مـن اجمـــل قصائد الشااعر المتميز فهد المساعد
:suspect: :suspect: :suspect:
اتـركم في رحله مع اعذب الشـعر وارق الكلمات .....
رسالــهـ
ياصاحبي جيتك اشكيلك من أحوالـي
جيت ومادامك رفيقـي ليـه أطوّلهـا
العلم وما فيه يـا أول وآخـر أمالـي
عندي رساله ولا ادري كيف أوصلها
للي سبتني وأنـا مـن قبلهـا سالـي
أبيك توقف معي .. وتروح وتسألهـا
وش فيها تفتح علي أبـواب عذالـي
وتحمّل النفـس حاجـه مـا تحملهـا
وش فيها رغم الوفا تتركنـي لحالـي
وأنا لجفاها تركـت الدنيـا بأكملهـا
إن كان هذا زعل .. علمهـا يالغالـي
ما كان قصدي ورب البيـت ازعلهـا
علمها واللـي يخلـي قلبـك الخالـي
عن ضيقتي وين وصلت من تجااااهلها
علمها كم لي وأنـا ماشلـت جوالـي
كله علشـاااان مـا اقلـب رسايلهـا
وعلمها وشلون لامرت علـى بالـي
أروح وأضـم صورتهـا واقبلـهـا
وعلمها كيف انشغل عن كثرة أشغالي
واسرح واغمض عيونـي واتخيلهـا
علمها عني وعـن همـي وغربالـي
علمها عن كل حاجـه فـي تجهلهـا
وان شفتها دنقت تبكي علـى حالـي
انسى الكـلام وتذكـر كلمـه وقلهـا
قل شاعرك يعتـذر ويعاهـدك تالـي
انـه يرتـب حساباتـه مـن أولهـا
ويقول حتى القصيد اللي علـى بالـي
والله ماعـاد اكتبـه كانـه يزعلهـا
:!: :!: :!:
نـاسـ فوقـ وناسـ تحتـ
صعب لامنك فشلـت وصعـب لامنـك لقيـت
إن من يكره نجاحك يـدري انـك مـا نجحـت
امس ضقت ورحت اقلـب ذكرياتـي وانتهيـت
عند صورة طفل صوته مثل صوتي لا انجرحت
وش مثل ؟؟ لا والله إلا هذا أنـا يـوم ابتديـت
انطق حروفٍ تلعثـم فـي لسانـي لا انمدحـت
هذا أنا يوم الحيـاه فـنظرتـي عشريـن بيـت
ومسجدين ومدرسه من طين كم فيها اصطبحـت
هذا أنا .. وأصبحت أتمتم .. (هذا أنا) حتى بغيت
اختنق بس القدر عيّـا علـى موتـي وطحـت
وصاح صوت الطفل فيني انت من وين ارتميت
قلت أنا المستقبل اللي فيه كم همـت وطمحـت
امس كنت أبيـك تكبـر بـس والله لـو دريـت
اني اللي عشت لجله مـت عنـدك واسترحـت
لو دريت إن الزمان يجـر رجلـي مـا عديـت
ولو دريت إن البحور بلا موانـي مـا سبحـت
كان دربك لي طويـل وكـل ماشفتـك هويـت
قلت لك كبوة جواد ومـا كبيـت إلا وجمحـت
ليـه تسمعنـي وتمشـي آه ليتـك مامشـيـت
وآه ليتك من كثـر عثـرات الأيـام انتصحـت
ضاعت احلامي وضل الحزن فينـي واهتديـت
للطريق اللـي يودينـي علـى دمعـي ورحـت
يالحزن ليتـك مثـل دمعـي وتنـزل لارقيـت
بس أعرفك لو مسحت الدمع تبقى ما انمسحـت
كان حلمي في وجـود إنسـان يبكـي لابكيـت
وصار حلمي في وجود إنسان يفـرح لافرحـت
كنت اشوف الناس مثلي كل ما جعت وضميـت
ما دريت إن الاوادم ناس فـوق ونـاس تحـت
آآآه يا أول ذكرياتي خذنـي فـحضنـك نسيـت
لأسألك عن وجه ابوي اللي معه يامـا سرحـت
خذني فـحضنك ابغفى .. ياااااه مبطي ماغفيـت
وان لمحت دموع عيني سو نفسـك مـا لمحـت
خذني فـحضنك وبعثر في جروحي وان قضيت
هزلي كتفي وقلي : عيـب تبكـي لـو سمحـت
اضحك وعلم زماني من أنا .. ومن وين جيـت
طق باب الحزن واصرخ فـيّ لامنـي فتحـت
وضمني يمك .. وكمل ضحكتك لامـن بكيـت
ودي اذكر كيف كانت ضحكتي لامـن فرحـت
:!: :!: :!:
يـبـهـ
يبه وأنا بعد (( 12 )) عام حسيـت
انـي قـدرت أقـول شـيٍ كتمتـه
ابطى قصيدي ما أنكتب فيك وابطيت
اجر صوتي وارجع اجـر صمتـه
ما ودي اكتب بيت واندم على بيـت
ماهو بشعر .. الشعر كاني زهمتـه
الشعر كانه ما انحنى لي مـا جيـت
إن ماعـزم مرثيتـك مـا عزمتـه
إن ماكتبته بأزرق الدمـع وأبكيـت
كل الجروح المبطيـه مـا رحمتـه
يبه وأنا من بعـدك أبـو التناهيـت
مـا مـر طعـمٍ للحـزن مانهمتـه
يبه .. (يبه) كلمه وأنا كل ما أوحيت
كلمة يبه ((صديت والوقت لمتـه))
يبه .. (يبه) كلمه وأنا كـم تمنيـت
اهدم بها وابني بهـا اللـي هدمتـه
يبه وأنا لاضقت رحـت وتهجيـت
ركـون بيـت ضـم حلـمٍ حلمتـه
يومـك تعلمنـي ولامـن تحاكيـت
درس الحياه اللي كبـرت وفهمتـه
هنـاك كانـت دلتـك لاتقهـويـت
وهناك كان يسـاق طيـبٍ حشمتـه
وهناك إيه اذكرني .. هناك خليـت
طفلٍ ملـى بالدمـع دربٍ رسمتـه
هناك جاني علمـك انـك توفيـت
وهناك خاويـت الشقـا واحتزمتـه
واليوم قلت اليـوم يومـي ومديـت
كف القصيد وطاح شعـر ونظمتـه
لكن بعد صمت (( 12)) عام حسيت
اني عجـزت أقـول شـيٍ كتمتـه
:!: :!: :!:
الـجـرح
ياصغيّر السن قدرك طاحت أبراجه
الجرح خلى الصخر ينطق ونطقني
خلاص ماعاد تعنينـي ولا حاجـه
رح جعل ربـي يوفقـك ويوفقنـي
من بعد ما كنت نور العمر وسراجه
اليوم صرت الظلام اللي يطوقنـي
عطيتك أكثر من اللي كنت تحتاجـه
أسرفت فـالحب لين الحب وهقنـي
خلاص مالي ومال الحب وإزعاجه
مالي ومال الدروب اللي تضايقنـي
تعبت أضم البحر واهـدي أمواجـه
تعبت أجامل وأشوف الوقت يسرقني
شكواي للي عليه الضيق وافراجـه
اللي إذا شاء يرحمنـي ويرزقنـي
أما انت يابو جبين عقّـد احجاجـه
لاعاد تسأل علامك منت طايقنـي
الناس كلٍ علـى دربـه ومنهاجـه
وأنا عن الناس مابه شـي يفرقنـي
إلا اني دايم أحب الصدق وأواجـه
مخلوق والله على هالوضع خالقنـي
حتى رفيقي ضماد القلب وعلاجـه
على كثر ما أتمسك فيـه صدقنـي
لو ادري انه مرافقني على حاجـه
لاامسّكه حاجتـه وأقـول فارقنـي
:!: :!: :!:
اللـي تـركـنـي
اللي تركني وأنا في عـز غربالـي
بعد الشدايد وش اللي ذكـره فينـي
يبغى زماني يعود ويرجـع الغالـي
وشلون يرجع بعد ماطاح من عيني
لا الوقت وقته ولا له شي في بالـي
أنا نسيتـه مثـل ماكـان ناسينـي
أنا تمنيت نظره منـه فـي حالـي
ياما تمنيـت صوتـه لـو ينادينـي
وأقول لأظلم علـي الليـل بلحالـي
الله يجيبـه يشتـت غربـة سنينـي
من كثر ماكان طيفه دايـم اقبالـي
أحيان أحسه معي وتضمـه ايدينـي
ولامن تنبهت ليـن وجيـه عذالـي
كلٍ علـى ماطـرا بالـه يسمينـي
ليته تركني بعد هـذا علـى فالـي
زي ماتركته بعـد قتلـه بساتينـي
من بعد ماصار جاء بلسانه الحالـي
يبغى يرجّـع زمـانٍ بينـه وبينـي
قولوا له إني ما أحبه كثر ترحالـي
أو لا .. حرام يتضايق وإلا يبكيني؟؟
قولوا له إني أحبه .. بس من تالـي
إن راح وإلا رجع ماعـاد يعنينـي
معـ حبـيـ
