أحبك كثر ماترسي المراكب في موانيها

على طاري الوداع وغربة الأرواح والترحال
وعلى طاري الدموع اللي تخلت عن مواقيها

حبيبي والهوى ينبت على قلبي حلم واّمال
وشرايينني تضخ الدم من أشواقي وترويها

أنا اسمع دايم الأمثال تقول(الحب يهد الحال)
وأنا اقول الهوى جنة مادام الوصل يحييها

دخيل أنفاسك وخدك ورمش عيونك القتال
ودخيل شفاهك اللي ببسمتك دايم تحليها

أبيك بصدق توعدني قصر معك الزمن اوطال
حياتي يابعد عمري دخيلك ماتخليها

وأبيك تكون لي جنة اذا طاح البخت أو مال
وابي عينك تراعيني من الدنيا وبلاويها

وأبي حبك يغطيني من أسفل كاحلي للشال
وأبي صوتك يذوبني مثل شمعة انتهى ضيها

وعلي أفرش لك أهدابي واحط رمشي غطاوظلال
واضمك داخل ضلوعي وأذوب لك محانيها

وعلي أرسم بك أحلامي واخلي الروح بك تختال
واسميك بحشا روحي حبيبي وانت غاليها

بعد عمري بعد روحي بعد أعمامي والاخوال
وبعد كل الشعوب اللي تموت في أراضيها

أحبك ايه انا أحبك وحبك بالحشا لازال
وأحس انه بعد يزداد بكل لحظة وثوانيها

أحبك عدد لمعان البروق وغيثها الهمال
وأحبك عدد مخلوق وطا الارض ومشى فيها

أحبك كثر مافي الكون من بحور وشجر وجبال
وأحبك كثر ماترسي المراكب في موانيها

أحبك كثر أنفاسك وعدد مافي الصحاري رمال
أحبك كلمة بشفاهي ولا أدري كيف أحكيها

تخيل من كثر ماأهواك وكثر ماعشقك بخبال
أحس اني ملكت الأرض من اولها لتالها

وعلى طاري الوداع وغربة الأرواح والترحال
كتبت اصدق أحاسيسي من أولها لتاليها