وكأنها شافت شبح) عفرااااااا...وشفيك؟؟؟..
والتفت بسرعه عشان اشوف مكان ماهي تناظر......وشفت اللي ماكنت اتمنى اشوفه...

الفصل الثالث عشر





صعب السؤال ... ليه نفترق
صعب السؤال ... وين نلتقي
انت الجنوب .. وانا الشمال ..
ومابيننا .. بحر ..ورمال
لكن نحب .. والله نحب .. وفوق الخيال
... صعب السؤال
(مساعد الرشيدي)







تقدمت عفرا ل جاسر وكلها خجل تقدم رجل وتوخر الثانية..بفستانها السكري اللي يوصل لنص الساق...واكمامه ثلاثة ارباع الذراع..ضيق لآخر الخصر وبعدين واااسع...ومطلعها كأنها اميرة صغيرة..بشعرها اللي لفيناه فير...وحطيتلها وردة تلمع لونها احمر..مثل لون صندلها العالي اللي فيه فراشه كبيرة على جنب..يتناسب مع اكسسوارها الاحمر اللي اختارنها بعناية..
كان مكياجها اكثر من روووعه...روجها احمر صارخ..لكن مكياج عيونها خفيف مرة...لابسه عدسات سماوي..ورامسه عينها بالآيلينر من فوق وتحت..وحاطه ظل سكري على بيج على لمعه ذهبيه خفيييييييييفه...
جلست جنب وافي اللي كان جالس في المجلس..وانا وسماح وروعه واقفين ورى القزاز العاكس...نشوف ولا ننشاف...
سماح بحماس: وااااااااااااااو..يجنن جاسر...مرة جميل!!
روعه وهي تطالع وفاتحه عيونها على الاخير : اقول...الذوق يمين وانت باقصى الشمال...شوفي المزيون صدق..آآآآآآآآآآه...ياحلوه والجرح اللي بحاجبه زايده زين وحسن...


عضيت على شفايفي..وعورني قلبي شوي..تقصد وافي...والله يا روعه لو تدرين وافي ذا كيف اخلاقه كان كرهت عمرك...رجعت اتذكر وش صارلنا بالسوق..يوم شفنا وافي...



في السوق قبل ثلاث ايام..




التفت بسرعه عشان اشوف من شافته عفرا وارتاعت منه...مجرد مالتفت...شفته..واضح ومختلف عن كل الناس..بطوله وجسمه الرياضي..بملامح الشموخيه...بجماله الرجولي..باناقته المميزة.. بذلة سودا انيقة التفصيل... جزمه سودا لمعة جلدهاا واضحه... كرفته سودا ممزوجة برمادي وكحلي...ساعه فضية لمعتها واصلة لآخر مدى...شعره اللي مصفف بطريقة وااااااااو..اقل ما يقال عنها...مصففه بحيث ان كل عشره جايه بمكانها الصحيحه..








التفت بسرعه..وقلبي اخذ يرقع بقوة...لدرجة اني خفت ان عفاري تسمعه...
قلتلها وانا مرعوبة اكثر منها: وش نسووووي؟؟؟...
قطبت عفرا حواجبها وقالت وهي ترجع بمقعدها: ولا شي..ننتظاهر باننا مبسوطين بجيته...
قلتلها بصراحه وصوتي يرتعش: بس..اااانا...آآآه..اممممممم...اكررررررهههههه...
عفرا وهي تاخذ حبة بصل مقلية وتحطها بفمها: وانا اكثر منك..اكرررررررررههههه يا ملكه..صدقيني اكثر من كرهك بمليون مرة..
: ليييش؟؟؟..
سكتت عفرا وماتكلمت..ولاحظت انها سرحت واخذت تطالع باصابعها وحسيت انها شوي وتبكي..
كنت بتكلم...بس منعتني الريحة اللي اقتحمت كل خليه بجسمي..كانت ريحته!!!
عطر قوي من الاعشاب وخشب الصندل وشوية عود..مع ريحة سجاير قوية...
رفعت عفرا عيونها وسوت نفسها متفاجأة وهي توقف: خالوووو...وش هالصدفة؟؟..
ابتسم ببرود وكأنه يقولها وفري تمثليتك لأحد غيري..: لا صدفه ولا غيره..انا جيت عشان آخذكم للبيت...
جلست عفرا وحطت رجل على رجل وقالت وهي تآخذ البرجر اللي لسه مافتحت قراطيسه: وليش متعب حالك؟؟..كنا راح نتصل بالسواق او ب سلطان؟؟
جلس وافي باهمال وحط وحده من يدينه ورا الكرسي اللي قاعد عليه والثانية بحظنه ورجل على رجل: سواقكم سوا حادث..وسلطان طالع ويا مساعد...
عفرا وهي تطالعني وترجع تطالع وافي اللي ما تجرأت اطالعه: مساااااعد؟؟ رجل بدرية؟؟.. وش يسوي هني؟؟...
وافي بصوته البارد الثقيل الحلوو: اسألي...( وسكت..)
رفعت عيوني بهاللحظة..وتلاقت عيوني بعيونه..خبيييييييييييييييييييث..اكررررررررهههه..
حركت رجلي بعصبية..وحاولت اني اتحرك لكن وكأني انشليت من الخوف..ما قدرت اتحرك ولا قدرت اسوي شي..اكتفيت بحركتي العصبية برجولي..
لاحظت بطرف عيني وافي وهو يطلع علبة سجايره الذهبية من جيبه...سحب سيجارة طويله..وحطها بفمه باهمال..ورجع العلبة..واخذ ولاعه ذهبية تشبه للعلبة وحاول يولع السيجارة.. لاحظت ان ايده ترتعش..بس ارتعاشه خفيفة..يعني معظم اللي جالسين ما يلاحظونها...واخيرا..سوى انجاز هائل وولع السيجارة...وسحب نفس منها ونفضها بلا مبالاة ورجعها لفمه...
بتضحكون لو قلتلكم...اني كنت منسجمه على الاخير بحركة يدينه وجسمه..وسجارته وولاعته.. وانسجام فضيييييييع يعني كأني قاعده اشوف فيلم مشوق ومركزة حواسي معه..ومتفاعله على الاخير... مفتحه عيوني بقوة..وفمي مفتوح..( بس الحمدالله متلثمه)
..سبحان الله وافي( رغم اني اكرههه إلا ان الاعتراف بالحق فضيله)..من الناس اللي يمتلكون جاذبية بشكل كبير..يعني لو يسوي اي شي..مستوعبين معي...اي شي ..يطلع وااااااااااااااااااااااو ...
حسيت بضربة قوية على رجلي...فطالعت بعفرا على طول بعد ماطلعت صوت صرخة خفيييييفه مرة..لكنها شدت انتباه وافي اللي طالعني ثم طالع عفاري...
ابتسمت له عفرا ابتسامه بلهة واسعه..وأخذت البرجر حقها وقامت تآكله بشراهة..سمعت صوت كرسيه يرجع ورا..
وافي بصوته الرخيم وواضح انه متقرف: إذا خلصتي اكل دقي لي دقة..بجلس عند ريما..
ضحكت غصبا علي يوم بعد...شكله كان مرة مضحك.. والقرف مرسوم على ملامحه المغرورة"ههههههههه...يااااااااااي يالحساس..يا الركيك...من زود الرقة..."
ماضحكت عفرا وطالعتني بنص..عين وبلعت الاكل اللي بفمها وقالت تقلدني: اكررررررههههههههههه...( وكملت بصوته) حيييييييييل حبيبتي..من كثر ما تكرهينه..هالشي يقوطر من عيونك المفتوحه كأنك وحده مشفوحه عمرها ماشافت واحد مزيون...
انا فتحت عيوني مصدومه من كلام عفاري لهالدرجه كان شكلي غبي وواضح اني رايحه وطي واعجاب..( اعجااااااااااب بس لا يروح بالكم بعيد..اعجاب بخشته لا اكثر ولا اقل)
كملت عفرا بغرور وهي تاكل بطاطس وتشرب بيبسي: سمي واتفلي على خالي يا بعد عمري.. بغيتي تشفحينه قبل شوي..
قلت بعد لحظات وانا آخذ البيبسي واشرب منه عشان ارطب حلقي شوي وافكر بكلام مقنع اقوله: عفوووووووووووورة عيوني!!..وش هالكلام؟؟..انا احب..وا
قاطعتني بشراسه: آآآآآآآآه..اعترفي...اعترفي....تحبيييييييييييييين؟؟ ..ومين ياب سيرة الحب؟؟ ...هاااااا؟؟؟
قلت لا شعوريا: ماقصدي..انا..انا..( وبعدين عصبت وقلت بعصبية) عييييييييييب تقولين مثل هالكلام..انا مو راعية حب وخرابيط هنود!!!!
قالت وهي تسوي فيها رومانسية وهيمانه: يحقلج يا بعد عمررررري... تقولين هنود...بعد التنفس الصناعي....( وسكتت فجأة وكأنها عرفت انها قالت شي غلط)
انا شرقت بالبيبسي بقوة...فقامت عفرا وأخذت تخبط على ظهري بقوة..ورجعت مكانها يوم رجعت اتنفس بشكل طبيعي..
عفرا وهي تعض على شفايفها: ملـــــــــــــــكه...انا عارفه اني غلطت يوم ماقلتلج..بس انا خفت!! كنت شبه ميتة..فاول ماخطر ببالي وافي...ناديته...ورحت ناديت جاسر..يوم جيت لقيتك مرمية على الارض..ووافي مسويلك تنفس صناعي وقالي هالشي وقام وراح..وقال انك صرت تماما...بعدها جا جاسر..وشافك مرمية على الأرض فضغط على بطنك بس..عشان تطلع الموية الزايده...
حركت رجولي بعصبية وقعدت انتفض بمكاني...ولا قدرت اقول اي شي لعفرا الحماره..الدبه..الخايسه...انا..انا ملكه آل...يجي واحد حثاله..حقير مثل وافي ويسوي لي تنفس صناعي..ليتني مت ولا كان ضريبة هالحيا التنفس الصناعي...
: انتي حمااااااااااااارة وسافله وحقيرة...ومزاعلتك...( وقمت وانا انتفض ومسحت فمي من فوق اللثمة بشكل لا شعوري...ويوم رفعت عيوني..تلاقت عيوني بعيونه...)طالعت فيه ببرود ورفعت راسي..وكملت طريقي للكوفي شوب..
لاحظت ان عفرا جلست مكانها تآكل وتضحك..







فهزيت راسي مو مصدقه هبالها...انا..يسوي لي وافي تنفس صناعي..وععععععععععع..وش هالقرف؟؟..لازم اغسل فمي بالصابون والتايد والكلوركس بعد..
لاحظت ان عند الكوفي شوب مجموعة شباب.. وخروا لي الدرب..فوقفت عند العامل الهندي اللي كان مبتسم لي:yes mam....
قلت وانا اغلي غضب من مجرد التفكير باللي سواه وافي...والله انه حقير..انا عارفة انه استغل هالموقف..ومسوي فيها شريف..!!
:ammmmmmm....give any kind of coffee
العامل وهو يطبع لي الفاتورة .k mam....
اعطيته الفلوس ووقفت انتظره يجيب لي القهوة...

: ياسيدي وسيد الحور..مفتون انا بحسنكم ومعذور!!

التفت عشان اشوف الصوت من وين جاي؟؟..لقيته شاب اماراتي اتوقع ان عمره تحت الخمس وعشرين..وسييييييم مرة..وشكله friendly..
اعطيته نظرة شامخه وصديت عنه اناظر الهندي اللي قدامي..
: حياج بالامارات..يا الشيخ.." وقطع جملته..
التفت عشان اشوف وش السالفه..بس ماكملت التفاتي..لأني شميت ريحة العطر القوية اللي تغلغلت بخياشيمي..وخلتني اغمض عيوني واحاول اتماسك وما اطيح...
: احترررمي وجودي معكم..ولا انت تعتقدين ان مافيه رجال يربيك ويربي عشر من اشكالك!!
قالها وافي بصوت واطي مرة..ماحد يقدر يسمعه غيري وغيره..
شهقت غصبا علي..والتفت له ولا شعوريا...صفقته بقوة..لاحظت ان في هدوء انتشر بالمكان.. كل شي وقف..حتى هوا المكيفات حسيته وقف..والمكان صار حااار بزياده...
امتلت عيوني دموع..واحرقتني ايدي وعورتني..
وافي كان في قمة الدهشة...ولا قدر يتكلم لعدة لحظات..استغليت انا هاللحظات..وهجيت بسرعه من قدامه..مشيت باقصى سرعة..ولاحظت ان عفرا كانت فاتحه فمها وهي مفجوعة من اللي شافته...نزلت بسرعه من السلالم الكهربائية...وعيوني امتلت دموع..تعبت انا منه..تعبت كل ما يشوفني يسمعني كلمات يسم البدن..وش سويت له؟؟..ليش يعاملني بكل هالكره والحقد..الله لا يوفقك يا بدرية..شوهتي سمعتي في كل حدب وصوب!!






وقفت بالشارع عند المواقف..كانت عيوني مليانه دموووع...وقاعده ارتجف..ولاحظت ان السواقين يطالعوني..مفجوعين..غطيت على عيوني..وقعدت اشاهق بصمت..وتحركت للشارع ابي آخذ لي سيارة اجره..اشرت كذا مرة ولا احد وقف..
قربت مني سيارة شباب..فتراجعت لا شعوريا خطوتين على ورا..ضربت بشي قووي مرة.. ولاحظت ان سيارة الشباب اختفت..التفت بسرعه وشفته.. بعدت عنه وكأني انلسعت..ولا شعوريا مسحت على اكتافي وكأني منقرفة من لمسته..وكان هذا هو شعوري بدون مبالغه..
لاحظت ان خده احمررر..حاول يتماسك وقال وهو يفتح ياقة قميصه الناصع البياض:
انا..آآس..
سكت وسكر فمه بقوة..ولاحظت انه متوتر مرة..وقعد يحرك حواجبه باصابعه..
قلت وانا احاول اني اوقف شهقاتي: لووو..سمحت...لا تقرررب مني!!!..
هز كتوفه بانهزام..وشد شعره باصابعه وهو يمررها بشعره الاسود الناعم..
وقال بعد لحظات وانا قاعده ارتعش بقوة وعيوني تتحرك على الناس اللي يطالعون مستانسين وكأنهم يشوفون طاش مطاش..: اعتقد انك اخذتي حقك..( وكمل وهو يرفع راسه بشموخ) علشان كذا..اتمنى يا..انك تركبين معي بالسيارة..
قلت بغرور: اسمي الآنسه ملكه..مو..ياااا( وقلدته بآخر كلمه وانا منقهرة وكملت بشموخ وانا اعطيه قفاي) انا بآخذ سيارة اجره..الله يخلي الحكومه...موفرين السيارات لمين؟؟
لحظااات مرت...وقال بعصبية وصوت واطي: عارف وش تبين؟؟..أسف..صح؟؟...
قلت وانا أاشر لسيارة اجره قربت مني: مابي منك شي...
وقربت من السيارة على اساس اركب..لكن انفجعت يوم حسيت بالاصابع اللي انغرزت بذراعي..وراحت السيارة بسرعه مثل ما وقفت بسرعه..
سحبني وافي لسيارته البنتلي العودي.. ولا اهتم بالعالم اللي يطالعونا مفجوعين وعددهم كثر شوي..وزاد تجمهرهم...
قال بصوت واطي وهو يفتح لي باب السيارة: حتى الأسف.. ماراح تاخذينه..
ودفني بقوة بالسيارة..

تكملة الفصل الثالث عشر
يوم الشوفه...







رجعت من افكاري..وسمعت سماح وهي تصرخ برومانسية..

: ياااااااااااااااااااااي..شوفي شلون ماسك ايدها؟؟؟...يا بختههههههههاااااااا
وضمتني روعه بتأثر: الله...متى؟؟..متى يا ملكه نعيش هاللحظات؟؟..ودارت فيني..
قرصت خدها وقلت وانا اطالع بعفرا اللي ميتة حيا وخدودها حمرررر: استحي عيييييييب..
سماح: ايوووه..عيب..يختي خليني اعرس اول..بعدين فكري بيوم شوفتك..
روعه بغرور: هو الاكييييييييد..اني راح اعرسك قبلك انت والثورة الثانية..
سماح وهي تضحك: اسمها بقرررة يا غبيه..لأنها انثى...
قاطعتهم بحماس: وش رايكم...؟؟..
قاطعتني روعه: وشو؟؟..وشو؟؟..قوووووووولي..
سماح: طيب..خليها تفتح فمها اول..يختي اركدي شوي..المصيبه شكلك ناعم وانت ابعد ما تكونين ناعمه..
روعه وهي تحط ايدها على خصرها وتهز: يا شيييييييييييييييين الغيرة..
قاطعتهم قبل لا يتهاوشون: هييييييييييييي...وش رايكم..
قاطعتني روعه وهي تصرخ بحماس: شوفووو؟؟؟..واااااااااااااااااوو..العن ام الرومانسية عند السعوديين...
قهررتني روعه بمقاطعاتها فسحبتها من ايدها وركضت وجات ورانا سماح..ووقفنا عند شبابيك المجلس اللي جالسين عندها جاسر وعفاري..ووقفنا تحت الشبابيك المفتوحه واشرت لهم يسكتون وينطمون..لأني عارفة ان روعه ام الفضايح..





جاسر بصوت رومانسي: معقوله يا عفرا..معقوله؟؟..اخيرا صرنا لبعض..
عفرا وصوتها يرتعش: لسه..ماااصررنا..بااقي..الملـــ..ــكه...
قاطعها جاسر بحرارة: هاذي كلها امرها سهل...وش رايك نخلي عرسنا بعيد الفطر..يعني بعد شهر ونص...
لا شعوريا قالت عفرا برباشتها المعتاده: مايمدي...
جاسر بخبث: وش اللي ما يمدي عليه؟؟
عفرا:..................
جاسر: امووت على اللي يستحون..
عفرا:.............
بعدها سمعنا صوت خطوات ركض كعب على البلاط...
ركضنا احنا بعد عشان نشوف وش السالفه للمكان اللي كنا واقفين فيه اول..ضحكنا يوم شفنا جاسر جالس لوحده وشكله مستغرب..من خروج عفرا المفاجىء...
روعه: ياررررررررررربي منكم يا السعوديات الحيا ذابحكم....يعني وشفيها لو قالتله انو ما يمديها تجهز فستانها وقمصانها وملابسها....
سماح وهي تحط يدينها على وجهها: ياحظييييييييي...ليش ناوية تقولين للي جاي يخطبك كذا؟؟
روعه وهي تحط ايدها على خصرها: وليش لا؟؟..صدق انكم معقدات...
: روووووووووعه يا بعد قلبي..الرجل الخليجي طبيعته شكاك...يعني تخيلي لو عفرا..نطت على جاسر وقامت تسولف معه وتسأله وتآخذ وتعطي معه..تهقينه بيتزوجها؟؟؟...
روعه وهي تاشر بيدينها: مالت عليهم..اساسا انا ناوية اتزوج واحد اسباني..على الاقل ازين وافكارهم متفتحه...
صفقت سماح على راسها: واخذينا يا ملوكه..تراها ماخذه ضربة شمس اليوم..
انتبهنا ان حورية ام جاسر وخالة عفرا دخلت الغرفة وهي تسحب عفاري..اللي كان وجهها معفوس من الخجل وترتعش بشكل واضح...
رجعنا نركض من جديد زي المشفوحات عشان نسمع وش يقولون؟؟..



حورية بصوتها الحنون الطيب: هااا يا عفرا يا بنتي..وش رايك بولدي؟؟؟..
عفرا:................
حورية وهي تضحك: ههههههههههه..ترى الحيا ما ينفع بمثل هالاوقات..قولي وصدقيني لا يمكن ازعل لو ان ولدي ما اعجبك...
عفرا :..............
حورية وهي تتكلم بجدية: يوووه وش فيك تبكين؟؟..خلاص يا جاسر..شكل البينة ما تبيك..
شهقت عفرا بتلقائية: لاااااااااااااا..( وقطمت فجأة)
ضحك جاسر وشاركته الضحكة حورية..
حورية: طيب..وانت يا جويسر..ها وش رايك ببنت اختي؟؟...
جاسر بخبث: ضعيفة شوي.. بيضا بزياده..ترتجف طول الوقت..خجولة..بس..( وكمل بغرور) انا ابيها..وابي وصالها..لأنها اجمل ما رأت عيني...( وقال ابيات الشعر هاذي بكل الرقة والحب اللي موجود في هالدنيا)


رابيه بين القبايل واهل الحميه...عاقــــــــــــله ماتبذر إلا نخله تعرف رطــــــــبها..
ان تهادت ذكرتني في خفوق العامرية...وان تمادت تركب ابليس الرجيم وماركبها!!
جفنها لاسلهمت به مايطيق السامريه..تسحبه برضاه عينه..وان سهت عينه سحبها..
وان حكت تعطي مكانه للحروف الابجدية..كن كلمتها تلفت للكلام اللي عقبــــــها...
والحروف اليا تعدت الشفاه النرجسيه..كنها صارت قصـــــــيده بس ربي ماكتبها..
وش بوصف من حلاها؟؟ وش بخلي للبرية..مابها بالحسن عيب واكتشفته إلا حجبها..
شعرها مافيه الخوي اللي تبرني من خويه..والشفا لو تشرب الما واختلط فيها شربها..
كن في ضمة شفاها جمرتين بنار حيه..كل من حس بدفاها واحترق صد وقربـــــــها..
شفتها مثل الجريمة وابتليت ابها بلية...غلطة جيت اتحاشى ظلمـــــــها قلت ارتكبها..
كل شي شفت فيها فيه نبرة جاذبية!!..موهبة مـــــن فضل ربي واشهد ان الله وهبها..
كلها لله ب لله فـــــــاتنة ها الآدميــــــــــه...عاجبتني من بداية راسها لاسفل كعبها..



طالعنا ببعض بهياااااااااااام..وش هالرومانسية وكل وحده فينا بهالحظه حسدت عفراعلى جاسر وهالشي بان على سرحانا..كلن على همه سرى..انا فكرت بحظي الردي..اللي خلاني احب مساعد من بد البشر..وسماح شكلها تاثرت مرة..حتى انها قامت ترتجف وبعدين تركتني ان وروعه وهي تركض بسرعه...لحقناها انا وروعه...ودخلنا البيت..وناديناها لكنها ما وقفت...طلعنا وراها للدور الثاني لكن دخلت غرفتها وسكرت الباب...حاولنا فيها تفتح الباب..لكن عيت تفتحه وسمعنا صوت شهقاتها وصياحها المتعالي..
روعه وهي تهز كتوفها: خليهاااا..بتطلع بعد ساعه ولا كأنه صار شي..
كنت ابسأل..لكن حسيت اني ادخل بشي مالي خص فيه..
: ها..رورو...لازم ننزل ونجلس مع عمتي نورا..بس خلينا اول نشيك على كششنا....
قالت روعه بحماس وصوتها ناااااعم مرة ويجنن يوم تتحمس: اللـــــــــــــــــــه..تهقين عندهااا عرسان حلوين ورمانسيين زي جاسر؟؟..
: هههههه...يمكن..





دخلنا غرفتي.. وفتحت باب غرفة الملابس لروعه..ودخلت انا الحمام..غسلت وجهي بالموية الباردة..ونشفتها بحذر..عشان ما اخرب مكياجي..تاملت فستاني الزيتي اللي واصل نص الساق..ضيق بدون اكمام بس لبست فوقه جاكيت وردي ساتان..ضيق وحلو...
طالعت بوجهي..كان مرة شاحب وتعبان..وش اقولكم عن الايام الثلاث اللي فاتت...كانت والله عذاب...كل ما اقوم القى الدم ينزل بجزء معين من جسمي..مرة من ركبي..مرة شفايفي..مرة ايدي..
آآآآآآآآآآآآآآآه...انا عارفة اني اعاني من مشكله..ومو عارفة شلون اسيطر عليها..حاولت اترك الحبوب المنومة..تخيلوا ما قدرت انام يوم جربت اتركها..بغيت انهبل..فاضطريت اني ارجع آخذها..
افكر اروح للدكتور نفسي من غير ماحد يدري بالعايلة..بس ان شاء الله بعد زواج عفاري..يعني نقول بعد عيد الفطر..بعدين رمضان جاي..ابي اتعبد فيه..وبعدها يصير مية حلال..







راحت حورية اخيرا...هي وولدها بعد ما قطعت عفاري تبويس وضم دموع..وماهي مصدقة ان ولدها البكر اخيرا لقى نصفه الثاني وبيتزوج...
وعمتي نورا بعد كانت ميتة صيااااح....وهي تضم اختها...وهي نفس الشي..مو مصدقة ان اخيرا عفرا راح تعرس..وهم اللي ياما شالوا همها عشان عمرها اربع وعشرين ورافضه انها تتزوج...وطبعا اربع وعشرين عند البدو عاااااااانس...وهاذي مصيبة المصائب...عندهم مو عندي...





وعمي بعد كان واضح عليه الفرح والسعاده. .حى انه ناداني مكتبه...
عمي سعود وهو يجلس ورا مكتبه الفخم: هاااا...ملكه..وش قلتي على موضوع الخطبة؟؟...
: اممممممم...( وتماسكت وانا اكمل) موافقه...
عمي سعود وهو يوقف وكأنه ما توقع موافقتي: موااافقة؟؟..متأكده؟؟؟؟
: ايه يا عمي... الولد مافيه شي..وانا اهم ماعندي السمعه الطيبه..اسال عنه..وإذا صار زين..فليش لا؟؟؟
هز عمي سعود راسه..وانا تركته وطلعت من الغرفة..









فــــــــــــــــــــي غــــــــــــــرفة عفــــــــــــــــــــــــــرا...



: وبس..وقامت تبكي وقفلت الباب على عمرها؟؟
عفرا باهتمام وهي تفصخ كعبها العالي: صراااحه..حايه عجيبه...شكلها تحب...
: امممممممممم..ما ادري..يمكن..والله ما ادري..بس كلنا..آآآآآآآآه ذبنا...( وكملت بحماس)
حركاااااااااااااات هالجاسر .... ولا فيلم هنود رومانسي...
ردت علي عفرا وهي تفصخ حلقانها وتبتسم: بالعكس فشلني...احس انه حمااااااااااار...
: هااااوو؟؟؟..ليش حمااااار؟؟...
عفرا وهي توقف عند مرايتها: القصيده اللي قالها قدام امه..يعني..ماااااااااادري..
: مفروض وافي يحجرلكم ويوقف عند حدكم...
عفرا وهي تحط يدها على خصرها: ياذا الوافي..تراك ذبحتيني فيه..مكفخته قدام الله وخلقه وتجيبين سيرته بعد...
حمرت خدودي وقلت بعصبية : عفررراااا..احترمي نفسك...انا اتكلم عن وافي بشكل طبيعي..لكن انت تشككين الشخص بنفسه...
عفرا وهي تدخل غرفة ملابسها وتترك الباب مفتوح وترفع صوتها:يا ملوووكه..يا عيوووني...ترا خالي رغم صفاته السيئة..لكنه للاسف فاااااااااااااااارس احلام البنات....
رديت عليها وانا اتمدد: فارس احلامهم..لكن مو فارس حلامي...
طلعت راسها وهي تلبس روب رمادي قطني: وان شاء الله وش مواصفاتج يا الغلا؟؟
قلت برومانسية وانا اتذكر مساعد: غيووور..مجنون...حلووو..عيونه حاده...حار ومو بارد..خالك قالب جليد...انا ابي واحد يصرخ ويعصب واعرف موقفه مني..يعني كل شي عنده بحرارة...يفرح بزياده ويزعل بزياده ويحب بزياده موب مثل خالك ميت المشاعر... ما ينعرف وش بقلبه؟؟..
قالت عفرا بجدية وهي تطلع من غرفة الملابس وتجيب منديل تنظيف المكياج وتجلس على السرير قريب مني: ترااه ماكان كذا...كان قمة الرومانسية..ولا كان بارد...حتى انه كان يحب....( وطبقت شفايفها بقوة..وقامت تنظف مكياجها)
: عفرااااااااا..قوليلي الله يخليك قصته..او قصتك وياه؟؟..
سفهتني واخذت تمسح المكياج عن وجهها ببطء وبعناية: يعني تسفهين يا بنت سعود؟؟... طيييب ... يله بروح انوووم...
قالت عفرا وهي تشوفني اقوم: اسمعيني إذا الزواج بعيد الفطر..باجر.. بننزل بسيارتي بنروح لمصممين عشان نشوف متى يخلصون الفستان..
قلتلها وانا عند الباب: اخاف يصير لنا مثل فستانك اليوم..
ضحكت وهي تتذكر الموقف: الله لا يحرمني منج يا الدبه...لو ماكنتي عايشة معي..جان قتلت نفسي اليوم...
قلت بجدية: انت الله يهديك..ما يعجبك العجب..و فستاني اللي لبستيه اليوم..اول ما شفتيه معلق بدولابي..قلتي ووووووووعععععععععع ( وقلدت صوتها)
قالت وهي تمسح رقبتها من المكياج: بس اليوم شفته غير..يمكن لأنه كان المنقذ الوحيد لي...
: طيب..وش نسوي بفستانك الاحمر؟؟..تراه مره حلووو..
عفرا بروعه: وعععععععععع.. خلي وحده من البشكارات تآخذه...
رفعت حواجبي: لها الدرجة وع؟؟؟
عفرا وهي تدخل تحت مفرشها المشجر: ايه..ووعين موب وع واحد...يله تصبحين على خير!!
قلت بنعومة وانا اطلع: وانت من اهله...




على سريري..كنت غارقة بالتفكير..بوافي!! ...كل ما اذكر شلون ركبت معه سيارة وحده..مايفصل بيني وبينه غير عدة اشبار...انهبل!!..
عشت رعب فضيع..رعب انه يجرحني..او يقطني بالشارع..او يطقني علشان الكف اللي عطيته...
بس خالف توقعاتي...وكان شبه رايق..مع انه دخن سبع سجاير...بس في ماعدا ذلك..كان في منتهى الهدوووء..
تذكرت كلام عفرا..كان يحب؟؟..مين يحب؟؟؟...اففففففففففف..ليش الحب يقلب حال الانسان..وافي ..كله بارد وقاسي وشكاك..اكيد حبيبته كانت هبله..ولا.. هل المخلوق ينحب؟؟..
بصرااحه..ليش ما ينحب؟؟..غني...وسيم...حبوب مع الاطفال..له جماهيرية كبيرة بالعايلة على حسب كلام عفرا ..( واضفت بسخرية وبصوت عالي) وغبي..وحقير..وكريه..ومغرور..وتااافه..ولايشوف ابعد من خشمه..ويستاهل الكف اللي جاه..وليتني اضربه كف كل ماشفته...
لا..يتجرأة ويسوي لي تنفس صناعي...وووووووووووووووعععععععععععع
اخذت لي حبتين منومة وشربت كاسة موية..وقعدت اقرا برواية من روايات غاده مدة عشر دقايق تقريبا..وغبت في بسابع نووومه!!!!!









مرت ايام عادية وبااااااااارده في قصر العم سعود... مثل اي ايام تمر في حياة الناس..ايام مافيها اي جديد...تتعاقب ورا بعضها بدون ماتحمل لأبطال حياتي اي زيادة..او نقصان
صرت ما اطلع الحوش...وطلبت من سلطان يوصي البستاني يزرع قطعتي من جديد....رجعت علاقتي مع سلطان مثل اول...ماجيت..دردشة وضحك معظم الوقت...
مساعد..ولله الحمد ما قابلته مرة ثانية...بس كذا مرة سمعت طقه على شباك الغرفة..بس اسفهه وما ارد..لازم اقوي قلبي..رغم ان قلبي ماكان يحتمل شوفة احد يتعذب..فما بالكم بمساعد...اللي صار حاله يخوف ويفجع...
وافي...وما ادراك ما وافي؟؟..هذا مثل القضا المستعجل( على قولة اخوانا في مصر) طول وقته..وهو مرتزلي..ان طلعت السوق لقيته بالحوش..ونظراته تتاملني من فوق لتحت وباستحقار فضييييييع...وان طلعت للمطبخ الخارجي عشان اساعد سماح..يكون واقف قريب ويسولف بالجوال..او يلعب كورة..او يدردش مع سلطان...
وطبعا انا ووافي ماسلمنا من تعليقات عفاااري...اللي ما رحمتني من تعليقاتها ودقاتها..والغريبة اني حسيت ان عفرا مبسوطة اني احب وافي( على حسب تفكيرها)...وطبعا ما كانت تتجرأ وتقوله عن افكارها...وعيت تعلمني عن الشي اللي يخليها تكرهه...
عمتي نورا..حالتها النفسية زادت سوء اكثر بعد شوفة عفرا.. وصرنا ما نشوفها إلا نادرا...ووجها شاحب يخوف...وجسمها نحل مررررة...
اما بدرية فكانت تدقني بالرايحة والجايه..وتركز على موضوع الجنون هذا...وتتريق فيني بس طبا مو قدام عمي سعود او عفرا او سلطان...
روعه وسلطان لاحظت انهم معظم الوقت مع بعض...وكنت ادعي ربي ان سلطان يحب روعه...لكن حتى الاعمى يعرف ان مابينهم اي حب من اي نوع.. روعه معتبرته صديق مثل اللي كانوا عندها بامريكا...وسلطان معتبرها مراهقة صغيرة ياخذها على قد عقلها...
سماح رجعت لطبيعتها الحبوبة..وصارت هي الشيف في البيت..وهي اللي تطبخ..وتنفخ مع الطباخ..وكل يوم تخترع اطباق جديدة...وحتى انها حطت لاب توب في المطبخ على اساس اي طبخه تطبخها تصورها وترسلها للمنتديات اللي مشتركة فيها...
وتصدقون ان الطباخ قدم فيها شكوى عند عمي سعود..هههههههه..مو عاجبه انها تدخل بوظيفته... لكن عمي ما عطاه وجه...وقاله إذا مايبي يجلس ماحد ماسكه...
عفرااا..في عالم الاحلام....طبعا انها وياها كل يوم نازلين السوق بسيارتها من العصر لآخر الليل...نرجع تعبانين ارجع انوم واهي تروح تدردش مع جاسر وتعلمه كل شي صار بالتفصيل...
وصارت تشتري هدايا لجاسر كل ماتروح السوق وتحطها بصندق وبغرفتها عشان تقدمها له في يوم زواجهم....
ميران..تابعت بدرية المخلصه...وصديقتها الصدوقة وكاتمة اسرارها...كل يوم هي وبدرية رايحين مع يزيد او طالعين مع السواق..طبعا طلعات ترفيهية لآخر الليل ولا من حسيب او رقيب... ومايطلعون إلا بالكشخة الكاملة...من فوق لتحت...المكياج الخليجي الكامل...والعدسات.. والاصابع الملونه والاكسسوار..
خبر خطوبتي حتى الآن ما انتشر وماعرفت ليش عمي سعود ماقال لحد..وانا من ناحيتي ماخبرت احد بالمرة...وحسيت انها خيرة لي اني اسكت على الموضوع ولا اتكلم فيه..لأني بيني وبينكم كنت خايفه من ردة فعل مساعد..
يزيد..وش اقول عنه..هذا معتقد الامارات هي امريكا على غفله...حركاته..ولبسه وكشته المنتفشه..صراحه يقهرني..ولا ازيدكم من الشعر بيت معجب فيني الأخ..اعوذ بالله لو مابقى غير هالشين ماخذيته..خلاص الرجاجيل بالسعودية والامارات عشان آخذ هالتعبان...
ريمووووووووه...يا حليلها..صارت صداقه مع بنات جيرانا الجدد..وطول وقتها وهي عندهم...
اما محمد..فهو كالعاده..مفهي بمعني الكلمه...الدراسه بجهة..وعقله بجهة..والكوره هي حياته وعلمني سر..( بس لا تعلمون احد ههههههههه) ان عنده واسطه بالهلال..وراح يصير كابتن الهلال بعد ثلاث سنين...





الاحد الساعه 5:22م




دخلت علي الشغالة...وكان شكلها مرة مرتبكة ومحتاسه..حطت لي كوب النسكافيه على طاولة المكتب...ماقلتلها ولا كلمه...لأني كنت مرة معصبه وانا ارد على الامريكان اللي قاعدين يسبون النبي..وداخله بمناقشات طويلة وعريضة في غرف البالتوك اللي يتجمعون فيها وقاعده ادافع عن النبي عليه الصلاة والسلام بكل المعرفة بالثقافة الاسلامية اللي اكتسبتها خلال سنين دراستي ومروري من وقت لآخر على مواقع علماء المسلمين البارزين...وطبعا هاذي هوايتي من كنت صغيرة اني ادخل بمناقشات بين الاديان عشان اثبت الحق..والحمدالله اني دايم كنت اطلع كسبانه...
رفعت كوب النساكافيه عشان اشرب شوي..ولاحظت الورقة اللي تحت الكوب..كانت مطوية بعناية ومسفطه بشكل صغييييييير...
تركت الكوب على جنب..وفتحت الورقة..وما صدقت اللي قاعده اقراه...

" ملكه حبيبتي...

انا ماعدت محتمل اللي يصير كل ما اشوفك...قلبي يحرقني...تنفسي يضيق..جسمي يتصبب عرق...احس اني بموت..لو بعدت عنك لحظه..وانت كل مالك تصدين وتزيدين هجر وابعاد...
انا عارف انك اقوى مني..وانك تحكمين عقلك على قلبي...لكن انا ما اقدر احكم عقلي على قلبي..لأن قلبي يموت بكل مافيك..يحبك يا ملكه..يحبـــــــــــــــــــــــــــــــك..افهمي هالكلمه.. شوفي شلون قوية وكبيرة...
على العموم..انا مآخذك مآخذك طال الزمن او قصر...وانا بعد دقايق بكلم سعود لأني خلاص بنفصل عن بدرية..
انتهبي لنفسك...

المغلوب على امره والمعذب
مساعـــــــــــــــــد"
انهبلت وانا اقرا الورقة..وترددت ما ادري وش اسوي..ان طلعت وقابلته فهاذي اكبر خطيه..بس الغبي لازم ما يترك بدرية...لأنه لو تركها بهالطريقة عمره ما راح يتزوجني.. لأن عمي عمره ماراح يوافق..عضيت على شفايفي بقوة..وخبيت الورقة بدرج المكتبه..
طلعت بسرعه من الغرفة..يوم سمعت صوت سلطان تحت في الصاله وهو يكلم امه: طرده ابوي من البيت.."
صرخت من فوق: وشــــــــــــــــــــــو؟؟؟؟...
رفع سلطان راسه فرجعت ورا...وطحت على الارض ...على ركبي.. عمي سعود طرد مساعد.. طرددده...آآآآآآآآآآآآآآآآآآه منك يا مساعد متسرع..متسرع..يا مساعد...دمرتني الله يهديك.. دمرر ررر ررتني..
جريت شعري من القهر....سمعت صوت باب الفلة تنفتح..فطليت من الدرابزين.. وشفت بدرية وعمي يدخلون..وبدرية كانت ميتة صيااااااااااااح....
حسيت بباب عفرا يفتح وكانت مبتسمة وهي شايلة الجوال..يوم شافت وجهي انفجعت وطاح موبايلها: ملكـــــــــه وشفييييييج؟؟؟
: مساااعد يا عفرا..مسااااعد..
عفرا بروعه: فيه شي؟؟..صار له شي؟؟. مات؟؟؟ تاذى؟؟...
صرخت: ترررررررك بدرية..ترررركها..
على صوت صرختي...انفتح باب غرفة ب درية..وشفت ميران وهي تطلع وكان بعيونها كل نظرات الاستحقار والكره اللي بالعالم...
ميران ببرود: ربي بيعوضها بالافضل...ويعوضه بالاخس والاشين واللي تناسبه ومن مقامه...
عفرا وهي تضرب وجهها: ياويلي عليج يا بدرية...وينها؟؟
ميران وهي تزفر بضيق: عند عمي سعود..بالملحق اللي برا...
قلت مقاطعه بصوت ميت: هاذي هي..في الصاله مع سلطان وعميييييي...
طاحت عفرا على الارض..وقالت وعيونها غرقانه دموع : كييييييييييييييف؟؟؟..ولييييييييييش؟؟ ليش يا مساعد..خربت سعادتي الله يحزنك ويطعنك مثل ماطعنتنا..
ميران بسخرية: ها؟؟..تتكلمين عليه..وتدعين..طيب..ادعي على اللي قريبة منك..وتخونكم وتطعنكم بظهوركم...
حطيت ايدي على حلقي...اما عفرا قالت بعصبية: إذا فيه احد بيخون فهو انتوا..يا ميران..انتوا.. وانسي انج تاخذين سلطان..وانسي ان امج تآخذ ابوي...هذا بحلامكم..
انقهرت ميران من كلامنا..فتركتنا ونزلت الدرج..لكن عفرا من زود القهر اللي فيها شدت لها شعرها...ودخلوا بعراك مجنون الثنتين....انا ماقدرت اوقفهم..طلعوا سماح وروعه من غرفتهم وحاولا يوقفونهم ولا قدروا..كل وحده كانت ماسكه بشعر الثانية...وطايحين ضرب ورفس ببطون بعض...
سمعت صوت عمي يطلع فافترقوا عفرا وميران عن بعض....
قال عمي بعصبية لعفاري: وش ذااااااااا؟؟؟( وكان صوته يخوف لأنه معصصب وواصل حده)
عفرا بعصبية: هذا اللي تستاهل الحقيرة....تبي تاخذ اخوي..مثل ما امها مخططه علي..



صوت صفعه قوية تردد بالمكان..حطت عفرا ايدها على وجهها مو مصدقة...
: تطقنيي يبه..تطقنييييييييي....
وكملت وهي متماسكه: عمري اربع وعشرين وتطقني عشان..وحده مثل هالاشكال...
صرخ عمي فيها: هالاشكال تسواك وتعداك..يله ضفي وجهك لغرفتك..
ركضت عفرا بسرعه لغرفتها وقفلت بابها بقوة..اما ميران شفتها تناظر فيني بانتصار ووجها ينزف دم..وشفت بدرية تضمها وتآخذها الغرفة حقتها...
روعه وسماح بان عليهم الحزن..بس ماعلقوا وادخلوا غرفهم... عمتي نورا وسلطان تحت..
اما انا طالعت بعمي..وبعيوني الف عتاب وعتاب وتركته ورحت غرفتي...





اليوم الاثنين الساعه4:02ص





صررخت بجنون وانا اشوفه بغرفتي....وتحركت برعب...من على سريري والنتيجه اني طحت على الارض...وهو هجم علي بشراسه..

الفصل الرابع عشر


عيونك اخر آمالي وليلي اطول من اليم
كيف القى كلام عذب يوصف داخل احساسي
عشقتك قبل ما اشوفك وشفتك صرت كلي حلم
ابي رمشك يغطيني وابيك اقرب من انفاسي

هجم علي بشراسه...ماكان طبيعي بالمرة..كأنه مهتاج..فمه مسعبل وكل مافيه يخوف..صوت لهاثه وانفاسه المقرفة...ولون عيونه...ووضعيته بالهجوم ....وصوت نباحه الغريب..هذا مو بوبي المسالم اللي دوم اسمع صوته...هذا شيطان متلبس فيه...


صررررخت بذعر..بجنون...بأعلى صوت...لصقت بالجدار...حاولت احمي نفسي بكل شي القاه..رميت عليه تحف كثيرة وحتى الاباجورة الكبيرة الضخمة..لكــــــــنه ما تأثر حجمه كبير...وثقيل وهو يطب فوقي..ويغرز انيابه فيني..


بدأ ينشب اسنانه بجسمي وبكل مكان بعنف..مثل الاسد الجايع اللي اخيرا لقى الفريسة...كان يعض ساقي...ثم يتركها ويطلع لفخذي..وبعدها يرجع لايدي اللي احتمي فيها واحاول اغطي عيوني عن مخالبه...


صوتي انبح من كثر ما اصرخ....ماكنت احس بالـــــــــــــم...فعلا فقدت الاحساس بالالم وهاذا من رحمة رب العالمين... الخوف هو اللي حركني..ايه كنت خايفه...مو متالمه....خايفه من الموت.. من التشوه..من المرض..هذا كلب مسعور.. او متوحش...يعني بكل بساطه..إذا ما مت يمكن ينقل لي المرض...


رافست بقوة..عشان اخليه يبعد عن وجهي وصدري..وانقلبت على بطني..فهجم على ظهري.. وآآآآآآآآآآآآآآآه.. حسيت بمخالبة تنغرز بظهري من عند رقبتي لآخر شي...


شفت بصيص امل..انا لازم ارمي نفسي من الشباك الكبير اللي قدامي...زحفت وانا اقاوم كل الآلام اللي احس فيها...ابي افتح الشباك ابي ارمي حالي..على الاقل راح اطيح في المسبح..يعني بأذن الله ماراح اموت...او يمكن اموت..لكــــن مو مهم..اهم شي ما اموت بهالطريقة البشعه...
لكن..الكلب كان اقوى مني ومنعني اتحرك واهو...يعض رجولي وسيقاني باقوى ماعنده...كان صراع قوي...صراع القوة مع الضعف..صراع الانسان مع حيوان بري مهتاج...صراعي انا مع حظي اللي كل ماله ويردى اكثر..


سمعت صوت مرتفع عند الباب...وشفت قفل الباب يدور كذا مرة بدون ما ينفتح...سمعت اصوات مختلطه..وماقدرت اميز صوت مين؟؟...كان الباب يتحرك بقوة..وكأنه بينكسر..


جاتني قوة اكبر..قوة التشبث بالحياة...حاولت ارفس الكلب على خشمه...لكنه عضني بقوة...زحفت مو مهتمة باسنانه اللي بتقطع لحمي..وصلت عند الشباك اخيرا..مسكت الاباجورة الكبيرة اللي طايحه على الارض..وكسرت فيها القزاز بقوة...


عيوووونه...آآآآآآآآآآه لو تدرون كيف عيونـــــــــــــــــــه؟؟؟


رفع وافي راسه يوم سمع كسر القزاز...وقف يطالعني مفجوع..وبفمه السيجارة متدلية..
مديت ايدي له...لا شعوريا...وصرخت فيه يساااعدني...
جا بوبي فوقي وبيعض وجهي ...وحاولت ابعده عني قد ما اقدر..جمعت كل القوة اللي فيني..وحاولت ازيحه...لكن وكأنه جبل ما يتزحزح...قووووووي....
حسيت اني خلاص راح اطيح....بس قطعني قزاز الشباك المتهشم..حاولت اني اقلبه عشان هو يطيح على الاقل...لكن ولا كأني قمت باي مجهود..
بالعكس انسعر اكثر..آآآآآآآآآآآآآآآآآآآآآه....
رميت نفسي من الشباك على الارض..بعد مارفست بوبي باقوى ماعندي على وجهه...كان تحت غرفتي في زي التل مزروع بمختلف انواع الورد...حضنتني الورود باشواكها..وحسيت بالموت والاشواك تنغرز فيني من كل صوب..وتدحرجت وطحت بالمسبح...



رافست بقوة داخل الماء مدة ثواني بس..لأن وافي رمى نفسه بالموية وسحبني خارجها...ضميته... بقوة وانا اصيح.. حتى بعد ماطلعني من المسبح..جلست متعلقة فيه...كنت مصدومة..لدرجة اني نسيت ان هذا وافي..اللي يكرهني...اللي ممكن يحور اي حدث يصير باللي يناسب عقله المريض.. كنت اصارخ وانا اغرز اظافري بلحم رقبته وانا ضامته بقوة..كنت ارتجف واقول كلام مو مترابط..وانا اشوف بوبي ينبح بشراسه ويستعد انه يقفز علينا..
: آآآآه..شو..شوفه..الكلب..آآآآآآآآآآي..را..ح..يذبحن. .ي..
وضمتيه اكثر وانا اصيح واقول كلام متقطع..كان قلبي يعورني..وجسمي ينزف بغزارة..وملابسي متقطعه لكني ما اهتميت..ابي احس بالامان..
قالي وافي وهو يبعدني عنه شوي: لازم ناخذك المستشفى..
هزيت راسي وانا اصيح..قلتله وانا اتوسله وابكي: اناااا..خا...خااااااااااااااااايفه..اااااه...
ومسكت يدينه بقوة احاول اهدي نفسي وانا اتنافض الم وذعر وخوف..
لاحظت ان وافي مرعوب..وفي عيونه لمعة غريبة..مسح دموعي باصابعه الطويلة السمرا..ولاحظت انه يدور شي في جيبه..وطلع منديل..واخذ يمسح الدم اللي بوجهي..وبرقبتي..
جلس لحظات يطالعني...لاحظت ان في عيونه تردد..كأنه يبي يسوي شي لكنه خايف..ارتعشت شفايفي اكثر..وصرخت بقوة..وانا اشوف بوبي..يرمي نفسه خارج الشباك..تعلقت بوافي بقوة..وانا اصيح ولا افكر باي شي ثاني..غير اني خااااااايفه ...حيل...



كنت لحظات رهيبه..لا يمكن قلمي يوصفها..لو اننا في فيلم سينمائي..كان شفتوني البطلة القوية الغير مرعوبة..اللي بتدور سكين او قطعة خشب او مسدس عشان تذبح هالمتوحش...لكن الحقيقة دايم غير...


رفعت راسي فجأة..ولاحظت سلطان كان واقف عند الشباك..لاحظت بعيونه صدمة وهو يشوفني متعلقة بوافي..نظرة سلطان..نظرته.. الالـــــــــــــــم بعيونه..الطعون اللي في قلبه.. الدمعه اللي ترقرت بعينه...رجعتني للواقع..بعدت عن وافي بسرعه وكأن أفعى لدغتني.. انتبه لي وافي.. فر راسه يطالع مكان نظرتي...انتبه لسلطان..فلاحظت انه وقف..وصرخ بسلطان...بقوة : تعاااااااال تحت.." وراح بعد عني وركض عشان يجيب شي... رفعت راسي لسلطان..لقيته اختفى وشفت عفرا وعمتي نورا مفجوعات والرعب مبيض وجيههم..وكأنهم شايفات اشباح..
طالعت ببوبي...برعب..اخيرا تحرر من الاشواك والورد..صرررخت برعب...و نسيت كل شي يتعلق بسلطان وانا اتراجع وراي ويديني تالمني بسبب القزاز اللي فيها...
رجع بوبي وهجم علي من جديد..غطيت وجهي وتكورت على نفسي..وانا عارفة انها النهاية...
بس..
طاااخ...طاااخ...
صوت الرصاص دوى وهو يخترق صدر بوبي..اللي كان فوقي قاعد يعضني بشراسه... ويسحب يديني من فوق راسي..
حسيت بالدم الحار على جسمي ويديني....بعدته عني وانا اصرخ بقرف..وبخوف..تلمست جسمي بجنون..وكأني اتاكد إذا فقدت جزء مني او لا..
رفعت راسي للي اطلق النار..كان وافي...: انت بخير؟؟..."
سؤال سخيف مو؟؟..لكن تصدقون ان قلبي دق بقوة لهالسؤال السخيف... وحسيت بالخجل من تصرفاتي الطفولية فصديت عنه بعنف..وانا ارتعش..واحاول ابعد عن بوبي اللي قاعد ينزف...بقوة..ويحرك جسمه بالم...
سمعت اصوات ركض البنات وصراخهم..وهم يجون يضموني بقوة...وكل وحده تطمن علي بطريقتها...شفت روعه..تضم بوبي بقوة..وتصيح بحرارة عليه..ضميت عفرا بقوة..وقعدت ارتعش وانا احس بدوخه قوية..شفت سلطان يطالعني من بعيد..فضميت عفرا بقوة..وحاولت اني اخبي وجهي عنه..جسمي كان كله طالع..انتبهت عفرا لحركتي..فاشرت لسلطان انه يبعد...
جا عمي..وقال وهو يوقف قريب وينادي...: جورج...جهز سيااااااااارة.."
قالت عمتي نورا وهي تطالع بعمي: بروح معكم؟؟؟..."
صرخ عمي بروعه اللي قاعده تبوس بوبي اللي لسه مالفظ روحه: اترررررركيه...
هزت راسها بحزن: يتألـــــــــــــــــــــم يا عمي..( وضمت الكلب اقوى)..
جا عمي سحبها بقوة وقال وهو معصب: يا غبيه هذا مسعووووور...
قالت سماح وهي تبعد شعري عن وجهي وتمسك يدي: لا ياعمي...بوبي مو مسعور..بوبي ياخذ تطعيمه كل سنة عن السعار..
جات ميران اخيرا... على صراخنا....كانت لابسه برمودا عنابي ضيق..وقميص اخضر انيق..ومتمكيجة ومرتبة شعرها...ولاحظت الصدمه بوجهها..وهي تطالعني وتطالع الكلب..وصررخت وهي تشوف الكلب يئن..: بوووووووووبي..
وراحت ضمته بقوووووووة واخذت تصيح بحرارة...: مين اللي ذبحه؟؟...مييييين؟؟؟..
طالعتها عفرا بحقد..وضمتني اقوى...: كيف تحسين؟؟...
مارديت عليها...لأني غمضت عيوني..صرخ عمي فيني..: لا تنااامين...
وحط يدينه تحت رقبتي..والثانية تحت ركبي وشالني..
لحقته عفرا وصرخت: بجي معاك..."
سماح: وانااااا بعد....



في المستشفى


دخل فيني عمي مبنى الطوارىء في مستشفى(.......) وكان يركض بسرعه...بينما راح سلطان عشان يسجل اسمي..ويدفع تكاليف الكشوفات المبدئية....وسماح وعفرا لاحظت انهم محتارين يجون وراي ولا يجلسون يم سلطان...


اول ما شافتني الممرضة والدم ينزل من جسمي من كل مكان...صرخت بالممرضات الثانيات عشان يجيبون سرير..ولاحظت كيف دخول عمي اثار فيهم الرعب..خصوصا ثوبه اللي امتلى دم..وحتى وجهه بسبب ايديني..انا ما انكر..انه لو ان ابوي..ماكان سوى اكثر من كذا...كنت اسمع دقاقت قلبه المرتعبه..وصوته المهتز وهو يوجه الاوامر ويصارخ بالموظفين والدكاتره عشان يجون ويشوفون حالتي... وصرخ بالممرضة..: اعتقد الكلب مسعور...لازم تعطونها الحقن المضاده..." طالعت فيه الممرضة الفليبينه وراحت تركض بسرعه عشان ترسل وحده تآخذ تحليل لدمي..


كنت خلال هالاحداث احاول اتماسك..لكن الالم كان يقتلني بكل ثانية...واستغربت كيف اني ما حسيت بالالم خلال ذيك اللحظات..بينما هالحين احس كأن الموت قاعد يحوم حول راسي...
حطني عمي على سرير ابيض نظيف...وشفت الممرضات مفجوعات وهم يطالعوني...وجا واحد من الدكاتره بسرعه...شكله خليجي...يمكن سعودي...او قطري..ما ادري....والممرضة قاعد تسحب سريري مدري وين...



قال لوحده من الممرضات ولعمي: خذي منه الحاله.."
بعدين كمل بصرامه وهو يطالع بعمي:الله يعافيك وقف هني..مانقدر ندخلك"
وسحبوني لداخل غرفة زرقاء كئيبه.. كلها ريحة كلور..سببت لي الغثيان..لاحظت بطرف عيني..المقصات والسكاكين..فصرخت فيهم...وانا ارتجف...: لااااااااااااااااااااا"
انا اخاف...اخاف من العمليات...مسكوني ثنين من الممرضين وواحد من الدكاتره عشان يثبتوني..حاولت اقاومهم وانا مرعوووبة..انا ما احتاج عملية..ما احتااااااااااااااااج".....
...سمعت الطبيب يصرخ في واحد من الممرضين..عشان يطلب لي تحليل دم بسرعه...وقاموا ثنتين من الممرضات..يقصون لي ملابسي والعباية..لأنهم مايقدرون يفصخونها لي وانا بهاذي الحالة...
حسيت بابرة قوية مرة..تنغرز فيني...ولاحظت ان الممرضين بعدوا عني..وتشوشت الرؤية قدام عيني..وحاولت اقاوم المخدر..وانا اشوف الدكتور يلبس ملابس العملية..لالالا..إلا العملية الله يخليكم...إلا هي...!!!





الساعه 3:00م



ابتسمت بتعب وانا احس بالضوء الدافي لاشعة الشمس على وجهي..فتحت عيوني ببطء...الشمس ... آآآآآآآآآآه يا حلو دفاها...خصوصا مع هوى المكيفات اللي يهد البدن...لفيت البطانية اكثر على جسمي..
تطلعت بتعب بالمكان من حولي وانا مقطبة حواجبي..آآآه...المستشفى.. طالعت بيديني وبرجولي وبكل جزء من جسمي ملفوف بشاش..طالعه كأني مومياء مصرية قديمة..هههههه...تنهدت وانا ارتجف على ذكر ذاك الكلب الشرس المجنون..


حسيت بجفاف بحلقي..ابي ماء...تمنيت وحده من الممرضات تدخل علي...لكن مرت دقايق بدون محد يشرف..قررت اني انا تصرف بنفسي واطلع اجيب لي كاس ماء..

شلت البطانية عن جسمي..وتحركت ببطء..ووقفت مترنحة..ايييي...كأن لي ايام ما مشيت...جلست من جديد على السرير مو قادرة اتحرك..او امشي..صرخت بيأس وبصوت خافت..معقولة صار المستشفى شقيق ايامي..لازم بين كل محطه ومحطه في حياتي اوقف هنا..في هالغرفة البيضاء الكئيبة..اللي تملاها ريحة الكلور القوي...ووجيه الممرضات الغاضبات من كل شيء ولا شيء...


مضت ثواني..وسمعت الباب يفتح...وكانت ممرضة فليبينه قصيرة ونحيفه...ووراها وحده مصرية..طويلة ومليانه...كانوا مبتسمات...
الفليبينة وهي شايلة باقة ورد احمر عملاقة: Good morning...Miss
المصرية وهي تأشر للفليبينة: There...In the crystal vase...
راحت الفليبينة ووقفت قريب من الفازة الكريستال واخذت تطلع منها ورد مجفف ما انتبهت لوجوده..واخذت تشيل الاكياس من حول بوكيه الورد..وترصهم حبة..حبة...في الفازة الانيقة...
قالت المصرية وهي تبتسم: يا ست ملكه...انت لازم ترتاحي..."
: ليش؟؟...آآه..اقصد..الورد؟؟" ورفعت حاجبي لها بنبرة متسائلة...
ابتسمت وهي تشيل رجولي وتساعدني اتمدد من جديد..بس اتسوي لي المخدات عشان اتسند عليهم..
قالت وهي تضحك مبسوطة: ده راجل جميل خالص...ده مارتحش يا ست ملكه..طول وئته( وقته) وهو يدور وينطط عاوز يشوفك...وانا سمحتلو يدخل كزا مرة...
وكملت وهي تغمز: ده انت محزوزة ( محظوظة) يا ست ملكه....ده جوزي ( زوجي) مافكرش يتطمن عليا( علي) من ست شهور..
عضيت على شفايفي..مساعد..آآآه يا مساعد..ليش تسوي كذا؟؟..انت قاعد تذبحني بالحيا؟؟..مالك نصيب عندي..ولا لي حظ معك..ليش قاعد تذر الملح على الجروح اللي احاول اتجاهلها من عرفتك!!...ليش تزيد ذنوبك..وتعصي ربك؟؟...ليش تحملني فوق طاقتي؟؟..
امتلت عيوني دموع....وانسابت براحه فوق خدي....
الممرضة المصرية: ايه ده؟؟....لالالا..ياست ملكه..دنا حزعل كده... ماخلاص..ليه الدموع؟؟؟..
سفهتها ومارديت وقاعدت اشاهق..وانتفض..وضميت المخده بقوة...
قالت الممرضة الفليبينة:she has 2 sleep...
هزت لها المصرية راسها باسى..وقامت تربت على شعري الطويل بحنان...حنان مفتقدته من زمان..ضميتها بقوة..وقعدت ابكي بحرارة اكثر وصوتي يعلى اكثر واكثر..
وبعدها بلحظات دخل الدكتور علي..ومعاه ابرة..وسحبوني من حظن الممرضة المصرية وثبتوني على السرير واعطوني حقنة منومة..





كنت اسمعهم...اسمع كلامهم بس مو قادرة ارد عليهم..مو قادرة افتح عيوني...بس حوارهم وصلني واضح...وااضح لدرجة اني كرهت اسمعه...
عمي سعود وصوته حزين: هذا هو الحل الوحيد....مانقدر نسوي شي ثاني...
عمتي نورا وهي تبكي وصوتها قريب مني: انت تقضى عليها يا سعود..تقضى عليها...عارف ايش يعني مريضة نفسية...عارف ايش يعني هالشي يتسجل بملفها..معناة انها عمرها ماراح تقدر تمارس حياتها بشكل طبيعي...
واخذت تبكي بحرارة..
قال عمي سعود وصوت خطواتها وهو يقرب مني وصوته يعلى ويعلى: انت عارفة ان الدكتور وراني...صور فضيعه لجسمها...
صرخت عمتي نورا: يمكن من الكلـــــــــــب؟؟؟؟؟
عمي سعود وصوته يهتز: ياليــــــــــــــــت....ياليت..يا نورا...لكن لالالا...هاذي صور تعذيب..هاذي صور تثبت انها كانت تمارس هالشي على نفسها بزياده...تخيلي حتى اعقا السجاير كانت تطفيها بظهرها وببطنها...
عمتي نورا وهي تحاول انها تتماسك: هاذي يتيمة يا سعوود...مين راح يعتني فيها غيرنا؟؟....كيف نرميها للسجن النفسي؟؟...كيــــــــــــــف؟؟...ما تخاف ربك.....؟؟...ما تذكر الآية اللي تقول" فأما اليتيم فلا تقهر"
عمي سعود بعصبية: شسوي؟؟...شسوي؟؟..تبينها تموت في بيتنا..تموووت..بكره احنا اللي بنكون مسؤولين يا نورا عنها قدام رب العالمين..
عمتي نورا وهي تتكلم بيأس وصوتها راح من كثر الصياح: عااارفة..لكن مو المستشفى النفسي.. مو المستشفى...
حاولت اتكلم..افتح فمي..اعترض...لكن لا...ماقدرت..حتى اني احرك شفايفي..او اصرخ فيهم واقول...تبون ترموني هناك...عند المجانين..انا مو مجنونة..انا سليمة..انا معافاة...اتحدى اكبر راس فيكم يكون عقله مثل عقلي..لكن..المنوم والمخدر اللي بجسمي كان اقوى مني..






عفرا تكلم سلطان بغضب: حرااام..عليك انك تدخل هني وتشوفها..اهي ميب محرم لك..
صرخ سلطان فيها: حراااام عليك انت...ملكه...راح تفارقنا للابد..راح تروح ولا راح اقدر اسمع صوتها..او اسولف معها..او حتى امتع عيوني بشوفة عيونها...
عفرا وصوتها يهتز: انا عارفة يا سلطان...حاولت اتدخل كثير..لكن ولاحياة لمن تنادي....
سلطان وهو يصرخ بيأس: بس اهي ما تستاهل...حتى لو كانت مجنونة..انا راضي اني آخذها.. راضي فيها مثل ماتكون...بس ابووووي...( وكمل وهو معصب) اي عم هذا؟؟...اي عم هذا اللي يرمي بنت اخوه الوحيده اللي باقية من ريحة اهله بالنار..ويقول انا قاعد اعالجها...
بكت عفرا بحرارة: آآآآآآآآه....ماراح اقدر اتزوج...وملكه ميب معي..ماراح اقدر ارجع لحياتي وملكه بعيده عني..
تحركت بيأس على سريري وفتحت عيوني..كنت بناديهم لكني شفت..سلطان وهو يضم عفرا ويسحبها لبراا...لا تروحون الله يخليكم...قلتها فقلبي لكن ماقدرت اصرخ فيها!!!




قمت من النوم...والشمس على وشك تغرب..حسيت بجمسي متكسر...وشفت الممرضة تزين لي الفازة حقت الورد بورد جديد....التفتت علي يوم سمعت صوتي المبحوح..وقالت بفرح: I'll tell the Doc.
وراحت تركض قبل لا اطلب منها كاسة ماء...
رجع الدكتور بعد لحظات..وابتسم لي..فرديت له الابتسامة وقلت بصراحه: ماء..ابي كاسة ماء..
قال وهو يأشر للمرضات: طبعا..وليش لا...Give her a glass of water
قلت للدكتور مباشرة وبدون لف ودوران: دكتور...انا شفيني؟؟...ليش مقعديني هنا؟؟..
طالع الدكتور فيني..من خلال نظراته الطبية..حسيت بالرعب من نظراته الغريبة...
قال مستغرب: ماتتزكريء شيء؟؟...
قلت له: إلا..قصدك بوبي؟؟..
الدكتور: بوبي؟؟...
: قصدي الكلب..الكلب المسعور الللي هجم علي...
الدكتور وهو يحط يدينه داخل جيوبه: آآآه.....بس الكلب مش مسعور..ده متوحش...يعني اكلو حاجه نية واتوحش...
قطبت حواجبي بحزن: مات؟؟..
تنهد الدكتور: للاسف ايوا...ئتلوه..وحتى لمن اخدوه البيطري..قتلو قتل رحيم...لأنه حيضل كده foreverعلى حد علمي..
هزيت راسي...
الدكتور بشك: بس انتي مش جالسه هنا...عشان الكلب...
رفعت راسي وكأني تذكرت شي: ايه...انا مو مجنونة...
الدكتور وهو يمشي خطوتين بعيد عني: بس انت مريضة..ومحتاجه علاج...
: انا فعلا يا دكتور..ما اعرف شلون هالاثار جت بجسمي؟؟...ولا كنت احس فيها إلا إذا قمت من النوم..
قطب الدكتور حواجبي وقال باسف: يبدوا لي ان الحاله متقدمه جدا...
ضميت نفسي: عمي...حيوديني هناك..عند المجانين...
قرب الدكتور مني وحط ايده على كتفي: ده الحل المسالي( المثالي) يا ملكه..سدئيني( صدقيني) كل مرض وليه علاج.. وانت مردك( مرضك) منتشر جدا في امريكا..يعني حتتعالجي بفترة قياسية...
فركت جبيني بحزن: بس..مافيه علاج ثاني؟؟؟...
طالع فيني الكتور وقال بصراحه: لو جيتي من الاول...وماخبيتيش..كان ممكن نساعدك هنا بالامارات..بس دلوئتي مالكيش إلا U.S
وطالع بساعته وكمل: على العموم..حتجلسي يومين..هنا..لحد ما نتاكد من شفائك بالكامل..وحنسفرك لأمريكا...
وراح...طالعت باظافري...خلاص يا ملكه.. قرروا عنك وخلصوا..يعني ماله داعي الدموع.. وتعب القلب...بعدين انت لازم تشفين وتتعالجين..لأنك يمكن بيوم تنتحري...وانت ماتبين تنتهين بالنار...انت تبين تدخلين الجنة بعد كل هالكفاح على وجه الارض.. وعمي اكيد ماختارلي إلا الانسب من وجهة نظره وانا اثق ببعد نظره..





حسيت بايد حنونة صغيرة..تبوس ايدي...
ريما بنعومة صوتها الحلو: ملوكه..انا احبج..وماراح انساج...يبتلك علوستي...(باربي) عسب تسليك لالحتي بعيد عنا...
فتحت عيوني وابتسمت لريما وضميتها بقوة..وقامت تبكي رغم ان عقلها الصغير ماقدر يفهم الامور او يحللها لكنها بكت...بكت بصدق وباحاسيس متدفقة...
قلتلها وانا ابتسم بتعب: ريمااا..لا تبكين...بعدين تنتفخ شفايفك وتصيرين وععععع..
قالت وهي تمسح دموعها:ليس بتلوحين؟؟...انا احبج..
داعبت شعرها الناعم: وانا احبك بعد...بس لازم اروح...
اعطتني عروستها وكيس صغير وقالت: هاذي علوستي..وفساتينها....خليها معج..عشان تحميج مثل ماكانت تحرسني..
هزيت لها راسي وضميت العروسة بقوة...
سمعت صوت الباب ينفتح..ودخلت علي سماح..
كانت واقفة بعيد..تطالعني وبعيونها لمعة غريبة..لا تكون الشفقة؟؟...
قلت لها: حيا الله سماح..اقلطي...المكان مكانك...
دخلت سماح اللي كانت لابسه بس عبايتها ومخلية شعرها منسدل مثل ماهو بحرية..جلست قريب مني..وقالت لريما: ريما عيوني..روحي جيبي لي عصير من البراده اللي بالسيب...
هزت ريما راسها وهي تاخذ فلوس من سماح وتركض برا..
مسكت سماح ايدي بقوة وقالت بجدية ماتعودتها منها: طالبي بحقك...لا تستكتين..لا تخلينهم يصلخونك وانت حية..
قلت لها وانا ابتسم: سماح....سمعت مخططاتهم كلها..حتى لو توسلت ماراح يفيد شي..هم مخططين وخالصين..حتى انهم كلموا شهار بالطايف..وكانوا..ناووين يرسلوني هناك...بس..
قالت وهي تمتلي عيونها دموع وكأنها تحسبني ما ادري: اهم بيرسلونك لامريكا يا ملكه..لبلاد الغربة...راح تشوفين الموت هناك...الموت..
كملت سماح واهي تماسك وترفع اطراف عبايتها لحظنها: انا وعفرا سووينا اضراب خلال الاسبوع اللي فات حرمنا انفسنا من الاكل..ومن الطلعه..ومن كل شي....لكن ..كأنك يابو زيد ماغزيت..ولا فاد فعمك شي..
كملت واهي تطالع باظافرها: حتى ميران اعترضت معنا...
قلت وانا مستغربة: ميرااان؟؟..اعترضت..ليش؟؟...
سماح واهي تهز كتوفها: لأن اختي مهما كانت شريرة بنظرك..فجواتها قلب مايعرف الشر...لكنها تحب تقلد الناس اللي تحبهم...صدقيني ميران غير بدرية...والله غير...
حبيت اغير الموضوع: ووين روعه؟؟؟..
سماح واهي ترجع دموعها: ماتبي تشوفك ضعيفة...ماتبي تشوفك للمرررة الاخييييرة..آآآآآآآآه...
مسكت ايد سماح بقوة وقلت بتفاؤل: سماح لا تبكين...يمكن فيها خيرة..انا صليت الاستخارة امس بالليل...واحس اني مرتاحه للعلاج..انا فعلا مريضة ومحتاجه للعلاج...تصوري بكرة لو تزوجت وانا كذا..وش ممكن اسوي لزوجي؟؟..او لعيالي؟؟..او لنفسي وانا حامل؟؟..
سماح وهي تصرخ: لا تخلينهم يقنعونك بكذا....
: اقنعوا او ما اقنعوا...هذا هو الصدق..يا سماح..انا مريضة نفسيا..واحاول اثبت وجودي بهالطريقة...انا راضية اني اتعالج..وراح ارجع باذن الله...
سماح وهي تبكي وتغمض عيونها بقوة: يزيد..مرة مريييض..يزيد يحبك يا ملكه..يحبك..!!
ابتسمت لها وانا متفاجئة: على كثر اللي يحبوني....مافيهم واحد قدر ينقذني من مصيري يا سماح.. خلي اخوك يدور على بنت تحبه وتسعده..بنت قوية..اقوى من انها تاذي نفسها عشان تثبت ذاتها..
وكملت بصدق: وسلطان...سلطان يا سماح..لازم ينساني...لااااااازم...
سماح واهي تمسح دموعها: شلون بينساك يا ملكه؟؟...سلطان تارك البيت له يومين..يقول انه ماهو قادر يدخله...يقول ان صوتك بكل مكان يرن حوله...ووافي راح...سافر..اتوقع اهو بعد متاثر...
كنت بضحك ..وافي متاثر...ياحليلك يا سماح...
: تحبينه؟؟...
طالعتني سماح مصدومة..وقالت بصدق:مين؟؟..سلطان...
هزيت راسي لها بمعني ايه..
لاااا...ما احبه يا ملكه...سلطان اخ بالنسبة لي وبعدها صديق....اللي تحب سلطان اهي ميران..بس للصراحه حتى ميران ماراح تقدر تخليه ينساك..
سكت ولا قدرت اقول كلمة....ضمتني سماح بقوة ووقفت يوم دخلت ريما وهي ماسكة علبة عصير برتقال...
ريما وهي تلهث:يبته لك..( وناولته سماح)
التفتت علي سماح وقالت وهي تبوسني على راسي: استودعك الله الذي لا تضيع ودائعه..
ضمتني ريما بقوة..ولا تركتني...فحاولت سماح انها تسحبها..لكنها صرخت تبكي بصوت مرتفع...: آآآآآآآآآآآآآآآآآآآآآع....آآآآآآآآآآآآآآآآآآآآآآآآ آع...
حاولت سماح انها تسحبها فاشرت لها انها تخليها علي..
مسحت على راس ريما اللي كانت ضامتني بقوة..ومتلعقة برقبتي: ريماااا..وش قلنا؟؟..
ريما وهي تشاهق وتضمني اقوى: مابي الوح عنج....مااابي...
دمعت عيوني وعضيت على شفايفي المرتجفة: ريما حبيبتي..لاتزعليني منك...
هزت ريما راسها بقوة وهي تدفنه بصدري: مااابي...ماااااابي...خليهم يلوحون ويتلوكني معج...
ضميتها بقوة مرة واشرت لسماح تسحبها..
اسحبتها سماح بقوة..وريما ترافس وتبكي وتمد ايدها لي...ضميت نفسي بقوة..وانا اشوف سماح قدرت اخيرا على ريما وشالتها لبرا..وسمعت صوت صراخ ريما وهم يبعدون عن غرفتي... سكرت اذاني بقوة..وضميت مخدتي وانا ارتجف وادفن نفسي بقوة واحاول اني ما افكر ببعد بكرة...
اليوم هو اليوم الاخير لي بالمستشفى...واليوم الأخير ل بالامارات كلها..وبالوطن العربي كله من المحيط للخليج....
فكرت بيأس وانا اطل من الشباك...ياااه صعبة افارق وطني الثاني...مو كافي فارقت السعودية...ارجع واعود وافارق امارات الخير....
مديت ايدي خارج الشباك وكأني بلمس الهواء..عشان اتذكر ملمسه وريحته ونسماته الدافية..
تنفست بعمق واخذت اكبر كم من الهوا داخل صدري...وزفرت ببطء...وعيوني مليانه دموع... لا مابي اخر يوم لي في بيت عمي يكون يوم مأساوي..راح اضحك واسولف وبنشر البهجة في البيت..عشان يتذكروني بالخير...

[COLOR="Blue"]قاطعت افكاري دقة على الباب..وشفت عفرا وهي تدخل ببطء..ابتسمت لي ابتسامة واسعه وهي تشوفني واقفة...وجات جري وضمتني..." الحمدالله على السلامة يالغالية...بينور البيت برجعتج..."
: الله يخليك...من ذوقك عفاري..
عفرا وهي تنتهد: اممم..لا ذوق ولا غيره...قوليلي..تبيني اسعادج ولا تقدرين تلبسين بروحج؟"
قلت وانا اضحك: وش دعوة؟؟..مو معاقة انا..اقدر البس بروحي..
تنهدت عفاري وهي تعطيني الكيسة: جبتلج ملابس اي كلام...لأني صحيت متاخرة من النوم.. وما امداني اروق واختارلج على رواق يا قميل( جميل بالمصري)..
: هههههههههههه....مو لازم..موب رايحه لحفل..برجع البيت..يله...عطيني مقفاك طال عمرك.. ابي البس..
عفاري: هههههههه....طيب...ناديني إذا خلصتي..
وطلعت.شفت عبايتها تتطاير مع نسمة الهواء القوية اللي جات فجأة..
سكرت الباب وراها..
والتفت انا للكيس..طلعت منه الملابس اللي هي عبارة عن بنطلون جينز كحلي وتي شيرت ابيض نعوم...
لبستهم بصعوبة...لأن كل جزء بجسمي يالمني موووووت...وبعد ماخلصت من هالتجربة الفضيعه..ناديت على عفرا..
: عفاااااااري...تعالي...
انتظرت ثواني ودخلت عفاري...وكانت عيونها مدمعة...
عفاري وهي تاخذ نفس عميق: شلون راح ان

الفصل الخامس عشر



تالمني ذكرى ذيك الايام...ذكرى المهانة والذل والتحرش!!...نظرات الشفقة في وجوه الأطباء ونظرات الخوف في وجوه الممرضات...والنظرات البلهاء الصرفه في وجوه المرضى..او بالاصح المجانين..





عوملت ببشاعه...مسكوني..وكتفوني..وحلقوا شعري على الصفر..بعد ما شافوا آثار الضرب بجسمي وقروا التحليلات اللي ارسلها الاطباء من الامارات..



احتاروا في البداية..واختلفوا الاطباء يحطوني بغرفة انفرادية؟؟..ام يحطوني مع المرضى الثانيين؟؟...وبعد مجادلات عديدة..اقتنعوا ان العلاج الامثل هو انهم يخلوني مع المرضى لفترة..عشان يشوفون سلوكي..ويقررون بناء عليه إذا احتجت الحبس الانفرادي..( مثل ماسميته) او لا؟؟....


بعد ثلاث ايام....

: I like u're hair...
طالعت ب لورا اللي كانت تبتسم لي ببلاهة...مارديت عليها...يعجبها شعري...هههههههه .. ليش هو في شعر اساسا؟؟...مسكينة لورا...جنونها مستفحل...ولا اتوقع ان في امل بعلاجه...تشوف اشياء مانشوفها..تخاطب ناس احنا مانخاطبهم...تتخيل اشياء مرعبة وفظيعه...وبالليل تقعد بالساعات تصيح..واهي بالغرفة اللي جنبي...
قمت من مكاني..ومشيت ببطء في الحديقة الواسعه..طبعا هاذي فترة الاستراحه او الفسحة مثل ماسميتها..يطلعونا نتمشى ونشم هوا...وبعدها يرجعونا لغرفنا..والبعض الآخر يجلس على الكرسي الكهربائي..والبعض الآخر يحبس في غرفة صغيرة مرة..وكلن على حسب حالته..






طالعت ب هيلين اللي كانت تقص اوراق اشكال والوان...كراتين صغيرة وكبيرة..اورق كتب..اغلفة مجلات... وتحطها فوق بعضها البعض وتراكمها جنبها..رحت لها..
: Hi Helen
هيلين وهي تاشرلي اجلس: Come..and have a seat... we have to finish before6:00pm
الترجمة: تعالي..واجلسي..لازم نخلص قبل الساعه 6 مساء..
:O.K...Give me one of these papers
واخذت اساعد هيلين بشغلها..كنا نقص الاوراق..ونكتب عليها مواصفات ولدها جوي..اللي عمره خمس سنين واهي قتلته بنفسها..لأنها حسبته الشيطان متلبس في صورة ولدها.. ..هيلين مصابه بانفصام شخصية..بعد ما اقتلت جوي..واخفت جثته ببراعة..خيل لها عقلها..انه ضاع منها... وراحت لمركز الشرطة وعملت بلاغ...ومن ذيك اللحظة وهي تكتب مواصفاته وتوزعها على الناس...وطبعا بعد التحقيق والتحري...وبعد ما اكتشف الاطباء والشرطة..انها هي اللي قتلته.. امرت المحكمة انها توضع في هذا المصح...



طبعا هيلين...تصير شرسة جدا لو في احد حاول يقولها انها هي اللي قتلت ولدها....تجن.. وتحاول تقتل هالشخص..عشان تتاكد من ان اي احد مايدري عن اللي هي سوته...
يمكن تستغربون كيف اجلس معها...لكن عادي..انا بالنسبة للجميع مثلها...طبعا فيه مجانين خطرين مرة..لكن هاذولي ما نشوفهم نهائيا...ولا يطلعونهم بالمرة..حتى ان بعضهم من سنين ماشاف النور..



شفت وحده شعرها ذهبي طويل شوي..وعيونها ملونة تقرب مني..
:Hi....u're the saudi girl...are'nt u?
الترجمة: انت البنت السعودية؟؟
هزيت راسي لها: Yes...what do u want of me?
الترجمه: ايه...وش تبين فيني؟؟
ابتسمت وهي تجلس جنبي وقالت بالعربي المكسر: انا فلستينية الاصل..لكن..مارهت لفلستين من ئبل!!..
ارتحت لمن عرفت انو في احد عربي بهالمكان: والله؟؟..I'm so happy...ماتوقعت ان في احد عربيHere
ضحكت: مين ئالك؟؟..فيه كتير بنات ئرب هينا..
رديت: والله؟؟..I didn't see theme before...طيب..What is u're name??
ردت وهي تطالع بعيد: Nores...
قلت وانا اكتب على الورق: نورس؟؟...pretty name..بس غريب وغير مالوف...my name is Malaka...
حكت شعرها: آآآه...ملكه..nice.....
وقمنا ندردش شوي...بالعربي...واخذت احكيلها عن السعودية..وانطلقت اتذكر ابوي بحرارة...
اول ما ذكرت اسم ابوي..لاحظت انها سرحت وبدت ترتعش..وعيونها تلمع بقوة..وبدون ما انتبه لاحظت ان دموعها بدت تنزل..واخذت تحك جسمها بصورة جنونية...وقفت كلامي..و
قلت بقلق: نورس..what is wrong with ya??
نورس: آآآآآآآآآآآآآآآآه..آآآآآآآآآآآآآآآآآآآه....بدو يزبهني..بدو يزبهني...( بدو يذبحني)..
حاولت اهديها..فصرخت فوجهي..وضربتني بقوة...واخذت تضربني اكثر لمن حاولت امسكها.. تركتها...فهربت بعيييد.. وقاموا بعض الرجال والبنات يلاحقوها ويضربوها بقوة..وهي تصارخ وتحاول انها تبعدهم عنها..ويجرونها بشعرها...حطيت ايدي على فمي وغمضت عيوني ما ابي اشوفها وهي تنضرب بوحشية...



صرخت هيلين بعد لحظات:Thay want 2 kill my baby...
الترجمة: يبغون يذبحون ولدي!!
وتركت اوراقها وبالمقص اخذت تضرب الناس المجتمعين...ضميت نفسي بقوة ودفنت راسي بين ركبي..وقعدت اصيح..ياربي ليمتى بيصير فيني كذا..خلاص..تعبت...تعبت.. مالي إلا ثلاث ايام وشفت اللي ماينشاف..
وكالعاده..جووا رجال الامن والممرضات..رجال الأمن اخذوا يضربون المتجمهرين بقوة على روسهم واكتافهم..والممرضات حاولوا يسعفون المصابين..
هيلين كتفوها بقوة..وسمعتهم يقولون: لغرفتها السابقة..
مسكينة هيلين..راح يردونها لغرفتها الانفرادية..ارتعشت بقوة...وكمان اخذوا كذا واحد من الشرسين وحطوهم بغرف انفرادية...اما نورس البنت الفلسطينية الاميركية..شفتهم يشيلونها وجسمها كله دم...
حاولت اوقف..لكن الخوف من رجال الامن شل حركتي..
بعد خمس دقائق تقريبا...قرب واحد من رجال الامن مني وقال:Hi.....sweety
كان شكله بشع مرة... وفي فمه سيجارة مهملة..وريحته بشعه..وكرشه متدلية من فوق حزام بنطلونه...وفي عيونه نظرة مخيفه خلتني ارتجف غصبا عني..واغمض عيوني بقوة وانا ابكي..واشاهق..مد ايده عشان يحطها على كتفي... ولمس كتفي بقسوة... وحاول انه يجر ملابسي من جهة كتفي....صرخت فيه..وحاولت اهرب منه...لكنه مسكني بقوة...اخذ بايدي بعنف..وقام يسحبني...



رحمة ربي انقذتني لمن جات وحده من الممرضات وصرخت فيه:Stop Tom ...or... I'll tell Mr.Ramsy
الترجمة: توقف...ولا راح اقول لسيد رامزي..
حارس الامن بعصبية:Go 2 the hell....
وسبها بعصبية وبقذارة ... وطالع فيني للحظات...وتفل علي....وبعد عن المكان وهو يتوعد ويهدد..وشفته يروح لاصحابه اللي مثله بالضبط..وهم يطالعون فيني متوعدين....
قالت النيرس بحنان:I'm here...no one can do anything bad 2 u..baby.
الترجمة: انا هنا..محد يقدر يسويلك اي شيء سيء..
:I'm scared
بكيت بقوة..وانا ارتعش..ياربي وش اسوي..إلا شرفي...أنا خااااااااااايفه...




في الغرفة..





تمددت على السرير..وغطيت نفسي بقوة..كان في الغرفة اربع اسرة لمرضى آخرين..طبعا كلهم حريم..احنا مانجتمع مع الرجال إلا في الحديقة...
كلهم معهم نفس المشكلة حقتي..بس انا احس ان بيني وبينهم فرق..هما متوحشات.. ومقطعات انفاسهم بطريقة بشعه..حتى ان في وحده قاطعة اصابعها الصغيرة الاربعة...
سميت بالله..ونسيت كل اللي حولي..اساسا مآخذه حبتين منومتين...يعني كلنا بنوم واحنا موب شايفين الدرب!!!




:I'm fine....thanks...
ابتسمت للدكتور براحة وانا اخلص جلسة الاستماع اليومية...كنت احب اتكلم معه..احس براحه..ابحر واسولف في الماضي..اتذكر ديزني لاند... ميكي ماوس..تويتي..وكل الالعاب الحلوة...
اتذكر ابوي وامي... امي بوجهها الحنون ويدينها الرقيقة....ابوي...بصرامته وحنيته بنفس الوقت...واعتمادهم علي..
مهاوشاتي مع اخواني...اتناقر معهم دوم...اعارضهم دوم... ونسوي ببعض مقالب...ونضحك بالاخير...
اتذكر حياتي في المدرسة الثانوية...شلل الثانوي...رفيقات الثانوي...جهودنا بثالث ثانوي...استاذاتي الحبوبات...نصايحهم لنا...واعجابنا فيهم...بشخصيتهم الصارمة....وكيفية تحكمهم بالفصل...وكيف يخلون اللحظات المملة بغاية المتعة...
بدايات الجامعة..التسوق للجامعة...سارا..والاستاذات الجدد...ولغتنا الانجليزية المكسرة في البداية...وثقتنا بانفسنا الي نتظاهر فيها...
الصراحه كان احلى شي يصير في جلستي في هالمستشفى....هي مع الدكتور رامزي...اللي هو اساسا مؤسس المستشفى...رجال في بداية الاربعينات او اواسطها...تبين على شكله سمات الرحمة والعطف والطيب والتفهم...وكان يخليني اجلس بمكتبه..بعكس معظم المرضى اللي في نفس حالتي...واللي يحطونهم بغرف مغلقه مافيها اي شيء..غير كرسي....ويراقبونهم من خلف القزاز...


بعد اسبوعين....


اخيرا وافقت ادارة المستشفى اني احصل على دفتر وقلم..كانوا مترددين بهالشيء...وانا كنت حاسه اني محتاجته...طلبتهم كثير..وانهرت كثير...لكن..كانوا اقوى من ان دموعي تأثر فيهم...وقالوا اني ممكن استخدم القلم كسلاح لي...او كأداة لقتل نفسي...في اي لحظة..وهم مايبغون يغامرون....
اقترحت على الدكتورة سونيا...واهي دكتورة هندية حبوبة ومتفهمة....ان تراقبني وحده من الممرضات...واني استخدم القلم والدفتر بس نص ساعة يوميا..اعبر فيها عن نفسي... عن يومياتي...عن ذكرياتي..عن الامس والحاظر والمستقبل....وافقت بعد تردد كبير...
وهذاني اليوم جالسة في الحديقة....كمكافأة لي لأني ما شاغبت ابدا خلال الاسبوع اللي فات..
فتحت الدفتر الجينز بشوووق...وكتبت باول صفحة" بسم الله الرحمن الرحيم" اهدي مشاعري مغلفة لمن يستحقها مع جزيل الشكر لاهتمامه بقراءتها!!!!"
فتحت ثاني صفحة...وكتبت تاريخ اليوم والساعه والمكان....وبديت اخط بعض الخواطر المختلطة..


ابحث عن حب كالخنجر..
ابحث عن حب لم يخلق..
كجرح اجفانه لم تطبق..
ابحث عن حب يحملني
ويسافر في البحر الازرق..
ابحث عن حب لا يغرق..ويبحر في الموج كزورق
...ويسافر من دون شراع كقارب بمثله لم يخلق..
ابحث عن حب كالزلزال قوة وجماله كالزنبق..
يقتلع جبالا لا تقلع..
هادىء كنسمة صيف ولو صح التعبير ارق!!!...
ابحث عن حب ياتيني مبتل وسماؤه تشرق..
كليلة صيف شرقية تغتسل في نهر ازرق..
ابحث عن حب إذا جاء تسلل كنسمة صيف..
لايطلب اذن لا يسال.. يتسرب كخيوط الطيف..!!
..ابحث عن حب منتصر وطبوله دائما تطرق..
ابحث عن حب يتسرب كرذاذ الماء..
او قطرات تنزل معتاده في فصل الشتاء...
ابحث عن حب يحملني ويرتحل في البحر الازرق..!!..

بعد ثلاث اسابيع



يا الله اليوم اول ايام رمضان...اول رمضان اقضيه بدون اهلي...اول رمضان اقضيه بدولة غير السعودية...اول رمضان احس فيه بالوحشة والخوف والالم...اول رمضان..و آآآآآآآآآه..ما اصوم فيه..
غرقت عيوني بالدموع...يمكن انا المسلمة الوحيدة بالمكان...الباقيين كلهم مسيح ويهود وملحدين...مين اللي بيحس بمعاناتي؟؟....
لو كلمت ادارة المستشفى بيقتنعون...للاسف لا...ماراح يقتنعون...شلون اقنعهم ان الصوم هذا فريضة علي...يقولون اني مجنونة...لكن انا عاقلة..يمكن تعبانة..مريضة...اعاني من شد اعصاب...لكن مو مجنونة..
لو اني مجنونة...ليش يحرقني قلبي على اني ماراح اصوم...ليش يحرقني قلبي على اني ما اسمع صوت الآذان... ليش يحرقني قلبي وانا اتذكر كل العشر الآوخر اللي من الاعوام اللي فاتت واللي كنا فيها بالحرم... ليش احس بوحشة تمتد وتتوسع وتحتويني بين حناياها؟؟؟....






قلت لنورس اللي كانت واقفة جنبي وانا مفجوعه ومتاثرة حيل: طيب....go 2 DOC. Ramsy...and and tell the hole story
نورس وهي تضم نفسها: راه يئتلني...ماراه يرهمني..( راح يقتلني..ماراح يرحمني)
حطيت ايدي على كتفها: نورس....لازم احد يقولهم..هذا تحرش..واغتصاب..
غرقت عيونها دموع: ما بئدر ئلن...انتي ئوليلن...Plz...u're my best friend
تنهدت وضميتها بقوة...فأخذت تبكي بحرارة....مسكينة نورس..واحد من رجال الامن يغتصبها كل ليلة...وما تقدر تقول لاحد....خايفه حيل...انا بعد خايفه...لأني لاحظت نظراته لي..كل مايشوفني...وخصوصا اني اشتكيت عليه كذا مرة....فحاسه انه بيسويلي مصيبة...
مسحت دموع نورس..وقلت لها: خلاص...ماتشيلي هم..انا راه ائلن.....
ابتسمت لي نورس وبعدت عني..:Thank you very much
تأملت جسمها النحيف وهو يختفي بين المرضى الي يركضون او جالسين بالاركان...او يهربون من بعض..هزيت راسي وانا افكر لمين اقول عن حالة نورس؟؟...



خلصت جلستي مع الدكتور رامزي...وحسيت براحة كبيرة بعد ماعلمته عن رمضان..واهمية رمضان عندنا كملسمين..وانو نفسي اصومه...فوعدني انه راح يفكر بالموضوع..لكن ما اتحمس مرة...بس بيني وبينكم ارتحت كثير..على الاقل بيفكر ما رفض على طول..استغليت انه يتأملني....وهو يضيق عيونه...كأنه عارف وش افكر فيه...
فقلت له بدون مواربة:...I have 2 tell u something
دكتور رامزي:Go ahead
فركت اصابعي ويديني بعصبية:about Nores...
حك جبهته مدة ثواني بعدين قال بصوت عالي:Yah...I know her...
ارتحت شوي...وعطيته موجز مهم لكل المشكلة ....ووقفت بسرعه..وقف معي..وكان مذهول...ولا صدقني...وقال لي ان الكلام اللي اقوله قوي مرة ومحتاج اثبات...فطلبت منه انهم يسوون لها كشوفات...وعلمته اني خايفه منه بعد...واني لاحظت نظراته لي...
صرفني الدكتور...وعرفت ان ذاك الرجال خلاص انتهت وظيفته في هالمستشفى وارتحت كثير....






شكل الغروب قمة ف الجمال....الشمس تذوب وسط الجبال...وتختفي وتودعنا...يا شمس سلميلي عليهم...وعلميهم انهم ببالي....وش صار لاهلي؟؟..وش صار على عفاري وزواجها؟؟؟...وش صار على مساعد؟؟؟!!...وش صار على بدرية والبنات؟؟؟...ريما وحمودي؟؟..انا مرة خايفه...قلبي قابضني حاسه ان في شي مو زين...
حلمت بعفاري حلم ابدا موب زين...شفتها متشحة بالسواد...ووجهها الابيض غرقان دموع...وتطالع فيني وتصرخ بالم...وماسكة فستان عرسها الابيض بين يديها...فستان عرسها الغالي الامع اللي كانت عليه قطرات دم...
ياااااااااااااااربي احمي عفاري....واسعدها وزوجها من جاسر وتمم عليهم فرحتهم...
بعدت عن الشباك...بعد ماسمعت صراخ وبكاء عالي...طلعت من الغرفة اللي انا فيها..ورحت اتتبع الصوت...الصوت الصراخ والبكاء والعويل اللي قاعد يعلى...
شفت رجال الامن متجمعين عند غرفة...ولورا قاعده تأشر بهستيرية وتصارخ... وهيلين ضامة نفسها بقوة...وش فيه؟؟؟...مين اللي بالغرفة؟؟...
ركضت بسرعه ودفعت نفسي بقوة بين النيرسز والمرضى...وطالعت قدامي عشان اشوف وش الشي اللي مخلي الكل مرعوب وخايف؟؟...
كانت نورس!!!....نورس البنت الجميلة الفلسطينية الرقيقة...اللي كل مافيها طفولي.. جسمها ووجهها ابتسامتها....نورس اللي تمثل الصديقة الوفية رغم جنونها.... نورس اللي رحلت بكل بساطه عنا...وتخلت عني وعن البنات الثانيين...نورس اللي كانت شانقة نفسها...وراسها متدلي على رقبتها ومغطي وجهها الفاتن...ورجولها متدلية من فوق الكرسي الطايح على الارض...
عضيت شفتي بقوة...وقعدت اصيح..وضربت نفسي عشان اصحى...الا نورس يارب...ضميتها بقوة...وحاولت اشيل الحبل عنها...لكن خلاص..الموت كان اسرع مني.. الموت اخذها وانهى حياتها...طاحت جثتها على الارض وطحت انا معها..ضربت وجهها بقوة...ومسكت يدها الباردة..مسكوني النيرسز واخذو يسحبوني بقوة لبرا...بس عييت اتحرك... وقعدت اضربهم بقوة عشان يخلوني معها....
شفت بعض الممرضين جووا من بعيد... قعدت اصارخ....مابي...بس لآخر مرة...حرام عليكم..كانت صديقتي....ليش ماتت؟؟؟...ليش انتحرت؟؟...ليش يا نورس لييييييييييش؟؟.. كتفوني بقوة.. اثنين من الممرضين...عريضين طوال....وسحبوني على غرفتي... بدون رحمة....ورموني على السرير..وجات الممرضة وهي معها الابرة وغرزتها بذراعي... وتركتني...











الساعه 6:00ص في عز البرد



يوووووووه التعذيب اليومي...يآخذونا مجموعات..مجموعات...ويدخلونا حمام كبير مرة...مافيه اي شيء..غير خراطيم الموية....يجمعونا جنب بعض..ويقعدون يمررون علينا الموية الباردة القوية من فوق لتحت...مع التركيز على وجيهنا...


سحبتني الممرضة بسرعه...انا واللي معي بالغرفة...وخلونا نفصخ جاكيتاتنا الثقيلة الشتوية...ونجلس بملابسنا الخفيفة....شفت الزمر اللي طالعه من الحمام وهم يرتعشون ووجيههم مزرقة...وشفايفهم مبيضة...حاولت اني اعترض ...اتكلم....لكن ما اهتموا فيني. اخذوني بعنف...وانا حاسه ان اصابعهم قاعده تقطع ذراعي...
ودخلونا الحمام هذا..وقعدت ارتعش بقوة... من وطت رجلي على البلاط المبتل موية... كنا ثمانية....حريم...مسكت عاملة التنظيف..خرطوم الموية او اللي... وفتحتهاعلى اقوى شي..وقامت ترشنا فيه...اخذنا نهرب من الموية..والممرضات يصدونا بقوة...ونطيح على الارض..ونحاول نقوم...فنطيح من جديد..على وجيهنا او ظهورنا..
انا لقيت لي ركن في الحمام فوقفت بجنبه....فأخذوا يركزون علي الموية بقوة...وانا اصارخ بصوت متقطع بسبب البرد اللي حسيت انه قطع جسمي....حطيت ايديني على وجهي...وقعدت اصيح وادعي ربي انه يخفف علي من البرودة اللي احس فيها...او يآخذ روحي...ماعادت عيشة اللي اعيشها هنا.....
وتذكرت شكل نورس يوم ذبحت نفسها...كانت مبتسمة... قعدت ابكي اكثر...ودموعي تحفر مسار لها بخدودي....والله وارتحتي يا نورس..من العذاب اللي كنت تشوفينه هنا.. حالات الانتحار حاولي الست من دخلت هالمستشفى انا ما الومهم..والله ما الومهم...لكن انا؟؟؟...شلون انتحر؟؟..انا عاقلة موب مجنونة....يعني راح ادخل النار...!!!
حسيت بايد ثقيلة وكبيرة تمسكني بقوة وتسحبني وانا كلي موية...فتحت عيوني..فشفت Tom...وقعدت اصارخ عليه...واحاول ابعده عني بقوة...لكنه كان اقوى مني...شفت المرضى كيف يرتجفون ولا هم قادرين يعترضون...اما رجال الأمن الثانيين فيصرفون بأعجاب بشجاعة Tom النادرة....صرخت فيه بقوة....فصفقني بعنف...وطحت على الأرض....
سحبني من شعري واخذ يقومني بالقوة....ويكمل طريقه....حاولت امخشه لكن وجهه كان بعيد عني...فعضيت ايده بقوة..حطيت كل قوتي بهالعضة....فآخذ يصارخ.... ويحاول يسحب ايده من فمي...لكن انا كنت عارفة ان نهايتي راح تكون لو قدر يسحب ايده...حسيت بضرب على ظهري..بالعصا...فتركت ايده...بينما طالع فيني توم وهو يطالع بيده اللي فيها دم وهو مقهور...واخذ يسبني بالفاظ قذرة...والرجال الثاني ماسكني بقوة من يديني...
غمضت عيوني...لأني ما اقدر اسوي اي شيء...اي شيء!!!...

الفصل السادس عشر


فتحت عيوني بتردد....خايفه...مابي اعيش اكثر...مابي اتذكر...ابي اموووت...ابي اندفن وانا حيه...بس انسى كل الاحاسيس المفجعة اللي حسيت فيها....
احاسيس القرف...احاسيس الصدمة...احاسيس المهانة..احاسيس الالم النازف من قلبي... احاسيس التوسل والتمرغ تحت احذية اللي يسوى واللي مايسوى...
عضيت على شفتي بقوة...آآآآآآآآآآآآآآه....صدمة...كل اللي صار صدمة...مثل صورة ضوئية تشوفها...لكن مو قادر تتذكرها بتفاصيلها البشعه الدميمة القذرة....
انتفضت بقوة..وانا اتحرك على البلاط البارد..خلاص كاااافي...والله يا عالم كاااافي.... ما استاهل اني اعيش كذا...استغفر الله العظيم...استغفر الله العظيم....انا ما اقنط من رحمتك ياربي....لكــــــــــــــن.....انا...آآآآآآآآآآآه. ..
وقفت بضعف وانا اتسند على الجدار.....مو قادرة امشي زين...جسمي ضعيف بسبب كثرة الادوية اللي آخذها....
ما اعرف كم يوم لي وانا هنا....بهالغرفة الصغيرة...اللي مساحتها ثلاث بثلاث...تلمست الجدران...وحطيت اذني عليها..وغمضت عيوني بقوة...مابي افتح عيوني...مابي اشوف الواقع المر...مابي امواج حلمي والخيال تتكسر بكل بساطه على صخرة هالواقع القاسي.. مابي امطار حلمي تسير سيول جارفة على طبلة حياتي...
حاولت اصم اذني بقوة...عن الضحكات اللي تتردد حولي....ضحكاتهم....استهزائهم فيني.. ضحكات ذوليك الرجال...اللي ماتهمهم إلا الرغبة...اللي فقدوا مشاعر الانسانية الراقية...وصار حيوانات بدائية مالها هم إلا غريزتها وبس....
لمست راسي بالم..ضرب راسي بالجدار بقوة.. Tom...آلمني...ضربني ثلاث مرات...لين ماحسيت بالدم يسيل على جبيني...حار ودافق....
ما اكتفى بكذا....حاول يقطع ملابسي...لكني تمسكت فيه بقوة... مسكت رقبته بقوة ... مخشته..بطريقة لا ارادية....ومسكوني اصحابه...واخذوا يضربوني برجولهم.. وما اكتفوا بهالشيء...اخذوا يوطون على اطراف اصابعي برجولهم....
وتركوني للحظات...
في هاللحظات...شفت انا الفرج...ايه الفرج...شفت قلم طاح من واحد فيهم....سحبت نفسي له...وخبيته بثنايا اكمامي...
بعد لحظات...طلع توم سيجارة وقام يدخن بشراهة..وهو يمسك رقبته ويطالع فيني بكره..ويتفل علي...وانا مو قادرة اتحرك...قاعده ابكي بس ماحد يسمع صوتي... واللي يسمعون صوتي هم عمال التنظيف وبعض الممرضات وحرس الامن والمرضى اللي مالهم لا حول ولا قوة....
قعدت ادعي ربي بصمت....انا راح اذبحه واذبح نفسي....خلاص...ياربي سامحني... سااامحني...وارحمني من عذاب النار...انا مجرد شخص مجنون ضعيف فقد الاهلية للعيش بوسط هالوحوش...
لازم اصير وحش مثلهم...عشان اقدر اعايشهم...وانا خلاص...طفحت...تعبت.. قررت اصير وحش مثلهم...
قرب مني Tom...فجودت ايدي على القلم..واول ماقرب مني...طعنته بأقوى ماعندي... وانا ادعي ربي من كل قلبي انها تصيبه..لأنها لو ماصابته راح يذبحني بيدينه الثنتين....
الطعنة رغم قوتها...جات على عظم الحرقفة...وكشطت جلده بقوة...لكنها....للاسف.. ماكانت بالقوة الازمة...




الاحد....




النيرس الفلبينية: she didn't eat...
الدكتور الجديد: I see....she is soo thin
النيرس بعطف:She hasn't been talking since monday
الدكتور الجديد:Immmmmm....we have 2 call her parents
النيرس:I think they heat her...
الدكتور: me 2...but i think she needs 2 talk with them..




طالعت فيهم وهو يروحون من قدام الفتحة الصغيرة اللي في الباب... وصدى كلمت الممرضة يتردد في اذني...يكرهووووني!!!....يكرهوووني....!!! طيب..وش سويت انا..عشان يكرهوني....انا عمري ما آذيتهم...انا عمري..ما عاملتهم بطريقة سيئة.. انا احب كل مافيهم....انا احبهم كلهم...حتى بدرية...رغم كل شي سيء فيها...إلا انها بنت عمي قبل اي شيء...صح اني حبيت زوجها...بس القلوب لها طبعها الخاص...وانا مو ذنبي اني جميلة..وان مساعد حب جمالي...
هههههههههههههههه....ضحكت بصوت عالي...جميلة؟؟؟؟...انا ملكة....جميلة؟؟... اضحك على مين...على نفسي..اكيد...
طالعت ببقعة الموية الصغيرة..اللي بحفرة بطرف الغرفة...لأن الارضية مو متساوية..
طالعت بوجهي...شعري طال شوي...احمر مثل ماهو... عيوني فقدت لمعتها...شفايفي جافه متقشرة....بشرتي باهتة..
تأملت ايدي...ايدي اللي كانت بيوم ناعمة...رقيقة...صارت ايد خشنة..بشعة المظهر...
بكيت...تصوروا بكيت...ما تحملت اشوف نفسي اذوي وانهار....انا ماعدت حلوة... ماعدت انثى...فقدت كل شي حلو فيني....انا مجرد هيكل عظمي..مشوه الملامح...
ضربت الموية بقوة بايدي..مابي...مااااااااااااااااااابي...مابي اشوف نفسي...انا اكره نفسي...اكرررررررررررررررره نفسي.....آآآآآآآآآآآآآآآآآآآآآآآآآآآه....اكررررهك يا عمي...اكررررررهك......الله لايسامحك...حسبي الله عليك...حسبي الله عليك يا الظالم...
انفتح الباب علي...ودخلت الممرضة علي وهي ماسكة صحن اكل...صرخت فيها بقوة ورميت الصحن على الارض...وطردتها من الغرفة وقفلت الباب....وجلست وراه عشان ماحد يفتحه....




ايامي تساوت بهالغرفة....كلها مثل بعض..ليلي مثل نهاري...نومتي مثل صحياني... بكائي مثل ضحكي....
غرفة بيضاء...مافيها غير الفراغ...ولا شيء غير الفراغ...فراغ صار له وجود محسوس.. وجود غريب.. ثقيل على القلب والنفس...يكتم على انفاسي...ويبعدني اكثر عن كل ماهو عقلاني...
انام على ارض باردة...واتلحف البرودة....ماني لابسه غير لبس خفيف ناعم...يقولون عشان ما احاول آذي نفسي...عشان كذا ما اعطوني حاجة صوف...لأن الصوف ممكن يكتمني...!!!
في بعض الاحيان...انهار..فاضرب نفسي بقوة بالجدران...فيآخذوني الممرضين... ويلبسوني لبس...كله مربط ببعضه...ويربطوني بكرسي...عشان ما اقدر اتحرك... او آذي حالي...
الدكتور رامزي...رايح برحلة عمل..والمستشفى بحالة فوضى...انسياب ولا مبالاة... الممرضات يتركونا بالايام ما يسئلون علينا....
صرت عايشه على الابر..ابر مهدئة..وابر مغذية... ما اعرف لي كم ما تكلمت...او حتى سمعت صوتي؟؟؟...يمكن شهر...او شهرين...فتررررررة طويلة حيــــــــــــــــــــل.. اطول من عمري كله...اطول من ايامي بهالمكان...طويلة وعريضة...حتى اني احس انها تلتف حول حلقي وتخنقني...




النيرس وهي تبتسم مبسوطة علشاني: Hi....I have good news for u...
مارديت عليها..وتجاهلتها..وعطيتها ظهري...
النيرس وهي تتنفس باحباط:is coming 2 see u...and maybe 2 take u..
your family
رفعت راسي والتفت لها مو مصدقة الخبر اللي اسمعه.....اهلي.جايين يشوفوني ويآخذوني.. شي غريب... اكيد النيرس غلطانة...يمكن غلطت باسم المريض..
قلت لها بغرور وانا اطالع فيها من فوق لتحت وارجع اتمدد:My family...ha??
النيرس وهي تبتسم مبسوطة:u're talkling...yah...your family..are u happy?
قلت وانا ابتسم غصبا علي:Yah...I'm soo happy...thank u Tara
ابتسمت لي اكثر..وطلعت من الغرفة وصكرت الباب زين...
رفعت يديني للسما وقلت بحرارة: الللهم اني اشهد ان لا آله إلا انت..الواحد الأحد..الفرد الصمد...الذي لم يلد ولم يولد..ولم يكن له كفوا احد..اللهم اعدني لدياري....اللهم اعدني لدياري...اللهم اعدني لدياري.."





اليوم عيد بالنسبة لي...جايني عمي...وطلبوا مني اطلع له...لبست بنطلون جينز كحلي..وقميص سماوي....ومشطت شعري ورتبته...
وطلعت وانا حاسه ان شكلي غريب..واني خجلانة من حالي...وشلون بقابل عمي وشكلي حوسة كذا...لكن عاد..موب ايدي..




حطيت يديني على فمي وانا اشوف عفاري قدامي...كانت لابسه بنطلون اسود وتي شيرت اسود...وشكلها متغير مية وثمانين درجة...
لمعت الدموع بعيوني...ووقفت اطالع فيها مو مستوعبة... عفاري...قدامي...بنت عمي.. جاية تزورني...
شهقت بصوت عالي...وعفاري قامت تصيح بمكانها..للحظات...وركضت تضمني بقوة...وانهارت تبكي بحرارة وبصوت عالي متقطع...
وانا نسيت كل الالم اللي عانيته الشهور اللي فاتت....وضميت عفاري بقوة وانا اصيح بنفس الحرارة اللي اهي تصيح فيها...
كانت تقول بصوت مبحوح تعبان: سامحيناااا يا ملكه...سامحينا....مافينا اي رحمة...احنا مجرد حيوانات ما تمتلك اي عاطفة...مجرد قساة...طغاة...ما نحكم قلوبنا ونحس بعقولنا.....
قلت لها وانا ابعد عنها شوي...وامسح خشمي ودموعي: مو مصدقة عيوني...مو مصدقة.. اخيرا زرتيني يا الخاينة...
عفاري وهي تلمس شعري القليل المبعثر وتحط ايدها على فمها: ياااااااااربي...وش صار لك؟؟...ليش نحيفه كذا؟؟..ليش شعرك كذا؟؟...ليش عيونك كذا؟؟....
وبعدت شعرها عن وجهها وهي تطيح على الكرسي اللي بالغرفة...
جلست قريب منها وقلت وانا اتالم لشكلها...: عفاري عيوني...والله نسيت كل الالم اللي احس فيه هنا...يوم عرفت بجيتك....حتى اني تكلمت وانا لي فترة طويلة ما تكلمت فيها...
عفاري وهي تحط يدينها على وجهها وتجهش ببكاء حار: سامحينااااا يا ملكه.... سااااااااامحينا .... والله لو كنت ادري...لو بس..عرررفت.. لو بس..اقدر ارجع الوقت ورا شوي...
ورفعت يدينها عن وجهها وقالت وهي تمسك يديني: انت ماراح تجلسين هني اكثر... انت راح تطلعين...وترجعين لبيتج...ولدنيتج ...ولناسج...
قلت بسعادة: ...والله؟؟؟...يعني اخيرا راح اشوف ريما...اخيرا راح ارجع لكم من جديد.. الله يبشرك بالخير يا عفاري...
وكملت وانا اضحك وابكي بنفس الوقت: عفاري...لك مثل هالبشارة....
عضت عفاري على شفايفها وبكت زيادة ومسكت منديل واخذت تمسح دموعها: ان شاء الله....
طالعت في الغرفة وقلت باستغراب: طيب...مع مين جيتي؟؟...
عفاري وهي توقف: ييت مع وافي..
وافي..... حسيت بقلبي يدخل بين ضلوعي زود...وحسيت ان دمي صار حار فجأة.. وحمرت خدودي...
: بس....شلووون؟؟؟...ما اقدر اطلع معاكم...
هزت عفاري راسها وهي تأشر لحارس الأمن اللي عند الباب: ماحد رضى ييي معي غيره...
وكملت وهي تطلع مع الباب: بخلص الاجراءات وايي آخذج...
طالعت حولي بالمكان...وافـــــــي.... هو اللي بيآخذني للامارات... ما تخيل نفسي اركب معه طيارة وحده...لالالا..مابي اشوفه خير شر...
حطيت ايديني على خدودي... اشتعلت خدودي نااار...كل ما اتذكر آخر ذكرى لي مع وافي.. مدري وش يصير فيني؟؟...اكيد هاذي احاسيس الفشلة مافي غيرها...
هالحين وش اسوي...ما اقدر اطلع بهالشكل...طالعت بحالي في المرآية اللي بغرفة الانتظار..شعري البوي المبعثر..جسمي النحيف...بشرتي الشاحبة...اوووووووف!!
من زيني انا ووجهي افكر بهالاشياء السخيفه..بالبس عبايتي وباحترم حالي...وماراح اطالع بوجهه...هذا اللي ناقص...قال وافي..قال!!




الله.....احساااااااااااس الحررررية....وااااااااو...احساس رائع...مذهل..كله حيوية....
نعمه ماحد يقدرها...غير اللي انحرم منها..مثلي بالضبط...مثل السجين اللي عاش بالسجن اعوام طويلة...وهالحين اهو يتنفس هالحرية بدون اي خوف...




هذاني امشي جنب عفاري...لابسه عبايتي السودا...ومتغطية...ولابسه نظارات كبار مغطية نص وجهي تحت الغطا...امشي وانا قلبي يرقص فرح....ومن كثر فرحته..مالاحظ حزن عفاري المرسوم بكل لمحه بوجهها....المرسوم بنظرات عيونها...المرسوم بثنايا جسمها اللي نحف واختفت معالم انوثته....
شفته...آآآآآآآآآآآآآآه
عيوووووووونه...لا تسألوني اوصف عيووووونه.....
وافي..كان واقف جنب جيب هامر...اسود...لابس بنطلون اسود...وبلوفر زيتي غامق..شعره مبعثر من الرياح... وله لحية خفيفة..توها نامية..وفي وقفته عصبية...وانعدام صبر...
وعند رجله مجموعة من اعقاب السجاير اللي استهلكت على حد توقعي بالساعه اللي فاتت...
لمن شافنا...مشى ناحيتنا...انا وقفت...توقفت كل شعره بجسمي.. ياربي..اكرررهه...بس فيه شي غريب يصير فيني إذا شفته...مشاعر عجيبه... مو حب..ولا انجذاب... حاجه... اكبر من اني افسرها...
آآآآه...تنشقت ريحة عطره...الرجولة...بكل ذرة من ذرات جسمه...
اخذ من عفاري الشنطة...حقتي...ومشى بسرعه راجع للهامر...
فتحلي الباب اللي وراه مباشرة..ترددت شوي...لثواني...لاحظت بعيونه نظرة شرسة.. وكأنه عارف وش قاعده افكر فيه؟؟...ركبت بسرعه..وقفل الباب علي..قعدت اتنافض بالسيارة.. الجو مرة بارد...ورغم ان تدفئة السيارة مشتغله...لكن مع هذا..برودة الجليد غمرتني...
شفت عفرا تركب قدام...ووافي يجلس قدامي بالضبط...
حطيت ايديني لا شعوريا على حلقي..وجوده غريب...فيه هالة حوله...تملا الفراغ بسرعه جنونية...حسيت بكتمة...وتنهدت بصوت حاولت قد ما اقدر اخليه مو مسموع...
قالت عفاري واهي تلتفت على وافي: الجو باااااارد....
وافي: اممم...حيل..
حسيت بنغزة بقلبي...يا الله يا وافي...حسبت اني نسيت صوتك...لكن لا...صوتك لسه اذكره..مازال يحمل الثقة والخشونة والعمق والغرور نفسه... مازال ينسف الشخص اللي قدامه مهما كانت الجملة اللي تقولها...
عفاري وهي تعطيني شال كشميري لونه احمر..: غطي نفسك بهالشال يا ملكه.. راح نروح لفندق قبل لنسافر..لأن رحلتنا بكره...واحنا مآخذين فندق قريب من المطار.. والطريق شوي طويل..
قلت بصوت مرتجف رغم كل محاولاتي لضبط نغمة صوتي:شكررا...اا
وغطيت نفسي بالشال الدافي اللي نشر الدفا بضلوعي وعظامي... غطيت عيوني... وانا احاول اتجاهل دقات قلبي اللي تتراقص مثل راقصه شرقية من الطراز الأول.. وعرقي اللي ينبض بأعلى عنقي..وشوي وينفجر...
حرك وافي الهامر...ومشى ببطء عشان يطلع من حدائق المستشفى...شفت بعض من البنات اللي تعودت اجلس معهم من بعيد في عالمهم الخاص..لورا..وهيلين... وبعض الممرضات الطيبات معي...
تنهدت واحنا اخيرا نجتاز البوابة الحديدية الكبيرة...أخيرا...مابغيت اطلع من هالمكان.. تصدقون اني حتى وانا البس ملابسي..كنت شاكه باللي قاعد يصير...كنت اقول هذا حلم..جميل وبيخلص بعد لحظات...وبقوم وبلقى حالي بين اربع جدران...اسمع صوت المرضى اللي يصعقون كهربائيا..
تأملت الاشجار الضخمة الكبيرة اللي عليها الجليد متجمد...وطالعه كأنها كريستال صافي طبيعي.. وكمان..الطريق اللي تكسوه الثلوج.. مغطيته بغطا ابيض ناصع نقي..لامع .. نظيف ..والحيوانات الشاردة اللي تركض على جنبات الطريق..طالع فيني غزال شارد بعيونه الواسعه الالمعه...تمنيت اخذه...
لاشعوريا قلت بلهفة وفرح: غزال....
وافي بسرعه:يا ليت من يآخذه....
لاحظت انه سكت بطريقة سريعه...وكأنه ندم على انه تكلم...شمخت بخشمي..من هو عشان يتكلم معي؟؟..لا يكون يحسبني وحده من اللي يقربون له...هه..لازم اخليه يحترم نفسه ويعرف اهو جالس يتكلم مع مين؟؟؟
دخل وافي ايده بارتباك بجيب بنطلونه...وقام يدور عن شيء...وبعدها تنهد بارتياح وهو يطلع علبة سجايره اللي تعودت اشوفها معه...ذهبية وعليه رسم فرعون...من S.T.duppont
اشعل وافي سيجارة... واخذ منها شفطة سريعه... وفتح الشباك شوي...ارتعشت بمكاني من البرد...كان ودي اكسرله راسه...مفروض مايدخن ومعه حريم بالسيارة...لكن..ما اقول غير صدق ماعنده ذوووق...اخذ نفس جديد من السيجارة...
.ودخل CD في المكان المخصص له بالسيارة..وبعدها بلحظات...بدا صوت محمد عبده ينتشر بانحاء السيارة....رفع الصوت شوي...وسرحنا كلنا مع صوت فنان العرب... لاحظت خلال الاغنية...ان عفاري غرقت بكرسيها...وامتلت عيونها دموع..وضمت نفسها اكثر بالكرسي..ورفعت رجولها وضمتها لصدرها..اما وافي...فتنهد وهو يلقي نظرة عليها..ويرجع يركز بالطريق...

يقـول مــن عـــدى على راس iiعالي
رجــم طــويـل يـدهـله كل iiقرناس
فـي راس مـرجـوم عـسير iiالمنــالى
يشتاق لـه مـنـدك بالقـــلب هوجاس
قـعـدت فـي راسه وحـــيد لحــالى
والقـلـب فـي لجات الافكار iiغــطـاس
وقعدـت اعـد ابـامهـــا iiوالليـالــى
دنيا تـقـلب مـا عــرفـنـا لها قياس
دنيا تـفـرق بيـن غــــالى iiوغـالى
لو شفت منـهـا ربـح يرجــع iiللافلاس
يا ما هفا به مـن رجــال iiمـدالـــى
مـا كـنـهـم ركبوا على قب الافــراس
ولا رددوا صـم الـرمـك iiللتــوالــى
ولا ثـار عـج الـخيل في كـل مـرواس
ولا قـلـطوهـن للكمـــين المـوالـى
ولا صـار فـوق ظـهورهن شلع الانفاس
فـي حـومـة الهيجا لهن اجتوالــــى
كـل يـبى مـن زايـة الفعل iiنــومـاس
مــن بينهـم عود الجنا والســـلالـى
مـثـل البـروق اللـــيل الادمـــاس
يقطـعـك دنـيـا مـا لـهـا أول iiوتالى
لـو اضـحكـت تبكى وتوريك iiالاتعــاس
يـا ابـجـاد شـب النار وادنـى الـدلالى
واكسـر لـنا يـا ابجاد ما يقعد الــراس
فـنـجال يغـدي مــا تـــصور ببالى
وروابـع تـضـرب بها اخماس وأسداس
لـعـل قـصر ما يجيبــــه اظلالــى
يـنـهـد من عالى مبــانيــه للساس
لـى صـار مـا هو مدهل iiللـرجـــالى
وملـجـأ لـمن هو يشكى الظـيم والباس
بـحسـناك مـا منشى حقــوق الخيالى
يـا خـالق اجـناس ومفــنى اجـناس
تجعـل مـقـره دارس العهــــد بالى
صـحـصاح دو خـالــى ما به أو ناس
لا خـاب ظـنـى بالرفيــــج الموالى
مـالك مشـاريـه عـــلى باقي الناس
وإن ناشنى مـن بـعـض الادنيـن صالى
مـانــى عـن الزلات مخـــبر iiوبلاس
كالعنبـر الغالـى بالأسـواق غــــالى
ولا درهــم الفضيـة على صفر iiونحاس
اجـزيـة بـالصده جنوب iiوشمـــالـى
واتـلى هـوى قـلبى اليا هب iiنسنــاس
المستريـح اللـى مـن العـقـل iiخــالى
مـا هـو ولجـات الهواجيس iiغـطـاس
مـا هـو بمثلـى مشــــكلاته iiاجلالى
عجـزت اسجلهـى بحبـر وقـــرطاس
حملـى ثقيـل وشلـت حملـــى iiلحالى
ونصبـر علـى ضيـم الليالى iiوالاتعـاس
بـرسـي كما ترسي عـوالى iiالــجبالى
مـا ينهـزع حـيد عـــليه القدم داس
مـتـى تـربع دارنـــا iiوالمـفــالى
تخضر افياضـه عـقـب مـا هي بيباس
ونشـوف فـيـه الـديدحــان iiمتـوالى
مثـل الـرعـاف بخصر مدقـوق iiالالعاس
ينثـر عـلى البيـداء ســـواة iiالزوالي
يشـرق حـمـارة شرقة الصبـغ iiبالكاس
..

حسيت بضيق وانا اسمع كلمات محمد السديري...كنه يقرا خواطري...كنه عايش معاناتي...اول مرة افهم كلمات هالاغنية على كثر ماكنت اسمعها زمان..لأنها اغنية امي المفضلة...غمضت عيوني..مابي ابكي..مابي..
تنهدت وانا احط ايديني على نظارتي وافصخها من تحت الشيلة...وعضيت على شفايفي احاول اسيطر على مشاعري...
غمضت عيوني بقوة...وضغطت على يديني بقوة..لين ماحسيت ان اظافري انغرزت بلحم ايديني...






: ملكه قليبي...نشي..
فتحت عيوني ببطء...وصديت عن عفاري ورجعت غطيت نفسي بالشال الكشميري..الله.. يازين الدفا...وش تبي ذي؟؟...ابي انوووم!!!
عفاري بصوت جدي: لو ماقمتي هالحين..ترا بنادي وافي يشلك...
رميت الشال بسرعه..وطالعت فيها مفجوعة...
ضحكت بوجهي...: حريم ماييون إلا بالعين الحمرا...ههههههههه
طالعت فيها بعتب...ونزلت من السيارة...كان الوقت هو المغرب..واعجبني الفندق اللي على شكل كوخ فخم....سكرت باب الهامر...وشفت وافي وهو يطلع من الفندق..
قال لعفاري : انا بروح اسوي لي كم شغله موصيني فيها بعض الشباب...وبرجعلكم...
وكمل وهو يطالعني لثواني ثم صد: ماابيكم تطلعون من الفندق...لو مهما كانت المغريات.. طلبتلكم العشا بالغرفة نفسها...وخليتهم يرسلون لكم كم مجلة...
وكمل وهو يركب الهامر: انتبهوا لنفسكم..
ضميت الشال على جسمي فوق العباية..وانا اشوف الهامر الاسود يبعد بسرعه..
عفاري وهي تحط ايدها على كتفي: عارفة انج تكرهين وافي...لكن..ماكنت اقدر ايي بروحي...
قلت وانا اشوف الجيب يختفي بين الثلوج: موب مشكله!!!





تمددت وانا شوي وازغرد بحوض الماء الحاار...الله...يا زين الدفا بعز البرد...حركت رجولي بفرح في الموية...ولعبت فيها وصوت ضحكتي يعلى... مو مصدقة...لسه مو مصدقة... الحرررية...يا نااااااااس...الحررررية....ما احلاها والله...الله لا يحرمني منها ولا يعيشني بعيد عنها...
خلصت حمام...ولبست روب الحمام الثقيل مرة اللي حطته لي عفاري..ولبست تحته بنطلون قطني دافي ابيض...وطلعت من الحمام الله يكرمكم...ارتجفت وانا احس بنسمة الهوا القارسة اللي جاتني من الشبابيك النصف مفتوحة...ركضت على الشبابيك ورحت قفلتها..وانا مستغربة شلون عفاري تخليها مفتوحة...ناديت على عفاري..وما ردت علي.. شكلها نزلت تجيب لنا العشا...
تأملت غرفة النوم...كانت في غاية الروعه...سرير ضخم عليه مفرش مخملي بنفسجي..غامق ومعه بعض الخداديات الذهبية والفضية...
الارضية خشبية غامقة...والمدفأة التراثية الكبيرة..اللي محطوط فوقها مجموعة رفوف عليها بعض التماثيل الصغيرة...
اغراني الكرسي الهزاز اللي عند المدفأة...بس مارحتله..اجلت الراحه فيه لبعد العشا...
رحت للتسريحة...وجلست قدامها...تأملت حالي بالمراية وانا ارسم ابتسامة كبيرة على وجهي..وقعدت اغني وادندن بأعلى صوت...وانا امشط الشعرتين اللي فوق راسي.. الحمدالله ان شعري طال شوي...يعني هالحين واصل لآخر رقبتي..يعني مغطي جلدة الراس كلها وهذا المهم...:

ليلة خميس..طرز بها نور القمر...شط البحر...نصف الشهر...والليل من فرحه عريس..ليلة خميس..آآآآه..
ليلة لقانا...موعدي الساعه8...كان الندى موعود مع رمش الزهر...والزهر سهران عطر بالحلال..ليل اللقا..
فيها الفرح ثوبي الجديد...لقياك عندك يوم عيد..موج البحر مغنى وقصيد...والليل من فرحه عريس..ليلة خميس...

خلصت تمشيط شعري وتجفيفه..وطالعت بشكلي..صراحه مو راضيه عن حالي.. بس الشكوى لله...فتشت شنطة عفاري ادور فيها مبرد اظافر...او قصاص..مالقيت ولا شيء.. استغربت ان عفاري الانيقة..المحافظة على مكياجها واغراضها شنطتها فاضية مافيها غير لبستين وبلوزة صوفية..
لقيت صورة جاسر..ابتسمت وانا اشوف صورته...كان يناظر بخجل بالكاميرا...وهو واقف مع اصحابه عند باب مدرسة ثانوية...لابس ثوب ابيض عليه غبرة...وماسك كتبه بايده...
ياربي..صدق وش صار بين هالثنين؟؟؟....اكيد عفاري نفذت وعدها لي ولا اتزوجت منه...زييييييين...عشان ابي احظر عرسهم..وبفصل فستان كششخه يليق بالمناسبة...عاد إلا عفاري تستاهل كل الزين...
رديت صورة جاسر....للشنطة وقفلتها....ورحت فتحت باب غرفة النوم وطلعت للصالة الصغيرة التابعه للسويت...وشديت ملابسي على جسمي وانا ارتعش...
رحت للمطبخ الصغنون...وسويت لي كوب قهوة...حار وريحته شهية حيل...
ورجعت قدام التلفزيون وجلست اقلب بالقنوات وبالاخير مليت وقفلت التلفزيون ومددت رجولي...ومسكت رواية امريكية لقيتها طايحه على الارض...شكلهالعفاري..فتحتها وقعدت اقرا...


: ليلة خمييس...قلبي بدقاته الارحتي يناديك اسمعي...ويقول بآهاااته دخيل الله ارجعي... انت في هالدنيا نظر عيني..ومناي..ومطمعي..في موعدي ليلة لقانا مولدي..يااااا قمره..يا نجوم اشهدي... اني معك ولك..ارخص لك الغالي النفيس..ارخص الغااااالي النفييس... والليل من فرحه عريس...ليلة خمييييس

سمعت صوت صياح...خلاني اسكت...رميت الرواية اللي بأيدي..ومشيت مترددة ناحية الصوت..سمعت صوت صياح عفاري يزيد...رحت للسويت الثاني اللي يفصل بينه وبين حقنا باب..ودقيته...دقتين..ازداد صوت عفاااري...فرحت دقيت اقوى وقلت:
عفااااري ... افتحي الباب حبيبتي....
عفاري وهي تصارخ: روحي عنييييي...لا تكلميني...مااابي اسمع صوت احد...آآآه...
انهبلت انا..وقمت ادق الباب اقوى: عفراااا...بطلي مصخرة وافتحي الباب....انا مو ناقصه وجع قلب...
عفاري وهي تحاول تتماسك: وش تبيييين؟؟.. مو انتي مبسوووطة...وقاعده تغنين بهالليلة السعيده في حياتك...قاعده تغنين بكل الفرح اللي داخل قلبك...اغنيته...آآآآآآآآآآآآآآآآه...
انقبض قلبي...: عفااااري...بعد عمرري...وش السالفة؟؟؟...قوليلي....
عفاري وهي تصارخ: آآآآآآآآآآآآآآآآآآآآآآه......اغنيته يا ملكه..اغنيته اللي غناها لي كثييير... ليش غنيتيها؟؟...ليييييييييييش؟؟؟...
حطيت ايديني على اذني وانا اسمع صوت نحيب عفااري يعلى ويعلى...: عفاااري.. الله يخليك..افتحي هالباب..ولا بجيك من بره....
عفاااري وهي تسفهني: آآآآآآآآآآآآآآآه...اه اه اه....
سمعت دق على الباب حق السويت...بعدت عن الباب الفاصل...ورحت ابي اشوف من عند الباب...طالعت من العين السحرية...شفت رجال واقف وهو ماسك صينية أكل...
قلتله يترك الاغراض عند الباب...وبعد ما راح...فتحت الباب وسحبت الصينية الثقيلة ودخلتها جوا...
صدق كنت جوعانه بشكل...لكن مع هذا مالمست الاكل...اللي كان عبارة عن شوربة ساااخنه بالفطر وريحتها تجنن...وطبقين ستيك لحم مشوي..مع بعض الخضار المشوية.. غطيت الصحون وحطيتها على طاولة الأكل...ورحت غيرت ملابسي..ولبست بنطلون جينز احمر..وكنزة سودا مجدولة..ولبست عبايتي وسكرتها ولفيت علي الشيلة...وطلعت بسرعه من السويت بعد ما تركته مردود...
وقعدت اطق الباب على السويت حق عفاري...واللي كان صوتها واصل لبره...قلبي قابضني.. يعني معقولة الهبلة عفاري غلطانه بجاسر....بس حتى هو بعد..مفروض ما يقسى عليها...صح ان عفاري مصرقعه..لكنها تموت عليه...
لا..بس ان شاء الله.. ما تكون سالفه كبيرة...رغم ان قلبي يألمني وقابضني بشكل.. الله يستر..
: عفاااري..مايصير كذا..انا ملكه بنت عمك اللي تموتين عليها..ولا تخبين عليها...
بليييييييييز...قوليلي وش فيك؟؟؟
عفاري وهي تشاهق: انتي... ليششش.... مووو راضية... تفهمين؟؟...ليش... تبيني اقولها بلللساااني؟؟؟... صععبه علي...اانطقها...آآآآآآآآآآآآآآآه....
: عفاري بليز حبيبي...افتحي الباب..الله يخليك يا عيوني...لا تززعليني منك...
وقعدت ارتجف من خوفي عليها..وش صار لجاسر؟؟...لا يكون مرريض؟؟..لالا..ان شاء الله خير...ان شاء الله خير....
: هاااي انتي...وراه حسك واصل لآخر الممر؟؟...
وقف قلبي..وبعد ثواني بدا يرجع لنبضه الطبيعي وغطيت وجهي...والتفت بغرور...
: لو سمحت...مابيني وبينك اي كلام....
علا صوت عفارري وقالت وهي تنيح: ايه...تهاوشوا....لا تراعون مشاعري...تطاقوا... اصلا من متى وانتم تهتمون بمشاعر غيييييرررركم؟؟...
جا وافي وحاول يفتح الباب بقوة..: عفرااا...بطلي دلع وافتحي الباب...
ماردت عليه عفرا واخذت تصيح اقوى واقوى....
: عفرا عيوني...بليييييييز افتحي الباب حبيبتي...
عفرا وهي صوتها انبح: لااااا...راح اتذكره...راح احزن...راح اموووت.. ماااابي.. اترركوووني ... انتم ماحتراعون مشاعررري...
قلت لها بصدق: والله ثم والله....اني ما ادري انكم منفصلين عن بعض..ولا كان ماغنيت ولا حاولت اني اكووون مبسووطه...( وانبح صوتي ودمعت وانا اسمع صوت عفرا يعليى وهي تصارخ)
عفااري وهي تفتح الباب بقوووة: خلاص..خلاص.. اسكتي....ارررحميني...ليش صايرة غبيية؟؟... ليييش؟؟.. الظاهر عشرتج مع الميانين اثرت بج...
طالع وافي فيني...وكان مصدوم مثلي من جملة عفراا...حسيت بعيونه حاجه غريبة...ودق الباب اقوى..
وكملت وهي تشوفني اهتز: لا تسوين فيها حساسة..يا ملكه..لأنج إذا ماراعيتي غيرج ماحد بيراعيج..يعني شلون ماشفتي الحزن اللي ساكن كل حركة فيني...جاسر مااات يا ملكه....ماااااااااااااااات...
فتحت فمي علشان ارد...وحسيت بجمسي تجلد..وعروقي برزت....تراجعت على ورا..وامتلت عيوني دمووع... جاسر مااات....لاااا ياربي يكون حلم...يااااااااارب...ابي ارجع..للمستشفى....طالعت فيني عفرا..وانهارت تبكي..ودخل وافي وضمها بقوة وسكروا الباب بوجهي..!!!!!!!!




ابتسمت بتعب لريما اللي كانت جالسة عند رجولي..وتسولف لي بفرح طفولي مميز... ماتشوبه اي شائبه...ياااااااااه ليتنا نرجع اطفال...
قلت لها وانا العب بشعرها الناعم: حبوبة؟؟..
ردت وهي تبتسم: سمي..
: حبيبتي..ريموووه....روحي جيبيلي كاسة ماء...
ريما وهي توقف: ان شاء الله....



سرحت من جديد وانا ارجع اتمدد على الكنبة الفوشي في غرفة المعيشة...اتذكر..تصرفات وافي معي بالمطار...كلها تتسم بالخشونة..القسوة...الجفا..الامبالاة...
قومتني عفاري الصباح بجفا...واعطتني كوب حليب ساخن...حطيته على جنب ورحت خذيت شاور سريع ولبست بنطلون بني قطيفه..وبلوفر بيج..ومشطت شعري..وشربت الحليب اللي برد شوي..بعد ماحطيته بالمايكرويف..
لميت اغراضي القليلة المتبعثرة... ولبست عبايتي...وطلعت ورى عفاري ووافي... ركبنا السيارة الهامر اللي كانت باردة مووووت...
وافي ملى السيارة بريحة عطره المميزة...وكان شعره مبلول...ولابس بنطلون جينز.. وبلوفر ابيض ثقيل..وطالع يخبل...
لاحظت ان حول عيونه سواد اكثر من اليوم اللي فات..وكان شكله مرهق...وطبعا..على طول ولع سيجاره وهو يحرك السيارة اخيرا بعد مادفا المحركات...
عفاري..كانت لابسه بنطلون جينز باهت...وقميص اسود...وحول عيونها فيه حمار قوي..وشعرها رافعته بلا مبالاة وهو مبلول...
تمنيت اضمها واخفف عليها...لكني عرفت ان الافضل اني اكون بعيده عنها حاليا.. لأنها مو متقبلة وجودي نهائيا...
كان وافي ماشي بسرعه عالية...لأن النوم خذانا كلنا وخفنا تفوتنا الطيارة.. وصلنا للمطار..ودخلنا ركض وخلص وافي اجراءتنا بسرعه واحنا وراه..ورحنا للطيارة..وانا كنت شوي واموت..صراحه ملابسي موب ذاك الدفا..وحسيت الهوى يدخلني وانا قاعده اقطع المسافه بسرعه للطيارة...
ركبنا الطيارة..وجلست عفاري بجنب الشباك..فجيت بجلس عندها..فأشرتلي بيدها وقالت بغرور: لا الله يعافيج..خالي بييلس هني...
صعقت بقوة..لكني استجمعت كبريائي وصديت عنها وجيت بالمكان المخصص لي.. لقيته جنب رجال...فتضايقت حيل...
وافي..لاحظت انه لاحظ ترددي...فقال من وراي وبصوت واطي: وش اللي ناوية عليه؟؟.. روحي بسسرعه وانثبري يم عفراا....
التفت عليه...وعديت لين عشرة عشان ما اخنقه بيديني الثنتين واتوطا ببطنه...ورحت يم عفاري وجلست ولا كلمتها حتى يوم جات تعترض..
طوال الرحلة..وعفاري تبكي بصوت واطي..وتطالع برسايل بيدها وصورة جاسر..وتضمها لصدرها وتسلم عليها...حزنتني حيل.. وغصبا علي..قعدت ابكي معها..بس اني رحت الحمام وصحت بكيفي ورجعت اجلس...
لمن وصلنا لدبي....كان بستقبالنا سلطان...اللي انذهلت وانا اشوفه.. كان وجهه مسود... يا الله فعلا موت جاسر كان شي حزين للغاية لان الكل تأثر.. وتمنيت اني ماادخل البيت لأني عارفة ان الحال فيه بتكون اسوأ....

لاحظت بنظرات سلطان حنان وشوق...بس ماتحرك فيني شي..ولا قدرت إلا اني اشفق عليه...



جا يصافحني...لكني مامديت ايدي له.. لاحظت انه افتشل حيل... وانا بعد افتشلت...بس اهو عارف اني ما اصافح الاجانب خير شر...
ركبنا السيارة حقت سلطان..والحمدالله كان الجو حار مرة بدبي..لدرجة اني حسيت اني قاعده اذوب وانا جالسة بالسيارة...انا وعفاري ورا..ووافي جنب سلطان...
شغل سلطان الاغاني بالسيارة...وانهبلت وانا اسمع الاغنية اللي سلطان حاطها...ياويلي.. وجهي طااااح عند وافي...يعني الحين بيتأكد اكثر انو انا بنت ماشية بطال....انا مايهمني هالشي..لكن بعد مابيه يآخذ فكرة سيئة عني...

الحمدالله على السلامه الف مرة..انت سيد اهل الوسامة والمسرة...ياعطوفا في كلامك يا ابو سمره..يارقيق الابتسامة وكل نظرة..
بالسعاده والهنا..يوم ماشرفتوا هنا...ياحبيبي آنستنا...آنستنا..آنستنا...


اخيرا وصلنا البيت.... ومن دخلت..قلبي قبضني بقووة...كل مافي البيت متلحف بسواد غريب...النوافير مقفلة اللي قدام البيت...ماشميت ريحة القهوة وصوت الضيوف اللي دوم موجودين...ولا صوت بواري السيارات اللي عادة تدخل لأن البيبان حقت القصر دوم مفتوحه للضيوف...
ماشفت اثر لاي مخلوق في البوابة الامامية...اول ماوقف سلطان..نزلت ركض ودخلت البيت...ناديت بأعلى صوت على اهل البيت...ماحد رد علي...
لكن بعد ثواني..جات ريما تركض..وضمتني وكانت مبسوطة حيل...
عفاري دخلت وقالت لي بجفا: غرفتج القديمة مثل ماهي....
وطلعت الدرج..
بعد مارتحت وغيرت ملابسي...رحت اشوف بنات العم ناصر...لكن مالقيت احد فيهم..
في الصالات او الاسياب...
رحت لغرفة سماح..وطقيت الباب عليها...ودخلت بعد ماسمعت صوت ضعيف يطلب مني ادخل...كانت سماح متمددة على فراشها...فجعتني...كانت سمرا ومصفرة...ووجهها شاحب...
ركضت وضميتها بقوة...وسالتها عن اخبارها..فقالت لي واهي تصيح: ملكه...ابوووي...ابوووي..يا ملكه...خلاص بيمووت...بيموووت...
وضمتني بقوة وهي تصيح..
ودخلت بعدها ميران وكملت على المقطوعة الحزينة....
وبكذا انقلب اول يوم ارجع فيه البيت..إلى يوم دارماتيكي كئيب...خصوصا بعد ما اكتشفت ان العمة نورا متهاوشة مع العم سعود وتاركة البيت لها اسبوعين...وطبعا البيت سايب من غير والي... وهذا ان دل على شيء..فبيدل على ان المسؤولية كلها راح تكون فوق راسي كالعادة...


بعد ثلاث ايام من رجعتي من امريكا




الشغالة وهي ماسكة الاسلكي: مدااام....هذا تيلفون...صديق...
مدت ايدي للسماعه وانا مستغربة محد يدق على التيلفون ويطلبني إلا نادرا....: طيب....اعطيني السماعه...
واخذت التيلفون...: الووووو.....
سارا باعلى صوت:الووووو... يا الدبه..يا النذلة...ياحمااااااااااااااره....
رديت عليها وانا اضحك على اسلوبها: ساراااا..نعنبو ذا الوجه كل ماسمعتك قعدت تسبين...
ضحكت سارا: ساااااامحيني...هههههههههه..والله مشتاقتلك مووووت ..يا مليك...
: وانت وحشتيني كثييير يا سارا..لو تدرين قد ايش ودي ازورك...وازور خالتي...
سارا بخبث: يا عيني...قال خالتي...قال...
: ههههههه...سارا..طول عمر امك خاله بالنسبة لي....
سارا بنفس الخبث: قريب...راح تصير لك خاله فعلية...
بلعت ريقي: هااا؟؟..وش قصدك؟؟..
سارا بدون لف ودوران: باختصااااااار يا طويلة العمر...قررت انا سارا بنت عبدالله آل.. انك راح تصيرين مرت اخوي..على العطلة...
سكت مصدومة للحظات...بعدين قلت بحذر: واااااو...خبر..اممم...جديد...
ضحكت سارا: ههههههههه يا عيني على الخجل...الله...تصوري يا ملكه راح تسكنين معنا بنفس البيت موب وناااسه...وراح تجيبين عيال صغنونين نسخه منك..عيونهم خضرا وشعورهم حمرااا..يااااااااااي..وناسه راح اصير عمة لبنات حلوااات....
وكملت وانا ساكته موب مستوعبة: وكمان...راح تسكنين معنا بالبيت...مالك امل تطلبين بيت لوحدك.. انا ابيك يمي..عشان كل يوم نطلع ونتمشى...ونسافر سوا.. ياااااااااااي... تخيلي نروح نصيف لوحدنا ام الوناااااااااااااااااسه...
: سارا...لحظه لحظه علي...تراني ماقلت موافقه لسه...
سار بجدية: ليش راح ترفضين؟؟...اخوي وش فيه؟؟..مزيووووون وشبعااان وموظف كبير...وملتزم...يعني ماناقصه شي...
انحرجت من سارا كثير..وقلت بعد تفكير:طيب..لا تاكليني... طيب...
سارا بحماس وهي تخرق طبلة اذني: طييييييييييب..وشوووو؟؟؟
ضحكت غصبا علي: ههههههههههههه...انا موافقة....بس بصلي الاستخاره لكن مبدئيا موافقة وخالصه...
سارا وهي تصيح: آآآآه..مو مصدقة..اخيرا راح تصيرين مرت اخوووي...آآآآآآآآىه... مستعجلة ياررررررربي متى راح تعرسون؟؟...
ضحكت: هههههههه.....خلاص...بس خليني اشوف متى يقدر يقابل عمي...ايه...عادي يا عيوووني...
سارا: متى متى؟؟..استعجلي الله يخليك..نبي نفرح فيكم...ترى حالتك موب عاجبتني...
قلت وانا اشوف ريما جاية: خلاص من عيوني...لا موافقه وماراح اغير رايي... خلاص.. بسأل عمي متى وكيف تجون...حياكم الله...باااي..
رفعت راسي عشان آخذ كاسة الموية من ريما...شفت عمي واقف عند الباب..طالع فيني بطريقة غريبة وقال: وش اللي موافقة عليه؟؟..
قلت بدون اي خجل وبكل ثقة لأن عمي ماعاد يهمني: على اخو صديقتي... ها ياعم...متى تبيه يقابلك؟؟...
لا تستغربون تراني صرت اكررههه عمي من كثر اللي شفته وانا بالمستشفى.. صرت اكرره حتى استقباله كان لي حيييييييييل باااارد...
عمي بعصبية: هه..هذا اللي باقي....تزوجين من غير شوري....اساسا انت مخطوبة من زمان وانا معطي كلمتي للرجال...جهزي نفسك...لأن زواجك بعد اسبوعين...
وقفت وانا مو مصدقة....وكمل وهو يشوف كاسة الموية تطيح من يدي: ولا تفكرين انك ترفضين...
انهرت جالسه على الكنبه وانا مو مصدقه اللي سمعته

الفصل الثامن عشر

]ماتبادلنا انا ووافي اي كلمة بالمرة...وصلني للجناح حقنا بالغرفة وبعدين راح وتركني لوحدي بعد ما اخذ البطاقة حقت الباب من عندي...
حسيت بقهر...فيه رجال يعامل عروسه بهالشكل...لكن انا اوريك يا وافي...ما اكون ملكه إذا ماربيتك وربيت عشر من اشكالك...
فصخت عبايتي وشيلتي...بعصبية..ورميتها بالدولاب...ورحت فتحت الشنطه حقتي.. وكنت شوي وانتحر يوم شفت عفاري وسماح وش حطوا لي بالشنطة...أووووه....يا سماح انتي وعفاري...قهرووووووني...
رحت طلعت جوالي ودقيت عليهم...ماردوا علي الحمير..طيب..عارفين وش بسوي فيهم؟؟..
مت قهررر..وبعد ثواني وصلت رسالة من عفاري تقول: اكيد طبعا فتحت الشنطه يا عروس... ترى عشان العشرة اللي بينا حطيت لك بيجاما الدباديب اللي تحبينها والروب القطني الازرق اللي كان عاجبك مرة...بس طبعا انا واثقة انك ماراح تلبسينهم...باااايو"
رميت الجوال بعصبية...وطلعت الروب القطني الازرق...كان روب ناعم حيل يوصل لنص الساق تقريبا....فيه زمزمة بسيط اسفل الصدر وباكمام طويلة...اخذته واخذت الشبشب الناعم الازرق اللي فيه فص بالنص....
ورحت الحمام...بعد ما اخذت مجموعة الاستحمام حقتي الجديدة...تحممت بفرح مع الريحة اللي تجنن..ونسيت مؤقتا او بالاصح تناسيت مين ينتظرني خارج باب الحمام؟؟..
خلصت شاور...وقعدت اجفف شعري القصير بالسشوار ولفيته بطريقة مرتبة شوي... ازلت المكياج عن وجهي نهائيا...
ولبست الروب الازرق...والشبشب...وسميت بالرحمن وقريت المعوذات وانا اطلع من الحمام....
تسمرت عند باب الحمام...ابي اتخبى...ابي اهرب..مو متعودة اكون مع رجال غريب لوحدناا!!
وافي غريب عني....وافي مو بزوجي....وافي ولا شي بحياتي...مجرد حشرة..حصى بجزمتي...انا اعتبره كذاا...لأنه هو كذاا..
تنحنحت عشان ينتبه اني طلعت...كان واقف عند الشباك الكبير اللي مآخذ مساحة الجدار بالكامل يطالع بره...ويدخن بهدوء...منزل المشلح حقه والشماغ...
مالتفت علي...فدورت حولي على شي..عشان ارميه على الارض وينتبه..وابتسمت بخبث وانا اشوف علبة العطر حقته اللي كانت على التسريحة شكلهم آخذين الجناح من يومين... رميت العطر بقوة على الارض...
التفت وافي بسرعه...وانا اتظاهرت بالبراءه وصرخت: اووووه...آآسفه"
طالع فيني للحظات ورجع طالع بالعطر وقال مستغرب وكانه يكلم وحده مجنونة: ليش؟؟..."
قلت وانا مسوية فيها بريئة وانا اناظر برجولي:آسفه...ما انتبهت..."
مارد علي...رفعت عيوني ببطء.....لين ماتلاقت بعيونه اللي كانت تلمع سخرية.. وكأنه يقول فاهم الاعيبكم يا الحريم!!
قال وهو يرجع شعره على ورا ويطالع فيني من فوق لتحت: صدق بزر....كل هذا عشان تلفتين انتباهي..."
حسيت بحرارة فضيعه برقبتي...ودقات قلبي اخذت تزيد بقوة...وعروقي قامت تنبض بجنون وكأنها بتقطع جسمي وتطلع منه...
كمل بسخرية مؤلمة: طبعاا..مطلوب مني كعريس...اقول واااااو وش هالجمال؟؟؟...يا الله يا ملكه ماتدرين شكثر انا سعيد بزواجك...ما تدرين شكثر انا محظوظ ولا كان مالقيت هالكنز اللي كلن يحسدني عليه...."
ارتجفت شفايفي غصبا علي...ماراح ابكي...انا عارفه انه حشرة...وعارفه انه راح يضايقني بهالكلام..لكن اناا..اقوى منه...ولا راح يهزني...وعمر الجبل ماينحني قدام الرياح...
كمل وافي وهو يدور حولي وكأنه ذيب مفترس يبنقض علي فريسته ويقطعها مية قطعه بس محتار من اي جهة يهجم عليها!!
وافي بسخرية حارقة: كل العرسان يكونون مبسوطين بليلة العمر....لأنهم يعتقدون ان هالعروس اللي هم مآخذينها ماعرفت ولا حبت ولا شافت احد غيرهم..."
حطيت ايدي على حلقي وانا احس بغصه فضيعه مثل كورة شوك كبيرة بحلقي...
وافي وهو يوقف وراي على بعد خطوات: إلا اناا...اناا كاره عمري...انا حاس وش كثر عروستي خبيثة...وش كثر تستغل الرجال...وش كثر تحب تبرز جمالها اللي اهي مغرورة فيه للرجال اللي تتظاهر انها تشوفهم بالصدفة..."
شهقت غصبا علي..وقلت وانا التفت له واواجهه بذهول وبعصبية" طيب...ليش تزوجتني؟؟؟...انا العقرب.. الخبيثة اللي تتظاهر بالبراءه..."
وافي وهو يبتسم بوجهي" موب كيفي....غصب تزوجتك....حسيت انك اذى على البيت اللي انت تعيشين فيه...حسيت اني لازم انقذ اهل هالبيت من العقرب اللي مثلك...ما ابي اختي تطلق بسبتك انتي...كنت اشوف الاعيبك....مرة مساعد..مرة سلطان..ومرة يزيد...شفتك بعيوني شلون خطفتي الخبل مساعد من بدرية..."
صرخت فيه اقاطعه: انا ما خطفت احدد...اناااا...مالي علاقه بمساعد...."
قال بحرارة وصوته يتقطع واهو يصرخ فيني: لا تكذبيـــــــــن....انا شفت نظراتكم قبل... شفت شلون كنت تبادلينه النظرات في يوم هروب سلطان....كنت اشوف كيف تعديتي حدود الحياا..واخذت تطالعينه بجراءه قدامنا كلنااا...وان كان سعود والباقيين غافلين عنك.. فالله مو بغافل عنك وعشان كذا اكتشفت بدرية كل خططك الخبيثة القذرة..."
هزيت راسي بياس: لااا يا وافي...انت فاهمني غغلط...."
صرخ فيني: لا تنطقين اسمي على لسانك..اكررههه...اكررررهك معه..."
نزلت دموعي بحرارة يوم سمعت كلامه....وقعدت ارتجف غصبا علي...
قال واهو يشمخ بخشمه: شوفي يا ملكه....انت راح تكونين مرتي قدام الناس بس.. لكن بعيد عن الناس...ماراح تكون بيناا اي علاقه...مابيك تتدخلين بحياتي....ولا ابيك تناقشيني بأي شيء..ولا ابي اشوفك خلال ما اكون بالبيت...."
مارديت عليه...فكمل بعد لحظات واهو منقرف: وطبعا والاكيد ماراح يكون هناك شهر عسل... شهر العسل هذا خدعه مني للجميع...راح نمشي بالسياره الفجر للرياض..."
ولف عني وابتعد ودخل الحمام....
سكر الباب بقوة...غمضت عيوني بقوة...هذا كابوس...كااابوس...استحاله يكون حقيقة...ورفعت عيوني للسما...ادعي ربي بصمت...وقلبي يألمني..لدرجة اني حسيت انه بيوقف...





طالعت بوافي وهو يطلع من الحمام... كان لابس روب الحمام...ماطالع فيني نهائيا وكأني مو بالغرفة...مشط شعره على ورا واخذ يجفف بالمنشفه.....وبعد ما تاكد انه نشف رجع مشطه...من جديد....
شفته وهو يروح يفتح شنطته...ويطلع بيجاما عاديه لونها رمادي غامق...دخل من جديد للحمام...وسمعت انا صوت جوالي..كانت رسالة...قمت ولقطت الجوال ورجعت من جديد مكاني على الكنبة.. كانت عيوني تحرقني من كثر ماصحت...كانت رسالة من سلطان... طالعت بالرسالة للحظات وانفجرت صياح بصوت واطي...سلطان...يا بعد عمري...والله اني ظلمتك...كان يباركلي ويتعذر مني لأنه ماحظر العرس....
طلع وافي من الحمام وانتبه لي وانا ابكي وماسكه الجوال...مسحت الرسالة بسرعه...قبل لايمد يده ويآخذ الجوال مني...
صرخت فيه بعصبية: عطني الجوال...مو من حقك تآخذه مني بهالطريقة"
طالعني بعصبية وقال: نعععم؟؟؟...مو من حقي....اساسا هالجوال انسي انك تآخذينه معك..."
وطلع الشريحة وكسرها قدامي بقوة...زميت شفايفي بزعل...وانا اطالع بشريحتي مكسورة على الارض...وطنشته وانا ارجع اجلس على الكنبة من جديد...
قلت وانا احاول اخلي صوتي متماسك: اطلب لي بطانية..."
قال وهو يطالع بالسرير: نامي عليه...انا ماراح انوم...بطلع بعد شوي...ويمكن ماراجع غير قبل سفرنا بنص ساعه..."
قلت بتهور: وين بتروح؟؟؟..."
التفت جهتي وقال وهو يناظر الساعه اللي بايده: آها..بديت تتقمصين دور الزوجه الغيور ؟؟ ... مسرع يا ملكه..."
قلت بلا مبالاة: سقط سهوا... ولا على ايش اغار؟؟..."
وسفهته ودخلت تحت الفراش الدافي..وطبعا ما تمددت كنت جالسه بس...شفت وافي واهو يروح يجلس قبال التلفزيون...تأملته للحظات..وقررت اني اسفهه واعامله بنفس طريقته..بعدين اساسا انا ماكنت ناوية اعطيه وجه خير شر...مفروض ما ازعل لمن اشوفه يعالمني بذات الطريقة اللي انا كنت مقرره اني اعامله فيهاا!!!
بس!!...لو انا اللي بديت وعاملته كذاا كان احسن...كان حسيت بكرامتي...لكن حاليا وانا متمددة على هالسرير...حسيت شكثر اهو قسى علي بدقايق قليلة...شكثر ذرفت دموع بساعه وحده بس..شكثر قاعد يحتقرني...
انا كنت متاكده انه مفتكرني بنت صايعه موب خايفه من احد وماتفكر لا بحسيب ولا رقيب...لكن مو لهالدرجة؟؟...مو لدرجة انه يكره حتى اني انطق اسمه..
الله يستر من الايام الجايه...وكيف راح يعاملني قدام خالاته واهله كلهم....




حسيت بدزة خفيفه على كتفي...ففتحت عيوني بتعب...وبكسل...شفت عيون واسعه قبالي.. لمعت فيهم سخرية....خلتني اعرف صاحبها على طول...هزيت راسي بقوة...وبعدت عنه بسرعه..
قال بحنان فضيع: ملكه حبيبتي...هاذي عفاري والبنات يبون يطمنون عليك قبل ما نسافر.."
طالعت فيه مو مستوعبة...وضميت الفراش لصدري بقوة..
قلت بحرارة وبعصبية: بعد عني..."
رفع وافي حواجبه بسخرية وفتح السبيكر في الجوال...
عفاري وهي مفجوعة: ملكه عيوني...وشفيج تصارخين على ريلك؟؟؟...."
قلت وانا احاول اتمالك مشاعري وانفاسي: عفااااري....اشتقت لكم كثير..."
عفاري وهي شكلها صدق خايفه علي: وافي سوالج شي...قالج شي...زعلج بشي..."
طالعت بوافي اللي يبتسم بسخرية وكأنه يقول اتحداك تقولين لهم على سواد وجهك...
امتلت عيوني دموع ورميت الجوال بقوة من يده واعطيته قفاي وخبيت راسي تحت المخده وقمت ابكي بحرارة..وانا احاول اكتم صوتي بايدي...
سمعت وافي يقول لعفاري: اكلمك بعدين..."
وقفل الخط مباشرة...سمعت خطواته واهو يقرب مني...وحسيت بحجمه على السرير...فضميت نفسي بقوة...مسكني وافي بقوة من اكتافي وسحبني قريب منه...
قال وهو يطالع بوجهي منقرف: لو غلطتي هالغلطة مرة ثانية...ماراح يصير لك طيب.."
حسيت بانفاسه تحرقني وهو قاعد يتنفس بسرعة...
قال واهو يشدد على كل كلمة ينطقها:تتصرفين قدام الناس بشكل طبيعي...ما ابي هالشكل الماساوي نهائيا....فاهمه؟؟..."
طنشته ومارديت فصرخ فيني بقوة: فاهمه؟؟؟.."
رديت عليه وانا اضربه بقوة على صدره:اتركني يا حشرة..."
وليتني ماقلت حشرة...وليتني ماقلت اتركني...وليتني ماضربته...
مسكني وافي بقوة...من اكتافي واخذ يهزني بقوة واهو يصرخ فيني كأنه مو مصدق جرأتي: انااا حشرة...وانت وش تكونين؟؟؟...هااا قوليلي؟؟.."
قلت بعناد وبعصبية وانا احاول ابعد يدينه عني: انا ملكه...فااااهم...انا انسان....بني آدم.. عندي احاسيس موب مثلك..."
ضحك بقوة فجأة ووقف يهزني..طالعت فيه بخوف: ملكه...ههههههههههه...احد ضاحك عليك...هههههههههه...انتي عنكبوت...عارفة وش يعني عنكبوت...عنكبوت صغير...قذر...يبني بيته بالمكان غير المناسب..."
عنكبوت؟؟..الرسالة...اهو اللي ارسلها...صرخت فيه بجنون...وغمضت عيوني بقوة وانا ابكي وقعدت ارفسه برجولي واهو قاعد يضغط على اكتافي بقوة عشان اوقف...واحس اصابيعه قاعده تنغرز وتألمني بلحمي: انت ولاااا شيييء... اتررر رررركني يا حيواااان...اترركني..."
ركزت قوتي وانا اشوفه يضحك ببرود على رجلي اليمين...ورفسته بقوة...باقوى ماعندي على رجله...فرماني واهو متألم...ولمن حاول يمسكني مرة ثانية...قعدت امخشه بطريقة عشوائية...وغرزت اظافري بوجهه بقوة...رماني بقوة على الارض...فضرب راسي بحافة الكنبة...وحسيت بصداع فضيع...
شفته يروح يدخل الحمام....وحاولت اوقف..بس الالم منعني اتحرك....




الساعه 4:00ص



تحركت من على السرير بتعب...وحسيت للحظه وكأني احلم...وش جابني على السرير... انا ضربت وافي...وطحت على الارض...اكيد هذا عقلي الباطن...
سمعت صوت المنبه حق وافي يدق بقوة... قومني من عز نومتي...واهو لسه نايم.. تحركت بتعب من على السرير....لامست الارض وقعدت اترنح في الم فضيع بجسمي..كتوفي تألمني وراسي...وقلبي....
اخيرا..صحى وافي وقفل ساعته بعصبية...شفته يجلس وانا احاول امشي بهدوء عشان ادخل الحمام...
تلاقت عيونا..فصديت عنه بسرعه..بلعت ريقي بتوتر...وكملت طريق للحمام... دخلته ...وقفلته وراي وجلست على الارض دقايق احاول اتماسك...خصوصا اني احس بغثيان فضيع...ولازم ارجع عشان ارتاح...
شفت وجهي بالمراية...كنت افجع.. من يصدق اني عروس...وين لمعة عيون العروس؟؟.. وين تورد خدودها؟؟...وين ابتسامتها الواسعه؟؟...
غسلت وجهي بقوة كذا مرة...وفرشت اسناني بكسل...وحاولت ارتب شعري المتلفلف بشكل عشوائي..لقيت بنس جنب المراية من اللي تركتها امس وانا افكك شعري...حطيت بعض الخصل ورا اذني...وحاولت ارتب كل هالخصلات المتمردة...
طلعت من الحمام...شفت وافي قاعد يكلم بالتيلفون...انتبهت للجرح اللي على خده..تأوهت .. يعني حقيقة.. فلمست راسي لاشعوريا من ورا...مكان الطيحه ولاحظت انه يألمني بقوة..
انتبه لي وافي...فقال وهو يقفل السماعه: تبين الدكتور يشوفك؟؟"
مارديت عليه ورحت للشنطه وقعدت ادور لي على لبس مريح عشان السفر بالسيارة...
سمعت وافي يقول بعصبية وبصوت واطي مرة: لا حوول ولا قوة إلا بالله... اللهم طولك يا روح..."
خفت للحظات فقلت بتردد: مااا...احتاج..."
شفته وهو يمر من قدامي ويدخل الحمام...استغليت الفرصه وقعدت البس ملابسي بسرعه قياسية قبل مايطلع...
بنطلون جينز سماوي باهت.. وتوب بدون اكمام وردي بياقة مرتفعه شوي.. وقعدت ادور لي على شوز ناعم يناسب ملابسي...ولقيت صندل ابيض نعوم بكعب رفيع...لبسته وحسيت بالرحة وانا قاعده امشط شعري...وقلت لنفسي وانا اطلع المكياج من شنطتي..انا طول عمري متعودة على الزينة..ومو علشان عيونه اتركهاا...
كحلت عيوني بقوة...وحطيت روج لحمي على وردي باهت...ورسمت حواجبي زين...
طلع وافي وانا قاعده ادخل المكياج لشنطتي من جديد..طالعني من فوق لتحت...وسفهني وهو يطلع بنطلون جينز غامق وقميص اسود..عطيته قفاي يوم شفته يفصخ بيجامته ... وقح!!
سمعت دق الباب...وعرفت انهم الروم سيرفس... مشى وافي من قدامي فتح لهم الباب بعد ما اشرلي اجي يا يمين يا شمال....بيده..
دخل عربة الطعام...واول ماشميت ريحة الخبز حسيت بجوع فظيع...وبالم ببطني...
قال وافي واهو يأشرلي وكأنه يكلم خدامته: اجمعي اغراضي وحطيهم بالشنطة...ورانا خط...وبعد ماتخلصين تعالي كلي لك لقمه..."
حركت فكي بعصبية...ورفعت راسي وقلت وانا اجي عند العربة حقت الطعام" ...ابيك تعرف اني مو شغاله عندك...عشان كذاا..ياليت تتكرم وتجمع ملابسك بنفسك..."
وفتحت الغطا على واحد من الصحون وشفت الخبز..فأخذت لي توست محمص حار.. وصبيت لي كاسة عصير برتقال...
سكت وافي ولاحظت انه ماعلق...ولمن رفعت عيوني جهته..لاحظت ان وجهه محمر من العصبية...وكأنه يعد لمليون عشان مايطقني...ارتجفت شوي...بس حاولت ما ابين اني خايفه...
قال وافي واهو يقبض يدينه بقوة: اعتقد انك ما تمشين إلا بالطريقة اللي امس.."
ارتجفت ثواني وقلت وانا ارمي قطعة التوست اللي معي على الطاولة وبصوت هامس: حمااار!!"
ورحت للحمام عشان اشيل اغراضه...وانا العنه واسبه بداخلي..وبعد مادخلتهم كلهم بالشنطه...وسكرت الشناط...
لاحظت ان وافي طلع من الغرفة شوي...طالعت بالاكل وحسيت ان نفسي مسدودة عنه..فدقيت على الروم السرفس عشان يآخذونه...
رجع وافي وشافني لابسه عبايتي وجاهزة قاعد انتظره...وانا حاطه ايدي على خدي وجالسه على السرير..
قالي: تغطي....بسسررعه"
تغطيت بسرعه مثل ماقالي...وشفته يجي يمي وهو معصب..وأخذ يعدل غطاي بسرعه وبقوة...
قلت معترضه: اااييييي...كسرت رقبتييي!!!"
قالي واهو يرجع للباب: اششش....مابي اسمع حسك..."
شفت ثنين هنود يدخلون ويشيلون الشناط حقتنا...ولحقناهم انا وزوجي العزيز وافي...




حسيت بضيق وانا اركب السيارة..وتذكرت الذي مضى...لمن صفقت وافي كف بالسوق... يا الله شوفوا كيف الدنيا؟؟..مين كان يصدق ان وافي يتزوجني؟؟؟...ضميت نفسي بقوة وان اتسند على قزاز السيارة...
ثواني وركب وافي جنبي وشغل السيارة وانطلق بسرعه...
قلت له وانا اشوف يدينه السمرا واهو يقبض المقود بقوة وبمهارة..:ماراح نسلم على عمي سعود؟؟.."
طلع علبة سجايره من جيبه" لاااا...ماله داعي..مسلمة عليهم قبل خمس ساعات تقريبا..."
قلت بحرارة: ولووو...انا ماراح اشوفهم ابدد..."
طالع فيني وقال" ملكه...متى راح تفهمين...اني ماهتم برغباتك...ولا راح انفذها...عشان كذاا انسي تزورين بيت عمك..او حتى بيت اهلي..."
قلت بهمس: شكراا..."
قال وافي فجأة وبقهرر" لا تحاولين تحسسيني اني ظالم...لأنك راح تتعبين ولا بتوصلين لنتيجه..."
سكت منقهرة منه...وقعدت اتامل السيديات اللي قدامي واجربهم واحد ورى الثاني..دخلت اول واحد وطلع اغاني غربية.....فشلته..دخلت الثاني...لقيته امسية شعرية لعبدالرحمن بن مساعد...بس شلته نفس الشيء...والثالث..خليته مشتغل...
لاحظت ان فك وافي انقبض بشدة...وكان فيه عرق ينبض بقوة بجبينه...
ياحبيبي آنستنا...ربي تمم لنا انسنا...بالسعاده والهنا...يوم ماشرفتوا هنا...ياحبيبي آنستنا...
عدلت جسلتي وانا اتامل الطريق...بينما لف وافي على محطة بنزين..ونزل...
والله...والله ماخبي عليكم...انا ماخبي عليكم...اني عايش في جحيم الانتظار...والفؤاد اشتاق اليكم...بالدقايق والثواني تزيده نار...
بالسعاده والهنا يوم ماشرفتوا هناا....يا حبيبي آنستنا....
الحمدالله على السلامه الف مرة...انت سيد اهل الوسامة والمسرة...ياعطوفا في كلامك يا ابو سمره...يارقيق الابتسامة وكل نظره...
شفت وافي يرجع ومعه كيس فيه اغراض...وناولني الكيس..او بالاصح حطه بحجري ورجع يتكلم مع العامل وعطاه فلوس...وشفته يشكره بحرارة هذا الاخير...ورجع ركب جنبي...وحرك السيارة...ولاحظت ان وافي اخذ يردد الموال بحماس...وانا كنت مبهورة بصوته الحلوو...

ودع الصبر...ومحبا ودعك...ذائع من سره ماستودعك...يقرع السن على ان لم يكن...زاد في تلك الخطا إذ شيعك...يا اخ البدر ..يارعى الله زمان..ارجعك.... ان يطل ليلي بعدك..فلكم بت اشكو قصر الليل معك...
الحمدالله على سلامه الف مرة...انت سيد اهل الوسامه والمسرة...ياعطوفا في كلامك يا ابو سمرة...يا رقيق الابتسامة وكل نظرة...
بالسعاده والهنا...يوم ماشرفتوا هناا...ياحبيبي..آنستناا...
مشينا بالطريق مكملين دربنا خارج دبي...فتحت الكيس اللي معي...وشفت فيه عصيرات متنوعة...وساندويشات ساخنه...
ناولت وافي آيس تي...وساندويش جبن حلوم....ولا تسألوني ليش؟؟؟..ببساطه حسيت انها شغله ذوقية...والحمدالله انه ماكسر بخاطري واخذ الآيس تي وحطه قدامه وأكل من الساندوتيش...
تأملته واهو يآكل...وحسيت بشي غريب..وقعدت اتامله متنحه...للحظات..اكيد اي وحده غيري بتكون مبسوطة إذا تزوجت وافي...وسيم...وصوته حلو..وغني...واجتماعي..لكن اناا...دمعت عيوني فغمضتها بقوة...انا هبله!!...
فتحت عيوني فجأة واستغربت يوم شفت مافي اي غطا على وجهي...وكان وافي يتأملني... وفجأة تجعد وجهه بقرف...وطلع السيدي ورماه خارج الشباك...
قال وهو يشرع بسواقته فجأة: طبعا..تذكرتي حبيب القلب..او اقول حبايب القلب"
صديت عنه بألم....اي حبيب قلب واي هم...
قالي بعصبية: غطي وجهك....مانبي فضايح...."
تغطيت اي كلام...وحاولت اني ما اطلع صوت وانا ابكي...مالي معه إلا كم ساعه وكرهت الدنيا..
شغل وافي الراديو وكانت الاخبار....رفعها على آخر صوت...وكأنه مشمئز من صوتي وانا ابكي....وطلع سجايره واخذ يدخن بشراهة لدرجة اني خفت بالاخير يوقف ويرتكب فيني جريمه!!




قال وافي ببرود: كلي لك لقمة...تراك ما اكلتي شي من امس"
طالعت بالساندويش اللي مده لي..كنت توني قايمه من النوم...راسي مصدع مرة...
قلتله وانا ااشر على بره: وقف بسرررعه!!"
كان بيعترض بعدين يوم شافني على وشك ارجع..اضطر يوقف بسرعه ويلبق السيارة على جنب...
فتحت الباب ونزلت ركض من السيارة لين ماوصلت للسياج اللي على الطريق وكشفت غطاي واخذ استفرغ بقوة...وماوقفت إلا بعد فترة طويلة شوي...
شميت ريحة عطر وافي وراي...ناولني قارورة موية..اخذتها منه..فتلامست يدينا..فرميت قارورة الموية متقرفة...ورفعت وجهي المليان دموع اطالع بوافي...
ضيق عيونه....وزم شفايفه بقوة...وقال بصوت حار"إذا خلصتي تلاقيني بالسيااارة"
هزيت راسي له..ومسكت قارورة الموية..وغسلت وجهي وتمضمت كذا مرة... وبعدها تيممت عشان اصلي...
فتحت الباب ولقيته سرحان وهو يدخن..قلت له بصوت خافت" ابي سجاده..."
قال لي واهو يصد عني اكثر" في الشنطة..."
رحت ورا للشنطة...ولقيت السجاده خارج الشناط...
رجعت للسيارة وقلت بصوت عادي بارد: ماراح تصلي؟؟.."
طالع فيني ببرود وقال: مصلي من قبل لاشوف اشكالك..."
غمضت عيوني...اوكيه..اهانه حلوة...مردودة لك يا وافي...مردودة والله مااخليها...
رحت فرشت سجادتي...وصليت الظهر والعصر جمع وقصر...
ورجعت للسيارة...وسكرت المكيف اللي قدامي...وضميت نفسي بقوة ورميت راسي بتعب على المقعد...
قال وافي واهو يحرك السيارة" حاولي تاكلين شي..خلاص مابقى لنا غير ساعه...."
قلت له وانا مو مصدقه التفت حولي: دخلنا السعودية؟؟؟..."
قال واهو يضحك" هههههه...صح النوم...داخلينها من اول...من ثلاث ساعات تقريبا..."
قلت بعتب: ليييش ماقلتلي؟؟؟.."
وعدلت جلستي وقعدت اتامل الطريق...واخذت لي علبة عصير مدها لي وافي...استغربت من اهتمامه بصحتي...وبعدين فكرت بهزء..طبعا لازم يهتم بصحتي...علشان إذا شافوني الناس...والله وممثل شاطر يا وافي!! لقيت نفسي اطالع للعصير بقرفه ولا قدرت اشربه نهائيا...!!

وصلنا اخيرا الرياض...رحله طويلة ومتعبة...للاعصاب والجسم...وقفنا عند بيتزا هت..وطلبنا بيتزا كبيرة وسلطه...ورحنا للعمارة اللي وافي ساكن فيها...توقعت اني اكون ساكنة بفيلا لكن مو مشكله...كله بيت بالاخير..بس المصيبة بالشقه ان مافي مجال للهروب من المواجهات الطارئة بيني وبين وافي...لكن ربي يحلها ان شاء الله....
دخلت العماره...وشفت وافي يعطي البواب مفتاح السيارة عشان يطلع الشناط فوق...ورحنا ركبنا المصعد...
اول مادخلناه...دق جوال وافي...فطلعه من جيبه...وابتسم وهو يشوف الرقم...وقال وهو يطالع فيني: هلاااا والله....هلا باهل دبي...."
اول ماقال دبي..رفعت راسي لا شعوريا....عفاري يا بعد قلبي وسماح وحشوني كثيير...
قال وافي: افاااا....هذا وانا خالك....طيب...يجيلك يوم يا آنسة عفراا...طيب..خذي...هاذي ملوكة نور عيوني.."
طالعت فيه بغيض..قال نور عيوني قال..ههه...اصلا باين انه ممثل واستحاله ان عفاري صدقته...
اخذت الجوال منه: عفرااااااااااا....."
صرخت بفرح فاشرلي مفجوع عشان اقصر صوتي....طنشته...وصلنا اخيرا الدور اللي ساكنين فيه..
: الووو...والله انا اللي اشتقت لك موووت...لااااا..ابدا كنت متضايقه شوي...يا بعد عمري... يمكن حسيت بالوحده..لااا ابدا...اساسا حياتي مع وافي من بدايتها تشرح الصدر وتبشر ببداية علاقة رائعه...نعععم؟؟...ههههههه...من عيوني يا الغلا...باااايو"
عطيت وافي الجوال وقلدني: من عيوني يا الغلا...باااايو"
قلت له وانا اتبعه: ترى مالي خلقك..."
لف علي وقطب حواجبه: موب اخوك الصغير عشان تكلمين معي بهالاسلوب..."
سكت للحظات وقلت بصوت ماعرفته: اخوووي..ميت!!"
لاحظت ان وافي صنم لثواني...وبعدها طنشني..وراح للشقه..وفتح بابها...
قال لي بتريقة يوم جيت ادخل: برجلك اليمين يا عروس!!"
طالعته بقهر وعناد له دخلت باليسار...
طالعت بالمكان من حولي...شقه انيقه...كبيرة حيل..مرتبة واثاثها عصري جدا..بس لاحظت ان فيها غبار...
كحيت بقوة وقلت بسخرية وانا افصخ غطاي: وااااااااااو...المكان مرة نظيف..."
قال وافي واهو يحط الاكل على طاولة الاكل اللي بالمطبخ المكشوف على الصاله: انت اللي راح تخلينه النظافه بعينها..."
قلت وانا اجلس على الكنبه: يعني...تبيني اشتغل وانا بصباحيتي..."
ضحك بسخرية: ههههههههه...لااا بساعدك لا تخافين..اخاف يغمى عليك..."
وكمل وهو يأشرلي على الغرفة اللي جوه: هاذيك غرفة النوم حقتي..."
قلت بحماس: وانااا؟؟؟....غرفتي وين؟؟..."
طالعني للحظات وبعدين ابتسم بخبث:للاسف مافيه غير غرفة وحده في الشقه ذي... لكن...بما اني انسان عطوف جدا...راح اتكرم واخليك تنومين فيها اليوم بس....مفهوم؟؟؟.."
هزيت راسي بتريقة: مفهوم..."
جلس على الكرسي..وطلع البيتزا من الكيس. ...وقالي: جيبي كاسات..."
قلت وانا ادخل المطبخ: ان شاء الله مستر وافي..."
وطلعت كاسات وجيت وجلست بعيد عنه بثلاث كراسي...وقعدت آكل وانا ساكته...
قلت عشان اكسر الصمت: الجو حيل بارد..."
طالعني شوي يمكن ثواني....وما رد...
قلت بلقافه: من وشو؟؟.." وانا اشر بعيوني على الخدش اللي بحاجبه...
لمس حاجبه كأنه يتذكر: آه...من زمان...يوم كنت صغير..."
كمل وافي وهو يبتسم: كنت حيل شقي..اذكر اني خطفت القطو حق جيرانا....لأنهم ماخلوني العب مع بنتهم اللي كنت احبهااا..."
حسيت بطعنة قوية....غيرة؟؟..انا اغار..صدق اني موب صاحية...لكن ايه اغاااار...قاعد يكلمني عن حبيبة الطفولة...وبكره حيكلمني عن حبيبة المراهقة..وبعده عن حبيبة المستقبل..
حسيت ان نفسيتي انسدت بينما هو وصل لنهاية كلامه وقال: وهذا هي النهاية....سووا لي عملية وبقى اثرها لهالحين.."
همست لا شعوريا: احسسن..."
قال وافي باهتمام: هااا؟؟؟..."
رفعت عيوني له وقلت وانا ابتسم ابتسامة واسعه وواقف الم الكاسات وعلبة البيتزا: معليش تكبر وتآخذ غيرها..."
ماعلق على كلامي...ووقف واخذ يتمغط بتعب..وقال: شكلي بنووووم....لا تقوميني..اوكيه..."




اووووووووف...اخيرا خلصت تنظيف المطبخ..صراحه شي مو طبيعي..غبره بكل مكان وكأن البيت ما انسكن من فترة طويله...بس هذا جو الرياض الله يقطعه كله غبار بغبار..المصيبه اني من الصبح وانا بس بالمطبخ والصاله...لسه مالمست المجلس ولا غرفة النوم ولا الحمامات....مشكلتي ماتعودت انظف...
مديت يديني لاقصى حد...وتحركت ببطء...عشان ظهري يعورني من كثر النزله والفرك بالبلاط....
لاحظت ان المطبخ مافيه اي شيء....فكتبت كل الطلبات اللي احتاجها فيه...من موية واساسيات زي الشاي والقهوة...
ودقيت على البواب بره وخليته يجي يآخذ الورقة....واعطيته فلوس...خذيتها طبعا من جيب وافي...
رحت للصاله....رتبتها بسرعه...نفضت الكنب الزيتي اللي فيه نقوشات ذهبية...ونضفت الطاولات الركنية...والطاولة حقت التلفزيون...والتلفزيون نفسه...سمعت جرس التلفون.. وكنت بروح ارد بس ترددت...دق ثلاث رنات وبعدها سمعت صوت حرمه

يقـول مــن عـــدى على راس iiعالي
رجــم طــويـل يـدهـله كل iiقرناس
فـي راس مـرجـوم عـسير iiالمنــالى
يشتاق لـه مـنـدك بالقـــلب هوجاس
قـعـدت فـي راسه وحـــيد لحــالى
والقـلـب فـي لجات الافكار iiغــطـاس
وقعدـت اعـد ابـامهـــا iiوالليـالــى
دنيا تـقـلب مـا عــرفـنـا لها قياس
دنيا تـفـرق بيـن غــــالى iiوغـالى
لو شفت منـهـا ربـح يرجــع iiللافلاس
يا ما هفا به مـن رجــال iiمـدالـــى
مـا كـنـهـم ركبوا على قب الافــراس
ولا رددوا صـم الـرمـك iiللتــوالــى
ولا ثـار عـج الـخيل في كـل مـرواس
ولا قـلـطوهـن للكمـــين المـوالـى
ولا صـار فـوق ظـهورهن شلع الانفاس
فـي حـومـة الهيجا لهن اجتوالــــى
كـل يـبى مـن زايـة الفعل iiنــومـاس
مــن بينهـم عود الجنا والســـلالـى
مـثـل البـروق اللـــيل الادمـــاس
يقطـعـك دنـيـا مـا لـهـا أول iiوتالى
لـو اضـحكـت تبكى وتوريك iiالاتعــاس
يـا ابـجـاد شـب النار وادنـى الـدلالى
واكسـر لـنا يـا ابجاد ما يقعد الــراس
فـنـجال يغـدي مــا تـــصور ببالى
وروابـع تـضـرب بها اخماس وأسداس
لـعـل قـصر ما يجيبــــه اظلالــى
يـنـهـد من عالى مبــانيــه للساس
لـى صـار مـا هو مدهل iiللـرجـــالى
وملـجـأ لـمن هو يشكى الظـيم والباس
بـحسـناك مـا منشى حقــوق الخيالى
يـا خـالق اجـناس ومفــنى اجـناس
تجعـل مـقـره دارس العهــــد بالى
صـحـصاح دو خـالــى ما به أو ناس
لا خـاب ظـنـى بالرفيــــج الموالى
مـالك مشـاريـه عـــلى باقي الناس
وإن ناشنى مـن بـعـض الادنيـن صالى
مـانــى عـن الزلات مخـــبر iiوبلاس
كالعنبـر الغالـى بالأسـواق غــــالى
ولا درهــم الفضيـة على صفر iiونحاس
اجـزيـة بـالصده جنوب iiوشمـــالـى
واتـلى هـوى قـلبى اليا هب iiنسنــاس
المستريـح اللـى مـن العـقـل iiخــالى
مـا هـو ولجـات الهواجيس iiغـطـاس
مـا هـو بمثلـى مشــــكلاته iiاجلالى
عجـزت اسجلهـى بحبـر وقـــرطاس
حملـى ثقيـل وشلـت حملـــى iiلحالى
ونصبـر علـى ضيـم الليالى iiوالاتعـاس
بـرسـي كما ترسي عـوالى iiالــجبالى
مـا ينهـزع حـيد عـــليه القدم داس
مـتـى تـربع دارنـــا iiوالمـفــالى
تخضر افياضـه عـقـب مـا هي بيباس
ونشـوف فـيـه الـديدحــان iiمتـوالى
مثـل الـرعـاف بخصر مدقـوق iiالالعاس
ينثـر عـلى البيـداء ســـواة iiالزوالي
يشـرق حـمـارة شرقة الصبـغ iiبالكاس
..

حسيت بضيق وانا اسمع كلمات محمد السديري...كنه يقرا خواطري...كنه عايش معاناتي...اول مرة افهم كلمات هالاغنية على كثر ماكنت اسمعها زمان..لأنها اغنية امي المفضلة...غمضت عيوني..مابي ابكي..مابي..
تنهدت وانا احط ايديني على نظارتي وافصخها من تحت الشيلة...وعضيت على شفايفي احاول اسيطر على مشاعري...
غمضت عيوني بقوة...وضغطت على يديني بقوة..لين ماحسيت ان اظافري انغرزت بلحم ايديني...






: ملكه قليبي...نشي..
فتحت عيوني ببطء...وصديت عن عفاري ورجعت غطيت نفسي بالشال الكشميري..الله.. يازين الدفا...وش تبي ذي؟؟...ابي انوووم!!!
عفاري بصوت جدي: لو ماقمتي هالحين..ترا بنادي وافي يشلك...
رميت الشال بسرعه..وطالعت فيها مفجوعة...
ضحكت بوجهي...: حريم ماييون إلا بالعين الحمرا...ههههههههه
طالعت فيها بعتب...ونزلت من السيارة...كان الوقت هو المغرب..واعجبني الفندق اللي على شكل كوخ فخم....سكرت باب الهامر...وشفت وافي وهو يطلع من الفندق..
قال لعفاري : انا بروح اسوي لي كم شغله موصيني فيها بعض الشباب...وبرجعلكم...
وكمل وهو يطالعني لثواني ثم صد: ماابيكم تطلعون من الفندق...لو مهما كانت المغريات.. طلبتلكم العشا بالغرفة نفسها...وخليتهم يرسلون لكم كم مجلة...
وكمل وهو يركب الهامر: انتبهوا لنفسكم..
ضميت الشال على جسمي فوق العباية..وانا اشوف الهامر الاسود يبعد بسرعه..
عفاري وهي تحط ايدها على كتفي: عارفة انج تكرهين وافي...لكن..ماكنت اقدر ايي بروحي...
قلت وانا اشوف الجيب يختفي بين الثلوج: موب مشكله!!!





تمددت وانا شوي وازغرد بحوض الماء الحاار...الله...يا زين الدفا بعز البرد...حركت رجولي بفرح في الموية...ولعبت فيها وصوت ضحكتي يعلى... مو مصدقة...لسه مو مصدقة... الحرررية...يا نااااااااس...الحررررية....ما احلاها والله...الله لا يحرمني منها ولا يعيشني بعيد عنها...
خلصت حمام...ولبست روب الحمام الثقيل مرة اللي حطته لي عفاري..ولبست تحته بنطلون قطني دافي ابيض...وطلعت من الحمام الله يكرمكم...ارتجفت وانا احس بنسمة الهوا القارسة اللي جاتني من الشبابيك النصف مفتوحة...ركضت على الشبابيك ورحت قفلتها..وانا مستغربة شلون عفاري تخليها مفتوحة...ناديت على عفاري..وما ردت علي.. شكلها نزلت تجيب لنا العشا...
تأملت غرفة النوم...كانت في غاية الروعه...سرير ضخم عليه مفرش مخملي بنفسجي..غامق ومعه بعض الخداديات الذهبية والفضية...
الارضية خشبية غامقة...والمدفأة التراثية الكبيرة..اللي محطوط فوقها مجموعة رفوف عليها بعض التماثيل الصغيرة...
اغراني الكرسي الهزاز اللي عند المدفأة...بس مارحتله..اجلت الراحه فيه لبعد العشا...
رحت للتسريحة...وجلست قدامها...تأملت حالي بالمراية وانا ارسم ابتسامة كبيرة على وجهي..وقعدت اغني وادندن بأعلى صوت...وانا امشط الشعرتين اللي فوق راسي.. الحمدالله ان شعري طال شوي...يعني هالحين واصل لآخر رقبتي..يعني مغطي جلدة الراس كلها وهذا المهم...:

ليلة خميس..طرز بها نور القمر...شط البحر...نصف الشهر...والليل من فرحه عريس..ليلة خميس..آآآآه..
ليلة لقانا...موعدي الساعه8...كان الندى موعود مع رمش الزهر...والزهر سهران عطر بالحلال..ليل اللقا..
فيها الفرح ثوبي الجديد...لقياك عندك يوم عيد..موج البحر مغنى وقصيد...والليل من فرحه عريس..ليلة خميس...

خلصت تمشيط شعري وتجفيفه..وطالعت بشكلي..صراحه مو راضيه عن حالي.. بس الشكوى لله...فتشت شنطة عفاري ادور فيها مبرد اظافر...او قصاص..مالقيت ولا شيء.. استغربت ان عفاري الانيقة..المحافظة على مكياجها واغراضها شنطتها فاضية مافيها غير لبستين وبلوزة صوفية..
لقيت صورة جاسر..ابتسمت وانا اشوف صورته...كان يناظر بخجل بالكاميرا...وهو واقف مع اصحابه عند باب مدرسة ثانوية...لابس ثوب ابيض عليه غبرة...وماسك كتبه بايده...
ياربي..صدق وش صار بين هالثنين؟؟؟....اكيد عفاري نفذت وعدها لي ولا اتزوجت منه...زييييييين...عشان ابي احظر عرسهم..وبفصل فستان كششخه يليق بالمناسبة...عاد إلا عفاري تستاهل كل الزين...
رديت صورة جاسر....للشنطة وقفلتها....ورحت فتحت باب غرفة النوم وطلعت للصالة الصغيرة التابعه للسويت...وشديت ملابسي على جسمي وانا ارتعش...
رحت للمطبخ الصغنون...وسويت لي كوب قهوة...حار وريحته شهية حيل...
ورجعت قدام التلفزيون وجلست اقلب بالقنوات وبالاخير مليت وقفلت التلفزيون ومددت رجولي...ومسكت رواية امريكية لقيتها طايحه على الارض...شكلهالعفاري..فتحتها وقعدت اقرا...


: ليلة خمييس...قلبي بدقاته الارحتي يناديك اسمعي...ويقول بآهاااته دخيل الله ارجعي... انت في هالدنيا نظر عيني..ومناي..ومطمعي..في موعدي ليلة لقانا مولدي..يااااا قمره..يا نجوم اشهدي... اني معك ولك..ارخص لك الغالي النفيس..ارخص الغااااالي النفييس... والليل من فرحه عريس...ليلة خمييييس

سمعت صوت صياح...خلاني اسكت...رميت الرواية اللي بأيدي..ومشيت مترددة ناحية الصوت..سمعت صوت صياح عفاري يزيد...رحت للسويت الثاني اللي يفصل بينه وبين حقنا باب..ودقيته...دقتين..ازداد صوت عفاااري...فرحت دقيت اقوى وقلت:
عفااااري ... افتحي الباب حبيبتي....
عفاري وهي تصارخ: روحي عنييييي...لا تكلميني...مااابي اسمع صوت احد...آآآه...
انهبلت انا..وقمت ادق الباب اقوى: عفراااا...بطلي مصخرة وافتحي الباب....انا مو ناقصه وجع قلب...
عفاري وهي تحاول تتماسك: وش تبيييين؟؟.. مو انتي مبسوووطة...وقاعده تغنين بهالليلة السعيده في حياتك...قاعده تغنين بكل الفرح اللي داخل قلبك...اغنيته...آآآآآآآآآآآآآآآآه...
انقبض قلبي...: عفااااري...بعد عمرري...وش السالفة؟؟؟...قوليلي....
عفاري وهي تصارخ: آآآآآآآآآآآآآآآآآآآآآآه......اغنيته يا ملكه..اغنيته اللي غناها لي كثييير... ليش غنيتيها؟؟...ليييييييييييش؟؟؟...
حطيت ايديني على اذني وانا اسمع صوت نحيب عفااري يعلى ويعلى...: عفاااري.. الله يخليك..افتحي هالباب..ولا بجيك من بره....
عفاااري وهي تسفهني: آآآآآآآآآآآآآآآه...اه اه اه....
سمعت دق على الباب حق السويت...بعدت عن الباب الفاصل...ورحت ابي اشوف من عند الباب...طالعت من العين السحرية...شفت رجال واقف وهو ماسك صينية أكل...
قلتله يترك الاغراض عند الباب...وبعد ما راح...فتحت الباب وسحبت الصينية الثقيلة ودخلتها جوا...
صدق كنت جوعانه بشكل...لكن مع هذا مالمست الاكل...اللي كان عبارة عن شوربة ساااخنه بالفطر وريحتها تجنن...وطبقين ستيك لحم مشوي..مع بعض الخضار المشوية.. غطيت الصحون وحطيتها على طاولة الأكل...ورحت غيرت ملابسي..ولبست بنطلون جينز احمر..وكنزة سودا مجدولة..ولبست عبايتي وسكرتها ولفيت علي الشيلة...وطلعت بسرعه من السويت بعد ما تركته مردود...
وقعدت اطق الباب على السويت حق عفاري...واللي كان صوتها واصل لبره...قلبي قابضني.. يعني معقولة الهبلة عفاري غلطانه بجاسر....بس حتى هو بعد..مفروض ما يقسى عليها...صح ان عفاري مصرقعه..لكنها تموت عليه...
لا..بس ان شاء الله.. ما تكون سالفه كبيرة...رغم ان قلبي يألمني وقابضني بشكل.. الله يستر..
: عفاااري..مايصير كذا..انا ملكه بنت عمك اللي تموتين عليها..ولا تخبين عليها...
بليييييييييز...قوليلي وش فيك؟؟؟
عفاري وهي تشاهق: انتي... ليششش.... مووو راضية... تفهمين؟؟...ليش... تبيني اقولها بلللساااني؟؟؟... صععبه علي...اانطقها...آآآآآآآآآآآآآآآه....
: عفاري بليز حبيبي...افتحي الباب..الله يخليك يا عيوني...لا تززعليني منك...
وقعدت ارتجف من خوفي عليها..وش صار لجاسر؟؟...لا يكون مرريض؟؟..لالا..ان شاء الله خير...ان شاء الله خير....
: هاااي انتي...وراه حسك واصل لآخر الممر؟؟...
وقف قلبي..وبعد ثواني بدا يرجع لنبضه الطبيعي وغطيت وجهي...والتفت بغرور...
: لو سمحت...مابيني وبينك اي كلام....
علا صوت عفارري وقالت وهي تنيح: ايه...تهاوشوا....لا تراعون مشاعري...تطاقوا... اصلا من متى وانتم تهتمون بمشاعر غيييييرررركم؟؟...
جا وافي وحاول يفتح الباب بقوة..: عفرااا...بطلي دلع وافتحي الباب...
ماردت عليه عفرا واخذت تصيح اقوى واقوى....
: عفرا عيوني...بليييييييز افتحي الباب حبيبتي...
عفرا وهي صوتها انبح: لااااا...راح اتذكره...راح احزن...راح اموووت.. ماااابي.. اترركوووني ... انتم ماحتراعون مشاعررري...
قلت لها بصدق: والله ثم والله....اني ما ادري انكم منفصلين عن بعض..ولا كان ماغنيت ولا حاولت اني اكووون مبسووطه...( وانبح صوتي ودمعت وانا اسمع صوت عفرا يعليى وهي تصارخ)
عفااري وهي تفتح الباب بقوووة: خلاص..خلاص.. اسكتي....ارررحميني...ليش صايرة غبيية؟؟... ليييش؟؟.. الظاهر عشرتج مع الميانين اثرت بج...
طالع وافي فيني...وكان مصدوم مثلي من جملة عفراا...حسيت بعيونه حاجه غريبة...ودق الباب اقوى..
وكملت وهي تشوفني اهتز: لا تسوين فيها حساسة..يا ملكه..لأنج إذا ماراعيتي غيرج ماحد بيراعيج..يعني شلون ماشفتي الحزن اللي ساكن كل حركة فيني...جاسر مااات يا ملكه....ماااااااااااااااات...
فتحت فمي علشان ارد...وحسيت بجمسي تجلد..وعروقي برزت....تراجعت على ورا..وامتلت عيوني دمووع... جاسر مااات....لاااا ياربي يكون حلم...يااااااااارب...ابي ارجع..للمستشفى....طالعت فيني عفرا..وانهارت تبكي..ودخل وافي وضمها بقوة وسكروا الباب بوجهي..!!!!!!!!




ابتسمت بتعب لريما اللي كانت جالسة عند رجولي..وتسولف لي بفرح طفولي مميز... ماتشوبه اي شائبه...ياااااااااه ليتنا نرجع اطفال...
قلت لها وانا العب بشعرها الناعم: حبوبة؟؟..
ردت وهي تبتسم: سمي..
: حبيبتي..ريموووه....روحي جيبيلي كاسة ماء...
ريما وهي توقف: ان شاء الله....



سرحت من جديد وانا ارجع اتمدد على الكنبة الفوشي في غرفة المعيشة...اتذكر..تصرفات وافي معي بالمطار...كلها تتسم بالخشونة..القسوة...الجفا..الامبالاة...
قومتني عفاري الصباح بجفا...واعطتني كوب حليب ساخن...حطيته على جنب ورحت خذيت شاور سريع ولبست بنطلون بني قطيفه..وبلوفر بيج..ومشطت شعري..وشربت الحليب اللي برد شوي..بعد ماحطيته بالمايكرويف..
لميت اغراضي القليلة المتبعثرة... ولبست عبايتي...وطلعت ورى عفاري ووافي... ركبنا السيارة الهامر اللي كانت باردة مووووت...
وافي ملى السيارة بريحة عطره المميزة...وكان شعره مبلول...ولابس بنطلون جينز.. وبلوفر ابيض ثقيل..وطالع يخبل...
لاحظت ان حول عيونه سواد اكثر من اليوم اللي فات..وكان شكله مرهق...وطبعا..على طول ولع سيجاره وهو يحرك السيارة اخيرا بعد مادفا المحركات...
عفاري..كانت لابسه بنطلون جينز باهت...وقميص اسود...وحول عيونها فيه حمار قوي..وشعرها رافعته بلا مبالاة وهو مبلول...
تمنيت اضمها واخفف عليها...لكني عرفت ان الافضل اني اكون بعيده عنها حاليا.. لأنها مو متقبلة وجودي نهائيا...
كان وافي ماشي بسرعه عالية...لأن النوم خذانا كلنا وخفنا تفوتنا الطيارة.. وصلنا للمطار..ودخلنا ركض وخلص وافي اجراءتنا بسرعه واحنا وراه..ورحنا للطيارة..وانا كنت شوي واموت..صراحه ملابسي موب ذاك الدفا..وحسيت الهوى يدخلني وانا قاعده اقطع المسافه بسرعه للطيارة...
ركبنا الطيارة..وجلست عفاري بجنب الشباك..فجيت بجلس عندها..فأشرتلي بيدها وقالت بغرور: لا الله يعافيج..خالي بييلس هني...
صعقت بقوة..لكني استجمعت كبريائي وصديت عنها وجيت بالمكان المخصص لي.. لقيته جنب رجال...فتضايقت حيل...
وافي..لاحظت انه لاحظ ترددي...فقال من وراي وبصوت واطي: وش اللي ناوية عليه؟؟.. روحي بسسرعه وانثبري يم عفراا....
التفت عليه...وعديت لين عشرة عشان ما اخنقه بيديني الثنتين واتوطا ببطنه...ورحت يم عفاري وجلست ولا كلمتها حتى يوم جات تعترض..
طوال الرحلة..وعفاري تبكي بصوت واطي..وتطالع برسايل بيدها وصورة جاسر..وتضمها لصدرها وتسلم عليها...حزنتني حيل.. وغصبا علي..قعدت ابكي معها..بس اني رحت الحمام وصحت بكيفي ورجعت اجلس...
لمن وصلنا لدبي....كان بستقبالنا سلطان...اللي انذهلت وانا اشوفه.. كان وجهه مسود... يا الله فعلا موت جاسر كان شي حزين للغاية لان الكل تأثر.. وتمنيت اني ماادخل البيت لأني عارفة ان الحال فيه بتكون اسوأ....

لاحظت بنظرات سلطان حنان وشوق...بس ماتحرك فيني شي..ولا قدرت إلا اني اشفق عليه...



جا يصافحني...لكني مامديت ايدي له.. لاحظت انه افتشل حيل... وانا بعد افتشلت...بس اهو عارف اني ما اصافح الاجانب خير شر...
ركبنا السيارة حقت سلطان..والحمدالله كان الجو حار مرة بدبي..لدرجة اني حسيت اني قاعده اذوب وانا جالسة بالسيارة...انا وعفاري ورا..ووافي جنب سلطان...
شغل سلطان الاغاني بالسيارة...وانهبلت وانا اسمع الاغنية اللي سلطان حاطها...ياويلي.. وجهي طااااح عند وافي...يعني الحين بيتأكد اكثر انو انا بنت ماشية بطال....انا مايهمني هالشي..لكن بعد مابيه يآخذ فكرة سيئة عني...

الحمدالله على السلامه الف مرة..انت سيد اهل الوسامة والمسرة...ياعطوفا في كلامك يا ابو سمره..يارقيق الابتسامة وكل نظرة..
بالسعاده والهنا..يوم ماشرفتوا هنا...ياحبيبي آنستنا...آنستنا..آنستنا...


اخيرا وصلنا البيت.... ومن دخلت..قلبي قبضني بقووة...كل مافي البيت متلحف بسواد غريب...النوافير مقفلة اللي قدام البيت...ماشميت ريحة القهوة وصوت الضيوف اللي دوم موجودين...ولا صوت بواري السيارات اللي عادة تدخل لأن البيبان حقت القصر دوم مفتوحه للضيوف...
ماشفت اثر لاي مخلوق في البوابة الامامية...اول ماوقف سلطان..نزلت ركض ودخلت البيت...ناديت بأعلى صوت على اهل البيت...ماحد رد علي...
لكن بعد ثواني..جات ريما تركض..وضمتني وكانت مبسوطة حيل...
عفاري دخلت وقالت لي بجفا: غرفتج القديمة مثل ماهي....
وطلعت الدرج..
بعد مارتحت وغيرت ملابسي...رحت اشوف بنات العم ناصر...لكن مالقيت احد فيهم..
في الصالات او الاسياب...
رحت لغرفة سماح..وطقيت الباب عليها...ودخلت بعد ماسمعت صوت ضعيف يطلب مني ادخل...كانت سماح متمددة على فراشها...فجعتني...كانت سمرا ومصفرة...ووجهها شاحب...
ركضت وضميتها بقوة...وسالتها عن اخبارها..فقالت لي واهي تصيح: ملكه...ابوووي...ابوووي..يا ملكه...خلاص بيمووت...بيموووت...
وضمتني بقوة وهي تصيح..
ودخلت بعدها ميران وكملت على المقطوعة الحزينة....
وبكذا انقلب اول يوم ارجع فيه البيت..إلى يوم دارماتيكي كئيب...خصوصا بعد ما اكتشفت ان العمة نورا متهاوشة مع العم سعود وتاركة البيت لها اسبوعين...وطبعا البيت سايب من غير والي... وهذا ان دل على شيء..فبيدل على ان المسؤولية كلها راح تكون فوق راسي كالعادة...


بعد ثلاث ايام من رجعتي من امريكا




الشغالة وهي ماسكة الاسلكي: مدااام....هذا تيلفون...صديق...
مدت ايدي للسماعه وانا مستغربة محد يدق على التيلفون ويطلبني إلا نادرا....: طيب....اعطيني السماعه...
واخذت التيلفون...: الووووو.....
سارا باعلى صوت:الووووو... يا الدبه..يا النذلة...ياحمااااااااااااااره....
رديت عليها وانا اضحك على اسلوبها: ساراااا..نعنبو ذا الوجه كل ماسمعتك قعدت تسبين...
ضحكت سارا: ساااااامحيني...هههههههههه..والله مشتاقتلك مووووت ..يا مليك...
: وانت وحشتيني كثييير يا سارا..لو تدرين قد ايش ودي ازورك...وازور خالتي...
سارا بخبث: يا عيني...قال خالتي...قال...
: ههههههه...سارا..طول عمر امك خاله بالنسبة لي....
سارا بنفس الخبث: قريب...راح تصير لك خاله فعلية...
بلعت ريقي: هااا؟؟..وش قصدك؟؟..
سارا بدون لف ودوران: باختصااااااار يا طويلة العمر...قررت انا سارا بنت عبدالله آل.. انك راح تصيرين مرت اخوي..على العطلة...
سكت مصدومة للحظات...بعدين قلت بحذر: واااااو...خبر..اممم...جديد...
ضحكت سارا: ههههههههه يا عيني على الخجل...الله...تصوري يا ملكه راح تسكنين معنا بنفس البيت موب وناااسه...وراح تجيبين عيال صغنونين نسخه منك..عيونهم خضرا وشعورهم حمرااا..يااااااااااي..وناسه راح اصير عمة لبنات حلوااات....
وكملت وانا ساكته موب مستوعبة: وكمان...راح تسكنين معنا بالبيت...مالك امل تطلبين بيت لوحدك.. انا ابيك يمي..عشان كل يوم نطلع ونتمشى...ونسافر سوا.. ياااااااااااي... تخيلي نروح نصيف لوحدنا ام الوناااااااااااااااااسه...
: سارا...لحظه لحظه علي...تراني ماقلت موافقه لسه...
سار بجدية: ليش راح ترفضين؟؟...اخوي وش فيه؟؟..مزيووووون وشبعااان وموظف كبير...وملتزم...يعني ماناقصه شي...
انحرجت من سارا كثير..وقلت بعد تفكير:طيب..لا تاكليني... طيب...
سارا بحماس وهي تخرق طبلة اذني: طييييييييييب..وشوووو؟؟؟
ضحكت غصبا علي: ههههههههههههه...انا موافقة....بس بصلي الاستخاره لكن مبدئيا موافقة وخالصه...
سارا وهي تصيح: آآآآه..مو مصدقة..اخيرا راح تصيرين مرت اخوووي...آآآآآآآآىه... مستعجلة ياررررررربي متى راح تعرسون؟؟...
ضحكت: هههههههه.....خلاص...بس خليني اشوف متى يقدر يقابل عمي...ايه...عادي يا عيوووني...
سارا: متى متى؟؟..استعجلي الله يخليك..نبي نفرح فيكم...ترى حالتك موب عاجبتني...
قلت وانا اشوف ريما جاية: خلاص من عيوني...لا موافقه وماراح اغير رايي... خلاص.. بسأل عمي متى وكيف تجون...حياكم الله...باااي..
رفعت راسي عشان آخذ كاسة الموية من ريما...شفت عمي واقف عند الباب..طالع فيني بطريقة غريبة وقال: وش اللي موافقة عليه؟؟..
قلت بدون اي خجل وبكل ثقة لأن عمي ماعاد يهمني: على اخو صديقتي... ها ياعم...متى تبيه يقابلك؟؟...
لا تستغربون تراني صرت اكررههه عمي من كثر اللي شفته وانا بالمستشفى.. صرت اكرره حتى استقباله كان لي حيييييييييل باااارد...
عمي بعصبية: هه..هذا اللي باقي....تزوجين من غير شوري....اساسا انت مخطوبة من زمان وانا معطي كلمتي للرجال...جهزي نفسك...لأن زواجك بعد اسبوعين...
وقفت وانا مو مصدقة....وكمل وهو يشوف كاسة الموية تطيح من يدي: ولا تفكرين انك ترفضين...
انهرت جالسه على الكنبه وانا مو مصدقه اللي سمعته

الفصل الثامن عشر

]ماتبادلنا انا ووافي اي كلمة بالمرة...وصلني للجناح حقنا بالغرفة وبعدين راح وتركني لوحدي بعد ما اخذ البطاقة حقت الباب من عندي...
حسيت بقهر...فيه رجال يعامل عروسه بهالشكل...لكن انا اوريك يا وافي...ما اكون ملكه إذا ماربيتك وربيت عشر من اشكالك...
فصخت عبايتي وشيلتي...بعصبية..ورميتها بالدولاب...ورحت فتحت الشنطه حقتي.. وكنت شوي وانتحر يوم شفت عفاري وسماح وش حطوا لي بالشنطة...أووووه....يا سماح انتي وعفاري...قهرووووووني...
رحت طلعت جوالي ودقيت عليهم...ماردوا علي الحمير..طيب..عارفين وش بسوي فيهم؟؟..
مت قهررر..وبعد ثواني وصلت رسالة من عفاري تقول: اكيد طبعا فتحت الشنطه يا عروس... ترى عشان العشرة اللي بينا حطيت لك بيجاما الدباديب اللي تحبينها والروب القطني الازرق اللي كان عاجبك مرة...بس طبعا انا واثقة انك ماراح تلبسينهم...باااايو"
رميت الجوال بعصبية...وطلعت الروب القطني الازرق...كان روب ناعم حيل يوصل لنص الساق تقريبا....فيه زمزمة بسيط اسفل الصدر وباكمام طويلة...اخذته واخذت الشبشب الناعم الازرق اللي فيه فص بالنص....
ورحت الحمام...بعد ما اخذت مجموعة الاستحمام حقتي الجديدة...تحممت بفرح مع الريحة اللي تجنن..ونسيت مؤقتا او بالاصح تناسيت مين ينتظرني خارج باب الحمام؟؟..
خلصت شاور...وقعدت اجفف شعري القصير بالسشوار ولفيته بطريقة مرتبة شوي... ازلت المكياج عن وجهي نهائيا...
ولبست الروب الازرق...والشبشب...وسميت بالرحمن وقريت المعوذات وانا اطلع من الحمام....
تسمرت عند باب الحمام...ابي اتخبى...ابي اهرب..مو متعودة اكون مع رجال غريب لوحدناا!!
وافي غريب عني....وافي مو بزوجي....وافي ولا شي بحياتي...مجرد حشرة..حصى بجزمتي...انا اعتبره كذاا...لأنه هو كذاا..
تنحنحت عشان ينتبه اني طلعت...كان واقف عند الشباك الكبير اللي مآخذ مساحة الجدار بالكامل يطالع بره...ويدخن بهدوء...منزل المشلح حقه والشماغ...
مالتفت علي...فدورت حولي على شي..عشان ارميه على الارض وينتبه..وابتسمت بخبث وانا اشوف علبة العطر حقته اللي كانت على التسريحة شكلهم آخذين الجناح من يومين... رميت العطر بقوة على الارض...
التفت وافي بسرعه...وانا اتظاهرت بالبراءه وصرخت: اووووه...آآسفه"
طالع فيني للحظات ورجع طالع بالعطر وقال مستغرب وكانه يكلم وحده مجنونة: ليش؟؟..."
قلت وانا مسوية فيها بريئة وانا اناظر برجولي:آسفه...ما انتبهت..."
مارد علي...رفعت عيوني ببطء.....لين ماتلاقت بعيونه اللي كانت تلمع سخرية.. وكأنه يقول فاهم الاعيبكم يا الحريم!!
قال وهو يرجع شعره على ورا ويطالع فيني من فوق لتحت: صدق بزر....كل هذا عشان تلفتين انتباهي..."
حسيت بحرارة فضيعه برقبتي...ودقات قلبي اخذت تزيد بقوة...وعروقي قامت تنبض بجنون وكأنها بتقطع جسمي وتطلع منه...
كمل بسخرية مؤلمة: طبعاا..مطلوب مني كعريس...اقول واااااو وش هالجمال؟؟؟...يا الله يا ملكه ماتدرين شكثر انا سعيد بزواجك...ما تدرين شكثر انا محظوظ ولا كان مالقيت هالكنز اللي كلن يحسدني عليه...."
ارتجفت شفايفي غصبا علي...ماراح ابكي...انا عارفه انه حشرة...وعارفه انه راح يضايقني بهالكلام..لكن اناا..اقوى منه...ولا راح يهزني...وعمر الجبل ماينحني قدام الرياح...
كمل وافي وهو يدور حولي وكأنه ذيب مفترس يبنقض علي فريسته ويقطعها مية قطعه بس محتار من اي جهة يهجم عليها!!
وافي بسخرية حارقة: كل العرسان يكونون مبسوطين بليلة العمر....لأنهم يعتقدون ان هالعروس اللي هم مآخذينها ماعرفت ولا حبت ولا شافت احد غيرهم..."
حطيت ايدي على حلقي وانا احس بغصه فضيعه مثل كورة شوك كبيرة بحلقي...
وافي وهو يوقف وراي على بعد خطوات: إلا اناا...اناا كاره عمري...انا حاس وش كثر عروستي خبيثة...وش كثر تستغل الرجال...وش كثر تحب تبرز جمالها اللي اهي مغرورة فيه للرجال اللي تتظاهر انها تشوفهم بالصدفة..."
شهقت غصبا علي..وقلت وانا التفت له واواجهه بذهول وبعصبية" طيب...ليش تزوجتني؟؟؟...انا العقرب.. الخبيثة اللي تتظاهر بالبراءه..."
وافي وهو يبتسم بوجهي" موب كيفي....غصب تزوجتك....حسيت انك اذى على البيت اللي انت تعيشين فيه...حسيت اني لازم انقذ اهل هالبيت من العقرب اللي مثلك...ما ابي اختي تطلق بسبتك انتي...كنت اشوف الاعيبك....مرة مساعد..مرة سلطان..ومرة يزيد...شفتك بعيوني شلون خطفتي الخبل مساعد من بدرية..."
صرخت فيه اقاطعه: انا ما خطفت احدد...اناااا...مالي علاقه بمساعد...."
قال بحرارة وصوته يتقطع واهو يصرخ فيني: لا تكذبيـــــــــن....انا شفت نظراتكم قبل... شفت شلون كنت تبادلينه النظرات في يوم هروب سلطان....كنت اشوف كيف تعديتي حدود الحياا..واخذت تطالعينه بجراءه قدامنا كلنااا...وان كان سعود والباقيين غافلين عنك.. فالله مو بغافل عنك وعشان كذا اكتشفت بدرية كل خططك الخبيثة القذرة..."
هزيت راسي بياس: لااا يا وافي...انت فاهمني غغلط...."
صرخ فيني: لا تنطقين اسمي على لسانك..اكررههه...اكررررهك معه..."
نزلت دموعي بحرارة يوم سمعت كلامه....وقعدت ارتجف غصبا علي...
قال واهو يشمخ بخشمه: شوفي يا ملكه....انت راح تكونين مرتي قدام الناس بس.. لكن بعيد عن الناس...ماراح تكون بيناا اي علاقه...مابيك تتدخلين بحياتي....ولا ابيك تناقشيني بأي شيء..ولا ابي اشوفك خلال ما اكون بالبيت...."
مارديت عليه...فكمل بعد لحظات واهو منقرف: وطبعا والاكيد ماراح يكون هناك شهر عسل... شهر العسل هذا خدعه مني للجميع...راح نمشي بالسياره الفجر للرياض..."
ولف عني وابتعد ودخل الحمام....
سكر الباب بقوة...غمضت عيوني بقوة...هذا كابوس...كااابوس...استحاله يكون حقيقة...ورفعت عيوني للسما...ادعي ربي بصمت...وقلبي يألمني..لدرجة اني حسيت انه بيوقف...





طالعت بوافي وهو يطلع من الحمام... كان لابس روب الحمام...ماطالع فيني نهائيا وكأني مو بالغرفة...مشط شعره على ورا واخذ يجفف بالمنشفه.....وبعد ما تاكد انه نشف رجع مشطه...من جديد....
شفته وهو يروح يفتح شنطته...ويطلع بيجاما عاديه لونها رمادي غامق...دخل من جديد للحمام...وسمعت انا صوت جوالي..كانت رسالة...قمت ولقطت الجوال ورجعت من جديد مكاني على الكنبة.. كانت عيوني تحرقني من كثر ماصحت...كانت رسالة من سلطان... طالعت بالرسالة للحظات وانفجرت صياح بصوت واطي...سلطان...يا بعد عمري...والله اني ظلمتك...كان يباركلي ويتعذر مني لأنه ماحظر العرس....
طلع وافي من الحمام وانتبه لي وانا ابكي وماسكه الجوال...مسحت الرسالة بسرعه...قبل لايمد يده ويآخذ الجوال مني...
صرخت فيه بعصبية: عطني الجوال...مو من حقك تآخذه مني بهالطريقة"
طالعني بعصبية وقال: نعععم؟؟؟...مو من حقي....اساسا هالجوال انسي انك تآخذينه معك..."
وطلع الشريحة وكسرها قدامي بقوة...زميت شفايفي بزعل...وانا اطالع بشريحتي مكسورة على الارض...وطنشته وانا ارجع اجلس على الكنبة من جديد...
قلت وانا احاول اخلي صوتي متماسك: اطلب لي بطانية..."
قال وهو يطالع بالسرير: نامي عليه...انا ماراح انوم...بطلع بعد شوي...ويمكن ماراجع غير قبل سفرنا بنص ساعه..."
قلت بتهور: وين بتروح؟؟؟..."
التفت جهتي وقال وهو يناظر الساعه اللي بايده: آها..بديت تتقمصين دور الزوجه الغيور ؟؟ ... مسرع يا ملكه..."
قلت بلا مبالاة: سقط سهوا... ولا على ايش اغار؟؟..."
وسفهته ودخلت تحت الفراش الدافي..وطبعا ما تمددت كنت جالسه بس...شفت وافي واهو يروح يجلس قبال التلفزيون...تأملته للحظات..وقررت اني اسفهه واعامله بنفس طريقته..بعدين اساسا انا ماكنت ناوية اعطيه وجه خير شر...مفروض ما ازعل لمن اشوفه يعالمني بذات الطريقة اللي انا كنت مقرره اني اعامله فيهاا!!!
بس!!...لو انا اللي بديت وعاملته كذاا كان احسن...كان حسيت بكرامتي...لكن حاليا وانا متمددة على هالسرير...حسيت شكثر اهو قسى علي بدقايق قليلة...شكثر ذرفت دموع بساعه وحده بس..شكثر قاعد يحتقرني...
انا كنت متاكده انه مفتكرني بنت صايعه موب خايفه من احد وماتفكر لا بحسيب ولا رقيب...لكن مو لهالدرجة؟؟...مو لدرجة انه يكره حتى اني انطق اسمه..
الله يستر من الايام الجايه...وكيف راح يعاملني قدام خالاته واهله كلهم....




حسيت بدزة خفيفه على كتفي...ففتحت عيوني بتعب...وبكسل...شفت عيون واسعه قبالي.. لمعت فيهم سخرية....خلتني اعرف صاحبها على طول...هزيت راسي بقوة...وبعدت عنه بسرعه..
قال بحنان فضيع: ملكه حبيبتي...هاذي عفاري والبنات يبون يطمنون عليك قبل ما نسافر.."
طالعت فيه مو مستوعبة...وضميت الفراش لصدري بقوة..
قلت بحرارة وبعصبية: بعد عني..."
رفع وافي حواجبه بسخرية وفتح السبيكر في الجوال...
عفاري وهي مفجوعة: ملكه عيوني...وشفيج تصارخين على ريلك؟؟؟...."
قلت وانا احاول اتمالك مشاعري وانفاسي: عفااااري....اشتقت لكم كثير..."
عفاري وهي شكلها صدق خايفه علي: وافي سوالج شي...قالج شي...زعلج بشي..."
طالعت بوافي اللي يبتسم بسخرية وكأنه يقول اتحداك تقولين لهم على سواد وجهك...
امتلت عيوني دموع ورميت الجوال بقوة من يده واعطيته قفاي وخبيت راسي تحت المخده وقمت ابكي بحرارة..وانا احاول اكتم صوتي بايدي...
سمعت وافي يقول لعفاري: اكلمك بعدين..."
وقفل الخط مباشرة...سمعت خطواته واهو يقرب مني...وحسيت بحجمه على السرير...فضميت نفسي بقوة...مسكني وافي بقوة من اكتافي وسحبني قريب منه...
قال وهو يطالع بوجهي منقرف: لو غلطتي هالغلطة مرة ثانية...ماراح يصير لك طيب.."
حسيت بانفاسه تحرقني وهو قاعد يتنفس بسرعة...
قال واهو يشدد على كل كلمة ينطقها:تتصرفين قدام الناس بشكل طبيعي...ما ابي هالشكل الماساوي نهائيا....فاهمه؟؟..."
طنشته ومارديت فصرخ فيني بقوة: فاهمه؟؟؟.."
رديت عليه وانا اضربه بقوة على صدره:اتركني يا حشرة..."
وليتني ماقلت حشرة...وليتني ماقلت اتركني...وليتني ماضربته...
مسكني وافي بقوة...من اكتافي واخذ يهزني بقوة واهو يصرخ فيني كأنه مو مصدق جرأتي: انااا حشرة...وانت وش تكونين؟؟؟...هااا قوليلي؟؟.."
قلت بعناد وبعصبية وانا احاول ابعد يدينه عني: انا ملكه...فااااهم...انا انسان....بني آدم.. عندي احاسيس موب مثلك..."
ضحك بقوة فجأة ووقف يهزني..طالعت فيه بخوف: ملكه...ههههههههههه...احد ضاحك عليك...هههههههههه...انتي عنكبوت...عارفة وش يعني عنكبوت...عنكبوت صغير...قذر...يبني بيته بالمكان غير المناسب..."
عنكبوت؟؟..الرسالة...اهو اللي ارسلها...صرخت فيه بجنون...وغمضت عيوني بقوة وانا ابكي وقعدت ارفسه برجولي واهو قاعد يضغط على اكتافي بقوة عشان اوقف...واحس اصابيعه قاعده تنغرز وتألمني بلحمي: انت ولاااا شيييء... اتررر رررركني يا حيواااان...اترركني..."
ركزت قوتي وانا اشوفه يضحك ببرود على رجلي اليمين...ورفسته بقوة...باقوى ماعندي على رجله...فرماني واهو متألم...ولمن حاول يمسكني مرة ثانية...قعدت امخشه بطريقة عشوائية...وغرزت اظافري بوجهه بقوة...رماني بقوة على الارض...فضرب راسي بحافة الكنبة...وحسيت بصداع فضيع...
شفته يروح يدخل الحمام....وحاولت اوقف..بس الالم منعني اتحرك....




الساعه 4:00ص



تحركت من على السرير بتعب...وحسيت للحظه وكأني احلم...وش جابني على السرير... انا ضربت وافي...وطحت على الارض...اكيد هذا عقلي الباطن...
سمعت صوت المنبه حق وافي يدق بقوة... قومني من عز نومتي...واهو لسه نايم.. تحركت بتعب من على السرير....لامست الارض وقعدت اترنح في الم فضيع بجسمي..كتوفي تألمني وراسي...وقلبي....
اخيرا..صحى وافي وقفل ساعته بعصبية...شفته يجلس وانا احاول امشي بهدوء عشان ادخل الحمام...
تلاقت عيونا..فصديت عنه بسرعه..بلعت ريقي بتوتر...وكملت طريق للحمام... دخلته ...وقفلته وراي وجلست على الارض دقايق احاول اتماسك...خصوصا اني احس بغثيان فضيع...ولازم ارجع عشان ارتاح...
شفت وجهي بالمراية...كنت افجع.. من يصدق اني عروس...وين لمعة عيون العروس؟؟.. وين تورد خدودها؟؟...وين ابتسامتها الواسعه؟؟...
غسلت وجهي بقوة كذا مرة...وفرشت اسناني بكسل...وحاولت ارتب شعري المتلفلف بشكل عشوائي..لقيت بنس جنب المراية من اللي تركتها امس وانا افكك شعري...حطيت بعض الخصل ورا اذني...وحاولت ارتب كل هالخصلات المتمردة...
طلعت من الحمام...شفت وافي قاعد يكلم بالتيلفون...انتبهت للجرح اللي على خده..تأوهت .. يعني حقيقة.. فلمست راسي لاشعوريا من ورا...مكان الطيحه ولاحظت انه يألمني بقوة..
انتبه لي وافي...فقال وهو يقفل السماعه: تبين الدكتور يشوفك؟؟"
مارديت عليه ورحت للشنطه وقعدت ادور لي على لبس مريح عشان السفر بالسيارة...
سمعت وافي يقول بعصبية وبصوت واطي مرة: لا حوول ولا قوة إلا بالله... اللهم طولك يا روح..."
خفت للحظات فقلت بتردد: مااا...احتاج..."
شفته وهو يمر من قدامي ويدخل الحمام...استغليت الفرصه وقعدت البس ملابسي بسرعه قياسية قبل مايطلع...
بنطلون جينز سماوي باهت.. وتوب بدون اكمام وردي بياقة مرتفعه شوي.. وقعدت ادور لي على شوز ناعم يناسب ملابسي...ولقيت صندل ابيض نعوم بكعب رفيع...لبسته وحسيت بالرحة وانا قاعده امشط شعري...وقلت لنفسي وانا اطلع المكياج من شنطتي..انا طول عمري متعودة على الزينة..ومو علشان عيونه اتركهاا...
كحلت عيوني بقوة...وحطيت روج لحمي على وردي باهت...ورسمت حواجبي زين...
طلع وافي وانا قاعده ادخل المكياج لشنطتي من جديد..طالعني من فوق لتحت...وسفهني وهو يطلع بنطلون جينز غامق وقميص اسود..عطيته قفاي يوم شفته يفصخ بيجامته ... وقح!!
سمعت دق الباب...وعرفت انهم الروم سيرفس... مشى وافي من قدامي فتح لهم الباب بعد ما اشرلي اجي يا يمين يا شمال....بيده..
دخل عربة الطعام...واول ماشميت ريحة الخبز حسيت بجوع فظيع...وبالم ببطني...
قال وافي واهو يأشرلي وكأنه يكلم خدامته: اجمعي اغراضي وحطيهم بالشنطة...ورانا خط...وبعد ماتخلصين تعالي كلي لك لقمه..."
حركت فكي بعصبية...ورفعت راسي وقلت وانا اجي عند العربة حقت الطعام" ...ابيك تعرف اني مو شغاله عندك...عشان كذاا..ياليت تتكرم وتجمع ملابسك بنفسك..."
وفتحت الغطا على واحد من الصحون وشفت الخبز..فأخذت لي توست محمص حار.. وصبيت لي كاسة عصير برتقال...
سكت وافي ولاحظت انه ماعلق...ولمن رفعت عيوني جهته..لاحظت ان وجهه محمر من العصبية...وكأنه يعد لمليون عشان مايطقني...ارتجفت شوي...بس حاولت ما ابين اني خايفه...
قال وافي واهو يقبض يدينه بقوة: اعتقد انك ما تمشين إلا بالطريقة اللي امس.."
ارتجفت ثواني وقلت وانا ارمي قطعة التوست اللي معي على الطاولة وبصوت هامس: حمااار!!"
ورحت للحمام عشان اشيل اغراضه...وانا العنه واسبه بداخلي..وبعد مادخلتهم كلهم بالشنطه...وسكرت الشناط...
لاحظت ان وافي طلع من الغرفة شوي...طالعت بالاكل وحسيت ان نفسي مسدودة عنه..فدقيت على الروم السرفس عشان يآخذونه...
رجع وافي وشافني لابسه عبايتي وجاهزة قاعد انتظره...وانا حاطه ايدي على خدي وجالسه على السرير..
قالي: تغطي....بسسررعه"
تغطيت بسرعه مثل ماقالي...وشفته يجي يمي وهو معصب..وأخذ يعدل غطاي بسرعه وبقوة...
قلت معترضه: اااييييي...كسرت رقبتييي!!!"
قالي واهو يرجع للباب: اششش....مابي اسمع حسك..."
شفت ثنين هنود يدخلون ويشيلون الشناط حقتنا...ولحقناهم انا وزوجي العزيز وافي...




حسيت بضيق وانا اركب السيارة..وتذكرت الذي مضى...لمن صفقت وافي كف بالسوق... يا الله شوفوا كيف الدنيا؟؟..مين كان يصدق ان وافي يتزوجني؟؟؟...ضميت نفسي بقوة وان اتسند على قزاز السيارة...
ثواني وركب وافي جنبي وشغل السيارة وانطلق بسرعه...
قلت له وانا اشوف يدينه السمرا واهو يقبض المقود بقوة وبمهارة..:ماراح نسلم على عمي سعود؟؟.."
طلع علبة سجايره من جيبه" لاااا...ماله داعي..مسلمة عليهم قبل خمس ساعات تقريبا..."
قلت بحرارة: ولووو...انا ماراح اشوفهم ابدد..."
طالع فيني وقال" ملكه...متى راح تفهمين...اني ماهتم برغباتك...ولا راح انفذها...عشان كذاا انسي تزورين بيت عمك..او حتى بيت اهلي..."
قلت بهمس: شكراا..."
قال وافي فجأة وبقهرر" لا تحاولين تحسسيني اني ظالم...لأنك راح تتعبين ولا بتوصلين لنتيجه..."
سكت منقهرة منه...وقعدت اتامل السيديات اللي قدامي واجربهم واحد ورى الثاني..دخلت اول واحد وطلع اغاني غربية.....فشلته..دخلت الثاني...لقيته امسية شعرية لعبدالرحمن بن مساعد...بس شلته نفس الشيء...والثالث..خليته مشتغل...
لاحظت ان فك وافي انقبض بشدة...وكان فيه عرق ينبض بقوة بجبينه...
ياحبيبي آنستنا...ربي تمم لنا انسنا...بالسعاده والهنا...يوم ماشرفتوا هنا...ياحبيبي آنستنا...
عدلت جسلتي وانا اتامل الطريق...بينما لف وافي على محطة بنزين..ونزل...
والله...والله ماخبي عليكم...انا ماخبي عليكم...اني عايش في جحيم الانتظار...والفؤاد اشتاق اليكم...بالدقايق والثواني تزيده نار...
بالسعاده والهنا يوم ماشرفتوا هناا....يا حبيبي آنستنا....
الحمدالله على السلامه الف مرة...انت سيد اهل الوسامة والمسرة...ياعطوفا في كلامك يا ابو سمره...يارقيق الابتسامة وكل نظره...
شفت وافي يرجع ومعه كيس فيه اغراض...وناولني الكيس..او بالاصح حطه بحجري ورجع يتكلم مع العامل وعطاه فلوس...وشفته يشكره بحرارة هذا الاخير...ورجع ركب جنبي...وحرك السيارة...ولاحظت ان وافي اخذ يردد الموال بحماس...وانا كنت مبهورة بصوته الحلوو...

ودع الصبر...ومحبا ودعك...ذائع من سره ماستودعك...يقرع السن على ان لم يكن...زاد في تلك الخطا إذ شيعك...يا اخ البدر ..يارعى الله زمان..ارجعك.... ان يطل ليلي بعدك..فلكم بت اشكو قصر الليل معك...
الحمدالله على سلامه الف مرة...انت سيد اهل الوسامه والمسرة...ياعطوفا في كلامك يا ابو سمرة...يا رقيق الابتسامة وكل نظرة...
بالسعاده والهنا...يوم ماشرفتوا هناا...ياحبيبي..آنستناا...
مشينا بالطريق مكملين دربنا خارج دبي...فتحت الكيس اللي معي...وشفت فيه عصيرات متنوعة...وساندويشات ساخنه...
ناولت وافي آيس تي...وساندويش جبن حلوم....ولا تسألوني ليش؟؟؟..ببساطه حسيت انها شغله ذوقية...والحمدالله انه ماكسر بخاطري واخذ الآيس تي وحطه قدامه وأكل من الساندوتيش...
تأملته واهو يآكل...وحسيت بشي غريب..وقعدت اتامله متنحه...للحظات..اكيد اي وحده غيري بتكون مبسوطة إذا تزوجت وافي...وسيم...وصوته حلو..وغني...واجتماعي..لكن اناا...دمعت عيوني فغمضتها بقوة...انا هبله!!...
فتحت عيوني فجأة واستغربت يوم شفت مافي اي غطا على وجهي...وكان وافي يتأملني... وفجأة تجعد وجهه بقرف...وطلع السيدي ورماه خارج الشباك...
قال وهو يشرع بسواقته فجأة: طبعا..تذكرتي حبيب القلب..او اقول حبايب القلب"
صديت عنه بألم....اي حبيب قلب واي هم...
قالي بعصبية: غطي وجهك....مانبي فضايح...."
تغطيت اي كلام...وحاولت اني ما اطلع صوت وانا ابكي...مالي معه إلا كم ساعه وكرهت الدنيا..
شغل وافي الراديو وكانت الاخبار....رفعها على آخر صوت...وكأنه مشمئز من صوتي وانا ابكي....وطلع سجايره واخذ يدخن بشراهة لدرجة اني خفت بالاخير يوقف ويرتكب فيني جريمه!!




قال وافي ببرود: كلي لك لقمة...تراك ما اكلتي شي من امس"
طالعت بالساندويش اللي مده لي..كنت توني قايمه من النوم...راسي مصدع مرة...
قلتله وانا ااشر على بره: وقف بسرررعه!!"
كان بيعترض بعدين يوم شافني على وشك ارجع..اضطر يوقف بسرعه ويلبق السيارة على جنب...
فتحت الباب ونزلت ركض من السيارة لين ماوصلت للسياج اللي على الطريق وكشفت غطاي واخذ استفرغ بقوة...وماوقفت إلا بعد فترة طويلة شوي...
شميت ريحة عطر وافي وراي...ناولني قارورة موية..اخذتها منه..فتلامست يدينا..فرميت قارورة الموية متقرفة...ورفعت وجهي المليان دموع اطالع بوافي...
ضيق عيونه....وزم شفايفه بقوة...وقال بصوت حار"إذا خلصتي تلاقيني بالسيااارة"
هزيت راسي له..ومسكت قارورة الموية..وغسلت وجهي وتمضمت كذا مرة... وبعدها تيممت عشان اصلي...
فتحت الباب ولقيته سرحان وهو يدخن..قلت له بصوت خافت" ابي سجاده..."
قال لي واهو يصد عني اكثر" في الشنطة..."
رحت ورا للشنطة...ولقيت السجاده خارج الشناط...
رجعت للسيارة وقلت بصوت عادي بارد: ماراح تصلي؟؟.."
طالع فيني ببرود وقال: مصلي من قبل لاشوف اشكالك..."
غمضت عيوني...اوكيه..اهانه حلوة...مردودة لك يا وافي...مردودة والله مااخليها...
رحت فرشت سجادتي...وصليت الظهر والعصر جمع وقصر...
ورجعت للسيارة...وسكرت المكيف اللي قدامي...وضميت نفسي بقوة ورميت راسي بتعب على المقعد...
قال وافي واهو يحرك السيارة" حاولي تاكلين شي..خلاص مابقى لنا غير ساعه...."
قلت له وانا مو مصدقه التفت حولي: دخلنا السعودية؟؟؟..."
قال واهو يضحك" هههههه...صح النوم...داخلينها من اول...من ثلاث ساعات تقريبا..."
قلت بعتب: ليييش ماقلتلي؟؟؟.."
وعدلت جلستي وقعدت اتامل الطريق...واخذت لي علبة عصير مدها لي وافي...استغربت من اهتمامه بصحتي...وبعدين فكرت بهزء..طبعا لازم يهتم بصحتي...علشان إذا شافوني الناس...والله وممثل شاطر يا وافي!! لقيت نفسي اطالع للعصير بقرفه ولا قدرت اشربه نهائيا...!!

وصلنا اخيرا الرياض...رحله طويلة ومتعبة...للاعصاب والجسم...وقفنا عند بيتزا هت..وطلبنا بيتزا كبيرة وسلطه...ورحنا للعمارة اللي وافي ساكن فيها...توقعت اني اكون ساكنة بفيلا لكن مو مشكله...كله بيت بالاخير..بس المصيبة بالشقه ان مافي مجال للهروب من المواجهات الطارئة بيني وبين وافي...لكن ربي يحلها ان شاء الله....
دخلت العماره...وشفت وافي يعطي البواب مفتاح السيارة عشان يطلع الشناط فوق...ورحنا ركبنا المصعد...
اول مادخلناه...دق جوال وافي...فطلعه من جيبه...وابتسم وهو يشوف الرقم...وقال وهو يطالع فيني: هلاااا والله....هلا باهل دبي...."
اول ماقال دبي..رفعت راسي لا شعوريا....عفاري يا بعد قلبي وسماح وحشوني كثيير...
قال وافي: افاااا....هذا وانا خالك....طيب...يجيلك يوم يا آنسة عفراا...طيب..خذي...هاذي ملوكة نور عيوني.."
طالعت فيه بغيض..قال نور عيوني قال..ههه...اصلا باين انه ممثل واستحاله ان عفاري صدقته...
اخذت الجوال منه: عفرااااااااااا....."
صرخت بفرح فاشرلي مفجوع عشان اقصر صوتي....طنشته...وصلنا اخيرا الدور اللي ساكنين فيه..
: الووو...والله انا اللي اشتقت لك موووت...لااااا..ابدا كنت متضايقه شوي...يا بعد عمري... يمكن حسيت بالوحده..لااا ابدا...اساسا حياتي مع وافي من بدايتها تشرح الصدر وتبشر ببداية علاقة رائعه...نعععم؟؟...ههههههه...من عيوني يا الغلا...باااايو"
عطيت وافي الجوال وقلدني: من عيوني يا الغلا...باااايو"
قلت له وانا اتبعه: ترى مالي خلقك..."
لف علي وقطب حواجبه: موب اخوك الصغير عشان تكلمين معي بهالاسلوب..."
سكت للحظات وقلت بصوت ماعرفته: اخوووي..ميت!!"
لاحظت ان وافي صنم لثواني...وبعدها طنشني..وراح للشقه..وفتح بابها...
قال لي بتريقة يوم جيت ادخل: برجلك اليمين يا عروس!!"
طالعته بقهر وعناد له دخلت باليسار...
طالعت بالمكان من حولي...شقه انيقه...كبيرة حيل..مرتبة واثاثها عصري جدا..بس لاحظت ان فيها غبار...
كحيت بقوة وقلت بسخرية وانا افصخ غطاي: وااااااااااو...المكان مرة نظيف..."
قال وافي واهو يحط الاكل على طاولة الاكل اللي بالمطبخ المكشوف على الصاله: انت اللي راح تخلينه النظافه بعينها..."
قلت وانا اجلس على الكنبه: يعني...تبيني اشتغل وانا بصباحيتي..."
ضحك بسخرية: ههههههههه...لااا بساعدك لا تخافين..اخاف يغمى عليك..."
وكمل وهو يأشرلي على الغرفة اللي جوه: هاذيك غرفة النوم حقتي..."
قلت بحماس: وانااا؟؟؟....غرفتي وين؟؟..."
طالعني للحظات وبعدين ابتسم بخبث:للاسف مافيه غير غرفة وحده في الشقه ذي... لكن...بما اني انسان عطوف جدا...راح اتكرم واخليك تنومين فيها اليوم بس....مفهوم؟؟؟.."
هزيت راسي بتريقة: مفهوم..."
جلس على الكرسي..وطلع البيتزا من الكيس. ...وقالي: جيبي كاسات..."
قلت وانا ادخل المطبخ: ان شاء الله مستر وافي..."
وطلعت كاسات وجيت وجلست بعيد عنه بثلاث كراسي...وقعدت آكل وانا ساكته...
قلت عشان اكسر الصمت: الجو حيل بارد..."
طالعني شوي يمكن ثواني....وما رد...
قلت بلقافه: من وشو؟؟.." وانا اشر بعيوني على الخدش اللي بحاجبه...
لمس حاجبه كأنه يتذكر: آه...من زمان...يوم كنت صغير..."
كمل وافي وهو يبتسم: كنت حيل شقي..اذكر اني خطفت القطو حق جيرانا....لأنهم ماخلوني العب مع بنتهم اللي كنت احبهااا..."
حسيت بطعنة قوية....غيرة؟؟..انا اغار..صدق اني موب صاحية...لكن ايه اغاااار...قاعد يكلمني عن حبيبة الطفولة...وبكره حيكلمني عن حبيبة المراهقة..وبعده عن حبيبة المستقبل..
حسيت ان نفسيتي انسدت بينما هو وصل لنهاية كلامه وقال: وهذا هي النهاية....سووا لي عملية وبقى اثرها لهالحين.."
همست لا شعوريا: احسسن..."
قال وافي باهتمام: هااا؟؟؟..."
رفعت عيوني له وقلت وانا ابتسم ابتسامة واسعه وواقف الم الكاسات وعلبة البيتزا: معليش تكبر وتآخذ غيرها..."
ماعلق على كلامي...ووقف واخذ يتمغط بتعب..وقال: شكلي بنووووم....لا تقوميني..اوكيه..."




اووووووووف...اخيرا خلصت تنظيف المطبخ..صراحه شي مو طبيعي..غبره بكل مكان وكأن البيت ما انسكن من فترة طويله...بس هذا جو الرياض الله يقطعه كله غبار بغبار..المصيبه اني من الصبح وانا بس بالمطبخ والصاله...لسه مالمست المجلس ولا غرفة النوم ولا الحمامات....مشكلتي ماتعودت انظف...
مديت يديني لاقصى حد...وتحركت ببطء...عشان ظهري يعورني من كثر النزله والفرك بالبلاط....
لاحظت ان المطبخ مافيه اي شيء....فكتبت كل الطلبات اللي احتاجها فيه...من موية واساسيات زي الشاي والقهوة...
ودقيت على البواب بره وخليته يجي يآخذ الورقة....واعطيته فلوس...خذيتها طبعا من جيب وافي...
رحت للصاله....رتبتها بسرعه...نفضت الكنب الزيتي اللي فيه نقوشات ذهبية...ونضفت الطاولات الركنية...والطاولة حقت التلفزيون...والتلفزيون نفسه...سمعت جرس التلفون.. وكنت بروح ارد بس ترددت...دق ثلاث رنات وبعدها سمعت صوت حرمه

الساعه 12:00م



طالعت بوافي واهو يدخل اخيرا الشقه..كان وجهه اسود والتعب مبين عليه...تبادلنا نظرات سريعه...بس ماطالع فيني اكثر...
قال بتوتر: ليش صاحيه؟؟...
قلت وانا اطالع فيه بشفقه: وعليكم السلام...
طالعني وكأنه يبي يذبحني: حطي لي عشاا...
قلت وانا اهز كتوفي: ان شاء الله..
ورحت دخلت المطبخ اللي اساسا مفتوح على الصاله....شفته وهو يرتمي على الكنبه... شغل الاخبار...واخذ يفصخ انعاله وانتم بكرامه...ورمى بشماغه باهمال فوقها...فتحت الثلاجه...وتهت فيها...مسكين وافي...انا مشفقه عليه...اكثر مما انا مشفقه على حالي... صح ان مالي إلا يومين معه وبدخل الثالث بعد دقايق...بس احس كأني اعرفه من زمان...احس انه محتاج راحه نفسية طويلة المدى...يبيله يروح لسويسرا..مدة ثلاث اربع اسابيع...يريح فيها عقله من الافكار الشريرة الي تدور فيه..لأنه فعلا مرهق...
قلت وانا اطلع كل اللي تشوفه عيوني من الثلاجه...: تبي حاجه معينه؟؟...
طالعني باستحقار: اي شيء..
قلت له وانا اصد عن نظراته اللي تقتلني: ان شاء الله....
سلقت له مكرونه قليلة على قده....وسويت معها صوص خفيف...حطيتها بصحن غويط وقعدت ازينه شوي...على اساس تنفتح نفسه للاكل...
جبت له الاكل وحطيته قدامه...طالعه بلا مبالاة...واخذ ملعقه...حط لقمه بفمه...وحده بس...
وصرخ فيني وهو متقرف: وش حاطه فيه؟؟...
قلت وانا مفجوعه: ولا شيء...صوص عادي...طماط...
سكتني بحركة من يده وقال وهو يوقف: شيلي...صحونك...وش ذا العشا؟؟...
طالعت فيه وقلت غصبا علي: وافي..إذا تبي شي ثاني؟؟...
صرخ فيني وقال: مية مرة قلتلك لا تنطقين اسمي...اكرررهههه من فمك....مقرف..كله رياء...لا تنطقينه...
قلت وانا ارتجف وامشي وراه: بس انت ماتعشيت!!
قال وهو يطالعني باحتقار ويوقف قريب مني: يهمك امري؟؟!!
كنت بقول بكل تهور ايه...بس قلت وانا اطالع بعيد: وافي لازم تتعشا...انا مسؤوله عنك.. سواء رضيت او انرضيت...
مسكني مع معصمي: انتي...من بد هالبشر كلهاا...لا يمكن اخليك مسؤوله عني..انت انسان خاين...ممكن باي لحظه يعض يد اللي اطعمه..بدون مايفكر مرتين بهالشيء...
صرخت بوافي: القصه موب كذااا....انت تظلمني..
قال بصوت غريب علي: موب كذا؟؟؟....ههه...تضحكين على مين....علي انا او على نفسك...
وكمل وهو يجعد خشمه بطريقة انه متقرف: وعلى فكره...ترى حتى غرفتي ماعادني بنايم فيها...صارت تقرفني...انا من اليوم وطالع راح انوم بمجلس الرجال...ولا ابي اشوفك فيه...
لف عني وراح جهة المجلس بس حطيت ايدي على كتفه بلحظة تهور: انت تعبااان...
قال وعيونه تدور بوجهي: تعبان؟؟...ابداا...انا بافضل حال لو بعدت ايدك القذرة عني...







استغربت مين اللي بيدق علي الباب بهالوقت...كانت الساعه 10:30ص ووافي كان طالع من بدري..
ترددت افتح الباب ولا لااا..رحت بخوف له...اخاف إذا فتحته وافي يخرب بيتي...ومو حلوة اني ما افتحه..يمكن احد من الجيران محتاج لشيء!!
طالعت من العين السحرية...وشفت حرمه لابس عباية على الراس...ومعها بنتين صغار.. ترددت للحظات...بس بعدين حسيت اني بكون سخيفه وغبية لو ما استقبلت ضيوفي.. بعدين اكيد اهي محتاجه شيء ضروري ولااا ماتدق بهالطريقة ومع هالوقت...
فتحت الباب لها بعد مامسحت وجهي زين من بقايا الدموع اللي كانت عليه...وطلعت راسي لها وابتسمت لبنتها اللي كانت ملكة جمال...
قالت الحرمه وهي تتعذر: معليش...انا مرة آسفه...على هالزيارة وبهالوقت..
قلت لها وانا ااشر لها تدخل هي وبناتها: لاااا ابدا..خذي راحتك..حبيبتي...
وسلمت علي اول مافصخت غطاها...كانت مملوحه حيل...وشكلها طيوبه...
قالت وهي تطالع بانحاء الشقه بفضول: آسفه...لا يكون زوجك فيه؟؟؟...
قلت وانا اسكر الباب وابوس وحده من بناتها: لااا ابدا..حياك عيوني...تفضلي...
دخلت الحرمه...ودخلت وراها....وجلستها بالصالة....
قالت وهي تشوفني في المطبخ...: والله اني منحرجه منك حيل...بس كنت محتاجه التيلفون...وتيلفوني مقطوع...
طالعت فيها وابتسمت وانا اشبك الغلاية بالكهرباء: عادي حبيبتي...الجيران لبعضهم...
وقلت وانا اجلس قبالها: اسمي ملكه....
قالت وهي تبتسم وتطالع حولها وترجع تطالع بملابسي: عاشت الاسامي...وانا ريم...
قلت لها وانا اشوف بناتها: مشاء الله بناتك حلوااات...
قالت وهي تضحك: عيونك والله الحلوة....
وافركت يدينها بتوتر: ماعندك تيلفون بالصاله...
قلت وانا احس بحرج: لااااء...بسس...فيه واحد بمكتب زوجي...
ووقفت وانا اكمل: بروح اشوف إذا ترك المفاتيح ولا لاء؟؟؟...
بس دخلت المطبخ اول وسويت كوب نسكافيه سريع...وحطيت فطاير بالفرن...ورحت لغرفة النوم...والحقتني بنتها الصغنونة...
قعدت ادور بالتسريحة وادعي ربي يكون فيه مفتاح...ماحيكون موقف حلو إذا اكتشفت ان زوجي تاركني من غير تيلفون...
وابتسمت براحه يوم شفت المفتاح حق المكتب...مع انه منعني ادخل مكتبه..بس ياله بغامر علشان هالحرمه الطيبة...
رجعت وانا مبسوطة وقلت لها: حظك حل...
وقطعت جملتي...كانت الحرمه بالمطبخ...وقاعده تزين الفطاير اللي انا حاطتها بالفرن بصحن..
قالت يوم شافتني وهي تبتسم: معليش...شميت ريحتها فخفت تحترق....تعالي يا لجين.. خذي كلي عيوني..
ما ادري ليش حسيت بضيق من هالحركه...بس مابينت...ورجعت المكتب...وفتحته... وشغلت الضو...
كان في حالة رهيبة من الفوضى...قراطيس حلاوة نعناع بكل مكان....والكمبيوتر شغال...وريحة العطر مع السجاير اللي صارت تخنقني مثل ماصاحبها يخنقني...
سمعت صوت ريم وراي: هاه عيوني...اقدر ادخل...
قلت لها وانا ابتسم: لحظه بس...انتي ارتاحي انت وبناتك..وانا بجيبلك التيلفون...لأن سلكه طويل...
هزت راسها وحسيت ان جوابي ما اعجبها...
رحت على طول ادور بين كومة الاوراق...على تيلفون..انا متاكده اني مرة سمعت دقات تيلفون...
وااااااااو...اخيرا لقيته...شلته بانتصار وكأني لقيت غنيمة...رتبت من شكلي بالمراية الصغيرة الموجوده...ورجعت للحرمه وانا شايله الاسلكي...
كانت مشغله التلفزيون...وجالسات هي وبناتها ياكلون الفطاير ويشربون نسكافيه...
ناولتها الجهاز وقلت للصغار: تبغون عصير؟؟؟...
فهزوا روسهم وحزننوني...رحت للثلاجه..واعطيتهم عصيرات...وجالكسي...وحمدت ربي ان زوجي يحب هالخرابيط...لأني اموت بالاطفال واحب اعطيهم...
قالت ريم وهي تبتسم: مشاء الله...جسمك فرنسي...ماعندك اطفال؟؟؟..
قلت وانا ابتسم: مالي اربع ايام متزوجه...
ريم وهي مصدومه: عرووووس!!!
وكملت بفضول زايد احرجني:وش مجلسكم هنا عند الغثا والبرد!!
قلت بعد تفكير: عشان شغل زوجي...
ريم واهي تدق الرقم اللي تبيه: وش شغل زوجك؟؟..
هزيت كتوفي وقت مازحه: إذا عرفتي قوليلي...
ضحكت ريم ضحكه طيبه حيل: يا عيني...ماتبين تقولين لناا..
ولمن جيت ارد عليها...بدت تتكلم على الخط بصوت ناعم وهادي وكان شكلها حيل مبسوطة....
وقفت اطالعها حسيت مال امي داعي...وقبل لا افكر اتحرك...
قالت ريم بكل قوة وجه وهي تبتسم بلطف: ممكن توريني العود اللي تستخدمينه؟؟..مشاء الله ريحة بيتك جنان...
قلت لها وانا عارفه انها قاصده تطردني: طبعا...اكيد...
ورحت لغرفتي ولحقتني بنتها الصغيرة لولو..
دخلت غرفتي..ورحت ادور لي على لبس زي الناس...صراحه الحرمه كان لبسها مرتب حيل تحت العباية...وكانت حاطه مكياج يفتح النفس ومرتبة شعرها...
فتحت شنطتي...ولقيت فستان صيفي نعوم يوصل لنص الساق...لبسته...ورتبت شعري..ولبست جاكيت ثقيل شوي وقصير عشان البرد اللي يقص الظهر...واخذت عود من العود اللي استخدمه وحطيته بعلبة اساور عندي..وحطيته بكيسة...
وطلعت من غرفتي...لقيت ريم متغطية وشكلها مرة مستحيه...
قلت لها مستغربة: وشو؟؟..رايحه؟؟..
قالت ريم واهي تبتسم بحرج من تحت الغطا الخفيف: زوجك في المجلس..يا فشلتي منه...!!
طالعت فيها وبالتيلفون وخفت مرة...فقلت لها وانا اناولها الكيس حق العود: انتظريني شوي الله يعافيك...
واخذت التيلفون منها...ورحت المكتب ورجعته بنفس مكانه بعد مامسحت الرقم الاخير..وقفلت المكتب وخبيت المفاتيح بالادراج مثل وضعها اول...
ورجعت لريم..وودعتها ووعدتني تزورني برواقه وعلمتني عن رقم شقتها وبوست بناتها ووقفت عند الباب ليما اختفوا عن عيوني...
طليت على وافي بالمجلس...كان مغمض عيونه وشعره متبعثر من حول وجهه الاسمر.. وفيه خطوط حول عيونه...تمنيت لو معي عصا سحرية وامسحهم...بس ماكل مايتمنى المرء يدركه...
قال اول مانتبه لي: مشاء الله وصرنا نستقبل ضيوف بعد!!
قلت له وانا اطلع: وحده وطقت ارميها خارج البيت...
لحقني وحسيته يبي يصكني بكف لأنه معصب: باي حق دخلينها....ماشميت ريحة عطرها...
قلت بعصبية: لا تحكم على الناس بهالطريقة...اهي عارفة ان معظم الرجال باشغالهم..عشان كذا حطت عطر...
وكملت وانا اعطيه قفاي:ولا تنسى ان بنات اختك المصونه نورا..كلوهم يحطون عطر إذا طلعوا...
لفني بقوة جهته: يهمني انت...
قلت عشان احرق دمه: مادريت انك تحبني لها الدرجة..
قال بعصبية واهو يدفني بعيد عنه: ماتهميني...بس سمعتك من سمعتي يا آنسه..
قلت وانا ارجع اطالع فيه بتحدي: سمعتي تهمني يا استاذ..واحافظ عليها بكل شكل...ومو انت اللي تعلمني شلووون...
حط اصابعه على فمه بعصبية يعني اسكتي: لو تعرفين صدق شلون تحافظين على سمعتك... ماكان هاذي سواياك...
مارديت عليه..وقعدنا نتبادل نظرات قاتله بين بعض...ولو النظرات تقتل كان زمان وافي ميت ومتحلل تحت التراب...
وافي وهو يرفع راسه متقرف: غيري ملابسك هاذي...وتعالي سوي لي فطور...
قهرني بس ماقدرت ارد عليه ورحت دايركت للغرفه ولبست اوسع بيجاما واشين وحده...ولميت شعري ذيل حصان...ومسحت المكياج اللي بوجهي زين.
ورجعت للمطبخ وسويت له فطور سريع وحطيته قدامه...
وافي واهو يلمس الخبز: باااااااارد..روحي حميه...
قلت بعصبية: وشششش؟؟؟....هذا نااااار...
قال وهو يحط الخبزه على طرف الصينية: بالنسبة لي بارد روحي حميه...
رجعت المطبخ ورحت حميته..من جديد ورجعت له واعطيته الخبزة....قام اعطاني البيض وقال وهو متقرف: ملحه زايد....وبارد...ماتفكرين انت يوم تسوين الشيء؟؟..
فتحت فمي برد...ولكن لأني عرفت ان الرد ضايع معه...وقفت مكاني اطالع فيه بسخرية..وكأني اقوله الاعيبك محفوظه...
قال وهو معصب وبعد الصينية عنه: اكلك خايس..اخلاقك خايسه...كلك على بعضك كذا..
وسكت..ماكان لازم يكمل لأني فهمت وش يقصد..




مرت اسبوعين تقريبا...وقوت علاقتي بجارتي ريم اللي كانت كل يوم تجي تزورني اول مايطلع وافي..مع اني ماكنت ادري شلون تدري بخروج وافي لكني ماكنت ادقق كثير بالموضوع....طبعا كانت تستخدم تيلفوني بشكل وبآخر وانا صراحه ماكنت امانع...لأني كنت متاكده انها اكيد محتاجته ولا ماتنزل للدور اللي تحتها عشان تستخدم تيلفون.. وكنت ادعي على زوجها اللي اكيد انه شكاك مثل حظرة جناب الاستاذ وافي...
وافي طلعاته كانت كثيرة حيل...كان مايدخل البيت إلا لحظات....ويرجع يطلع...جسمه ازداد نحول...ووجه سوود...وعيونه حمر....كان يخوفني...كنت اتجنبه معظم الوقت.. ولا احاول ادخل معه بنقاشات عن اي شيء..حتى عن ريحة الدخان اللي سببت لي كتمه فضيعه وصرت احس بالالآم مريعه في صدري منها....حتى ان الشخص لو دخل شقتنا بيقول محطة قطار من الدخان اللي مالي الجو....
اذكر اني مرة دخلت مكتبه انظفه...لقيت فيه فوق العشرين سيجارة كلها توها مطفيه.. كان حاله يحزني...ويخليني اشفق عليه غصبا علي....
انا بشر..وما احب اللي قاعد يصير لوافي...لكن ما اقدر اغيره...لأنه بمجرد مايشوفني.. يتجعد وجهه ...واحس ان الاشمئزاز يملاه بقوة... دوم يطالعني بنظرات كئيبه او شرسه.. عمري ماشفت الحنان بعيونه حتى وانا اتالم...بسبب الشغل المتواصل...كان يتعمد يحوس المجلس وغرفة مكتبه ومرات الصاله...مثل الطفل الصغير...ويتهاوش معي لو شاف شي مو مرتب...تصوروا كل يوم..اكنس وارتب واطبق واكوي واغسل واشطف من جديد ولا اطبخ اكل ماينلمس منه شيء..
حتى لمن تكلم عفاري عليه او الباقيين ماكان يخليهم يكلموني ابدا...يقول اني مريضة او مشغولة او نايمه...رغم انه عارف شلون متلهفة اسمع صوت ريما عيوني...او صوت عفاري او سماح او روعه...
كان لمن يشوفني اوتر او اقرا قرآن...يطالعني باستحقار ويقولي: تتوقعين ربي بيغفرلك؟؟..."
قوية صح؟؟...كنت انهار ابكي...لكن مو قدامه...كنت اتظاهر بالقوة ولا مبالاة قدامه... لكن في بعض الاحيان احس اني ودي ارمي نفسي من العمارة واريح عمري واريحه...
طبعا كان معظم الاحيان يقفل علي الباب...ولكن كمان في احيان كثيرة بالمقابل يترك الباب مفتوح..يعني على حسب مزاجه...وكذا مرة زارتني الريم جارتي...واحس بحرج فضيع يوم اقولها زوجي مقفل الباب علي...لكن يبدوا ان الريم كانت متفهمة لحياتي مع وافي مع اني عمري ما اشتكيت لها منه...





اوووف...تعب مو طبيعي...توني مخلصه تنظيف الفرن حق المطبخ...وافي الله يهديه حارق حليب عليه...وبعد جهد جديد قدرت اتخلص من ريحة الحرق اللي منتشرة بالبيت وخليت الفرن يلمع وناظرته بزهو واعجاب...
يقدر وافي يسبني مثل مايبي...لكن الاكيد انه مايقدر يقولي اني ربة بيت فاشله...رغم ان عمري ماتعودت اشتغل إلا مرات دلع كنت ادخل المطبخ...لكني ولله الحمد...مهتمة جدا بمملكتي الصغيرة...
سمعت صوت المفاتيح في الباب...وحسيت كأن الباب شوي وينكسر...ما ادري ليش حسيت بالخوف ولا شعوريا تراجعت خطوات للوراء وكأن استعد للهرب من عاصفه بتقتلعني نهائيا...
انفتح الباب اخيرا...وكان وافي...وماسك بيده كومة اوراق...وعيونه حمر..مخيفه... سكر الباب وراه بعصبية..وانا قعدت اقرا المعوذات بقلبي..
قالي واهو مصدوم: تجرأتي وكلمتيه؟؟؟...

الفصل العشرين

مسكني وافي بقوة مع كتوفي...وقربني منه..كانت عيونه تلمع...وجسمه يهتز من الانفعال...وانفاسه لاهبة..
صرخ فيني بقوة: ليه يا ملكه؟؟...لييييييييييييه؟؟....تطعنيني بظهري...تخونيني....تخونين سمعتك واهلك وكل شي يمسك...
صرخت فيه بخوف: وافي...انت وش تخربط؟؟..وش تقول؟؟...انا مو فاهمتك...
قال وهو يرمي الفاتورة بقوة بوجهي..حتى انها جرحت خدي: مو فاهمه؟؟ ...هاااا؟؟ ..و هاذي ؟؟ ...فسريها يله.....يا شاطره قولي...
فتحت الاوراق بخوف ويديني ترتجف وتطيحها كذا مرة...كانت فواتير...وفيه رقم مكرر كذا مرة...ومظلل بالقلم الاصفر...
بلعت ريقي مو فاهمه..وشووو؟؟؟...وش هالارقام؟؟؟..وش دخل مساعد؟؟...
قلت وانا نفي عن نفسي هالشيء: ما اعرف..وش ذاااا؟؟؟...مالي علااااقه..
رفع ايده وصكني كف...خلاني اترنح مكاني مو مستوعبة...انا انضرب؟؟!!...انا انطق؟؟... انا انهان بكف؟؟؟...ليش؟؟..طيب وش سويت انا؟؟؟...وش دخلني بالرقم ذا؟؟؟...
حطيت ايدي على خدي متألمه معنويا وجسديا وذهنيا وكلش...حتى اني مو قادره افهم وش قاعد يصرخ بوجهي...احس اني بعالم غير اللي اهو فيه...
قال وعيونه تلمع بقوة وكان منهار: قدرتيي تنتقمين مني....هههههه..خليتيه يضحك علي.. والله دنيا؟؟....مرسلي الفواتير بكل بساطه..يوريني رقمه...يقولي شوف اي شريفه تزوجت؟؟ ...
قلت وانا ابكي: آآآآآآآآآه...انت فاهم غلط...اكيد غلط...انااا..مساعد...ما..
صرخ فيني وهو يهزني بقوة فضيعه: لا تنطقين اسمه..لا تتجرأين وتقولين اسمه قدامي..
وقف مكانه لحظات وكأنه يحاول يستوعب اللي قاعد يصير...كان يفرك جبينه بقوة... ويضرب صدره وكأنه يتألم...عضيت على شفايفي بقوة وقعدت اصيح...كنت متضايقه علشانه اكثر من على نفسي...وافي كان على وشك انه ينجن...
فجأة قال واهو يمشي من قدامي ويروح لغرفة النوم: انا اعرف شلون اربيه...
جلست مكاني خايفه اتحرك...سمعت صوت قربعة واشياء تطيح بالغرفة...
رحت قمت على حيلي وركضت للغرفة...شفت وافي واهو يفتح شنطه بارقام طلعها من تحت السرير...ولقيت الدولاب حوسه...يمكن من التوتر كان مو عارف وش يسوي؟؟...
شفته بعد لحظات...يطلع مسدس... قدام عيوني المفجوعه...حطيت ايديني على فمي...لاااا يا وافي...لاااااااااااااااء.. لا تقتلني...ماقدرت اتحرك في البداية من الخوف...حتى اني فقدت صوتي مؤقتا ووقفت صياح..وقعدت افكر بشكل منطقي...
قلت وانا ارتمي عليه واحاول امسك ايده: وافي...الله يخليك....اتركه من ايدك...
قال وهو يبعدني عنه بقوة لدرجة اني صكيت بالجدار اللي وراي: روحي عني...خايفه عليه..تبينه صح....
وكمل وشكله يروع وعيونه حمر:مسوين خطه؟؟؟؟.... تعتقدين اني بطلقك وبخليك تتزوجينه ...لااااا ابدا...انا راح اقتله..واقتل سلطان...واي شخص..
اخذ يبلع ريقه ويكمل وهو يعبي المسدس رصاص وبتوتر ساعه تطيح منه رصاصة وساعه عشر: اي شخص...فهمتييييييي يا ملكه... انتييييي لي انا ...وماحد...ماحد راح اخليه يلمسك غيرررري....
راقبته واهو يطلع من الغرفة...بس ما استسلمت لحقته...ومسكت ايده وقعدت ابوسها...بس كان يبعدني عن طريقة بقوة...قلت وانا اتعلق برجله قبل لا يطلع..
: دخيلك يا وافيييييي...آآآآآآآآآآآآآآآآآه...لا تخرب حياتك علشاني...لا تقتله..حرااااااااام عليك... انت ظالمنااا...اناااااا..و...مس...وهو مابينا اي شيييييييييي...
مسكني وافي مع ذراعي ووقفني قدامه...كانت عيونه تلمع بقوة...دموعه على وشك انها تطيح...
وقالي بصوت واطي بس حازم:راح اقتله....وبقتل اي شخص ثانيييي..يمسك يا ملكه..
مرر ايده على شعري لثواني...وبعدها ابعدني بقوة عن وجهه وطلع وقفل الباب...وانا اصرخ واطق الباب بقوة عشان يرجع لي...





ركضت بقوة بعد ماطلع لغرفة المكتب..على التيلفون على طول...مسكته وقعدت احوس بين الاوراق..ادور اي نوته....اي رقم اقدر ادق...عليه...لقيت نوته صغيرة بعد طول بحث بين الملفات المركومة بكل جهة....
دقيت الرقم بسرعه وكان رقم مهاا بنت اخته حصه....سمعت دقات التيلفون بطيئة..وبعدها طلع لي البريد الصوتي..كنت ابي اسجل..ابي اقول شيء...بس للحظه هزيت راسي بقوة وقفلت الخط بضعف...وش اقول؟؟..وافي رايح يذبح مساعد لأنه يعتقد ان بينا علاقة؟؟ ..وش اقول...انا السبب في ان خالكم فقد عقله وراح مثل المجنون بيذبح مساعد؟؟..وش اقووووووووووووول؟؟؟...ساعدوني..عندكم حل...انا ماعندي حل..عشان كذا رميت التيلفون بقوة على الارض...
ورجعت منهارة للصالة..شلت الفواتير اللي على الارض....كنت اطالع في الرقم... وتذكرت ريم..جارتي..معقولة تكوووون.....؟؟...لاااا استحاله حرام اظلمهاا...بس هاذي فواتير التيلفون..وانا عمري ما استخدمته...ابداا...
ضربت جبيني بقوة....ليش سوت كذا؟؟...وشلون عرفت مساعد؟؟..ومين ارسل الفاتورة لوافي؟؟...وش هالالغاز؟؟...ليش دوم حياتي الغاز؟؟..يعني معقولة اني غبيه لهالدرجة عشان ما افهم هالطلاسم اللي تحيط فيني؟؟..
انتظرت وافي لساعات وساعات...كنت ادعي انه يكون بخير وانه ماسوا شيء ولا صار له شيء...كنت ادعي ربي ان مساعد يكون مسافر...او يكون زاير له احد....او اي شيء يبعده عن طريق وافي...






وصلت حدي يوم جات الساعه 3:00 الفجر والباب توه ينفتح...انفجرت ابكي على طول وشفت وافي وهو يدخل..كان يترنح وثوبه كله دم...
حطيت ايدي على فمي...اكتم صيحاتي اكثر..وانا اشوف وافي يقفل الباب ببطء...كان شماغه مرمي باهمال شديد على كتفه..ورافع ثوبه بايده..ومن فمه فيه خيط دم ينزل...
ركضت له على طول وضميته بدون تفكير...ابعدني بقوة عنه...وقفل الباب ورمى المسدس على الارض باهمال...
قلت وانا ارتجف خوف: قتــ..لته؟؟؟...ها..ا...ا؟؟
طالع فيني والشرر يتطاير من عيونه ورمى نفسه على الكنبه ولا رد علي...وتأوه بألم وهو يمسك بطنه بقوة...
وقفت مكاني لحظات..اتامل شكل وافي اللي مغمض عيونه بتعب...ويتأوه بألم...وافي المجرم...اللي قتل مساعد...يستاهل اني اساعده؟؟..طرحت السؤال بعقلي عدة مرات...
وتوجهت للمطبخ تلقائيا وانا اصد عن عقلي اللي يقولي يستاهل ولو ساعدتيه ولا بلغت عنه..فأنت شريكته بهالجريمة..
شبكت الغلاية بالكهرباء...ودورت على فوط نظيفه...طلعت مجموعة...وحطيت الماء بالطاسه ومعها شوية معقم للجروح..واخذت معي شنطة الاسعافات اللي كانت فوق الثلاجه...
رحت لوافي اللي كان مغمض عيونه جلست قريب منه...
فتح عيونه بتعب اول ماحس بايدي على ايده...كانت عيونه حمر...وكان مو قادرة يفتحها كلها..يا الله وشكثر عيونه جميله؟؟؟...
بغيت اضحك في موقف ما يتناسب مع الضحك...الرجال شوي ويموت وانا قاعده اتغزل بعيونه..
قال وافي بتعب: ما مات..!!..
ماستوعبت وش قال لفترة قصيرة..وانا اغطس الفوطه بالماء الحار...واكشف كم ثوبه عن ذراعه اللي كلها خدوش..
سحب ايده عني..بقوة...ومسك راسه بيدينه واخذ يضغط عليه..اعطيته حبيتن باندول.. فاخذهم وبلعهم من غير موية...
ووقف شوي..وفصخ ثوبه قدامي...
صرخت وانا اشوف الجرح اللي ببطنه...كان شكله بشع مرة...غاير جوه...وكأنه محترق...
قال وهو يجلس من جديد: رحنا لطبيب ببيته....وعقم لي الجرح...وكواه عشان ماينززف ...
كان يتكلم بتقطع وهو يغمض عيونه من شدة الالم...
قلت وانا ابكي فجأة: مين سوى كذا؟؟؟...
قال لي وهو يبتسم بسخرية: مين يعني؟؟..بطلك الهمام....مساعد..
مسكت الفوطه اللي معي وكنت ابي احطها على الجرح البشع..لكنه ابعد ايدي بقوة عنه.... لدرجة ان الموية الحارة انتثرت على الارض كلها..
وقال لي بمرارة: ماابي ايدك تجي على ايش يخصني؟؟...فااااااهمه؟؟..تقرفني....
وكمل وهو يتأوه شوي ويكمل: ليتني اقدر اطلقك!!!..آآآآآآآآآآه..
وضرب صدره بقوة...ليت...ابتسمت بهزء وانا اقوم..وليش ما تطلقني..؟؟..اناني يا وافي ...انت اناني...تبيني اعيش معك مهانه مكرهه مجبرة..وانت تعيش حياتك مع مرومه وصاحبة الصورة واشكالها...
قلت وانا انتفض وارفع راسي فوق والدموع ماليه عيني: طلقني...مو مجبر تعيش معي.. انت تتهمني بالخيانه..وانا؟؟..ليش ما اتهمك بالمثل؟؟..
طالع فيني وكأنه مو فاهم وش اقول..بس رد علي بعد لحظات بشراسه: انا؟؟..يا غبيه انا عمري ماخنتك....انا اساسا من قبل لاعرفك وانا مو راعي هالخرابيط..
قلت وانا انتفض: ومرومه؟؟..هااااا؟؟..جاوب...ولا صاحبة الصورة المصونه...
طالع فيني شوي وصد عني وقال: صاحبة الصورة؟؟..اي صورة؟؟..
قلت وانا مخنوقة: صاحبة الصورة؟...اللي بدولابك..اللي تبتسم لك بشوق...
هز راسه بقوة: خطيبتي الاولى...وهاذي مو بخيانه..اكيد كنت ناسي الصورة هنا او هناك...
قلت وانا مصره على رايي: والزفت الثانية....( وغيرت صوتي اقلدها وانا ابكي) مرومه...
طالعني من جديد...وحسيت بالحرارة من نظراته..وصديت عنه وركضت لغرفتي...سمعته يناديني بصوت واطي تعبان...بس مارديت عليه...






بعد ليلة مرهقة متعبه قدرت استسلم للرقاد....قمت على الساعه عشر الصباح..ودخلت الحمام...توضيت..ورجعت صليت الفجر..وقعدت اقرا لي كم صفحة من القرآن...
خلصت من القرآن...رحت لشنطتي...وطلعت لي ملابس بسيطه...ودافيه...لأن البرد كان مو طبيعي بالغرفة....
بعد ماخلصت...طلعت من غرفة النوم....لاحظت ان الصاله منورة...استغربت...معقولة وافي قام من النوم؟؟...مشيت ببطء ولقيت الطاسه بمكانها على الارض والفوط وشنطة الاسعافات على الطاولة...
وافي كان متمدد على الكنبة ونايم..لكن ماكان شكله طبيعي...كان حاط ايده على بطنه ونايم بس بشورت...تلمست راسه بتردد..وانصدمت يوم شفت الحرارة العالية اللي شوي وتحرق راسه...
بسرعه رحت رجعت الغرفة وجبت شرشف ثقيل شوي ولحفته...وحطيت ماء بارد وثلج..وقعدت امسح على جبينه ووجهه وشعره...
كان يتأوه لا شعوريا كل ما اغلط او المس جرح من جروحه اللي كانت حيل ملتهبة... حطيت كيس الثلج على راسه...وقعدت اطهر جروحه بسرعه...وانا عيوني تتأمل وجهه...ما اعرف ليش قلبي قبضني بقوة..مشاعر غريبة هي اللي قاعده تعصرني وتدور فيني...ما اعتقد اني بحبك بيوم يا وافي...لكن الاكيد ان عمري ماكرهتك..
اخيرا...بعد ساعات من من الجوع ورعاية وافي...حسيت ان كتوفي تألمني ورقبتي...بس جا بنتيجه حلوة..حرارته انخفضت كثير...وبدت ترجع للحرارة الطبيعية...والدليل انه بدا يتنافض برد...
كان يتكلم باشياء كثيرة غير مترابطة....لكن الاهم كلها عني انا ومساعد...كان ودي اساعده لكن ما اقدر..شلون اغير ماضيي..شلون اثبتله انو فعلا عمر شيء ماصار... وان مساعد انهيته من حياتي من عرفت اني باتزوج...
رحت المطبخ وانا احس اني شوي وبطيح...وقعدت اسويلي مساج لكتوفي... ورقبتي... وسويت شوربة لوافي....اما انا ماعرفت وش اكل...بالاخير قررت اشرب كوب قهوة سودا عشان ما انوم...





ابتسمت بنعومة وانا احس بدفا البطانية..فتحت عيوني وشفت وافي كان متمدد ومغطي نفسه ويطالع بالاخبار...بكسل..كانت الشقه كلها مظلمه ماعدا من نور التلفزيون...
وكان مقصر الصوت ومافيه غير صوت خفيف مرة...يمكن اهو نفسه مايسمعه..
اول مرة اكون قريبة من وافي لهالدرجة..مايفصلني عنه غير كم خطوه.. قريب مني حيل...ريحته المميزة تحاصرني..نايمه على مخدته...على كنبته ومتلحفه ببطانيته الناعمه الفرو...
كنت احس بجوع فضيع..بس ماحبيت اقول شيء خصوصا وانا شايفه ان الوقت متأخر.. وان وافي تعبان حيل...يعني مافيه يتحرك يروح يجيب اي شيء..
سمعت صوته فجأة وارتجفت بقوة: خلي الدلع عنك..وقومي كلي لقمه...
تلاقت عيونا..ولا قدرت ازيح عيوني عنه...كان يطالعني بكسل..لاحظت فمه يميل شوي بشبه ابتسامه...
قال واهو يجلس على ركبه قريب من وجهي حيل: نمتي كثير..
مارديت عليه..لصقت ظهري بقوة بالكنبة...محاولة احط مسافة بيني وبينه...مسكني بقوة...
قال ببرود: ماتبين... قربي؟؟...
طالعته من فوق لتحت...و ببرود: بعد ايدك عني...ما ابي قربك...
هزني بقوة وتركني وقال: احمدي ربك اني ساتر عليك...ولا عمك لو يدري..حتى الموت ماراح يرحمك منه...
قلت بعصبية وانا ارتعش: عمي بيصدقني...موب مثلك...
طالعني وضيق عيونه..وزفر بضيق وراح دخل غرفة النوم وخلاني لوحدي بالصاله...

الساعه 7:00م يوم الاربعاء...


طالعت بملل في شكلي بالمرايه....هذا خامس قطعه البسها في الساعه اللي فاتت..دخل علي وافي فجأة قبل ساعة ونص وقال تجهزي بنطلع لمزرعة اهلي وخذي معك غيارات ...
ورفض انه يتكلم معي بأية تفاصيل ثانية...اساسا حلو انه فكر ياخذني معه...وانا متأكده ان هذا اقتراح اهله...ما تدرون حياتي معه شلون جحيم....حتى الحماس اللي كان بدا يسكني للحظات مجنونة وبعض الفرحة اللي تغمرني يوم اشوفه...اختفت كلها وحل مكانها مرارة قوية...دوم يذكرني بأني مجرد وحده غدارة....خاينه...
حلفتله ايمان...اقسمت له..كتبت له رسالة...قطعها قبل ما يفتحها اساسا...الله لا يسامحك يا ريم..وهقتيني ورحتي...ولا عاد صارت تسأل وكأنها عارفة باللي يصير.. او عندها خبر.. ياله شلون هالمخلوقة؟؟..معقولة فيه ناس بهالوضاعه بالدنيا...تسوي الشي وتبتلي غيرها...يا الله..احمدك يا رب...ان مو احد ثاني تورط...على الاقل ان وافي يكرهني ويعتقد اني خاينه فما تغير شيء بعلاقتنا غير انها صارت ابرد من الصقيع....
رجعت اتامل فستاني الازرق النعوم القصير...والبنطلون القطيفه الناعم تحته...ومسكت الكحل وقعدت ازين عيوني بدقة...حرام اخلي الناس يشوفوني بشكل شين لمجرد ان حياتي مع ولدهم جهنم....انهيت مكياجي بلمعة جلوس..وحطيت عطر بشنطتي الصغيرة المخمل.. وجلست على السرير اربط البوت العالي...سمعت صوت الباب، فرفعت راسي.. شفت وافي... كان يجنن...بالدقلة الانيقة اللي لابسها فوق الثوب الكحلي الغامق..
بلع ريقه مرتين...وشال عيونه عني..بعد ما ابتسمت له بفتور...
قلت وانا انهي ربط البوت: خلاص...تراني انتهيت..
ووقفت ورحت لبست العباية وحطيت الشيلة على كتافي..
وافي وهو يأشر على الشنطتين اللي جهزتها لنا: وشووو ذا؟؟؟...
طالعت الشنط ورديت من غير ما اطالعه وانا ادور على برقعي: شنطتي وشنطتك...
وافي وهو يآخذ نفس عميق وكأنه مو قادر يتحملني اكثر: حطي ملابسنا بشنطة وحده...
طالعته مو فاهمه ليش...
فشرح بقرف: ناسية انا متزوجين...
رديت عليه: لاااا...بس كثير متزوجين يسوون كذاا...
وافي:بس انا عرسان!!
وكمل وهو يتريق: لازم نخليهم يعرفون انا اسعد اثنين بالكون....
ودار وطلع من الغرفة...
طالعت ظهره وهو يروح...وتنهدت وانا اطلع ملابسي...واحطهم على ملابسه...خايفه يحرجني..او يسوي فيني موقف تافه قدام بنات خالاته واهله...يارب استر علي..وخلي هالايام تعدي على خير..
خلصت باسرع ما يمكن وانا اسمع يناديني..وعلى دخلته الغرفة سكرت السحاب بس قام يعلق معي...جا بكل ملل وسكر السحاب بقوة وشال الشنطه...
لحقته بسرعه وانا اتعثر بطول العباية اللي اهداها لي قبل يومين...ورحت المطبخ...وشلت صواني الحلى اللي سويتها وحافظات الفطاير..
وكنت مسوية حلاو تفاح وفوقه توفي..شلته بعلبة مرتبة..وحطيتهم فوق بعض...بس ما قدرت شايلهم..تأخرت بالمطبخ مو عارفة شلون اشيل هاذي كلها ووافي سبقني وطلع للمصعد....
تنهدت...وتركت الاغراض...ولبست برقعي وحطيت العباية على راسي...وربطت اللفة زين عشان ما تنفتح على جسمي...وحطيت الصواني فوق بعض...وفوقها الحافظات...وآخر شي علبة الحلاو..
تحركت ببطء وانا مو قادرة اشوف ايش اللي قدامي..طلعت من الشقه...سكرت الباب..برجلي..ورحت بسرعه للمصعد..حاولت اضغط ما قدرت...
وسمعت في نفس اللحظه صوت باب ثاني ينفتح بنفس الدور...وسمعت صوت رجال يتكلم بالجوال...
اول ما شافني الرجال كان بينزل الدرج...بس جاا وضغط لي المصعد...ما تكلمت معه ولا شكرته ولااا قلت له اي شيء...كنت ارتجف خوف وافكر بردة فعل وافي..
بس دعيت ربي انه مايطلع لي مرة ثانية...ولاحظت ان الرجال ظل مكانه وانا مستغربة وش يبي...ولمن ناظرت بطرف عيني..شفت المصيبة الكبرى...ماكان رجال..كان شاب صغير يعني بال17 سنة تقريبا..
قعدت اتنافض بمكاني والعلب اللي ماسكتها شوي وتطيح...وطول المصعد...شفته يوصل فوق..وانا ادعي ربي انه يكون فاضي ومافيه احد...
اول مافتح...جاا الولد وسحب لي بكل ذوق باب المصعد عشان ادخل...اول شي طاحت عليه عيوني...هو الشرخ اللي بحاجب وافي...
لاحظت نظراته اللي كانت باردة...وفجأة تحولت لنظرات نارية وهو يتابع بعيونه الولد اللي تركني ونزل من الدرج...
دخلت بسرعه المصعد عشان ما اعطيه فرصة يصرخ بوجهي...
وافي بصوت خلى الدم يوقف بعروقي: ملكه...قسم بالله...لولا الحيا لكان شربت من دمك هالحين...
غمضت عيوني اللي امتلت دموع: والله بس ضغط لي زر المصع...
وافي وهو يأشر بصباعه على فمه: ولا كلمه...اسكتي..حسابك معي يوم نرجع البيت..قسم بالله..لوما حصه محلفتني اجيبك...انك ماتروحين لا المزرعه ولا غيرهاا..اصلااا اخاف على بنات خالتي منك...
: الولد والله صغير...وكان مرة مؤد...
قبض على ايدي بقوة اول ماوصلنا الدور الارضي: ولاااا كلمه...مفهوم؟؟...
مارديت فضغط الزر اللي يقفل المصعد ويخليه بنفس الدور: مفــــهوم؟؟...
قلت وانا انزل عيوني اللي تلمع دموع: ان شاء الله...
لحقته وانا اكتم عبرتي واحاول اكتم انفاسي عشان مايبان اني اشاهق...
طلعنا من العمارة وتوجهنا للسيارة المركونة قدام العمارة...
فتح الباب وركب..ومافتح لي الباب...حطيت الاغراض على الصدام...وفتحت الباب الخلفي ورتبتها بسرعه وهو يشغل السيارة وركبت جنبه وسكرت الباب...
وافي وهو يحرك: مرة ثانية..تعلمي شلون تقفلين الباب...كنت بتكسرينهاا..
ما رديت عليه..غطيت وجهي بيديني فوق البرقع...وقعدت ابكي بمرارة...الله لا يسامحك يا ريم..والله لا يوفقك يا بدرية...جعلكم تذوقون نص اللي ذقته...
وافي بصوت قاسي: تراا ذبحتينا بدموع التماسيح ذي...خلاص عااد...
: آآآآآآآآآآآآآآآآآآآآآآآآآآآآآآآآآآهههه....
وافي وهو يآخذ نفس عميق:اللهم طولك يا روح...ترى صبري قليل..ولا تحاولين تجربينه..بتندمين...
: آآآآآآآآآآآآآآآآآآآآآآآآآآآه
وافي وهو يصارخ: اسكتي يا بنت الناس...فضحتيناااا...خلاص...
: آآآآآآآآآآآآآهه...حرااااااام عليك...دووووم تظلمني...دووووووووووم...
وافي: لا حووووووول..وش ذا الليل اللي من اوله طويل...افففف...في نقطة تفتيش قدامي...اسكتي...
: آآآآآآآآآآآآآآآه....انت من...وشووو مخلوووق؟؟...ليش تعتقد الناس دوم سيئه؟؟... آآآآآآآآآآآآآآآآآآآآآآآآه...ربي ماراح يرحمك على الذنوب اللي تكتسبها فينيييييييييي..
وافي وهو يوقف قريب من نقطة التفتيش: ملكه...اسكتي..بسرعه...عدلي جلستك واسكتي...
وكان يبتسم للضباط ابتسامه كبيرة تنبهتلها من بين اصابعي..ولأول مرة اتعمد ازيد صياحي اكثر...واهتز اكثر وانا اصيح...حسيت اني لازم انتقم من وافي بأي طريقة...
وافي وهو يفتح الشباك: عايله...
الشرطي: ياليت اشوف بطاقتك والرخصه...ياالأخو..
وافي وهو يمد ايده للدرج اللي قدامي ويدور الرخصه ويهمس بصوتي واطي عشان اسكت..وانا رافضه اتزحزح واسكت...
الشرطي بتوتر: ياليت توقف سيارتك على جنب...
وافي وهو يطلع بطاقته اخيرا: وش هوله؟؟..مستعجلين الله يخليك...وهاذي بطاقتي...
الشرطي باصرار وهو يأشر: وقف...وقف الله لا يهنيك...
وقفت بكاا وانا اشوف وافي يلبق على جنب ويتوعدني بالموت...شفته يطلع عشان يكلم الشرطي...وندمت على حركتي البايخه...قعدت ادور على مناديل بالسيارة..وقعدت امسح عيوني بسرعه وشفت ان الكحل حاس الدنيا...
رجع وافي ومعاه شرطيين..وحسيت بخوف...من زمان ماتكلمت مع شرطي..على ايام وفاة اهلي الله يرحمهم..
وقف الشرطي قريب من باب وافي..ونزل راسه عشان يطالعني..
الشرطي: السلام عليكم..
: وعلـ...يكم السلام...
الشرطي: هل الشخص هذا يكون زوجك؟؟..
: ايه..
الشرطي وهو يقرب اكثر: وشو؟؟..
: ايه...هذا زو..جي...
الشرطي: مغصوبة على شيء؟؟..تبين تقدمين شكوى بحقه؟؟...اعتدى عليك بقسوة؟؟..
رديت وانا احس بجفاف بحلقي من الخوف من وافي: لااااء...ابدااا...وينه؟؟؟...وين وافي؟؟...ووين..زو...جي؟؟...
رجع الشرطي على ورا وشفته يكلم الشرطي الثاني ويرجعون لوافي البطاقة حقته... ويعتذرون منه..
دق في نفس هاللحظه جوال وافي على نغمة بصبر على فرقاكم...ما اعرف ليش مديت ايدي قبل لا يرجع وافي وشفت اسم المتصل..آآآها...حسيت بطعنة حادة وديت لو ارد واصرخ في وجهها...كانت مرومه الغالية...لكني انا ملكه...وانا اكبر من الحركات السخيفه هاذي...رديت الجوال مكاني بعد ماضغطت على السايلنت...ودعيت ربي ان وافي ما ينتبه لهاا...
ركب وافي من جديد وانطلق بسرعه..وما انتبه للجوال....لكني كنت الاحظ عضلة فكه المنقبضه بقوة...وطريقة سواقته الجنونية...
دق الجوال من جديد...فرد على طول اول ما انتبه للرقم...
وافي: هلا والله__لااااء عطلونا نقطة التفتيش___ايه ان شاء الله___ طيب...تامرون بشيء؟؟..._____اجل يله فمان الله...
طبعا من المكالمه حسيت ان هاذي ميب مرومة...وارتحت بشكل كبير..طلعنا خارج الرياض بحوالي الخمسين كيلو تقريبا...وقطعها وافي بسرعه فضيعه...وبعدين وصل لبوابات حديدية...وشفته يدق الجوال..استغليت الفرصه وباسرع ما عندي وعلى ضو الخفيف جدا الموجود...كحلت عيوني من جوا ومن بره ومسكرتها...
وافي وهو يطالعني: غطي على عيونك....
: ليــ..ش؟؟..
وافي بإصرار: غطي على عيونك..قبل لا يجون العمال..
: ان شاء الله...
غطيت على عيوني وحطيت اغراضي بشنطتي بحذر...
دخلنا جوه الممزرعه اللي ابهرتني لآخر درجة...كانت كبيرة حييييل وفوق هذا فيها ناس كثير...وطريقة ديكوراتها عجيبه غريبة...
وصل للفيلة الكبيرة اللي بآخرها...ونزلنا....طبعا شفت انواع البزران اللي ينطون بوجيهنا ووافي ينزل يسلم عليهم كلهم ومعظمهم يجون يسلمون علي وانا حايسه بعباية الراس اللي اعطاني اياها وافي عشان البسها للابد...
شفت بعض الشغالات يطلعون فأعطيتهم كل الاغراض اللي معي...ولحقت وافي اول ما دخل جوه...
: وافي...شكلي حوووسه...وين اروح؟؟...
وافي ببرود وبصوت واطي: سلمي عليهم اول...
: بيعرفون اني صايحه ليما قلت بس...
وافي بعصبية: هماك زينتي خشتك بالسياره؟؟..
: النور ضعيف وانا متأكده اني حست الدنيا..
طالعني ثواني وقال للشغاله تآخذني مع الشنطة لغرفتنا!!
وصلت للغرفة اللي كان لها بابين...من بره..واعطتني الشغاله المفتاح وراحت...بسرعه فتحت الغرفة ودخلت...
فتحت الانوار وحطيت الاغراض على الارض...قفلت الباب عشان مايطلع صوت...
طالعت بالغرفه اللي فيها سرير واحد بس وكنبه صغيرة قبال التلفزيون...حاولت اني ما افكر بالليل...
فسخت عبايتي بسرعه...ووقفت قدام المراية اطالع بملابسي اللي تعفطت شوي...حاولت ادور لها حل سريع قد ما اقدر...وبعد ماخصلت زينت وجهي بسرعه بعد ما نظفت القدام اللي صار حوسه...
رجعت مشطت شعري وثبت الشباصات الملونه بمكانها...حطيت عطر كثير..ولبست جاكيت فرو ناعم فوق الفستان..خصوصا ان الجو كان حيل بارد...
بعد ماخلصت مباشرة سمعت طق على الباب...كان صوت بنت وشكلها مره متحمسه تشوفني...
فتحت الباب ببطء وطلعت راسي مبتسمة...
البنت وهي مرة مبسوطة: اهليييييين...امممم..اكيد طبعا نسيتيني...انا مهااا...وهاذي بنت خالتي حنان...
ابتسمت للبنتين اللي كان شكلهم بعمري....
قلت لهم: ادخلواا...
مهاا: ان شاء الله ما ازعجناك...ارسلنا خالي نشوفك...
: خالك؟؟....
حنان: خالنا وافي...
ابتسمت بنعومة لهم: هلابكم...اناا ملكه...
وقعدنا نطالع ببعض وما اعرف ليش ضحكنا بس عرفت اني كسبت صديقتين...
قلت لهم وانا امشي وراهم: في ناس كثير؟؟...
قالت مهاا وهي تحرك شعرها الطويل بكل اتجاه: اففف...فيه عالم...بشر...والبزران انواع واشكال...وتصدقين...فيه بنات خالات امي كلهم...
حنان بصوتها الواطي الناعم الرقيق: بتخوفين ملكه يا مهاا...
ضحكت مهاا وهي تطالعني: هم بيخوفونك...شوفي..انتي مرت الغالي...فراح تكونين محط انتباه الجميع...كلن راح يبي يجلس معك...لسببين...
كملت حنان بنفس الحماس: يا لأنهم يحبون يسعدون وافي لاجلك...يا لأنهم كارهين انك تزوجت وافي فيبونك تغلطين بأي طريقة...
كملت مهاا وهي تطالع عيوني اللي توسع: بسس..انت اشطر...وبما انك راح تكونين عارفة اللعبة..فبتكونين قدها وقدود..
ومع اني شكيت بقدرتي على لعب اللعبة...لكني قلت ببساطه من غير مايظهر على صوتي اي اثر لمشاعر: ومين مرومه؟؟..
طالعوا في بعض...وسكتوا...بعدها تنحنحت حنان...
حنان وهي تطالع فيني: مرومه بنت خالة امي..يعني بنت خالة خالي وافي.. اممممممم ...البنت بعمرنا...بس حيل دلوعه...ووافي يحبها كثير....لأن عندها اكتئاب حاد وحاجات زي كذاا...
مهاا وهي تهز كتوفها: تقدرين تقولين مجنونة...
وقف مكاني للحظات...اطالع فيهم وهم يبعدون...وحسيت بكتمه...مجنونه...يا ويل حالي.. معقولة قالهم وافي؟؟..بلعت ريقي ببطء...كذا مرة..وبعدها تنهدت لمن رجعت حنان الذهبية تطالعني بقلق...قدرت ابتسم لها...بس العبره كانت حيل خانقتني...بس قدرت اتظاهر بالسعاده وانا ادخل عليهم...




جلست جنب حصه بعد ماسلمت على كل خالات وافي وخواته اللي هم اربعه...واهم شي جدته اللي كان وافي جالس جنبها واهي محتظنته...ما اعرف ليش حسيت بنظرة عيونها تسلط غريب...بس كنت ابتسملها بعذوبة...وما احاول ادقق بكل شي عشان ارتاح من الهم...
خوات وافي شخصية غريبة عجيبه...ثنتين مؤيدات لبعض بكل شيء...بالشر والخير.. وحتى بحبهم لوافي اللي كان بجنون...وثنتين مختلفات عن بعض ولهم شخصياتهم وهم اللي حبيتهم على طول...حصه ومريم...دخلوا قلبي بسرعه غريبة... لكن منيرة صيته...احتفظت لهم بمشاعر حيادية..
حصه وهي تبتسم: والله وعرف وافي يختار...
ابتسمت لها مجامله...
كملت: تصدقين ان هالاهبل كان بيخليك لوحدك في البيت...ياختي ما ادري على مين طالع عليه حركااات...بس الله يهديه..
قلت ادافع عن وافي: يمكن يحسبني ما ارتاح مع الناس...
حصه بحنان: يا بعد عمري...اقول ماعليك منه لا تدافعين عنه..لي بغيتي تجين...خذي جواله ودقي علي...وبيجيبك غصبا عليه...
وافي وهو يوقف بينا: حصه...خلي مرتي بحالهاا...
حصه وهي تطالع فيني: لااا والله...هاضم حقوقها تحسب مالها اهل...انا اهلك كلهم يا ملكه...
وافي وهو يضحك: ههههههههه...هاضم حقوقها...
وكمل بنبرة عارفتها: ملكه آخذه حقها وحق غيرهاا...
حصه: يا خي يحقلها...بنت غنية ومزيونه...تبيها تستغني عن حقوقها علشان سواد عيونك...
: آآآ...ههه...أساسا وافي مو مقصر علي بشيء...
وابتسمت له...طالعني باستغراب ثم ابتسم لي نص ابتسامه....
وقفت يوم شفت مهاا ومجموعة بنات يأشرون لي...
قلت لحصه: بروح المطبخ...بحضر الاغراض اللي جبتها...
حصه وهي تطالع بوافي وتحط ايدها على صدرها: آآآآآآآ يا الظالم....تخلي عروسك تطبخ...
الكل التفت يوم سمع جملة حصه..وافي ما امداه يرد بتريقة....
الجده:وشوووو؟؟..وليه يا بعد حيي ما تطبخ؟؟....
حصه بصوت واطي: يعني...يا ميمتي عرووووس...
الجده: اقول يا حصه...ماخبر انا من اول...ماكنا نطبخ..كانت الوحده تقوم من صباحيتها وتطبخ ذبيحة زوجهاا....
قالت صيته بصوت مرتفع وشكله عاده: يا جدتي...الحياه اختلفت...يعني الحين غير اول...
الجده باعتراض: ليه يا كافي؟؟..وش فيها حياة اول؟؟..من اول الوحده نشيطه وش زينها...
حسيت اني بمعمعة لاني قادره ادخل بكلام الكبار ولاني قادره اروح للي بسني.. ووافي يطالع فيني باهتمام وكأن مو عاجبه اروح مع البنات...
آخر شيء جات مهاا ومسكت ايدي وسحبتني وهم لسه غرقانين بالنقاش والاغلبية كان مع حصه بأن وافي ظلمني...
عرفتني مهاا على البنات الحبوبات..اللي كانوا معها وطبعا كل القروب كان وافي محرم لهم..القروب الثاني غير المحارم لسه ماشرفوا...وكنت ادعي انهم مايشرفون ابد..
طلبت من البنات يآخذوني المطبخ فسمعت صيحات الاعتراض...بس بالأخير وافقوا يوم عرفوا اني بس بآخذ علبه واطلع..
اخذت العلبة ولحقتهم...كانوا ناويين يروحون بعيد....
قلت بخوف: وين؟؟...هنا ظلااام...
مهاا وهي رافعه صوت الطقاقه على الاخير: لااا متعودين نجلس هناك..
حنان بنفس خوفي: بس والله بعيد...
مهااا بإصرار: موب بعيد..ليش خايفين؟؟...
وصلنا للمكان اللي كانت تقصده مها...وكان بين بعض النخيل....وكانوا مجهزين الفراش وحاطين بعض الكشافات الكبيرة....
جلست مهاا وجلسنا كلنا بشكل دائره...فتحت الحافظه حقت الفطاير..وحطيتها بالنص...واخذت الشاهي وقمت اصبه واحنا نسولف مبسوطين...
طبعا كل سواليفنا رجعت لي ايام الوناسه...عن الموضه...عن المكياج...عن الزواجات الجديدة...والموديلات النازلة بالسوق...عن ملابس الجامعه....
مهاا: صح ملكه....ليش ما ترجعين تدرسين بالجامعه؟؟...
وحده ثانية من اللي جالسين: ايه...ارجعي ادرسي.....ترى غيروا بعض الانظمه وصارت الدراسه اصعب...فلو انتظرتي فترة اطول يمكن يرفضون انك تدخلين...
حنان: لااا اساسا خالي عنده واسطه...وراح يقدر يتوسط لهااا...
: ما اادري..احس مالي خلق دراسه( وانا اكبر نصابه بس عشان ما يفشلني وافي قدامهم)
حنان: بالعكس...احس انك دافورة...
مهاا: لااا مافي دافورة كشخه..دوم اشكالهم تجيب المرض...
بعدين كملت بملل: غيروا السالفه..( واضافت بغرور ضحكنا عليه) اساسا بقنع خالي وهي بتطيعه...
الكل: هههههههههههههههه
غيرت مهاا السالفه بحماس:قوليلي يا ملكه...وين رحتوا شهر العسل؟؟...
طالعت فيها متنحه للحظات...مو عارفة وش اقول...
:وافي حلفني اني ما اقولكم....ما اقول لحد..خااايف..احد يقلدناا...
رغم غباء الفكره..إلا ان البنات تنهدوا برومانسية...
قالت وحده: الله...وش الرومانسية ذي يا خال؟؟...ذكرني بسبب تسمية شهر العسل بالانجليزيHoney Moon...الواحد يآخذ عروسه لمكان سري مدة شهر ليما يرجع القمر مثل اول ليلة وصلوا فيهاا...
قالت حنان بنعومة: اكيد استانستوا...خصوصا خالي...رومانسي حيل..
مهاا بنفس النغمة الرومانسية: صح....خالي عليه حركات تجنن..دوم كان يسووي لنا مفاجأت...فكيف مع زوجته...
وما يحتاج اقولكم ان حوارهم بمدح وافي ضيق خلقي ليما حسيت ان هوى المرزعه خلص...
: اممم..خلاااص لا تتكلمون عن زوجي..تراني اغااار...
مهاا وهي تخبطني على كتفي: وش تغااارين؟؟..ترى خالي ملك للجميع...موب علشانك ملكه تضنين انك بتحكمينه...
الكل: هههههههههههه..
قلت وانا اشرب شاهي: ما توقعت في بنات يحبون خالهم هالكثر...
مهاا: شلون ما نحبه وهو اللي دوم يسعدنا...تصدقين ان هالمرزعه له...مع هذا مخليها ملك للجميع...يدخلها كل من يقربلنا ويجلس فيها بالايام...
وحده من الجالسات: الله لا يرحمنا منك يا خالي....
قعدت اسمع لسوالفيهم عنه باهتمام وكيف يحب يسووي اي شي يسعدهم...
بعدين سكتنا وقمنا نرقص باستهبال...وهم يقلدون ناس يعرفونهم وانا اهاوشهم...وبالاخير صاروا يقلدون حركاتي على بالهم بزعل...بس قعدت اضحك ليما انسدحت على ظهري من الضحك...
حسيت ان الوقت طول واحنا جالسين..فوقفت...
: بنات لازم امشي اناا...
الكل: لييييييييييش؟؟؟..انتظري للعشاء...
: عيب اترك الحريم واجلس معكم طول الوقت...هالحين انا متزوجه بس اوعدكم ارجعلكم بعد ساعه تقريبا او اقل...
مهاا: انتبهي لا حد يلحقك من البزران وانت راجعه مانبي صجتهم...ترى هذا مكاننا السري...
رديت عليهم وانا البس بوتي من جديد: ان شاء الله...
مشيت بسرعه وانا شايله ترمس الشاي الفاضي وحافظة الفطاير...صدق احنا ابعدنا عن البيت..لدرجة اني ماعدت اشوفه زين..وحسيت اني ضيعت شوي..خصوصا انه محوط باشجار كثيرة...وفيه بيت العمال..وفيه مجلس للرجال خارجي...
اسرعت خطواتي ليما حسيت انفاسي بتقطع....وكأني شفت شبح من بعيد...خفت كثير.. لو كان واحد من العمال....طالعت في البنات ماعدت اشوفهم هم بعد...قريت المعوذات و كملت دربي بسرعه...الشبح يلحقني بسرعه بعد...وبالاخير صرت اركض..لكن البيت لسه بعيد عني...طحت على الارض بعد ماتعرقلت بحجرة كبيرة...
صرخت بصوت خافت بألم: آآآآآآآآآه...
وقعدت ادعك رجلي بقوة...وش كثر اليمه..كانت الاعشاب طويلة حيل فلمن طحت..غطت علي...وانا خفت من المنظر...صراحه شي مخيف هالمزارع بالليل..عالم ثاني... قعدت اتعوذ من ابليس واقرا بصوت خافت ماتيسر من القرآن...
سمعت صوت وافي يناديني: ملكـــه....وووينك؟؟..
رفعت له ايدي..لكن شكله ما شافني..فقمت على حيلي...كانت رجلي تألمني بس مو لدرجة اني ما امشي...
طبعا وافي كان هو الشبح...واول ماقرب مني..
صرخت فيه: وش هالاسلوب؟؟..
وافي بعصبية: وطي صوتك....بلا فضايح...ليش رايحه لآخر الدنيااا...
رديت عليه بلا مبالاة: ابداا..ضايق خلقي اتمشى ما يحق لي..
وافي وهو يمسكني من ذراعي ويرص علي: عدلي اسلوبك...وثمني كلامك...لااا والله ماراح يصير لك طيب..
قلت بمرارة: ومن متى شفت الطيب معك؟؟...
وافي: المهم..مابيك تروحين لوحدك..
وكمل بوقاحه: ما ابيك تستغ

الفصل الواحد والعشرين


إلى متى ياسيدي ابقى هناا؟؟؟
ابعثر روزنامة الايام والاحلام؟؟؟
ابوح في الوقت الضائع
واحلم في الوقت الضائع
واحب في الوقت الضائع
واخلص في الوقت الضائع
واعيش انتظر...فرحة الوقت الضائع...ولا تأتي!!


انا وقفت مكاني لحظات..مو مستوعبة الدعوة اللي دعتها علي البنت...كانت وقحه بشكل غريب...
وافي: مرااام!!!....
: آهاااا..مرومه المشهورة!!
وابتسمت لها ابتسامه واسعه اهي فهمتها زين...كانت ابتسامة تحدي واضحه..
حطيت ايدي بايد وافي وقربت منه كثير...
: هاا حبيبي... ما تعرفها علي!!
لمس وافي خده للحظات..وطالع فيني وابتسم ببرود...وكأنه يقول لعبتك واضحه وضوح الشمس...
وافي وهو يجرني ويتقدم ناحية البنت المفجوعه واللي فاتحه عيونها على الاخير تطالعنا...
: هلا مرااام....كيفك؟؟...
وتصورا قدام عيني صافحها بشكل جدا عادي ولا كأنها وحده من محارمه...الخد بالخد ... واليد باليد..
مرومه وهي تطالعني بغرور: اشتقتلك كثييييييير...
رفعت عيوني للسماا وكأني اقول معقولة وافي مجنني على كل كبيرة صغيرة وبنات خالاته بالشكل هذا..
وافي وهو يطالعني منحرج: ماعرفتك على ملكه...زوجتي!!..
هزيت راسي لها وانا ابتسم: فرصه سعيده اني اشوفك يا مرومه..!!
مرومه بنعومه ودلع بايخ: هاا..وانا الاسعد...خصوصا ان وافي موجود...
وطالعت فيه بهيام زايد..ياربي ودي اقلع عيونها...بمكياجها الكثير...وملابسها الانيقة جدا..وشعرها اللي يتطاير بنعومه حول وجهها وجسمها...آآآآه ياليت شعري طويل...!!
قربت من وافي...ومسكته بقوة مع ايده الثانية...وهي تبتسم له...وكأنها قاعد تقولي هذا لي..انا حسيت الدم قاعد يغلي بعروقي..اهو زوجي ولا زوجها.. انا عمري ماسلمت عليه ... ولا عمري كلمته بهالدلع الزايد عن الحد.. صدق بنات ماعاد فيهم حياا!!!
قلت لوافي يوم بدينا نمشي: حبيبي!!..
طالعني وافي: هلاااا...
قلت وانا اتكلم بدلع زايد اقلد الاخت اللي وراه: الاغرااااض....ما اقدر اشيلهم..اخاف المناكير يخرب ويتخدش...
قطب حواجبه للحظات وكأنه مو مستوعب اني قاعده آمره بطريقة غير مباشرة...وكنت قاعد ادعي ان وافي مايفشلني قدامها...
هز وافي راسه وجا يسحب ايده من الآنسه المدلـله...بس هزت راسها رافضه ومشت معاه راجعه للاغراض..
شال الاغراض اللي طاحت من ايدي ورجع وهي ماسكة بايده بقوة...كنت راح اضحك لولا ان الموقف ما يناسب الضحك...فعشان كذا ابتسمت له بطريقة اهو فهمها...زين...فهز راسه وكأنه يقولي مو مثل ما تفكرين...لكني طنشته..وسبقتهم راجعه على المطبخ...وانا اسمع ضحكاتهم العالية...





في المطبخ..لقيت حصه وصيته..ابتسموا اول ماشافوني...كانت خدودي محمرة..وكنت فحمانه...ناولتني حصه كاسة ماء...
حصه وهي تبتسم وبحنان: عساا ماهبلتبك مهاا...تراها مستخفه من عرفت انك بتجين...
: يا حبيلهاا..الله يخليها لك...قمر مشاء الله..
صيته وهي تشوف بنتها الصغيرة تصيح: هااا يا بعد قلب امك...وشووو؟؟..مين اللي طقك عشان اكسر له راسه؟؟..
ابتسمت للبنت الصغيرة...كانت تزنن..نعومة..وكيوت...ببشرتها المحمرة وشعرها الناعم القليل...
اعطيتها الحلاوة اللي سويتها للاطفال..وانبسطت وراحت تركض برى عشان تعلم البزران الثانيين...
قالت حصه: والله انك تعبت نفسك...يا شيخه جيتك لنا تكفي...
: لااا تعب ولا غيره.. الحمدالله كلها شوية فطاير وصينية حلاا...
حصه وهي تحط ايدها على كتفي: صدق ان وافي عرف يختار...
صيته وهي تطالع بره من الشباك: مرااام مع واافي...
حصه طالعتني وبعدها راحت بتشوف مع صيته..
صيته وهي معصبه: اااه يا قليلة الحياا...لو هي بنتي كان ذبحتها وشربت من دمهاا...ولا كفاني..
حاولت اني ما افكر بكلامهم وانا اعطي البزران اللي تجمعوا عند باب المطبخ الخارجي واعطيهم من الحلويات..
حصه: الغلط على وافي..مفروض يعطيها كلمه يحبها قلبك...لكن اخوي رهيف..ما يحب يجرح احد...
صيته: يا شيخه!!...هي ليش ما تستحي؟؟..الحيا منفصخ منهاا..واحد عمره مافكر يتزوجها ولا يبيها..بس اهي مصرة عليه...
حصه وهي تلفت لي: ملكه..ترانا تعمدنا نقول هالحكي قدامك..
طالعت فيهم وحاولت اثبت صوتي: ليش؟؟..
ابتسمت صيته بشراسه وبأعلى صوت: لأنها راح تحاربك بكل الطرق...
رفعت حواجبي وكنت بقولهم..ياليت تقولون غير هالحكي...لأني تعبت من الحروب اللي خضتها بحياتي..
: انا واثقة من وافي!!..وعارفه انه يحترمني حيل...
ابتسمت حصه: وافي يحبك يا ملكه...لكن ان كيدهن عظيم..
وافي..يحبني!!..مين قال كذا؟؟..وليش متأكده؟؟..كان ودي اسالها..استجوبهاا لكن قررت اني اسكت وانا اسمع صوت وافي قريب من المطبخ...
دخل وافي المطبخ لوحده....ووقف يطالعني فترة شوي طويله..حتى اني حسيت ان الدم بيتفجر من اذاني...بس كنت اتظاهر اني ما اشوفه...
وافي:كاسة ماء...يا حصه..
طالعت بحصه اللي كانت مشغولة...فرحت صبيت له كاسة ماء...وطبعا مايحتاج اقولكم انه في البيت...يكب كاسة الماء لو لمستها...
ناولته الكاسه...بس كان رافض يآخذهاا...
ببراءه مطلقة: هاا حبيبي..الموية!!
اخذ الكاسه وهو يبتسم لي بتكشيرة انا عارفتها...
صيته وهي توقف قباله: وافي..وش المصخرة اللي نشوفها؟؟..
وافي وهو فعلا مو فاهم وش تكلم عنه: وشو؟؟..اي مصخره؟؟...سوت ملكه شيء؟؟..
صيته: حاط حرتك بالضعيفه...لااا يا حبيبي...إلا الاخت مرام...
وافي وهو يمد بوزه: صـــــيته!!...
صيته وهي ميب مهتمة بنبرة التهديد الواضحه: لااا صيته ولا غيره...ياخي توك معرس..ارمي عليها شيلتها إذا اقبلت لك...
وافي وهو يطالعني: صيــــــته....ما تشوفين انه مو وقت هالموضوع...؟؟..وهالقمر واقف هناا يطالعنا ببراءه...
طالعتني صيته وبدل ماتسكت كملت: ايه الموضوع كله عشان ملكه..ياخي احمد ربك.. صدق انكم الرجال ما يملا عينكم إلا التراب..
تنهد وافي بملل وجاا يطلع: تراك ذبحتينا...بنت خالتي واعرفها من كناا صغار...وشفيها.. بعدين ملكه راضيه...اشتكت لك؟؟..
صيته وهي تلحقه: وإذاا هي راضية..انا ماارضى..لو انها بنتي كان ذبحتها يا شيخ!!...
طنشها وافي وراح..ابتسمت غصبا علي ابتسامه غريبة...تقدرون تقولون ابتسامة نصر.. لأني عرفت ان اهل وافي موب راضيين عن هالعلاقة...






رجعت انا وصيته واللي هي على فكره اكبر مني بس بتسع سنين...للصاله من جديد... كنا شايلين القهوة وصواني الحلى اللي انا مسويتها..
واول ما دخلت لاحظت ان كل اللي كانوا يتكملون سكتوا...فعرفت وتاكدت اني كنت محور الموضوع...
حطيت القهوة على الطاولة..ومسكت الفناجيل..ودرت على الحريم وانا اصب لهم..حسيت بنظرات خالات وافي الحسره..وكأني موب عاجبتهم!!..بينما جدته اشرت لي اجلس جنبها يوم خلصت..جيت وجلست جنبها... والصراحه تنقال...حرمه جدا قوية ومتسلطه.. لكنها طيبه حيل..يعني صدق اللي مايعرفك ما يثمنك..
كنت اسمع لسواليفهم بدون ما اعلق...انا مرة صغيرة...ما ادري شلون امي تزوجت وهي بعمر 15سنة...كيف كانت تصرف مع الحريم هاذولي..
يعني صيته تقريبا كانت اهي اصغر المجموعة... ووحده جنبي..وكانوا يتصرف مثلهم بالضبط...الحرمه الصغيرة الي جنبي..كانت ماسكه جوالها تقرا فيه....
ابتسمت لي: ممكن طلب؟؟...
رديت لها الابتسامه: آمري..خلص فنجالك؟؟..تبين حلى؟؟...اجيبلك شيء..
ضحكت الحرمه بنعومة: لااا يا قليبي...ابيك بس ترسلين لي رساله جديدة على جوالي إذا ماعندك مانع...
:...............
كملت الحرمه: وتكون رسالة حب قوية..عاااد انت عروس...مثلي!!
ابتسمت لها: آآه عروس...انت...ابتسام؟؟؟..( وكنت احاول اتذكر اسمها لأن صيته عرفتني على القروب كله)..
ابتسام: ايه..توني متزوجه لي ست شهور...زوجي يصير ولد خالة وافي...
: آآه..ياهلااابك....حضرتي عرسي؟؟...
ابتسام وهي تعتذر: لاااا لاسف...كنت مسافرة عند اهلي....
: حلووو...مشاء الله...
وكملت وانا حاسه اني بموت من الفشيله: للاسف ماعندي جوال يا ابتسام..
فتحت فمها وكأنها مو مصدقة...واعتذرت بسرعه: سوري..حيل مصدومة..فيه احد ماعنده جوال؟؟..
سمعتنا الجده فقالت: وش هوله الجوال؟؟...ماغير مضرة واذى...ويطنطن طول الوقت.. والله...هذا جوالي طول وقتي راميته...ولااا كل بعد فترة يآخذون يغيرون جهاازه..والله انها ماتفرق عندي كل ابوهم...
وكملت وهي تدور جوالها بجيبها: ودامك يا ابتسام تقولين انه موهييم..اجل انتي احق فيه من غيرك يا ملكه!!يامرت الغالي اللي مايرد لنا طالب...
سمعت كلمات متفرقة من اللي جالسين: آآآآآآآآآآآآه..وشهوله؟؟..ماله داعي..يا جده خليه معك..وافي بيشتري لها غيره..
قلت وانا اهز راسي باعتراض: ابداا يا جدتي..لا يمكن آخذه...
الجده وهي معصبة: ترفضين الهدية يا مره!!
قلت وانا خايفه ومرتبكة: ماا قصدي...
سفهتني وحطت الجوال بشنطتي الصغيرة..وغيرت الموضوع...: يا ووويلي...ما ادري وش تحطن بهالشناط الصغيرة...ياله الواحد يدخل يده...
صيته من آخر المجلس وبأعلى صوت: الموضه يا ميمتي...
الجده: والله ان هاليهود اثروا علينا بكل شيء...قالوا الموضه قالوا...
ابتسام وهي تهمس لي: مشاء الله عليك..كسبت الجده...انا ياما حاولت لكن المحبه بالقلوب..
ابتسمت لها منحرجه...واشرت لي نطلع نتمشى..فستأذنت من الحريم ومن الجده اول.. وطلعت مع ابتسام..
ابتسام وهي تغمزلي: يله..دقي على زوجك!!
: هااا...ليش؟؟...مايحتاج؟؟...
ابتسام وهي تضحك:ههههههه... إلااا..بوريك شلون يخافون من جدتهم..بتشوفين كيف بيرد عليك بكل الرسمية اللي بالدنياا...
طالعت بابتسام ومسكت الجوال بتردد..وكأني تذكرت شيء...: ما اعرف رقمه...
ابتسام وهي تطالع معي بشاشة الجوال: والله؟؟...طيب...اكيد مسجل هناا...
فتحت قائمة الاسماء....ادور ببطء ليما لقيته وافي...يا الله اسمه يجنن...
ابتسام : اسم رجلك يجنن..اما انا الله يخليه لي..اسمه يفجع..بس مع هذا اموووت فيه.. ولا اتخيل حياتي بدونه لحظة وحده...
كل العرايس مثلك يا ابتسام إلا اناا!!..
: اممم..هذا رقمه...طيب..وش اقوله؟؟...
ابتسام وهي تفكر: بس اسمعي صوته!! وبعدين بنرسل له رسايل غزل قوية..
هزيت راسي وانا ادق بتردد..واحس حلقي بدا يجف..عااد كنا بعيدين مرة..فحولناا في هدوء غريب..وكنت اشوف البزران وهم يسبحون..مع البرد...داخل الغرفة الزجاجية...
تعالت دقات قلبي اكثر اكثر..وانا اسمع صوت الرنات...رنه ورا رنه..
اخير رد وافي....صوته يجنن بالتيلفون...صوته حلو بكل وقت..
وافي بثقل: يامرحباا مليون ولا يسدون...
وافي: الوووووو...يا السلطانه ردي علينا!!...
ابتسام قاعده تسمع معي..وميتة ضحك..
وافي وهو يكلم احد جنبه: شكلي جدتي كالعاده نايمه فوق جوالها...كخخخخخخخ...
واسمع صوت واحد جنبه وشفت ابتسام ميتة به الصوت فعرفت انه رجلها: يا حبيلها جدتي.. والله ان الحظاره حرام فيهاا....
اشرت لي اقفل..فقفلت الخط..وانا قلبي ينبض بقوة فضيعه..
ارسلت لي رسالة..قريتها نهبلت...
: ابتسااام..لآ يمكن ارسلها..هاذي مررة قليلة ادب...
ابتسام وهي تهز كتوفها: عاادي...وش فيهاا؟؟..تراك زوجته...
: لااااا...مرررة استحييييي...شلون راح اشوف وجهه وانا مرسلة له كلام زي كذاا..
سكتت ابتسام..وهي تدور رسالة ثانية وارسلتها لي...وعييت ارسلها...وبالاخير ارسلت لي آخر رسالة...وهي اللي قررت ارسلهاا..
(( صاحبي محتـــــــــــــــاج لك شعر وشعور...واحتياجي شي ماكان باختياري...في غياب الشمس وش ذنب الزهور؟؟...والمطر لا شح وش ذنب الصحارى؟؟..اللقا لحظات والغيبة شهور...تقصر الخطوات ويطول انتظاري!!))
وضغطت على الارسال وقعدت انتظر....اما ابتسام فأخذت ترسل لزوجها رسايل...فدق عليها وقاموا يسولفون..حسيت بالم بقلبي...هذا هو الزواج...مو الحياه اللي اعيشها... يا قلبي تعبت من قوة احاسيسك..ما ادري متى تموت وارتاح من هالعذاب؟؟...مارد وافي
الرسالة..واستغربت اناا..وبعدها بخمس دقايق تقريبا...دق على الجوال... اشرت لابتسام .. لكنها كانت بعالم ثاني مع متعب حبيب القلب..
توهقت..وبالاخير قررت ارد بس واسمع صوته...
وافي وهو معصب: الووووووو...
خفت وتوقعت شر..صوته كان معصب موب مثل قبل شوي...
وافي: ملكه...ردي علي!!





وافي: ملكه ردي علي...بسررعه!!
: هلااااء...
وافي وهو يآخذ نفس عميق: وينك؟؟؟..
: ااااااه..مع ابتسام مرت متعب....قريب من المسبح..
وافي وشكله مولع: طيب...تعاليلي ورى المسبح....بتلاقيني واقف هناك بالركن.. بسرررعه...
ودعت ابتسام ورحت ببطء امشي ...انا عارفه انه بيهزئني وبيتكلم علي...لكن هالمره ماراح اسكت له...انا مو عبده له...انا حره بنت احرار...وافي بالذات من بد هالبشر كلهاا لازم يعرف اني اقدر عليه وعلى عشر مثله..
قعدت اقوي قلبي بهالكلام وانا اقراا بعض الاذكار حق لقاء العدو..
وصلت اخير للمسبح فلفيت من ورا الغرفة الزجاجية..ولقيت وافي واقف مثل ماقالي بالركن...بس كانت عنده مرومه!!
لا يكون ناوي يهزئني على حسابها...
ابتسمت وانا اقرب منه..ولاحظت ان مرومه الدلوعه التافهه كانت تطالعني بتحدي...
: هلاااا حبيبي..شبيك لبيك ملكه بين ايديك...
حسيت وافي ارتبك..وكنت راح اضحك على وجهه...بس اكتفشت بابتسامه عذبة...
وافي وهو يحك شعره: هلاااا..آآآه..اممم...
وطالع بمرومه منحرج ما يدري وشيقول...
مرومه وهي تطالعه بغرام: وافي..توعدني اسوق الجيب حقك بعدين...!!
وافي وهو يبتسملها: اكيد حبيبتي...!!
انا حسيت بغثيان قال حبيبتي قال...حبك برص وهم وغم يا حمار...بس تصدقون رغم اني مولعه من جواتي لكن اللي يشوفوني يقول حيل مبسوطة وتبارك هالشيء اللي قاعد يصير...
: مرومه عيوني..ليتك تخليني انا ووافي شوي...ابيه بكلمه!!..على انفراد..
مرام فتحت عيونها للاخير...ورفعت خشمها بغرور وصرخت بدلع وعيونها تدمع: واااااااااااافي!!!
وافي وهو شكله كاره هالشيء: آسف مرام...بس اوعدك انها كلمتين...وارجع لك عشان نركب السيارة!!
هزيت راسي بنعومة وانا مبتسمة بتريقة....يا حياتي على الحب المتدفق..لو كان معي مسدس كان فرغته فيهم هالحين...بس لاااا..انا اوريكم...وما اكون ملكه!!
مرومه اللي انصدمت ان وافي صرفها بهالطريقة..امتلت عيونها دموع..وتركتنا وركضت بسرعه وسمعنا صوتها وهي تصيح..وشفناها وهي تروح عند مجموعة بنات شفناهم يطالعون فيناا كلناا...
وافي: كان لازم تكلمينها بهالطريقة!!
: لااا ابدا..كان مفروض بس آخذها بالاحضان واقولها الف مبروك عليك الرجال اللي مفترض يكون رجلي...
مسكني بقوة مع كتفي: خلك ساكته دام النفس عليك طيبه!!..
صرخت: مانيب ساكته...وبعد ايدك عني...بكل بساطه..تبوس خدها...وتمسك ايدهاا...ليش واحنا عايشين ان شاء الله؟؟..هاااا...تكلم...قووووووووول...
وافي وهو منقهر: كاااافي..لا تخلين اتوطى ببطنك!!..
رفعت راسي ومشيت من قدامه: ما تقدر...ولا راح اسمحلك فااهم؟؟..انا موب لعبة عندك ... كافي اهانات وصياح وتعب نفسي ومعنوي....انا اقبل اي شيء...إلااا انك تهيني قدام الغرب يا وافي!!..
مسكني وجرني بقوة مع كتفي...وانا اصرخ فيه واحاول اني اضربه بقوة..عشان يتركني.. ورجعت ضربته مع كتفه بقوة....فمسك ايدي ولفهاا...
صرخت بالم: وافييييييييي...يا حمااااااااار!!!...آآآآآآآآآه اهىء اهىء...
وقعدت اصيح بسبب الالم اللي حسيته...
قال واهو يدور مفتاح الغرفة اللي معاه: ابيك تنطقين هناا..مفهوم...!!
قلت بعصبية: لاااااااء...ماراح اجلس هنا..والله لاسويلك فضيحه..انا مانيب كلب عشان تحبسني هناا...
وضربته بقوة على كتفه وصرخت: انا انحبست شهرين اثنين بغرفة قذرة..اتجرع انواع الضرب والتحرش...وانت!!...بالذات من بد هالبشر كلهم...ماراح تحبسني فاااهم؟؟...
سكت يوم حسيت ان صوتي عالي مرة...وان في هدوء غريب حولناا...وافي كان يطالعني بطريقة غريبة...فمه مفتوح...وحواجبه مرتفعه بذهول...
مسحت دموعي اللي نزلت بسرعه عشان تغطي وجهي..
: اكرههههههههك....اكررررررهههك...انت ولااا شيء...فاااهم ولا شيء...
اكتسى وجهه تعبير غريب..تعبير صدمه بذهول بحزن بلا مبالاة..باشياء كثيرة اجتمعت..
دخل المفتاح بالباب وفتحه..واشر لي ادخل..حطيت ايدي على رقبتي...كان حلقي يعورني بسبب الصراخ....
سمعت صوت حركه وانتبهت للحركه من تحت الاشجار...وكأني شفت رجول...يعني فيه احد سمع حوارنا الرومانسي الجميل!!
دخلت الغرفة مستسلمه ودخل وافي وراي...



فتحت المكيف على الحار...وفسخت الفرو اللي لابسته..كان وافي واقف ورا الباب ومتكي عليه..يناظرني بنظرات غريبة...
: وشفيك؟؟..اطلع برااا...ما ابيك..ولا ابي شوفتك...قفل الباب بعد..مايهمني...احرررقني.. ما اهتم....انت عديم احساس...انت من وشو مخلوق؟؟...قووووووووول...
وافي وهو يبلع ريقه: ملكه!!...خلااااص...
: لاااا موب خلاص...عمره ماخلص...ليش تكرهني يا وافي؟؟..لييييييش؟؟..وش يدريك وش الي كان بيني وبين مساعد؟؟..على اي اساس حكمت اني احبه؟؟..ليش قررت وادعيت وحكمت وقضيت وخلصت..
فتح فمه بسرعه بيرد بيتكلم..لكن بدل من هذا كله..
وافي بكآبة: مو هذا المهم...المهم انك بدل ما تاكدين لي انك شريفه...رحت وخنتيني معاه..ولااا حطيتها بجارتك المسكينه اللي عندها اطفال...
:اطلع براااا...ما ابي اشوفك هالحين...اطلع برااااااااااا روح معى مرومتك الصغيرة الدلوعه...
وكملت وانا ارتعش: سؤال صغير بس؟؟...بس؟؟..ليش تزوجتني؟؟..ولا تقولي علشان تحمي بدرية مني؟؟....لأن هاذي اكبر كذبه بالعالم...
مسكني مع كتوفي واخذ يهزني بقوة: كذااا...تزوجتك عشان اريح هالبشر منك..تزوجتك لأني مابي سلطان يتزوجك....ولا ابيك تهربين مع مساعد..ولااا ابيك....لغيــ...
: وشووووو؟؟..كمممممممل...اجرحني اكثر...هيني اكثر...يا حقيييييير...انت حشرة تااافه..
ضربته بقوةعلى صدره..لدرجة اني شكيت إذا يحس..رماني بقوة على السرير وطلع بعد ما قفل الباب حق الغرفة...

بعد ساعه من الصياح المتواصل فتحت علي مهاا باب الغرفة بس الداخلي...قمت على طول من السرير وفيني نية خناق مع هالوحش الدب الحيواااااااااان وافي...
شافتني مهاا وهي بعد كانت عيونها حمرر: شفتكم وانتم تهاوشون!!...."
وحطت يدها على فمهاا وقامت تصيح...وهي تسكر الباب اللي وراها...
كملت مهاا وهي ترتجف:" توقعتكم تكونون مثل متعب وابتسام...لكن...صدمتووني.."
بلعت ريقي ومسحت دموعي :" مهاا حبيبتي...الحياه مو مثل ما انت معتقده..الحياه فهي تشابكات كثييييييير..."
مهاا وهي تطالعني وتمسح دموعي:" بس خالي وااافي....وعدني انه راح يعااامل زوجته برقة..."
مافهمت شيء من اللي تقوله..
كملت مهاا وهي تصيح اكثر:" كل الرجال مثل بعض...رغم انه دوم كان يحلف لي انه غير عن ابووووي..."
وقفت وضميت مهاا بقوة: "مهاا حبيبتي...اي رجال يختلف مع زوجته...واللي صار بيني وبين وافي شيء عاادي..."
مسحت خشمها بمنديل انا اعطيتها اياه وقالت وهي ترتجف: ليش قفل عليك البااااااااب؟؟.."
ابتسمت لها: لأني طردته وكسرت له راسه وقلت له مابي اشوفك..."
وكملت وانا احاول اضحك: فأدبني بطريقته...!!"
ابتسمت مهاا وكأنها تحاول تصدقني: يعني خالي وافي طيب معك؟؟.."
: طبــــــــعاا..صدقيني ان احلى ايام عمري مع خالك...بس انا عصبت عليه عشان الهبلة بنت خالتكم ذي.."
مهاا وهي تمسح دموعهاا:" مرااام؟؟.."
وقلدتها انا:" مروووووومه!!"
قمنا نضحك ومسحت دموعي...ورحت اعدل مكياجي عشان اطلع معاها...
مهاا وهي تشوفني اعدل مكياجي:" تصدقين....اني حلفت ما اتزوج ابد...بس خالي وافي هو اللي اقنعني اني اتزوج..وقالي ان اصابيع ايدي موب سواا..."
وكملت وهي توقف وراي: "لمن شفت متعب وابتسام..انبسطت بس كنت اقول لنفسي خالي وافي هو اللي راح يثبت لي هالشيء...خصوصا بعد تجربته مع خطيبته الاولى...ومع عفااري..بنت خالتي نوراا.."
رفعت راسي بسرعه: عفااري...ليش؟؟...وش السالفه؟؟.."
مهاا بارتباك: ماقالك عنهاا؟؟.."
: "لااا...بس اللي اعرفه ان بينهم مشكله كبيرة...لكن نسوها بعد قضية جاسر الله يرحمه ويغمده الجنه..."
مهاا وهي ترجع شعرها ورا اذنها: "يا ستي السالفه عاادية...انت تعرفين بيت خالتي نورا مشاء الله قصر..."
هزيت راسي ولفيت اسمعها باهتمام...
كملت وهي تجلس على التسريحه: "وله عدة بوابات ... يا ستي كان خالي وافي زايرهم... المهم خطيبته الاولى كانت موجوده في ذاك اليوم... وكانت متفقة مع اللي تحبه انه يجي يشوفها هنااك...طبعا عفاري ما كانت تدري عن الموضوع نهائي....لكن لسوء حظ عفاري ان الرجال يوم نط السور...كانت هي بذاك المكان...وسمعته وهو ينادي اسم خطيبة وافي ... من الصدمه...ما قدرت تسوي شيء..وهو يوم شافها ارتبك وحاول يهج...لكن اللي شافه وهو ينط السور وعفاري واقفه..."
سكتت..فكملت اناا وانا حاطه ايدي على قلبي: يااا ويلي وافي...هو اللي شاف عفراا وحسبها تعرف الرجاال؟؟..."
هزيت راسي متأثرة..ياربي وش ذا الحظ؟؟...إذا ماصدق عفاري والسالفه من سنين فمعقولة راح يصدقني والسالفه مالها ايام؟؟..
مهاا وهي تحلفني: بس الله يخليك لا تقولين لأحد...ترى والله ماحد يدري بذا الموضوع غيري انا وعفاري..."
تنهدت وانا اقوم : مسكين وافي...وش هالصدمات اللي يشوفها في اللي يقربون له...عفاري كانت تقولي انها ياما حلفت له انها بريئة بس ماصدق"
مهاا وهي تأيدني بهزة راس: صح...خالي حمل عفاري كل سبب تعاسته خصوصا بعد ظنه ان عفاري بنت تمشي مشي بطاال.."
: بس لازم نعلمه..حرااام..لازم يعرف انه ظالمهاا"
مهاا: ياما حاولت اني اقوله...بس عمره ماعطاني وجه..."
كملت مهاا وهي تغير الموضوع: طيب..دامني مبسوطه على خالي..ودامك تحبينه... امشي اوديك للبدروم..تشوفين صور رجلك يوم كان صغير..وكل ذكرياته..كتبه دفاتره.. ملابسه..العابه..كل شيء يخصه."

دخلنا البدروم الكبير بس نوعا ما مظلم...وكان بااااااااااااااارد..لدرجة اني سمعت صوت طقطقة اسنان مهاا وهي تشد الكوت حقها بقوة على جسمهاا...راحت للكراتين مغبرة بالركن ولحقتهاا بسرعه...
حسيت بخوف فضيع مع ان عندي مناعه من الحشرات والفئران...لأني تعودت عليهم بالمستشفى...
مهاا وهي تأشر لي بالكشاف: هنااا...
جيت وراها وجلست قريب منها..وكان فيه صندوق خشبي كبير فيه اغراض كثيرة... طالعت بالاغراض..وحسيت بمشاعر غريبة تخنقني بقوة...
تأملت اللعب الصغيرة..سيارت مغبرة...سوبرمان وسبيدر مان..مجلات باسم..لقيت تي شيرت قديم ازرق وابيض..غصبا علي حظنته بقوة...ما اتخيل شكل وافي وهو صغير... اكيد قمر...
مهاا: ياعيني على الحب!!"
بتأثر رديت عليها: ودي آخذ كل اغراضه.."
مهاا: تحبينه؟؟..."
سكت ماعرفت وش ارد...وهزيت راسي بصراحه: لسه!!"
ابتسمت وحط ايدها فوق ايدي: اقدر صراحتك...لكن صدقيني راح تحبينه...خالي ينحب.. خالي غير!!.."
:ههههههههههههه...لااا يا شيخه..اظن الغرور صفه متوارثة بالdnaعندكم"
مهاا وهي تمسك كتاب جلدي كبير وتعطيني ياه: وانت الصادقة"
فتحته بتردد...وافي...هذا البوم لصوره...كان يبتسم ببلاهة وهو ماسك كورة ولابس لبس الهلال...وشعره الاسود الكثير منتفش...وركبته مجروحة..وعيونه تلمع..ماكان جميل.. كان عادي..لكني حبيت الصورة غصبا علي...حسيتها تمثل وافي الحقيقي...وافي الطيب.. اللي كان قبل لا يتزوجني...مثل مساعد...اللي صار مجنون لمن عرفني وحاول يدمرني.. مثل سلطان اللي فقدت الحياة بهجتها عنده..لمن تزوجت غيره...
قلبت الصفحات...صور مختلفة لمراحل زمنية متغيرة...وافي وهو واقف مع اصحابه قبال مدرسته.. وافي وهو يسوق السيارة.. وافي وهو يفرش اسنانه ومصورينه اصحابه بامريكا ... وافي وهو ماسك ثعبان كبير وحاطه حول رقبته..
اعطتني مهاا البوم صور ثاني..وقامت تشرح لي كل صورة وش مناسبتها.....وهاذا الالبوم كان صور متنوعة للعائلة...صورة لحصه وهي شايله وحده من بناتها الكبار بين يدينها....صورة للجدة وهي واقفه في المرزعه جنب الغنم...صور لاحداث كثيرة ومهاا تذكرها وهي جدا مبتسمة...وكنت استمع باهتمام...
: مهااا...ممكن طلب؟؟.."
مهاا وهي تسكر الالبوم: آمري..."
: امممم...ابي صورتين لوافي...وابي التي شيرت حقه...واللعبة حقته..."
مهاا وهي تبتسم: اكيد...هاذي كلها حلالك...اساسا اغراض رجلك...المزرعه كل شبرها فيها لك..."
: ولا تعلمين احد عنها..خصوصا وافي"
مهاا وهي مستغربة: انن..شاء الله.."
طلعت صورة وافي وهو ماسك الكورة..وهو لاف الثعبان على رقبته ودخلتهم بالشنطه.. و اخذت لعبته السوبر مان الصغيرة..وحطيتها بالشنطه...واخذت التي شيرت وضميته بقوة ... وكأني احاول اضم وافي من خلاله...لا تسألوني ليش سويت كذاا؟؟؟.. غصبا علي والله.. مع اني ما احبه...بس حسيت ان ودي اضم هالطفل بكل القوة اللي عندي...
مهاا وهي تبتسم: خلااااص...لو درى خالي عن كل هالغرام والمشاعر كان ما ترك دقيقة..."
طقيتها على كتفها بمزح: دبـــــــــه..عيب عليك...!!
مهاا :ههههههههه..ولااا تقول لسه ماحبيته...وهي..."
سكتنا انا ومهاا نسمع رنة الجوال القوية...
: مهاا...جوالك...
مهاا طلعت جوالها من جيبها وهزت راسها بمعنى لااا موب حقي...
تذكرت ان معي جوال انا الثانية..فتحت شنطتي وطلعت منها الجوال..وكان وافي هو اللي يتصل...خفت...
مهاا: مين؟؟...خالي؟..."
: ايـــــــه...مهاا خايفه..احد درى انك فتحتي الباب علي؟؟..."
مهاا بارتباك: لااااء...محد درى..اخذت المفتاح بدون محد يدري وجيت فتحت عليك الباب..."
سكت الجوال..وخفت وعضيت على شفايفي ووقفنا انا ومهاا..
مهاا: اكيد فتح الغرفة ومالقاك... يا ويلي منه...بيكسر لي راسي"...
: آآه..اممم..طيب...وش السواة؟؟"
رجع الجوال يدق بالحاح اكبر...وطاح من ايدي من شدة الخوف والربشة...وتمينا انا ومهاا مكانا نطالع مصروعين بالجوال...
بالاخير ما عدت احتمل...فشلت الجوال وضغطت على الزر الاخضر...
: الو...ووو...وو..."
وافي وهو صوته منبح وقاعد يلهث:آآآه...وو...وينك؟؟...."
:آآه...هنااا...قررريبه..."
وطالعت بمهاا...اللي اشرتلي عشان نطلع بسرعه فوق...عشان ارجع لغرفتي...
هزيت راسي ولحقتها...
وافي واهو يآخذ نفس عميق: وووووووينك؟؟.."
روعتني صرخته واشرت لمهاا بخوف...
سحبت مهاا مني الجوال...: الوووو..___ايه يا خال___لااا عادي...___أنا اللي فتحتلها الباب___لا تصرخ علي____طيب..اهي جايه تستان.._____ان شاء الله___ولا يهمك"
طالعت بمهاا وهي تقفل وعيونها مليانه دموع...وشفايفها ترتجف...
: مهاا حبيبتي..وش فيك؟؟.."
صرخت فيني وهي تبكي: يقول انه مايبي يشوف وجهي ولا يبيني ادخل باللي ما يخصني.."
وركضت تطلع الدرج...لحقتها وانا حاسه ان قلبي بيوقف...طالعت بالاماكن من حولي... ومالحقت مهاا...رحت لمجلس الحريم بسرعه..ابي اهرب من مواجهة وافي..خلني ااجلها ليما اقدر...
بس يا فرحه ماتمت...حسيت بايدي شوي وتنكسر...كانت يد وافي قابضة علي لدرجة اني حسيت ان لحمي بيتقطع من قوة مسكته...كنت راح اصرخ بوجهه..بس خفت يوم شفت شكله...سحبني معاه لغرفتنا اللي كانت قريبة من البدروم...
دخلني اغرفة وسكر الباب...انهار على الكنبة جالس..وقام يتحسس جيبه بتعب...يدور عن سيجارة...
طلع سيجارة..اخيرا وحيده يتيمة مثلي..لقاها بجيبه....ولعها بارتباك وايده ترتجف...
وافي واهو يطالعني وانا ماسكه التي شيرت بايدي: حق مين؟؟.."
طالعت بالتي شيرت القديم وضميته بقوة لصدري: حق ولد صيته..."
قطب حواجبه: وليش معك؟؟.."
: لللل..لأني اخذته منهاا..عش..عاشن اعطيــه...الشغالات"
وافي وهو يفرك راسه بعصبية: صرخت على مهااا..انت السبب"
: بكت بسببك!!..طلبت منهاا انها ما تتدخل فينا؟؟...ليش يا وافي؟؟.."
وافي بعصبية: مايحقلها تفتح لك الباب بدون ما تقولي؟؟.."
ووقف ورمى السيجارة وفركها بقوة برجله...حسيت بالعطف عليها..مسكينه..ماتت..تفتت .. انتهت...
وافي وهو يحط يدينه على الجدار اللي وراي ومحاصرني بشكل مخيف!!: توقعتك هربت..."
:................
غمض عيونه بقوة: حسبت..ان..احد من العمال آذاك!!..
:...........
وافي وهو يفتح عيونه الحمر وينتفض:كنت راح اقتلهم...عارفة وش يعني اقتلهم؟؟..يعني انهي حياتهم بكل بساطه...
: واااااااااافي...اهىء اهييييييء..
حطيت ايدي على صدره...
قال لي وهو متعذب ويضحك في نفس الوقت: لكني تذكرت..اي حقيرة خاينه بايعه لسمعتها انا تزوجت!!
صرخ فيني بقوة: آآآآآآآآآآآآآآآآه...ليش انت؟؟...ليييييييييش؟؟..ليش حبيت مساعد؟؟...ليش غررت بسلطان؟؟...ليـــــــــــــــــــــــــه؟؟.."
سحبني بقوة له...ضمني بقوة لصدره... يدينه كانت تعتصرني بقوة...حسيت انه يعذبني بهالطريقة..وقعدت ابكي مو عارفة وش اقول...كل مافيني يتنافض...انا ندمانه.. على كل شيء...وعلى اي شيء..بس ما احب ان احد يتعذب بسببي!!...انا اللي فيني كافيني..
بعدني عنه بقوة فجأة..وكأنه تذكر فجأة مين انا؟؟.. حسيت بظهري يتكسر...لأني انصفقت بالجدار بقوة...ابتعد عني ببطء..قعد يطالع بوجهي بألــــــــــــــم..
وبالاخير اطلق رصاصته الاخيرة علي: ما ابي اشوفك خارج هالغرفة..مفهوم؟؟"
حطيت ايدي على فمي ومارديت عليه واهو يطلع ويقفل الباب علي.





كنت راح اطق...من الطفش اللي فيني وانا ادور بالغرفة وماعندي غير التلفزيون اتفرج عليه..اقلب من قناة لقناة النوم مجافاني..ولاني قادره افكر غير بوافي...ردة فعل وافي.. كلام وافي...افكار وافي...احاسيس اللي تنعفس وتتغير من تشوف هالوافي؟؟..
حسيت بضيقة فضيعه وانا ارجع اضم التي شيرت بقوة لصدري...آآآآآآآآه..وش اللي قاعد يصير فيني يا رب؟؟..ياليتني ما رجعت من المستشفى ابدا...اقلها عيشة المجانين ازين من عيشة الناس العاقلة...
فصخت ملابسي..ولبست بنطلون بيجاما..ولبست التي شيرت حق وافي..مشاء الله كان واسع علي...رغم انه لطفل عمره عشر سنوات...مشاء الله على وافي...جسمه عريض من يومه..
دخلت تحت الفراش..بعد ماقفلت اللمبات...كنت اشوف البطل شلون قاعد يهين البطله بالفيلم...يضربها بقسوة بحزامه...ويجرها من شعرها للدرج...ارتجفت..على قسوة وافي...ألا اني لا يمكن اتصور انه يضربني بهالطريقة...وحتى الكف اللي صفقنياه قبل... كان كف لأنه طلع عن طوره للحظات..ولااا ما اتوقع انه راح يعيدها مرة ثانية...
شفت البطلة وهي تهج وتقفل الباب بوجه البطل...وتروح للشباك..مجنونة بتنتحر..كنت اعصابي مشدودة مع الفيلم لآخر درجة..وما انتبهت للباب اللي انفتح ولكن اللي شدني ريحة الاكل...فالتفت ادور مصدرها...كان وافي..






التقت نظراتنا...وجمدت حركتي...اتذكرت اليت شيرت اللي انا لابسته...غطيت جسمي بسرعه...
طالعني وافي...يمكن مستغرب من حركتي...وحط الصينية حقت الاكل بالطاولة اللي قريبه من الكرسي...
ثواني ودخلوا خدامتين شايلين كنبة صغيرة ثانية...حطوها محل ما اشرلهم وافي..
وافي وهو يقرب مني: يله قومي كلي...!!"
:..........
وافي وهو يحط ايده على الجدار فوق راسي على طول: وش فيك؟؟...كأنك مخترعه؟؟"
:.........لااااء...
وقلت وانا اغطي نفسي اكثر: اطلع بره شوي...ابي..اغير ملابسي...
وافي وهو مستغرب: وش هوله؟؟؟..نص اللي بالبيت ناموا ماعندا البنات...
احترت وش اقوله؟؟...وبدون اي تفكير: صراااحه..لابس لبس..شوووي..خااالع..فياليتك تطلع بره...عشان اغير..!!
ابتسم بسخرية وقام يضحك وكتوفه تهتز..ورجع راسه على وره...
: قلت شيء يضحك؟؟...هاا؟؟.."
وافي وهو يجلس على الكنبة: لااا ابدااا...ماقلتي شيء يضحك...خلك منسدحه على هالسرير ليما يصبح الصبح...الصراحه مافيني اتحرك..تعبان ابي آكل وانووم!!"
انتظرت دقايق...وبطني تعورني بسبب الجوع....وكنت شوي واصيح بالاخير...قمت من على السرير..وجيت جلست على الكنبة اللي قبالته..
طبعاا ما يحتاج اقولكم شلون وجه وافي قايل وهو يطالع بالتي شيرت...حتى اللقمة اللي كان يآكلها وقفت في حلقه..وقام يكح...
صبيت له كاسة ماء وناولتها اياه..شرب الكاسه كلها...وطالعني وهو يهز راسه...
قلت وانا اعض شفتي: الغرفة حيل دافية..وانا كل ملابسي ثقيله...عشان كذاا...."
وهزيت كتوفي..ومديت ايدي اخذ الملعقة اللي قدامي...
وافي وهو يحك رقبته: هذا التي شيرت...آآه..حق ميـــن؟؟.."
ابتسمت وانا آكل بسرعه: حق ولد صيته...نظيف وصيفي...هههه..."
وافي وهو غير مقتنع: كأني شفته قبل!!...بعدين غريبه على صيته تجيب هالتي شيرت معهاا في عز البرد!!.."
ابتسمت ابتسامة بكش كبيرة: هاا حبيبي...غلطت...الشغاله وحطته...كل...ليش ما تآكل؟؟.."...
حرك الملعقة في الصحن حقه..وقام يطالعني ويرجع يطالع بصحنه...بس من غير ما يآكل..
وافي فجأة وانا قاعده آكل بسرعه: مكتوب على جبيني هندي؟؟.."
:حبيبي...ليش تقول كذاا؟؟.."
حمرت خدودي...انا قلت حبيبي..وش سالفتي؟؟..حسيت بحرارة فضيعه تزحف باوصال جسمي...بلعت ريقي كذا مرة...
وافي وهو يبتسم: وش قلت؟؟.."
طالعته بتردد..وهزيت راسي بمعنى ماقلت شيء..وحسيت نفسي انسدت عن الاكل..قمت ببطء عن الكنبة...وكان لازم امر من قدام وافي عشان اروح السرير...مسكني وافي بقوة من يدي...شهقت بقوة..وسحبت ايدي منه...ما اعرف ليش ارتبكت مرة..
وافي وهو يمد بوزه شوي: لايق عليك..."
طالعته للحظات مو فاهمه وش يقصد...وحمرت خدودي يوم فهمت انه يقصد التي شيرت ...
وافي وهو يسرح بزمان مضى: كان واسع علي كثير....اذكر اني قعدت زعلان يومين يوم عيا ابوي يشتريه... كنت ابيه بالذات...اصحابي ضحكوا علي وقالوا لي ان يوسف الثنيان موقع عليه..."
ابتسم بحزن وهو يكمل: يوم مااات ابوي....الله يرحمه ويغفر له... حلفت اني ماعاد البسه ابد...ورميته بالصندوق ولا عااد فتحت الصندوق مرة ثانية.."
ارتعش صوته شوي: كنت اعتقد انه مات بسببي...."
دمعت عيوني...وحطيت ايدي على فمي...ولاحظ وافي اهتزاز كتوفي...والدمعات اللي تساقطت على يده..وقف..وحسيت انه ضاق صدره... وشال صينية الاكل وراح...بينما انا قفلت التلفزيون...ورحت تمددت على السرير وغطيت نفسي وحاولت انوم...





ماقدرت انوم..الوقت متأخر ووافي مارجع لي مرة ثانية...رحت لبستلي جاكيت دافي وشبشب وطلعت من باب الغرفة الخارجي...
سمعت نباح كلب...فارتجفت بقوة...وحاولت اني اكون قوية وامشي اكثر..بس ماقدرت فجلست عند الباب ارتجف بسبب البرد..وادق على وافي اللي ماكان يرد علي!!
غفيت بمكاني للحظات..بس قمت على هزة يد وافي...فتحت عيوني على وسعهم..ودخل الغرفة وسفهني..
تركني بمكاني لوحدي..غرقت عيوني دموع...ورفعت راسي اناظر للسما...اناجي ربي بصمت.. حاسه بضعف وخوف من كل شيء..واولهم وافي...هالغامض الغريب...اللي دوم يتركني وحيده..ما ادري متى بيحس فيني؟؟...انا مابيه يحس فيني..انا ابيه يحن علي.. كافي يتم..ما استاهل يتم اكثر...
دخلت الغرفة بعد مامسحت دموعي..شفت وافي منسدح على السرير وكان صاحي يقرا حاجه بالجوال...سكرت الباب وقفلته..
: وين انام؟؟.."
وافي بلامبالاة: شافيه مكان غير السرير...."
: وانت؟؟"
وافي: انا بنوم بعد على السرير..الصراحه جسمي متكسر...ومافيني على نومة الارض.."
انسدح على بطنه ودخل راسه تحت المخده..
ترددت بمكاني للحظات...ثمن رحت فصخت الجاكيت..وجيت تمددت على السرير انا الثانية...كنت نايمة بآخر طرف السرير..يعني اي حركة بسيطة مني واطيح على الارض ...
كنت عارفة انه ما نام..واغلب الظن انه يراقبني..وانا ماكنت قادرة انوم.. كنت زعلانه من نفسي..كنت عتبانه على حالي... ليش اركض وراه؟؟... ليش ادور رضاه؟؟...ليش انا افكر إذا هو اكل او شرب؟؟..وهو..؟؟..جاوبوني هو..وافي...القاسي عمره مافكر فيني...
اعتقد اني من الاشياء اللي لمرت على باله ازاحه مثل ما يزيح اي ذبابه تزعجه بالجو... هذا انا بحياة وافي..فاهمين مجرد ذبابة..
جاني هالسؤال: وهو...القاسي...وش مكانته بحياتك؟؟...ليش مهتمة فيه؟؟
تقلبت مرتين بملل على سريري... ما ادري...اللي اعرفه اني اكرررههههه كثير...بس اشفق عليه...يحزني.. ما احب الانسان اللي عايش بعالمه الخاص...
تردد علي سؤال ثاني مزعج..انت متأكده من كرهك له؟؟...
كان ودي اصرخ بنفسي...اكيد اكرررههههه انا اعرف مشاعري اكثر من اي احد ثاني في هالدنيا....بس هذا زوجي..عيلتي...ماعندي احد غيره...لو طلقني وين راح اروح؟؟... اروح لعمي اللي رماني مرتين...مرة بمستشفى المجانين...ومرة عند وافي؟؟..
وافي بصوت نايم:خلاااااااااص كافي تقلب على السرير..."
انفجعت ماتوقعت انه لسه صاحي...جلست وطالعت فيه..كان نايم..مغمض عيونه بنعومة.. شعره الاسود متناثر حول وجهه بخشونة..مثل نسر اسود.. ملامحه...خشمه فمه عيونه.. كله كله يجنن...مديت ايدي بتردد...كان ودي بس المس الجرح اللي بحاجبه...بس بالاخير اكتفيت اني هزيت كتوفي ورجعت نمت...

الساعه 5:30ص




تمغطت بكسل على سريري...كنت اسمع صوت الماء في الحمام...طالعت بجهة وافي.. لمستها بتردد كانت لسه دافية...قمت من على السرير...ورحت للشنطه ادور لي لبس..
طلع وافي من الحمام...وهو لابس روب الحمام..جلس قريب مني...فقام يطلع اغراضه.. اخذت لي بنطلون جينز وبلوفر ناعم احمر ريفي...وقمت دخلت الحمام...
اخذت لي شاور سريع..ابي اطلع اتمشى مع وافي..كنت متأكده ان معظم الناس نايمه في ذا الوقت وحسيتها فرصه..لا تسألوني فرصه لايش؟؟..انا نفسي ما ادري؟؟...خصوصا ان النور توه بدا يشعشع...
خلصت لبس ومشطت شعري بسرعه وطلعت من الحمام... كان وافي على وشك يطلع..
: وافي.."
التفت علي: هلاااء.."
: صباح الخير" وابتسمت بنعومة.
وافي وهو مستغرب: صباا..ح النوو..ر"
: ابي اطلع معك اتمشى...ممكن؟؟.." وناظرت فيه ببراءة متعمدتها...
هز راسه بفتور: ممــ...كن.."
حطيت عطر خفيف وروج على الطاير ولحقته على برا..
: تبي تآكل شيء؟؟.."
وافي وهو مدخل يدينه بجيوب الترينق:لاااء..مو مشتهي..تبين؟؟.."
: لاااء..."وسألت بعد لحظات: فيه حيوانات؟؟...هنا؟؟.."
وافي وهو يهز كتوفه: ايــــــه..."
سكت شوي...بعدها كمل: تبين تشوفينها؟؟.."
هزيت راسي بحماس...إذا معي وافي ما راح اخاف من الحيوانات ابدا...
رحنا جهة الحيوانات اللي بعيدة مرة...عن البيت...
اخيرا وصلنا لصندقة الحمام...
صرخت بحماس: حمااااااااااااااااااام"
ورحت فتحت الباب بدون ما افكر ودخلت جوه...
: وااااااااااااااو...شوف من كل شكل؟؟...شوف الرقاص؟؟..."
وجيت اخذت حمامه كانت منعزله بمكانه ما تمشي...يا حياتي كانت رجله مربوطة بخيط مو واضح...ويألمها كثير...
: وااااافي..." وعضيت على شفايفي..
جاا وافي وجلس جنبي على اطراف رجوله مثلي بالضبط..
: هااتي عنك.."
شرحت له وانا اتألم:شوف...رجلهااا..اوووه يا حياتي..."
اول مرة اشوف وافي يبتسم من قلبه واهو يتألمني: لااا تبكين..."
: اصلااا ماكنت راح ابكي...بسس..."وحطيت ايدي على خشمي وكنت خلاااص على وشك اصيح من شكل الحمامه المسكينه..
وافي وهو يحاول يفك الخيط بمهارة وبسرعه: هدي اعصابك ملكه.."
: خلني امسكها وانت فك الخيوط عنها..."
عطاني ياها فمسكتها بنعومة..وقعدت اداعب راسها وهي تتخبي مني وتهدل بصوتها الحلوو..
اخيراا قدر وافي يحررها من الخيوط اللي ناشبة برجلها...
: تقدر تطير؟؟.."
وافي وهو يمد يده يمسكها: تعالي نشوف..."
: خلها معي..الله يخليك.."
هز راسه موافق وطلعنا من الصندقة وقفلنا بابها...مديت ايدي للمسا ابي الحمامه تطير..وعيت تطير واستغربنا انا ووافي...
وافي بعد لحظات: هاذي ملكه...."
طالعته مستغربة وش قصده...
ضحك: مثلك...ترددين مية مرة قبل لاتسوين الشيء اللي فعلا تبينه..."
: من خااف سلم..."
وابتسمت بنعومة وانا ارجع اضم الحمامه لصدري..
: حمامتي...ملكه...بتشوف راح تطير.."
ورفعت يديني مرة ثانية للسماا...فطارت الحمامه من يدي وراحت للسما...تتبعتها بعيوني..ولحقتها...بس بالاخير وافي خلاني ارجع من جديد...
: ابي اطعمهاا....الله يخليـــــــــك..."
وافي وهو يعطيني كيس الحب: يلـــه"
ابتسمت بشكر ودخلت القفص وحطيت بيدي حب كثير ونثرته بكل مكان وخليت بعضه بايدي...فتزاحمت الحمامات على ايدي..وبالاخير بعد ماخلصت..وطلعت لوافي... لقيته واقف يدخن ويطالع بالسما ...بملكه...
تركت باب الصندقه مفتوح...فطار الحمام كله مرة وحده بشكل افواج... كان منظر روعه ...
وقفت جنب وافي نتأمل السماا بصمت...حسيت ببرد فضيع يدخل جسمي...لأن شعري مبلول..بس مع هذا ماكان ودي اتحرك من جنب وافي...جنبه يدفيني...احس تطلع منه اشعاعات حااارة... احس نفسي جنبه مثل ورقة سلطوا عليها ضوالمشس من خلال عدسه مكبره...حرارة قصوى...تشعلني...
سمعت صوت الكلب فطلعت مني آهة خوف....وما اعرف ليش تذكرت بوبي...تذكرت شلون وافي ذبحهه..تذكرت اشياء كثير..
وافي وهو يحاول يمسك ايدي عشان يهديني: لا تخاافين بعيد مرة.."
حسيت باصابعه تلامس اصابعي بس بعدت عنه بسرعه: لااااء...الصوت قريب..."
وكملت وانا ابعد عنه: انا لازم ارووح..برجع البيت...يمكن جدتك صاحيه.."
وافي وهو يوقفني ويلفني اقابل وجهه: ملكه؟؟... وش فيك؟؟...قلتلك بعيد..."
حسيت باحاسيس مجنونة وغريبة...فقلت بتمرد وكأني انتقم من وافي: لو سمحت... ابعد ايدك عني...لأنها تقرفني...روح لمرومتك.. وخليني لحالي..."
وتركته وهو واقف مصدوم بمكانه..




لقيت جدة وافي صاحيه...فرحت يمها وجلست انا وياها نتقهوى...كنت اتكلم واتظاهر اني سعيده...لكني كنت كارهة نفسي بقوة..ليش عاملت وافي بقسوة؟؟..ليش رديت له الصاع صاعين؟؟... انا عمري مافكرت ارد لحد الشيء اللي سواه فيني... حتى ريم ومساعد وكل اللي اكرههم..ماافكر آذيهم...فليش صبيت كل زعلي على وافي...
تحركت بملل وانا اغمض عيوني واسوي مساج لجبيني بسبب الصداع اللي احسه...
سمعت صوت جدة وافي عرفت ان في احد جا... فتحت عيوني ببطء...شفته.. كان واقف يطالعني ببرود...صديت عن نظراته اللي تقتلني وتطعني وتدمي قلبي... ما احب ان احد يكرهني..ما احب ان احد يحقد علي...
صبيت له فنجال قهوة....فأخذه بدون ما يطالعني وهو يسولف مع جدته بامور المزرعه.. وفهمت من كلامهم ان الجده عايشه بالمزرعه...مو بمكان ثاني...ووافي قاعد يقنعها تجي تسكن معه...
الجده: المكان ياله يكفيك انت ومرتك.."
: بالعكس يا جده..إذا ما شالك المكان انا نشيلك بعيونك.."
وافي بإصرار بدون مايطالعني: يا ميمه... الله يهداك وش ذا الحكي...انت مانتب مثقله علينا...بعدين الرياض ادفى من ذا المكان اللي كله صقيع..."
الجده: بس انا احب اشوف الخيل والابل.... ما اقدر اجلس بوسط المدينة وانحرم من هالمكان الزين..."
:طيب...ياجده نقدر نجيبك هنا كل ربوع وخميس وجمعه..."
الجده وهي تشرب فنجالها وتمده لي: لااااء..ليش اضيق عليكم والمكان هنا واسع..."
وافي بزعل: وإذا لا قدر الله مرضتي...احتجت لينا.."
الجده وهي تحسم الكلام: الاعماار بيد الله..."
ناولتها فنجال القهوة...ولاحظت فنجال وافي المليان مثل ما هو...ارتفعت نظراتي ببطء..وشفت عيونه كيف مخيفه... كان يطالعني وكأن وده يقتلني...ماقدرت اواجه نظراته اكثر فتركت القهوة وقمت بروح اي مكان بس موب عنده...






مر الوقت سريع الصباح..وكنت انا مع مهاا وابتسام وحنان طول الوقت...جالسين عند النخيل نسولف ونشرب شاهي...وفي قمة الوناسه....شوي يوم طلعت مهاا من شنطتها البوم صور..
مهاا: اسمحي لي يا ملكه..ما قدرت اوريك الصور من قبل لأني نسيتهم..."
قطبت جبيني اي صور؟؟!!...
شفت الالبوم على شكل قلب...فتحته بتردد..وطالعت بالصور حقت زواجي...
كانت مرتبة على شكل قصة....فيها صور لي وانا صغيرة مرة..وصور لوافي.. وبعدها صورنا بالثانوي...واخيرا صور الزواج...
كنت اطالع بالصور وكأني قاعده اطالع بصور زوجين ما اعرفهم...الصور او يمكن مهارة المصورة بالاصح....خلت الصور تجي بشكل حميم..حمار خدودي...نظرات وافي...لمعة عيونا...اشياء كثيرة...
حنان برومانسية: يارب اتزوج واحد مثل خالي وافي...يا ناس كل ملح ورمانسية الدنيا مجتمعة فيه"
مهاا: ياااااااااه...صوركم يا ملكه تجنن...مو مثل صور العرسان الثانين....فيها شجن.. حب.. شوق..رومانسية"
ابتسام وهي تآخذ صورة وافي: يا ملحه رجلك يا ملكه....مشاء الله عليك..محظوظة.."
مهاا: سمي على خالي...وبعدين عيـــــــــــب...عندك رجلك وصاجتنا.."
ابتسام وهي تضحك: ههههههههه..الله يخليلي متعب..عن كل رجال الدنيا والله...رغم ان مافيه زين..."
وكملت وهي تتنهد: تصدقون بنات..الحب مايعتمد على الشكل...الحب اشياء اكبر... مشاعر...سامية مالها شغل لا بمراكز ولا بفلوس..."
وكملت وعيونها تدمع: شوفوني اناا...لاني بمركزكم الاجتماعي...ولا اهلي مثل اهاليكم.. انا عشت طفولة معذبة عند زوج ام مايرحم...عشت اسوأ ايام حياتي...ليما جا متعب وخطبني....اهلي مافكروا يرفضونه لأنه غني...وماكنت اعتقد اني راح احبه بسرعه.. كنت اشوفه منقذ.. وكنت دوم اعامله باحترام..لأني اعتبره هبة من الله لي...لكـــن..الحياه معه وضحتلي...انه لولا قدر الله صار له شيء..راح امووت...انا بعده على طول.. ودوم ادعي ربي..انه يآخذني قبله لأني ما اتحمل اني اشوفه يتألم.."
حنان بنعومة: يعني إذا تزوجت راح احب زوجي مثلك؟؟..ياااااااااااااااي.. متى اعرس؟؟"
ضحكنا كلنا على براءة حنان بس انا ضحكتي ماكانت من قلب...كلام ابتسام حسسني بنقص كبير ....خلاني اغار غصبا علي.. شوفوا الفرق بين حياتها وحياتي...اهو ماكان يعرفها مع هذا حبهاا.. اما انا يعرفني ومع هذا يكرهني..
ابتسام: اكيد ربي راح يسعدك بانسان ماكان لا على البال..ولااا على الخاطر.."
مهاا وهي تمد بوزها: وانااا؟؟...ياحظي مغصوبة على ولد عمي..اللي ما اطيق شوفته.."
ابتسام بحماس: شوفي اعظم الحب...جاا بعد كره شديد...وهالنظرية معظم الحريم بيثبتونها لك..."
مهاا وهي تناظرني: اناا مابي مثل اللي تقولين....انا ابي مثل خالي وافي وملكه.."
وكملت وهي تمسك ايدي: قصة زواجهم من اروع قصص الحب بالعالم..."
قطبت حواجبي مستغربة...حب...قصة زواج؟؟..وش مهاا قاعده تقول..وانصت لها باهتمام انتظرها تكمل.

الفصل الثاني والعشرون

بكيتك لين ملتني عيوني...صبرت وطال انتظاري
حرام النوم ماقرب جفوني ...وانت للاسف مانت بداري...
اناجي غربة الليل وشجوني...واراجع في هوى قلبي وقراري
عسى ماتكون خانتني ضنوني..او انه خاب في الحب اختياري..


ركزت على كلام مهاا لآخر حد..وكلنا قربنا روسنا منهاا..
مهاا وهي تتذكر وضامة يدينها بقوة وبنبرة رومانسية حالمه: تذكرون ملكة بدرية؟؟.."
كلنا هزينا روسناا بصمت....
كملت وهي تبتسم زيادة: كلمني خالي وافي ذيك الليلة...كان حيــــــــــــــــل مبسوط... تعرفون ليش؟؟.."
انا ما هزيت راسي بس ابتسام وحنان طالعوني وكأنهم يطلبون مني جواب...فما قلت شيء ...
كملت مهاا بحماس: اتصل علي يقول...شفتها يا مهاا..شفتها...ملكة جمال الكون..حبيبتي.. مستقبلي... زوجتي...كل اللي ابيه من هالدنياا.."
قطبت حواجبي مو مصدقة.. وافي هذا كان انطباعه عني لمن شافني؟؟..حبني؟؟.. استحاله .. مافيه حب من النظرة الاولى..!!
كملت مهاا وهي تضحك بنعومة: ههههه....اممم...يقول كنت لابسه اصفر..يقول كل شيء فيك غريب.. كأنك جايه من عالم اثيري موب موجود...شعرك ...لمعة عيونك..."
تابعت مهاا وهي تنتهد" شبهك بالغجر مرة..وشبهك بنفسه مرة ثانية..كان يقول هالبنت تشبهني يا مهاا.. والله تشبهني..."
حنان بحماس: طبعاا..عشان كذا قال خطبولي في ليلة الملكة...اناا توقعته متأثر عشان بدريوه حبيبة القلب..لكن علشان شايف له شوفة!!"
ابتسمت مهاا: وشافك مرة ثانية بعد ومرة ثالثة ومرة رابعه ومرة خامسه..."
طالعتها وكأنها مجنونة وتذكرت المرات اللي قالت بلمح البصر..دمعت عيوني.... وماحبيت اجلس اكثر..
ابتسام: الله..مررررررة روعه..مشاء الله عليك يا ملكة..ربي عوضك عن اهلك بوافي"
: ايـــــــه الله يخليه لــ...ي" قلتها بهمس علشانهم بس...ولا اي عوض يعتبر وافي ؟؟!! ..ولا مين اللي بيعوضني عن هلي!!
مهاا وهي تنتهد: يقول ان المرة الثانية شاف فيك جانب ثاني غريب... شاف جانب خيالي ... شاف جانب رومانسي.... كنت تكلمين الهوا والنجوم وكأنك تكلمين شخص قدامك.. وطبعا هالشيء هبل بخالي اللي هو اساسا شاعر...فتصوري لمن يعرف ان حبيبته اللي اختارها على طول..فيها جانب خواطري.."
: وافي شاعر؟؟..."
مهاا بحماس: ايـــــــــــه واحلى شاعر بعد....تراه ينشر قصايده في بعض المجلات تحت اسم العنيد.."
حنان وهي تطالعني: اساسا خالي فيه كل شيء زين...فيه حنان...فيه حب..فيه طيبة قلب.. فيه رومانسية غير...فيه صبر..فيه غيرة... فيه كل شيييييييي تبيه المره من رجلها"
: والله؟؟....يمكن.."
طقوني كلهم على كتفي وقلدوا صوتي: يمكن!!"
: طيب...وثالث مرة وين شافني؟؟.."
مهاا: شافك عند المسبح..تخيلوا يا بنات انقذهاا..انقذهاا خالي.. شوفوا الوناااااااااسه"
ابتسام: ياقهرررررر ليتني ماعرف اسبح!!"
حنان: انا بتظاهر اني ما اعرف اسبح...علشان ينقذني..زوج المستقبل!!"
: والله ما تظاهرت انا فعلا ما اعرف اسبح.."
مهاا وهي ترجع لمحور الكلام: يقول عفرا الحماره بدل ما تنادينه نادت واحد عندهم اسمه زيد..."
قاطعتها بحرارة:اسمه يزيد...بعدين... لا تقولين حمااارة...اهي ماقصدها بس من الخوف الواحد مايفكر زين.."
وقعدت اتذكر ذيك اللحظات وارتجفت... وعضيت على شفتي....آآآآآآآآآآآآآه يا وافي...اثرك حبيتني وكرهتني...من قبل مايكبر حبك رجعت وقتلته..معقول فيه حب بالسرعه هاذي؟؟.. ولاا انتهى باسرع من بدايته؟؟؟
تتوقعونه لسه يحبني؟؟...استحـــاله...وش بيحب؟؟..قولوا لي...بيحب وحده يعتقد انها خانت اهلها وتجرأت وخانت زوجهاا..ليتني ماعرفت كل هالحكي ياليت...
قطع افكاري صوت مهاا وهي تكمل: المهم...جا الاخ هذا اللي اسمه زيــد..."
: يزيد!!" صححتلها وانا محترة..
مهاا بلا مبلاة: المهم...اللي هو...عاد تصدقون انا كرهته..تصوروا واحد شعره طويل وويلبس نظرات وملابسه كأنه جاي من الشارع...الصراحه اكره الملابس ذي.."
حنان بملل: وش علينا منه..كملي عن خالي وملكه..."
مهاا: ايه..خالي وافي يوم سمع صوت صراخ عفرا طبعا جا ركض بيشوف وش السالفه ... لمن جا لقا الاخت ملكه..على الارض..والاخ يزيد على وشك..يحتل حقوق خالي ويلمس زوجته المستقبلية..."
الكل ماعداي ضحكوا على اسلوب مهاا: ههههههههههههههههه..."
ابتسام: والله يا ملكه حركات...ثنين جو ينقذونك موب واحد بس...."
مهاا بنفس الحماس: لحظه...اسمعوا المقطع الحاسم.."
: مهاااااااا...حشا صرت فلم انا وخالك...يله قفلي السيرة..."
مهاا وهي تغمز: تستحيييييييين؟؟..."
حمرت خدودي الحيوانه...ماراح اقدر اشوفهم مرة ثانية إذا دروا عن هالموضوع... صدق وافي مايستحي يوم يكلم بنت اخته كذاا...
مهاا: يا بعد قلبي يا خالي...خلاص هونت ماتستاهلون وحده تقولكم قصة غرامه..."
ابتسام وحنان احتجو بقوة: لااااااااااااااااااالاااااااااا الله يخليك قولي...لا تسكتين"
مهاا وهي تاخذ نفس عميق: يقول شافها مرة تكلم ورودها بالليل...وفي ذيك الليلة قال عنك كلمة وحده...يامهاا حبيبتي مغرورة...مغروووووووووورة..."
ابتسمت مهاا لي وضربتني على خصري: بس ولا يهمك انا دافعت عنك...وقلت يحقلها إذا مثل ماقلت يحقلها تشوف نفسها عليك انت...."
وكملت مهاا وانا اشرب الشاهي البارد: المهم....يا ستات...شافها مرتين بعد وهي خايفه من الكلب اللي هناك...يقول كانت صغيرة حيل...بفستانها الواسع..وبشعرها الاحمر المتناثر على وجهها....يقول كل ماحاولت امنع نفسي من التفكير فيهاا لأني اعرف عيوبهاا... بس الاقي نفسي غصبا علي افكر فيها...على كثر عيوبها إلا ان الكل يحبها هناك.. لدرجة اني حسيت نفسي واحد من جمهورها.."
طالعت بمهاا مستغربة: جمهورها؟؟؟.."
مهاا بحماس: ايــــــــــه.. ماسمعت قصيدته عنك...؟؟..."
: لاااااااا( بصوت خافت بطيء)..
مهاا: قال فيك يا ستي قصيده روووووووعه اسمعوا..


جمـــال وود وعيــون ودلال وكـــــــبرياء شــــعور..
وفتنــــة تخذل عيـــون النهار وينــــــطفي نـــــــوره..
ولك في خافقي صـورة تلاشت بين ضي ونـــــــور..
واخاف اسكت من الفـرحه وتنطق باسمك الصورة ..
عرفتك وانتــهت رحلة قســاوة دربي المــــــــهجور..
والا يا جــملة ايــــام الجفــــا والصـــد مشكــــــورة..
خـــــذتني للجفا عزه واخذنــــي للعنــــــــــاد غرور..
واخاف اكون بعــــــنادي حبيـــــب ومــــات بغروره
واذا كانت مسافــــــات الخيــــــانه للغــــــرام قبـــــور
وش اللي يجبر العاشق يخــــــون ويحفـــــر قبوره؟؟؟
وش اللي يجـــــــبر الشاعر يدور للشــــعر جمهور؟؟
مدام انت مـــــحبينه وعشــــــــاقه وجمــــــــــهوره...


ابتسام بحماس: واااااااااااااو....وش اللي يجبر الشاعر يدور للشعر جمهور؟؟..."
مهاا: شفتي شلون خالي يحبك...حتى لو قسا عليك شوي..."
: .................
حنان: الغريبة يا ملكه...ان خالي جات له فترة وسكر على موضوع الزواج نهائيا ولا كأنه فكر فيه اساسا...وكل ماسألناه كان يتهرب مناا ولا يعطينا وجه..."
:...................
ابتسام: اكيد انه كان يبيها مفاجأة؟؟..."
مهاا: ايــــــــــه...صح....وش السالفة ذيك الايام..ايام عيد الفطر ورمضان واللي قبلها بشوي..."
: اممممممممممممم..."
ماكان عندي حكي اقول...فوقفت بملل...
: مالكم شغل....وش بيدريني عن خالكم...يله امشوا نتمشى"
وقفوا معي وهم موب عاجبهم الحكي اللي قلته بس احترموا سرحاني وسكوتي وقاموا يسولفون بلحالهم...





وصلت عند الجلسه الخارجية اللي الكل جالس عندها وانا حاسه بضيق غريب..كل هالضيقه لأني عرفت ان وافي كان يحملي مشاعر فيما مضى؟؟؟.. كيف كانت راح تكون حياتي؟؟..اكيد قمة المتعة.... لكن بعد مساعد...وآآآآآآآآآه من مساعد...الله يسامحه بس... هو وافكاره الغبية...خرب علي حياتي وكان راح يموت...
جلست في آخر المجلس..وكنت في عالم ثاني...بس جاتني صيته وهي شكلها طاقه من الدنيا...وكانت شايله نونو صغنووووووون بيديها..
صيته بأعلى صوت مثل عادتها الازلية: ملكه إذا ماعليك امر....شيلي منو...بروح جوه اشوف وش قاعدات هالشغالات يسون بالمطبخ؟؟.كل وحده قاعد تدربي راسها ميب دارية وين ربي حطهاا...."
:من عيوني...هاتيها عنك...."
وشلت منيرة الصغنونة اللي كانت توها تفتح عيونها المكحلة...ربي يحفظها من العين ما احلاها...
صيته وهي تروح: إذا طفشتك تعاليلي لم المطبخ.."
: لااا ماراح تطفشني..."
وحطيتها بحظني وقعدت الاعبهاا...وكانت صغيرة حيل..يمكن ماكملت شهر.....الاعب شعرها الخفيف الاسود...
: دامك انت ورجلك تحبون هالبزران...وراك ماحملتي؟؟..."
انحرق وجهي من سؤال جدة وافي...وطالعت بحصه كأني ابيها تنقذني...
حصه وهي تصب الشاهي لجدتها: الله يهداك يا ميمة...البنت توها معرسة...ماعدنا مثل اول...الوحده من تعرس وبطنها قدامها..."
الجده بأعلى صوت: ليييييييه وشفيهاا؟؟....مصيرها بتحمل مصيرها بتحمل...حتى لو هجت من تعب الحمال...اخرتها بتجيب لها كم من بزر يشيلون اسم رجلهاا.."
وكملت والوضع موب عاجبها: لاااا والاخ زوجها..مسوي فيها حظاره...يقول.. بعد خمس سنين..ياويلي على عمري...يعني راح اموت وانا ماشفت ولد الغالي..."
قاموا اللي بالمجلس يهدون باعصابها وانا ساكته بمكاني وجهي رايح فيها وبالاخير شلت البزر وقمت من مكاني.....





في الطريق وانا ماشية المطبخ....شفت بنات خالات وافي اللي ماحتكيت فيهم نهائي ومن ضمنهم مرام وكلهم واقفين عند وافي...كلهم كانوا متحجبات...باستثناء الآنسه مرومه... اللي كانت متعلقة بذراعه بحرية...حسيت بحرقة بقلبي...بس طنشت...وكملت مشيي للمطبخ ...
اول ماوقفت عند باب المطبخ...لقيت مريم وصيته يسولفون...
صيته: تعبتك البنية؟.."
: لااا ابدا...بسم الله عليها ملاااك..."
مريم وهي تجي يمي عشان تبوس منو: يا سلااام...بحضن اللي ماتعرفينهم ساكته وانت مجننه امك.."
ضحكت لأن منو قامت تصيح يوم باستها مريم...
قعدت الاعبها بنعومة..احرك اصابعها الصغيرة الوردية...وابوس خدها الناعم...
سمعت حس وافي يوم دخل المطبخ...كان واقف وراي على طول... شفت منو تبتسم له بنعومة وشوي وتضحك بقوة...
الشيء اللي انا متأكده منه ان مافيه مرة تقدر تقاوم جاذبية وافي.... اذا منو اللي تصيح مع الكل ولا تبتسم بوجه احد...يوم شافت وافي قامت تكركر براحه...
وافي: مشاء الله حنونه!!.."طبعا قالها بتريقه للمعلومية بس..وبصوت واطي...
: اكيـــــــد....واكبر دليل اني احن حتى على اللي قلوبهم حجر...مو مثل ناس توزع الحنان بكيفهاا"
لفني جهته: وش قصدك؟؟...مية مرة قلتلك لا ترمين حكي.."
: انت شايف ان هذا وقته؟؟؟!!"
وافي وهو يميل فمه بشبه ابتسامة: آه..صح..نسيت ان في ناس قاعده تشوف الزوجين الجديدين بعيون رومانسية..."
: مخدوعين...لأن فيه ناس قايله لهم قصص حب...وهمية!!..."
طالعني وهو يعض على شفته ووجهه صار الوان...
وافي بحرارة وبصوت واطي: وش قصدك؟؟."
: ابداا سلامتك...وش اللي يجبر الشاعر يدور للشعر جمهور؟؟.." وطالعت فيه وانا ابتسم بحقد له....
وافي قام يحوس بجيبه يدور له طبعا سيجاره كالعاده...يابنات جاتني فرصه انتقم منه..مثل ما ابي... لا يمكن اضيعها ابداا....لو يصير اللي يصير...
ابتسمت: لو دريت انك ذايب في هواي..كان صارت علوم!!"
طالعني باحتقار وهو يرمي سيجارته بفمه ويولعها بسرعه: وش قصدك؟؟...تكلمي...قولي ..اصلااا....عمرك ماراح تفهمين... اني كنت اتسلى...وكنت اضحك عليهم...لأنهم كانوا صاجيني بسالفة الزواج..."
: تسلى !!! .....اصلااا انا عكسك.. ماكنت ادري انك موجود.."وابتسمت بتشفي..
وكملت وانا اطلع من المطبخ: اساسا..انت ماكان لك اي مساحه بتفكيري...كنت اشوفك عابر سبيل..لا اكثر ولا اقل...حتى شكلك ماكنت اعرفه...يعني لو اشوفك بالشارع ما عرفتك ..."
وافي ووجهه مبهت: طبعاا..كان تفكيرك بحبيب القلب...ولاا اقول حبايب القلب..احسن وافضل واصح!!"
وبكل حقد رمى سيجارته على الارض ودعسه بقوة..واخذ بنت اخته مني بالقوة...
وافي وهو يشيل البنت اللي تصيح: ما احب بنت اختي تلطخ بقذارتك!!....عن أذنك.."
ارتعشت شفايفي بقوة..وحسيت اني ابي ابكي...لكني مسكت نفسي بالقوة يوم شفته يروح لمرام...طيب...يا وافي...انا اصلااا قوية...ولا يمكن انهار...وتشوف كيف راح اخليك تحرم نوم الليالي!!...






رحت انا وحصه نتمشى عند اسطبلات الخيل...كانت حصه حيل مبسوطة فيني... وتعرفني على كل مكان بالمزرعه...وتحكي لي عن طفولة وافي...والحق اني كنت اسمع لها باهتمام...ااي شيء فيه سيرة وافي...لابد اسمعه باهتمام...غصبا علي... هالرجال ساحر ... كل صفاته فيها سحر...تمرده..جبروته...سخريته..حقده...سااحر وسااخر للاسف ..
حصه بحماس واحنا ندخل الاسطبل: بوريك وافي..."
: وافي؟؟!!!!" وكنت مقطبة حواجبي ومصغية سمعي لهاا...
حصه وهي تروح لواحد من الخيل: تعالي شوفيه....توه صغير...عمره ست سنين بس.."
طالعت لوافي باهتمام...يااااااااه...كان جميل...يشبه لوافي كثير...اسود وكله عضلات.. وصوته يوصل لآخر الدنيا...ويوم يتحرك فيه جاذبية رائعه...
حبيت وافي الحصان... كان يشبه وافي الانسان...بس مع فارق بسيط ان الاخير مليان حقد وكره ...بينما اللي قدامي...كان خالي من المشاعر...تصدقون مرات الافضل يكون الانسان بدون مشاعر...عشان لا يتعب ولا تتعب اعصابه..
كان ودي اركبه...لكني ماقلت عن رغبتي هاذي وما اعرف ليش؟؟.. لمست شعره بحنان وقعدت اداعب خشمه واطبطب عليه....وسولفنا بحرارة انا وحصه عن الخيل والمزرعه والجو!!بعد لحظات استأذنت حصه مني بتروح تجيب لنا حليب وترجع...وطمنتني ان ماحد يقرب هالجهة نهائيا...

: ها حصيص..... تبين تركبين اي واحد؟؟.."
صرخت لمن سمعت صوت الرجال: آآآآآآآآه"
...وتخبيت ورا وافي على طول...طبعا رجولي كلها باينه ...الرجال وقف لما سمع صوتي...
: آآه...ارجع...اررجع وراك!!...حصه ميب فيه!!"
الرجال شكله ارتبك مرة...وهالشيء بان على صوته..
: ..مين؟؟...ابتسام؟؟!!"
رديت عليه وانا قاعده اصب عرق وخايفه موت...خصوصا ان وافي قام يتحرك بملل لأني ماسكته...وقام يرافس برجوله...ويصهل بأعلى صوت...
: لاااا مانيب بابتسام...انا..مرت وافي"كنت شوي واصيح...اساسا صوتي اختنق بقوة...
الرجال بارتياح: ياهلااا بملكه....ياهلااا با ام مشاري...كيفك يا الطيبه؟؟.."
ام مشاري...لالالالا...هذا مشاري...ياويلي وش راح اسوي..وتذكرت كلام وافي لي باول ليلة زواجي...كان يعتقد اني معجبة بمشاري....
: الحمدالله بخير...انــ...ــت شخبــ...ـارك؟؟..."
مشاري وصوته يبعد: والله بخير...اسف على ازعاجك...قالولي البزران ان حصه هي اللي هناا...بس يالله..تآمرين بشيء..."
: ما يآمر عليك عدو!!"
واتنفست براحه وانا اشوف ظهر مشاري وهو يطلع مع باب الاسطبل...
اول ماطلع مشاري رجعت حصه ومهاا وكان وافي معهم...لاحظت ان وافي وقف اول ماشاف مشاري..وبعدوا عن باب الاسطبل ..مدري وين راح الله يستر لا يتهاوش مع اخوه علشاني...
قلبي كان يرقع باقوى صوت...وحسيت ان الدنيا حولي احترت...وان الجو انقطع منه الهوا ..والاكسجين... كنت ارتعش بقوة...وشفايفي ترتعش..وعيوني مو قادرة افتحهاا...يا بنات للمعلومية هذا اسمه الخوف...
وانهبلت مهاا اللي مسكتني بقوة اول مابغيت اطيح على الارض... ركضت حصه يمي: وراك يا ملكه؟؟؟...." وحطيت يدها على جبيني وصرخت بمهاا: المره مسخنه..."
كانت مهاا بتروح بس اشرت لها انها ما تروح....وحسيت بغثيان غريب...رحت يم سطل كان بالركن..وفرغت كل اللي بمعدتي فيه...
حصه بارتباك: ملكه...وش فيك؟؟.."
مهاا وهي تبتسم: اكيــــد حامل..اكيد.."
حصه تأشر لبنتها: عيب..."
كنت ارتجف وانا امسك كوب الحليب الدافي....اللي تناثر على اطراف ايدي...فأخذته مهاا اللي كانت تأملني مبسوطة...
: مانيب حامل...انا متأكده.." وشربت شوي من الحليب...وسندت ظهري للجدار الخشبي ...
حصه وهي مستغربة: توني تاركتك مافيك إلا العافية...وش اللي صار؟؟.."
مهاا: يمه..."
حصه: لبيـــــــه..."
مهاا وهي تمسك ايدي: والله انها عين ام فلان...تعرفينها اعوذ بالله..من شافت ملكه وهي ماغير تمقل((تتأمل)) في مرت خالي.."
حصه وهي تضرب بنتها على فخذها بقوة: عيــــــــــــب...ام فلان...تصير خالتي يا قليلة الحياا..."
مهاا وهي تحك فخذها: يا ميمتي الله يهداك...انا قلت اللي متأكده منه...تراني ما تسذب( ماكذب) عليك"
حصه وهي تطالعني بحنان اموي: وراك يا ملكه؟؟..ما تبين تقولين..."
: مشاري...مشاري..."
حصه ومها استغربوا: بلاه خالي؟؟.."
: خفت انه يشوفني..." وحطيت ايدي على صدري...
حصه وهي تضحك وتضمني:ههههههه... كل هذا حياا...(والتفتت على بنتها) نعنبو ذا الوجه تعلمي من مرت خالك"
مهاا وهي تضحك:ههههههههه...يا ميمتي... عـــــــــــادي...ياما شافونا رجال من غير عبايات...ربي ماراح يحاسبك عليهاا..."
حطيت ايدي على الارض ابي اقوم..ماحد فاهمني...يااويلي من وافي...راح يذبحني... راح يذبح اخوه...
ساعدوني امشي معهم...ورجعنا للفله وكانوا بيحطوني بغرفة النوم حقتي بس عييت بشكل هستيري..ورحت اجلس معهم على الغداا مع ان مالي نفس...
مشاء الله كانت السفرة فيها من كل الاصناف الانواع...بس مع هذا ماطب فبطني شيء.. رغم ان مهاا اللي قررت خلاص اني حامل..ملت صحني من كل نوع...وكانت تتأملني وهي حيل مبسوطة..حتى انها ما اكلت غير شوي من كثر الحماس...
: مهااا...انا موب حامل..." قلتلها بصوت واطي..
مهاا وهي تفرك يدينها: ماتدرين يمكن!!...الواحد مايقدر يتأكد من هالاشياء.."
فركت جبيني بملل وش اقولها هالثورة...ياخوفي تروح تقول للكل عن الشيء اللي اهي تعتقده.. وبعدين وش راح يرحمني من وافي!!...
تذكرت المسدس وكيف بغى يذبح مساعد...يمكن هالمرة يفرغه فيني ويدفني.. اساسا عادي محد راح ينتبه اني مختفيه...لأن ماوراي اهل تسأل...






جات لي مهاا وهي تركض بعد الغدا بساعه: ملكه ملكه...تعااااالي معانا..."
وسحبتني وانا مو عارفة وين اروح..ولبستني عباية من عباياتها...
: مهااا ....وشووو؟؟...وين بنروح؟؟.."
مهاا بحماس وهي تعطيني الشيلة: بيسوون سباق سيارات...ياااااااااي...وناسه..."
: مين اللي بيسوي السباق؟؟.."وقفلت عبايتها اللي على الكتف زين...وضبطت اللثمه على وجهي...
مهاا وهي تناقز مبسوطة: خوالي..وافي ومشاري.."
بلعت ريقي بخوف...ولا قدرت اقول كلمة وهي تسحبني بسرعه ونطلع نركض بسرعه يم الاندكروزر...
مهاا بحماس وهي تركب قدام عند الطارة: يله يله مرررررررة متحمسه... ونااااااااااسه ...."
انا ركبت وراها وقفلت الباب..كنت متوقعة ان وافي هو اللي معنا...بس لمن سمعت صوت اللي قاعد قدامي....!!
مشاري: يله يا بنت حصيص....انت قدها وقدوووووووود!!
مهاا وهي ترفع صوت المسجل...: بصدم مراموه وخالي...بخليهم يعرفون اني صدق بنت رجال..."
مشاري وهو يضرب كفه بكف مها بقوووة: اييييييييييه هذا اللي نبيه...يله حركي الجيب بسرعه ..."
انا دوروني ماعاد تلاقوني...احاول افتح الباب...ببطء...لكن خلاص طاح الفاس بالراس.. لأني شفت عيون وافي..تلاقينا رغم بعد المسافه...انا قريت اللي فيهم...قريت كره وحقد واحتقار ينقط منهم....وهو قرا الل في عيوني خوف وارتباك فضيع...
حسيت اني مرضت..حتى ان حرارتي زادت...وقعدت اتنافض..وطحت على الكرسي مغمضة عيوني...
مهاا وهي تحرك الجيب: شوف..شوف خالي شلون يطالعناا....طيب يا خال..."
مشاري وهو يلتفت يطالعني: عسا مابك شر يا ام مشاري؟؟..."
فتحت عيوني ببطء: لااا ابد...بس...احس بخنقة شوي..."
مهاا وهي ترتجف: خنقه!!...تبين نفتح الشبابيك..؟؟"
هزيت راسي بقوة...يعني لااااء..
مشاري وهو لسه يطالعني: متأكده انك بخير؟؟.."
هزيت راسي له بتأكيد....فطلع منديل من جيبه وناولني اياه...شكرته بهمس... مايحتاج اقولكم ان هذا كله قدام عيون وافي اللي تقدح شرر!!...
فتحت مهاا الشباك وقامت تضحك: هع هع...شوف خالي...شكله منقهر انا خذينا ملكه قبله..هع هع.."
مشاري وهو مها يسوون حركات يقهرون وافي... لكن وافي سفههم وركب الجيب...جنب ست الحسن والدلال اللي جالسه قدام الطاره..سافره وشعرها يتطاير حول وجهها...آآآه ليتني اقطعه...
ضحكت غصبا علي..تذكرت يوم كنت صغيرة...وبنات جيرانا كانوا دوم يغارون من شعري لأنه طويل وناعم...هالحين انا صرت اسوأ منهم...
تحركت مرام وتحرك وافي بعد ما اعطى واحد من الرجال واعتقد انه متعب زوج ابتسام اشارة البدء للسباق...
انطلقت مهاا بأقصى سرعه ومشاء الله شكلها متعودة على السواقة... ومشاري رافع صوت المسجل لاقصى شيء...وقاعدين يصفقون بحماس...ومهاا تلف على جهة مرام عشان تحد السيارة!!
: مهااااااااااااا....يا مجنونة انتبهي..!!"
كنت ماسكه بمقعد مهاا وانا ارتجف....
مشاري: عليهم عليهم!!....يله بسررررررررعه...دوسي اقوى....اقووى..."
مهاا وهي تبطء السرعه شوي: لحظه لحظه..."
ووقفت نهائي.... لاحظنا ان جيب مرام ووافي وقف...
مها بقلق: وشوووووووو؟؟...."
مشاري وهو يدق على وافي: مادري..لحظة...الحمااااااار مايرد علي!!"
عورني قلبي غصبا علي...انا عارفة ليش مايرد عليك يا مشاري...
: يمكن مرام خافت!!"
مشاري: اففف منهاا هالبنت...قلت لوافي خل حنان بس عياا.."
مهاا وهي تصفق: اساسا حنان قدهاااا صدق بتصير حماااس..."
:وشفيهم؟؟.."
مهاا وهي تصارخ بقهر: آآآآآآآآآآآآه...شوفوا خالي الدب...هو اللي يسوق...غير مكانه ... غش...غش.."
مشاري وهو يفك حزامه: خليني اجي مكانك بسرعه...."
مهاا وهي تهز راسها: لاااااااااء انا قدها يا خال!!..."
انا ربطت حزامي..والله ان وافي مو ناوي على خير..ياخوفي يصدم فيناا....حطيت ايدي على رقبتي..احس بجفاف فضيع...وغمضت عيوني وانا احس بالدوخة تقتلني...تعصرني .. هالحاله كانت معي لمن كنت بالمستشفى...كنت لمن اشوف توم والثانيين غصب علي ارتعش وتصيبني هالاغماءات...
شفنا وافي يمشي بسرعه مجنونة باتجاهنا...فحركت مهاا بسرعه وهي تشد حزام الأمان.. في البداية مشاري ومهاا كانوا انواع التريقة والتصفيق....بس آخر المسابقة...
صرخ مشاري: من جــــــــده ذا؟؟.."
مهاا وهي بدت تخاف: وشفيه خالي وافي....؟؟..يمه يخوف..مايعرف يلعب....."
وحاولنا اننا نهرب منه...بس و كأن شيطان مسيطر عليه...وانا قعدت اصيح بصوت مكتوم ووترت اللي بالسيارة اكثر مما هم متوترين...والتفت علي مشاري يهديني بكلامه.. وانا حاطه يديني على وجهي وابكي بقوة...
قلت وانا متروعه: وقفووووووا....وقفوا بسررررعه!!.."
مهاا وهي بعد متوترة" طيب.....لحظة بس خليني الف!!..."
مشاري بعصبية: خلاص وقفي هناك عند النخيل..."
وقفت مهاا فجأة وطبعا مايحتاج اقولكم ان كلنا صدمنا باللي قدامنا....انا صدمتي جات اهون من مشاري ومهاا اللي حسيتهم يتألمون...
مهاا وهي تمسك راسها: ايييييييييييي...توبه..ماعاد ابي اسوق...ولااا بيسمحون للمره انها تسوق والله ورحنا وطي..."
مشاري وهو يمسك صدره: اي يا ضلعي....احس انه انكسر..مالت عليك يا مهاا..كل سواقتك زينه ماعاد توقيفتك والرويس.."
مهاا وهي تشرح لمشاري بحماس: بالعكس الرويس هين مرة...بس الفرمله صعبه حيل ... مشاء الله يعني كيف توقفون بهداوة ؟؟..."
والتفتت علي وكملت: ملكه حبيبتي...خوفتك..!!"
قلت وانا امسح دموعي بالمنديل الثاني اللي عطاني اياه مشاري الطيب: لااااء بس توترت حيل... تذكرت حادث اهلييييييي..."
وحطيت ايدي على خشمي وقعدت اصيح بمرارة....رجعت مهاا عندي ورا وقامت هي ومشاري يهدوني بكلامهم...
مشاري: يا ملكه ادعيلهم بالرحمه..ما راح يفيدهم بكاك..."
مهاا وهي تضمني وتبكي معي: آآآآآآآآآآه انا السبب...كان مفروض مآ اخذك معي..."
مشاري: يله تعوذوا من ابليس...الميت ماتجوز عليه إلا الرحمه..."
قلت بحرارة: ماني مصدقة موتهم...كل يوم احس انه مجرد حلم...احس اني بقوم كالعاده.. وبتجهز للجامعه وبروح لابوي عشان يوصلني...مووو مصدقة انهم ببساطه ماتوا.... كلهم .. "
وقفت صياح يوم شفت الجيب حق وافي يوصل جنبنا...
مهاا وهي تمسح دموعها رفعت صوتها بجفا: خييييييييييير..جايين تشمتون فيناا..."
ماناظرت جهة وافي إلا اني كنت متأكده انه يطالعني..
وافي بصوته العذاااب: دامكم مانتم قدها ليش لعبتوبها!!"
كنت عارفة ان هالجملة لي..
مشاري: وش اللي سووينا..هي منافسة بنات...يعني مفروض انت ما تدخل.."
وجلس مشاري قدام وطنش وافي ولف السيارة وحرك..





لمن رجعنا البيت...كانوا الكل منهبلين علي وعلى مهاا بعد ما شافوا السباق الحامي بيناا.. ولدرجة ان حصه كانت شوي وتصيح وهي تلمسني انا ومهاا ميب مصدقة عيونها اننا لسه عايشين..
وافي لمن رجع وقف... الكل كان يتكلم عليه...بس عيونه كانت علي انا ولا طالع بحد غيري .. وهالشيء خلاني امووت خوف.. عيونه الحمر.. سجايره المشتعله وحده ورا الثانية.. الازعاج اللي حولنا...كل هالشيء خلاني اجلس مع الحريم ولا احاول احتك معه...
حصه وهي تهمس بأذني: روحي شوفي رجلك....كنه يبيك!!"
طالعت بحصه وعيوني مفتوحه على الاخير: ها؟؟...قالك شيء؟؟.."
حصه بحنان: لااا ماقال لي بس ولدي واعرف وشلون يفكر يا ملكه... مدري ليش احسه انه ضايق..اكيد انت بتعرفين له!!..يمكن خاف يوم شافك تصيحين...!!"
: لااا ما اتوقع...يمكن...لأنكم تكلمتوا عليه...عششااان السرعه.."
حصه وهي تطالع بالسما: اناا ندمانه...لكن وش اسوي..وش اقول؟؟.. هو اول مرة يتصرف بهالطريقة.. كان شوي ويصدمكم..."
بلعت ريقي بخوف...وهربت من عند حصه ونظراتها..ولا رحت يم وافي اللي كان جالس مع الاخت مرومة وحنان ومهاا اللي كانت حيل زعلانه عليه وتعاتبه وتتكلم على بنت خالة امها الدلوعه..اللي شوي وتقعد بحظن وافي..
اول مالفيت ورا البيت..مسكتني ابتسام اللي كانت ماسكة جوالها...
ابتسام بفرح: واااااااو..وناسه يا ملكه...ليتني ركبت معكم..."
: كان جيتي!!"
ابتسام بقهر: زوجي يعيي...يقول هذولي عيال خالتي... لو انهم خواني عاادي.."
: اهاا....."
وسرحت افكر بوافي وطوايف وافي... لو تدرين يا ابتسام وافي وش يفكر؟؟..يفكر اني ابي اخوه.. اني ابي اغري اخوه الصغير المصرقع....ياررربي سترك... خااايفه حيل... خايفه تصير مصيبة بيني وبين وافي...
ابتسام وجوالها يدق:لااازم اروح هالحين...هذا متعب وعدني يمشيني عند الخيل.."
كنت بقولها لا تروحين بس ابتسمت بالغصيبة: مع السلامه..."




رحت لمجلس الحريم الخارجي... بعد مابدلت ملابسي بغرفة مهاا... كنت لابسه بنطلون جينز ناعم وبلوفر اخضر انعكس على لون عيوني بشكل مرة حلوو....
كان الوقت تقريبا العصر... والاغلبية نايمين...الجده كانت نايمة....وثنتين من خالات وافي الكبار... رحت يم عجوزنا...وقعدت احوس ادور بطانية ثقيلة عشان اغطيها...!!

تمددت اشوي ابي ارتاح..بس ما امداني اغمض عيوني..إلا ومجموعة بزران جايني وماسكيني مع ايدي..
: وشو؟؟..هاا يا بعد عمري..وش تبون؟؟.."
واحد من البزران: خالة مهاا تقولك تعالي لمهاا"
: قولوا لها تعبااانه..."
البزر الثاني بترجي: لالالالا....الله يخليك بتسوي لنا مسابقة بالمسبح...وتقول ماراح اسويها الين ماتجين.."
طالعتهم بيأس وقمت معاهم..ورحنا ركض لمهاا اللي عند المسابح...
مهاا اول ماشافتني: زييييييييين وافقتي تجين.."
: يا مهااا....حرام عليك تعذبين بهالبزران عشان يسوون اللي انت تبين..."
وقلدت البزر: خالتي مهاا تقووول.."
ماتت ضحك مها: هههههههههههه يقطع شيطانك..اوقفي بس لمي..ترى بنسبح بعدها..."
: وشوووووو؟؟...بررررررررررد....بعدين ما اعرف اسبح.."
مهاا وهي تكلم البزران وتكلمني: يله اوقفوا بصف مستقيم....وش فيك الله يهداك هنا دفا.. ماتحسين بالدفاا..؟؟...وإذا على السباحه فيه لستك كبير وفيه فلينه تشوفينها هناك.. وخلك باللي موب عميق..."
: مهااا..ماجبت ملابس سباحه..."
مهاا باصرار: مقاسي ومقاسك واحد...بعطيك لبس من حقاتي..."
: اناا انحف منك!!" وبغرور..
مهاا وهي تطالعني وفاتحه فمها: لاااا والله....اقول احمدي ربك ان مها بنت آل بتعطيك من ملابسهاا يله اسكتي ترا صجيتينا موب قادره ابدا.."
سكت مضطرة..ورحت اساعد البزران عشان يوقفون بصف واحد...وانتظرنا دقيقة وصفرت مهاا عشان تبدا المسابقة....
كنا متحمسين انواع التشجيع والصراخ والتصفير للبزران.. عاد انا صراحه ماشجعت غير ولد صيته ماعرف غيره...بعدين كافي انه ولد اخت وافي فشيء طبيعي راح اميله اكثر من البقية...
مهاا وهي تصارخ: بسرعه...بسرررررررررررررعه...لا تخليه يسبقك... يا غشااااااااش شفتك.. مطرود...يله برى برااااااااااااااااا.."
!!...
قعدت اضحك على حركات مهاا التلقائية والطفولية...تشبه عفاري كثير...ياااااااااااه اشتقت والله لعفاري وسماح...ما ادري متى راح اشوفهم..ودي اسولف معهم ونرجع مثل اول... اول ما جيتهم كيف كانوا يحترموني ويحبوني...قبل ما اصير ضيفه ثقيله عليهم لدرجة انهم تخلصوا مني مرتين بابشع طريقة...
تنهدت وانا اشوف مهاا توقف المسابقه وتطرد البزران عشان ينظف المسبح... وما انتبهت إلا وهي تأشر لي..
: نعم؟؟.."
مهاا وهي تعطيني المفتاح: لا تخلين احد يدخل...بروح اجيب لك ملابس من ملابسي.. وبجيب اللستك اللي خالي وافي انفخه..."
: ان شاء الله..."
وقفلت باب المسبح وقعدت اطالع بالماء وانا سرحانه..ارتعشت وافي.. وافي في مرحلة زمنية معينه ارتبطت ذكراه بذكرى الماء والمسابح والغرق...تنهدت بمرارة..وهالحين وش ارتبطت ذكراه فيه؟؟..ارتبطت بالالم والمرارة والحقد وكل المشاعر السلبية اللي يثيرها فيني...
طق الباب حق غرفة المسبح..فرحت فتحته.. كان وافي...وقفنا متنحين..ما كان متوقع يشوفني.. ولااا انا بعد!! حاولت اسكر الباب بسرعه...فضربت برجله وصرخ بألم...
فجأة قدر يدزني داخل وقفل الباب وراه: اخيرا لقيتك!!"
بلعت ريقي بخوف:.............
وافي وهو يحط ايده على رقبتي: وش الاستعراض السخيف اللي سويتيه عند مشاااااااااري ؟؟.."
حاولت ادزه بعيد عني كان راصني على الجدار ويضغط على رقبتي بدون تفكير....
: آآآآآآآآآآآآآآآآآآآآآه.....ماسويت شيء..فكنييييييييييييييييي"
وافي وهو يصرخ بوجهي:ماسويتي شيء..كل هذااا وما سويتي شيء...الله يآخذك...قولي آآآآآآآمين....ناوية تفضحيني عند الكل...!!"
بكيت بحرارة وانا احاول ابعده كان راصني على الجدار بقوة ويدينه تحوط رقبتي...
صرخت فيه وانا احاول امخش وجهه: خلنييييييي.... انااا حررررررررررررة ...فاااااهم ؟؟ ... فكنييييييي...اصلك حقيييييييييير..."
وافي وهو يشيل يده عن رقبتي:هذا بس تحذير بسيط....عشان ماتقربين من مشاري الايام الجايه...ولوو...بس سمعت انك كنت وياه...قسم بالله لاذبحك ولا يهمني..."
وكمل وهو ينفض يدينه وكأنه متقرف من دموعي:على الاقل بخلصهم من عقربة قذرة..."
كنت جالسه على الارض احاول امسح دموعي والمس رقبتي اللي تألمني..مجنون.. اكيد هالرجال مجنون...اكرررررررههههه...اكرررررررررررههههههه...
صرخت فيه: اكررررررههههههههههههك...يا حثاله..."
طالعني من فوق لتحت: ماطلبت حبك...ولااا ابيه..."
لاشعوريا صرخت فيه: صح...لأنك ماراح تحصله...اساسا انا عطيته لشخص يستاهل مو واحد مثلك...."
وندمت على الكلمة اللي قلتها..لأنه رجع علي بسرعه....بس لميت نفسي بقوة كنت ميتة خوووف منه..!!
سمعت صرخته وهو يضرب بأيده بقوة في الجدار...وطلع وخلاني..
شفت مهاا جايه وصدمت بوافي...وكأنه تكلم عليها او قالها شيء... رحت بسرعه يم المسبح وغسلت وجهي زين...كذا مرة...
جات مهاا وجات وراها حنان وابتسام ومرام معهم....
اعطتني مهاا الملابس..فرحت بدلت بسرعه بالحمامات اللي داخل الغرفة...كان شورت وتوب بس مطاطي شوي...
رجعت لهم...وكنت خايفه موت من المسبح اللي مو عاجبني اني ادخله...بس توكلت على الله ودخلته...
وجات مهاا وراي وابتسام ومرام وحنان...وكانوا طبعا كلهم يسبحون عادي...وسحبوني وانا لابسه اللستك.وجيت معهم بالنص...كنت خايفه حيل...اشوف الموية تحتي.. عميييييييقه مالها قرار..
مرام بدلع ماصخ: فيه احد مايعرف يسبح في هالزمن؟؟..."
طالعتها وكان ودي اخرب مكياجها الثابت..الله يخلي التاتو...
: ايه اناا.." طبعا قلتها وانا اقلد صوتها الناعم حيل..وابتسم...
حنان فهمت تريقتي فماتت ضحك: هههههههههههه.....بالعكس احلى..هذا يدل على النعومة..."
مهاا كانت تسولف مع ابتسام ويغنون بأعلى صوت ويلعبون بالموية...لكن اناا ماقدرت اتسلى وياهم...تفكيري كان بوافي... خنقني...يمكن المره الجايه يذبحني...هالرجال يخوف .. يخوف حيييييييييل.....
حسيت ببرودة مفاجئة تقبض قلبي بقوة... وامتلت عيوني دموع.. تتوقعون لو اني متزوجة مساعد كان صار هالشيء؟؟..لا يمكن...لأنه دوم راح يخليني بأحظانه... دوم راح يحبني. راح يسأل علي.. ماراح يخليني انوم لوحدي...
طفرت دموعي بغزارة من عيني ولاحظت ان كلهم يناظروني مستغربين.. فتركت المسبح وفصخت اللستك عني ورحت ركض لغرفتي...
دخلت غرفة النوم.. ماكان فيها احد..انهرت ورا الباب... وحطيت ايديني على وجهي.. وبكيت بحرارة.... بكيت كل شيء بذيك اللحظه...بكيت هلي...بكيت عمي..بكيت جاسر.. بكيت حتى مساعد وسلطان...بكيت نفسي.. بكيت حياتي المحطمه مع وافي...
لو بسس..آآآآآآآآآآآآآه لو..وش بتسوين يا لو؟؟..لا انت لا مقدمه ولا مؤخرة... لا مخففه علي الالم ولا شايلته بالمرة؟؟..
قمت على شنطتي وطلعت لي بيجاما...دخلت الحمام واخذت لي شاور حار.... ولبست بيجامتي...وطلعت....
لقيت وافي متمدد على السرير وكان يدخن...طالعني بسخرية..
وافي ببرود: يعني كان لازم التمثيلية هاذي قدام هلي؟؟ لازم تخلينهم يعرفون وشلون احنا عايشين...ههههههههههه...مهاا جات تكلم علي وتطلب مني اشوف سيادتكم..ههههههه"
سفهته ولا رديت عليه...رغم ان عيوني على طول امتلت دموع....
وافي بتشفي حقير: ترى دموع التماسيح ما تأثر فيني..خلاص...لعبه قديمة...العبي غيرهاا .."
ماقلت له شيء رحت للتسريحه امشط شعري....لاحظت انه يناظرني... واحترت وش اقيم هالنظرات فيه؟؟.. لاااء ماكانت سخرية او حقد...كانت شيء ثاني..
وافي فجأه: ليش قصيتي شعرك؟؟.."
غمضت عيوني بقوة....اتذكر الرجال اللي بملابسهم البيضا... اللي سحبوني بقوة.. وحلقوا شعري..حلقوه كله...آآه..حتى انهم جرحو جلدتي بجروح مازال اثرها موجود براسي...
فتحت عيوني من جديد وقلت بسخرية :في المستشفى حبو يخلوني على الموضة!!"
تتوقعون كلمتي كانت رصاصة؟؟..يمكن....لأن وجه وافي بهت... وكأنه ماتوقع هالجواب ..
: حلقوه؟؟..." وافي بعدم تصديق...
ابتسمت له وانا اترك المشط من ايدي: ايه..على الصفر..ههههههه...عادي مرة..جابو المكينه وحلقوه... وكان بيشيلون جلدة راسي بعد..."
واضفت بسخرية وانا احط كريم مرطب على يديني واجلس على الكرسي: الصراحه مالهم حق.. مفروض يكونون متدربين..."
حك وافي جبينه وسكت للحظات طويلة.. كنت ابيه يطلع بس شكله ماراح يفارق الغرفة.. حطيت على رجولي كريم بعد..
وافي وهو يقوم من على السرير ويوقف قدامي: ارفعي راسك...طالعيني....."
مارفعت راسي له...لأن عيوني كانت غرقانه دموع...إلا وافي...ما اقبل شفقته.. لأنه حقير ...
رميت الكريم من ايدي لمن رفع راسي باصابعه...ماطالعت فيه....لأن دموعي قامت تنزل بسرعه...وكأنها تبي احد يمسحهاا...
لمسة وافي..احرقتني..كهربتني...حسيت كأني قشه واشتعلت بسرعه..
بلعت ريقي بصعوبة: وشوو؟؟..وش تبي؟؟.."
ووقفت بكسل ابعد عنه: تبي عشا؟؟"
طالعني لحظات: ابيك انت..."
وقفت فاتحة فمي للحظات مو مستوعبة وش وافي قال؟؟...يبيني انااا؟؟..بس مو انا اخونه .. ما احافظ على سمعته؟؟...وش يبي فيني؟؟...
قلت بتريقة بعد فترة صمت طويله شوي: اهاا...تبيني اناا؟؟؟...ههههههههه.... هههههه... صاير تعرف تنكت يا وافي..."
وافي بسرعه رغم ان وجهه شحب بقوة: مدري عنك...يعني وش ابي؟؟..ابيك تسكتين... لأني ما احب انك تحكين لي قصة حياتك..."
وكمل وهو يتمدد على السرير: جيبي لي عشاا......"
هزيت راسي له بطاعه وبإحباط...رغم اني هزئت فيه....إلا اني كنت اتمنى لو شوي..بس يقولي كلمة وحده....لكن انا هبلة..وش كنت متوقعة من وافي؟؟.
...ورحت طلعت من الغرفة ابي اروح المطبخ....دخلت المطبخ...ولقيت الشغالات طلبت منهم يحطون عشا لوافي بسرعه...وكان ورا المطبخ فيه زي المراجيح كبيرة..رحت لها بس وقفت يوم سمعت صوت بنات هناك...
مرام بدلع: عمركم ماراح تفهمون شعوري....احبه....اهو كل شيء بحياتي..."
**:طيب..لازم تدافعين عن حبك بكل الطرق..."
مرام وهي شوي وتصيح: متزوج..وزوجته جميله...وماعاد يحبني مثل اول..حتى طلب مني اني اقلل اتصالات له..آآآآآآآآآآه.."
**: اقول...والله شكل زوجته ميب دارية عنه...اساسا انت لاحظت انه ركبت مع مشاري في السباق...هذا يدل على اثنين.. انها متهاوشة معه...والثانية...ان الهوشة علشانك.."
مرام وهي تصيح: آآآآآآه...شلون اخليه يطلقهاا؟؟...شلوووووون؟؟.."
**: فيه مية طريقة وطريقة"
كنت ابي اسمع اكثر..بس طلعتلي الشغاله وقالت انه خلصت..طبعا انا اساسا كنت متأكده ان مرام تحب وافي...ياليته يطلقني يا مرام..ياليــــــــت...
اخذت صينية العشاا...ورجعت للغرفة....حطيت الصينية على الطاولة....بس لاحظت ان وافي حاط ايده على عيونه....توقعته نايم...لذا ترددت شوي...
سمع وافي حركتي فشال ايده عن عيونه....طالعني وهو مضيق عيونه بقوة.....
اشر لي على راسه: بندول..."
دورت على بندول بشنطتي بس مالقيت... كان وافي شاد شعره بقوة..اشر على صيدلية الحمام...رحت لها...فتحتها فلقيت فيها انواع الحبوب...وهالشيء خلاني اوقف منهبلة وانا اطالع...وافي تعبان..تعبااااان...سمعته صراخه..فقمت ادور واحوس على البندول....
ورحت اعطيته اياه وناولته كاسة ماء....ووقفت قريبة منه اشوفه وهو يحط المخده فوق وجهه ويصرخ صرخات مكتومة...
اختنقت..وحسيت اني مو قادرة اتنفس.... وطحت على الارض اطالعه....كان هو على السرير يتألم بشدة....ويتلوى..وانا مو اقدره اسوي له شيء..
وافي وهو مغمض عيونه: لا تطالعيني كذاا...."
قربت منه بتردد..لمست شعره وبعدته عن وجهه...فتح عيونه..ومسك ايدي..خفت.. مسكها بقوة..
- ليش خايفه؟؟.."
-انت مريض..آآآآآآه...مررريض..."
-طيب..وش اللي مزعلك؟؟...وإذا مريض..يمكن افضل بالنسبة لك!!..."
-لا تقول كذاا....وافي..وش قصة الادوية اللي في الصيدلية؟؟؟...وش السالفه؟؟ ..قووووول ... "
-................
-وافي تكلم..الله يخليك...انااا...انااا..انسى اني زوجتك...آآآه...اعتبرني صديقة... اعتبرني اخوك..اي احد..انسى اني ملكه...انسىىىىىى.."
-لا يمكن انسى انك ملكه....لأنك....آآآه...اتركيني يا ملكه وروحي...."
-ماراح اروح...بجلس يمك...انت تعبان...تعباااان فاهم؟؟....قولي..تبيني اسويلك شوربة؟؟ ... اي شيء؟؟"
-سويلي مساج..مثل المرة اللي سويتيه لي قبل...." واخذ ايدي حطهاا على راسه..وغمض عيونه ودفن وجهه بقوة في المخده...
داعبت شعره للحظات بحنان....وافي مسكين...مسكين يا ناس...مريض...يتألم....لازم اداويه...بس شلون...
في ذيك الليلة جلست طول الوقت اسوي لوافي مساج...وطبعا رفض انه يأكل اي شيء.. وماقدر ينام كثير بس على الاقل ارتاح شوي...اول مانام دخلت الصيدلية حقت الحمام وطلعت كل الادوية اللي فيها...حبوب اشكال والوان....مخيفه وكثيرة.. وفيه علب حجمها مرة كبير..حسيت بالأم يعتصرني... زوجي مريض..واناا ما ادري عنه...
قعدت اقرا الاوراق اللي عليها.. بس ماكان فيه شيء واضح مصطلحات طبية صعبه...لكن اللي تأكدت منه ان معه شقيقة حاده لأن واحد من الحبوب كان عند امي...بس فيه شيء مع الشقيقة....وشو هالشيء؟؟.. ماابي حتى اخمن...ويا خوفي يكون اللي في بالي....
طلعت من الحمام وشفت وافي...كان نايم مثل طفل صغير...يتألم ماسك الفراش بقوة ووجهه تعبان...اول مرة انتبه ان وافي نحف كثير عن اول يوم بزواجنا..كأنه فقد نص وزنه.... شعره طال بدون اهتمام.... لحية خفيفة نابته..بس مع هذا كان عذاب... وسيم..
رحت يمه وغطيته زين..وتمددت جنبه...وحاولت اني انوم!!...








طول الطريق للرياض وانا ووافي ساكتين... ما كنا نتبادل اي كلمه..اللي اعرفه بس ان كل العوايل طلعت معانا... وعلى كثر ماكنت ابي اجلس هناك وأخر مواجهاتي مع وافي لأبعد مدى...لكن ماكل ما يتمنى المرء يدركه....
توادعنا انا ومهاا وحصه وحنان بحرارة...ووعدوني يجون يزوروني بشقتي الاسبوع الجاي .. وطلبت منهم إذا بغوا يروحون لأي مشوار يمرون لأني عارفه ان وافي ماراح يرفض لهم طلب...
وشفت مرام تودع وافي بحنان فياض... وحسيت ان ودي اكسر لها راسها... خصوصا انها جلست مع وافي اكثر مني...لأني من بعد ذيك الليلة ماعاد نمت عند وافي.. رجعنا للجفا من جديد.. كنت انوم عند مهاا والبنات..وماحد كان يعلق على تصرفاتي الغريبة.. خصوصا اني عروس فمفروض اكون مع زوجي طول الوقت...
ارتعشت وانا اتذكر جو الشقه حقتنا...كان كئيييييييييب...المطبخ اللي ماكان وافي يآكل منه شيء... غرفة النوم البارده اللي انقفل علي فيهاا...المكتب والتيلفونات المتكسرة فيه... وش اللي بقى؟؟...ولااا شيء..مجلس وافي اللي ينوم فيه...
وافي بعد مالاحظ ارتجافتي: بردانه؟؟.."
: لاااء..."
سفهني وفصخ الجاكيت حقه الجلد وحطه على كتوفي...الحركه نفسها خلتني احسى بدفاا غريب... لدرجة اني احتريت رغم برودة الجو...
: وانت؟؟..راح تبرد.."
جاوبني بلا مبالاة: ماعليك مني..اهتمي بنفسك.."
طالعته بكسل...شعره الناعم الغجري..اللي ينزل على رقبته باهمال...حواجبه الكثيرة والجرح اللي فيهم..قاطعهم من النص... خشمه الحاد...شفايفه الرفيعه اللي مسكرها بقوة..دقنه العنيد...رقبته السمرا الطويلة..
انتبه اني اطالعه..وكنا واقفين عند الاشارة...حسيت بخجل.. ما احب انه يغتر بنفسه... صح انه حلو...بس حتى ما ابيه يعرف اني اطالعه كل ماكان موجود...
وافي وهو يشوفني اشيل عيوني: طالعيني..."
كان امر...وامر قوي...لكني ماقدرت ارد عليه...احس ان وجهي ولع..خدودي صارت نيران ..
حط ايده تحت دقني وخلاني اطالعه..ذبت بعيونه..حاولت اني اكون قوية واطالعه بنفس الجرأة اللي ناظرني فيهاا...بس ماقدرت..حسيت ان دقات قلبي تناقز بسرعه.. عدلت جلستي بملل وطالعت قدامي..
وافي وهو يرجع يلف وجهي يمه..مبسوط بتعذيبي: لا تستحين مني!!...انا زوجك!!"
: موو...ب مستحيــ...ه.." قلتها وانا اطالع بحواجبه وبجبينه اللي باينه عليها تقطيبات الزمن المر!!
ابتسم وافي بنذاله: لا تطالعين بحواجبي...طالعي بعيوني..."
هزيت راسي باصرار اني ما اقدر اطالعه.. فشفته مستسلم بس ماشال عيونه من علي...
سمعنا صوت بوري وراناا..فضرب وافي راسه بيده..اوف..تخيلوا فتحت الاشارة مرتين ولا انتبهنا لهاا....
مشى وافي وهو يبتسم بسرعه..لمس طرف اصابعي...فجزعت ولملمت ايديني بحجري.. ما ابيه يلمسني...وافي مدمر...لا يمكن اخليه يستغل اي شيء ضدي...
لاحظت انه كشر بشراسه...وحسيته مثل ذيب كبير اسود على وشك يهجم علي ويقطعني بمخالبه...بس اللي صار..انه مد ايده ومسك ايدي بالقوة...
حسيت بقلبي شوي ويطلع من مكانه...كانت ايد وافي كبيرة...تعتصر ايدي الصغيرة برقة!! ... شعور غريب..ما اقدر اوصفه..احاسيس غريبة تدور فيني مثل الاعاصير... غمضت عيوني وتسندت على القزاز بكسل..فترك وافي ايدي بعدها بلحظات... حسيت بخيبة امل!!..تمنيت انه ما يتركها..ليت عندي نفس جرأته...ليتني مثل مرام...ليتني اقدر امسك ايده بنفس القوة والاصرار اللي اخذ فيهم ايدي!!...







تمددت على الكنبه اللي بالصاله بكسل..بعد ما اخذت دش حار...كنت مغمضة عيوني لمن حسيت بحركه بالصاله....فتحتها بسرعه..
شفت وافي جايب فراشه وتمدد على الكنبة اللي قدامي...ابتسمت غصبا علي على شكله..
-وافي..."
- ه..هلاااء.."
-ترى جوال جدتك خليته بالمزرعه.."
-وشووو؟؟..وش قصدك؟؟.."
قلت له وانا اهز كتوفي: يعني لا تنوم عندي.لا تراقبني...ماعندي لا تيلفون ولا موبايل.. والاهم باب الشقه مقفل.."
كان مصدوم بكلامي اللي انا عارفه انه سخيف جدا لكن غصبا علي... ما ابيه يكون قربي.. ايه يبعد عني ويخليني لوحدي...بدنيتي اللي انا بنيتها وتعايشت فيهاا...
- الافضل اني اسكت..لأني لو برد عليك يمكن ارتكب فيك جريمه!!"
طنشته وعطيته ظهري...وسمعت صوته وهو يتمدد على الكنبه اللي قبالي.... كنت عارفه انه يراقبني حتى بعد مرور نص ساعه...
رجعت لفيت اواجهه: الافضل نقلب غرفة النوم غرفة معيشة..."
طالعني بنص عين: ماطلبت شورك!!"
: هذا بيتي..مثل ماهو بيتك"
ابتسم بطريقة غريبة: بيتك؟؟!!"
: ايه..بيتي...عندك مانع؟؟.."
وافي وهو يغمض عيونه: لاااء..ماعندي مانع...يله نومي..عشان بكره تقومين بدري تكوين لي ثوب وشماغ...وراي دوام!!.."
مانمت بس اهو على طول نام... صدق الرجال عجيبين..مخلوقات غريبه...بمجرد مايغمضون عيونهم ينامون.. بعكسنا احنا الحريم.. اللي نفكر بكل شيء... نفكر بالفطور والغداء والعشا وتنظيف البيت وكوي الثياب ووووو...اوووووووووف...الافضل اني انوم قبل ما انجن صدق!!







في الصباح بعد ماراح وافي وبعد مانظفت البيت زين...جلست عند التلفزيون اطالع بالقنوات بملل..من قناة لثانية....ليت عندي تلفون...ليتني ماتركت جوال الجده في المزرعه.. كان على الاقل قعدت اسولف مع سارا او مع عفاري او سماح يا قلبي.. اللي مادري كيف حال ابوهم؟؟...اكيد انه مريض حيل...اكيد مسافرين عنده هالحين....الله يعنيهم ويخفف عليهم مصيبتهم ويصبرهم...ما يستاهلون والله... بنات مرة حبوبات... الله يخلي ابوهم لهم ياررب...





سمعت طق على الباب...فانهبلت ووقفت لحظات مو مصدقة...بس بعدين سمعت حس مهاا وهي تصارخ علي من ورا الباب..
: افتحيييي....انا مهاااا"
معقولة؟؟؟..وش تسوي مهاا هنا بالصبح؟؟.
فتحت الباب دخلت مهاا زي الصاروخ....طالعتني وهي مبتسمة وهي تشيل الغطاا عن وجهها: يووه...بررررد..."
: مهاا وشوو؟؟..وش تسوين هناا؟؟.."
مهاا وهي تضحك: الله من حسن الضيافة..جايه اسليك...روحي البسي..بنطلع نفطر وبعدين تروحين معي الجامعه.."
بتردد: مهاا من صدقك انت؟؟..الوقت..مررة بدري..."
مهاا وهي تطالع بساعتها: لااا موب بدري 8:30 نروح لمملكه نفطر..ونروح الجامعه.. يله بسررعه تراني طفشااانه.."
دخلت غرفة النوم وجات وراي مهاا مدرعمه....كنت مترددة حيل...
شافت مهاا شنطة الملابس على الارض: ماطلعتي ملابسك من الشنطه...لسه؟؟.."
ضحكت بخجل: ههههه..كل يوم اقول بكره.."
وطلعت لي تنورة سوداء نص الساق وبلوفر ناعم مشمشي....دخلت الحمام وطلبت منها تدق على وافي عشان تقوله وتركتها وهي تدق رقمه..
لبست ملابسي على عجل...وحطيت مكياج خفيف على وجهي...وكحلت عيوني وطلعت من الحمام...
مهاا وهي تعبس: مارد علي..حاط البريد الصوتي..."
خفت وبلعت ريقي بتردد: مهاا.. ما اعتقد ان خالك راح يكون مبسوووط.."
مهاا وهي تتوسلني: ليه انتم كذاا؟؟..عاادي بندق عليه لين يرد وباقوله انك معي.."
ترددت كثير بس بالاخير حسمت امري ووكلته لله.. لبست عبايتي وطلعت انا وياها بعد ماعلقت ورقة على باب المطبخ وعلمت وافي فيها اني مع مهاا ويدق على جوالها عشان يتأكد!!وكنت ميته خووف من اللي راح يصير!!





نزلت انا ومهاا وركبنا سيارتهم مع السواق....طلبت منه مهاا يودينا للمملكه... كنت اطالع بالسما..الجو يجنن الصباح... رغم برودته.... حتى ان البخار يطلع من فمنا لمن نتكلم.. بس بعد كان حلوو...
مهاا: افففف..مدري وش فيه خالي مايرد علي بالمرة..."
: حاولي مرة ثانية.....الله يخليك"
مهاا: وش هالرعب اللي مسببه خالي لك؟؟.."
: اي رعب يا بنت الحلال...بس هالشيء لازم تخيلي لو اموت هالحين ووافي موب راضي عن طلعتي..."
مهاا وهي مفجوعه: اعوذ بالله... وش التفكير؟؟... لااا ان شاء الله محنا بميتين.."
وترجع تدق على وافي من جديد...كنت خايفه موت من ردة فعله... انا عارفة وافي شلون يفكر..الله يستر!!...
حاولت اني اسولف مع مهاا وانبسط وحكيت لها عن اول يوم في الجامعه لي...ونسيت وافي مؤقتا مع السواليف..
وصلنا المملكه...وطلعنا فوق لسبازيو....وطلبنا لنا فطور دسم...
مهاا فجأة بحسرة:يووووووووه!!"
: وشووو؟؟.."
مهاا وهي تدخل جوالها بالشنطه: كله بسبتك خلص شحن جوالي.."
: نععععم؟؟...مهاا الله يخليك قولي شيء غير كذاا.."
مهاا وهي تعبس: للاسف قفل...بس عادي...انت كتبت رساله لخالي...ان شاء الله يشوفهاا..."
:..............
مهاا وهي تشرب من قهوتها: ملكه؟؟!!"
: وشو؟؟.."
مهاا بتردد: فيه شي غريب...يعني...ما ادري..خلاص انسي الموضوع.."
: مهاا وشو.؟؟ قولييي..لا تعلقيني كذااا...يله..."
مها بتردد اكبر: يعني...حياتك مع خالي..غرررريبة..."
حمر وجهي وبغيت اشرق بالقهوة: غريبة؟؟...من اي...ناحيه؟؟"
مهاا: انت فاهمتني...يعني ملابسك لمن دخلت البيت...يعنييي...معليش كانت مرة مو انيقه... وشعرك..كنت لامته بطريقة..اممم" وهزت كتوفها...
حسيت باحراج: اه...خالك مايحب المكياج الكثيــ.....رر...ووو....ما يحبني البس..ملابس متكلـ..فه في البيت..."
مهاا وهي مستغربة: معقووووووول؟؟؟..خالي وافي كان هو اللي يشتري لنا افخم الملابس .. كان يحب يشوفنا دوم مرتبات ويهاوشنا إذا شافنا..بشكل حوسه...."
طالعت فيها مترددة: هذا اللي يصير معي.."
وكملت باكبر نصبه في حياتي: اساسا اهو يقول اني لو البس خيشه طلعت قمر.."
مها: هههههههههههههههههههه...
: ايه...موب مصدقة روحي اساليه"
مها: ههههه...لااا عاد اهو صادق..مشاء الله عليك...الله يخليكم لبعض..."
خلصنا فطور ورحنا الجامعه..وسلمت على زميلاتي بالصف واستاذاتي...وبعضهم اتاثروا بكوا لمن عرفوا ان اهلي ماتوا..وانا بعد تأثرت لمن شفت جامعتي وكليتي الحبيبه... حتى اني ماكان ودي اطلع....سارا كانت موجوده...وانهبلت يوم شافتني وقمنا نصارخ بحماس ... حتى انها ماحضرت المحاظرات اللي عندها وهي تسولف معي...
سارا تعاتبني: من تزوجت ماعاد عرفت علومك..نذذذذذذله...دايم كنت تقولين انا صديقات حتى لو بعد الزواج والاطفال..."
: سارا يا عمري..مشغولة حيل ماعندي وقت لأي شيء..."
سارا طالعني بشك: نحفتي كثيييييييير...تغيرتي..."
: للاحلى؟؟.."
سارا وهي تتاملني: تصدقين...للأحلى...النحف ناسبك مرة..طالعه قمر...والشعر القصير حلو عليك بعد...بس شعرك اول ازين..."
:...والله لك وحشه يا سارا ولامك وابوك واخوانك وحشه..ان شاء الله ازوركم يا عيوني ..."
سارا بحماس وهي ترفع اصبعها قدام عيوني: طالعي...خاتمي الالماس..."
: وااااااااااو..مبرووووووووووك..الف الف مبروك..."
سارا مبسوطة: انخطبت...خطبني ولد جيرانا...يقول انه كان يحبني من كنت صغيرة... عاد ابيك تجين ملكتي..."
: ولووو..اكيد..."
والتفت على مهاا: هاا يا مهاا تراك بتجين معي عشان خالك يوافق..."
مهاا وهي تنط وسطنا: دام فيها معرس وعرس جايه جايه..ههههههههههه"
وودعت سارا ووعدتها اني ادوام الترم الجاي بعد ماكلمت الوكيله ووافقت على طول وقالت لي ان موضوعي سهل مرة..
طول الوقت بالسيارة وانا ومهاا راجعين ضحك وسوالف... كان حنين الجامعه يغمرني.. وحسيت براحه كبيرة حتى اني نسيت وافي نهائيا... مرينا البيتزا واشتريت غدا لي ولوافي ووصلتني مهاا وودعتها ووعدتني انها تجيني هي وامها وخواتها الربوع...
طلعت لشقتي...ودقيت الجرس..ماحد فتح لي..معقول وافي مارجع؟؟... استغربت..وطولت عند الباب....وبالاخير انفتح الباب...وطلع وراه وافي..اللي طالعني وكأنه شايف جني

الفصل الثالث والعشرين

تعال اقربـــــ
والله ان الجرح حي...
سمعت انك ظميت اليوم تعال اشرب نزف همي
بس اسقني
شربة المــــــــــــــــــــــــــوت

اول ما شافني وافي..حسيته متلخبط ومرتبك... طالعت بوجهه مستغربة منه..كأنه شايف له جني!!..
سحبني من ايدي بقوة...ودخلني البيت.. وسكر الباب بسرعه...كنت ابي اتكلم ابي اقول له شيء...بس ريحة عطره سكتتني.... يااااااااااااااارب الطف فيني...!!
انتبهت لأغراض شخص موجود...ولمن ركزت اكثر وانا احط شنطتي على طاولة الأكل.. شفت شنطة حرمه مرمية على الكنبة بإهمال!!
بنات الحقوووني..والله كنت راح اموت....فكرت بكل شيء سيء... يعني يجيبها لبيتي.. كنت ناوية اقلب البيت ساحة معركة..بس ربي رحمني مرة ثانية قبل لافتح لساني!!
: ترى صيته هنا..."
قالها وافي وهو يحك شعره بتوتر....فصخت عبايتي وحاولت ارتب من شكل شعري وانا ااشر لوافي وينها فيه؟؟...فأشرلي على غرفة النوم...!!
رحت لغرفة النوم حقتنا...وشفت عباية صيته على السرير...وبنتها منو برضوا على السرير ...
اخذت البنت وطلعت...سكر وافي باب الغرفة وراي...
وافي بتوتر: ترى ملابسك حطيتها كلها بدولابي!"
: وش السالفه؟؟...ليش مارديت على جوالات مهاا؟؟"
وافي وهو يحك رقبتها ويبوس منو اللي بين ايديني: كنت مشغول باجتماع.... بعدين دقت علي صيته.... تقول رجلها تزوج عليها...وكانت واقفه بالشارع...وعيا عليها تآخذ عيالها ..."
حطيت ايدي على صدري بعصبية: وشووو؟؟...جعله الماحي..ويييييي عليه... الله يآخذه .."
وافي وهو يروح لطاولة الأكل ويآخذ له قطعة بيتز: الله الله بأختي.... انا برجع للشغل..."
لحقته بسرعه: موب زعلان مني؟؟.."
طالعني بلحظات وقريت بعيونه الجواب.. كان زعلان...لكن الظروف ما تسمحله يعطيني كف معتبر!!
وافي وهو يلمس شعري وقال بنعومة: لو...صيته ميب فيه.... كان ذبحتك!!.."
ابتسمت له بحلاوة وانا فيني الضحكه: حمااااارر..اول مرة افرح لمصيبة انسان... يله عطنا مقفاك...."
ووصلته لحد الباب وقفلت منه وانا احس براحه بسيطة بس يوم شفت عباية صيته اكلني قلبي عليهاا...






صيته وهي تصيح: آآآآآآآآآآآآآآه...تزوج عليي...اللي مايخاف ربه....عمري ماقصرت عليه بشيء.. ااكله واشربه....واهتم براحته....حتى اني تنازلت عن الحياه اللي كنت عايشتها اول.... ورضيت بالشقه الحقيرة اللي مسكني فيهاا...."
: صيته عيوني..هدي اعصابك...مايفيدك الصياح..خلك قوية...."
صيته وهي تشاهق وعيونها حمر: احس اني فقدت جزء مني..انوثتي...كل شي فيني تدمر.. تزوج علي يا ملكه...تخيلي لو وافي يسويهاا!!"
ابتسمت لها بحزن....وافي لو يسويهاا...بالعكس يمكن افضل... يمكن يخليني امارس حياتي بشكل طبيعي.. افيد واستفيد...آآآآه بس خلو اللي بالقلب بالقلب...
صيته وهي ترجع تمسح دموعها المتناثرة: راح اطلق منه... لا يمكن اصبر عليه... خليه يشبع بمرته اللي لا اصل ولا فصل.... خليه يعرف ان بنات الحمايل وراهم رجال!!"
طالعت بصيته...صح اني ماحبيت صيته اول ماشفتها...لكن الحق ينقال...صيته حلوة مرة... تشبه لوافي كثير..بعيونها المسحوبة...وحواجبها المرفوعه... يعني صدق ان زوجها ماعنده نظر!!
قمت من عندها وانا شايله بنتها بعد ماسمعت صوت الغلاية.... قررت اسوي لها شي يهدي اعصابها....ينسون مثلا...او شاهي بليمون... وتنسى هالزوج الخاين لو ثواني...
بيني وبينكم...حسيت بجانب اناني فيني...جزء مني كان مبسوط حيل.. ان صيته موجوده .. لأن وافي راح يحترم نفسه ويتسنع... ويحطني بعيونه...
ابتسمت لا شعوريا وانا اتذكر ارتباكه...صدق هالرجال غريـــــب... الله يعينه على نفسه ...والله يعني عليه^_^
بعد ماشربت صيته الشاي بالليمون....اعطيتها حبوب عشان تنوم... ورحت اخذت بنتها وجلست بالصاله...وقعدت الاعب البنت واخليها تضحك....حسيت ان البنت تحتاج تبديل ملابس....
وقعدت البسها ملابسها الجديدة....في نفس اللحظه اللي وافي رجع فيهاا....كانت الساعه تقريبا 3 العصر....
طول عند الباب واقف...فرفعت عيوني له مستغربة... كان متنح بشكل غريب... لو ماهو وافي اللي اعرفه... كان قلت هذا ذايب فيني...
صرخت فيه: وااااااااااااااااااافي...."
طالعني للحظات...واخذ نفس وقال وهو يجلس قبالي ويرمي الجريده على الطاولة اللي بالنص: السلام عليكم..."
: وعليكم السلام والرحمه...خذ بنت اختك..."
واعطيته منو وجلست جنبه وابتسمت له بخبث...ماطالعني في البداية...بس حسيت انه تضايق من قربي له..وآآآآآآآآآآآآآآآآه وش كثر المني هالشيء؟؟..
: وافي؟؟؟.." قلتها بنعومة وانا اطالع بأصابعي....
رفع عيونه لي: يا عيو....هلاء...وشو؟؟.."
ابتسمت له بدلع: طلب صغنون...قد كذا..." واشرت له على اصبعي الصغير..
وافي وهو ماله خلقي: طيب؟؟.."
: ابي جوالك شوي.."
وغمضت عيوني لأني حاسه انه بيرميني بشيء على وجهي..بس لمن مرت فترة من الوقت.. فتحت عيني الاولى ببطء...وبعدها الثانية براحه...لمن شفته يطلع جواله من جيبه ويعطيني اياه....
وافي وهو جامد: خلك هنا قدامي...كلمي اللي تبين قدام عيوني"
: اووووووه... من عيوني..."
وشلت الجوال وجلست قباله ودقيت على رقم غرفة عفاري.... وطول وهو يدق ولا ردت علي... رجعت دقيت مرة ثانية ولا ردت بعد...استغربت كثير وقلقت بنفس الوقت..
رجعت دقيت من جديد على تيلفون غرفتي...وكانت عيون تسرق بعض اللمحات من وافي.. اللي كان منمدج مع منو ويضحكها ويشيلها ويلاعبها...حسيت بطعنة بسيطة بقلبي.. ياحظك يا منيرة...مين قدك؟؟...وافي قاعد يلعب معك؟؟....سمعت صوت رفعة الخط...
: الوووو....السلام عليكم..."
**: وعليكم السلام...مين؟؟.."
استغربت من هالصوت الباكي الحزين..وانقبض قلبي....
: مين عفاري؟؟..شخبارك عيوني؟؟.."
حس وافي بتوتري فرفع عيونه لي... انا بسرعه عيوني غرقت دموع.. كنت حاسه بألم فضيع يقطع قلبي..وش اللي صار؟؟...مين ماااات؟؟؟..مييييييييين؟؟..
عفرا بصوت تعبان: ملكه؟؟؟...آآآآآآآآآآآه...ملـــكه...لحقي علي..."
: عفاري عيوني...وش فيك؟؟....قوليلي...ترى بطني يعورني...بسرررعه..."
عفرا وهي تآخذ نفس عميق: انا تعباااانه يا ملكه...محد عندي....البيت فاضي...اشتقت لج. ....اشتقت لسماح ولروعه.... اشتقت لجاااااااااااااااسر....آآآآآآآآآآآآآه..."
: عفاري عيوني...بسم الله على عمرك...تعوذي من ابليس...وش هالحكي؟؟...عفرااا... عفراااء..."
ردت علي عفاري من بعد نوبة صياح فضيعه: نعععم؟؟...آآآآآآآآآآآآه..."
: بدق عليك بعد عشر دقايق...ابيك تروحين تغسلين وجهك..مفهوم؟؟؟؟..."
عفرا وهي تبكي: لازم تدقين...آآآآآآآآه...الله يخليك ملكه...لا تقطعين انا محتايه لكم.. محد عندي... محد يبيني..اكررررررررررره بيتنا... ابي اموووت... الدنيا فضيعه... احس بوحشه..بوووووحشه يا ملكه..."
: عفراااء..يله قومي غسلي وجهك...وبرجع ادق عليك...باي......"
وقفت متوترة اول ماقفلت الخط.....ورحت المطبخ... كانت اعصابي مشدودة... وشفيها عفاري؟؟..ليش تبكي بهالطريقة؟؟..
لقيت نفسي لا شعوريا اطلع بيض ودقيق من الثلاجه..غسلت وجهي بموية المطبخ البااااردة كذا مرة..
لحقني وافي: ملكه...وش فيك؟؟.."
: ما ادري...متوترة...خااايفه...انت مخبي علي شيء؟؟..."
وافي وهو ماسك منيرة بيد وحده ومجلسها عليه وهي ماسك رقبته: لاااء... شي مثل وشو؟؟.."
حسيت بخنقة وبجفاف بحلقي.... وطلعت خفاق الكيك...وقعدت اخلط الدقيق والبيض ووافي واقف فوق راسي يطالعني كأني مهبولة....
وقفت شوي..وخذيت نفس عميق..
: وافي...عفراا كانت تصيح.. كانت تبكي.....مادري وش اللي ذكرها بجاسر؟؟.. مدري .."
وافي وهو يمسكني مع ايدي: عفراا كانت تحب جاسر من سنين...لازم تذكره يا ملكه.."
انزلت الدموع من عيني غصبا علي...وحطيت ايدي على فمي....
وافي وهو يربت على كتفي بخفه: ملكه...مايصير كل ماسمعت شي يضيق الصدر بكيتي .. خلص...مسحي دموعك...."
: مااا اقدر...انت ما تفهم...عفاري غالية علي....واللي قاعده تسوي بعمرها موب من صالحهاا..."
وافي وهو يشوفني تايهة: انا اعرف شلون اهي غاليه عليك... لكن ماحد يقدر يساعدها... عفراا تحب جاسر من سنين ويوم صار من نصيبها مات...وش تبين منها تسوي؟؟..."
طحت على الارض وحطيت ايديني على وجهي وبكيت بمرارة: محد فينا له حظ... كلنا حظوظنا ترااااب...بنات عم وورثنا نفس الحظ.."
سكت لثواني بعد كلمتي ذي... ما اعرف شلون تجرأت وقلتها....رفعت راسي اشوف وافي..اللي كان ساكت...لاحظت ان وجه وافي بهت بقوة...وطالعني بنظرات مصدومة... لكن تلاشت الصدمه وبقى مكانها البرود الفضيع...شفته يآخذ مفاتيح السيارة ويطلع من الشقه...
تمددت على البلاط بحسرة...وقعدت ابكي غصبا علي.... ابكي وافي...ابكيه...مو قادره احبه... مسكين...انا لمسااااااااااااااعد...فهمتوني كلكم؟؟...انا لمساعد وبس....وافي ولااا شيء... ولاااااااااااااا شيء...

اخذت الجوال بعد ماهدت اعصابي واخذت لي شاور..وضبطت نفسي عشان صيته... وكان بودي ارتب غرفة النوم..بس صيته كانت نايمة فيها وماحبيت اني ازعجهاا...كنت لابسه بنطلون زيتي برمودا... وبلوزه هندية ناعمه لونها فوشيا فيها نقوش ذهبية... وتكحلت زين...بالكحل الاسود....وحطيت ماسكرا....وجلوس فوشيا ناعم...وعطرت نفسي زين...وحسيت براحه وانا اطالع بوجهي....احس براحه كبيرة يوم اشوف نفسي حلوة....



جلست بالمكتب حق وافي...ودقيت على رقم غرفتي من جديد...رديت علي عفراا وكان صوتها اهون شوي....بعد ماسلمت عليها وسألت عن حالها طلبت منها تحكيلي كل اللي صار بغيابي....(( الكلام لعفرا في السطور الجايه))

بعد مارحتي...يا ملكه...كملنا العرس عادي..رغم ان قلبي آلمني لأني فقدت صديقة عزيزة واخت... لكني تظاهرت بالعكس...رقصت مع بنات خالة امايه.... وضحكت مع مهاا وخواتها ... وبعد ماصارت الساعه 2:30 بالليل...راحوا آخر المعازيم... بقينا انا وسماح وروعه ...وطالعنا ببعض..والحزن كان مرتسم على وييهناا... وكل وحده راحت غرفتها وانتهى يوم عرسج نهاية فضيعه عكس بدايته..نهاية كلها الم وحزن على الفراق...حتى اني انا وسماح وعفرا نمنا بغرفتج..كنا نمسك اغراض ونتذكرج ونضحك ونبكي في نفس الوقت...كتبج...رواياتج....مذكراتج..البومج اللي نسيتيه...كل شيء يخصك....وكانت روعه تمازحنا وتقول خلاص بحتل غرفة ملكه...وانا كنت اغايضها وقول لها اني ابي اوسع غرفتيه...لكن الصدق...ان غرفتج بقت مثل ماهي....حتى لبسك الاخير اللي ضميته كثير وبكيت عليه...جلست حاظنته بقوة...ولبسته ونمت فيه..."
" في اليوم الثاني...قمت متأخرة من نومي...على صوت صياح امي.... رحت ابغي اشوف وش السالفه؟؟؟... لقيت امي ماسكه ايد سلطان وقاعده تصيح بحرارة... غمضتني اماية..ماحبيت اشوفها تبكي بهالطريقة...كانت تتوسل لسلطان انها يبقى معناا...لكن سلطان اللي كان شخص ثاني...رفض وكان يصرخ عليها بقوة...
سلطان: انت السبب....زوجتيها اخوج...عشان تبعدينها عني....اي ام انت؟؟..اي ام؟؟؟.."
اماية وهي تصيح: انا كنت ابي مصلحتك...ملكه ميب لك يا سلطان...صدقني ملكه ميب لك..."
سلطان وهو يمسح دمعته بقوة: ذبحتيني يا يمه..غدرتي فيني انت ووافي.... خططتوا ونجحت خطتكم.. ملكتي اناا...صارت لوافي... صارت لخالي اللي مفروض يكون نعم الخال... واللي مفروض انه يفكر بمصلحة عيال اخته...لكن طلع وافي خبيث... واخبث من الافعى..."
امايه وهي تبوس ايده بضعف: بس...بس يا ولدي.... اللي صار صار.... نقدر نقنع خالك يطلقهاا...وتآخذها إذا تبيهاا.."
سلطان وهو يبكي بحرارة: ليييييييييييه؟؟...ليه ترخصونها بهالطريقة؟؟... اجبرتوها وسيرتوها وسفرتوها... مافكرتوا ان في رب فوقكم....بيحاسبكم على كل شيء؟؟.. ليش خالي طعني؟؟...ليش خذاها رغم انه يعرف اني احبها واموت بريحتهاا.. كنت اقوله على مشاعري...ماكنت اخبي عليه.."
صرخت فيه: سلطااان حرام عليك..ماتشوف اماية شلون توسلك؟؟..انت من شنو مخلوق ؟؟ .."
طالع فيني سلطان ببرود وقال وهو يآخذ شنطته ويسحب ايده من امي: آسف يمه... ما اقدر اعيش بهالبيت....يمكن...في يوم ارجع لكم... لكن الاكيد بعد ما اصير مثلكم.."
طالعت بسلطان وهو يروح ينزل الدرج..سلطان اخوي صار شخص ثاني...تغير.... صار قاسي..شرير... موب سلطان اللي نعرفه...
لحقته بدون ما افكر ومسكت ايده وقعدت ابكي عنده..: سلطان لا تخليني.. اناا عفرااء انا محتايه لك.... "
سلطان وهو يرفع راسي: لا تبكين يا عفراا....صدقيني روحتي من هناا افضل من اني اعيش مع هالذيابه...سامحيني يا اختي...."
مسح دموعي بحنان وباس راسي وراح...راح يا ملكه...طلع ولا فكر فيناا.. ولا فكر شلون حالنا بيكون من بعد روحته..
ابوي تعب علينا يوم درا بموقف سلطان...مرض وطاح على الفراش.. وكان يهذي باسمه طول الوقت... ابوي الجبل...اللي ماتوقعنا يجي يوم ونشوفه ضعيف مثل الطفل الصغير.. طاح واخذناه المستشفى والحمدالله كانت ازمه لكنها عدت وقال الدكتور انه بسبب الضغط ولازم يرتاح....
عودنا البيت انا وامي ولأول مرة احس ان بيتنا كبير اكبر مما نتصور.. اول مرة احس ان كل هالجاه اللي عندي.... مايسوى لحظه وحده من اللحظات اللي عشتها معاج وعشتها مع اخويه... اخويه حبيب قلبي...اللي مافكر وشلون حالنا بيكون من بعده...
انتشر خبر روحة سلطان لأستراليا.... وتعبت علينا روعه كثير.... وساد حزن فضيع.. حتى بدرية انكسرت... تخيلي ما كنا ننزل للدور السفلي...ولا للحوش... خلاص.. كلن عزل نفسه بعالمه....انا بغرفتيه مع جاسر ورسايله ووروده...وصوره...وسماح وميران على ذكرى ابوهم... وروعه كانت مريضة وماكانت مستوعبة لا سفرة سلطان ولا ان ابوها قاعد يلفظ انفاسه الاخيرة....وبدرية بعالم خاص فيهاا على صور مساعد وصور ملكتها...
مرت اربعة ايام...وطلع باباتيه من المستشفى...وحبينا نفرحه...فرحت انا وسماح وميران وخذينا له باقة ورد كبيرة....وخذيناه من المستشفى لمطعم فخم...وحسيت ان ابوي ارتاح شوي.. رغم ان عيونه كل شوي تغيم بحزن... وكان ينادي اسمج بالغلط كثير...كان يقول يا ملكه انتبهي..يا ملكه لا تشربين ذا...يا ملكه ويا ملكه..
وزاد الحزن بقلوبنا...واللي قتلنا اكثر هو بعدج...ما دقيتي علينا نهائيا... ولا قدرنا نسمع صوتج... انا كنت ادعيلج بعد كل صلاة انا خالي يحطج بعيونه... وكنت ادعي ان بدرية ما تتجرأ وتعلم خالي عن علاقتج بمساعد ...لأني اعرف ان وافي على كل صفاته شكاك ... ومايرحم لو لقى عليج غلطه....سأليني انا...واعلمج عن كل شيء....
بعد ايام من زواجج وبعد ايام من طلعة ابوي من المستشفى...وصلنا خبر ان العم ناصر خلاص... مات دماغيا....وانهاروا بناته... وسماح كانت على وشك تنين.... وميران اغمى عليها...وروعه كانت مش مستوعبة الموضوع....
يزيد حيز لهم على اول طيارة....كنت احاول اخفف عليهم...لكني كنت الاقي الصد.. تخيلي يا ملكه...ابوهم...كل شيء يعتبرونه في هالدنيا مات..دماغيا...ومرته تبي تقتله وتطالب انهم يشيلون عنه الاجهزة.... تصوري اي مرة هاذي؟... او بالاصح اي ام؟؟.. سماح كانت راح تذبح عمرها لمن عرفت ان امها ناوية على هالشيء....وفي ذيك الليلة.. كل اللي بالبيت ماشافوا النوم...
طلعت بتعب وفي آخر الليل علشان اشم هواء.. كان قلبي معاهم..ودعيت لأبوهم بكل حرارة ان ربي يقومه وهو القادر على كل شيء...
رحت صوب الورود اللي كنتي دوم تسقينها...كانت على بداية ذبولها... سقيتها ورويتها وشميت ريحتها وقطفت لي ورد منهم... يمكن انا ماقلت لج هالشيء قبل...بس تذكرين يوم عودتي من المستشفى ولقيت وردج متقطع؟؟..كان كله بسبة بدرية وميران... قاموا يقطعونه قدام عيونا...ورغم اني تهاوشت وياهم.... لكن بعد اهم ثنتين وانا وحده وقدروا علي...
سمعت صوت نحنحة وراي....كان يزيد..اول ماشافني وقفنا بمكانا للحظات.. كنت مو عارفة شلون اعزيه بمصيبته ولا كان لي ويه اتكلم....وظل الصمت سيد الموقف..لمن قررت اني اخيرا امشي..خصوصا اني ما اعرف اواسي اي احد...
عودت غرفتي بعد ماشربت كاسة ماء..تمددت على سريري...طالعت بصورة جاسر كان وسيم يا ملكه.. يبتسم لي اناا..يضحك في ويهي اناا...يهديني انا كل شيء حلو...
ضميت صورته بقوة ولا قدرت انوم...قعدت اناجيه واسولف معه وابكي عليه وابكي معه...
ودعت بنات العم ناصر بحرارة في اليوم الثاني انا وبدرية... اللي بكت معي رغم اني استغربت من هالشيء... لكن ربي قدر يحنن قلب بدرية.... ودعناهم... ولاحظت شيء غريب... كان فيه شرارات بين بدرية وبين يزيد.. انا بس اللي لمحت هالشرارات.. وما اعرف اذا انبسط عشان اختي..او احزن عشان يزيد؟؟..
لكني مافكرت كثير بالموضوع....خصوصا اني وصيت سماح على نفسها وعلى خواتها وطلبت منها تتصل علي....
ورحنا انا وبدرية البيت... ويلسنا بنفس الغرفة ساكتين....وكل وحده بذكرياتها... ورحنا قفلنا غرف الضيوف من جديد... ورحت قفلت غرفتج من يديد...بكل ملابسج وصورج وتذكاراتج....وتمنينا اننا نعود مثل ماكنا قبل لا نشوفج يا ملكه..لا تزعلين مني ... لكنج يا ملكه فتحت جروحنا وذريت عليها ملح... كنت ما اعتقد ان فيه شخص حنون بهالدنيا... كنت راضيه بحياتي مع اخت لا مبالية وام مشغولة بآخر صيحات الموضة وملاحقة باباتيه ... واخو كبير عايش طفولته لحد الآن...وصغير عايش اكبر من عمره..
انت ييتي...البنت اليتيمة اللي ما نعرفها...البنت الغريبة اللي ما توقعنا بتغير بحياتنا او بتأثر فينا...لكن كلنا حبيناج...آآآآآآآآآآآآه.... ماعادت الدنيا هي الدنيا...ولا عادت النفس هي النفس.... تعتقدين انه سهل علي..افقد ثلاث من اغلى ناسي بنفس السنة.... اخويه..اللي عشت حياتي وانا معه..طفولتي وسعادتي كانت معه...كنت اشوفه كل يوم وابتسم لابتسامته للدنيا... ولااا جاسر... جاسر اللي حبيته من صغر سني....جاسر اللي عشت ايام مراهقتي وانا اراقبه من بعيد..وكنت اتظاهر بكرهي له....كانت خالتي حوريه دوم تقول متى نجمع جاسر وعفرا بالحلال؟؟... متى نزوجهم ونريح ولديه...ولديه اللي يحب هالعفراء..ويحب كل مافيها...يحب شراستها...يحب شعرها....يحب دلعها..يحب كل شيء يمت لها بصله...آآآآآآآآآآه يا ملكه...ليتك تحسين بنص احساسي عشان تفهميني.. انا بفقدك انت وسلطان وجاسر فقدت نعظم روحي...تصدقين يوم كنت اشوفج معي في البيت.. كنت استمد قوتي...استمد شي غريب... كنت اضحك لأنج موجوده... انت غيرتينا يا ملكه....والله غيرتينا...كنت اشوف شلون انت صابرة على فقد اهلج وعلى غربتج عن ديرتج..مع هذا كنت تبتسمين لنا وتبردين اعصابنا...وتخدمينا بعيونج...آآآآآآآآآآآآآآآآآآه يا ملكه....ليتنا قدرنا هالشيء...ينناك..ودخلناج مصحه نفسية...شوهنا سمعتج... وبدرية قطعت فيج ولا رحمت ضعفج.... انا بعد زعلت منج....وكرهتج لثواني..لمن عرفت انج سبب طلاق مساعد وبدرية...لكن انا الحينه ما الوم ابدا مساعد على قراره....وتصدقين تمنيت بلحظة انكم تكونون لبعض.... لكني كنت اعرف ان فيه قلبين يحبونج بينون..اولهم سلطان وثانيهم وافي...ايه وافي يا ملكه...كان دوم يحكي لبدرية عنج...بس اهيه كانت تشوه سمعتج عنده..ملكه..عرفتيه ليش اصيح؟؟...اصيح من زماني يا ملكه..عودي لنا يا ملكه...انا اباك....ومحمد اخوي..وريما...كلنا نباك..ولا حنا قادرين نعيش بشكل طبيعي من بعدج...."





قفلت الخط من عفاري وانا حاسه بروحي ثقيله....مكالمة عفاري زادتني الم على الم.. وفاة العم ناصر دماغيا...وسفر بناته لامريكا...وهجرة سلطان قوية على عمي..قوية على عفاري .. شلون بيتحملونها؟؟؟ الله يعنيهم.....تذكرت ايامي بذاك البيت...ولأول مرة احس لو اني رجعت هناك راح اموت....لو طلقني وافي راح اموت..لو كتب ربي اني اتيتم من جديد مدري وش راح يصير فيني؟؟...وحسيت برد يدخل عظامي ويهزني هز..وصوت يصرخ فيني...دامك خايفه من فقدان وافي ليش تكرهينه؟؟...جاوبت بعصبية المحبه من الله!!...رجع صدى صوتي يرتد علي...وحسيته غريب..وش اللي بوافي يعيبه؟؟؟..شكه فيني....طيب...يحقله يشك..من عرفك وانت مسببه شبهات لنفسك...مكالمات الريم.. سالفة مشاري..الولد اللي عند الاصنصير....وووووووووو



اخذت نفس وانا اسمع صوت الباب ينفتح...كان صوت باب غرفة النوم... كانت صيته توها قايمه من النوم....فقررت اني انسى سالفتي عندي ضيوف...ومو وقت هالتفكير...
ابتسمت لصيته اللي كانت عيونها منفخة من الصياح: صح النووووووم!!"
صيته بصوت مبحوح: صح بدنك...وين منو؟؟؟"
عضيت على شفايفي وانا اذكر ان وافي خذاها وهو معصب!!.....
: مع خالها...."
صيته وهي مستغربة: وين بيآخذها؟؟...."
وكملت وهي تضحك: يختي هبل فيها هالوافي....يعاملها كنها كبيرة....تصدقين انه حتى الكابتشيونو يذوقها؟؟...هههههههه"
ارتحت ان صيته اضحكت:بروح اسوي لنا قهوة عربي..وش رايك؟؟..."
طالعتني صيته وحسيت انها محرجة: عروس مشاء الله..."
عرفت انها تقصد ملابسي...فابتسمت لها وقلت وانا ادخل غرفتي وسحبت يدها: اختاري لك لبس من عندي...اريحلك من اللي انت لابسته....."
صيته وهي منحرجه: لاااا والله..بعدين وووووووين مقاسي ووينك عني؟؟.."
طالعتهاوقلت بدون رياء: والله يا صيته.... ان جسمك يجنن....ومشاء الله عليك مثالي... صدقيني مافيه فرق بين مقاساتي ومقاساتك....جربي هذا...كان واسع علي شوي..."
واعطيتها بنطلون اسود شمواه وقعدت ادور لها قميص ناعم عشان تلبسه وياه...وناولتها واحد لونه اصفر وانا مفتشله من شكل الدولاب الحوسه...
طلعت من غرفتي بعد ماعطيت صيته ملابسي وبعض الملابس الداخليه الجديدة ومنشفه.. رحت المطبخ...وحطيت الموية على النار وفيها قهوة مطحونه....سمعت صوت منو وهي تصيح بقوة....وشفت وافي وهو يدخل...
ركضت له...وجيت اشيل منيرة اللي قطعت قلبي...بعد منيرة عني...ولاحظت بعيونه شرر .. فخفت منه.. شفت وحده لابسه عبايتها ورى وافي... واول مادخلت كشفت عن وجهها وكانت حصه....سلمت علي بسرعه..وراحت يم صيته بالغرفة...وكان معها بنتها الكبيرة اللي جلستها بالصاله...
كان وافي يحاول يسكت منيرة بأي شكل والبنت تصيح بقوة...ياربي...عورت قلبي..
: وافي ؟؟.." كان صوتي خافت وخايف...
طالعني..وآآآآآآآآآآآآآآآآآآآآآه...ليته ماطالعني....عيونه كانت غريبة عني.... كان شيء ثاني.. كأنه الشيطان متلبسه...ار

الفصل الرابع والعشرين
في اليوم الثاني..

توني مخلصه من مكالمة رائعه مع صيته... الحمدالله رجعت امورها مع زوجها عال العال... وكانت مفاجأة حلوة بالنسبة له...لكنه ماعلق على موضوع زواجه من الثانية...ورفض انه يناقشها فيه...انا نصحتها انها تهدي الاوضاع شوي...وتنسى او تتناسى مرته الثانية...وتسحره السحر الحلال...بحيث انه يقولها بعد فترة آمري وتدللي لو تبيني ارمي الثانية بنار جهنم ارميهاا!!


طالعت بالسرير اللي توني مغيرة المفرش حقه.... الجو كل ماله ويزيد بروده....مسكين وافي إذا تطلقت منه من راح يهتم فيه...واعرفه عجااز ماراح يغير مفرشه بنفسه...سبحان الله من يصدق ان هالشخص عاش عازب طول عمره....زين لقيت عنده بطانية دافيه....

رحت للدولاب عشان ارتبه زين واعزل ملابسي عشان بسهولة احطها بالشنطه حقتي... تلمست ملابسه... معقولة يا ملكه؟؟..معقولة عشتي معه بس شهر واسبوعين.... ومع هذا تعرفين وش يحب ووش مايحب...تعرفين شلون يفكر؟؟...تعرفين وش اللي يتعبه؟؟...في حريم مع رجالهم من ثلاثين سنة ماعرفت وش اللي يزعل رجلها حتى الآن؟؟..
طلعت بعض الملابس اللي تحتاج غسيل وبعض الثياب المصفرة..... ومسحت الدولاب بقطعه معقمه وحطيت له اكياس عطرية بين طيات ملابسه..عشان يتذكرني^_^
سكرت الدولاب وشلت الملابس اللي بايدي... ورحت للمطبخ....حطيت الملابس بالغساله.... وشغلتها....ثمن رحت حطيت لحم على النار....اكيد وافي راح يرجع جوعان على الغداء.. اقله يلاقي اكله جاهز....بعد مو حلوة بحقه كل يوم وانا جايبه من بره....
ورجعت غرفة النوم.... لبست لي بنطلون بني قطيفه ناعم... ولبست بلوفر بيج...ومشطت شعري وقدرت بصعوبة اني المه ذيل حصان...
حطيت لي بلاشر خفيف وكحلت عيوني ببني بعد مارسمت حواجبي.... واخذت شنطتي ولبست عبايتي..وافي خلا باب الشقه اليوم مفتوح عشان إذا جات الريم اقدر ادخلهاا...
توكلت على الله....وخليت الباب مردود...الحمدالله العمارة امان...والكل عارف وافي... ومحد راح يدخل البيت...
نزلت عند البواب في البداية....وسألته عن مواصفات الريم.... وانكر ان فيه احد ساكن بالعماره مثلها...
البواب: اسمها ايه يا ست؟؟"
: اسمهاا....ريم...ام لجين..."
البواب وهو يهز راسه بتفكير: دنه عارف كل واحد بالعماره دي....مافيش حد بالاسم ده... لجين .... لاااء مافيش بت زغيرة بالاسم ده..."
: الله يخليك يا عم احمد... حاول تذكر...يمكنهم ساكنين جدد..."
البواب وهو يعتذر: والله يا ستي... انا بعرف كل واحد بالعماره دي....اصلا جوزك السي وافي.. دنه بعارفه من زمااااان....لما كان عيل صغير...."
طالعت بالبواب...قاعد يبربر علي..هو انا ناقصه؟؟... تركته اول ماسكت بعد ماعطيته من اللحم الي عندنا لأن وافي كان ناوي يعطيه....
بس لسه..انا متأكده اني راح الاقي الريم....يعني معقولة ماتكون ساكنة هناا؟؟..طيب معقولة تكون كذبت علي باسمهاا؟؟..استحاله مافيه ناس بالتفكير ذا؟؟...هاذي حركات بنات الثانوي مو حركات حرمه كبيرة عاقله...
فكرت للحظات وانا بالاصنصير وتذكرت ان ريم مرة قالت لي انها ساكنه فوقنا...رحت لاول طابق فوق شقتي....
ودرت على الشقق كلها ادق..بعضهم مايفتحون وبعض الحريم يفتحون ويوم اسالهم عن ريم ينكرون معرفتهم لهاا...ويقولون انه مافيه احد بالاسم هذا بالعماره كلها...
وصفتها لهم....ووصفت بناتها....قلت كل معلومة اتذكرها عنهم...بس ولا كأن الحرمه اختفت وابلعتها الارض....
رجعت لشقتي وانا محبطه...صابني احباط فضيع.....الدموع تجمعت بعيوني....وحلقي عورني... كنت تايهة ...ضايعه....شلون راح اخلي وافي يطلقني وانا مو لاقية اثبات واحد..يثبت براءتي... يثبت اني طاهرة..شريفه لا عرفت التيلفون ولا قربته....
فصخت عبايتي بضيق ورجعت المطبخ....قفلت على النار..ورجعت جلست بالصاله... ياربي... ياربي دلني على حل...حل واحد بس...كيف ممكن اخلي الريم ترجع لشقتي؟؟...كيف اخلي وافي يسمع اعترافها؟؟..يعرف انها هي اللي كانت تستخدم التيلفون؟؟..
حطيت ايديني على راسي بضيق....فيه حل وحيد...يتيم....لكنه هو اللي ممكن ينقذني..بس فيه مخاطره كبيرة....مع انــــــــ......
وقفت بضيق...انا ملكه افكر بهالشيء؟؟...اكيد اني هبلة...بسس....كذا...بكون مثل مايقول وافي فعلا...شلون اواجه نفسي..ما راح اقدر ابتسم بوجه احد...بحس اني حقيرة....
رجعت المطبخ وطلعت طماطم من الثلاجه..وقعدت اقطعه وانا مترددة....اكيد عرفتوا وشو الحل اللي قاعده اخربط عنه؟؟...الحل ببساطه اني اكلم مساعد...ايه لا تطالعوني كذا كني مجنونة... صدقوني هذا الحل... اكلم مساعد...اطلب منه يرسل الريم لي...واقوله ان وافي راح يطلقني إذا فعلا تأكد اني ماكلمت احد...وبكذا...اتزوجك!!...
اييييي...جرحت نفسي بدون ما انتبه....سمعت صوت الباب....ورفعت راسي وانا اصبعي ينزف بسرعه... كان وافي توه راد من شغله... ما اجمله!! لابس ثوب اسود..والغترة البيضاا... والنظارات ... افففففف...زفرت لا شعوريا وانا اصد عن عيونه....
يآكلني بعيونه....احس وجهي ينحرق إذا تقابلت عيوناا....مايحق له يطالعني كذاا...انا مو زوجته.. عفوا انا زوجه بالاسم بس...مايحق له يتمقل فيني...يخلي النظر لمرومته! *_*
حسيت بيد وافي تمسك ايدي بقوة...كانت حركته تلقائية وغريبة....قعد يدقق النظر باصباعي المجروحه... ياربي انا قاعده اشتعل هالحين... ليش قريب مني لهادرجة؟؟..
: وافي..خله..." وسحبت ايدي من ايده...بس رجع مسكها بقوة...
وافي وهو يترك شنطته حقت الاب توب على جنب: حيات...ممم..ملكه...اصباعك ينزف بقوة.. وش مسوية فيه؟؟.."
وكمل وهو يبتسم بخبث: الظاهر نسيتي اصباعك مع الطماطم....امممم...عاادي ما الومك..دوم اللي عيونهم زرق نظرهم ضعيف!!..."
:هههه..ما تضحك..اساسا عيوني خضر...ولا هي زرقة...ونظري اقوى من نظرك مية مرة... معروف اني زرقاء اليمامه عند صديقاتي بالثانوي..."
وافي وهو ضاغط على الجرح بقوة: اكيد زرقاء اليمامه بالغش!!..."
: ايــــــــــه بالغش..عندك مانع؟؟؟..."
وحاولت اسحب ايدي من بين ايدينه...بس سفهني وسحبني للمغسله...حط اصباعي تحت الموية... وبعد فترة وانا متخدرة..مو من الجرح ولا من الماء الباااااااارد....متخدرة من هالاحاسيس الموطبيعية اللي قاعده استشعرها وانا جنب وافي.. كل شيء فيني ينبض بقوة...قلبي...وعروقي... وانا نفسي قاعده انتفض....قعدت اطالع بوجهه...شكثر انت جميل!!....ذكرت نفسي بعنف وش فايدة الجمال إذا النفس طالحه!!...ولااا شيء....هذا هو مساعد اخس من وافي... ايه يا ملكه كلهم مثل بعض...خلك اكثر لؤم منهم...كلمي مساعد ووعديه بالزواج وخلي وافي يطلقك واهربي بعيد عنهم....مو لازم تروحين لبيت عمك...اهربي ارض الله واسعه...معك فلوس...معك لغة.. معك ايمان قوي بالله...خلاص..وش تنتظرين؟؟...
عند هالنقطه من افكار..سحبت ايدي بعنف.... حتى ان وافي تفاجأ بهالشيء... طالعني وهو مقطب حواجبه... وهز راسه مستغرب وطنشني وراح غرفة النوم....
دورت لي لصقة جروح...وحطيتها على جرحي.... وتمنيت لو البشر اخترعوا لصقه لجروح النفس اللي كل مالها وتعمق...
ايه جاتني فكرة...ليش ما اروح لاستراليا؟؟..واتزوج سلطان....وخلص بلا وافي بلا مساعد بلا هم.. الحلوين مامنهم غير المرض...بعدين سلطان وش زينه وش حليله وفوق هذا ولد عمي..
ابتسمت بخبث...خلاص...لازم انفذ الخطوة بدون لحظة تأخير وحده...
خلصت غداي...ورحت لوافي اللي ماطلع من الغرفة... دخلت غرفة النوم... كان وافي يطالع الشنطه اللي تركتها مفتوحه على الارض...وحسيت بنظراته شيء...ما ادري وشو بالضبط؟؟.. شيء عنيف..شيء تملكي...مااا ادري..ولااا ابي ادري...
: احممم..."
التفت وافي علي: هلاااء...الغدا؟؟"
: ايــه...وش فيك تطالع شنطتي؟؟.."
طالعني ببرود: ابد....اشوفك جهزتي اغراضك..مستغرب من ثقة المدمرة بنفسك..."
قلت بدلع: واثق الخطوات يمشي ملكا...وانا ملكه...فلازم اكون واثقة..."
ايه خلك كذا يا ملكه...خليه يعرف ان الله حق..وانه راح يفقد ملكه...ملكة الدلع والجمال والانوثة... ملكه القوية اللي تدمر عشرة من اشكال وافي ومساعد..
ابتسمت له بنعومة وانا اسبقه على طاولة الاكل...
سحبت له الكرسي فطالعني مستغرب...
: شبيك لبيك ملكه بين ايديك...."
وافي وهو يحك رقبته بتوتر ويجلس: شكراا...!!"
: اممم....اليوم سويت لك غدا غييييير...بمناسبة الاتفاق اللي بيني وبينك..."
وافي بهزء: التحدي...اللي خسرانه فيه..."
طالعته بعتب وانا ابتسم بدلع: اممم اوكي التحدي....سويت لك ستيك لحم...ولا افضل شيف يضبطه..."
وحطيت له الستيك وقعدت ازينه بالصلصة وصبيت له عصير تفاح بكآسة بلورية كشخة...
وجلست قباله وحطيت لي....رجعت الخصل اللي تطايرت من ربطة شعري...ورجعتها ورا اذني بنعومة...
كنت مبسوطة حيل وانا اشوف وافي يطالعني مستغرب....راح ادمرك يا وافي...راح ادمرك.. كافي علي التعب...كافي علي..كل هالحزن...انا لأني خبله..انضحك علي...انا لأني خبله...قدرت ريم توهقني... انا لأني خبله قدرت مهاا تسحبني وراها... انا لأني خبله وهبلة وطيبه انطردت زي الكلاب من بيت عمي...وليتهم حطوني بالشارع..حطوني بمستشفى شوهني وحطمني.. انا لأني خبله خليت وافي يقلب لي حياتي من فوق لتحت....انااا..لأني خبله حبيت مساعد وما حبيت سلطان!!
لكن من هاللحظة... استقوي يا ملكه...تظاهري بالقوة...مثلي ياختي..مثل مهالعالم تمثل... مو الناس تمثل الطيب... انا راح امثل الشر...آآآآآآآآآآه يا خسارة بس الفراش الدافي اللي حطيته لوافي.. مو مشكله يله اقلها بكسب اجر فيه.. مع انه مايستاهل...
طالعني وافي وقال فجأة: اشفيك ما تاكلين؟؟.."
قلت بنعومة ودلع: افكرر...ههه....عجبك الاكل؟؟..."
وافي وهو يرجع شوي ويطالعني مستغرب: وش ناوية عليه؟؟.."
: ابد..سلامتك...مو ناوية على شيء..بس انت زوجي..ولازم اكون قد مسؤولية الزواج... المره مالها إلا بيت رجلهاا"
وافي: افهم من هذا...ان مافيه طلاق؟؟.."
ابتسمت: وافي...دوم اقول عنك ذكي!!....بس شكلي بغير رايي.... فيه طلاق...بس انت اعطيتي يومين واليومين توهم بدوا لسه ماخلصوا...اقلها عيش هاليومين مثل هالبشر المتزوجة..."
وافي وهو يسرح شوي: بعيش حياة المتزوجين الصح...بعد اسبوع..."
ضاق صدري بقوة: هههههه يا حبيلك يا وافي...لسه شاك ببراءتي...يله...الف مبروك يا عريس..."
طالعني ببرود: انا بنوم شوي..قوميني على المغرب...بنروح بيت حصه..."
لمعت عيوني بفرح...زين بنروح لحصه..راح انفذ خطتي بكل بساطه.....
هزيت راسي له وانا اوقف معه: من عيوني..الثنتين" واشرت على عيوني وانا اخذ الصحون للمطبخ...وقف وافي شوي يطالعني...وحسيته مرتبك مو قادر يفكر صح...خله...بقلعته!!
اول ماشفته وصل غرفة النوم...وانا حاطه الصحون بالمغسله ابي اغسلهم...صرخت بألم...: ايييييييييييي..." خطرت على بالي فكرة مجنونة...
وقعدت افرك عيني اليمين وانا اتظاهر بالالم...رجع لي وافي بسرعه...حتى انه ضرب بطرف دولا بالمطبخ...ياقلبييييييه يا حرام مسكين!!! لااا تضحكون صدق قلبي حن عليه!!بس شوي^_*
قلت وانا اصيح: آآآآه..عيني دخلت شي جواتهااا..."
وافي وهو يتألم من حد الطاولة وحاط ايده على بطنه: خلين....ي اشوف!!"
فتحتله عيني: آآآآآآآآآآآآآي..تعووووووور!!"
وافي وهو يمسك وجهي...اووووه...بموووت...وش اللي خلاني العب هاللعبة...حمر وجهي بقوة...ياربي ايده دااااااافيه رغم برودة الجو...
فتح عيني باصابعه: مافيه شيء..."
: آآآآآآآآآي تعورني موت.... اححح..شكلها عينك!!"
وافي وهو معصب: طيب اثبتي على الاقل يمكن غبااار..."
وترك وجهي وفتح الثلاجه وطلع منها قطرة منظفة...
قلت بدلع: ماا احبهااا..."
وافي: لااا يا شيخه.....بطلي دلع..."
ورجع مسكني مثل اول وقطر من القطرة بعيني...غمضت عيني اول مابعد وقفل القطرة....
وافي بنعومة: عيونك عجيبه!!"
: وش اللي عجيب فيهم؟؟.."
واعطيته قفاي وانا افتح الموية عشان اغسل الصحون بعين وحده مفتوحه!!
وافي وهو كأنه يكلم نفسه: لونهاا...غريب...لا هو لون الذهب الصافي..ولا هو لون العشب... ولا لون السماا...احس اني كل ماطالعتك شفت عيونك بلون!!...إذا لبستي الاخضر تلمع عيونك بقوة.. وتصير مثل حبات الفيروز...وإذا لبست الازرق... تغمق عيونك حيل...ومايبين لونهم مرة..."
وكمل وهو يقرب مني وصوته يعلى: كأنها شفافه....قطع زجاجية...فااضحه... تفضح كل شيء.. تفضح وش تحسين فيه بالضبط؟؟.."
طالعته وهو يوقف جنبي بالضبط...فاضحه؟؟...يعني معقول يعرف ايش افكر فيه!!
وافي وهو يزيح خصله متمرده جات على جبيني: لا تحاولين!!"
: وش احاول؟؟" قلتها بخفوت وانا ارجع اغط ايدي بالصابون واغسل الصحن اللي صار يلمع ويلق ومع هذا مستمره بتنظيفه...
وافي وهو يشيل الرباط عن شعري: خلك كذا....ليش ما تحبينه؟؟...ليش تلمينه...خليه متمرد.. مثلك...!!"
مارديت على وافي بس بلعت ريقي بقوة كذا مرة..
وافي من جديد وبنفس الصوت الرتيب الغريب الهادي: ملكه....عيونك تفضحك..!!!"
: وش..تفـــ....ضح؟؟.."
وافي باصرار وهو يبتسم: تفضح وش قاعده تفكرين فيه؟؟...اساسا عيونك ماعورتك!!...."
تجمدت ايديني بالمغسله...
كمل وافي وهو يلف وجهي عشان اقابله: ماعورتك...ولا دخل فيها شيء...مايحتاج انك تلجأين لهالطرق الملتوية.."
طالعته وقطبت حواجبي بضيق: وليش الجأ لطرق ملتوية؟؟.."
ورجعت لصحني اللي صار يلمع ولا افضل محلول غسيل يقدر ينظفه كثري..وقعدت افرك فيه...
وافي بضحكه جذابه: هههه...صحنك يلمع يا حلوه...ومايحتاج تلجأين للطرق الملتوية لاغرائي... لأني متزوج متزوج الثانية..."
وراح وخلاني لوحدي اطالع بصحني النظيف!!^_*

غفيت بعد الغدا شوي بالصاله ... مع ان غفوتي كانت متقطعه... وقمت وانا افكر ونمت وانا افكر...كان كل تفكيري شلون اطلب الرقم حق مساعد من عفاري؟؟..وهل راح ترضى انها راح تساعدني..هل راح تخليني اخون خالها ؟؟ ..بس انت ما تخونينه يا ملكه...اهو اضطرك تستخدمين هالطرق...لازم تنتبهين وانت تنفذين خطتك لانه لو درى وافي انك كلمتي مساعد..راح يذبحك..... ماراح يتردد للحظة وحده....
انقلبت بضيق على جنبي الثاني وانا اطالع بجوال وافي... ومفاتيحه.... شلت الجوال بتردد...دخلت الرسايل على طول... شفت رسايل كثيرة من مرومه...ياااااااااه.. يا مرام راح تشبعين بوافي من جديد... مايحتاج تلجأين لأي خطط حقيرة....البنت هاذي تحبه...الا تموت بترابه.. ومن مايحبك يا وافي؟؟..استدركت الجملة بسرعه مين مايحبك غيري يا وافي؟؟..
رحت بكل فضول للاسماء..... قلبت بين الاسماء اللي كانت معظمها تبدا بابو فلان وابو علان... لمحت اسم..ما انتبهتله في البداية...بس...مساعد!!....هذا رقمه...!!
حسيت بارتباك... وبدا جبيني يعرق...ووقفت...بتوتر...طليت على باب غرفة النوم... وتنفست الصعداء وبسرعه بسرعه...رحت ادور قلم؟؟...لازم الاقي قلم بسرعه قبل لا يصحى وافي هذا موعد قومته...
دورت في الفازات اللي فوق التلفزيون...ورا البراويز ,في المجلس ,عند المدخل.....ياربيييييييه لازم اروح لغرفة النوم...
فتحت الباب ببطء....وتسللت بخفه.. شفت وافي..يا الله... كان كأنه طفل صغير... فيه براءه مو طبيعيه....دق قلبي بعنف...بس زجرته وانا معصبه مو وقت العواطف!!...هذي فرصتك يا ملكه للخلاص... خلك سريعه..
فتحت ادراج التسريحة ومالقيت قلم....ياربي طلعت من الغرفة ورحت للمكتب الباب مقفل... زفرت بضيق ورجعت لغرفة النوم...
اللهم اهدني ضالتي" ركزي يا ملكه وفتحي عيونك زين اكيد فيه قلم هنا ولا هناك.. وفعلا تنبهت للقلم تحت السرير...تحركت ببطء....فسمعت صوت فجعني...
: ملكه!!....وش تسوين؟؟؟

طالعت بوافي وانا فاتحه فمي مفجوعه... كان صاحي...مفتح عيونه النعسانه خلقه...وشكله مبسوط ...انتبهت للجوال اللي بايدي فخبيته ورى ظهري....وخلاااص كنت عارفه انه مماتي بهاللحظة.. يارب الطف فيني!!...اللهم لا اطلبك رد القضاء بل اطلبك اللطف فيه!!"...يعني قولوا لي وش اقول لوافي لو مسكني وانا معي الجوال وفاتحه القائمه على رقم مساعد...... وانا قاعده افكر بخوف واحاول ارتب جملة كامله مفيده....ابتسم لي وافي بنعومة....ورجع غمض عيونه: خليني انوم زياده ربع ساعه حبيبتي..بكمل الحلم!!"
طالعت وافي مو مصدقة وهو مغمض عيونه....كان نايم في امان الله...
: آآآآآآآآآآآه.." قلتها مرتاحه وانا اطلع من الغرفة...واشكر الله على نجاتي من موت اكيد...طبعا انا مو هبله...علشان كذا قررت اكتب الرقم على ذراعي.... افضل من الاوراق...بعدين ماراح احتاج الرقم إلا اليوم وبس...!!
كتبت الرقم بسرعه...ورحت رجعت الجوال...ورتبت شكلي زين....عند مراية المدخل... ورجعت المطبخ مو مصدقة ان فرجي قرب...
قررت اسوي كيكة علشان مهاا وحصه.... فطلعت الاغراض من الثلاجه وسويتها على السريع وحطيتها بالفرن ورحت لوافي.....







طالعني وافي وهو لابس روب الحمام بس:بسرررعه...ترا ماراح انتظرك!!"
قلت وانا اقلب الكيكة بالصحن واصب عليها الصوص: طيب..تراني شبه جاهزة...."
وافي بضيق: يلاا ملكه...ورحي البس ملابسك..."
: من عيوني....."
وافي بلا مبالاة: تسلملي عيونك...خليهم لك..."
:هههه...باااااااااايخه...لا تعيدهااا..."
وافي وهو يحك شعره ويصرخ: ملكه...يلااااااااااااااااا..."
: يااخي روح البس اول....اففف..ياشينك لا جيت تطلع مكان..."
وافي بضيق: وش هوله كل هالحفله؟؟...ترانا رايحين بيت حصه..."
: عااارفة...بس عيب ندخل على اختك كذا...موب حلوة بحقي وبحقك..."
وافي بضيق وهو يضرب الارض مثل الطفل: كان قلتيلي بالطريق نشتري جاهز..."
: طيب...من عيوني....المره الجايه..."
وافي وهو فاض فيه الكيل: بسررررعه تعالي طلعيلي ثوب...."
هزيت راسي له وقصدرت صحن الكيك والفطاير وغسلت يديني وسحبت الثوب الاسود من النشافه .... رحت وراه غرفة النوم....وحطيت الثوب على طاولة الكوي...
وافي وهو يطالعني مفجوع: لسه ماكويتيه..."
: حبيبي..خلاااااااص.." وما انتبهت لكلمة حبيبي اللي طلعت لا شعوريا....
وافي تنح شوي بس بعدها: طيب...اكويه بسرعه..بحلق وإذا خلصت ومالقيتك جاهزة بروح وبخليك ....ترى حصه عندها عزيمة...يعني مو فاضي ادخل متأخر على الرجال..."
طنشت كلامه وكويت ثوبه بسرعه..وانا افكر وش البس..اهاا...خلصت كوي وعلقت الثوب وانا اسمع صوت ماكينة الحلاقة....
تذكرت شيء..فدخلت راسي الحمام: وااااااافي؟؟.."
وافي: ايييي....وشوووووو؟؟...لا تدخلين زي كذا مرة ثانية!!"
طالعته يوووه ياقلبي عليه جرح نفسه...مسكيييييين...مو مشكله...فيه دم!!..كان ودي اروح امسحه..بس انثبرت مكاني!!
قلت بدلع ومصاخه وانا اتذكر مرام: لا تشيل شواربك...خلها مثل ماهي تجنن وهي خفيفة.."
وافي وهو فاتح فمه: طيب عمتي ملكه..."
بدلع: امممممم...خلك كذا..."
وافي يتريق: آآآآآآآآآه منكم يالحريم...تبيني مثل انا..علشان ماحد يطالع بخشتي...لاااا يا آنسه انا عريس...لازم اصير كشييييييخ بيوم العرس..."
قلت ببراءه وانا ضايقه: والله مو كذا....على العموم...ترى ثوبك جاهز.."
ورجعت الغرفة وقعدت اطالع بملابسي... رجع وافي بعد عشر دقايق وانا لسه واقفه بمكاني...
قلت بدلع: وافيييييييييييي..."
وافي وهو مولع: نعم؟؟..."
رفعت له فستانين عريانه: اي واحد احلى؟؟.."
وافي وهو يعض شفايفه مقهور: كلهم روووعه...." وقلد صوتي: كل شيء حلو عليك.."
: لا تتريق!!...اممم..الشرهة علي اللي اتصرف مثل المره العاقل اللي ماتخالف شور رجلها بملابسهاا..."
وصديت عنه وسويت نفسي زعلانه...وكلها ثواني...وجاا وافي...
- ملكه؟؟.." قالها بهدوء...
- هلاااء..." رديت عليه وانا ماده بوزي...
- ملكه حبيبتي...مو قصدي والله..اتريق فيك..."
-زعلاااانه..."
-ملكه الله يخليك لا تسوين فيني كذاا...البسي ملابسك...والله كل شيء زين عليك..."
- لاااء...موب رايحه..."
- يابنت الناس والله تطردني حصه ومهاا ويخلوني ارجع اجيبك....يله يا حلوو"
-خلاااص مو رايحه...."
وصديت عنه وجلست على السرير وانا امسح دمعه وهمية...
وافي وهو يزفر: اللهم طولك يا رووووح..."
وجلس جنبي: ترضين تضيقين صدري؟؟.."
سكت لثواني وبعدها التفت عليه وانا مبتسمة: اي واحد احلى؟؟.."
وافي وهو يفكر وطول وهو يفكر وشكيت انه يفكر بشيء ثاني وماصار فستان ذا!!
: وافييييييييييي" صرخت فيه برفق..
وافي وهو يفكر: الفستان الاحمر حلو مرة...بس الاخضر عليك شيء ثاني..."
ورجع يطالعني بعجز: مو عارف ايهم حلوو..."
: اختاااار" قلتها بدلع واصرار..
وافي وهو يآخذ نفس ويوقف: الاخضر...لالالا..الاحمر...يا شيخه الاخضر.."
خذيت الفستان الاخضر اللي بدون اكمام وفتحتة مربعه شوي كبيرة ويوصل لنص الساق وكان ناعم مرة وقماشه حرير روعه..وقررت البس فوقه بلوزه صوف مشققه ناعمه مرة بالوان مختلفه....تتناسب معه واهم شيء ان الرقم اللي كاتبته بايدي مايبان..
دخلت الحمام..وارتجفت وانا احس بملمس الحرير على جسمي..كان باااااارد...سكرت الفستان بالموت...وطلعت من الغرفة..وانصدمت لمن لقيت وافي واقف...توقعته راح للصاله يشوف الاخبار...
كان قاعد يزر ثوبه... والتفت علي ورجع صد عني..ثمن رجع طالعني وكأنه يشوفني اول مرة..
طرت على بالي فكرة..فدرت قدامه بدلع: حلووو؟؟.."
ووقفت قريب منه على التسريحه وقعدت امكيج وجهي على السريع عشان مايعصب اكثر...
ووافي وهو ينطقها بصعوبة:اي...شيء عليك...بيطلع حلووو....بسس.."
ابتسمت له بالمراية مع ان خدودي حمرت بقوة بس قدرت اتماسك:وشوو؟؟.."
وافي وهو يمشط شعره: كأنه قصير شوي.."
: وافيييييييي!!....طويل والله..ماشفت البنات وش يلبسون؟؟.."
وافي بضيق: مايهمني...وش يلبسون انت مرتي...ملكه والله قصير..."
: موب قصير يا ابن الناس... انت ماشفت لبسي قبل...بالعكس هذا طويل..."
حسيته مو مقتنع وشفته بيفتح فمه بيقول شيء ...فقلت وانا ارمي الفرشاه حقت احمر الخودي: اففف ملل...حتى اللبس ما اقدر البس زي النااس..."
وسويت نفسي معصبة وكنت بروح الحمام...بس مسكني وافي.. ولفني عليه: خلاص..خلصي مكياجك بسرعه...."
ابتسمت له ممنونة..وراقبته وهو يطلع وقعدت انطق بفرح...آآآآآآآآآآه ذوووق يا وافي شوي.... واعرف وش انت بتخسر؟؟...
لبست عبايتي وبرقعي وطلعت بسرعه من الغرفة بلحق بوافي بس اول ماشافني وانا مدرعمه قباله..حسيته مو راضي عن لبسي بس اضطر انه يسكت...ويوم ركبنا السياره ذكرني بنبرة عدم رضى: ترى ساقك طالعه...حاول تمسين عباتك وانت داخله البيت...كله رجال..."
هزيت راسي له وانا قاعده ارتب شنطتي الصغيرة وارتب الاشياء اللي عند رجلي الاكياس وعلب الحلااا
بيت حصه كان بالرحمانيه...وعرفت من وافي ان حصه ساكنه عند رجل بنتهاا...لأنها رفضت تزوج بعد ماتطلقت من زوجها ابو البنات...
: وافي...ليش ما نجيبها عندنا؟؟.."
وافي وهو يطالعني ويرجع يطالع الطريق: ان شاء الله إذا اشتريت البيت..بشتريه قبل لا تزوج..."
وكمل وهو يسحب الغطا على عيوني: غطي عيونك...فيه رجال..."
زفرت بضيق: يا ابن الناس انا بالسياره هالحين...وش جاب سيرة الرجال؟؟.."
وافي: عارف بتسوين نفسك ناسية..او بتنسين صدق..."
ضاق صدري اسوي نفسي؟؟...اففف...يله كلها يوم واتطلق وارتااااااااااااح...
وصلنا بيت حصه بعد ربع ساعه تقريبا....ودخلنا السيارة جوا بالحوش... دخلت انا مع الباب الرئيسي...بينما شفت وافي يروح لديوانية الرجال...اللي كانت اصواتهم عاليه وريحة دخانهم تصرع...
دخلت البيت....واول مادخلت شفت عيال صيته..اللي سلموا علي اول ماشافوني واعلنوا عن وصولي: خاله ملكه....خاله ملكه وصلت..."
شلت البرقع..ورتبت شعري وانا اطالع بمرايا المدخل....الفخمة... وانتبهت لصورة لعبير وزوجهاا... عبير هي بنت حصه الكبيرة اللي جات لشقتي ذاك اليوم..بنت مرة عاقله مالي اي علاقة فيهاا بس اني احبهاا من محبتي لمهاا وحصه...
: يا مشاااااااااااااااء الله...فستاااااااااان روعه..."
التفت على مهاا اللي كانت لابسه ترينق ولامه شعرها...
سلمت عليها وسحبتني للغرفة بعد ماخلت الخدمات يشيلون اغراضي....
تعطرت او بالاصح غرقت نفسي بالعطر.... وساعدت مهاا بمكياجهاا ولبسهاا... ونزلت تحت لخوات وافي وبعض جارات حصه....وسلمت عليهم كلهم وجلست جنب صيته اللي كانت طايره من الفرحه لشوفتي...
صيته: مشاء الله قمرر....فستانك روعه..."
: يفداك يا قلبي..."
صيته باقتناع: قوليلي....كيفك مع وافي؟؟.."
: الحمدالله زينه...بس لسه مصر يتزوج علي"
صيته وهي خايفه: ياربييييييه...لااا ان شاء الله يطلع كلام بس!!"
: ما اتوقع يا صيته....بعدين دامه قال لحصه فهو متزوج متزوج..."
صيته: ترى حصه ماعلمت احد....عشان مهاا راح تقلب الدنيا لو عرفت...."
: الله يستر..."
صيته: ماعليك يا ملكه..انت قمر...وبتقدرين دايم تروضين وافي....بس اصبري....لا تسيرين مثلي... هذاني تحديت..واكلني تراب بالاخير..."
: ان شاء الله يطلقهاا..."
وقمت من عند صيته ورحت المطبخ...واخذت الكيكه وقعدت ازينه بالمكسرات وانتبهت للرقم بايدي فتذكرت جوال مهاا!!
رجعت طلعت بسرعه فوق...ودخلت على مهاا بغرفتها....
مهاا: هلاااء..وش فيك رجعتي؟؟"
: ليش ماتنزلين تحت؟؟؟؟"
مهاا: لحظة بس خليني ارتب هالكشه..."
: مهاا ترى شعرك مايحتاج شيء... مرتب من الله..."
سفهتني فقلت وانا اجلس على سريرها:" مهاا..بطلبك طلب؟؟"
مهاا بدفاشه: واسطه عند خالي..لااااء...فلوس من خالي...لاااء..."
: ياعلك اللي..هونت مانيب طالبه"
مهاا بفضول وهي تترك المنشفة وتجلس على السرير: وشو؟؟...وش تبين؟؟"
: مانيب قايله هونت.."
مهاا بترجي: يله عاااد..خاله ملكه..."
: اممممممممم...مانيب قايله..."
مها بضيق: يله عاااااااااااااااااااااادي"
: طيب...جوالك...ابي اكلم عفاري ضروري...."
مهاا: ليش؟؟.."
ياربي ذي وش اقولها عشان تروح...
: امم...جايبتلها عريس...بس مابي احد يعرف عشان مايضغطون عليهاا..."
مهاا وهي تضربني: اه يالخاينه...تجيبين لبنت عمك عريس وانا مرتزة عندك مافكرتي تزوجيني.."
: اييييييييي....مايصلحلك..... يا مهااا...نااااااعم وانت دفشه..."
مهاا وهي تعطيني الجوال: دامه ناعم خل عفاري تشبع به....تراني بنزل تحت"
ارتحت يوم شفت مها تطلع...ومسكت الجوال ودقات قلبي تتطاير بسرعه....ياربي هو انا اللي اسويه صح؟؟؟... بلعت ريقي بخوف...وبديت ادق ارقام الجوال بتوتر...واغلط فيهم واعيد الدقات....
خلاااص...قسم بالله احس موتي قرب....حتى اني مو قادره اوقف على رجولي... اخيرا دقيت.. بدا الجوال يرن...كنت ادعي ربي يطلع الجوال حقه مغلق...او مفصول...اووو يرد احد ثاني غيره...
جاني صوت مساعد اخيرا...وكأنه ف مجلس رجال..وارتجفت بقوة وانا اسمع صوته..
: الوووو..."
: الوووو...مين معي؟؟...ترى بقفل..."
حركت شفايفي ببطء ابي ارد عليه بس وقف قلبي يوم شفت الباب ينفتح ووافي واقف عنده...
من يشتري قلب همومه ملايين؟؟؟
ويبيعني قلب من الهم خالــــــــي؟؟؟

الفصل الخامس والعشرين

انا متأكده ان اللحظة اللي تقابلت عيوني فيهم بعيون وافي وقفت دقات قلبي.... لدرجة ان ايدي لا شعوريا تركت الجوال فطاح على الارض وانكسر...
صرخت لمن شفت جوال مها منكسر ولا اراديا اذا نقدر نقول!! قلبت الوضع على وافي وصرخت فيه: لاااا تدخل بهالطرريقة مرة ثانية!! فجعتني ..!!"
وافي اللي انتبه للجوال اللي طاح: ليش خفتي؟؟ من كنت تكلمين؟؟.."
رديت عليه بتوتر: خفت؟؟...وافي...لا تكلمني بهالطريقة...انااا...قلتلك فجعتني لأني ضنيتك مشاري...!! وبعدين كنت ادق على عفرااا..."
كنت اتنافض وانا اكلمه بس مع هذا صوتي كان نوعا ما متماسك... دقات قلبي سرعتهم جنونية وكانهم في سباق الموت!!.... حلقي جف بشكل كبير...وحسيت ان لساني لصق بحلقي يوم قرب وافي مني...
وافي بشك: عفااري؟؟...هذا مو جوال مهاا؟؟؟"
: ايـــه...ماا..ما كنت ابيــ....ــك تعرف الموضوع..."
وافي ببرود: موضوع؟؟..وش موضوعه؟؟...."
: موضوع اللي كنت....بكلم عفاري علشانه...."
ما اهتم باللي قاعده اخربط فيه..حسيت ذهنه مشغول بحاجه فضيعه...
سوى حركة خلتني اغمض عيوني بقوة..حط ايده على عرق ينبض بجبيني: ليش متوترة؟؟؟"
حسيت بحرارة اصبعه وكأنها بتخترق دماغي وتعرف انا وش كنت ناوية اسوي؟؟..
قلت بصوت خافت وانا اناظر بعيد: وش كنت تبي من مهاا؟؟.."
وافي وهو يطالع الجوال اللي على الارض: كنت ابي اكلمها بموضوع...." وكمل فجأة: تعرفين ان مساعد الكلب الحقير هنااا...."
طلع وافي علبة سجايره وسحب منهم وحده....وحطها بفمه وولعها واخذ نفس بطيء منها وقال وهو معصب: ابي اعررف له عين يجي بعد...صدق انه سافل...عارف اني ما اقدر اسوي له شيء عند الرجال..."
حسيت بنفسي اتهاوى....بس مسكت بطرف السرير وجلست عليه..مساعد هناا!!...ياااويلي وش كنت ناوية اسوي انا؟؟..صدق اني غبيييييييه...ياربي الطف فيني....
وافي وهو يطالعني: لسه تبينه؟؟" كان تقرير اكثر منه سؤال...
ماعرف شلون لقيت القوة عشان اجاوبه...بعد ماحسمت الحقيقة المره...وهي اني ماعدت احب مساعد لكني بعد ما احب وافي لذا...
: ايـــ...ــه..." هذا صوتي؟؟...لالالالا..هذا صوت وحده ثانية صوت ناعم جبان ينتفض بقوة...







غريبة ماذبحني...ماخنقني..ماضربني!!....رفعت عيوني لوافي...كانت سيجارته على الارض... وكان يطالع مكان رجوله....لاحظت انه قابض ايدينه بقوة.... وحسيت انه ينتفض...ايه ينتفض... مااعرف ليش خفت عليه في ذيك اللحظة؟؟!!وخفت منه بعد!!
: وافي؟؟؟"
سمعت منه سبة قوية....وبعدها رد ببرود وهو يرفع عيونه: خير؟؟!!!"
وكمل بصوت غريب: خايفه عليه صح!!...ماقدرت توقفين على رجولك من كثر شوقك له.. مساعد ....حبيب القلب...."
وبعدها ضرب يدينه ببعض وقام يضحك بسخرية: ههههههههههه....صدق مهزله..."
طالعت فيه بخوف ماعندي رد..... اخاف منه!!...رغم انه هو هلي....إلا اني اخاف منه!!... آآآآآه...
: آآآآآآآآآآآآآآآآآآآه..." استغربت لمن سمعت صوتي طلع مني بدون ما انتبه..
حسيت بوافي عند هالنقطة انهار....ارتكى على الجدار اللي وراه باهمال....كانت عيونه زايغه.. وحسيت انه قاعد يختنق...
وافي ببرود فضيع:آآهة طالعة من قلبك!!...هه...ياااااه...وش كثر مشاعرك قوية ناحيته؟؟.. مشاعرك اللي مفروض تكون لي اناا...اللي مفروض تكون لرجلك.."
: وافي....عمرك ماراح تقدر تحكم قلبيه...لأنه مخلوق متمرد لا يمكن في يوم تقدر تحبسه بقفص.. حتى لو كان هالقفص هو الزواج.."
كملت وانا انتفض لا شعوريا ويرتفع صوتي تدريجيا: مشاعري...مشاعري يا وافي..تقدر تملكها بغير هالطريقة...بغير هالجبروت بغير هالتحكم...مشاعري مثل الريح القوية عمره ماراح توقف قدام شيء...ولا احد يقدر يغير مسارها حتى لو بالقوة!!"
رفعت عيوني وتلاقت بعيونه: طلقني..!!..طلقني يا وافي...لا انا لك ولا انت لي..."
سكتنا فترة موب قصيرة عيونا قاعده تبحر في بعض.... عيونه تدور علي..على وجهي...وعيوني تتهرب من عيونه....يمكن ماعاد اشوف هالوجه ابد!!...فماله داعي اعور قلبي بمشاعر وليدة للحظات صغيرة بيني وبين وافي...
تحرك وافي من مكانه وجا يطلع من الغرفة...وبنفس هاللحظة جات مهاا فضربت بصدره...
مهاا:...الله...خالي هنا..." وباسته بحب كبير...
وافي وكأنه ماشاف مهاا طالعني وبكل قسوة قال: ولااا حتى بأحلامك.."
طالعتني مهاا باستغراب بعد مابعدها وافي عن طريقه بقوة وطلع...
مهاا وهي تقرب مني: وش السالفه؟؟..وش فيه معصب؟؟..وش اللي ولااا حتى باحلامك؟؟؟"
وانتبهت للجوال المكسور: لاااااااااء....جوالي الجديد..ليييييييه يا ملكه؟؟.."
وجلست على الارض تحاول تركب الجوال وتركب الشريحة من جديد...كنت اطالعها وانا حاسه اني مخنوقة...ليه يا وافي؟؟..لييييييييييييييييييييييييييه؟؟...مو من حقك تملكني...
ياربي قمت من مكاني وانا حاسه اني بدوخ...وحاسه بحرارة فضيعه..طلعت من الغرفة ولا اهتميت بصوت مهاا اللي ناداني...









طلعت من غرفة مهاا ورحت للدور السفلي ورجعت للحريم....ولقيت ان جدة وافي كانت موجوده ...وابتسام بعد..وحتى مرام اللي من شفتها حسيت ببرودة فضيعه... رحت سلمت على جدتنااا وبعدها على ابتسام اللي طلبت مني اجلس جنبهاا...
ابتسام: مشاء الله فستانك رووووعه....من وين شاريته؟؟.."
: هااا؟؟...وشو؟؟"
ابتسام وهي تطالعني مستغربة: سألتك عن فستانك؟؟..لا تقولين لي انك ماتحبين تقولين من وين شريتيه عشان محد يقلدك؟؟"
: ايه..صح..."
قطبت ابتسام حواجبها مستغربة من ردي: ملكه؟؟؟..انت بخير؟؟"
رفعت عيوني لهاا: وشو؟؟.."
مسكت ايدي وسحبتني وطلعنا بره الصاله ووقفنا بسيب: وشو؟؟..قوليلي وش فيك؟؟" هذي كانت ابتسام وهي تهزني عشان تصحيني...
: تعبااانه يا ابتسام...انا احس بتوتر...مدري وش فيني؟؟.."
ابتسام وهي تبتسم مبسوطة: تحسين بغثيان؟؟.."
: ايه...احس بغثيان...واحس اني كارهة هالدنيا..وودي اهرب..."
ابتسام وهي تضمني بفرح: مبروووك انت حامل!!"
بعدتها عني بعصبية: ابتسااااام!!"
ابتسام وهي مبسوطة: وناااااااسه..وانا بعد حامل...ماكنت راح اعلم احد...بس دامك حامل عادي اقولك...ماراح تحسديني.."
حسيت بمشاعر قهرر من تفكير ابتسام الغبي....: مانيب حامل..وارجوك لا تقولين لأحد..."
ابتسام وهي مستغربة: عيوني ملكه...ترى انا كنت متأكده اني موب حامل..بس لمن رحت المستشفى اكتشفت هالشيء..."
: بس انا متأكده.."
هزت ابتسام اكتوفها باحباط: طيب...وش فيك؟؟.."
: ابدا...كارهة هالدنيا..وحاسه شكثر هي صغيره...ياربي متى امووووووت؟؟..."
ابتسام بزعل:اكيد وافي مزعلك....ملكه ماحب اسمع هالكلام..وش هالافكار؟؟؟..تعوذي من ابليس.. والانسان مفروض مايستعجل الموت... وحتى لو وافي زعلان منك..بكره راح تتصالحون من جديد...لأنه يحبك!!"
طالعتها لثواني وهزيت راسي لها وانا مو مقتنعه باللي قالته......



رجعت الصالة وجلست جنب الجدة اللي كانت مبسوطة حيل بشوفتي وقعدت تسولف علي براحه .... وحاولت اني اقنعها عشان تجي تعيش معناا....بس كانت رافضه للفكرة نهائيا... لاحظت مرام بطرف عيني وهي تطالعني وتآكلني بعيونها...كانت صابغه شعرها احمر!!...وحسيت ان فيهاا شيء متغير مرة!! بس وشو ما ادري؟؟...وحسيت انها تشبه...!!...عرفتم تشبه مين؟؟.. تشبهني...
كنت راح اضحك على النتيجه اللي وصلت لها....بس كتمت ضحكتي وانا اشوف جوالها يدق وتقوم من الصاله..ما اعرف ليه حسيت ان هالشخص اللي دق هو وافي؟؟؟...يمكن نظرتها لي... اسلوبهاا السخيف لمن قامت وهي تتدلع....مين قال الدلع زين؟؟؟...إلا يجيب المرض!!..صدق ان الرجال ماعندهم سالفه!!
الجده وهي مغتاظه: نعنبو ذا الوجه...ذي ماتستحي...ماتعرف الحيااا....شوفي وين رايحه؟؟...لم الرجال...آآآآآه..بس والله اللي ماعرفوا يربونهاا..."
-الله يهداك يا جده وراك مغتاظه؟؟...ماعليك منهاا...الشره على اهلها"
الجده وهي تكلم بصوت واطي: اناا خايفه تآخذ منك رجلك يا بنيتي...ترى الرجال ضعيفين قدام المره..."
- ولا عليك يا جدتي...انا ملكه مو اي وحده ثانية..." وكملت وانا امزح: بعدين لا يغرك ولد بنتك ترى ماملى عينه غير ملكه..."
الجده وهي تضحك: اقووول...تذكريني ببنت خالتي عمشة ...بس يوم اعرس عليها زوجهاا... حرمت تغتر بنفسهاا..."
-حراااااااام عليك ياجده..انا مغرورة...على العموم بروح الحق رجلي اخاف اجي القاه معرس عليهااا..."
ضحكت ابتسام وجدتي على الموقف ورحت انا للمدخل بشوف صدق وافي مع مرام ولااا لاااء؟؟... وش تتوقعون؟؟؟..طبعا لقيتها واقفه...وشعرها يتطاير بنعومة حول وجهها ونظراتها اللي رافعتها لوافي ناااااااعسه ولا احسن فيلم رومانسي....حسيت بغيض فضيع...وافي كان يطالعها وحسيت انه متفاجأ واتمنى اعرف وش تقوله عشان يصير متفاجأ بالطريقة هاذي؟؟؟
ماقدرت امسك اعصابي فقعدت اصفق برواقه: مبروووووووك...افضل مشهد رومانسي للسنة هاذي؟؟"
لف علي وافي وكأنه ما توقع شوفتي: ملكه؟؟...وش هالكلااام اللي قاعده تقولينه؟؟"
-لااا ابداا...بس قاعده اصفق لكم...مشاء الله ابدعتوا بمشاعركم..."
تقدم وافي مني ومسكني بقوة مع ذراعي....: ايييييييييييييي...وافي عورتني.."
وكملت وانا اشوف مرومه ترتجف غيض: ماله داعي تظهر مشاعرك قدام الاعدااء..."
مرومه بعصبية: ما اعداء إلا انت..."وبحركة مفاجئة استغربتها بقوة رمت الكاسه اللي بأيدها بوجهي...ضمني وافي بسرعه ونزل راسه...فجات الكاسه قريبه من كتفه مرة وضربت بالجدار وطبعا حاست ثوبه...ما ادري كم مر من الوقت؟؟...بس انا كنت متسمرة هنااك...مصدومة...وافي دافع عني!!...عني اناا؟؟؟.. ماخلى مرام تطقني؟؟؟...معناته...معناااته يهتم فيني!!....وافي يهتم فيني..!! كنت ارتجف عدم الاستيعاب...وضليت ماسكة بصدره فترة...وسمعنا صوت كعب مرام وهي تروح بس ماتحركنا من اماكنا....
سمعت صوت صيته فبعدت عن وافي بسرعه بس مافاتت صيته الحركة: السلاا...."
وسكتت تطالعنا..انا كان وجهي الوان واعتقد ان وافي ماكان احسن مني...وكنت ارتجف...
صيته بنعومة: آآآآسفه..نسيت ان فيه عصافير حب في البيت هذاا..."
ولع وجهي بسبب كلام صيته..وحاولت اتحرك...بس سمعت وافي يتكلم مع صيته فوقفت بينهم..
وافي: صيته...قولي لعبير تطلعلي ثوب من اثياب رجلهاا..."
صيته وتوها تنتبه للكاس: وش ذاا؟؟..مين اللي كسرها؟؟...صراااحه..انتم حب.."
قاطعتها وانا حاسه ان لساني مو راضي يتحرك: صيته!!..."
ضحكت صيته وهي تلف" طيب..انتظروني هناا..." وكملت عشان تغيضنا قبل لا ترجع المطبخ: ياعصافير الحب!!..."
كنت اطالع بجزمتي وانتم بكرامه ولا تحركت من مكاني...ووافي كان واقف بمكانه بعد...
وافي بعد مدة شوي طويله: ترى مرام ماقصدها...بس اهي ماتمسك اعصابهاا.."
رفعت راسي له ورغم اني كنت خجلانه من لحظات لكني رديت عليه بحرارة: اصلااا هي قليلة ادب...للاسف مااعرف ليش انت معيطهاا وجه؟؟.."
وافي وهو معصب: البنت مريضة..."
: مرررريضة؟؟!!!...وش هالمرض اللي لازم تراعونها كلكم بهالطريقة؟؟...وافي...مرام مافيها إلا العاافية....ماله داعي تقعد تلزق فيك بهالطريقة المهينة!!..." وحسيت اني راح انفعل اكثر لو ماسكرت الموضوع..
وافي بلهجة تسلية: كأني اشم ريحة غيرة!!.."
طالعت فيه وانا اضيق عيوني: غيرة!!...هه؟؟..تمزح انت؟؟..اكيد طبعاا..لا غيرة ولا غيره هذي شغلة احترام لقدسية الزواج...وشغلة كرامه"
وافي بنعومة: اهااا...؟؟..صدقتك.."
: صدقتني؟؟...ليش كنت متوقع اني اكذب؟؟.."
وافي وهو يشوف عبير جايه من بعيد ويقرب مني: لاااء يا زوجتي العزيزة...انت اكبر من انك تكذبين على رجلك..."
تمنيت لو اشوه وجهه بس آآآآآآآآآآه ماكل مايتمنى المرء يدركه!!...
جات عبير واخذتنا لغرفة نومها الفخمة...وطلبت منا نآخذ راحتنا...وكانت بتعطيني من ملابسها.. بس انا عييت ودخلت حمام غرفتها بينما وافي دخل غرفة الملابس عشان يلبس ثوب نظيف...
في الحمام مسحت بقايا العصير اللي جات على لبسي...ولقيت كحل وماسكرا على المغسلة... فزينت وجهي من جديد وطلعت لوافي ولقيته واقف عند التسريحه..يمشط شعره برواقه...تلاقت عيونا في المراية..ولأول مرة اشوف وافي يبتسم لي بصدق..
وافي: خلصتي؟؟..."
: ايـــه.....وانت؟؟.."
وافي وهو يعدل شماغه: خلاااص..."
: وافي؟؟..وش اقول لصيته بالنسبة للموقف....اللي...تعرف؟؟!!"
وافي وهو يبتسم بنعومة: قوليلها اللي تقولينه....ماراح تفرق مع صيته لأنها كونت موقف وانتهى..."
: طــ....ـيب.."
طلعت مع وافي من غرفة النوم وهو نزل الدرج عشان يروح للرجال اما انا كنت ابي اروح لمهاا بس قررت اتناقر مع صيته اول قبل ماتفضحني بين خواتهاا....



بعد نصف ساعه تقريبا..



لقيت غرفة مهاا مقفلة فطقيت الباب كذا مرة...لدرجة شكيت اذا كان في احد بالغرفة...بس لمن انفتح الباب...كان فيه وافي ومهاا قاعده تبكي...استغربت..وقبضني قلبي...وش فيهاا مها تصيح؟؟ .. لا يكون وافي قالها شيء عني...
: مهاا عيوني وش فيك؟؟.." وجيت جلست على السرير ومسكتها من كتوفي....وانصدمت من رد فعلهاا.... دفتني بقوة...وكانت عيونها حمر من الدموع...
وافي بعصبية: مهااا..ما اسمحلك تمدين يدك على مرتي....هذي جزاتها انها خافت عليك..."
مهاا وهي تصيح اكثر وتطالعني وانا اوقف: اطلعوا برررررره....انت ومرتك....ما ابي اشوفكم ..."
وافي وهو يطالعني وبعصبية وبصوت واطي: وش سالفتها هالبنت؟؟؟...صار بينك وبينها شيء؟؟"
: لااااء....نهائيا.." وطالعت بمهاا وانا مستغربة من صياحها وهي دافنة نفسها بين مخداتها وتنتفض ...
وافي وهو يسحب ايدي: على العموم يا آنسة مهاا إذا راقت اعصابك..انتظر منك اعتذار..."
وطلعنا من غرفتها وسكرنا الباب...
وافي وهو يلفني اواجهه وبعصبية خوفتني: بذمتك...صار بينكم شيء؟؟.."
: لااااء...طلعت انا على طول بعد ماتركتني...."قلتها بدفاع...
وافي وهو يآخذ نفسا ويتكلم ببرود: دقت علي وقالت انها تبيني بحكي مهم.... كلها خمس دقايق... جيت لقيتها منهارة وعيت تقولي وش هو الطلب اللي اهي تبيه....ولا قالت ولا كلمه لي..."
: طيب..مفروض ما نخليها لوحدهاا..."
وافي وهو يبعد عني عشان ينزل الدرج: الافضل انك تخلينها بحالهاا اعرف مهاا اذا كانت زعلانه ..."
طالعته وهو ينزل الدرج..ورجعت طالعت بباب غرفة مهاا...ابي ادخل اكلمهاااا...الصراحه انا مستغربة من ردة فعلهاا...لا يكون زعلت لأني طلعت من غير ما اكلمهاا...بس مهاا مو سخيفه لهالدرجة...ياربي....ترددت للحظات بس قررت اني ادخل على مهاا بالاخير واللي يصير يصير ...
فتحت باب غرفة مهاا..مالقيتها على السرير...سكرت بباب الغرفة وناديت باسمهاا باعلى صوت..
بعد لحظات انفتح باب الحمام...وطلعت منه مهاا...كانت عيونها حمر متنفخه...وماسكه كرتون مناديل بايدها...ودموعها قاعده تسيل بسرعه..
: مهاا ياقلبي....وش فيك؟؟"
ورحت لها كنت ناوية اضمها...بس بعدتني عنها بقوة...
مها بعصبية وباحتقار: لا تقربين مني...ياعقربة...."
لدغتني كلمة عقربة....انا عقربة؟؟؟!!...طيب ليش يا مهاا..وش صار؟؟؟..
: مهاا وش هالكلام؟؟"
مهاا وهي تمسك الجوال وترميه بقوة على الجدار: انت اللي قوليلي وش هالكلام؟؟...ليييييييه يا ملكه؟؟...وش ناقصه؟؟...قووولي..."
طالعت بالجوال اللي تكسر على الجدار....وحسيت اني شوي تايهة...
: وش تقصدين؟؟..."
مهاا وهي تتهاوى على سريرها: ابداا..ما اقصد شيء...غير ان كل الحكي اللي بيني وبينك انتهى يا ملكه..."
: مهاا....فهميني وش السالفه؟؟..ليش تصارخين علي.؟؟ ابي اعرف وش الذنب اللي انا ارتكبته؟؟ ..."
سكتت مها لحظات ومسحت دموعها بكفهاا وهي تحاول تآخذ نفس عميق: ملكه..انت خاينه..."
حسيت وش كثر هالكلمة قوية؟؟...وطالعت بالجوال اللي متكسر على الجدار...لقت الرقم!!... اكيد اتصلت عليه!!
مهاا وهي تشاهق: ليه يا ملكه؟؟..وافي يحبك..يحب كل شيء فيك....ليش؟؟...حرااااااااام عليك تخونينه...اهو اللي مستعد يعطيك الدنيا كلهاا...خنتيه بدون اي تفكير...." وحطت ايدها على فمها واخذت تضغط عليه بقوة عشان مايطلع صوت صياحها عالي...
قربت منها بتردد: مهاا...انت فاهمه غلط!!"
ماكنت ابي اخسر مهاا...لكن مهاا وقفت وقامت تضربني بقوة بايديها..كانت تضربني بقسوة... وانا ماكانت عندي اي قوة عشان ادافع عن نفسي قدامها..انا حاسه بضعف...حاسه ان كل مشاعري قاعده تنقلب ضدي وتضعفني وتهزمني...
صرخت فيني: خااااااااااينه!!.....خااااينه...."
وكملت وهي تضربني بقوة على يديني اللي رفعتها قدام وجهي: ومستخدمه جوالي بعد!!...آآآه... مو بس خنتيه...خنتيني معه يالحقيرة....ياليتيمة....صدق انتي مو وجه خير...انــ.."
قطعت جملتها فجأة...وحسيت فيها تبعد عني...كنت ميتة صياااح...شلت يديني ببطء...حطت ايدها على فمهااا من جديد...وكملت بعد لحظات: كاتبه رقمه بعد على ايدك؟؟؟...وين قابلتيه؟؟.. تكلمي ؟؟ ...توك عروس ومع هذا...آآآآآآآآآآآآآآآآه...ياخسارة وافي فيك...ياخسارة كل لحظه عشتيها معه..."
ورجعت تسحبني بقوة وانا اتوسلها تسمعني....ودخلتني حمام غرفتها ومسكت ذراعي اللي مكتوب فيه الرقم وقامت تغسله بعصبية: لا تدخلين هالقذااااارة بيتناااااا....فاااهمه؟؟؟...بيتنا مايصير فيه الحرااام..."
وبعد ماخلصت طلعتني بره غرفتها وقفلت الباب...انا وقفت عند باب غرفتها اتنافض بقوة...كنت حاااسه بخوف...وحسيت ان اوصالي قاعده تذوب..انا حرااام!!....ليييييييييييييه؟؟؟؟...ماكان قصدي اسوي الحراام...اناا...غبيه!!...مشيت بتعب وانا متسندة على الجدار...كان قلبي ينتفض مثل عصفور جريح....وعيوني غاشيتهم الدموع.... تذكرت المستشفى وشلون كانوا يعاملوني فيه ويضربوني....حسيت ببرد قوي يدخل ويعصرني من جوا....يلعب فيني...يجمد اوصالي.. يوقف دقات قلبي....ينهيني...ببساطه يقتلني!!....حسيت بظلال كثيفه من حولي....ومسكت درابزين الدرج وحسيت نفسي اتهاوى ببطء... لما فقدت السيطره على نفسي...!!!

-يبه!!!"
طالعت بأبوي مستغربة...وش يسوي هناا؟؟....ابوي انت مفروض ماتكون هنااا...انت ميت... شلوون...؟؟!!
قرب ابوي مني وهو يبتسم كان وجهه يشع نور ولحيته الطويلة السوداء زايدته جمال!! وريحته كلها مسك...
-يبه ملكه.....ليش تسوين كذاا؟؟.." سألني ابوي بحسرة...وعيونه تمتلي دموع...
مديت ايدي له بضعف ابي المسه...ابي اضمه...ابي اصيح بحظنه...ابي اقوله خذني معك وعمرك لا تتركني...بس هو ميت!! ميت ولا يدري!!....شلون يمشي هناا؟؟...
- ابوي انا تعبانه بدونك انت وامي..انااا محتاجه لكم...ابيكم ترجعون لي...الله يخليكم..."
- ملكه...انا ماربيتك كذاا...وين ايمانك بالله؟؟؟...معقوله لسه تنتظريني انا وامك واخوانك؟؟"
حطيت ايدي على فمي بضعف وانا انتفض: طول عمري راح انتظركم...انتم هلي شلون انساكم.. ابي اجيكم...ابي انوم معكم...خذوووووووني وياكم...لا تخلوني اجيكم بالغصب...."
طالعني ابوي بعتب يوم قلت كلمتي وامتلت عيونه دموع وهز راسه باسى..ودار عني وراح!!
قمت ببطء من الأرض اللي انا متمدده عليها...ولحقته بسرعه..ركضت وراه ودورت عليه بكل مكان بس اختفى...ابوي حبيبي زعلته واختفى!!....كل الي يحبوني يروحون...كلهم يختفون... كلهم يزعلون مني!!
حطيت ايديني على وجهي وصحت بمرارة...وحسيت ببرودة جليدية تخش عظامي يخالطها حر غريب..شلت يديني بذعر عن وجهي...ورجعت غطيت وجهي بخوف..مااااابي..ماااابي اشوف... كانوا يحترقون هناااك....على بعد امتار قليلة مني....صرخت مترجية...خااايفه انااا!!....شفتهم يمدون ايديهم لي!!....ما اقدر اسوي لهم شيء...جباااانه اناا..كان مفروض رميت نفسي معهم.. كان يمكن لحقتهم وارتحت!!







حسيت ببطانية ثقيله تغطيني....فتحت عيوني ببطء....شفت عيون كسلانه تطالعني...حمرت خدودي وتسارعت دقات قلبي....الساعه كم؟؟...متى نمت اناا؟؟؟....
تحركت بضعف على السرير....بس وافي مسكني بقوة...: ارتاحي!!"
طعته بدون ما اجادله..وتنبهت اني مو بالشقه...حاولت اتذكر آخر شيء صار لي!!...وليش انا هناا؟؟...
غمضت عيوني بقوة...وحسيت بقلبي يعورني...مهاا..مساعد..الجوال!!!
وافي بنبرة قلقانه: ملكه..وش فيك؟؟.."
- من متى؟؟" وفت

راح عوضلك كل اللي راح..والماض الئاسي والجراح...ئولي ان شاء الله...راح ارئصلك راح اغنيلك...راح ئضي عمري مئابيليك..ئولي ان شاء الله...
طلباتك والله اوامر...نايم صاحي بئلك حاااااااظر...خليكي الله يخليكي...عمري الجاااي بشوفوا فيكي...بدي انت تربي اولااادي..وتكون الزينه باعيااادي...حبك شهادة ميلااادي.. لااااااا لا تروحي....


اخذ وافي هنا يردد ورا المغني بحماااس..واستغربت انه فتح الشباك ورمى علبة سجايره اللي كان توه مطلعهاا..لأبعد مدى...طالعت فيه مستغربة...فمسك ايدي بقوة...وباسها بحركة سريعه...انتفضت بقوة..وحمرت خدودي...وغمضت عيوني حتى اني حسيت انها تألمني!!...


بدي اتصبح بعيونك..واغفى على ضحكك وجنونك...ئولي ان شاء الله...يا اغلى من الدنيا كلها..عن حبك ماراح اتخلى...قولي ان شاء الله...بدي تكوني بحياتي شمسي اللي بتنور حياتي...خليكي الله يخليكي عمري الجاي بشوفه فيك...


وقفنا اخيرا عند القصر اللي راح تسكنه مرت وافي!!...سحبت ايدي بدون ماينتبه بسرعه ...وحطيتها بحجري....دق وافي بوري...فطلع واحد مصري من جوه...وفتح الباب لوافي بسرعه...دخلنا بالسيارة...وطالعت بحسرة بالحدايق الممتدة من كل جهة...هذا البيت1!! هههههه...صدق حظوظ...قلتها بحسد وانا افتح الباب...
: مشاااء الله...روووووووووووووووووعه..." وكشفت الغطا عن وجهي...ورحت امشي مبهورة بتنسيق الملعب حق السلة...وطريقة السلالم الرخامية الفخمة...واحواض الزرع اللي ابهرتني....من متى؟؟...من متى وهو مخطط على كل هذاا؟؟؟..
سبقني وافي على باب الفله...وحط المفتاح وفتحه...واااااااااااااااااااااو...هذي الكلمة الوحيده اللي طلعت مني!!...
طالعت بوافي مبهورة: وااااااااااااو...روعه يا وافي...الله يهنيك فيه!!...."
وطالعت بالديكورات الغريبة اللي ابهرتني...الديكورات الجبسية اللي على شكل ورود ونخيل وعالم ثاني!! وفيه زي النافورة صغيرة...صراااحه ابداع هالبيت!!
وافي وهو يسبقني: اوريك الدور اللي فوق..؟؟.."
هزيت راسي له وتبعته بسرعه.... وراني اول غرفة واللي كانت لجدته....واعجبتني مرة ...
شرح لي وافي وهو يأشر على الشبابيك: راح نحط لها قماش خفيف على الشبابيك... علشان الشمس تدخل غرفتها...تعرفين اهي مريضة ومحتاجه شمس!!..."
: ايه...مشاء الله راح تحبهااا مرة..بس صعبه عليها تطلع الدرج..."
وافي وهو يطالعني: وين نخليها تنوم؟؟...غرفة في الدور اللي تحت؟؟.."
: ايه...طبعا بعد ماتوافق زوجتك...يمكن تكون مخططه لشيء للضيوف...بسس.. احس انو افضل لهاا...انها تنوم بغرفة تحت عشان طلعة الدرج متعبه..."
وافي بابتسامه: اعرف زوجتي قلبها طيب..بتوافق..."
اكلتني الغيرة..آآآآآآآآآآآآآآآآآآآآآه...ليتني اشوفها بسس..خلوني ساكته افضل لي!! ولكم*_*
وافي وهو يفتح باب الغرفة الثانية: وهذي لمهااا..." وكمل وهو يضحك: لأنها مززعجه واكيد بتطب علينا كل شوي!!"
: اهاا..." وزميت شفايفي بغيض...تطب علينا كل شوي؟؟!!...طبعا عريس وعروس مايبون احد يضايقهم !*_*!
وافي: هاا وش رايك؟؟؟..مانحط غرفة لمهاا؟؟.."
رديت ببرود: مدري...اسال اللي بتسكن البيت.."
وافي: ماعليك منها الشور شوري...مو شور احد ثاني!!"
: طيب...حلو ان مهاا يصير لها غرفة في بيتك..."
وافي بجدية: مهاا غلطت عليك..وكانت تبي تزورك بالمستشفى بس انا منعتهاا..."
: لييش؟؟.." قلتها وانا اسكر باب غرفة مهاا والحقه على الغرفة الثالثه اللي جايه بالنص... والدرج الرئيسي متفرع لاثنين بعد يأخذونك للدور الثالث.. ذكرني ببيت عمي...اللي كنت اكره حجمه مرة...
وافي: مهاا تجاوزت حدودها....لا يمكن اسامحهاا...وانت بعد لا تسامحينهاا..."
: وافي..انا مسامحه مهااا...بس ماراح اكلمها..." وهزيت اكتافي وكملت: كافي انها غلطت علي..وهالشيء ماراح انساه لها بس ماراح اخذه معي للقبر...!!"
وافي بفزع: بسم الله عليك من القبر وسيرته.."
وهز راسه وفتح الغرفة الثالثة... كانت اكبر من الغرفتين اللي قبل...واقشعر جسمي يوم دخلتهاا...غرفة النوم الرئيسية... وافي وزوجته راح ينامون بهالغرفة...راح يتذكرني بشماته!! وانا نايمه لوحدي احتظن البرد والمرارة!!...والجروح النااازفة.... حسيت بدوخه ...
وافي مسكني بقوة : ملكه!!...وش فيك؟؟..." وجلسني على الارض البااارده...كان وافي حاط ايده ورا كتوفي...
: مدرري!!...خلنا نروح لجدتي بسررعه!!..." وكملت وانا احاول ابعد عن نطاق جاذبيته المدمر: محتاجه ارتاح..."
وافي هز راسه باصرار: وجهك حاااار!!....متأكده انك بخير؟؟!!"
ابتسمت له بكسل: لا تخااف يا عريس..." ولمعت عيوني بدموع متجمده!!...وقفت ب مساعدة وافي... وودعت غرفة النوم بعيوني...وصور غرفة نومي تهاجمني بدون رحمة !!بعد اسبوع راح اكون بغرفة في بيت جدة وافي اضم المرارة والمخده المليانه دموع.. بينما وافي راح يكون يضم عروسه...والمخده الجافه!!
وصلنا السيارة...فتح لي وافي الباب...غطيت وجهي بسرعه عشان ابكي براحتي...ركب جنبي...وماحرك السيارة.. حسيت بالغطا يتهاوى عن وجهي...مافتحت عيوني عشان ما اشوف بسمة الشماته اللي اكيد مرتسمه على وجه وافي!!
بس اضطريت افتح عيوني ببطء... كان وافي يطالعني بعتب: ليش تصيحين؟؟.."
ما جاوبته لأني انا مو عارفة ليش اصيح؟؟...اصيح لأن زوجي بيتزوج علي.. حتى لو ما احبه لازم ابكي قهرر...انا عرووس!!..بعدين لو ماصحت يمكن راح انجلط!!
وافي بهدوء وهو يمسح دموعي الكثيرة: ماتعرفين شلون دموعك خناجر؟؟!!"
طالعته مصدومة: وشش...قصد..ك؟؟"
وافي بنبرة معذبه: قصدي....ان كل دمعه نزلت من عينك من اول ليلة...طعنه يا ملكه... طعنه.. هناا..." وضرب على صدره بقوة...
طالعته وانا فاتحه فمي:موو فااهمه..." ولااا ابي افهم...وافي وش قاعد يقول؟؟...
وافي مسك راسي بيدينه برقة: انت فاااهمه...كلن قالك...بس عمرك ماصدقتيهم... لأن.." غمض عيونه وحسيت بجبينه يحرق جبيني...واخيرا كمل بحرارة: لأنك عمرك ماحبيتيني ...اناا... عذبتك كثير!!... بس قد ماعذبتك قد ماعذبت نفسي!!...انت نفسي يا ملكه... بس عمرك ماراح تعرفين قدرك هناا..." وبعد عني وهو يضرب صدره بقوة...محل قلبه!!
- وافي..." التفت يطالعني وهو يمرر اصابعه بشعره..
- عيونه!!....وشووو؟؟..مصدومه!!"
- امممم...ايه.." اعترفت وانا ارجع اعدل جلستي..
-ليش مصدومه؟؟..."
- آآآآآآآآآآآه..لأن....امممم...كذااا..مووو...قادره اصدقك!!...سامحني!!"
-مو مشكله...مسامحك...!"
- طبعا من قدك؟؟..بتعرس بعد اسبوع.." ذكرته بعصبية وانا ارجع اضبط غطاي..لازم اصرف الوضع..لأني شوي واذوب...وانا مابي اذوب..حتى لو وافي اعترف لي ببعض مكنونات قلبه...يظل وافي وافي..واظل انا ملكه...وعمر الماء ما يختلط بالزيت...وانا الماء ووافي الزيت!!
وافي وهو يحرك السيارة: صح...بعرس بعد اسبوع..." وكمل وهو يطلع خارج بوابة البيت" وحده طويلة....نحيفه مررررة...شعرها لونه عجيب غريب..ومع الشمس يتحول لشعر جدتي!!....امممم..وش بعد اقول عنهاا؟؟...عيونها غريبة مرة...خشمها خلقته عجيبه .. كنه منحدر تزلق...ههههههه..."
طالعت بوافي مصدومة: تتريق فيهاا...حرااام عليك!!..."
وافي بنعومة: نسيت انك ماتحبيني اسب احد!!..."
: عروسك موب مرام؟؟؟!!"
وافي وهو مفجوع: هههههه...لاااء مو مرام...على اي اساس حطيتي انها مرام!!"
هزيت كتوفي: لون شعرها غريب..وعيونها غريبة...وخشمها موب زين!!"
وافي: اهاا...بس انا ماقلت ان خشمها موب زين...عليها يهبل...ومتأكده ان هذي مرام؟؟ ..ترى في احد ثاني عنده نفس المواصفات..."
: وافي حرام عليييييك...امممم..مفروض ماتزوج وحده من عيلتك...كذااا..اجتماعتنا بتكون صعبه.." اعترفت بمرارة وانا اتحرك بقلق في مقعدي...
وافي: لااا تخافين..اللي اعرفه ان خواتي يموتون عليهاا..وحتى جدتي..."
: وافي...قلي ميييييييييين؟؟..لا تخليني اطلع هبله قدام الناس...اقله يحق لي اعرف مين العروووس!!"
وافي باصرار: لاااء...بعد اسبوع بتشوفينهاا.."
: قصدك بعد اربع ايام!!..لمن تحديتني ذاك اليو..."
قاطعني وافي : لا تذكريني.. كان تحدي سخيف وغبي..."
: حلفت انك تعرس علي!!..وهالحين...مبرووووووك...هذا كل اللي عندي..." قلتها باستسلاام وانا احط راسي على القزاز واغمض عيوني عشان ما اسمع مواصفات عروسته!!
ما اعرف كم مر من الوقت...بس اخيرا وصلنا المزرعه...طلعت من السيارة اول ماوقفنا عند البيت...ورحت ركض جوه...
شفت جدة وافي جالسه قدام التلفزيون...جيت وسلمت عليها وعلى راسها....
الجده وهي مستغربة: ملكه؟؟..وش هالزيارة؟؟..."
وافي وهو يدخل ومعه الشنطة: السلااام عليكم..."
لاحظت ان جدة وافي اشرق وجهها يوم شافها وافي...وسلم عليهاا وجلس قريب منها وهي حاظنته...
الجده بفرح: بتنومون عندي؟؟....والله هذي الساعه المباركة..."
وافي وهو يبتسم لي: لاااء بخلي عندك امانه..."
: وافي بيخليني وبيروووح...وبيتز..." اشر لي وافي عشان اسكت...فخفت منه وسكت على مضض!!
وافي: ملكه محتاجه تغيير جوو...وانت يا بعد عمري يا يمه الله لا يحرمني من ريحتك.. محتاجه لوجه جديد يسليك..."
الجده: اي والله ان كنت ابيها تجي عندي تبات..بس عااد..وانت وياها.."
: افاا يا جده...تبين وافي معي؟؟..ماصدقت افتك منه.." ورفعت راسي له بتحدي..
وافي وهو يصك على اسنانه: هذي هي يا ميمتي...علميها مقدار الزوج...وانه نعمة في هالزمن..."
مدت جدته العصا وضربته بخفه على فخذه: يله براااا...مع السلاااامه..وبعدين اللي مثل ملكه تلاقي بدل الرجال عشر...ماوقفت عليك يا ولد ال..."
وافي وهو مسوي نفسه معصب: طيب طيب...صدق حريم وتجمعوا وانا ضعت بينهم..."
وطلع...
الجده وهي تأشرلي على الباب: روحي لحقي رجلك...شوفي اذا يبي شيء؟؟.."
ترددت شوي..لاقل من جزء من الثانية...ولحقته بسررعه وانا مبسوطة ان عندي حجة: وااااافي..."
التفت علي: هلااااا..."
: اممممممممم..."
وافي: وشوو؟؟"
: تبيي...اه..اممم...اففف.."
وافي يتريق: اممممم..اف..اقول مع السلااامه..."
مسكت يده بسرعه...وحسيت اني انلسعت...بس ماقدرت اشيل ايدي عنه: تبي شيء قبل ماتروح؟؟..شاهي..قهوة؟؟ حليب بزنجبيل؟؟"
وافي: لاااء مابي شيء..انتبهي على نفسك..ولا تركبين الخيل!!..ولا وصيك على نفسك.."
: وااااافي!!..."
ابتسم لي وافي بنعومة: هممم؟؟...وشووو؟؟؟.."
: لا تروووح!!..."
طالعني لثواني واتكلم اخيرا: بسس!!.."
: لااا..تتز....تتزو...اه...لااا..تتزوووج!!" وعضيت على شفتي مستحيه!!
وافي بكسل: بسس!!.."
رفعت راسي له بعتب: تحب تذلني؟؟.."
وافي وهو مقطب حواجبه: ماعاش من يذلك...بس طلباتك صعبه!!..."
: ليش؟؟.." قلتها بسرعه وانا ابعد عنه شوي..بس اهو قرب مني..مصر يذلني!!
: اول شيء روحتي امر مفروغ منه..والله عندي شغل..."
: طيب..انت تعبااان...انتبه على نفسك...." وكملت بحرارة ودموعي تسيل: اذا صدعت زوجتك الجديدة ماراح تعرف تسويلك مساج...لااازم تعلمهاا انت..."
وافي غمض عيونه بقوة وقال سبة قوية لنفسه وتركني وراح!..ركب سيارته بكل بساطه وراح...اشر لي بايدي فامان الله وراااااااااااااح!!..





يا حلو الغروب... كنت انا وجدة وافي اللي صارت جدتي...جالسين في البلكونه...نتأمل الغروب ونشرب شاهي بليمون عشان حلوقنا اللي رايحه وطي مع البرد!!
الشمس تحاول تنتصر على الظلام..بس تضطر بالاخير تستسلم وتنوم بامان..شكلها جميل مثل اميرة نعساانه ترجع تستلم للنوم^_^..
: جدة؟؟"
طالعتني وهي تبتسم: هااااا؟؟.."
:ممكن اناديك يمه!!.."
طالعتني وهي مستغربة...وقالت بكل حنان: اكيد يا بنيتي...وانا اساسا اعتبرك بنتي لأنك مرت الغالي...اللي اعتبره ولدي....واغلى من عيااالي وبنااتي كلهم..."
حسيت بفضول لمعرفة حياة وافي: انت اللي ريبتي وافي ومشاري وخواتهم....؟؟؟"
سرحت الجده للحظات وشربت شوي من فنجالهاا: انا اللي ربيت حصه...وحصه هي اللي ربتهم...وشالتني معهم..."
وسكتت تتذكر...وسكت انا احترام لهااا...
كملت بهدوء: يمكن وافي يقسى عليك لحظااات...بس ترى اللي شافه مو شوووي...تطلقت بنتي ام وافي من زوجهاا...وجابت عيالها كلهم عندي....ورمتهم بوجهي...قالت انها ماتبيهم وانها تبي تعيش حياتها...واذا ابوهم مابغاهم هي ميب مسؤوله ...ليش يروح يعرس وهي لاااء؟؟.. حاولت معهاا انها ماتخلي عيالها..لأنها بكره راح تحتاجهم...بس ولا كأنك تكلمهاا...راحت وتزوجت...وماتت مع زوجها بحادث من ثاني اسبوع....وافي كان اكثر واحد متعلق بأمه...عرف باللي صار...فكرررههها حيل... وتعلق بحصه اللي اعطتهم كل اللي يحتاجونه... كانت تخدمني...وتخدم اخوانها..والله انها ابر من بناتي "
حسيت بالم قوي..مسكين وافي...وش هالام؟؟..اقلها ماتوا اهلي وانا احبهم ومحتفظة لهم بصور حلوة بداخلي...تخيلت وافي الطفل المسكين المحروم من امه...ضميت نفسي.. يابعد عمري..يا وافــ.... قطعت تفكيري؟؟؟...وشووو انا اذكر اسم وافي..حتى لو يحزن مفروض ما اعطف عليه..حتى لو يحبني...ماراح اعطف عليه...!!
: يعني حصه اغلى من امهاا؟؟"سألت بهدوء مشوب بالفضول!!
جدتي قالت: حصه البنت الحنون هي اغلى ماخلق ربي عندي... انا ما انسى يوم انها تذاكر وتقعد تهمزني... كنت توني طاايحه بسبب الروماتيز...هذا اللي يهشم العظام ويلعن جدفهاا.. كانت تحب تنوم جنبي...علشان توفر طلباتي....وحتى يوم اعرست بكيت كثييييي ييير....ووافي بكا كثييييير....وانا كنت طماااعه وماكنت ابيها تعرس... كنت ابيها تعيش معاي تخدمني وتخدم اخوانها...بس الحمدالله انها مادرت وش كنت افكر فيه وقتها...."
انتظرت جدتي تكمل...لكنهاا سكتت...وغرقت عيونها بدموع وقامت تمسحها بشيلتها.. رحت يمها وضميتها بقوة ومسحت دموعها: ليش يا يمه؟؟..ليش تصيحين؟؟..."
جدتي وهي تشاهق: ابكيي لأن حصه تغربلت كثيييرررر... كان زوجها يطقها...ولا عمره رحم ضعفهااا.... حتى وهي حامل اسقطت ثلاث مرات....صدق كان يوم فرح يوم طلقهاا زوجهاا..."
قلت بفضول: متى طلقهااا؟؟..وكيف؟؟.."
- طلقهاا بسبب وافي...وافي اللي كبر وتعلم بره...ومسك كل حلالناا..وصار ينخاف منه ولا يخاف من احد.. طقه وكسر ضلوعه...وخلاه يطلق حصه غصبن عليهااا..."
وضحكت عند هالنقطه: هههههههههه....هذي ميزة وافي...مايعرف التفاهم...شري من كان صغير..."
لا شعوريا قلت: الله يحفظه لي...."
كملت جدته وهي تبتسم لي: بسس ترى مية مرة تمناه...والله اني ما انسى بنات ال... كانن دايم ينتظرنه على باب الفله.. مع انهن اكبر منه!!..."
حسيت بغيرة: كم كان عمره؟؟.."
-يعني كان توه داخل ال15سنة...."
حسيت بنار تشتعل بداخلي فقلت وانا ابعد عن حظن جدته: صدق بنات قليلات ادب!!"
جدتي وهي تضحك: ههههههههه...لااا والله..إلا بلااا ولدي انه مزيون..."
: مو مرررة..يعني ترى فيه شباب ازين منه..."
ضحكت جدتي: الله من الحريم..مانخاف ربنا اذا غرناا..."
: هههههههه...انا ماقلت شيء غلط...صح ان وافي حليووو...بسس..." وسكت يوم جاتت جدتي تضربني بعصاها....وهجيت من قدامها...
: هههههههههههه بروح اسووويلك حليب.."







تذكرت الاغنية اللي غناها لي وافي وانا واقفة عند ابريق الحليب..." ئووووووووول ان شاء الله..." وتمايلت قدام الابريق..وانا اغني بأعلى صوووت..: خليكي الله يخليكي عمري الجاي بشوفه فيك.."
: مشااااااااااء الله!!.."
التفت جزعانه: مهاااااااا!!..."
طالعتني مهاا وابتسمت بكسل: وشووو؟؟...ماتوقعت شوفتي؟؟..."
: لاااء...البيت بيتك..حياااك..." ولفيت عنها وحركت السكر بالابريق واضفت له زنجبيل... وحطيته بالصينية وحطيت كوبين..
: تبين حليب؟؟.."
مهاا وهي تهز راسها: لااااء...شكرا..."
: جايه مع احد؟؟..."
مهاا: وصلني خالي مشاري...اممم...بتروحين تقعدين مع جدتي؟؟.."
: لااا بعطيها الحليب...."
استغربت زيارة مهاا...رحت لجدتي..وحطيت عندها الحليب..وصبيت لها كوب...ولقيتها متمددة على الكنبة...غطيتها ببطانية...
ورجعت لمهاا..بعد ما تأكدت من شكلي في المراية اللي بالسيب...كانت بعض بقايا الكحل حول عيوني...وشعري الحمدالله مترتب..
دخلت الصاله...لقيت مهاا جالسه سرحانه على الكنبة...طالعت فيهاا بتردد...خاايفه انها تكمل اللي بدت فيه ذاك اليوم...وحاسه اني هالمره راح امووت لا محاااله...قلبي ماعاد يحتمل كل هالصدمات!!
: مهاا؟؟!!" نبهتها لوجودي وانا اجلس قبالهاا..
مهاا وهي ترجع شعرها ورى اذنها: آسفه..." قالتها وهي تطالع باصابعها...
: اها؟؟؟"
مهاا: عاارفة اني تصرفت معك بطريقة مرة غبيية...امممم...ماراعيت انك مرت خالي.."
:.............."
مهاا وهي تطالعني بعذاب: بسس انا لمن صلحت الجوااال....رجع دق عليي رجااال.. وقال لي ان فيه وحده متصله علي من الجوال حقي.."
:..........طيب؟؟" قلتها بفتور وانا محتاره اذا اعترف لمهاا بكل شيء ولااا اسكت افضل واشوف لوين بتوصل...
مهاا وهي تقلب عيونها بكل مكان: دقيت على خالي وافي...كنت بقوله انك تخونينه.. مافكرت مرتين اذا اللي انا اسويه صح او غلط...كنت راااح ادممرر خاااال.." سكتت عند هالنقطه وبكت بقوة...
: مهاا...نصيحه مني...عمرك لا تفسرين الامور بكيفك..." وكملت وانا اوقف: مرات ظاهر الامور يكون غير باطنها...وانت لازم تتعلمين من غلطتك....انااا..بروح اخذ لي غفوة..عن اذنك.."
ومشيت وتركت مهاا تبكي لوحدها ورغم ان قلبي كان ميت صياااح عليها...لكن خلاااص ان ملكه مو اي بنت!!...انا عزة اهلي اللي ماتوا فيني!!...شلون لعبت بكرامتي وسمحت للي يسوى واللي مايسوى انه يدوسها...





مرت فترة المغرب ببطء.. وتبعتها العشاا بكسل اكثر!!...وحسيت على الساعه 9:00 ان النوم قاعد يناديني لاحظانه... رحت لغرفة النوم اللي جمعتني انا ووافي قبل فترة...فتحتها ببطء...وكأني متوقعه اشوف وافي متمدد على السرير....بس مالقيت شيء غير الفراااغ!!
تمددت على السرير بتعب...وضميت مخدة وافي بقوة.... يااااااااااه تجنن ريحته!!...دخلت تحت البطانية الثقيله...وفتحت كتاب قوانين الحب العشرة...ثاني قانون...قريته باهتمام.. الاعتراف بالماضي!!...آآآآآآآآآآآآه من الماضي....يجب على المرأة ان تعترف لزوج المستقبل بكل ماضيها ويجب عليه المثل!!...
قريت هالقانون باهتمام....وبعد ماخلصته..طويت الصفحه وحطيت الكتاب على جنب... قمت من السرير....وفصخت ملابسي...ولبست بيجاما ثقيله كحلية...تصدقون اني ما اتكلمت مع مهاا نهائيا!!....ولمن عرفت اني ماراح اسامحها تركتني وراحت قبل نص ساعه... مسكينه والله!!..بس قلبي ماعاد يحتمل!!
غمضت عيوني بهدوء..بس سمعت صوت الجوال يدق...طالعت بالجوال باهتمام...كان وافي...الوافي!!....ترددت اذا ارد عليه او لاااء....بس اخاف يقفل...رديت بسرعه وسكت...
وافي: الوووو....ملكه؟؟"
:......................هلاااء..." رديت اخيرا بخوف!!
وافي وكأنه ارتاح: غريبة مانمتي؟؟!!.."
: كنت على وشك..."
وافي: اهاا..كيفك؟؟..."
: اممم الحمدالله بخير.....الحياه مع جدتك لها طعم غير!!...احس كأني ببرنامج الوادي..هههههه.."
وافي: ههههههههههه.....هيفاء وهبي؟؟"
: لاااء وععع..انا احلى من عشر من اشكال هيفااء..."
وافي بنعومة: صحح!!..."
حسيت اني قاعده اذوب..مثل قطعة الثلج اللي تذوب بصمت..
وافي: ملكه؟؟.."
:.............هلاااء.."
وافي بخبث: ليش سكتي؟؟...هممم؟؟"
: اممممم...ولااا شيء...اه...اممم..وش تسوي؟؟.."
وافي بملل: ولااا شيء جالس على سريري...احاول اني انوم..بس موو قادر.."
: ليش؟؟..."
وافي وهو يقلد صوتي: ليش؟؟...ابدا..لأني فاقد وحده مزعجه لها شهر ونص تنوم معي ..."
حسيت بحرارة فضيعه بجسمي...فرميت البطانية بعيد عني...ودورت شي عشان اهوي على وجهي....
وافي: هههههههههه...وش فيك؟؟.."
: هااا؟؟؟...ابدااا.."
وافي: هااا؟؟؟..ابداا..."
: واااااااااااااااااااااااافي...." قلتها بيأس!! والله انه حمااار!!
وافي بنعومة: عيوووون وافي..."
: امممم...لاااا..لا تكلمــ....ني بهالطررريقة..." وكملت بعصبية وصعوبة: بكره بتزوج قول هالحكي لمرتك!!"
وافي بحرارة: من عيوووني!!...وش تبيني اقولهاا بعد؟؟؟..."
: اممم...قولهااا....لنار جههنم ان شاء الله..."
وافي: لاااا بسم الله عليها ان شاء الله بجنات النعيم!!"
: تحبهااا؟؟...قلبك جمارك!!"
وافي: هههههههههه...قلبي ايش؟؟..."
: اه...قلتلك جمااارك...يحب كل شوي!!...."
وافي بخبث: الشرع حلل اربع...عشان كذا لازم احب اربع..!!"
: بسس!!...انت.....تحـ....تحب وحده صح؟؟؟" وحسيت بلساني لصق بحلقي عند هالحد...
وافي: احبهااا بس يبيلها تكسير راس...ترفع ضغطي كثير...وتثير فيني مشاعر اكررههها ..."
: مشاعر تكرهها؟؟.."
وافي وهو يأخذ نفس: تحسسني اني ضعيف عندهااا..عشان كذا اجبر نفسي استقوي عليهاا غصبن علي..."
:..............."
وافي بكسل: ملكه؟؟..."
سكت ولا رديت عليه حسيت ان قلبي كل العالم تسمعه...وتجمدت بسريري...ياربييي... وش اللي قاعد يصير فيني...يااارب اكوون اقوى من وافي...ومن عشرة مثل وافي!!..
وافي بقلق: ملكه؟؟...نمتي؟؟..."
:.................."
وافي باستسلام: ماراح اقفل...بجلس على الخط معك حتى لو انك نايمه...بس تصبحين على خير.."
: وانت من اهله!!...تقدر تقفل.."
وافي بنعومة: لااااء راح اظل معك على الخط...يله نومي ولا تزعجيني..."
خساارة..
مابقى فيني شعور للهوا شفقان...!!
طرحت العاطفه...
وانت ترى...
آآخر من يهمني!!!!

الفصل السابع والعشرين...


كانت ايامي بالمزرعه ممتازة...زاد وزني..اشرق وجهي...بانت الصحه على كل حركة من حركااتي..نفسيتي تحسنت كثير..خصوصا مع سواليف وافي في آخر الليل وبداية الفجر ... مع منظر الخيل وهي تسرح وتمرح في المزرعه في المكان المخصص لهاا.. مع منظر الحمام اللي كل يوم افتح له الصندقه بنفسي!!
جدة وافي اعتبرتني مثل بنتهاا...وعاملتني بحنان فضيع...وكنت استشعر هالحنان بكل سعاده ... ماكنت مصدقة ان هالشيء يصير لي وان حياتي خلااص صارت افضل حياة في الدنياا... حتى اني نسيت موضوع زواج وافي مع انه من وقت لثاني كان يظهر لي ويعكر علي تفكيري...بس وافي كان دايم يطمني بكلااامه...كنت احس بحبه..وكنت شبه متجااوبة معه...كنت ابي اتجاوب معه..بس خوفي من اشياء كثيرة كان يمنعني اتمادى بمشاعري ...خصوصا ان هذا وافي مو حي الله!!



الساعه10:00ص



حسيت بسعاده فضيعه وانا اشوف شغالة صيته تدخل المطبخ ومعها منوو...شلت منو وانا حيل مبسوطة وقطعت خدها تبويس.. طلعت من المطبخ بعد ماقلت للشغاله تكمل شغلي... ورحت ابي اشوف وش مناسبة هالزيارة من صيته..لأن مو عادتها تجي بنص الاسبوع وعلى وجه الاختبارات النهائية..
من صدمتي لمن شفت منظر صيته المأساوي...فتحت فمي مفجوعه... كانت صيته جايبه عيالهااا كلهم...ومعها شنطة سفر كبيرة تجرها بتعب...
رحت يمها بسرعه..وانا مصدومة...وسلمت على بنتها وولدها بسرعه... وضميت صيته بقوة...
: صيته...وشووو؟؟..وش صاار؟؟.."
صيته وهي تشيل غطاها عن وجهها: انا تعباااانه يا ملكه..." وقامت تصيح بقوة وبحرارة ...
: صيته حبيبتي..."
تجمعوا عيالها حولها وقاموا يصيحون...معهاا...وحتى منو الصغيرة قامت تصيح بحرارة وكأنها تعرف امها وش تحس فيه...
حسيت اني مرة متوترة...وماعرفت شلون اتصرف بمثل هالحاله؟؟..الله يذكر ايامك بالخير يا عفراا... كانت تعرف تصرف بالحالات المأساوية...
ناديت الشغاله حقتهم وخليتها تآخذ الصغار جوه..وسحبت صيته لغرفتي اناا ووافي.. علشان ماتسمعها جدتناا...اول مادخلت الغرفة..رمت نفسها على السرير..وصاحت بمرارة ... تركت منيرة على الكنبة...ورحت لصيته ومسحت على شعرها بنعومة..
: صيته...اسمعيني..البكاا عمره ماكان حل لأي مشكله..."
صيته بمرارة: يكلمهاا يا ملكه...يكلمهاا...اسمعهم يتغازلون قداام عيوني... ماراعى وجودي ...يطلع بالساعات عشان يسولف معهاا... واذا سألته تعذر لي بأشياء كثيرة... وبالأخير اعترف لي انه يطلع معاها عشان يأثثون البيت..."
عورني قلبي على صيته مسكينة يا عمرري...: صيته عيوني...خلاااص..مايستاهل دموعك اذا هذي سوااته..."
صيته وهي تلتفت لي: ملكه انا بتطلق منه...ما اقدر اعيش معه..لو تشوفين الجحيم اللي اعيشه يوميا....احس بناااار تحرق صدري.. ولااا ترحمني.."
قلت لها بهدوء: مو كذا تنحل الأمور...الأمور لازم تنحل بهدوء..واحنا قلنا الصبر ياصيته ..اصبري على رجلك وان شاء الله تقدرين تغلبين على مشاعرك... بعدين لا تنسين عياالك ...تراهم محتاجين زوجك..محتااجين ابوهم"
صيته بأصرار: يخسي يآخذ عيااالي..والله لو اخليه يدور عني بكل مكان..عيااالي لا يمكن اخليه يآخذهم...عشان تربيهم بنت الــ..."
قاطعتها بسرعه: هدي اعصاابك..بروح اجيبلك كاسة مااء..واغسلي وجهك مو حلوة تشوفك جدتك بالشكل ذا...اكيد الحين درت انك جيتي وميتة خوف عليك.."
هزت صيته راسها لي وراقبتني وانا اروح اطلع من الغرفة ومعي بنتها الصغيرة...خليت الشغاله تودي لها كاسة ماء.. ورحت للصاله عشان اشوف وش مسوين عيالها الباقيين؟؟.. لقيتهم جالسين على سبيس تون.. يا حلو البراءه...قبل شوي يصيحون وهالحين مبسوطين على افلام كرتون...شفت عجوزنا ناايمة وقدامها كاسة الحليب اللي لسه ماشربتها..رحت يمها وبستها على راسها وغطيت جسمهاا زين..ورجعت لصيته...
لقيت صيته تمسح دموعها بالمناديل وتشرب كاسة الماء..جلست عندها على السريرحطيت بنتها بالنص بيناا...
صيته وهي تبوس خد بنتها: والله قمل( قمر)...." والتفتت علي: وش مجلسك هناا؟؟.. وين وافي؟؟.."
: واافي مسافر!!..وانا هنا لي ثلاث ايام.."
صيته وهي تطالعني مستغربة: مساافر؟؟..وافي انا شايفته امس..."
: وشوووو؟؟.." قمت على طول من السرير وحطيت ايدي على راسي...حسيت بصداع فضيع..وش قصدها ان وافي في الريااض...
: صيته انت متأكده؟؟..يمكن كان توه جاي من السفر؟؟.."والله ان قلبي كان قارصني كنت حاسه ان في الموضوع ان...
صيته بتردد: ايه...لاااء...مدري والله!!..اخاف اني اسبب مشكله وانا مانيب دارية!..."
: صيته..اخوك الاستااذ..قايلي انه مساافر..اكيد بيصرفني عشان مرته الثانية.." وارتجفت شفايفي بقوة..والله لوريك يا واافي...مو انت اللي تضحك علي...خذيت الجوال ودقيت عليه ..
صيته وهي تحاول تسحب الجوال من ايدي: ملكه انتظري.."
: الووووووو...بعدي عني يا صيته.."
وافي بنعومة: هلاااء...هلاااء بملكتي هلاااء....شوي شوي وشفيك تصاارخين؟؟..."
: واافي؟؟..متى بتجي من السفرر..؟؟"

وافي الكذااب ببساطة: بعد بكره ان شاء الله...ليش؟؟.."
: واافي يا حمااااار!!..يا كذاااب.."
وافي قبل لا يستوعب اللي قلتله..لقاني قافلة الخط بوجهه...
: قاعده احاول اهديك واكتشفت اني انا اللي محتاجه لهدوء.."وجلست على السرير ودموعي اربع اربع...
صيته بأسى: رجالنا مجموعة كذابين.."
: استااهل والله...انا استاهل..مفروض اني ما اخليه يتحرك بدوني..."
دق الجوال بعد كلمتي على طول...كان وافي..اعطيته بزي..ورجعت ابي اتكلم مع صيته.. بس دق من جديد...واعطيته من جديد بزي..حوالي الثمانية مرات وانا مستمرة..بالأخير صيته خذت الجوال مني: الوووو...وافي انا صيته..."
وافي وصوته عاالي حتى انا سمعته وانا بعيده شوي عن صيته: ووين ملكه؟؟.."
صيته وهي تطالعني وتأشر لي انه معصب: ملكه بالحمام!!...تبي شيء؟؟.."
وافي بصوت مكتوم: صيته..لا تكذبين علي..عاارف انها قدامك وتغلي زعل.. خليني اكلمهاا..."
صيته بجدية: لااااء...راح تهاوشون اذا تكلمتوا.." وكملت بمزح: بعدين دامك كاذب عليها كان كذبت عليناا بعد...ولااا كان علمتني عشان اخبي عليك!!.."
ضربتها بقوة على كتفها الحمااره بتعاون مع اخوها ضدي!!...
وافي وهو يصرخ: صيتووووه!!...مالت عليك من اخت..."
صيته بأسف وهي تبتسم لأنها حارقة اعصاب وافي: وافي لا تززعل...بس والله مايصير تكلم ملكه الحين.."
مديت يدي للجوال...بس صيته عيت..: لااا يا شيخه تبين تسببين مصيبة لنفسك؟؟.."
: صيته..روقيني خليني اكلمه بسرعه..واشوف وش عنده!!.."
صيته وهي تبتسم بلؤم: تصدقون اني ارتحت بعد ماشفتكم...هههههههه...اسمحولي بس اشكالكم تززنن وانتم تهاوشون...ياا عصاافير الحب.."
ضربت صيته بقوة وحاولت آخذ منها الجوال بس كانت اقوى
مني...طحت على ألأرض وتعورت...فخافت واستلسمت وعطتني الجوال اول ماحطيته على اذني سمعت صراخ وافي اللي خرق اذني..: حمااااااااااااار؟؟..هااا؟؟ انا رجلك تقولين علي حماار؟؟.."
كنت ابي اتهاوش معه بس لقيتني ادافع عن نفسي: واافي..اسمعني..انت..انت..غصبا علي قلت لك كذاا...لأنــ.."
وافي بعصبية وبدون تفااهم: خذي سواق صيته...وتعاالي البيت بسررعه...صدق معطيك وجه اناا...الشرهة علي اللي مراعي فيهاا مشاعرك!!."
طالعت بالجوال وانا مو مصدقة...وافي قفل الخط بوجهي..الحماااار!!
صيته: بتروحين له؟؟.."
: لااااء...من جدك اروح؟؟..مفروض اهو اللي يجي يراضيني موب انا اللي اروح له.."
صيته بخوف: ملكه؟؟...انا اعرف وافي زين...وبعطيك معلومة صغيرة...عمر وافي ماصرخ بالطريقة ذي...وهذا اذا عنى شيء...فهو يعني شيء واحد..انه معصــــب عليك ...فهمتيني"
طالعت بصيته وانا اوقف من على السرير: يعني..اروح له؟؟.." وضميت نفسي بخوف.. يمكن انا فعلااا غلطت على وافي...مفروض ما اقوله حماار..جد لو احترمه ماكان قلت له هالكلمه...ياربيييييييه ساعدني...
صيته بتوتر: نعنبو ذا الوجيه...هالحين انا جايه اقولكم عن مصيبتي لكن شلت مصيبتكم.. شلي شلايلك وروحي لرجلك.."
: لااااء..هذا آخر قرار..اللي يبيني يجيني.." وسفهتها ودخلت الحمام!!..








بالمطبخ وانا قاعده اقطع السلطة وصيته جالسه قدامي تمسح دموعهاا..كنت اطالعها... زوجها دمرها بالمره...صيته تغيرت...حتى صوتها انخفض ولااا عاد زي اول.. عيونها تغيرت من كثر البكااء... جسمها نحل..صاارت حساسة رغم انها كانت قوية وهذا اللي كنت اعرفه عنها من مهاا...
صيته وهي تكمل: محد راح يفهم احاسيسي....بيقولون لي الشرع..اناا ما اعترض على شرع ربي..بس غصبا عليي...تخيلي معي ان وافي يكلم وحده غيرك...ولااا احلى كلماات .. كلمات حتى بشهر العسل ماسمعتيها منه... تخيلي انها تعزمه على مطااعم...ويروح يطيعهاا...وانااا...اناا اللي كنت اعزمه دوم..عمره ماقبل عزومتي... كان دووم يحسسني اني بنت آل...اللي ماتليق بمقامه...ويوم صدق رفعت خشمي عليه... بسببه اهو وبسبب تصرفااته...رد لي الصاع صاعين...وخطب...خطب يا ملكه...ولااا دريت... ولااا كان عندي علم..."
وقفت صيته شوي تتذكر ذيك الأيام...الله لا يحسسكم بمشاعرها...مشاعر الأهانه والطعنه والألـــــــــــــم..
صيته رجعت تبكي وتتكلم وتشاهق: تخيلي اني اناا اللي زينته يوم ملكته... اناا اللي طلعت له مشلحه... وانا اللي بخرته... وانا اللي اخترت له كل قطعة يلبسهاا.. اول مرة يا ملكه يطيعني...اول مرة مايجادلني بملااابسه...جااني اتصاال على رقم البيت..وكانت حرمه تشمت وتقولي تعرفين وين زوجك فيه؟؟..آآآآآآآآآه...انا يا ملكه...صيته آل...صرت علكة بحلوق النااس...اناا..اللي ياما تهاوشوا علي عيال جماعتي مع هذا رفضتهم... ملكه قوليلي شلون اصبر وهو خدعني...وهو طعني..."
تركت الطماطم اللي بأيدي ونشفت ايدي بالمناديل وربت على كتفهاا : صيته.. والله رجلك مايسوى دمعه من دموعك...يحمد ربه انك كنت بيوم مرته.."
صيته وهي تحط يدينها على وجههاا: بنهاار...مو قاادرة اعيش اكثر...ابي امووت ولااا احس باالأحاسيس اللي حسيتهاا واللي قاعده احسها كل لحظة سواء قريبه او بعيده عنه..."
: صيته..هدي اعصابك يا عمري..مايسوى اللي تسوينه بعمرك...اشربي موية.." وصبيت لها كاسة مااء...شربت منها شوي ورجعت تصيح من جديد...
: شرايك تآخذين لك غفوة...واذا جهز الغداء قومتك..نروح نآكل قريب من الأسطبل..."
صيته ما جادلتني وقاامت من على الطاولة وطلعت...طالعت بظلها وهو يبتعد..مسكينة يا صيته...الله يصبرك ويصبرني معك!!





اممم...ريحة الغداء تمام التمام...غطيت القدر..وخليت الشغالات يجهزون باقي الأغراض.. طلعت من المطبخ...وسمعت صوت سيارة... استغربت مين اللي بيكون جااي بهالوقت؟؟.. رحت للصاله بسرعه..عشان لولااا سمح الله كان مشااري ولا واحد من شباب العايله... اول مادخلت لقيت جدتنا قايمه وقاعده تسبح وتستغفر...جيت جلست يمهاا وحطيت راسي على كتفها ا...وغمضت عيوني بتعب...يااااااااه صدق احب هالانسانه...لو وافي يطلقني اكثر ماراح اخسر هي..بس هي ولا هو...هههههه..خلوني سااكته افضل...!!
: السلااام عليكم.." قالها وافي وهو يدخل الصاله..ركضوا له عيال صيته بسرعه وتعلقوا بيدينه ورجوله...
انا فزيت بسرعه من مكااني...خفت منه مرة...لأنه كان يطالعني بنظرات شيطانية.. وهو يشيل بنت صيته الكبيرة ويعلقها برقبته ويجي يسلم على جدته...نزلوا عيال صيته من فوق اكتاافه وراحوا يعلمون امهم مبسوطين...
وافي برقة تقهرر: كيفك يا يمه؟؟..والله انت الوحيده اللي اشتقت لهاا..."
بردت حرتي جدته يوم ضربته على كتفه: سلم على مرتك..حشاا لو انها عدوتك.. وانت قاطها عندي بالمزرعه لا تسأل ولا تجي تشوفهاا...حتى لو مساافر تنزل وتسلم عليهاا.. ماخبر ان جدك كان يقاطعني بالطريقة ذي!!..."
وافي وهو يلتفت علي: كيفك يا عمري؟؟..كيفك يا مؤدبة؟؟..يا للي الاحتراام ينقط من لساانك ؟؟.." طبعا الجملتين الأخريتين كانت بأذني...باسني على خدي برقة.. لااااااء.. دوروني في هاللحظة ماراح تلاقوني...وجهي الوان الطيف..انفاسي تطلع بصعووبة.. احس بغصة بحلقي... وقلبي ينبض بجنون...
: ياهوووه يا حركااات...ما قلت لكم عصاافير حب ماصدقتووني..."
كانت هذي صيته اللي توها قايمه من النوم وكانت تقول جملتها ببرود مو بنفس الحمااس اللي دوم تتكلم فيه...حسيت اني مرة غلط..واني اكيد هيضت بعض المشاعر عند صيته..
وافي وهو يسلم على صيته: آآآه يا النذله...ماتعرفين كيف تخبين على اخوك؟؟.."
صيته وهي تغمز لي: لو دريت ان كلمتي بتخليني اشوف هالحركات الرومانسية كان قلتها من زماان.."
: صييييييييييييته!!.." قلتها وانا مقهورة منهاا..
وافي وصيته بنفس الوقت وهم يقلدون صوتي: صيييييييييييته!!..هههههههههه"
تكلمت جدتهم بهاللحظة: انثبرواا..وليش الوقوف؟؟.."
وافي بنعومة وهو يهمس لي: لسه زعلااانه؟؟...ترى مفروض انا اللي ازعل.."
مارديت عليه..لأن الكلمات تجمعت ووقفت بأعلى حلقي ولااا قدرت انطقهاا..حسيت بالعجز ابي ارد عليه بس مو قاادرة...آآآآآآآآآآه ياالقهر..وافي حط ايده ورا كتفي وجلسني جنبه..وصيته تغمز لي وانا اتوعدها وجلست قبالتنا... حمرت خدودي مرة من قرب وافي ...قربه دفااا..يشعل كل مافيني.... يجنني..يفقدني سيطرتي على كل نبضات قلبي..وعلى انفاسي...وحتى على مجرى الدم في عروقي... تعرفون وش اسم هالمشاعر؟؟..انا عن نفسي مو عاارفة...
حسيت اني مغنية تحت اضاءه مركزة وينتظر منها تغني بطلاااقة...وانا اطاالع في المجموعة اللي حولي كلهم يطالعون فيني...صيته ووافي والجده..وحتى عياال صيته اللي رجعوا..حسيت باحراج فضيع وبان هالشيء على حركااتي المتملله..وعلى العادات العصبية اللي قمت اسويها لااا شعوريا..مثل طقطقة اصابعي... واخبط رجلي بالارض... واهز رجلي الثاانية.. وارجع شعري ورا اذني..وابلع ريقي كذا مرة..
وافي اللي اخيرا حن علي..اخذ الريموت ورفع الصوت على قناة العربية... وكان فيه خبر مهم عن الحروب الطائفية اللي بالعراق...وبما اني من النااس اللي ما احب اشوف مناظر الدماء والظلم اللي قاعد يصير..وقفت واشرت لصيته تجي معي... وصلت المطبخ ولحقتني صيته على طول...جهزنا الغداء بالصحون...وحطيناه بنفس المكان اللي اتفقنا عليه... ورجعت صيته تعلم البااقيين عن مكاني...اما انا جلست مكاني...وكان معي شرشف الصلااة احتياطا لو جاا مشاري...
الجو كان باارد بس كان روعه...والمزرعه في مثل هالوقت كانت خلااابة...خصوصا ان وافي متعني فيهاا...وشكلها ولااا بالخياال...منظر النخيل مريح للاعصااب..واصوات الخيل تسعد القلب... انا اللي كنت اكره الحيوانات صرت امووت فيهاا...بس فيه مقدار من الخوف ماال موجود...يعني الكلاااب مثلااا لا يمكن اقرب منهاا....كافي اللي صار لي من واحد ومو مستعده اكرر التجربة....
اخيراا طلع وافي ومت ضحك يوم شفته شايل جدته وهي تطقه تبيه ينزلهاا بس كان رافض نهائياا وكان يسابق عيال صيته....وصلوا بالسلااامه والنتيجة كانت فوز عيال صيته طبعاا^_^
الجده وهي معصبة: وااااااافي يا قليل الأدب..على آخر عمري تشيلني كني بزر.."
وافي وهو يضحك ويجلس جنبي: الله يهداك يا يمة...يابعد حيي...اذا ما اشيلك..اشيل مين؟؟.." وضرب كتفي بقوة وكمل: اشيل هالعصلااا....اصرف اشيل منيرة بتكون اثقل منهاا.."
صيته اللي اخيرا وصلت وجلست: قل اعوذ برب الفلق...ياااويلي اذا مرتك الرشااقة مقطعتهاا...ترى بنيتي وش زينهاا وراها ناس توكلهاا...وتشربها..لكن انت؟؟..هذا وجهي ان اهتميت بأكل مرتك..."
وافي وهو يميل علي وانا افتح الحافظة حقت الرز: اذا ما اهتم بأكل الحلو اهتم بأكل مين ؟؟.."
وجهي..وجهي...وجهي...الحقووووني..الله يقطع ابليسك يا واافي...
صيته: ههههههه...خلاااص ارحم البنية ترى وجهها صار طماطه..."
: صييييييييييته!!...وااااااااافي!!...حشا بزران...اكلوا ونتم سااكتين..." قلتها وانا مسوية معصبة..وغرفت للكل بصحونهم..ولمن جا دور وافي... لااا شعوريا مليت له صحنه اكثر من الباقيين..
صيته وهي توكل بنتها: اوف اوووف..هذا كله لرجلك....حرااام عليك يا الظالمه..بزراني في طور النمو ماحطيتي لهم ذا كله..وبعدين رجلك هذا هو وش كبره..باب متحرك ..."
لا شعوريا رديت عليها: قولي مشااء الله...بسم الله على واافي..بتنضلينه حسبي الله على عدوينك.."
الجده وهي مبسووطه: اييييييييه هذي المره السنعه اللي تحرص على زوجهاا...مو كل شوي وهي زعلااانه عليه.."
صيته بضيق: وش قصدك يمه؟؟.."
وافي وهو يمزح: اللي على راسه بطحة...الله لا يحرمني هالأيدين يا قلبي.. كلك ذووق.. بس انا عاارف وش تفكرين فيه؟؟.."
طالعت فيه مستغربة وطالعت فيه صيته بعد..كمل وافي بثقالة دم قهرني فيهاا: تبيني اسمن.. عشان يوم عرسي اكون فيل متحرك مو باب!!...لذا وعنادا فيك ماراح اكل الأ اللي بصحنك وانت بتآكلين كل اللي بصحني..."
: واااااااافي!!...صدق انك ماتستاهل خير...هات صحنك..."
صيته وهي تضحك: كخخخ...احسسن...احسن..هوهو..هوهو..هع هع..."
وافي مسوي فيهاا معصب: صيتتتته...احترمي مرتي..مايحتاج تفشلينها.." وكمل عشان يقهرني: كاافي اني طيحت وجهها كذا مرة..كخخخ.."
: وااافي!!..." وطالعت فيه بتهديد...
وافي وهو يحط ايده على صدره ويصرخ: اي اي...صابتني..."
جدتنا اللي عصبت: وااافي احترم العيشة واسكت..."
ضحكت عليه: كخخخ..." وحركت له حواجبي اقهره...وسبحان الله اللي نساني ليش زعلااانه عليه؟؟.
اكلنا واحنا ساكتين...وانا عيوني كانت تنقل بفرح بين الكل..كنت احس بسعااده فضيعه.. عندي كل شيء ابيه في هالدنياا...زوج رائع...جدة حنون...حماة عسل...عيال حماة يآخذون العقل...الله..وش ابي اكثر من كذا؟؟...شكرا يا ربي...انا منربط لساني صدق ومو عارفة وش اقول...لكني قررت قرار لا رجعة عنه...ماراح اخلي وافي يطلقني...والزوجة الثانية يا أنا يا هي؟؟..

خلصنا الغدا..وشالوا الشغالات الأكل...وراحوا عيال صيته عشان ينامون...ام صيته قررت تروح غرفتها وترتاح شوي...وجدتنا حبيبة الكل...قررت تروح لغرفتها تسمع لها شوية قرآن... وطلبت مني اجي معها عشان اشغل لها الأستيريو لأنها ماتعرفله... مسكني وافي وجرني له قبل لأتحرك...
همس لي: ابيك هناا...لا تطولين...عندي لك خبر حلوو.."
: طيب..ان شاء الله"
ورحت ورا جدتنا وانا حاسه ان مشيتي غلط..مدري ليش مراقبة وافي لي..تسبب لي توتر فضيع..احسه يقرا احاسيسي ويعرف افكااري.. مثل الساحر!!...الساحر وش بعد ماقلت عنه؟؟..ضيفوا هالصفة لباقي صفات وافي...
وصلت لغرفة عجوزنا..وغيرت لها خداديات الكنبة عشان ماتعور ظهرها...وشغلت لها شريط قرآن لأحمد العجمي.. وطلعت من الغرفة...كنت مدرعمه ابي اروح ارجع لوافي.. بس خطرت لي فكرة جهنمية لمن مريت من مراية السيب..طالعت بلبسي..كنت حوووسه .. جلابيه مغربية قديمه...شعري متطاير..مافيه اي مكيااج....حسيت اني محتاجه بعض الرتوش!!...ومو اي رتوش!!...






وااااو..الأرض الخضراء للمزرعه...النسيم البارد...ريحة الماء مع الأعشاب مع التراب.. صوت صهيل الخيل....كل هالمؤثرات زادت شكلي حلاوة...لأن نفسيتي انعكست على وجهي...وزادتني جمال على جمال!!...كنت لابسه ببساطة تنورة بنية قطيفه قصيرة وبوت عالي...ولابسه بلوفر ناعم بيج..وحاطه مكياج راكز حلوو...ورافعه شعري كله ذيل حصان فوق..
كان وافي ملقيني قفاه..وكنت ميتة خوف من تعليقه...مو متعوده اكشخ لوافي...واحس ان ردة فعله راح تحطمني...حطيت ايدي على كتفه...التفت على طول... قلبي..قلبي...قلبي حسيته راح يوقف...كان وافي مصدوم..
وافي بهمس: رايحه مكان؟؟.."
: لاااء.." ومسكت ايده بقوة وكملت وانا ابتسم بخجل: حسيت شكلي غلط اول...حتى صيته كانت اكشخ مني.."
وافي وهو مو مستوعب: آها..." وكمل بعد لحظات وهو يطالعني من فوق لتحت: وش ماتلبسين تكونين قمر يا ملكه...مو بس بعيني..بعيون كل الكون.."
: يعني..تعترف اني اسم على مسمى.."
وافي وهو يهمس: اكيد!!...تبين نمشي؟؟.." ومد ايده لي...
اخذت ايده وانا حاسه بمشاعر غريبة... حسيت لأول مرة اني عروس...في شهر عسلهاا..
: ماقلتلي وش الموضوع اللي كنت تبيني فيه؟؟.."
وافي وهو يطالعني مبسوط: فيه موااضيع مو موضوع بس!!..بس اول..اعترفي ليه الكشخه ذي كلهاا؟؟.."
: وااافي...حراام تحطمني.. انا طول عمري انيقة...وانت شاهد على هالشيء.."
وافي وهو يبتسم اكثر:شاهد ومو اي شاهد...شااهد متيم بغرامك!!.."
توردت خدودي بقوة وحسيت بتجمع الكلمات ابيها تنطلق بس مو قاادره اقولها مرة وحده...
وافي بنعومة: بتحبيني؟؟..." طالعته مستغربة من السؤال اللي ما اتوقعته..فرجع غير صيغة السؤال: متوقعة بيكون بيوم لي مكان في قلبك؟؟.."
:.............."
وافي وقف قدامي واعترض طريقي: وشوو؟؟..ماراح ازعل منك ملكه...انا قررت اتغير .."
: آه...وافي...هالسؤال كثير صعب.." ورفعت راسي له بس رموشي كانت مغطية مشاعري الواضحه بعيوني..
وافي وهو يبلع ريقه: ملكه...يمكن تتسائلين عن سبب هالتغير...راح اقولك ليش تغيرت ؟؟.."
وكمل وهو يسحبني معه يمشيني يحركني مثل مايبي وانا اللي اـامل بكل حركة من حركااته وكأنه مسلسل تلفزيوني شيق خايفه يفوتني منه شيء: اناا انصدمت لمن عرفت ان معك اكتئاب حااد..الصدمه هزتني من اعمااقي...شلون انا وافي اللي احب الكل...واحمي الكل.. واحن على الكل... ما اعطيت البنت اللي احبها هالمشااعر...ملكه انا أحبك...ملكه انا من شفتك وانا صريع في هواك..خلتيني ادور في فلك بس!!..كانت بدرية دوم تحذرني منك.. لكن مع هذا كنت اشوفك تتملكيني..جن جنوني لمن عرفت ان مسااعد يحبك ...وبغيت اموت لمن عرفت انك تبادلينه المشااعر...شفته مرات ومرات وهو يغازلك... وكان هالشيء يذبحني من جوه..من هناا يا ملكه.."
كنت ابي اعترض لمن شفته يأشر لصدره ولمن تكلم عن مغازلاتنا!!..كان كلامه جارح وصادم وغريب...ما توقعت وافي راح يتكلم عن مسااعد او عن الماضي ابد...ولااا عمري حظرت نفسي لمثل هالنقااش...لأني مدري وش يعرف اهو بالضبط؟؟..
سكر فمي بأيده برقة ورجع شعره ورا وكان فعلااا تايه..: ملكه... عرفت انه كان يزورك بالمستشفى واناا انا المتيم الميت فيك مو قاادر ازورك..كل شيء يمنعني ...ديني..تقااليدي ...احترامي لك.. ماكنت ابيك تكونين مثل هالبنات اللي نضحك عليهم بكلمات الحب ونستمتع باشكالهم وبالأخير نرميهم...كنتي بالنسبة لي ملكه...ومو اي ملكه..ملكه طيحت الكل بغرامهاا.. سحرت مسااعد..وطيحتي قبله سلطاان...وبالمرة خذيتي يزيد..حقدت عليك ..حسيت انك شريرة...على كثر ماكنت احبك...إلا اني حسيت ان الشر يتملك ... ولكن مع هذا ماقدرت اكرهك..جزء بسيط فيني كرهك بقوة...لكن البااقي يحبك بجنون... تعبت..ادمنت التدخين وانا اللي تركته من سنين.. اخلاااقي صار زفت...ماكان عندي متنفس...كنت اسولف مع مهاا وبدرية عنك...مهاا كانت تشجعني اخطفك وتكونين لي انا بس...بدرية كانت تكرهني فيك..وجلست تايه بينهم وبين مشااعري وبين شوفتك مع مسااعد وهالشيء اللي كان يخنقني...شفتك معه مرة في الحديقة...كان ماسك ويشيل عنك الغطاا..ملكه وش تتوقعين شعوري بذيك اللحظة؟؟؟..قسم بالله كنت ابي اذبح مسااعد واذبحك معه..بس تراجعت بآخر لحظة لأن مالي حكم فيك..ولأني ماكنت ابي بدرية تنصدم بمسااعد مع انها كانت شاكه فيكم بس ماكان عندهاا اي دليل...."
وقف وافي وبلع ريقه بصعوبة ولمعت عيونه وهو يطالعني ويبتعد شوي انا كنت في عالم الذكرى...وافي شافني مع مسااعد...لييييييييه ياربي؟؟..ليه حظي شين...لو غيري كان ماصار لها هالشيء...ليش انا دوم اطيح باعمالي الغبية...ليش انا اللي دايم تنفضح اذا سوت شيء...ليش حتى يوم اكون بريئة الأدله كلها تجي ضدي؟؟..
: لمن طحتي من غرفتك..بذاك اليوم المشؤم..لمن كنتي قدام عيوني..الدم يغطيك..والدموع مالية وجهك...وشعرك مبعثر وتصرخين وتطلبين مني اساعدك...كان ودي اضمك بقوة ...واذبح اي احد يقرب منك.. كان ودي اخذك بعيد عن هالعالم..احميك..احطك بمكان لك لوحدك..بس ماحد يقربك ماحد يأذيك..رغم اني كنت اتمنى اشوفك تتألمين لأنك كنت تألميني...بس لمن شفتك بذاك المنظر كنت راح انجن... لمن طحتي بالمسبح..وعرفت ان يزيد شافك.. انجنيت تمنيت ادفن عفااري... كنت مقهوور...كنت اتمنى اني عرفتك من وانت صغيرة.. عشان اخبيك عن الكل...ولأحد يتمتع بشوفتك غيري.."
تحرك وافي بملل وانا كنت خلااص تعباانه من اعترافاته ماابي اسمعهاا..ليش يعذبني بالمااضي؟؟..انا ما اقدر اغير المااضي...
صرخت فيه لمن جا يكمل: لاااااااااء...خلاااص...واافي..ما ابيك تكمل..اناا تعباانه.. وانت قااعد تتعبني اكثر..."
وافي مسكني بقوة مع اكتافي ودفني على النخله اللي وراي كمل وهو يطالعني بنظرات شيطانية مخيفه: ورحتي امريكاا... ماصدقت انهم فرطوا فيك...فرطوا بالملكه ورموها كأنها شخص حقير ماله قيمه...خطبتك من سعود..بس رفض...قال انك مجنونة وانه ماراح يخدعني فيك...وانك كنت تعذبين نفسك باستخدام الآت حااده...وانك حتى تدخنين والدليل كان موجود على جسمك...وانك اقذر من اني اتزوجك..ملكه...ماتدرين شلون كنت الح بالزواج منك صبح وليل...حتى اني لجئت للعبة قذرة عشان اتزوجك غصبا عليك وعلى عمك اللي كان يمنعني منك...اجبرت نورة انها تتهاوش مع زوجها علشااني.. كنت راح اضحي بحياة نورة مع سعود بس علشان اوصل لك...اقنعت نورة اني لو ماتزوجتك ..راح يتزوجك سلطاان...وهذا ماراح يكون من مصلحة سلطاان..لأنه ضعيف ولأن ملكه راح تسيره مثل ماتبي...راح تقلب حيااتكم..."
صرخت فيه بألم: واااااااااافي...خلااااص..لا تقول اكثر من كذااا....اناا ما ادخن...اناا مو مجنونة...اناا شريفه..اناا عاقله.. انا بنت ابوي..اللي ربا

مهاا وهي تمزح معي: انت عاارفة...لو اناا منك...كان انبسط على اللي سواه وافي..."
: انبسط؟؟..ليه؟؟.."
مهاا وهي تتربع على فراشي: يختي روووعه...احسها قمة الرومانسية...يخطفك..هذا هو الخطف...بس تخيلي معي...تخيلي.."
: طيب؟؟.." قلتها لهاا وانا آكل من البرنجيلز اللي بيناا..
مهاا بحماس وهي ترجع شعرها ورا اذنها: تخيلي معي...جاا وافي بنص الليل..وربطك وخطفك...وش بتفكر فيه النااس؟؟..بيبلغون الشرطة...وفضيحتكم بتكون بجلاجل.."
: آهاا؟؟..وان شاء الله شلون ناوية تبررين خالك؟؟.." سألتها وانا عاارفة ان مهاا راح تلاقي لخالها مخرج...
مهاا بنفس الحمااس: مايحتاج ابرره الموقف مبرر نفسه..مو انت تقولين..ان وافي هدد حياة نورا.."
: ايوه.."
مهاا: طيب..هدد حياة نوراا...بس صدقيني خالي كان حاسبها صح..كان عارف ان عمك لا يمكن يطلق ام عيااله...حتى رغم تفكيره في ذاك الوقت بالزواج من ام سماح...صح؟؟"
: مهاا..وش هالمنطق الغريب؟؟..لثقة وافي بحب عمي لزوجته...يروح يلعب بحيااتهم عشان يوصل لي؟؟.."
مهاا وهي تفكر: صح...اهو غلط..بس صدقيني حبه الأعمى لك...كان يشوفك تسربين قدام عيونه...ولا هو قاادر يسوي شيء...كان يقولي معجبينها كثاار..ولا ني لاقي مكان لنفسي بينهم.."
: مهاا..زعلي من خاالك كبييييييييييير...انت ماتعرفين غير جزء من الحكااية... الحكااية صعبه ومعقدة.وماراح احكيها انا ولا وافي ولا احد..لأننا نفضل نحتفظ بتفاصيلها لين القبر...."
مهاا بفزع: بسم الله عليكم من القبر وسيرته...طيب..لو قلتلك علشان خااطري.." وقامت تسوي حركاات بوجههاا..حركاات ترجي تموت ضحك.. رديت عليهاا وانا اضحك: احمدي ربك سامحتك...يله وريني عرض اكتاافك...ابي انووم.."
مهاا وهي تجي تمدد جنبي: واناا بعد..والله يازين مكان خالي مريح..."
طالعت بمهاا اللي ماكانت مهتمة بوجودي وماسكه جوالها تطالع فيهاا..صدق اني رضيت عليها بعد ما ازعجتني ورابطت عندنا بالمزرعه يومين..فاستسلمت لأني كنت تعباانه وسامحتهاا... وقررنا اننا مانتكلم نهائي بالموضوع...لأن ماكان عندي اي استعداد اني اشرح سبب اتصالي بمسااعد...واهي اكتفت بمسامحتي لهاا..وبدت تضغط علي بالرجعه لواافي...صح ان مهاا طيبه...بس مصيبتها العظمى ملقوووفة حيل..متسرعه... وتحب شيء اسمه وافي..لذا فهي وظفت نفسها كمحالي للدفاع عن المظلوم على قولتها... والمضحك المبكي ان وافي ماعلمها اي شيء وحط المسؤولية علي وكأنه يتحداني الحقيير .. لذا اضطريت اعطيها الزبدة...مع حذف بعض الأمور الاساسية..وقلت نفس الحكي لصيته...اللي كانت مرة متأثرة بموضوعي وشايله همه وموضوعها قالب حياتهاا فوق حدر...خصوصا ان زوجها لسا مافضالها لأنه مشغول بالعرس مرة*_*
مهاا وهي ترفع صوتها عشان تسمعني: هلاااء...هلاااء بالغالي وطوايف الغاالي..."
فتحت عيوني وطالعت فمهاا اللي كانت تقهرني بحركااتها وكنت عاارفة انها تكلم وافي... وطبعاا حاطه سبيكر..
وافي بصوت بارد: وين ملكه؟؟.."
مهاا بعتب: ياسلاااام ملكه بس..واحنا مالنا والي...صدق رجال اذا تزوجتم نسيتم كل احبابكم القدامى.." ورفعت حواجبها لي...
وافي واللي صوته حرك مشاعر غريبة بقلبي آلمتني بقوة: مهاا..اعقلي..ترى مانيب رايقلك ...وين ملكه؟؟..وش اخباارها؟؟..وحشتني يا مهاا...وحشتني...كل شيء في الشقه ينااديها .. تصدقين اني اشم ريحة ملاابسها عشان اطفي بعض نار الشوق اللي بصدري..."
مهاا بتأثر ونستني: خاالي...ملكه تعباانه حيل..."
ضربتها على كتفها وهزيت راسي لهاا لأنها شالت السبيكر ووقفت..حاولت اني اسحب الجوال منهاا علشان اسمع كلام وافي...
مهاا وهي تحاول تفك يدي عن رجلها: اقول...سمعت ان امي بتخطبلك..ترى وحده من صديقااتي في الجامعه مووت.."
انا هناا ما استحملت...رحت وسحبت منها الجوال وقفلته بوجه وافي وقامت مهاا تسحب الجوال مني..فطحنا على السرير...وانا احاول اخذ منها الجوال لأنهاضغطت على الزر الاخضر مرتين عشان تتصل بوافي...
: مهااا الله يخليك.." قلتها بتوسل لمن شفت مهاا راحت تركض وطلعت برا الغرفة...
مهاا بعنااد:بخلي خالي يخطب صديقتي هنااا على الأقل بتهنيه مو بتلاااقي عذر عشان تزعل منه..."
: مهاا لا تكلمين عن العلاقة الزوجية لأنك لسه ماعشتيهاا..."
مهاا وهي تبتسم لي بخبث: قريب راح اجربها...وراح اخلي زوجي خاااتم في اصبعي احركه مثل مااابي..."
: بتزووجين؟؟..مين تعيس الحظ؟؟"
مهاا بعتاب: ولد عمي...اساسا غاصبيني عليه بس راح اخليه يندم على الساعه اللي فكر انه يخطبني فيهاا.."
: اهاا؟؟..هذي اللي قبل شوي بتخليه خااتم..صح؟؟.."
مهاا وهي تمد بوزها: ياااربي ماتفوتين شيء...اقول..خليني اسولف مع المزيون اصرف لي من مقاابلك انت وخالتي صيته تتعبون نفسيتي وتسدون نفسيتي على الزواج اللي انا مسدودة نفسي عنه..خلقه.."
طالعت بمهاا وهي تروح...ووقفت لحظات مو مستوعبة...قالت باخطبلك؟؟..قالت امي بتخطبلك؟؟..بس وااافي خااااااااطب!!...صرخت بهالشيء وانا الحق مهاا


تعبنا نرسم البسمه ولو فينا حزن مرسوم
ونضحك ضحكة التزييف ونكتم همنا فينا
شكينا الهم والحرمان ولكن القدر مكتوب
نصيح ونحترق نتعب لكن وش بيدينا
صبرنا والشقا واضح تراه بوجهنا مرسوم
وهالدنيا من اللومات نستنا اسامينا...


الفصل الثامن والعشرون

عفرا بحزن وهي تتكلم معي: وش هي الحياه بليا الجاسر؟؟...وش هي دنيتي بعد غروب شمسهاا؟؟؟..وش مكااني بعد غيااب الحظن اللي كان ظامني؟؟...ملكه...صعب تحسين باللي احس فيه...انت مافقدتي حبيبك يا ملكه...."
قاطعتها وقلبي متقطع: عفراا انا فقدت هلي يا عفراا..مع هذا ماصرت مثلك...فقدت مسااعد يا عفراا مع هذا مافكرت مثلك....قويت ايماني بربي...يمكن تعبت نفسيتي ومرضت فترة بسبب الضغط لمن كنت اعذب نفسي.. بس ماكرهت الحياه ولا يئست منهاا بنفس الدرجة...عفااري صدقيني جااسر لا يمكن...يسعده هالوضع لو عاايش.."
صرخت عفراا فيني وصوتها ينتفض: لوو عااايش..ملكه...جاسر مااات..الجااسر مااااااات .. كفنوه يا ملكه وانا بعيده عنه....غسلوه وماخلوني المسه...ملكه..ماشفته وهو يلفظ انفااسه الأخيرة.. ملكه والله اني اشوف طيوفه..اني احس فيه..اسمع صوته من وقت لثااني .. صدقيني يااا ملكه انا اشوفه...تخيلي...تخيلي ذاك اليوم...نسيت انه مااات!!..نسيت يا ملكه... لبست فستااني..وتعطرت وتزينت...وتركت شعري مفلول مثل مايحبه!!.. وانتظرته كثير بالمجلس ياا ملكه؟؟..ليش مايااا؟؟..اناا مصدقه انه ماات..بس حاسه انها كذبه...احس انه بيعود بأي لحظة...ملكه... الجااسر لا يمكن يمووت...توه صغير بالسن ...وطيب بأهله...وربعه يحبونه...ملكه..اتصوري خالتي حورية وش تقوول؟؟.."
قلتلها وانا قلبي ينزف حزن عليهاا: عفااري مو مهم..وش خاالتك تقول؟؟..خالتك امه.. شيء اكيد تبي تلزق موته بأي احد.."
قاطعتني عفااري بلهفه: لالالالا..هي صاادقه..اناا سبب موته...ملكه...استوعبي معي.. كان عايش وسط اهله...ليه يوم دخلت حياااته مااات!!..ليه يوم خطبني مااات!!...ليه يوم حسيت بأنفاسه على جبيني مااات...ملكه...هههههههه..اتخيلي وش يقولون انا ويه نحس! .. تخيلي الكلمة شلووون؟؟..آآآآآآآآآآآآآآآآه..ملكه...انا لااازم الحق جااسر..اناا ما اقدر اعيش وياكم...ما اقدر اعيش مع اهلي..ولااا مع نفسي...اناا لااازم الحقه...."
قاطعتها وانا اصيح: عفااااااري...لا تسوين بعمرك كذاا...الله يخليييييييك..جاسر راح يحزن كثير عليييييك..عفاااري...ارجعي الاولية...لا تتركيناا...انا محتااجتك...ووافي يحبك.. وامك وابوك...وكل الناااس...عفاااري ربي بيعوضك عن جاسر بواحد مثله.."
صرخت فيني وهي تصيح: مااافيه حد مثله...الجااسر غيييييييير يا ملكه...غير هالبشر.. حنوووون يا ملكه...مميز والله....الله يحفظه لي.."
سكتت فجأة وبدا صوتها يرتفع من جديد بالصيااح...يوم انتبهت للكلمة اللي قاالتها..الله يحفظه!!... خلاااص ياعفراا مااات..ماعادت تنفع الله يحفظه..هالحين قولي الله يرحمه...
: عفاااري قولي الله يرحمه...لا تكلمين بهالطرريقة... انت كذا تيأسين من الدنياا وهذا حرام...روحي اقري قرآن...روحي سوي اي عمل خيري عن روحه...عفااري لا تجلسين كذاا...الله يخليييييييك...راح تدمرين عمرك بعمرك..."
عفرا بعد مرور خمس دقايق من الصمت المميت ردت ببرود وبصوت متعب: آآه...ماا عليك مني اناا..كنت تبين رقم سمااح...صح؟؟.."
رديت بضعف: عفراا...لا تسوين بعمرك كذاا.."
عفااري وهي تضحك: ههههه..لااا تخاافين علي..ماراح انتحر...اناا عفرا بنت آل.... وش بيقولون الناس عن ابوي لو انتحرت؟؟..اكيد راح يطلعون عنه كلااام.."
صرخت فيها:عفاااري وش اللي قااعده اسمعه؟؟؟..انتحااار...طبعاا ماراح تنتحرين.. انت انسانه قوية...ايمانك قووي..ثقتك بربنا قووية...وانت عارفة ان الدنياا موت وحياه..في كل يوم تنخلق الالاف الحيوات...وبنفس اليوم تنقبض الآف...عفاااري...سمي بالله وتعوذي من ابليس وتذكري ان ورانا آخرة وان هالدنياا مزرعه لأعمالنااا..ماتبين تقااابلين ربك وانت قاتله عمرك.؟؟...وش بتقولين له يا عفااري؟...حياتك مو ملكك..."
عفااري وهي تتكلم بتثاقل: اللي يسمعك يقول اني بنتحر..لااا تخاافين..خذي الرقم بسررعه ... احس بصداع وراسي ثقيل...*************"
خذيت رقم سمااح وقفلت الخط وانا قلبي متقطع حزن على بنت عمي الغااالية..لااازم اخلي وافي يآخذني لهم..بس اناا حلفت اني ما اكلم عمي بالمرة...آآآآآآآآه....افكر بعدين بحل..







شافتني مهاا وانا امسح دموعي وهي توها طاالعه من غرفتها...راحت لي بسرعه وقالت وهي مفجوعه: ملكه؟؟..وش فييك؟؟..لا يكون صدقتي اني بخطب لخاالي..."
: آآه..لااا ابداا...بس ضايق خلقي شووي..."
مهاا وهي تراقبني: انت متأكده؟؟... من كنت تكلمين؟؟.."
طالعت فيهاا وعصبت رفعت حاجب: لااا والله...حشاا حارس علي؟؟.."
مهاا باعتذار: ماقصدي شيء..بس استغربت صيااحك.."
: افف..يا شيخه روحي من وجهي..ترى واصله حدي...ولاا اقولك تعالي بس.."
مهاا اللي مسكت اذنها بقوة صرخت: اييييييييييي...وشووو؟؟.."
: مهاا وش سالفة خطوبة خالك يا الدبه؟؟..بدل ما تخلينه يرجعلي وهو مايشوف الدرب تبين تخطبين له وحده من صديقااتك..."
مهاا باعتذار: اناا آآآسفه..كنت ابي احررك شوي...بعدين خالي واافي طلع خااطب..."
تركت اذنها وانا متضايقة: عاارفة...علمني انا وامك وصيته قبل الكل..."
مهاا وهي تبتسم مبسوطة: لااا تتضايقين....اهو يحبك انت يا ملوكة..والله انه يشوف الدنيا ببسمتك وضحكتك...بس انت... اللي الله يهداك..."
: وش قصدك؟؟...وبعدين ليش فرحاانه علي يا حمااره؟؟..."
مها بحرارة:هههه مو فرحااانه بس اخفف عليك..اواسيك...واللي قصدي..انك انت ما تحبينه بنفس القوة..اوكيه تحبينه كزوج بس..ماتعتبرينه حياتك ودنيتك وهالشيء بااين عليك...اعتقد انك كنت تحبين شخص ثااني قبل زواجكم؟؟؟.."
: انااا؟؟..مين قاالك هالشيء...؟؟..اناا احترم وافي كثير...ويعجبني...لكن المحبه من الله.. ما اقدر احبه بسهوولة...يا مهاا خالك عذبني كثيييييير.."
مهاا بفضول: شلون عذبك؟؟.."
ضربتها على كتفهاا بقوة وقلت: وريني مقفاااك وروحي ذاكري..ترى امك متصله توصيني عليك.."
مهاا وهي تلمس محل ضربتي: ان شاء الله طااال عمرك برووح اذاكر...ماقالت لك امي شيء ثااني؟؟.."
قلت لها وانا اغمز: قالتلي انها تبيني اشتريلك ارواب نوم!!..عشان عريس الغفلة..فارس بني....وبعدين تعاالي ترى قدموا موعد الملكة.."
مهاا وهي تمد بوزها بحسرة:وشووو؟؟...قدموا الملكه؟؟؟!!...الله يساامحك يا يبه طول عمرك ظالمني..." سكتت شوي وحسيت ان مهاا على وشك تصيح بس اول ماحطيت يدي على كتفهاا صرخت فيني وكأنها تذكرت: وبعدييييييين وش فارس يا حسره؟؟... وععععع ..حومت كبدي الله يقرفك...لا تجيبين طاااريه...كل ما اذكر شكله تجيني حااله نفسية...اناا مهاا الجمال والدلال والجسم الفرنسي...بنت الاصل والفصل.. اتزوج ذاك القرد...الله يساامحك يا يبه...اذا جيت بكره مطلقه لا تلوم إلا نفسك .."
قلدت صوت وافي: المره مالها إلا بيت رجلهاا..." ورجعت لصوتي: الله يعينك على قردك بكره تجين وتقولين لناا...مافيه احلى من قردي...وتقول والله انه موب قرد الا غزال وسيد غزلااان.."
مهاا وهي تعطيني مقفاها وتروح يم غرفتها: هههههه.. والله لو ماافيه غيره ما اشوفه غزال..وبعدين انتبهي لا تضايقيني.."
ورفعت حواجبها وهي توقف عند باب غرفتها وابتسمت بخبث: ترى ازوج خاالي صديقتي .."
ظليت ثواني واقفة مكااني..لمن انتبهت لجملتها...صرخت بقهرر ولحقتهاا وحاولت افتح الباب بس للاسف كانت مسكرته:"(



اليوم الثااني...



كنت في الصاله جالسه انا والجده العجيز الحبيبة على قلبي...نشرب قهوة واغصبهاا على الحلى اللي سويته...شوي...وجاات مهاا وهي رافعه شعرها أي كلااام..ولااا بسه روب قطني عاادي...وشبشب دافي..رغم برودة الجو...ومااسكة شال ثقيل معاهاا...
مهاا وهي تسلم على راس جدتها: هاااي...كيف احلى ام بالكون؟؟.."
وجلست جنبها وضمتها بقوة...
ضمتها العجوز وقالت بعصبية: وش هااي الله يقطع شيطاانك؟؟..انا بفهم انت ليش ما تسلمين مثل هالمسلمين...قولي السلااام عليكم..وبعدين وينك؟؟...ماغير منحشره بهالغريفه ؟؟..."
مهاا وهي تبتسم: ياماما يا حبيبي والله...هااي اخف واشيك...وبعدين انا والله اذاكر.. امتحانات مرة صعبة...." وبعدين التفتت علي: هاا ملكه؟؟.. ماراح تقدمين اوراقك....ترى التسجيل...يوم الأربعااء يخلص..."
قلت وانا اهز كتوفي: اناا عاادي ما احتاج اعادة تسجيل...اذا حكيت ظروفي لهم راح يحطون اسمي بالقوائم...مع ان فيه وحده تقول مايحتاج اسمك ينزل بالقوائم تلقاائي..."
مهاا بونااسه: ياااه ملكه تجي تدرس معيي..من زماان وانا نفسي وحده من اللي اعرفهم تجي تدرس معي..واعرفهاا على خوياتي...ومو اي وحده مرت خالي الحبيب..."
: هههههه...عاارفة حركااتك عشان تقولين لهم اني مرت وافي...صح؟؟..."
مهاا وهي تهز كتوفها: هذا سبب من الأسباب...خصوصا ان كلهم يبون وافي زماان.."
ماعلقت على كلااامها وصبيت لها فنجال واعطيتها قطعة حلااا....كلااامها ضايقني شوي.. وافي زوجي مهماا صاار...واكيد يقهرني انه كان مطمع لمعظم البناات...
عجوزنا وهي تطالع بأكل مهاا: وراك وقفتي اكل؟؟.."
مهاا وهي تشرب قهوة: شبعت يا ميمتي...ماا احب اكل كثير...عشان احافظ على جسمي .."
: اي جسم...؟؟..ياربي لك الحمد عظام متكومة على بعض..."
مهاا باعتراض: والله يا عيوني جسمي ذا قااتل ناس ونااس...فيه واحد خطبني بس يوم شاف جسمي بالعباااية...قال لخواتها كنها غصن بان....وبعدين انت بالذات لا تكلمين عن الجسم...شوفي جســ.."
قاطع كلااام مهاا صوت صرااخ قوي جاي من غرفة صيته...طالعت بمهاا مفجوعة ومهاا طاح الفنجال الحار على فخذهاا...تبادلنا النظرات لثواني...وبعدين ركضنا كلنااا... لغرفة صيته..لقيناا عيالها واقفين عند الباب يصيحون وشكلهم مرعوبين...والعجوز تلحقناا ببطء ...
صيته كانت توطاا على جوالها بأقوى شيء وتصاارخ بشكل هستيري..اناا فجعني المنظر ... فوقفت مع عيااالها...بينما مهاا راحت لهاا على طول وحاولت تهديهاا قد ماتقدر ...
كانت مهاا تحاول تبعدها عن الجوال.. وتحاول ترجعها للواقع مؤقتاا...انا كنت ضاامة عياالها بقوة وقفلت باب الغرفة وشلت البنت اللي كانت مرعوبة مرة وقامت تصيح بشكل هستيري...الولد تعلق بثيابي..اما العجوز فحسيت فجأة انها كبرت مية مرة زياادة...كان وجهاا حزين ومفجوع وقلقان...
قلت لها بثقة: زوجهاا...لا تدخلين لهااا الحين يايمه..."
العجوز وهي تمسح دموعها بشيلتها: انا ياما قلتلهم اللي ماهو من مواخذينا راح يهينا.."
وكملت وهي تأشرلي: خذي الضعيفين ذول جوه..وانا بدخل بشوف الحرمه قبل لا تنخبل عليناا.."
رحت لغرفة الأطفال وانا ماسكتهم...وحطيت البنت بالسرير...وحاولت اني اضمها عشان اهديها بس كانت ترتجف بقوة...وتصيح بحرارة...وبالأخير قالت بين كلماتها: اكره بابا.. اكره بااابااا..."
وتعلقت بملااابسي بضعف...مسحت على شعرهاا الطويل وانا احاول اني ما اصيح.. وقلت لهاا بهدوء: حبيبتي...بابا يحبكم...ولااازم تحبوه...والمشاكل هذي...تصير بين كل الكباار...وبكره ماما ترجع لبابا..."
الولد كان ماسك دموعه نوعا ماا...وكانت العزيمة على وجهه واضحه وقال لأخته بثقة: بكره اذا كبرت...راح اشتري بيت لك انت وماما..وماراح اخلي بابا يدخله.."
هزيت راسي باعتراض: لااا حبيبي....انت راح تشتري بيت لناا كلناا..ولبابا بعد..."
هز راسه وهو سااكت وعرفت ان كلااامي ما اعجبه...وعرفت بعد ان وافي صغير قااعد يتكون بالعاايله...سبحاان الله حتى شكله يشبه وافي..بعيونه وخشمه...نسخه من وافي وهو صغير...الله يستر!!..وافي واحد زلزل العاايله الثاني وش بيسوي؟؟..
بعد مرور سااعه تقريباا...قدرت اخليهم ينسون الموضوع...وخليتهم يندمجون ببعض الالعاب اللي علمتهم عليهاا..وطلعت من الغرفة وانا مرتااحه..وقررت اروح اشوف صيته...







لمن فتحت باب الغرفة..نطت بوجهي مهاا اللي طلعت على طول..وقفلت باب الغرفة وراها ...كانت عيونها حمرر..
قلت بصوت واطي: ناايمه؟؟.."
مهاا بضيق: اخيرا..مانامت غير بحبوب يا ملكه...حبووب!!..."
بعدنا عن الباب ونزلنا الدرج..
مهاا وهي تتكلم بصعوبة بسبب صوتها المبحوح: حيواان يا ملكه....كل سبات الارض مو قليلة فيه...تخيلي الساافل وش سوه؟؟.."
سألتها وانا اتنهد: مصيبه ثانية بعد؟؟.."
مهاا بضيييق: إلا ام المصايب يا ستي....داق عليها يقولها دامنك كسرت كلمتي وطلعت من البيت بعياالي...اناا قررت اقرب موعد الزواج...خلاااه الخميس الجااي..."
صرخت: متىىى؟؟...الخميس الجااي..يامال الماااحي ان شاء الله..."
سمعنا ضحكة سامجه فنفس الوقت: ياماال المااحي ان شاء الله..وش عندها العجوز تدعي ؟؟.."
بوزت بوجه وافي..صدق عليه اوقااات غلط..ولااا.....تصوروا وين وقف......وقف قدامنا بالضبط ...
وافي بنعومة وهي يبتسم لي: حيااتي وجهك يرد الروح حتى وانت زعلااانه.."
مهاا اللي كانت معصبه نطت بحلق وافي وضمته: خااالي...اشتقت لك مووت...ربي جاابك ..."
وافي وهو يحاول يتنفس من ضمة مهاا: هاا؟؟..وشوو؟؟..مها نعنبوا وجهك..انت ما تستحين طول بعرض وتعلقين برقبتي...ترا كسرتيهاا..."
مهاا اللي انتبهت انها كاتمة انفااسه بعدت وهي تبتسم: خااالي...والله جابك ربي...تصور الحقير...وشو بعد يا ملكه؟؟.."
كملت عنها بعصبية: الحشرة...الحثااله...التاافه..رجل صيته...ياعله المااحي..."
مهاا تكمل عني: بيتزوج على خالتي صيته الحيوان الحشره التافه ياعله الماحي...الاسبوع الجاي...يوم الخميس.. وداق يعلمها بالموضوع... وتصور وش بعد؟؟..يبيها تحظر العرس ولاا بيآخذ عياالهاا.."
صرخت وانا احط ايدي على صدري: وشوو؟؟..جعله الموووت ونيران جهنم تلحقه وتوطاه.....آآآه يا لي مافيه وفاا لام عياااله..."
وافي كان يطالعني مبتسم وقال لمهاا بنعومة لا تتناسب مع الموقف:مو تجنن وهي معصبة ؟؟.."
مهاا اللي كانت متفاعله نظرت لي ورجعت ناظرت بوافي وفطست ضحك هي وخاالهاا..
قلت بعصبية وانا احط ايدي على خصري: خييييييييير؟؟..وش السالفه؟؟..موب عاجبكم الحكي؟؟..."
مهاا وهي تحاول تسكت: شكلك رهيييييييييب وانت معصبة.. تفيخه بتنفقع( بالونه بتنفجر)يا سااتر..."
وافي وهو يبتسم لي ويوقف ضحك: هاااااااي..احترمي مرتي...ولااا تنادينها ملكه حااف تراه خالتك يا الخبله..مفهووم؟؟.."
مهاا وهي تسكت: ياااااااويلي محد يجي على دربك انت ومرتك بروح اذاكر..لكن حل القضيه مع زوجتك...وحلوا قضيتكم بعدهاا.."
: ماالك شغل بقضيتناا..."
مهاا وهي تطلع الدرج: تراك انت وزوجك مسوين زحمه..عندك شقه عصفورية على قدكم روحو لها وتركوا المزارع لاصحاابها.."
التفت لهاا وكنت بلحقهاا بس هجت وقامت تضحك علي لمن مسكني وافي بقوة..






وافي بهدوء: تذكرين؟؟.."
:وشوو؟؟.." سألته بنعومة واناا احاول اتنفس...الشبرين هذي اللي تفصلني عن وافي قااتله .. اناا عارفة انه يحاول يحرجني....لكن ماراح يقدر...ان شااء الله ماراح يقدر..
وافي وهو يرفع حاجب: يوم صكيتي فيني...بالحوش...في الممر..."
حمرت خدودي مرة..اكيد اذكر ياا واافي...واذكر كل شيء مرتبط فيك وبمساااعد.. ليش يا مسااعد تطلع بالأوقاات الغلط هااذي؟؟...ليش دوم طيوفه تدور حولي؟؟.... ومالحب إلا للحبيب الأولي..
وافي بكسل وهو يتأمل سرحااني: كنت كاشفه عن الوجه الصبوح...عيونك... كأنها بحيرات تتوسط وجهك..كبااار..وسااع...مدورة..عجيبه.... تلمع بقوة..ورموشك..كأنها مضلات...تضلل عيونك وتحميهاا..سبحان ربي!!.."
رفعت عيوني له ببطء...كان يتأملني بس ما كأنه يشوفني..يعني..يطاالع باللي ورا وجهي ؟؟..وش خلف هالقنااع يمكن يسأل نفسه؟؟..مدري..مو عاارفة اترجم افكاااره..
: وافي...ابي منك خدمه!!.." قاطعت افكااره بعصبية..مدري ليش غرت من افكااره؟؟.. صدق ليش يسرح وهو واقف معي؟؟..مو وقااحه؟؟...
وافي بنعومة: خدمه!!...طيب..بس وش المقاابل؟؟.."
صرخت بذعر: مقاابل؟؟..اي مقاابل...اناا مرتك مفروض ماتطلب مني مقاابل.."
وافي وهو يشخر بسخرية: مرتي؟؟..انت متأكده انك مرتي؟؟..اي مره هذي اللي بعيده عن رجلهاا؟؟..بعيده عنه بكل شيء؟؟..بعيده عنه بجسمهاا؟؟.."
قاطعته بحرارة: واااافي!!.."
كمل بدون مايهتم فيني: بعيده عنه بقلبهاا.."
: وااافي..." ترجيته يسكت واناا اطالع حولي ليكون احد يسمع حكيناا...
كمل وافي بإصرار: بعيده عنه حتى بافكاارها؟؟..حتى بألمهااا؟؟....حتى بمااضيهاا؟؟.. اي مرة يا ملكه انت؟؟..جااوبيني اي مرة؟؟..تبين خدمه وين المقاابل؟؟..وهذي هي الدنياا يا ملكه كل شيء له مقاابل..."
رجعت شعري ورا اذني وناظرت له مصدومة...طااح من عيني...مقاابل!!... مقااااابل... ههههههه والله ديناا عجيبه يا واافي؟؟..خطفتني من حبيبي...عرضة حياة اختك الزوجية للخطر... وقفت في وجه احلااامي...!!
بلع وافي ريقه بتوتر وقال وهو يدخل ايدينه داخل ثوبه: قولي...آمري..تدللي يا الملكه... كلناا خدم تحت رجولك..."
رديت عليه بصعوبة وانا اكتم عبرتي الضعيفه اللي تقهرر: الملكه لو تضطر تزحف على رجولها عشان توصل للي تبيه...ولااا تطلبك.."

صرخت بفرح مايتناسب مع الموقف لمن سمعت كلمة سمااح: صدق؟؟..انتم بالريااض؟؟.. متى وصلتوا؟؟..ياااااااااااااه يا سماح اشتقتلك والله..."
سمااح بصوت نوعا ما طبيعي: ملكه ياا حبيلك...والله...لنا فترة قصيرة...عاارفة بعد موضوع الوالد...ماا تحملت اجلس بأمريكاا وقت طوويل.."
قلت واناا متأثرة من قلب بموضوعهم: ياااه صدق ان امك قووية يا سمااح...كيف قدرت تقتله؟؟...هذي جريمه...عمر حيااة البشر ماكانت بأيديناا...ليش لجئت لهالحل؟؟... ماسألتوهاا قبل ماتساافرون؟؟.."
سمااح بتأثر: سألناها....يا ملكه امي نفذت اللي كان ابوي يبيه...السرطاان دمره ياا ملكه.. تعذب ابوي كثير...كان يعيش على الأدوية...من كنت صغيرة وانا اشوفه يآخذ من هالحبوب وهالأبر...وبالأخير...لمن دخل غيبوبة...كانت امي مضطرة تنفذ اللي هو طلبه .. القتل الرحيم...ابوي كان يتوسل امي انها تسوي هالشيء...ابوي ماكان يبي يناام على فراشه مدة سنين وسنين بدون اي امل للشفاه..ملكه هذا عذااب..."
: بسس!!...هذاا قتل نفس بغير حق يا سمااح..الله يساامح امك...ماتدرين لو مانفذت هالقرار وش كاان راح يصير؟؟..كاان يمكن احد يكتشف دواء او شيء...يسااعد على تخطي الغيبوبة..كاان يمكن يقوم ابوك فجأة مثل نااس كثير صار لهم هالشيء..الله قاادر على كل شيء..."
سماح بصوتها النااعم الهاادي: خلاااص يا ملكه..لا تزيدين المناا...ابوي ماات يا ملكه.. وماعاد نقدر نسوي شيء له...الله يرحمه..ويرحم امي..ويرحمناا كلناا..وربك غفور رحيم ..."
ماحبيت اجاادلهاا كثير..عشاان ما ازيد من المهاا....رغم ان الموضوع آلمني بقوة واثر فيني...ويمكن اناا بعد صايره حساسه بزيااده...فأنزعج من كل شيء حتى المواضيع اللي ماتخصني...
: سمااح...طيب..متى اقدر اشوفك؟؟..سمااح اناا محتااجه احكي لأحد عن اللي امر فيه.. اناا تعباانه والله..."
سمااح وهي تفكر: اممم...شرايك نتقاابل بعد بكرة في ابل بيز؟؟... انا وأنت بس؟؟.. ترى نفسيتي مرة تعبااانه...ودي اطلع من هالقوقعه...احس اني راح امووت بأي لحظه بسبب الضيق اللي احسه...."
: وروعه؟؟..ليش ما تجيبينهاا معك؟؟.."
سماح بضيق: روعه يا ملكه...في عالم خااص فيهاا...تخيلي ان غرفتهاا كلها اغراض ابوي الله يرحمه...عيت ترمي اي شيء من اغراضه...تلحف بفراشه الأخير.. تلبس قمصانه وبجايمه الأخيرة..عندهاا شرشف اللي كان مغطاا فيه لمن دخل الغيبوبة... كل تقاريره الطبيه..أدويته..ساعاته..عطوره...روعه في عاالمهاا الخاص يا ملكه...آآآه...اناا مرة خايفه عليهاا...تخيلي انهاا رافضه تكلم امي او تسلم عليهاا...وهي السبب في جيتناا الرياض لوحدناا..."
: آآآه...رووعه!!..لااازم اشوفها اذا فضيت يا سمااح..روعه لازم تطلع من هالغرفة..لأنها مراهقة..شخصيتها سريعة الـتاثر... ماتبونها تصير معقدة او مريضة بأي شكل..."
سمااح وهي تآخذ نفس: الله كريم وان شااء الله تطلع من هالأزمة لوحدهاا..عشان يقوى عودها لأنه طري!!.. خلاااص موعدنا بعد بكرة؟؟.."
: ايه حبيبتي...اكيد... ماراح اتأخر دقيقة...نخليهاا على الساعه 8:30"
سمااح: ان شااء الله...مع السلااامه"

كاان قلبي يألمني..وكأني كنت ناقصه الم... كل شيء كاان دماار حولي..زواج رجل صيته ... زواج مهاا الاجبااري اللي تسرع موعده... اختبارات عياال صيته وانا اللي كنت اذاكر لهم... زعلي اناا و وافي والفجوة اللي تكبر بيناا وتتوسع... حياة عفاري المقلوبة رأسا على عقب.. حياة روعه مع ذكرياات المااضي... احزان سمااح وميران على ابوهم اللي انقتل!!...كل شيء كان يوحي بكاارثة...واناا مو قد هالضغط اللي حولي.. انا من النااس اللي اشيل هم غيري.. افكر بالناس الثانيين... اشيل الآمهم..افكر شلون اخفف عنهم .. احشر نفسي مع معاناتهم...





...طلعت اشوف صيته..لهاا يومين قاافله البااب على نفسهاا لا تآكل ولااا تشرب..وبس نسمع صوت صيااحها وانينهاا...
وصلت عند غرفة صيته ودقيت البااب كذا مرة..واستغربت لمن فتحت البااب.. كان شكلهاا مخيف مرة...والغرفة حوووسه..الفراش على الأرض...اشياء مسكورة فوقه.. علب حبوب ... جيك موية..عاالم غير اللي اعتادت صيته تعيش فيه!!...
قلت واناا احاول ابدا بموضوع: آآه... تبين تآكلين شيء؟؟.."
اعطتني صيته ظهرها وخلت الباب مفتوح عشان ادخل وراها: لااا شكرا.."
: صيته حبيبي..لك يومين ماكليتي شيء!!..."
صيته وهي تطالع في المراية بسخرية: احسن رجيم!!...ولااا؟؟.."
ثم كملت بقهر: عاارفة كم عمر زوجته الجديدة؟؟...18 يا ملكه...حتى انها اصغر منك انت ومهاا وحناان.."
طالعت بوجهها في المرايه...رجعت شعرها لوراء...وتأملت جسمهاا: وش ناقصني ملكه؟؟.. وش نااقصني؟؟...جسمي حلوو...وجهي حلوو...طبااخه ومتعلمه...وجايبتله احلى عياال...ليش راح وتزوج؟؟...ليش الرجال مايطبقون الشرع إلا بمسألة الزواج؟؟..هه دنيا عجيبه صح؟؟..اناا خلاااص يا ملكه...قررت اروح العرس..مو علشان شيء... علشاان يعرف ان زوجته هي صيته آل...اللي ماعليهاا من احد..وعشاان عيالي..وبعدهاا بخلي وافي يتفااهم معه على الطلاااق..مالي جلسه مع رجال باعني يا ملكه.."
: صيته!!...ليتني اقدر اواسيك..اناا نفسي بتعرض لموقفك بعد فترة قصيرة..بس الفرق بيني وبينك..انك عشت معه فترة طوويله...يعني شلون هنتي عنده عشان يروح يتزوج بزقة من بناات اليوم؟؟..."
صيته ببرود ظاهري بس ولا هي تلتهب من جوه: الله يهنيه يا ملكه...خليه يشبع بهاا.. وصدقيني محد بيحتمل رجلي كثري...لذاا.. اناا عاارفة انه راح يعض اصاابع الندم بس متأخر مرة..."
: طيب!!...تبين نروح نآكل بره؟؟..الجو حلوو...وانت محتااجه تغيرين جو..."
صيته بصوت مبحوح وهي ترفع حواجبها: ابي فستاان كشخه من عندك..لااا سار ولااا استوى... راح اخلي مرته تعرف زين قدرهاا..وانا بنت ابوي..."
: صيته...صدقيني ماتبين تروحين...ولااا راح يقدر يآخذ عياالك منك...وافي راح يوقف بوجهه وماراح يسمحله يسوي لك شيء..."
صيته بتعب: وافي..وااااااااافي تحملني انا وخواتي كثير..محتااج يعيش حيااته يا ملكه... اناا ماراح ادخله إلا بمسألة الطلاااق..ولااا خلاااص اهو مو مكلف فيناا... وافي مكلف فيك انت وبس..."
: بس وافي اخوك!!...والأخو هذي وظيفته!!...ليش لمن نتألم نقول أخ!!...لأنه هو الوحيد اللي بيسمعناا في عز المناا...صيته مو عيب انك تشتكين لواافي.. صدقيني.."
صيته وهي تهز راسها لي: صح..بس هالمره صيته هي اللي راح توقف بوجه رجلهاا.. وراح تعلمه اي بنت رجاال اخذ..وراح تعلمه ان لاهو ولا مليون من شكله يقدرون يأثرون فيني..."
طالعت بصيته وهي تروح تدخل الحماام...الله يستر من العررس...وش راح يصير فيه؟؟.. تتوقعون ان صيته راح تتماسك..ماراح تخرب الدنياا وتصيح.. لااازم اروح معهاا انا ومهاا او اناا على الأقل..اخااف تتهور ويطيح هالقناع القوي وتظهر الحقيقة...





*********************************************





حسيت بصدااع فضيع من صوت مهاا المزعج وهي تقرا درس السلم بصوت عاالي... ذكرتني فيني فيما مضى...كانت فيني هالعاده الشينه..ما احفظ إلا اذا قمت اصرخ وازاعق بالمعلومات..
مهاا وهي مجلسه عياال صيته قباالها ولابسه لبس الجاامعه الأنيق..تنورة جينز سمااوية قصتها سمكه...وبلوفر بني وتحته هاينك موف..واكسسوارات مناسبة ورافعه شعرها ذيل حصان وحاطه مكياج صبااحي متقن...
: قد ضل في القدر طائفتان...احداهما الجبرية الذين قالوا ان العبد مجبر على عمله.. وليس له اراده او قدرة...
والثانية القدرية الذين قالوا ان العبد مستقل بعمله في الاراده والقدرة، وليس لمشيئة الله تعالى وقدرته اثر..
يله رددوا وراااي...بسررعه...بشوف حفظتوا ولااا لاااء؟؟..
: مهااا..يا مهاا...يااا مهااااااا صدعتي براسي حسبي الله على ابليسك...وش ذنب هالبزران؟؟..ترى وراهم مدرسة؟؟.." ولفيت على بنت صيته اللي كانت تطاالعني بتوسل: كولي حبيبتي..عشاان السواق بره يستنااكم..."
مهاا بحمااس: طيب اسمعي هالمعلومة يا ملكه...والله مفيده...ايش الطائفه اللي اثبتت سبع صفات واسماء لله تعاالي ونفت الأخرى؟؟.."
: افف...مدري..الحمدالله يااربي...تراني لسه مادرست سلم...خلاااص صجيتنيا والله اني صدعت..اشربي حليبك ترى بيبرد..."
مهاا وهي تسكر كتاابها وتدخله بشنطته الكشخه: يله روحوا كولوا حبايبي وراناا طريق طوويل...ملوكه...عطيني التوست...لاااا كبيرة هاذي..نص بس..."
عطيتها نص..وضبطت جديله بنت صيته..ومشطت شعر الولد...وراقبتهم وهم يروحون كلهم...
مهاا وهي عند البااب: ادعيلي يا حلووه...تراا الاستااذه متعودتني برسووب.."
: الله يوفقكم كلكم...انتبهي واقري السؤال كذا مرة...وخلي عنك الخفه..ولا تزعجين البزران بالسياارة.."
ماسمعت رد مهاا لأني شلت منو ورحت لغرفة النوم..حسبي الله على ابليس مهاا صدعت براسي... حطيت منيرة على السرير والمخدات حولهاا ودخلت الحماام كنت ناوية اخذ شاور سريع...بس اول بآخذ لي حبة للصداع هذا اللي قاص راسي...
فتحت الصيدلية...وانقبض قلبي واناا اشوف العلب الكبيرة للادوية... تذكرت وافي مرة لمن كان يتألم...سألته عن هالأدوية وعياا يجاوب...وانا نسيت الموضوع...رغم انه مانفى مرضه...اي زوجه اناا؟؟..سألت نفسي بسخرية...
طلعت العلبة اللي فيها كبسولاات كبيرة مخيفه.. وفتحتهاا ببطء...وتلمستهاا باهتمام...ليتني اعرف بس هالحبوب لأيش؟؟...لااازم اتأكد انا شااكه بشيء بس مابي افكر حتى ان هالشيء موجود بواافي..قررت ارسل السواق اول مايجي من المدرسة يروح لأي صيدلية ويسألي عن هاالأدوية...





*****************************************


حبك واشتيائك...حلو...زعلك او عذابك حلو..رحيلك رجوعك حظورك وداعك..كل شيء منك حلو..
كل شيء من حبك بتحمل ولاا بزعل منك..كل شيء من ئلبك بتئبل ولااا ببعد عنك!!
ئلبك طيب مابيعاادي...ئلبي حبك فوق العااده..واللبيحب بيتحمل...
حبك يا حبيبي اناا...بئربك ئلبي عااش الهناا...سكوتك كلااامك حناانك غراامك...ئلبي ذايب اناا!!

كانت هاذي رساله صوتية من وافي...ارسلهاا لي قبل فترة...مدري كم مرة سمعتهاا... بس الأكيد اني حفظت الكلمات غيب..ومع هذا كان قلبي رافض يصدق اللي انا اكتشفته.. من متى وافي مسجلهاا لي؟؟..من طلعت من المستشفى..لكن متى سمعتهاا..بعدما عرفت طبيعة مرض وافي...ماكنت مصدقة ان هالصوت الحلو مريض..ومو اي مرض... مرض تقشعر له الأبدان...مرض ترافقه كلمة والعياذ منه!!...مرض مخيف قااتل خبيث!!

***************************************


طالعت بوافي ودموعي ملياانه..كان واقف مع حصاانه وافي وقااعد يداعبه ويوكله... ويمشط له شعره ويغسل جسمه...
كنت واقفه بعيد...بعيد مرة...لكن كنت احس بقربه..وكأنه قريب حيل مني... كنت رافضه اصدق ان وافي مريض... وبالسرطاان...معه ورم خبيث جدا في دمااغه... وهالورم بعد فترة حيأثر على سمعه وبصره وحتى نطقه!!...
تخيلوا وافي..الوافي مايسمع..تخيلوه مايتكلم..مايشوف... وافي الوافي تخيلوه عااجز؟؟.. ماراح تقدرون...اناا نفسي مو مصدقة انه بعد فترة راح يصير مجرد عظاام...راح يصير حكااية من المااضي نحكيها لعياالنا....راح يصير صورة على جدار الذكرياات..راح يموت مثله مثل اهلي مثل جاسر مثل نورس...مثل كل من خالطني او ارتبط فيني من بعيد او قريب...اناا عارفة ليش جااسر ماات؟؟..مو لأن عفرا هي خطيبته...لأني اناا ملكة الموت..ملكة البؤس...ملكة الهم...قريبة من عفراا... انا سبب بؤس هالعاالم...ياربي الطف فيني...!!





وافي وهو يشوف دموعي اللي تملاا عيوني: ملكه؟؟..وشفيك؟؟..تكلمي..."
حطيت ايديني على صدره تحسسته مو مصدقة وحطيت راسي عليه ببطء وانهرت اصيح ..: وافي لااا تروح..لااا تتركني..من لي غيررك!!..."
وافي اللي كان متفاجأ مني..ربت على راسي بنعومة: وش هالكلااام؟؟..اناا لو اترك كل هالبشر ماراح اتركك يا ملكه...وش فيك؟؟.."
قلت وانا ارفع وجهي اطاالعه: ماافيني شيء..اوعدني يا وافي؟؟..اوووعدني...ماراح تتركني ابد...ابد... ابــــــد.."
وافي قاام يمسح دموعي الغزيرة: اوعدك يا عيوني..يا عيون وافي...وش هالحكي؟؟.... ترى كل هالبشر اللي حولي وحولك مايسوونك يا ملكه... لو كل هالبشر قررت تتركني لأني مستمر معك...عاارفة ماراح اهتم فيهم...خلهم يتركوني...بس انا ما اتركك...لأنك الوحيده اللي بحيااتي...اللي اثق تماما انها لو حبتني...فماراح تنتظر مقاابل..."
تلمست عيونه...خشمه..شفايفه..وجهه..شعره وكأني احاول احتفظ بكل مافي هالوجه بذاكرتي..مابي اي تفصيله منه تفوتني...ابي احفظ حتى التجاعيد البسيطة اللي تطلع عند عيونه لمن يبتسم...ابي احفظ هالشعرات الخفيفة اللي بذقنه...ابي احفظه لااازم ارسم صورته..راح اطلب من احد يرسمهاا لي...لااازم احتفظ باشيائه..اقله لو ماات يكون فيه شيء من ريحته معي...
: واافي..خذني ويااك...مابي اجلس هنااا..."
وافي بلهفه: من عيوني...راح آخذك هالحين لو تبين...بس اول...قوليلي..فيه احد ضايقك ؟؟..مهاا ضايقتك؟؟..صيته؟؟..جدتي؟؟...الخدم؟؟..اي احد؟؟.."
: لااااء.....ابداا...بالعكس اهلك افضل نااس عاملتني...بس اناا مليت من الجلسه لوحدي ابي ارجع لبيتك.." وسكت شوي وتطلب مني الوضع شجااعه فضيعه عشان اصحح: بيتناا.."
ابتسم وافي وهو مو مصدق:اكيد اناا بحلم يا ملكه...انت تقولين هالحكي؟؟.. معقوولة ياربي صبري جاا بفاايده...من اول يوم بزواجناا وانا انتظر كلمة حلوة منك رغم جفااي لكن قلبي كاان مولع بحبك..."
ابتسمت له من بين دموعي: تذكرت شيء..."
وافي بنعومة: وشوو؟؟..لا تقولين انك غيرت رايك؟؟؟.."
: لاااء..بس اليوم لااازم اروح اقابل سمااح...وبعد بكره زواج رجل صيته لااازم اروح ويااهاا...وبعدهاا..." ونزلت عيوني بخجل اجتاحني كلي..حسيت باحراج فضيع.. كنت قريبه منه مرة... وكنت اقوله اني ابيه!!...اكيد انا انجنيت...لو احد شاافناا!!...ياربي والله فشله!..
بعدت عنه ولاااحظت الاعتراض على وجهه بس ماقال شيء..تنحنح شوي وابتسم وهو يهز كتوفه اخيرا بعجز: طيب...اوصلك لسمااح؟؟.."
: يااليت والله!!..بيكون شيء حلوو...لأني ما احب اطلع مع السواقين كثير لوحدي..."
وافي وهو يرجع شعره لورا ويمد ايده لي: طيب...وراح اخليك تروحين لزواج رجل صيته .. مع اني مفروض ارفض هالشيء...بس راح اوافق عشان صيته ماتكفخني.. لأنها هالايام صايره شخص ثااني..."
ضحكت شوي...ومسكت ايده بخجل واناا اعض على شفتي...
وافي بجرأة: خليناا من هالحكي له وقته..هالحين...وافي ينتظرك...ينتظر ملكته...خليناا نروح له سواا..."
فتحت عيوني على الأخير لمن سحبني وقاام يركض بخطوات كبيرة ناحية وافي اللي كان يركض بخفه وبشكل داائري..وشعره يتطااير حوله...
اخيراا وصلناا قريب منه....وراح له وافي ومسكه مع لجاامه...وسحبه نااحيتي...حاولت اتنفس لأن صدري كان يعلو ويهبط بسرعه فضيعه... كنت مرة فحماانه ومحتااجه موية... وكمان الجو كان ابرد في المكاان اللي وقفنا فيه لأنه منطقة مستوية مافيها لا نخيل ولااا جدران....
وافي وهو يضرب حصاانه بخفة: يله اركبيه..."
: وشوووووو؟؟...اكيد انجنيت انت؟؟.."
وافي وهو يهز راسه: ليش؟؟...اركبيه يله...هذا الحصاان من هاللحظة ملك لك... انت حرة فيه.. اركبيه..."
: واافي؟؟..اناا...مرة شكراا...احلى هدية والله..بس مقدر اقبلهاا..."
وافي باستغراب: ليش؟؟.."
: لأنننن..لأني مو متعوده آخذ هدايا قيمتها نص مليون تقريبا..."
وافي وهو يرجع راسه ورا ويآخذ نفس طويل: اول شيء..اذا الملكه ما تآخذ هدايا بنص مليون مين اللي يآخذ؟؟..
ثانياا....كل فلوسي لك...فاذا مو انت اللي.."
قااطعته بتحذير: ترى فيه وحده ثاانية تشااركني بفلوسك..وهالوحده..لهاا حقوق اكثر مني .."
وافي وهو يقرب مني وفعيونه نظرة شيطاانية: ليش اكثر منك؟؟.."
رجعت شعري الكاريه على ورا وقلت وصوتي يهتز: لأنهاا راح تكون المره النموذجية اللي انت تبيهاا..ماراح يكون لهاا ماضي تحاسبهاا عليه...ماراح يكون لهاا سجل حاافل بمرض بشع...ماراح يكون لهاا...قصدي.." تجمعت الدموع بعيني وقلت وانا اتنفس بصعوبة: بيكون لعياالك خواال واهل وعيله..راح يكون لك ارحاام..ونسايب..ماراح تكون مثلي ابد...مقطوعه من شجره..مالها عزوة..."
وافي حط ايدينه على كتوفي بقوة: انت عزوتي واناا عزوتك يا ملكه...عمرك لا تقولين هالحكي...الماضي مااضي...وانا مساامحك علييه..."
صرخت فيه بتعب: وافي انت فااهم هالمااضي بكيفك..وافي عمر المااضي ماكان بالشكل اللي انت فااهمه...وافي لااازم تسمع الحكاية من كل الاطراف...لأنهاا دايم تكون مختلفه يا وافي..."
وافي وهو يحااول يكبت اعصاابه لمن اطري سيرة المااضي والمااضي هو مسااعد للي مايعرفون..: طيب...قولي..كلي اذان صااغية...بسمعك يا ملكه..وبنشوف وش الحكااية ؟؟.. "
وتكى على ظهر حصاانه وطاالعني بتحدي كرهته...تحدي حسسني اني طاالبه انمسكت وهي تغش ومو عاارفة شلون تداافع عن نفسهاا...الكذب لااابد منه...واعتقد انه حلااال بهالحاله لأني بحاول اصلح حيااتي مع واافي...
: وافي...يمكن ماراح تصدقني في هالحكي اللي اقوله... اناا ما ارتبطت مع مسااعد بأي علاااقة...الموضوع كان غير مانت فااهم.."
وافي باتهاام صريح: كنت تقاابلينه..يمكن كنت تعرفينه من قبل لايخطب بدرية..صح؟؟"
: لاااء مو صح...على اي اساس تعتقد هالشيء؟؟..وافي اناا عمري ماعرفت مسااعد... ولااا عمري قاابلته.."
وافي بضيق: ملكه..اناا مستعد اسمعك..لكن لا تكذبين علي...لااا تستغفليني.. اناا اذكر انك كنت مرة بالملحق حق الرجاال...بعد ملكه بدرية بساعات قليلة..قوليلي وش كنت تسوين هنااك؟؟.."
انصدمت من معرفته للموضوع فسارعت بالرد بدفااع: ماكنت احسب انك انت ومسااعد فيه.."
وافي ببرود وشخصيته انقلبت 180 درجة:لو فرضنا ان كلااامك صح... كنت عاارفة ان سلطاان فيه.. ومع هذا تجرأتي ودخلت ملحقه بآخر الليل...بملااابس قصيرة...والله اعلم ليش؟؟.."
: واافي انت مو قااعد تسهل علي هالشيء..واافي انا دخلته لأني كنت ابي منه مفتااح المطبخ... اناا.."
طالعني بسخرية: ملكه لا تستغفليني..."
اخذت نفس عميق..." انا ما استغفلك...اناا قاعده اقولك الصدق...صح اني كنت متهورة.. بس اناا اعرف ان نوم سلطاان ثقيل...وانه ماراح يقوم...كنت جوعاانه رحت عشان آخذ المفتااح...بس مالقيته في المكتب...بعدين سمعت صوت حمام غرفة النوم حقتكم..مت من الخوف وتخبيت تحت الطااولة علشااا..."
سكت بحزن واناا اشوف نظرات عدم التصديق والسخرية تلمع في وافي...عرفت ان عمره ماراح يصدقني...ودوم راح اكون متهمة بعيوونه...وتسألوني ليش ما اعترفله؟؟..لأنه بكل بسااطه مو مستعد يسمع...
وافي وهو يرجع شعره على ورا باصابعه: وشوو؟؟..ليش سكتي؟؟..خلص المااضي.." قالها بألم وهو يزم شفايفه بببرود..
ابتسمت له ابتساامه شفقه: عمر المااضي ماراح يخلص...اناا بروح ادخل جوه اشوف عيال صيته...عن اذنك.."
لحقني وافي بسرعه ولفني بقوة عشان اطالعه: كملي حكيك..."
: وافي ماعاد بقى في داخلي اي كلااام...اناا كذاابه...وماعندي اي شيء اقوله..اترك ايدي لو سمحت.."
وافي بعصبية وهو يحط ايده بجيبه يدور شيء: اسمعيني..اناا مستعد اسمعك..خلاااص ماراح اقول اي كلمة..اوكيه؟؟.."
: وافي اناا مو لعبتك...ماراح اتكلم عن الماضي مرة ثاانية...عمرك لا تصدقني.."
وافي بعصبية: لااا تقولين كذا..." وطلع علبة سجاايره وولعهاا ورماها بفمه بتوتر...
: وافي..اذا انت فعلااا تبي تعرف كل الحكااية اناا عندي حل...يناسبناا..." وتذكرت طريقة كنت اسويها مع امي لمن ازعلهاا وكانت تجيب نتايج رووعه ومبهرة...
وافي بلهفه: قووليه؟؟.."
: بكتب لك رسااله...بحط فيهاا كل الحكي اللي عندي...وبخليك تقراها...وخذ راحتك ووقتك...واذا حسيت او بالاصح صدقت ببراءتي...وقتهاا تعالي هناا...راح انتظرك.. بس...لا تتأخر كثير..لأن صبري مو طويل!!.."
وافي وهو يرمي السيجاره على الأرض ويدعسهاا برجله: خلاااص...متى راح ترسلين لي الرساالة؟؟.."
: ارسلي ايميلك برساله على الجوال وراح اكتبهاا لك الليلة او بكره..."

***********************************


سمااح دقت علي...واعتذرت وهي تصيح عن الموعد...تقول ان روعه تعبت عليهم مرة.. واضطروا يآخذونها المستشفى...قبلت اعتذارهاا ووعدتها اني ازور اختهاا بكره بالكثير اذا قدرت...ودعيت لهم من قلبي..حراام بناات صغار ولاهم قد مسؤولية الحياه...



**************************************



طالعت بصيته اللي كانت لااابسه فستان من فساتيني لونه بنفسجي وفيه زي اللون الزيتي.. وقصته مرة روووعه....وواسع مرة من عند الأرداف... طلعهاا كأنهاا بنت صغيرة مرة.. خصوصا انها صبغت شعرها اسود باذنجااني..وحطت مكيااج كثير عشان تخبي الشحوب اللي مالي وجههااا..ومخليه شعرها انسيابي نااعم..وقاصه غرة كثيرة بالموس... وطالعه باختصاار قمر 14..
صيته وهي تطالع بوجهي: مشاء الله مكيااجك مرة حلوو.."
: اكيد...ابي ادعمك فلااازم اكون بالشكل اللي يكسر خشم العروس..وخواتهاا...تتوقعين زوجك ينزف؟؟.."
صيته بقرف: افف..لا تقولين زوجي..قولي طليقك المستقبلي...وبالنسبة لسؤالك مليون بالمية راح ينزف...الرجال استخف يا حبيبتي...وتصدقين ازين عشان اسلم عليه لآخر مرة قداام هالبشر..."
: الله يعين...يله ترى الوقت متأخر..خلينا نمشي هالحين..الفندق بعيد.."
لبسناا عبايتنا وحطينا عطورنا بالشناط الصغيرة...اناا كنت لااابسه فستاان احمر نااعم مرة بدون اكتااف وضيق...ومخلي شعري على طبيعته....ومكيااجي خفيف بس روجي احمر صارخ...
لقيناا مهاا بالسيب...كانت قااعده تذااكر...اول ماشافتنا صفرت باعجاب: ياهوووووووه.. والله كل وحده ازين من الثاانية..مشااء الله عليكم...قمااري...راح تنخطبون..."
ضربتها على كتفهاا بقوة: فاال الله ولااا فالك...وش ننخطب يا حبيبتي؟....بالنسبة لي عندي زوجي وصيته...عندها زوجها او جلسه البيت مانبي عرساان..."
مهاا: يادفشك...يارربي مدري شلون خالي الرقيق صبر على دفااشتك...انثروا ملح عن العين..."
وجابت ملح ونثرته على كتوفي اناا وصيته اللي ضحكت من قلب: مهاا يا خبلك اعقلي.. هذا وانت توك ممتحنه سلم رشيتينا بملح...الظااهر دروس تدخل من اذن وتطلع من الثاانية..."
مهاا وهي تضحك: هههههههه...لااا ترى مضمونة معلومة الملح...يله دعواتي معاكم.. انتبهوا على انفسكم..ولا تتأخرون وجيبوا عشا ويااكم..."
ودعاها واحنا نضحك على حركااتها اللي عمرها ماتبطلهاا... وركبناا السياارة وكل وحده عقلهاا خذاها لمكاان..
صيته بزوجها وعروسته الصغيرة...وكيف راح تتحمل شوفتهم..؟؟..
وانا بوافي...وبالرسااالة اللي كتبتها له وارسلتهاا؟؟..وهل راح يصدقهاا او لاااء؟؟..
يارفيق دربي..فسعادتي تكمن في وجودك...

لااا حياة لي بعدك...

قسوت عليك وهذا من حبي لك...

همســــــــــــــــــــات
نظراتـــــــــــــــــــــــ
عتــــــــــــــــــــــــاب
شوقـــــــــــــــــــــــ
محــــــــــــــــــــــــبه
عشق ابــــــــــــــدي
كل جزء من هذه الاحرف تنبض باسمك وتتذوق حلااوة عشقك...
فتقبل مني هذا الاهداء...

الفصل التاسع والعشرين
في العرس..


تونا جاالسين قريب من الممر اللي راح تمشي عليه العروس...
الااا ونشوف وحده لااابسه فستان ذهبي له طرف مشكوك...
ورافعه شعرهاا فوق راسهاا بتسريحه عصرية شوي...وهي جايه جهتناا...
قربت مناا وابتسمت بوجه صيته بشمااته وهي تقول:
واااااااو...صيته هناا...وش هالمفاجأة؟؟؟.."
صيته ببرود وهي تصد عنهاا: اي مفاجأة يا حبيبتي؟؟..
عرس رجلي لااازم اكون اول المتواجدين فيه!!"
البنت اللي كان واضح انهاا بعمري او اكبر شوي: ولااا وجايبه معك ضيوف؟؟.."
صيته وهي تعرف البنت علي: هذي مرت اخوي..ملكه.."
والتفتت علي: هذي اخت صالح الصغيرة...عمة عياالي..."
هزيت راسي لهاا بغرور واناا اطالع فيهاا من فوق لتحت...بطت كبدي باسلوبهاا
السامج بالحكي...
: تشررفناا" كانت الكلمة الوحيده اللي نطقتهاا...
اخت صاالح وهي تطاالعني بطريقة غريبة: مرت وافي؟؟.."
صيته وهي تبتسم بلؤم: ايه..مرت وافي.... "
البنت هزت كتوفهاا بغرور وقالت وهي تلف عشان تروح عنا...
: على العموم...حيااكم الله بعرس اخوي الثاني والاخير..هههههه...
بروح اقولهم يحطون لكم ترمس قهوة جديد..."
لمن راحت البنت..طالعت بصيته اللي كانت تهتز قهر..
: صيته...هدي اعصابك..."
صيته بعصبية بس ماكان باين عليهاا: شلون اهدي اعصابي وهالسوس هم حمواتي...شفت شلون اسلوبهاا...انت عاارفة انهاا كانت ميته تبيني اخطبها لوافي او لمشاري...وصرااحه مره قلتلهاا..ان اخواني ماراح يآخذون الا بنات يناسبونهم.."
: مااعليك منهاا...انت خلك رااكده...دامنا حظرنا العرس فخلاااص..لاازم نلعبها صح..
اهم شيء ان رجلك يعرف انك حظرت العرس..ومابقى على الزفه شيء كثير.."
صيته وهي تطالعني: الزفة؟؟..ملكه ليتني اقدر افجر هالمكان فوق راسه هو وعروسته...ليت القتل مو حراام..!!"
: لو القتل مو حرام..كان زمااني ذابحه وافي.."
صيته وهي تبتسم: حراام عليك...ياازين وافي والله...صدقيني..بيجي لك يوم..
وبتعررفين ان وافي مامنه اثنين..."
: وافي فعلااا مامنه اثنين..."قلتها بسخرية مرة..




كان العرس ممل جدا...خصوصا ان خوات صاالح كل شوي وهم ناطينا بحلوقنا..
يسالوناا اذا كان ناقصنا شيء..او محتاجين اشياء؟؟..
طبعا معروف مكر الحريم..ولااا من متى هالمحبه على قول صيته؟؟..
المقصد واضح يبونهاا تنهاار وتصرخ بوجيههم ويبان اهي وش تحس فيه؟؟..
وزادت حرقة صيته لمن عرفت العروس..خصوصا بعد ماشافت صورها .. في البداية ماكنا منتبهين للصورة...لكن اللي نبهتنا لهاا اخت صاالح..كانت بنت مملوحه..بس ماتجي نص جماال صيته...شعرهاا طويل اسود... عيونها وسط...سمااره...
صيته بمرارة وهي تطالعني مصدومة: هذي كانت تلعب قبال بيتي..يا ملكه.."
: ............."
صيته وهي تابع وتحاول انها تتماسك: تخيلي....هال البزقة كانت تلعب قبال بيتي اول ماتزوجت...معقولة يا صالح؟؟..تزوج هالبزر..تخوني بكل هالبسااطه.."
: صيته خلاااص حبيبتي...خليناا نطلع..اناا حاسه انك راح تخربين الدنياا.."
صيته بحزن مكبوت: الله ينتقم منه يا ملكه..هذا ارسلي طعنة مميته لكل شيء فيني يقول انا انثى...قوليلي وش فيهاا زود علي؟؟..."
: ماعليك منه..والله ربي بيحااسبه على حرقة اعصاابك يا عمري..صدقيني..
بكره بيجي يزحف على رجوله ويتوسلك تسامحينه.."
صيته بقهر وهي تحاول صوتها مايرتفع: والله...لو ماات قبالي ماسامحته.."
ماعلقت على كلااامها...





دق جوالي فجأة...فطلعته من شنطتي وانا متأكده انها مهاا..لكن استغربت لمن شفت وافي هو اللي متصل...
ترددت للحظات..بس اضطريت ارد واناا ميته رعب من مكالمه وافي... يمكن ماصدق رسالتي..
يمكن يعتقد اني اتمهزل فيه!!..او اي شيء سيء..لأن وافي طول عمره شكاك!!
وافي بصوت عادي: سلااام.."
: هلاااء.."
وافي وهو متردد: كيفك؟؟..امم..متى بتطلعون من عندكم؟؟.."
:الحمدالله بخير.. اممم...يعني بعد..الزفه ان شااء الله...وش هوله السؤال؟؟.."
وافي مارد علي...بعد لحظات: كيف العرس؟؟..وصيته؟.."
: ماعليه حليو...وصيته..اووه..لحظة..."
انهبلت واناا اشوف صيته رقت الكوشه وراحت ترقص على اغنية..(ايوه)..الحيواانه من اليوم وانا امنعهاا من انهاا تتهور...
: وافي..لااازم اقفل هاالحين..صيته راحت ترقص..."
وافي وهو يرفع صوته: انا اللي بجي آخذكم..دقي علي اول ماتعشون...بااي.."
قفلت الخط من غير ما اقول شيء... وحطيت الجواال بشنطتي..وتميت اطاالع بصيته...وانا ميته خوف من انهاا تصيح...او تنهاار..او يبان اي ضعف منهاا..
حرام تصير شمااته والناس تكلم فيهاا...
((لبيه يا ابو عيون وساع..ماغيرك احد(ن) البي له..))
امتلت عيوني دموع..بس الحمدالله محد كان يطاالع فيني..الاغلبية كانوا يطالعون بصيته..واللي اكيد الكل كان عاارف انهاا مرت العريس...
لأن مثل هالاخبار..تنشتر بسرعه بين الحريم...انا متأكده ان نصهم يحسدون صيته على قوتهاا..والنص الثاني يتحسرون على شباابهاا وجماالهاا...ويفكرون برجالهم...اذا صيته ما اقنعت رجلهاا...هم راح يقدرون؟؟...
خوات العروس..كان القهر باين على وجيههم...ولاااحظت ان فيه حركه بينهم غريبة..
توقعت ان العروس وصلت..وقررت اروح اشوف..
شلت شنطتي وقمت على اساس اني راايحه الحمام...شفتهم يطاالعون فيني من فوق لتحت..فسفهتم...
اول ماطلعت من الصااله..ماخاني ظني...لاااحظت ان فيه وحده من خوات العروس لااابسه عباايه ومتلثمه واقفة عند غرفة العروس...وشكل ان العريس المصون جوه..
واكيد انه يتصور مع البزره اللي متزوجهاا..جعلهم الصمرقع...
طالعت فيني اخت العروس بطريقة شريرة...من فوق لتحت..ناظرت بعيد عن غرفة العروس...ورحت الحماام...
اول ما دخلت الحمام..فتحت شنطتي..وقررت اني اسوي مكيااجي..وفكرت بوافي اللي راح يشوفني كذاا...
ابتسمت بخجل..وافي هو اللي بيآخذناا...عمره ماشافني بفستان زي كذاا خالع.. حتى فستان زواجي كان ساتر...
طلعت البودرة والكحل والروج الاحمر والفرشاة...مشطت شعري بسرعه وخليته ينتفش شوي...اللي كان نازل شوي على رقبتي....
عدلت روجي بمهاارة...وزينت كحلي...والبودرة...وقبل لاا ادخلهم بالشنطه..شفت وحده من خوات العروس تدخل الحمام..وكان باين عليهاا نية شريرة..
مسكتني مع ايدي بطريقة وقحه وبدون مقدمات قالت: بدل هالاستعراض اللي قااعده تسويه صيته...خليهاا تشيل نفسهاا وتروح...ترى العريس مايبي يشوفهاا.."
جريت يدي من يدها بقوة: العريس اللي انت قااعده تكلمين باسمه..هو اللي مرسلهاا كرت لزواجه..."
اخت العروس بلهجة حاده: واذا...مو كل وحده رجلهاا ارسلهاا كرت لزواجه تحظر.. اناا عارفين ليش صيته حاظرة؟؟..اكيد نااوية على نية قشرة في الزفة.."
: والله نااوية او مو نااوية...لااا تدخلون..رجلهاا وهي حرة فيه..وبعدين يا حبيبتي.. ترى العرس على حساب صاالح..لذا ان كان فيه احد بيطلعنا من هالزواج..فبيكون صاالح شخصياا...اتمنى تحترمين عرس اختك وتروحين من قدام وجهي هالحين.."
لاااحظت ان الحرمه تغير وجهها وكانها ماتوقعت اني بقولهاا هالكلااام...صح اني طيبه وبنت حلااال ومافيه احلى مني..لكن فيه اشياء تفرس...وتخلي الانسان يتكلم حتى لو خاالف طبيعته الناعمه...
راحت الحرمه من قدامي وانا شلت شنطتي وطلعت وراها...ورحت لمكان العبايات وخذيت عبايتنا..عشان نطلع ورى الزفة على طول...
رجعت لقيت صيته جاالسه بمكااني وتلعب بجوالها بزهق...الله ياا صيته...والله اللي يشوفك مايصدق انك تحبين صاالح..
البرود واضح عليك...لكن اناا عارفة انت وش تحسين فيه؟؟..تحسين بسكين الزمن وهي تطعن وتقطع قلبك...
تحسين بالغدر اللي خذاك على غفله وانت بعز سعاادتك...
تحسين بالحرماان...وبالخوف...وبالالم...
تفكرين شلون راح تعيشين بكره بدونه؟؟...شلون راح تقومين من النوم وتلقين المخده اللي جنبك خالية؟؟..
تتخيلين زوجك..وهو مبسوط مع عروسته الجديدة بشهر عسله.. وهو يضحكلهاا نفس الضحكاات اللي تعود يضحكهاا لك...
ويقولهاا نفس الكلماات اللي سبق وقالهاا لك...
صيته..خلك قووية...خلك جبل عمر الرياح ماهزته...وعمره مانحنى قداامهاا..
زوجك يا صيته مجرد ريح في حيااتك...ريح سموم قااسيه...حااولت وحااولت تهدمك..
وتخلي منك مجرد تل صغير متواضع...






جلست جنب صيته..وعلمتهاا عن اللي صار فابتسمت لي ببرود وهزت كتوفهاا..
اعلنت الطقاقه عن ان العريس راح يدخل مع العروسه بعد عشر دقايق تقريباا..
وطلبت من الحريم انهم يجيبون عباايتهم...
اناا لبست عبايتي وغطيت شعري زين وتلثمت...اماا صيته فخلت عبااتهاا على الكرسي اللي جنبهاا...
جات اخت صاالح الصغيرة اول ماسكروا الانوار...وجلست جنبنا...واستغربت انا حركتهاا...تبي تشوف كل شيء من قريب..هذا اللي قالته..
بس اناا وصيته فااهمين اهي وش تبي تشوف؟؟..تبي تشوف الالم وهو يعصف ويزمهر في وجه صيته...
وخوات صاالح الباقيين كانوا واقفين على الكوشة بصف مع خوات العروس...وشكلهم بيسوون عرضه..
سمعناا صوت موسيقى عااليه...وبعدهاا الضوء تركز على الباب...وشاعر صوته حلو بدا يلقي قصديته...
صيته وهي تغمض عيونهاا بألم: هذا صاالح.."
ومسكت ايدي من تحت شرشف الطااولة وهي تآخذ نفس عميق...
اخت صاالح وهي تضحك بسماجه: هااو..شفتي المفاجأة؟؟..ماتوقعت صاالح يسويهاا..
شكلهاا خذت عقله ولااا كان ما اقتنع بهالشيء.."
كنت برد عليهاا...بس صيته ضغطت على يدي وهي تهز راسهاا..
وردت بلااا مبالااة قد ماتقدر: بعض الرجاال يا حبيبتي...رجال بالاسم بس..واكبر دليل ان الحريم تحركهم..."
اخت صاالح بقهر: وش قصدك؟؟؟..عشان اخوي عافك وصد عنك...تقولين هالحكي عنه..."
صيته ببرود: ياا حبيبتي...اناا اللي عفت اخوك..مو هو اللي عاافني..."
اخت صالح وهي تزم شفايفها: واضح مرة عليك..شوفي كيف نحفتي يا عمري؟؟.."
طالعت فاخت صالح بكره...واعطيتها قفااي...ودقيت على وافي...اللي رد علي من اول دقة..حسيت برااحه فضيعه واناا اسمع صوته...يعني صد ق رساالتي؟؟.. ولااا ناوي على شيء؟؟ماحاولت افكر كثير...
لأن فيه اشياء اهم من زواجي كله...
: الووو...وافي..."
وافي وهو يرفع صوته: هلاااء..خلصتوا؟؟.."
: تقريبا.....ياليت تحرك من المزرعه هالحين.."
وافي: ان شاء الله.."
سمعنا صوت الزغااريط وهي تتعالى...بعد ما انتهى الشعر....شفناا ثوب العروس الابيض بدا يبين...
وبدا يتوضح المشلح الاسود اللي واقف جنبهاا....مشاء الله ميزة صاالح...جسمه الرياضي...وضخامته....واللي اكيد محببه عندنا احنا البنات...
بس من نااحيه وجهه فكان جدا عاادي...يحمد ربه على صيته ويبوس يده وجه قفا...
عروسه كان شكلهاا مرة نعوم...كانت متعلقه بذرااعه بوله..وهي توزع ابتسامات طفولية بريئة يمين وشماال...
وتطاالعه من وقت لثااني...غرقت عيوني دموع..قهرني الموقف..يااويلي لو يصير فيني هالشيء...لو وافي..بس هو بيسويهاا لكن ماراح اكون متفرجه مثل صيته...التفت اطالع بصيته اللي وجههاا بهت بقوة...وباان عليهاا انهاا خلااص مو قادرة تقاوم..
صيته بصوت واطي جدا اناا اللي بس قدرت اسمعهاا: شوفي شلون..شكلهاا مفتونه فيه...مثلي اناا قبل عشر سنين...كنت مفتونة فيه..ومتعلقه فيه بنفس الطريقة..الزمن يعيد نفسه.."
: صيته!!.."
صيته وهي تابع وكأنه يسمعهاا: ليه ياا صالح؟؟..ليه تركتني؟؟..ليه بعتني؟؟.."
امتلت عيون صيته دموع وطالعتني بألم..خلاااص مو قادرة تمسك نفسهاا راح ننفضح..راح تصير علكة بحلوق الناس...
حطيت ايدي على ايدهاا بتفهم..كانت اخت صاالح تبتسم بتشمت وهي تشوف مقااومة صيته اللي بدت تنهاار مثل سد عملاااق بدا يتفتت من كثر الضغط..
مشوا العرسان شوي شوي...وكاانت العروس كل شوي توقف عشان المصورة تصورهاا..والمعرس يضحك لهاا من كل قلبه لمن تستحي منه وتعض على شفتهاا وترجع تبتسم له وتطالع فيه...
صيته بدت تحفر اظافرها بذراعي بدون ما تنتبه واناا ماقلتلهاا شيء..لأني كنت حاسه بالمهاا اللي تحاول تفرغه بأي طريقة...
وقفوا العرسان قدامنا تقريبا...وطالع صاالح بشكل طبيعي لاخته اللي اشرت له مبسوطة..وابتسم لهاا...وتجمدت الابتساامه بفمه وهو يشوف اللي جالسه جنب اخته...
وقف الزمن بهاللحظة وماعاد بقى احد في المكان غير اثنين..صيته وصاالح.. نسى عروسه..ونسى المعاازيم...وطالع في صيته...ولااا كنت قادرة افسر نظراته..
صيته كانت نظراتها له..عتب حاامي صريح...مع دموع امتلت بعيونهاا..وانساالت بدون ماتنتبه على خدهاا...
وصاالح..كان بعيونه مزيج غريب...حب قديم..ولهفة اختفت..وحسره على شيء مو فااهمته..
واناا اللي مافيه اشطر مني بفهم المشااعر...ولااا احد يغلبني بمثل هالشيء...
سحبت يد صيته بقوة..وجريتهاا عشان نطلع...تحركت معي صيته وعيونها معلقه بصاالح اللي التفت يشيعناا بنظراته....وعروسته اللي ماتت الفرحه بقلبهاا وهي تطالع بصيته بعد...
طلعناا بسرعه من الصااله...لبست صيته عباايتهاا وهي تشااهق بانهياار... وغطت وجههاا وطلعنا بسرعه...
الحمدالله وافي ما تأخر عليناا..تقريبا عشر دقايق..وكان واقف عند الباب..
ركبنا السيارة بصمت....كان وافي مشغل الراديو...والمضحك المبكي ان الموضوع كان عن الزوجة الثانية....
قفلت الراديو بسرعه...وعدلت برقعي...لأني لبسته بسررعه لمن طلعناا... صيته كانت تبكي بصوت عاالي بالمقعد الخلفي...
رميت راسي على المقعد بكسل...وعيوني كانت تطاالع بالطريق المبلل من المطر..
حسيت بيد دافيه تحظن يدي...فرفعت راسي مستغربة..كان وافي ضام ايدي بقوة.. لكنه ماطالعني...ايده تلعب بايدي الصغيرة...واناا مستسلمه له...
يبث فيني مشااعر غريبة..يحركني...يزلزلني...يفجرني..
عجيب هالشعور اللي احسه...مؤلم رغم حلاااوته...عااصف رغم هدوئه..
غزير رغم ندرته!!
عرفتوا وش هالشعور؟؟..ماا اعتقد لأنه لغز..اذا انا لقيت حله قلت لكم..
واذا انتم عرفتوه قولوا لي...





قربناا من المزرعه اخيراا....مادار بيني اناا ووافي اي حوار...وكان في صمت مسموع عجيب في جو السيارة..يتخلله من وقت لثااني
شهقات صيته المكبوته بضعف وانهزام...
صوت القلوب وهي تنبض بقوة...صوت تنااغم بطريقة غريبة... كون سميفونية مذهله...
صوت العقول وهي تتخاطب وسط هالصمت...كنت اسال وافي وهو يجيبني بس بصمت..
: صدقتني؟؟.."
وافي اللي طالع فيني هاللحظة وكأنه سمع سؤالي..وانا تهيأ لي اني سمعت جوابه: ايه..."
: ساامحتني على تهوري؟؟.."
ضغط وافي على ايدي بطريقة مفاجئة فطالعته ملهوفة..وحسيته يجاوبني: وشلون ما اسامحك!!.."
سألته بلهفة وبصوت القلوب: تحبني مثل ماكنت تحبني؟؟"
جاوبني بنعومة وبصوت عالي خلاني انفجع: ايه..بطلي تفكير...
راح يذبحك!!.."
طاالعته مفجوعه...يعني نطقت بالسؤال بصوت عالي؟؟..لاااء اكيد
اهو عرف...شلون عرف؟؟
: مااقلت شيء!!..." قلتهاا بدفااع وخجل وارتبااك..
وافي وفيه ضحكه مكتومة: اعرفك!!...حتى لو تكونين سااكته...
لكن هالراس الحلو يكون فيه مية شيء وشيء.."
وكمل وهو يرجع يركز بالطريق: قلتلك قبل...عيونك تفضحك!!..."
قهررني بكلمته...عيوني تفضحني..يعني ماعندي اسرار!!...آآه يالقهر...
غطيت البرقع على عيوني ورجعت اركز بالطريق..الظلم الزراعي..

دخلناا مع بوابة المزرعه....واول ماوقفناا قدام البيت..طلعت صيته ركض من السيارة حتى قبل مايوقف وافي زين...
كنت بلحقهاا...بس ايد وافي منعتني...
وافي: خلصت المهلة ياا ملكه...اعطيتك الايام اللي طلبتيهم..ماراح ترجعين معي؟؟.."
حسيت بريقي يجف واناا اجاوبه: ماابي.."
وافي وهو مصدوم: ليش؟؟..الشقه ذيك هي بيتك..مو هالمكان.."
قلت وانا ادور عذر بسرعه: جدتك محتاجتني...ومهاا عندهاا اختبارات..
وصيته بحااله فضيعه...والوضع مرة مايصلح..."
وافي بابتسامه خبيثة: اهاا...خلااص...اجل انا بجيب اغراضي... واجي اسكن معكم.."
طالعته بسرعه عيوني لمعت بارتباك: وافي...ماا يحتاج...اناا راح ارجع بنفسي للشقه.."
قطعت كلاامي لمن شفت وافي يطاالع يديني بتأمل...وكأنه يفكر بحكي مهم..
رفع ايده بحركة مفاجئة وكشف الغطاا عن وجهي..حمرت خدودي لأني كنت ناسيه البرقع علي..او يمكن متناسيته!!
وافي: ملكه...اناا قريت رساالتك...اناا موو عارف وش اقول لك؟؟.."
تذكرت رساالتي بسرعه...كتبت فيهاا كل اللي بقلبي بدون ترتيب او تنسيق...دش كلماات ورا بعض..كان همي يصدقني وبس..وحسيته ماراح يصدقني لو قرا كلاام مزخرف مرتب...
(( وافي...
ما عرفت اعبرلك عن اللي براسي بأي طريقة ثاانية..لأنك دوم تقاطعني قبل لااا تسمعني...((دوم تحكم علي قبل لااا تسمع دفااعي...
المصيبه حتى المتهم اعطوه فرصه يعبر عن اللي بقلبه..
وحتى الشخص قبل لااا يعدمونه يقولون له قول امنيتك الاخيرة..))
يعني يرحمونه رغم انه ميت لااا محاله..
حسبته اسلوبك في البدايه...لكن اكتشفت ان هذا اسلوبك مع اللي ماتصدقهم...مع الخونة من وجهت نظرك...صح؟؟..
خلنا نبدا من البداية يا الوافي...
لمن كاانت ملكة بدرية...سمعت اسمك يتردد كذا مرة ذاك اليوم... كنت مستغربة من تحسس عفرا من موضوعك..ماكنت تبي تسمع طااريك ولااا تبيك تسوي شيء لعيلتهاا..
بعكس بدرية اللي كانت متولعة فيك...ومسحورة مثلهاا مثل بااقي اهلك..
كرهتك او نقدر نقول اني خفت من ومن طريااك...مثلت لي شيء مبهم غامض...وكان عندي كاافي ان عفاري تكرهك..
حكمت عليك قبل لاا يصير بيني وبينك اي موقف...يعني اناا نفسي مرات اشبهك...
شفت عيونك..وكانت لحظة مميزة غريبة...لأني منك كلك ماشفت غير عيونك..فتنتني...باختصاار...!! لو للفتنه اختصار..
يمكن اكون بتفكيري مرااهقة في ذيك اللحظة...حتى اني سميتك فاارس احلاامي...شفت الدنياا؟؟..
رحت لعفااري ودرت فيهاا وقلت لهاا لقيت فاارس احلااامي يا عفراا..هذا اللي ابيه...!!
خلناا نبدا من حدث ثااني...اثر فيني كثير...لمن كان يزيد يبي يلمسني.. علشان الكلب...اللي كنت مرعووبة منه..لأني مو متعودة على الحيوانات...
انت مو محرم لي بعد...ومع هذا كنت راح تهااوش معه...طاار عقلي بذيك اللحظة..وحسيت اني بديت اتنازل عن الفكرة السيئة اللي انا مكونتهاا عنك براسي..
فتنتني من جديد...ولقيت نفسي افكر بكل غبااء بنوع عطرك؟؟..بدل ما افكر ليش انت انقذتني؟؟...
لكن كلمتك اللي قلتهاا لي دمرتني...اتهمتني..اني خذيت مسااعد.. اتهمتني اني بآخذ سلطان...وبغري يزيد بعد؟؟..
وافي عمرك فكرت بكلاامك قبل لااا تنطقه...؟؟؟
وافي كلاامك في بعض الاحيان سموم قااتله...اناا البنت اللي اهلي كدوا علي وشقوا عشان يربوني باحسن صورة...تفكر فيني بهالطريقة؟؟؟
رجعت وكررهتك اقوى من اول...كرهتك لأنك حكمت علي بلااا سبب..
هذا كان اعتقاادي...
نرجع ورا شوي قبل هالموقف...مسااعد..وش اقول عنه؟؟...هاللي تكرهه وتكره حتى طرياه..
وافي..مسااعد شافني في ذيك الليلة لأول مرة لمن دخلت الملحق...اهي حكاية طوويله..لكن مختصرهاا..ان ماحد قالناا انكم راح تناامون مع سلطان...
اناا وعفااري متعودين ندخل ملحق سلطان...لأن سلطان نومه ثقيل مرة ويقفل على نفسه الغرفة...
ومثل مانت عاارف مفااتيح البيت كلهاا في المكتب حق عمي اللي بالملحق...
اناا دخلت لسبب بسيط مرة...اعترف متهوورة...لكن غصبا علي..اعذرني...مثل ماتعذر اي احد...دخلت آخذ مفتاح المطبخ..
صح اني دخلت بروب النوم لملحق فيه شبااب...لكن والله الشااهد علي ان نيتي بريئة...
وافي...اكيد سمعت بحكااية اللي يشوف قتيل ويجي يبي ينقذه...فلمن يجون النااس يعتقدون انه هو القااتل...
يعني النااس تفسر الشيء من منظورهاا...والمنظر مرات يكون ماله غير تفسير واحد سيء..
لكن الحقيقة دوم لهاا ابعاد مختلفه...
وافي..مسااعد هو اللي كشفني...كان يعتقد اني بدرية..لكن بعد ماشافني وقف مصدوم...اناا من الخوف تيبست..كنت متسمرة بالارض...مو علشاان مساعد..لاااء..لأني كنت افكر بكل اهل البيت..
ببدرية وبسلطان وبعمي...وش راح يسوون لو دروا؟؟..
وافي...اناا عمري ما ارتبطت بمسااعد بأي طريقة..ولااا بينا اي لقاءات...واتحدى اي احد يقول شيء عكس كذاا...حتى عمري ماتكلمت معه غير مرة..
وهي هذيك المره اللي انت شفته ماسكني بقوة...ووافي مساعد انهبل لمن درا اني بوافق على اللي خااطبني...
كان مثل المجنون...خوفني كثير..
وافي مسااعد هو اللي حبني...هو اللي تملكني...هو اللي قرر يترك بدرية...
مسااعد حلف بيوم انه ماراح يخليني اعيش من غيره...
كان يجي يزورني بالمستشفى...بس لمن اكون منومة مخدره...
لمن ما ادري عنه...كان يحط لي باقات ورد..لأنه عرف اني احبهاا من الزرع اللي بالحديقة...مو لأني قلتله مثل ماتعتقد..
وافي..مسااعد مجنون...ولأنه مجنون حب يحطم حيااتي...تخيل اني احبه..واعتقد اني بيناا قصة حب...وقرر اني له للابد..
لذاا لمن ارسل ريم..وانا استقبلتهاا عادي..ماكنت انتبه لطلبهاا للتيلفون...ماكنت اعتقد انهاا بتخون ثقة النااس..
اناا طبعي وثوق..واثق بكل انسان قداامي..
ما توقعت انه نااوي يحطم حيااتي...ماصدقت واناا اشوف الفواتير اللي رميتهااا بوجهي..
ولمن جريتني وقفلت علي الباب بدون اي تفكير عقلااني..
وافي انت ما تدري انك بذيك اللحظة قتلتني...ذكرتني بالمستشفى...ذكرتني بجنوني اللي احااول اتناساه..
ذكرتني بالمرضى والانفرادي والتحرش وكل شيء!!
وافي من وين احكي لك ووش اخلي لك؟؟..
وافي كلمة هي وحيده...اررحمني..يا وافي..لا تعتقد اني مخططه على مشااري..ولااا تعتقد اني غازلت ذاك الشاب اللي كان واقف جنب المصعد..ولااا تعتقد اني ابي مساعد..
اعرف اني مرات تعمدت اغيضك..واقهرك...لأنك كنت تذبحني باليوم الف مرة..
كنت تقطعني ببرودك وبسمومك...ولمن عرفت من مهاا انك تحبني..تخبلت...قلت وهو يحبني يسوي فيني كذاا.
اجل لو كرهني وش بيسوي فيني؟؟..
رجعت لاكتشاف يتيم..مثلي بالضبط هالاكتشااف...انك اعتقدت اني انا امك..وانا خطيبتك الاولى...وانا عفااري...اللي على فكره انت ظاالمها واعتذرلها قبل لااا توادع وماينفع البكي وقتهاا
وافي...اناا ماراح احملك اكثر من قدرتك...اني لي عندك طلب وحيد يتيم...مثلي بعد...يتيم...حكم عقلك ودور لي مبررات اذا تقدر..
واذا ماتقدر...طلقني....لأني محتااجه اعيش بعيد عن كل هاللي يصير...
كاافي الحروب اللي خضتها السنه الاخيرة...
حرب موت اهلي..
حرب بدرية ومسااعد...
حرب الجنون..
حرب جاسر...
حرب عمي لمن غصبني عليك...
واخيراا حربك انت اللي اكيد بتكون نهاايتهاا ضدي...
الوافي....راح انتظر ردك...بس لااا تطول كثير لأني الصبر ملني.."
رجعت للواقع واناا اطالع بوافي اللي كان يشوف تقلبات وجهي...
: صدقتني؟؟.."
وافي بصوت ميت: ليتني اقدر اذبح الغيره اللي بصدري...ليتني اقدر انسى المااضي...ليتني اقدر..ياا ملكه....ليتني اقدر انسيك اللي اناا سويته فيك..او اقلها انساه اناا..."
جف حلقي واناا اطالعه مو مصدقة وقلت واناا ابتسم وعيوني دموع: صدقتني؟؟...هاا يا وافي؟؟..صدقتني.."
وافي وهو ينااظر من شباك السيارة للمزرعه المظلمه:ليتني ماا صدقتك....حطمتيني ياا ملكه... حسيت اني جلاااد بلااا رحمه... شخص اناني...مافكر غير بعمره وبس..."
: وافي...اناا مالومك..اي شخص بيشوف اللي انت شفته بيفكر نفس تفكيرك...
انت رجل شرقي..وصعب عليك تتقبلني وانت تعتقد اني بماضيي كنت لعاابه..."
وافي بعصبية: غصباا علي ياا ملكه...كل الحريم بحيااتي خانوني...
امي...خانتني...وتركت ابوي..ورمتناا في وجه امهاا وراحت تزوجت...
خطيبتي...اللي كنت امووت فيهاا.."
وسكت وهو يحااول يدور كلمات...واناا حسيت بطعنات متفرقه بقلبي...خطيبته اللي كان يموت فيهاا..شكله لسه يحبهاا؟؟؟..
كمل وافي وهو يضغط على ايدي بقوة: خطيبتي ياا ملكه..خذتني عشان تغيض حبيبهاا عشان تخليه يتحرك ويخطبهاا...تصوري شلون تفكيرهاا حقير؟؟..مافكرت انهاا تلعب بقلب شخص اساسا متألم...
قلبي انطعن طعنة قووية يا ملكه...الطعنه ذي ضيعت نص احساسه..مات نصه...كافي علي..لكن الزمن مارحمني..وقرر يقتل كل احساس فيني....جاات عفااري..اللي اعتبرهاا صديقة...وبنت متربيه على الاخير...عفااري كانت اغلى من خواتي ياا ملكه...كأنهاا اختي الصغيرة بالضبط مو بنت اختي من الرضااع... عفااري شفتهاا بعيوني مع واحد بالحوش حق بيتهم...ملكه خلك بموقفي...ليش كل هالحريم خاينات؟؟..ليش كلهم مافكروا الابانفسهم؟؟...
وبعدين جيتي انت...بوقت اناا عفت فيه الحب..وقفلت على قلبي...جيتي عشان تغطين عن كل اللي قبلك..حبيتك..سحرتيني..فتنتيني..مدري..كل شيء فيك حرك فيني شيء..
بس كرهتك بقوة رغم حبي لك..هالشيء كاان راح يجنني...كنت احقد عليك لمن اسمع صوتك...تتكلمين مع ريم او محمد...لمن اشوفك ترقصين وكأنك طفله بريئة بين ورودك...
حسيت انك اشر من كل اللي قبلك..وكل موقف كان يثبت نظرتي فيك...كنت متأكد انك تحبين تشوفين الرجال معجبين فيك...ويعجبك انك تخلينهم يلحقونك..مثل مسااعد...ملكه..مسااعد انت حولتيه لشخص ثااني...لشخص حقيييير...حثااله!.."
كانت دموعي مااليه وجهي صرخت فيه بضعف: بس اناا مالي ذنب..ماالي ذنب اذا اناا اعطيت مساعد اشارات ماكنت اقصدهاا... وافي والله ثم والله اني صاادقه...اناا مابيني وبين مسااعد اي علاااقه...خلني احلفلك بالمصحف اذا مو مصدقني...والله اني صاادقه..بكل كلمة نطقتهاا..."
وافي وهو يحط ايده على قلبه ويضغط بقوة: ملكه..اناا آسف... اناا مراح اذيك من جديد...ولااا راح اقسي عليك من جديد..والمااضي خلااص بيكون طي النسياان..اناا مصدق براءتك..."





بعد اسبوعين....



غني ياا دنيا معي...اسعدي لسعاادتي...فيه احلى من هالسماح؟؟..فيه احلى من هالمصاارحه...الله يا ناس...عيشوا حيااتي...تدللوا مثلي...حسوا بنص اللي احسه عشان تفهمووني...
غاروا يا كل العواااذل...واحسدووني!!



طالعت بوافي اللي كان لسه ناايم....وحسيت بخجل فضيع واناا قاعده اتامله..وش كثر جميل؟؟..الله يحفظه لي!! لي اناا وبس!
قمت من على السرير..ورحت للشباك وفتحت الستاير...الجو يجنن بالخبر...كأنه مبسوط لبسطتي...
وافي اقترح هالسفره كتعويض عن شهر العسل..ووعدني قريب انه بيسفررني بره...بس لمن تتزوج مهاا عشان نساافر كلناا..
رحت الحمام..وخذيت شاور سريع...ودللت نفسي شوي...بكل الشاور جل اللي اشتراهاا لي وافي من هارفي نكلز قبل لااا نسافر...
لفيت روب الحمام على جسمي...وطلعت منه...وفتحت التلفزيون..كانت اغنية ريحني فرفعت الصوت على الاخير...

ريحني ايامي الحلوة بس وياك..
ريحني اناا حلمي سنيني وعمري هواك..
واذ لي في الدنيا دنيا جديده ابيهاا معاك...
ولااا امية دنيا ودنيا تخليني انسااك
واذا قلبي حن ودق لغيرك اتحدااااك...
ريحنييييييييي,,


فتحت الشنطه الكبيرة اللي تضم ملاابسي وملاابس وافي... وطلعت فستان صوف مشقق لحد الركبه لونه عنابي باكمام طويله..
لبسته بسرعه ووقفت قدام المرايه ازين وجهي..
لااحظت ان وافي حط المخده على وجهه وقام يضغط على راسه... ضحكت بلؤم...مايقوم الا بهالطريقة...
حطيت روج عنابي وافي يحبه كثير علي...ورسمت حواجبي بس لأنهم شقر وفاتحين فاضطر ارسمهم دوم..وماسكرا...
ورحت لوافي على السرير...جلست على طرف السرير..ومسكت ورده لونها ازرق من الورود اللي اهداهم لي امس لسه ماجفت..
ودخلتها تحت المخده وانا اغني له:

ريحني وعطني حبك..والله ابيييه...مافي شك اني احبك واموت فييك..
واذا لي بالدنياا دنياا جديده ابيهاا معااك..ولااا امية دنيا ودنيا تخليني انسااك..
اذا قلبي حن ودق لغيرك اتحداه....
ريحنيييييييييييي"

صرخت بآخر كلمة بعصبية..فشال وافي المخده عن راسه..
: خير ياا طير....وش تبين مع الصبح؟؟..وش فيهاا جنونتك قاايمه؟؟.."
قلت واناا اوقف واحط ايدي على خصري
؟: وش ابي؟؟..لااا ابدا سلااامتك.بس ابي اطاالع فيك واتاملك...شكلك حلوو مع الصبح.."
وافي اللي ابتسم بكسل: ملكه...حرام عليك ناامي..وش هالنشاط اللي فيك؟؟..وعلى فكره اللون روعه عليك.."
حمرت خدودي بقوة...ولفيت عنه ورحت للشباك اتامل الدنياا: وافي خلناا نطلع الجو يهبل...ليش ماخذيت شااليه؟؟.."قلتهاا بحسره..
وافي وهو يهز كتوفه:ماخذت شااليه لأني اخاف عليك لأنك ماتعرفين تسبحين...و طيب ربع سااعه بس انوم...لأن فيه حلم مرة يهبل ابي اكمله...عن وحده مزيونة.."
صرخت فيه بضيق وانا اشيل اللحاف عنه: آآآآآآآآآآآآآآآآآآه..مافيه نوووم يله يله قوووم.."
بس سفهني ورجع كمل نوم..





فيه شيء نسيت اكلمكم عنه...صح؟؟..الزوااااااااااج الثااني..
آآآه ليت كل الحريم يصير لهم اللي صاار لي...اناا هي الزوجة الثاانية...اناا هي الحظن الثااني...اناا هي البيت الثاني....والقصر لي اناا...والهدايا حقتي اناا....
ياربييييه احس اني بحلم...حياه مثل الجنه...صح اني لمن اتذكر صيته يضيق خلقي مرة...بس بعد...حياتي مع وافي في غاية الروعه...
لمن قاالي ذيك الليلة انه صدقني...سألته عن الثاانيه...فاعترف لي..ان حتى خوااته داريين..وان ماافيه ثاانيه...وانه كان ناوي يسوي حفل مفاجأة لي على انه حفل زواجه ويغصبني احظر واتفاجأ هنااك...
لكن اللي صاار مع صيته..خلاناا ننسى فكرة الحفل..واناا الحمدالله كنت راضية بكل اللي صار لي...
مهاا الحمااره كانت تعرف كل شيء...ومسكته ومعطت لهاا شعره وضربته بكوس على بطنه بقوووة قبل لاا نطلع الخبر...
خلوهاا تستاااهل الدبه...كانت تستمتع باغاظتي...ولااا كلهم يقولون اني غبيه...لأن مواصفات العروس الثانية واضحه...
صرخت بوافي بعتب: بس اناا خشمي حلوو.."
فكلهم ماتوا ضحك...







بالنسبة لمرض وافي....اناا قررت اني ابد ما اقول لوافي عن اني اكتشفت هالشيء..لأني خفت انه يفهمني غلط..ويحسب اني اعامله كويس شفقه...وصحيح ان البدايه كانت كذاا....
لكن بعدين لاااء...تفجرت فيني احاسيس فضيعه..ماتشبه ابدا المشاعر اللي كنت اكنهاا لمسااعد...
مشاعر غريبة مؤلمه لذيذة..هذاا اقل وصف لهاا...
كنت كل ليلة اسجد لربي ركعتين وادعي فيهم واناا ابكي...ان ربي يشفي وافي...
ماكنت ابي اقوم بيوم والقاه جنبي متمدد بدون حركه او روح...
كان الخوف يشلني كل صباح لمن افتح عيوني ببطء...واشوفه نايم بدون حركه...لااا شعوريا اقوم اهزه بقوة..عشان اتأكد انه لسه حي... احط راسي على صدره..امسك ايده اتاكد من نبضه....
صعب شعوري اوصفه...لمن يتألم من الصداع اللي فيه...نوبات صداعه كثرت...واناا لمن اشوفه بهالحال...
ادخل الحمام وابكي ابكي...بدون توقف..لسااعه ساعتين ثلاااث...
لين يجي اهو يطلعني من الحمام ويضمني ويسألني عن سبب صيااحي...
وكان جوابي واحد ما يتغير: اخاف افقدك!!..."






صرخت بحمااس واناا اركض واصور وافي....وافي سجل هدف..كان هدف رووعه من نص الملعب..
كان الملعب على الشاطىء... والاعبين اعمارهم من 6-12سنة.. بس وافي هو اللي كبير..
بس حراام ماكان ظالمهم..كان يعطيهم وجه اكثر من الازم....وكان مايناور فيهم كثير لأن اطول واحد فيهم يوصل لبطنه..خخخ ^_^
واحد من الصغار مرة...قاام يركض بالكورة..ودخل هدف وفريق وافي فراحنين يحتلفون بهدفهم ووافي شايلهم كلهم...
يااحياتي اكيد كسروا ظهره....
صرخت معترضه خصوصا اني اناا الحكم: لااااء...لاااء مايصير...ما يحسب هالهدف...انتهى الشوط الثااني...."
الفريق المنافس زعل مرة واعترضوا واشتكوا لوافي اني مرة وما افهم بالمباراة ومفروض وقت اضافي...
انقهرت منهم كلهم....وحطيت ايديني على خصري...فاشر لي وافي والله بس هالوقت الاضافي...
قلت واناا اصفر: يله عندكم تسع دقايق..بسرعه..."
صررخت واناا اشوف واحد من الصغاار اللي بفريق وافي يحاول يسجل هدف...بس آآآآآآآآآآآآآآآخ ما دخل....ابي امووت من القهر...
لييييييييييييه يا ربيه؟؟..
وافي اللي ماكان يبي يدخل اهداف... كان يلعب اي كلااام بس علشان يسكت فريقه...ويأشر لي كل شوي..بحركات تموت ضحك...
وبالاخير اضطريت اصفر عشان انهي هالمباراة الماساه والله...
"يله يا شبااب...تعالواا خذوا هالسندويشات.."
تجمعوا كلهم حولي...فرحت اوزع عليهم السندويشات اللي اناا سويتها بنفسي....واعطيهم عصيرات...اماا وافي اخذ حبة ذرة بس وصب له شااهي...وراقبهم وهم يروحون...
جلست جنبه وصبيت لي فنجال شاهي..وقمنا نتأمل بالبحر..كان روووعه...الرمال الذهبية....السما الصافيه الزرقاء..الشمس الخفيفه مرة مع الشتاء...
لوحه بمنتهى الجمال...وتذكرت اللوحه..فالتفت يم وافي..
: : تراني طلبت من ناس ترسمك..."
وافي وهو يقطب حواجبه: وش لك بالرسم؟؟..دام عندك الاصل؟؟.."
: ماليه فيه غير اني احب اتامل بصورتك حتى لو تكون بعيد عني.."
حركت خصله جات على جبينه عن وجهه: شلون اعيش من دونك؟؟..جعل ربي يآخذ عمري قبلك.."
زعل وافي وعصب: ملكه..لااا تطرين طااري الموت...ان شااء الله نعمر سوه..ونموت سوه بس بعد مية سنة.."
ابتسمت بشر: وقتهاا بتصير انت الضعيف واناا القوية...ويصير اتحكم فيك مثل ماتبي..وانت ياله تحرك من مكانك.."
وقلدت صوت واحد من الشياب: ياا ملكه...ابك انت وينك فيه؟؟.."
وافي وهو يضحك ويقلد صوت العجايز: والله ان عقلك ماهو براسك...هذاني قباالك..كبر البقرة.."
صرخت فيه وانا اضربه بقوة على يده: بقرة...اناا بقرة..اساسا حتى لو عجزت ماراح يروح جمالي..."
وافي بتريقة: ايه...قاابليني...لااا يكون محسبة نفسك اليزابيث تايلور..."
رديت عليه بغرور: والله ازين من اليزابيث وعشره مثلهاا...وانت عارف هالشيء اكثر من غيرك.."
وافي بكسل: ضايقتك؟؟.."
قلت وانا مسوية زعلاانه: لااا ابدا...ابسطتني.."
وافي وهو يقرص خصري: يله عااد ابتسمي..ترى ماحب اشوفك مكشرة..."
صرخت بصوت خافت: وافي..تراناا قبال الله وخلقه...يعني لو مر احد..ماله دااعي يشوفناا كذاا..."
ضحك وافي ولااا علق على جملتي..بس بعد دقيقتين تقريباا...
: مشاري يبي يخطب..."
صرخت بفرح حتى ان وافي انفجع وانتثر عليه شوية شاهي: صدددددددددق؟؟..ونااسه مين بيخطب؟؟..."
وافي وهو يمسح اللي انتثر عليه ويعدل جلسته شوي: بسم الله الرحمن الرحيم..ياحبكم لطااري العرس...والمصيبه انكم بالسنه تحظرون اكثر من عشر ومع هذا مايكفيكم..."
رديت عليه وانا ابتسم: مو مصدقه..مشااري...مشاري بيعرس..مسررع...مابين زواجك وبينه فرق.."
وافي وهو يحك شعره: بس خطووبة...والزواج بعد سنة تقريباا.."
: آهاا...طيب مين سعيدة الحظ..؟؟..مروومه؟؟.."
وافي وهو يغمز لي: ودك تزوج صح؟؟..لااا مو مرام...يبي يخطب وحده من بنات ناصر الله يرحمه..."
: مين سماح ولاا روعه؟؟..او ميران؟؟"
وافي: مهاا تقول انه يبي روعه...لأنه شافهاا يوم زواجناا..."
: والله؟؟..هذي الساعه المباركه روعه تصير سلفتي ونااسه صدق..
بسس!!"
وسكت شوي وكملت: ابوهم توه ميت...ما اتوقع انه وقت مناسب.."
وافي وهو يطاالعني: اكيد...بس اهو يبيك تجسين نبضهم...وتشوفين اذا البنت معطيه لاحد...او لهاا خاطر باحد....."
قلت بفرح: اكيد...راح اسال سمااح..لأنهاا ماراح تقصر وبتعلمناا..."
وافي وهو يوقف ويمد ايده: مااودك نرجع السويت؟؟.."
قلت وانا امسك يده واوقف: مالي خاطر ارجع...بس شكلك تعبت انت...وانا بما اني زوجه صاالحه وغير لحوحه راح ارحمك ونرجع..."
وافي وهو يقرب مني مرة: امووت بالزوجه الصاالحه..اناا!!"
صرخت فيه بخجل واناا ابعد واشيل الاغراض اللي على الارض: وااافيييييييييي!!...الناس وش بتقووول؟؟.."
مارد علي واخذ يلم الاغراض معي...

طالعت بالعلبة المغلفه على التسريحه..وجااني فضول اعرف وش فيهاا؟؟..لكن ماتجرأت اني افتحهاا رغم اني عاارفه انهاا لي...
كناا توناا راجعين من بره...وقفناا عند محل مجوهرات فخم..ونزل وافي لوحده ورجع ومعه هالعلبة....واول مارجعنا البيت...دخل الحمام يآخذ شاور...وترك العلبة على التسريحه..
علبة مغلفة بتل ذهبي وشيفون احمر خياالي....
المهم ان هاليوم هو آخر يوم لناا بالخبر...لاازم نرجع عشان زواج مهاا....عشان يمديني اساعدهاا بتجهيز الاشياء الرئيسية...لأن مهاا الله يهديهاا نايمه بالعسل...
واللي دقت علي حصه يا عمري..شاايله هم بنتهاا اللي ماهمها من شيء....كانت شوي وتصيح وهي تسألني متى ناويين نرجع؟؟..وطبعا الاخ وافي ماكان له نية يرجع ابدا على حسب مافهمت منه...
بس انا اللي قررت اني افزع لحصه واكلم وافي...عشان نرجع..وبعد عرس مهاا فيه مية حلاال...
وبعدني اهو وعدني نساافر مع مهاا ورجلهاا...وعياا يتكلم لي عن رجل مهاا...بس اكد لي انه رجال ماعليه خلااف..وعلشان كذا ماتدخل بموضوع مهاا نهائيا...
طلع وافي من الحمام..وكان ماسك المنشفه ينشف شعره... ابتسمت له بدلع واناا اطالع فيه وارجع اطالع بالعلبة...
مات ضحك علي حركتي: الله يا زين المصاالح يا ملكه..."
قلت وانا اتكلم بنعومة زي الصغار: ممكن اسوف؟؟.."
رجع يضحك وهز راسه بمعني لاااء...
: الله يحليك....لااا تكسفني.."
عض على شفته وهو يعطيني العلبة: افتحيهاا عشان ماتموتين علي.."
فتحت العلبة بسررعه..وطاارت عيوني لمن شفت ساعة شوبارد داخل العلبة..واااااااااااااااو..فعلاا واو...
عجزت عن الكلاام...وحسيت اني مو قاادره اعبر...وافي غرقني بكرمه والله...بس كل مرة احس اني عااجزه عن الكلاام...
اناا عمري ما اهديت له هدية...لاازم اهدي له اول ما ارجع الرياض وانزل مع مع مهاا السوق...
راح اغرقه بفلوسي وحناني وكل شيء يبيه...اهم شيء يعرف انه اغلى من كل الفلوس اللي مكتنزة بحساابي..
دمعت عيوني...ورفعت له وجهي..والامتنان كان باين علي..
وافي وهو يترك المشط اللي بايده ويمسكني مع كتوفي: ملكه عيوني وش فيك؟؟.."
: وافي...مرررة شكرا..انت تخليني عااجزة عن التعبير.."
وافي وهو يرجع شعري ورا اذني: احسن...ليتك تصيرين عاجزة عن التعبير بالصبح.."
: هههههه..." ضحكت غصبا علي..ودزيته بعيد عني شوي...
قلت واناا اروح للشنطه واسكرهاا: طلعت لك ثوبك الكحلي..مع اني افضل انك تلبس حاجه سبور..."
وافي وهو يرجع يمشط شعره: لاااء عيوني...بنروح المزرعه على طول ترى..."
وكمل وهو يلف علي: انت عاارفة ان هالخبل مهاا عيت تشوف رجلهاا؟؟.."
: يؤيؤ....يا فشلله...طيب..عساا ماسوى ابوهاا مصيبة..."
وافي وهو يجي يآخذ ثوبه من فوق السرير: ربي رحمهاا لأنه ماعلم احد...بس حصه هي اللي علمتني.."
قلت واناا اوقف: وافي...ماينجبر قلب على قلب...البنت ماتبي الولد.."
وافي وهو مو مقتنع: مهاا ماعندهاا سالفه..تشوفين بكره اذا ماغيرت رايهاا...انت عاارفه وش عذرهاا؟؟.."
: وشوو؟؟.."
وافي بملل: اعذارهاا تافهة...اول عذر.. موب حلوو...ثاني عذر..مو فارس احلاامي...ثالث عذر وهو الاسخف..عنااد بابوي."
سكت ولااا علقت على كلاام وافي...انا انغصبت..بس الحمدالله اني انغصبت...ولااا لو تزوجت مسااعد شلون حيااتي بتكون؟؟..







مسكناا خط البر...من الشرقيه للرياض...وشوفوا الفرق المهول بين هالسفرة واول سفره لي مع وافي...
هذي كلهاا ونااسه وسواليف..وحب!!..ايه حب اشوفه واستمتع فيه بكل كلمة من كلمات وافي..
قلت لوافي: طيب..مو عيب نسافر معهم؟؟..يعني هم عرساان وانت فاهمني..صعبه عليناا كلناا..."
وافي وهو يآكل تمر: وش اللي صعبه؟؟..احنا ما راح نسكن معااهم... بنسافر معاهم..هم راح يآخذون حجز بفندق واناا عندي شقه هناك..."
قلت بتردد: بس لوو...يسكنون معناا مو ازين؟؟.."
وافي وهو يضحك: توك تقولين صعبه.."
قلت واناا افكر بمهاا بونااسه: ايه...بس علشاان انا ومهاا نروح نتسويق سوه...ونروح نتمشى...لاماكن حريم...يعني.."
وافي وهو يضحك بتريقه: ايه...بخليكم تطلعون...لوحدكم..لااا ياعوني ماعندنا بنات يطلعون لوحدهم...بعدين معدل الجريمه بارتفاع هناك.."
قلت بضيق: ابوي الله يرحمه كلن يخليني اطلع مع خويتي سارا وشغالتهم.."
وافي وهو يمسك ايدي: لاا يضيق خلقك..ملكه والله اخاف عليك... انتم سعوديات يا عمري...وهناك الحقد يتصااعد ناحيه اي شيء مسلم وخصوصا لو كان سعودي..."
: يعني خايف علي؟؟..مو شاك فيني؟؟.."
طالعني بعتب: اشك بعمري قبل لاارجع واشك فيك ثاانيه...يله ابتسمي...يمكن مره كذاا اعطيكم وجه واخليكم تمشون مثل ماتبون بس حواليناا قريب.."
قلت بصدق وفرحه: الله لااا يخلني منك يا وافي...مو مصدقه..احس اني بتشقق من الفرحه..مهاا راح تنبسط كثير..."
وافي وهو مستغرب: امووت واعرف ليش انت ومهاا تحبون بعض لهالدرجه؟؟..."
: غيران؟؟.."
وافي بجديه: ايه اغاار...انت قاعده تبدين مهاا علي.."
قلت بحرارة: لااا والله...مابدي احد عليك...بس مهاا مثل ساره بالنسبة لي...صديقة واخت عزيزة علي.."
وافي بتهكم: بنشوف بكره يوم تزوج مهاا..اذا بتذكرك ولااا لااء؟؟.."
قلت بثقة: بتذكررني غصبا عليهاا..اساسا بيناا تحدي..."
وافي وهو يقرب من نقطة تفتيش: غطي وجهك...بسررعه.."
غطيت وجهي اي كلاام..وكالعاده تبرع وافي يعدله لي...
عدينا من نقطة التفتيش...وتكلم الضابط على وافي...وقاله ان الرادار يقول انه مسرع..
وطلب منه يوقف على جنب..ويجيب اوراقه...
وافي وهو ماسك اوراقه قبل لاا يطلع: شفتي وش سويتي فيني يا بنت الناس؟؟..طيرت عقلي...اناا اخالف بالسرعه؟؟.."
وطلع من السيارة..تأملت ظهره العريض وهو يدخل جوه عند الضابط اللي طلب منه يجيب اوراقه..
صبيت لي شاهي..وقمت اشربه على رواقه..وانا استمتع بكل لحظة حلوة مرت لي مع وافي اليوم بس...
احس اني بموت من الحراره...دمي صاير نيران...قرب وافي حريق قاتل مخيف...الله يحفظه لي....اناا راضية بنيرانه لأنهاا اروع نيران...عرفتهاا شخصيا...
رجع وافي بعد دقايق..وكان شكله تافل العافيه...اول مادخل..فضخ شمااغه ورماه ورى...وفتح ازير ثوبه وتحرك...
وافي بضيق: يا شين هالضباط...نفوسهم بخشومهم..ولاا يحبون الواحد يقاطعهم او يبرر لهم.."
: وافي...!!"
قلتها بخوف واناا اشوف وجهه مسود شوي..
وافي وهو يمسك يدي بقوة مرة: عيونه!!...ماعليك مني...بس ضايقني بسلوبه اللي زي وجهه.."
قلت امزح: والله وجهه ماعليه خلاااف.."
وافي وهو مسوي نفسه معصب: والله؟؟..مشاء الله عليكم يا الحريم انواع القز...ولااا تقولين بعد انك ماتشوفين من الغطا؟؟.."
قلت وانا اشيل الغطا عن وجهي: والله ثم والله ثم والله ثم والله.. اني ياله اشوف الضو..اذا مو مصدق وقف على جنب شوي.."
وقف وافي على جنب وهو مستسلم...قمت شلت الغطا اللي بحجري...وحطيته على وجهه...
على طول وافي شاله عن وجهه وهو يتنفس بصعوبة: انت شلون تنفسون تحت هالاشياء؟؟.."
ضحكت: ههههههه...نتنفس غصب عليناا...بس انتم ارحموناا شوي..وماله داعي هالتشديد...البرقع زين..ممكن ارجع البسه..."
وافي باستسلاام..: خلااص ترجعين تلبسينه...لكن بليز حبيبتي...غطي على عيونك...لااا تكشفينهاا دايم.."
قلت وانا ااشر على عيوني: من عيوووني الثنتين....ماراح اكشفهم.."






رجعنا المزرعه...وكان الكل باستقبالناا...خوات وافي كلهم ماعدا صيته اللي معتزله العاالم...وجدته...ومهاا وحنان وحتى ابتسام كانت موجوده...وتخيلوا مين بعد؟؟..مرومه بعينها وعلمها كانت موجوده... لاابسه ذاك الفستان الاصفر اللي يفتن عليهاا..بس حااولت اني ابرد اعصاابي ولاا انفعل...خصوصا ان السفر اتعبني شوي...لأن وافي بعد نقطة التفتيش...صار يمشي على اقل من مهله فبدل الاربع ساعات خذينا سبع ساعات...




مهاا بحمااس وهي تسحبني في المطبخ: هااا...قوليلي كيف؟؟.."
قلت بخجل: وش اللي كيف؟؟.."
مهاا وهي تغمز بعينهاا وتطلع الحلى من الثلااجه عشان تقطعه: انت عارفه وش اللي كيف؟؟..حياتك مع خالي هالحين؟؟..اكيد غيييييييييير عن اول مية مرة.."
قلت واناا ارجع شعري ورا اذني: غير..وبس!!...وافي عيشني حياه مستحيله يا مهاا..."
ورفعت عيوني للسقف افكر بوافي: مهاا لو افقد خالك راح امووت...صدق اني كنت قاسيه عليه...وكان قاسي علي...صحيح ان الظروف العبت فيناا...بس لاااء...اكتشفت انه مثل ماظلمني انا ظالمته..ودامه سامحني لاازم اناا اسامحه.."
مهاا بفرح حقيقي: ياااااااه..هذا اللي كنت ابي اسمعك تقولينه من شفتك...سعااده وافي مهمه عندنا كلناا يا ملكه..وافي نبع الحنان اللي عمره ماجف..كنت استغرب لمن تقولين انه قااسي...وافي الحنون اللي احن منه ماافيه..اللي شايل همنا كلنااا..."
: مهاا...اناا احب...اناا احب.." قلتهاا مو مصدقة واناا احط ايدي على جبيني...
مهاا وهي تمسك يديني وتدور فيني: اخيراا اعترفتي... اخيرا..خالي لقى سعاادته..."
: والله؟؟.."
التفتنا لمصدر الصوت...كان وافي وكانت معه مرام...
ابتسمت له بس ابتسامتي تجمدت لمن شفت مرام...
مهاا بقصد: ايه يا خالي..شلون ماتلاااقي سعادتك وانت تزوجت الملكه....يا خالي.."
وافي يستهبل: اي ملكه؟؟.."
قلت مسوية فيها عصبية وانا احط القهوة بالصينية: والله؟؟..هالطول ولاا شفتني..."
مهاا تتريق: ايه عااد لاا اله الا الله..عليك طول...يخزي العين.."
قلت وانا اسوي نفسي مفجوعه: قل اعوذ برب الفلق...انت وخاالك ذبحتووني بسبة طوولي...اخاف يجيني شيء.."
وافي وهو يقرب مني مرة: بسم الله عليك من العين...."
وكمل بلهجة غريبة: اناا فعلاا خاايف...خايف احسد نفسي عليك..خاايف تروح هالسعااده...يمكن امووت..."
حطيت ايدي على فمه بسرعه: لااا تكمل..ان شاء الله عدوينك يا عمري.."
مهاا وهي تصفق بونااسه: يااااااااااااي...اموت بالرومانسية..ياربيه..."
طالعت بمهاا وانا ابتسم بخجل وابعد عن وافي واشيل صينية القهوة....لقيت مرام واقفه بوجهي...كان وجهاا مبهت..وعيونها ضايعه....
وحزنت عليهاا من قلبي..صعبه تحب شخص ماايحبك..لاازم اكلمهاا بصدق..هي مسكينه مو ذنبهاا..هذاا وافي مين مايحبه؟؟..




ابتسمت لمهاا اللي كانت تصرخ بضيق: مااابي هالارواب..حرام عليكم يا ناس...شايفين الحياا منفصخ مني...وش بقول للرجال لو فتح شنطتي ولقاا هالبلااوي؟؟.."
حنان اللي كانت تكتم ضحكتهاا: لااا تقولين له شيء..صدقيني ماراح يتجرأ ويسألك..."
مهاا وهي تمسك ايدي بتوسل: ملكه...الله يخليك..ماابي اشتري هالارواب...مرررررة قصيرة..خليني اشتري بجايم حرير كشخه..وخلاااص كافي يحمد ربه...قرد وجاته غزال..."
: ياا مهاا عيب هالكلااام...وش قرد؟؟؟..ترى زوجك رجال مافيه الا الزين..واذا كان مظهره الخارجي عادي...فتراه ماخلق نفسه..."
حنان بجديه: ياختي اللي يسمعك يقول...ملكة جمال العالم...رى حتى انت عااديه واحمدي ربك بس.."
: لااااالالالا...مهاا قمر 14...وعليها نعومة وملح مو بغيرهاا...ما اسمحلك يا حنين...هي مهاا بس متوترة هالحين ولااا بكره راح تفداه كل شوي..."
مهاا بضيق وهي تنفخ: اففف....الله يستر من بكره...انا كل ما اتذكر اني بعرس تجيني حااله نفسية واكتئاب شديد...ودي اذبح عمري...بعدين تعاالي.."
لفيت عليهاا وانا اشيل روب بنفسجي بايدي من الحرير الناعم مرة وحلوه قصته وطوويل مرة:وشوو؟؟..وش رايك بذا؟؟..بآخذ لي واحد..تبين واحد مثلي.."
مهاا وهي تنفخ: عاادي خذي لي و