الجريمة /حامد زيد

موضوع: الجريمة /حامد زيد السبت مايو 23, 2009 3:34 pm

الـجـريـمـه

يوم ثارت في جنوناً من جنون الجاهليه

عاتبتني لين شبت في شراييني لهبها

استفزتني وفزت وزعلت مني عليا

واستضاقت من كلامي يوم زعلني عتبها

من بعدها ما بقى لي فيه محاميها بقيه

اسدلت دمع المحاجر للبكى وانخت هدبها

والله اني ما نويت ابدي معها بالخطيه

بس هي اللي تعدت حدها لحظه غضبها

يمكن اني كنت قاسي بالعتب معها شويه

كثر ما كانت تتمنى راحتي واعشق تعبها

والله اني كنت اكابر بالعتب في حسن نيه

بس ابدري هو صحيح اني الوحيد اللي عجبها

جرحتني بالكلام وكبرت حيل القضيه

وخسرت بي كل عرقا من شراييني كسبها

والا هي ما كان فيها للموادع مقدريه

والجفى كانت تعافه بس مدري وش قلبها

ليتني ما رحت اقايس قيمتي عند بدويه

رجعت لي كل عرقاً حبها والا نهبها

وعلمتني كيف ابنجح وانتصر وابقى ضحيه

وعلمتني كيف قلبي لو غلبها ما غلبها

وعلمتني يوم صدت عنفوان الاجوديه

ما تلوح للمقفي لو سلبها ما سلبها

رابيه بين القبايل والعرب واهل الحميه

عاقله ما تبذل الا نخلة تعرف رطبها

ان تهادت ذكرتني في خفوق العامريه

وان تمادت تركب ابليس الرجيم وما ركبها

جفنها لا سلهمت به ما يطيق السامريه

تسحبه برضاه عينه وان سهت عينه سحبها

وان حكت تعطي مكانه للحروف الابجديه

كن كلمتها تتلفت للكلام اللي عقبها

والحروف ليا تعدت بالشفاه النرجسيه

كنها صارت قصيده بس ربي ما كتبها

وش بوصف من حلاها وش بخلي للبريه

ما بها بالحسن عيبا وكشفت الا حجبها

شعرها فيه الخوي اللي تبرى من خويه

والشفا لو تشرب الماء واختلط فيها شربها

كن في ضمة شفها جمرتين بنار حيه

كل من حس بدفاها واحترق صد وقربها

شفتها مثل الجريمه وابتليت بها بليه

غلطة جيت اتحاشى ظلمها قلت ارتكبها

كل شي شفت فيها فيه نبرة جاذبيه

موهبه من فضل ربي واشهد ان الله وهبها

كلها لله بلله فاتنه هالادميه

عاجبتني من بداية راسها لأسفل كعبها

لو تبادلني شعوري والهديه بالهديه

ما وفتني لو تبيع ثيبها واغلى ذهبها

هملتني والقلوب الجرهديه جرهديه

وحرمتني والمحبه نارها تأكل حطبها

والا انا ما كنت اكابر والليالي سرمديه

يمكن ان اللي غصبني للولع فيها غصبها

يا خفوقي ودي انك ما انت في حاجة وصيه

شف مكاني وانت تدري وين هي يمة عربها

رح لها وان كان فيها قلب يطمح في مجيه

شف طلبها في عروقه وان حصل تمم طلبها

وانشده وان قال عنها من هدر دمي بريه

قله ان اللي حصل لي بالمحبه من سببها

ولو يقول اني تعمدت الزعل لجل الاذيه

قله اني ما اتحمل بالعتب قلة ادبها

ولو يقول اني انا اللي كنت بادي بالخطيه

قل هي اللي تعدت حدها لحظة غضبها

قصيييييييييييييييييييييييييييييده روووووووووووعه مثل الي اختارها مشكووووووره اختي انوار تقبلي مروري مجنوونه عبوووس

منوووووووووووووووووره حبيبتي

الله لا يحرمني من هالطله
:)

ابدعتي بالاختيار

الف شكر على القصيده

:!:

يسلمووووووووووووووووو

أنوووووووووووووووو

تحيااااااااااات

:!:

يسلمو عل الاختيار الرئعة من قصائد الشاعر حامد زيد

......... و اللأختيارج القصيدة الأحلى

» الجمهرة )))للشاعر حامد زيد
» مما أحب (للشاعر حامد زيد )أهل الجنوب
» الشاعر حامد زيد ((السفينة))
» مملكة عندنا غير <<<شاعر[حامد زيد
» من روائع الشاعر الكويتي حامد زيد ( نزعلين و تقعدين )