أحسب نجوم الليل

بسم الله الرحمن الرحيم
السلام عليكم ورحمة الله وبركاته

أنا البارحة ماامسيت دمعي على الخدين
أحسب نجوم الليل لين أذن التالي
سبايب غزال(ن) حط في ضامري نارين
واقفى يتمشى رايح (ن)مارحم حالي
بو مبسم(ن)زاده حلا لمعة السنين
لا من تبسم نورها يشعل اشعالي
وفستان هندي ما حلا ركزة النهدين
في وسط صدره يوم عرض من قبالي
صدفني صلاة العصر في مفرق السوقين
دخل العمارة يشتري كل شي غالي
شرى له مقاضي مايقارب ثمنها الفين
وصوت له ياعم تحتاج حــــــــــــمالي
لحظني بعين(ن)سهمها قصني نصين
وقال انا ارجوك رح مالك ومالــــــــــــــــــــــي
قلت له أنا أرجوك ارحم المسكين
ترى ماحد(ن) غيرك بالهوى شاغل(ن) بالي

من روائع الفنان الراحل / عيسى بن علي الأحسائي